Баянхонгор аймгийн Бууцагаан сумын Хүүхдийн Цэцэрлэг

Бэлтгэл А, Б бүлгээ амжилттай төгссөн хүүхдүүддээ баяр хүргэе👏👏👏💐🥰
Сургуульд элсэн суралцах бэлтгэлээ хангаж, багш, удирдлагуудаараа үдүүлж, хаалтын ажлаа амжилттай зохион байгууллаа🥰
Багш Б. Жаргалмаа, Д. Отгонцэцэг нар маань бэлтгэл бүлгийг хариуцан ажиллаж, 5 насны чадвар, дадлыг эзэмшүүлэн, үнэлгээнийхээ сорил даалгавраа амжилттай гүйцэтгэж, маш сайн өглөө, баярлалаа👏👏👏 Бүгдэд нь амжилт ерөөе.
Арга зүйч Б. Хонгорзул
Арга зүйч Ч. Одончимэг нартаа талархлаа👏
Davaasambuu Gerlee
Ч. Одончимэг, @Хонгороо
Баянхонгор аймгийн Боловсролын газар
Бууцагаан сумын ЗДТГ
Бууцагаан ЕБС
Эцэг эхчүүддээ баярлалаа👏💐хамтран ажиллаж, өнөөдрийн амжилтыг бүтээжээ

2026.05.28
ХҮҮХДИЙН ЦЭЦЭРЛЭГ, ӨЛЗИЙТИЙН 3-Р БАГИЙН "БАГ БАЙГУУЛЛАГА СУРТАЛЧЛАХ САР" аяны хаалтын үйл ажиллагаа:
1. Номын үзэсгэлэн худалдаа
2. Монгол бичгийн үзэсгэлэн, сайхан бичгийн уралдаан 13-15 цагт
3. "Бяцхан зохион бүтээгч" гэр бүлийн уралдаан 16.00 цагт
4. Хаалтын үйл ажиллагааны урлагийн тоглолт 19.00 цагт
5. Шагнал гардуулах үйл ажиллагаа
5. Үдшийн цэнгүүн
Сум орон нутгийн иргэд, та бүхнийг хүрэлцэн ирэхийг урьж байна.
Хаана: Бууцагаан сумын "Соёлын төв"-д зохион байгуулагдана

Баг, байгууллага сурталчлах ажлын хүрээнд нийгмийнхээ сайн сайхан байдлын төлөө тэр бүр хүн хүрч цэвэрлэдэггүй, засмал замынхаа шороо, хогыг цэвэрлэлээ.
Сум орон нутаг маань өнгө үзэмжтэй, гаднаас ирсэн зочдод сайхан сэтгэгдэл төрүүлэх, цэвэрхэн сумыг манай иргэн бүр, залуус бүр, хүүхэд бүр хэрэгжүүлдэг, санаа зовнидог, санаачлага гаргадаг байгаасай💙
Удахгүй сайхан цаг ирнэ байх❤️
Бууцагаан сумын ЗДТГ

Монгол үндэснийхээ өв соёлоо уламжлан авч үлдэх, хүүхэд багачууд, өсвөр насныхандаа зааж сургах, бөхийнхөө уран мэх, дэвээ шаваа, өмсгөл иж бүрэн байх, төрийн сүлд тугандаа хүндэтгэл үзүүлэх гээд олон ажлуудыг зааж сургах учиртай.
Манай цэцэрлэг “Бидний уламжлал-Монгол бахархал” хөтөлбөрөөр хүүхэд нэг бүрээ сурган хүмүүжүүлдэг уламжлалтай
✅Энэ удаа баг, байгууллага сурталчлах аяны хүрээнд ҮНДЭСНИЙ БӨХИЙН “СУМЫН ӨСВӨРИЙН АВАРГА БӨХ” шалгаруулах барилдааныг зохион байгууллаа.
✅7 насны ангиллаар зохион байгууллаа
5-6 нас: Түрүү бөх-Х. Мөнх-Очир
7-8 нас: Түрүү бөх-Э. Насандэлгэр
9-10 нас: Түрүү бөх Э. Эрхэмбаяр
11-12 нас: Түрүү бөх Ц. Өсөх-ирээдүй
13-14 нас: Түрүү бөх О. Тэмүүжин
15-16 нас: Түрүү бөх Э. Баянжаргал
17-18 нас: Түрүү бөх А. Хатанбаатар
Ивээн тэтгэгч:
Өлзийтийн 3- р багийн харьяа
💚Улсын начин Б. Баянжаргал
💚Аймгийн хошой аварга малчин Д. Цэдэв
💚Аймгийн аварга малчин Б. Ганбаатар
💙Сумын аварга малчин Д. Төмөрсүх
❤️Залуу малчин Д. Алтансүх, Б. Ганхуяг,
Б.Баянмөнх
❤️Уран гараа дэвээтэй бөх Х. Хүрэлцоож
❤️Уран барилдаанч бөх Б. Буянтөгс нар шалгарчээ.
Уран барилдаанч, гараа дэвээтэй хүүхдийн шагнал, түрүү бөхийн шагнал Баянгийн 2- р багийн харьяа сумын Заан, аварга малчин Тэрбиш агсаны үр хүүхдүүдээс 350,000 төгрөгөөр ивээн тэтгэж оролцлоо.
ЗОХИОН БАЙГУУЛАГЧ
🇲🇳Өлзийтийн 3-р баг
🇲🇳Хүүхдийн цэцэрлэг
Баянхонгор аймгийн Бууцагаан сумын Хүүхдийн Цэцэрлэг
Бууцагаан сумын ЗДТГ
Altanshagai Shagai

