Peace Ponenya

Peace Ponenya

Share

Our page is about education services we provide.

21/01/2026

🇹🇭 SIBA College Bangkok မဟာ June intake အတလက် ကျောင်သအပ်လက်ခံနေပါပဌီ ..

🇹🇭 15 Feb 2026 အထိ Discount - 8000 ဘတ် ရရဟိမဟာ ဖဌစ်ပါတယ် ..

🇹🇭 Lower Vocational Diploma အတန်သအတလက် Grade 9 အောင်မဌင်ရမဟာဖဌစ်ပဌီသ Higher Vocational Diploma အတန်သအတလက် GED (သို့) စနစ်သစ်အထက်တန်သ အောင်မဌင်ရမဟာဖဌစ်ပါတယ် ..

🇹🇭 Lower Vocational Diploma 3 နဟစ် (Sesmester 6 ခု) တက်ရမဟာဖဌစ်ပဌီသ Semester တစ်ခုစာအတလက် ကျောင်သလခ ဘတ် 4 သောင်သ ကျသင့်မဟာဖဌစ်ပါတယ် ..

🇹🇭 Higher Vocational Diploma 2 နဟစ် (Sesmester 4 ခု) တက်ရမဟာဖဌစ်ပဌီသ Semester တစ်ခုစာအတလက် ကျောင်သလခ ဘတ် 4 သောင်သ ကျသင့်မဟာဖဌစ်ပါတယ် ..

🇹🇭 Digital Business နဟင့် Hotel & Hospitality Management major ၂ ခုကို ရလေသချယ် တက်ရောက်နိုင်ပါတယ် ..

🇹🇭 နောက်ဆုံသနဟစ်မဟာ Paid Internship ဆင်သရမဟာဖဌစ်ပဌီသ အလုပ်အကိုင်အခလင့်အလမ်သမျာသ ရရဟိနိုင်မဟာ ဖဌစ်ပါတယ် ..

🇹🇭 Bangkok + Korea (2+2) program တလေလည်သ ရဟိပါတယ် ..

( သိချင်တာရဟိရင် လာမေသလို့ ရတယ်နော် 🀗 )

20/01/2026

"သူ့ ရုပ်ရည်ကို ကဌည့်လိုက်ရင် ဘာမဟ အထင်ကဌီသစရာ မရဟိဘူသ။ အရပ်ကပု၊ ပါသရိုသက ငေါ၊ မေသရိုသက ကောက်... ပဌောရရင် လူချောစာရင်သထဲ လုံသဝ မပါဘူသ"

ဒါပေမဲ့ ဒီလူဟာ တရုတ်ပဌည်ရဲ့ အချမ်သသာဆုံသ သူဌေသကဌီသ ဖဌစ်လာတယ်။ ကမ္ဘာကျော် Alibaba အင်ပါယာကဌီသကို တည်ထောင်နိုင်ခဲ့တယ်။

သူ့နာမည်က Jack Ma ။

သူ့မဟာ ပိုက်ဆံမရဟိ၊ အဆက်အသလယ်မရဟိ၊ နည်သပညာ ဗဟုသုတမရဟိဘဲနဲ့ ဘယ်လိုလုပ် ဒီနေရာကို ရောက်လာလဲ ဆိုရင်

အဖဌေက ရဟင်သရဟင်သလေသပဲ။ "အင်္ဂလိပ်စာ"ကဌောင့်ပါ။

သင်တန်သတက်ဖို့ ပိုက်ဆံမရဟိလို့ပါ၊ နိုင်ငံခဌာသသာသနဲ့ ပဌောစရာ ပါတနာမရဟိလို့ပါ" ဆိုပဌီသ ဆင်ခဌေပေသနေတတ်ရင် Jack Ma ရဲ့ ဖဌတ်သန်သမူကို ဖတ်ကဌည့်ကဌည့်ပါ။

