Нийслэлийн ерөнхий боловсролын 116-р сургууль

БАГА АНГИЙН БАГШ Р.УДВАЛ АЛТАНГАДАС ОДОНГООР ШАГНУУЛЛАА.

Эрхэм хүндэт Р.Удвал багшдаа
Олон арван жилийн турш боловсролын салбарт үнэнч сэтгэлээр зүтгэж, шавь нарынхаа ирээдүйг гэрэлтүүлж ирсэн таны хөдөлмөрийг төр засгаас өндрөөр үнэлж, “Алтан гадас” одонгоор энгэрээ мялаасанд чин сэтгэлээсээ баяр хүргэе.

Таны мэдлэг, үлгэр дуурайлал шавь нарынхаа амьдралд үнэтэй хувь нэмэр оруулсан билээ. Цаашдын ажил үйлс тань үргэлж өөдөө байж, эрүүл энх, аз жаргал хүсэн ерөөе.💐❤️

ЗОХИОЛЧТОЙ УУЛЗАХ ӨДӨРЛӨГ ЗОХИОН БАЙГУУЛЛАА.😍

Алтан-Өд болон МЗЭ-ийн шагналт хүүхдийн зохиолч
Н. Мандалтай уулзалт өдөрлөг зохион байгууллаа.

1. Зохиолч өөрийн намтар уран бүтээлээсээ ярилцахын зэрэгцээ "Даашинзан алчуур " өгүүллэгээ хурууны хүүхэлдэй театрчилсан тоглолтоор толилууллаа.

2.Уран жиргээ дугуйлангийн сурагчид түүний "Олз", "Хүн чанарын инээд" зохиолыг жүжигчилэн тоголсон нь зохиолчид өндөр сэтгэгдэл төрүүлэн цаашид хамтран ажиллахаа илэрхийллээ🥰

Хүрэлцэн ирсэн Н.Мандал зохиолчдоо баярлалаа👏

СУРАГЧДАД ГОО ЗҮЙН СУРГАЛТ ЗОХИОН БАЙГУУЛЛАА🤗

Загвар өмсөгч MSB entertaiment-ийн Захирал Н.Баяржаргал 6-12 дугаар ангийн нийт сурагчдад Гоо зүйн мэдрэмжтэй болох, биеэ зөв цэгтэй авж явахад суралцах онол, практикийн сургалт зохион байгууллаа.

Хүрэлцэн ирсэн Н.Баяржаргал танд баярлалаа🤗🤝

Сүхбаатар дүүргийн ерөнхий боловсролын сургуулийн багш нарын дунд жил бүр зохион байгуулагддаг 4 төрөлт БАГШ-2026 спортын тэмцээнд Сагсан бөмбөгийн төрөлд эрэгтэй багш нар маань алтан медаль хүртлээ🥇🤩

Багш нартаа цаашдын ажил үйлс, спортын өндөр амжилтыг хүсэн ерөөе🥰

"ҮНСГЭЛЖИН-2026" УРАЛДААН ЗОХИОН БАЙГУУЛАГДЛАА🤩

I-р байр 11а ангийн сурагч Э.Ариунзаяа, Ч.Золбаяр
II-р байр 2-р баг, 10б ангийн сурагч Ц.Бэрцэцэг, 10а ангийн сурагч Б.Дөлгөөн
Тусгай байр 9a ангийн сурагч А.Баярцэцэг нар шалгарлаа

Энэхүү уралдаан нь сурагчдынхаа:
✅ Бүтээлч сэтгэлгээг хөгжүүлэх
✅ Чөлөөт цагийг зөв, боловсон өнгөрүүлэх
✅ Гар доорх материалыг ашиглах эко соёлд суралцуулах зорилготой юм.

Бүтээлч байж, өөрсдийнхөө өнгө төрхийг харуулсан нийт оролцогч сурагчиддаа болон зохион байгуулсан Технологийн Дэлгэржаргал багшдаа баярлалаа. 🥰

🤗

#Амжилт

Сүхбаатар дүүргийн Газарзүйн олимпиадад манай сургуулийн Газарзүйн багш П.Наранцэцэг мэргэжил нэгт багш нартайгаа мэдлэг, ур чадвараараа өрсөлдөн амжилттай оролцож, "ДЭД" БАЙР эзлэн, МӨНГӨН МЕДАЛЬ-иар шагнууллаа.🌍🥈

Сургуулийн захиргаа болон нийт хамт олны зүгээс халуун баяр хүргэж, амжилт хүсье!🥰

#АМЖИЛТ👏

Нийслэлийн хөгжмийн багш нарын бүтээлч сэтгэлгээ, инновацлаг арга зүйг дэмжиж хөгжүүлэх, суралцагчдын суралцахуйг сайжруулсан шинэчлэлтэй хэрэглэгдэхүүнийг түгээн дэлгэрүүлэх "Бүтээлч хөгжмийн багш-2026" анхдугаар уралдаанд манай сургуулийн дуу хөгжмийн багш Б.Батболд амжилттай оролцож шагнал хүртлээ.

Багш маань тус уралдаанд:

🌟 Манлайлагч багш – Цом, өргөмжлөл 🏆

🌟 Тусгай байр гэсэн хоёр шагналын эзэн боллоо.🤗

Шинэлэг хэрэглэгдэхүүн, арга зүйгээрээ сурагчдынхаа авьяас билгийг нээж ажлын өндөр амжилт гаргасан Батболд багшдаа баяр хүргэж, цаашдын сурган хүмүүжүүлэх үйлсэд нь өндөр амжилт хүсье!🥰

ADHD-ТЭЙ ХҮҮХЭДТЭЙ АЖИЛЛАХ АРГА ЗҮЙ ОЛГОХ СУРГАЛТ ЗОХИОН БАЙГУУЛАГДЛАА. 👩‍💼

Судлаач яст мэлхий төвийн үүсгэн байгуулагч, Сэтгэл судлаач Г.Пүрэвсүрэн манай сургуулийн багш ажилчдад ADHD-тэй хүүхэдтэй ажиллах арга зүй олгох сургалтыг зохион байгууллаа.🤗
Сургалтаар:
📌ADHD-ийн талаарх шинжлэх ухаанч мэдээлэл
📌Хүүхдийн зан үйл ба уян хатан харилцаа
📌Өдөр тутмын дэглэм ба тогтвортой байдал
📌Эерэг бэхжүүлэлт хийх нь
📌Эцэг эх, багшийн харилцаа гэсэн агуулгаар багш ажилчид идэвхтэй хамрагдлаа.

Судлаач яст мэлхий хүүхэд гэр бүлийн сэтгэл зүйн төв Г.Пүрэвсүрэн танд баярлалаа. 🤩