Өлзийтийн 3- р баг, Хүүхдийн цэцэрлэгийн баг, байгууллага сурталчлах ажлын хүрээнд сумын төвд амьдардаг, өрх толгойлсон, бүл муутай, ганц бие ахмад настанд хаврын хавсаргатай, салхи шуургатай, цаг агаарын хүйтэн нөхцөл байдалтай энэ цаг үед аргал түүж, дулаахан гэртээ тухтай байх боломж бүрдүүлж өглөө.
Баянхонгор аймгийн Бууцагаан сумын ЗДТГ
Бууцагаан сумын ЗДТГ
Хамт олондоо баярлалаа🥰
Б. Ерөөлт-Очир багийн Засаг даргадаа баярлалаа🥰

Сумын “ӨСВӨРИЙН АВАРГА” шалгаруулах “ҮНДЭСНИЙ БӨХ”-ийн барилдаан 5 сарын 26- нд болно. Өв соёлоо дээдлэгч эрхэм таныг болон хүүхэд багачуудаа урин залж байна.

ХҮҮХДИЙН ЦЭЦЭРЛЭГ , ӨЛЗИЙТ 3-Р БАГ
"БАГ, БАЙГУУЛЛАГА СУРТАЛЧЛАХ САР"

🌎 ДЭЛХИЙН ГЭР БҮЛИЙН ӨДӨР- жил бүрийн 5 дугаар сарын 15
Улс үндэстэний энх тайван, оршин тогтнохын хамгийн бага нэгжүүдийн нэг ГЭР БҮЛ ЮМ.
👩‍❤️‍💋‍👨 Энэ өдөр Гэр бүлийн үнэ цэнэ, хосуудын зохистой харилцаа, халуун дулаан уур амьсгал дор АЗ ЖАРГАЛТАЙ ГЭР БҮЛ байхыг сануулдаг өдөр.
🎊Энэ өдрийг угтан, “ДУРСАМЖ ДҮҮРЭН- гэр бүл” өдөрлөгийн арга хэмжээг 5 сарын 13- ны өдөр зохион байгууллаа.
Тэмээтийн 1- р багаас 3 гэр бүл
Баянгийн 2- р багаас 2 гэр бүл
Өлзийтийн 3- р багаас 4 гэр бүл
Баянбүрдний 4- р багаас 2 гэр бүл
Нарангийн 5- р багаас 2 гэр бүл нийт 13 гэр бүл оролцлоо.
👨‍👩‍👦 Гэр бүлийн хөгжөөнт буухиа, асуулт хариулт, IQ, сэтгэхүйн авхаалж, самбаа, хурд хүч, авьяас чадвараараа өрсөлдөн нэгэн өдрийг гэр бүлээрээ ДУРСАМЖ дүүрэн өнгөрүүллээ.
🥇Тэргүүн байр: Төмөрхуягийн гэр бүл
🥈Дэд байр: Дашпунцагийн гэр бүл
🥉Гутгаар байр: Алтансүхийн гэр бүл
Тусгай байр: Төмөрийн гэр бүл шалгарч өргөмжлөл, мөнгөн шагнал дурсгалын зүйл ээр шагнаж урамшуулав. Цаг зав гарган хүрэлцэн ирсэн та бүхэндээ талархлаа.
ГЭР БҮЛД НЬ ГЭГЭЭН САЙХАН БҮХНИЙГ ХҮСЭН ЕРӨӨЕ...🥰🥰🥰
Баянхонгор аймгийн Бууцагаан сумын Хүүхдийн Цэцэрлэг
Бууцагаан сумын ЗДТГ