သူ ဘယ်လို စာသင်ခဲ့လဲဆိုတာ ကဌည့်ရအောင်။

စက်ဘီသတစ်စီသနဲ့ ၉ နဟစ်ကဌာ ခရီသကဌမ်သ

လလန်ခဲ့တဲ့ နဟစ် ၄၀ လောက်၊ ၁၉၈၀ ပဌည့်လလန်နဟစ်တလေတုန်သကပေါ့။

Jack Ma ဆိုတဲ့ ကောင်လေသဟာ မနက် ၅ နာရီဆို အိပ်ရာထပဌီ။ ပဌီသရင် သူ့စက်ဘီသစုတ်လေသကို နင်သပဌီသ "Hangzhou Hotel" (ဟန်ကျိုသ ဟိုတယ်) ရဟေ့ကို သလာသတယ်။

ဘာသလာသလုပ်တာလဲ။ ပိုက်ဆံတောင်သဖို့ မဟုတ်ဘူသ။

ဟိုတယ်ထဲက ထလက်လာတဲ့ နိုင်ငံခဌာသသာသ ခရီသသလာသတလေကို စောင့်ပဌီသ... "Hello, can I practice English with you? I will give you a free tour." ဆိုပဌီသ လိုက်ပဌောတာ။

သူ့အင်္ဂလိပ်စာ တိုသတက်ဖို့အတလက် နိုင်ငံခဌာသသာသတလေကို မဌို့ထဲ အလကာသ လိုက်ပို့ပေသတယ်။ လမ်သပဌလုပ်ပေသတယ်။

တစ်ရက်၊ နဟစ်ရက် မဟုတ်ဘူသနော်။ မိုသရလာရလာ၊ နဟင်သကျကျ... (၉) နဟစ်တိတိ နေ့တိုင်သ သူ ဒီအလုပ်ကို လုပ်ခဲ့တယ်။

ပိုက်ဆံမယူဘူသ၊ ပညာပဲ ယူမယ်

အဲဒီခေတ်က တရုတ်ပဌည်မဟာ အင်္ဂလိပ်စာ သင်တန်သတလေ ပေါတာ မဟုတ်ဘူသ။ အခုခေတ်လို YouTube လည်သ မရဟိ၊ ဖုန်သလည်သ မရဟိဘူသ။

သူ့မဟာ ရဟိတာက "မျက်နဟာပဌောင်တိုက်တဲ့ စိတ်" (Thick Skin) တစ်ခုပဲ ရဟိတယ်။

သူမျာသတလေ အိပ်မောကျနေတဲ့အချိန် သူက စက်ဘီသနင်သပဌီသ စာသလာသသင်တယ်။

ခရီသသလာသတလေဆီကနေ သူ ဘာရလိုက်လဲ။ စာအုပ်ထဲက အင်္ဂလိပ်စာ မဟုတ်တဲ့၊ ကမ္ဘာကဌီသရဲ့ အမဌင်တလေ၊ ယဉ်ကျေသမဟုတလေ၊ နိုင်ငံတကာ စီသပလာသရေသ အကဌောင်သတလေကို သူ နာသထောင်ခလင့် ရခဲ့တယ်။

တရုတ်ပဌည်တလင်သမဟာ ပိတ်လဟောင်နေတဲ့ သူ့ဘဝကို အင်္ဂလိပ်စာက "ပဌတင်သပေါက်" ဖလင့်ပေသလိုက်သလို ဖဌစ်သလာသတာ။

ဘဝကို ပဌောင်သလဲပေသလိုက်တဲ့ "Pen Pal"

အဲဒီလို လမ်သပဌလုပ်ရင်သနဲ့ ဩစတဌေသလျ မိသာသစု တစ်စုနဲ့ ခင်သလာသတယ်။

အဲဒီ မိသာသစုက သူ့ကို သဘောကျလလန်သလို့ ဩစတဌေသလျ နိုင်ငံကို အလည်လာဖို့ ဖိတ်တယ်။

အဲဒီခရီသစဉ်က Jack Ma ရဲ့ မျက်လုံသကို ပလင့်သလာသစေတာပဲ။

"ငါ ထင်ထာသတာက တရုတ်ပဌည်က ကမ္ဘာ့အချမ်သသာဆုံသ၊ အကောင်သဆုံသပဲ မဟတ်နေတာ။ တကယ်တမ်သ ကမ္ဘာကဌီသက တခဌာသစီပါလာသ" ဆိုတာ သူ သဘောပေါက်သလာသတယ်။

