18/08/2026
"ဖုန်းအသုံးပြုခြင်းဆိုင်ရာ အသိပညာပေးဟောပြောပွဲ"
ဒီနေ့ (၁၈-၈-၂၀၂၆)၊ PLANNER ကိုယ်ပိုင်အလယ်တန်းကျောင်းမှာ "ဖုန်းအသုံးပြုခြင်းဆိုင်ရာ အသိပညာပေးဟောပြောပွဲ" ပြုလုပ်ကျင်းပပါတယ်။
Social Media အသုံးပြုရင်း၊ လိုင်းပေါ်ကနေ မှားယွင်းတဲ့ အသုံးပြုမှုတွေ မဖြစ်စေဖို့၊ အလိမ်မခံရဖို့၊ ဂိမ်းမစွဲစေဖို့၊ တလွဲမသုံးဖို့၊ လိုအပ်လို့ ဖုန်းသုံးတဲ့ခါ အကျိုးရှိစေမဲ့အရာတွေသိဖို့အတွက် ရည်ရွယ်ပြီး "Social Media မှန်ကန်စွာ အသုံးပြုတတ်စေရေး အသိပညာပေးဟောပြောပွဲ" ပြုလုပ်ကျင်းပတာဖြစ်ပါတယ်။
• Social Media တွေအကြောင်း၊
• ကောင်းကျိုးဆိုးကျိုးတွေအကြောင်း၊
• လေ့လာသင်ယူမှုတွေကလွဲရင် ဦးနှောက်နဲ့အသိပညာ မရင့်ကျက်သေးတဲ့ အတန်း အရွယ်မှာ အသုံးပြုရမဲ့၊ အသုံးမပြုရမဲ့ ကန့်သတ်မှုတွေအကြောင်း၊
• ဖုန်းစွဲ၊ ဂိမ်းစွဲရင် နောက်ဆက်တွဲ ဆိုးကျိုးတွေအကြောင်း၊
• TikTok, Telegram, Viber, Facebook, Game App တွေမှာ Group ဖွဲ့ပြီး အသုံးပြုခြင်း၊ သီးသန့် တစ်ဦးချင်းဆက်သွယ်ခြင်းတွေမှာ အသုံးပြုသင့်တာ မသုံးသင့်တာ၊ မလိုအပ်တာ မသုံးသင့်တာတွေကို မိဘခွင့်ပြုချက် မရှိဘဲ၊ မိဘမသိဘဲ အသုံးမပြုသင့်ကြောင်း။
• အကောင့်အတုတွေ၊ မသင့်လျော်တဲ့ အမည်တွေနဲ့ အကောင့်ဖောက်ပြီး၊ ဂိမ်းထဲကပုံတွေနဲ့ ပရိုဖိုင်ထား၊ ရေးချင်ရာရေး တင်ချင်ရာတင် ပြောချင်တဲ့သူနဲ့ ပြောတဲ့ခါ မသမာသူတွေရဲ့ လိမ်ညာမှု ခံရနိုင်ကြောင်း၊
• ဆေးလိပ်နဲ့ မူးယစ်ဆေးဝါး၊ လူလိမ်လည်မှုနဲ့ လူကုန်ကူးမှု စတာတွေလဲ၊ ဖုန်း သို့မဟုတ် Social Media ကနေ အန္တရာယ်ရှိနိုင်ကြောင်း၊
• ဆေးလိပ်ကင်းစင်ပတ်ဝန်းကျင်ဖြစ်တဲ့အတွက်၊ ဆေးလိပ်အတု အသုံးပြုမှု၊ အသုံးပြုရန် စည်းရုံးပြောပြတာကအစ ခွင့်မပြုကြောင်း၊
• ကျောင်းသား/သူအချင်းချင်း ကျောင်းသင်ခန်းစာ သင်ကြားသင်ယူမှုရဲ့ ခင်မင်ရင်းနှီးမှုမှလွဲပြီး မိဘ ဆရာ အသိမပေးဘဲ မသိဘဲ... ဖုန်း၊ Social Media တွေကတဆင့် စကားပြောခြင်း၊ ဆက်သွယ်ချိတ်ဆက်ခြင်းခွင့်မပြုကြောင်း၊
စသဖြင့်... ဖုန်း၊ Social Media ဆိုင်ရာ သိသင့်တာတွေကို ဥပမာတွေ၊ နမူနာအဖြစ်အပျက် အတွေ့အကြုံတွေ၊ ကြားဖူးသိဖူးတဲ့ ဆိုးကျိုးတွေနဲ့ ဆွေးနွေးဖလှယ်ကြပါတယ်။
ကလေးတွေရဲ့ အရွယ်နဲ့ သိချင်ကြတဲ့ မေးခွန်းတွေ မေးကြ၊ ပြန်ဖြေပေးရနဲ့ မြိုင်ဆိုင်လှပါတယ်။
ကလေးတွေ အသိပညာ ဗဟုသုတသာမက အတွေးအခေါ်နဲ့ ပြောတတ်ဆိုတတ်တဲ့ ကိုယ်ရည်ကိုယ်သွေးပါ မျက်မြင် တိုးတက်လာလို့ ကျေနပ်မိပါတယ်။
@
PLANNER ကိုယ်ပိုင်ကျောင်း
သီရိရတနာအဆင့်မြင့်စျေး၊ ဇမ္ဗူသီရိမြို့နယ်၊
နေပြည်တော်။ 0943059355, 09443059355
***
#ဖုန်းအသုံးပြုခြင်းဆိုင်ရာအသိပညာပေးဟောပြောပွဲ
ှန်ကန်စွာအသုံးပြုရေးအသိပညာပေးဟောပြောပွဲ