Дасгал хөдөлгөөн хийхийн ач холбогдол

Дасгал зөвхөн таны булчинг хөгжүүлэхээс гадна оюун ухаанд тань хүртэл сайнаар нөлөөлнө
Дасгал сургуулилалт хийх сонирхолтой бидний хувьд дасгал нь жин хасах, биеэ чийрэгжүүлэх, булчин хөгжүүлэх болон эрч хүчийг сайжруулдаг гэдгийг бид мэднэ. Гэвч дасгал нь бидний тархинд сайнаар нөлөөлж байдгийг ихэнх хүмүүс тэр болгон мэддэггүй.
1970-аад оны эхэн үеэс эрдэмтэд дасгал хийснээр ялангуяа ахимаг насны хүмүүсийн хувьд үйлдэл хийх цагийг түргэсгэдэг болохыг мэддэг байсан байна. Харин саяхнаас судалгааны шинэ арга хэрэгслүүд гарснаар, дасгал сургуулилалтын нөлөө нь зөвхөн чиний хариу үйлдэл хийх хугацааг хурдасгах энгийн нөлөөллөөс хамаагүй илүү гүн гүнзгийгээр хүний биед нөлөөлдөг болохыг тогтоосон байна. Дасгал хийснээр суралцах чадвар, ой санамж, болон зан байдал тань сайжрах болно.
Дасгал хийснээр ой тогтоолт сайжирч аливаа зүйлийг илүү хурдан сурна
Саяхныг болтол эрдэмтэд хүний тархи шинэ мэдрэлийн эс үүсгэж чаддаггүй гэдэгт итгэж байлаа. Бид төрөхдөө тодорхой хэмжээний тархины эстэй төрдөг бөгөөд хэрвээ түүнийгээ гэмтээх юм бол дахин сэргээж чаддаггуй гэж боддог байлаа. Харин судалгаагаар бид энэхүү тархины тусгай эсүүдийг бүтээдэг болох нь тогтоогдсон. Хамгийн сонирхолтой нь юу гэхээр дасгал хийх нь энэхүү тархины мэдрэлийн эс үүсэхэд сайнаар нөлөөлдөг байна. Зах зээл дээр байгаа ямарч эм үүн шиг үйлчлэхгүй.
Эрдэмтэд оготныг гүйдэг замтай байранд байрлуулан туршилт хийн, эдгээр шинэ мэдрэлийн эсүүд нь тархины яг хаана бий болдог болон яг юу хийдгийг нь тодорхойлохоор ажиллаж эхэлсэн байна. Hippocampus гэгдэх ой тогтоолт болон суралцах чадвартай холбоотой байдаг тархины хэсэгт эдгээр эсүүд бий болж байгааг тогтоожээ. Тэгэхээр хэрвээ энэ шинээр үүсэж байгаа эсүүд нь ой тогтоолт болон суралцах чадвартай холбоотой тархины хэсэгт үүсэж байгаа бол эрдэмтдийн дээрх туршилтанд орсон оготно жирийн байсан оготнотой харицуулвал ухаантай байх ёстой, тийм үү? Тэгвэл энэ нь үнэхээр тийм байжээ.
Хэдийгээр бид хүний тархинд хичнээн эс шинээр бий болж байгааг харж чадахгуй ч, хүмүүс дээр хийсэн судалгаанууд нь дээрх оготно дээр хийсэн туршилтыг баталж байгаа юм. Биеийн хөдөлгөөний идэвхтэй амьдралын хэв маягтай насанд хүрсэн хүмүүс нь хөдөлгөөний идэвхгүй амьдралтай хүмүүстэй харьцуулахад сэтгэхүйн үйл ажиллагааны тестэнд хөдөлгөөний идэвхгүй амьдралтай хүмүүсээс илүү сайн хийсэн байна. Энэ нөлөө нь сэтгэхүйн чадварын нэг гол хэсэг болох гүйцэтгэх чадвар буюу төлөвлөх, мулти-таск буюу олон ажлыг нэгэн зэрэг хийх, өөрийн зан байдлыг хянах, богино хугацааны зүйлсийг санах зэрэг чадваруудад илүү нөлөөлдөг байна. Үүнээс гадна, идэвхтэй насанд хүрэгчид нас ахих тусам энэхүү чадвараа сайн хадгалж үлддэг бөгөөд Alzheimer-ийн өвчин гэх мэт мэдрэлийн хүнд өвчнөөр өвчлөх эрсдэл багатай байдаг байна.
Дасгал Хийснээр Сэтгэл Санааны Байдал Сайжирна
Дасгал хийснээр ой тогтоолт сайжирахаас гадна, сэтгэл санаагаар унах зэргээс сэргийлнэ. Аэробик байна уу, хүндийг өргөлт байна уу, ямарч дасгал нь сэтгэлээр унахаас сэргийлж, мөн сэтгэлээр унасан хүнийг дахин сэтгэлээр унахаас сэргийлнэ. Дасгал хийхэд сэтгэл санаагаар унахаас сэргийлдэг эм уусантай адил үр дүн гардаг байна. Гэхдээ эмийг дасгалаар орлуулахаасаа өмнө эмчтэйгээ сайн зөвлөлдөх хэрэгтэй.
Эрдэмтэд дасгал сургуулилалт нь хүний сэтгэл санаанд яг яаж нөлөөлдгийг ойлгохыг хичээн судалгаа явуулж байгаа бөгөөд зарим эрдэмтэд дасгал нь тархинд байдаг serotonin гэдэг бодисыг тэтгэхэд тусладаг гэдэгт итгэдэг байна. Энэхүү serotonin гэдэг бодис нь сэтгэлээр унасан хүний тархинд маш бага хэмжээтэй байдаг гэнэ. Харин зарим эрдэмтэд дасгал нь хүний тархины стрэсс-д хариу үйлдэл хийх төвийг зохицуулдаг гэж үздэг байна. Мөн зарим эрдэмтэд дээр дурьдсанчлан шинэ мэдрэлийн эсүүд үүссэнээр хүний сэтгэл санаа сайхан болдог гэдэг санааг дэвшүүлдэг. Яг яаж нөлөөлж байгаа нь одоохондоо тодорхой бус ч, дасгал хийх нь ямар ч байсан ашиг тустай байдаг нь тодорхой байгаа бөгөөд эрдэмтдийг үүний хариуг олтол нь бид дасгалаа үргэлжлүүлэн хийж л байя.
Өөрийнхөө тархийг том хот, харин дасгал сургуулилалтыг маш мундаг инженерүүдийн груп гээд бодоод үзье. Инженерүүд хотын барилга байгууламж, зам гүүр гэх мэт дэд бүтцийг бүтээх үүрэгтэй байдаг. Чи өөрөө яг ийм дэд бүтцийн инженер биш л бол энэ ажил яг яаж явагддагийг бүрэн бүтэн ойлгохгуй. Гэсэн хэдий ч чи үүний үр дунг үзээд мэдрээд явдаг. Жишээ нь, А газраас Б газарт хүрэхэд түгжрээнд оролгүйгээр амар амгалан тайван явж хүрдэг олон салаа замтай сайхан хот болсны үр дүнг мэдэрч байдаг.
Инженерүүд олон зам барих тусам бид илүү олон газарт хүрч чадна. Энэ нь дасгал хийснээр хэрхэн шинэ эсүүд үүсэж чиний суралцах болон мэдээлэл санах чадварыг сайжруулахтай төстэй юм. Мөн олон замын ачаар аль нэг зам эвдэрлээ гэхэд өөр замаар очих газартаа төвөггүй хүрч болно. Энэ нь мөн дасгал хийснээр Alzheimer-ийн өвчнөөр өвчлөхөөс сэргийлдэгтэй адил төстэй юм. Чи илүү олон мэдрэлийн эстэй, мөн үүнийг холбогч эсүүдтэй бөгөөд аливаа зүйлийг санах олон салаа замтай тул ой тогтоолтоо алдах нь бага болно гэсэн үг.
Эцэст нь хэрвээ инженерүүд замаа сайн барьж засварладаг бол чиний ажилдаа явах зам чинь стресс багатай илүү сайхан байх болно. Чи түгжрээнд гацаад чиний дэлгүүрээс ав гэснийг мартсаны төлөө нөхөртөө уураа гарган суухгүй. Гэнэтийн хурал эсвэл хувцсан дээрээ асгарсан кофе зэрэгт урд нь уурладаг байсан бол эдгээр нь тийм ч чухал биш асуудал болно. Үүнтэй адил дасгал хийснээр бидний ааш зан илүү тайван, эерэг болно. Бид уйтгартай гунигтай бодлуудаасаа амархан салж харин илүү эерэг сайхан зүйлүүдээр амьдралаа баяжуулах болно.
Тэгэхээр хэрвээ чамд яг одоо дасгал хийж эхлэх бас нэгэн шалтаг хэрэгтэй байгаа бол чамд бүр нэг биш гурвын гурван шалтгаан байна. Эдгээр нь, суралцах чадвараа сайжруулах, ой тогтоолтоо сайжруулах мөн илүү сайхан зан ааштай болох юм.
Баянхонгор аймгийн Бууцагаан сумын ЗДТГ
Баянхонгор аймгийн Бууцагаан сумын Хүүхдийн Цэцэрлэг
@Бууцагаан Эрүүл мэндийн төв
Бууцагаан ЕБС номын сан
@Бууцагаан баянбүрд сургууль
@Бууцагаан Соёлын төв
@Бууцагаан ИТХ
@Бууцагаан Гал түймэр унтраах аврах 72- р анги
@Бууцагаан цагдаагийн тасаг
#Энэжилдэээрүүлжиндээ
#ИЛҮҮДЭЛЖИНГҮЙЭРТЭЧМОНГОЛ