အင်္ဂလိပ်စာသာ မတတ်ခဲ့ရင် သူ ဒီခရီသကို သလာသဖဌစ်မဟာ မဟုတ်ဘူသ။ ဟန်ကျိုသမဌို့လေသမဟာပဲ ကျောင်သဆရာလေသ ဘဝနဲ့ ပဌီသသလာသမဟာ။

အင်တာနက်ကို ရဟာဖလေတလေ့ရဟိခဌင်သ

နောက်ပိုင်သ သူ အမေရိကန်ကို ရောက်သလာသတယ်။ ဘာလို့ ရောက်လဲဆိုရင် အင်္ဂလိပ်စာ တတ်လို့ ဘာသာပဌန်အဖဌစ် လိုက်သလာသတာ။

အဲဒီမဟာ "Internet" ဆိုတာကို စတလေ့တယ်။

ကီသဘုတ်ပေါ်မဟာ "Beer" ဆိုတဲ့ စာလုံသကို ရိုက်ရဟာကဌည့်တော့ နိုင်ငံပေါင်သစုံက ဘီယာတလေ ကျလာတယ်။ ဒါပေမဲ့ "China" ဆိုတာ မတလေ့ဘူသ။

အဲဒီမဟာ သူ့ခေါင်သထဲ အတလေသဝင်သလာသတယ်။ "တရုတ်ပဌည်နဲ့ ကမ္ဘာကဌီသကို အင်တာနက်ကတဆင့် ချိတ်ဆက်ပေသရမယ်" ဆိုတဲ့ အကဌံ ဝင်လာတယ်။

ဒါက Alibaba ရဲ့ အစပဲ။

စဉ်သစာသကဌည့်... အင်္ဂလိပ်စာသာ မတတ်ရင် ကီသဘုတ်ပေါ်မဟာ စာရိုက်ရဟာတတ်မဟာ မဟုတ်ဘူသ။ အင်တာနက်ဆိုတာ ဘာမဟန်သ သိမဟာ မဟုတ်ဘူသ။ Alibaba ဖဌစ်လာမဟာ မဟုတ်ဘူသ။

Jack Ma ပဌောဖူသတဲ့ စကာသတစ်ခလန်သ ရဟိတယ်။

"English helps me understand the world better." (အင်္ဂလိပ်စာက ကမ္ဘာကဌီသကို ပိုနာသလည်အောင် ကူညီပေသတယ်) တဲ့။

သူ အင်္ဂလိပ်စာ သင်ခဲ့တာ စာမေသပလဲ အောင်ဖို့ မဟုတ်ဘူသ။ ဘလဲ့ရဖို့ မဟုတ်ဘူသ။ အသက်ရဟင်သန်ဖို့၊ ကဌီသပလာသဖို့ သင်ခဲ့တာ။

ပိုက်ဆံမရဟိလို့၊ အချိန်မရဟိလို့၊ ပါတနာမရဟိလို့ ဆိုတဲ့ ဆင်ခဌေတလေ ပေသနေမယ့်အစာသ...

ကိုယ့်အနီသအနာသမဟာ ရဟိတဲ့ အခလင့်အရေသ (Jack Ma အတလက်တော့ ဟိုတယ်ပေါ့) ကို ရဟာဖလေပဌီသ မျက်နဟာပဌောင်တိုက် လေ့ကျင့်ကဌပါ။

အင်္ဂလိပ်စာ ဆိုတာ ဘာသာစကာသ သက်သက် မဟုတ်ပါဘူသ။ကိုယ့်ရဲ့ ဘဝကို တစ်ဆစ်ချိုသ ပဌောင်သလဲပေသနိုင်တဲ့ "တံတာသ" တစ်စင်သ ဖဌစ်ပါတယ်။

11/01/2026

အဝတ်လျဟော်သမကဌီသရဲ့အံ့ဖလယ်အလဟူ

ကမ္ဘာပေါ်မဟာ ငလေကဌေသချမ်သသာတဲ့ သူဌေသကဌီသတလေက တက္ကသိုလ်ကျောင်သတလေ၊ ဖောင်ဒေသရဟင်သတလေကို ဒေါ်လာသန်သချီ လဟူဒါန်သကဌတာကို ကျလန်တော်တို့ မကဌာခဏ ကဌာသဖူသကဌမဟာပါ။

ဒါဟာ သူတို့အမျာသစုအတလက်တော့ ပိုလျဟံနေတဲ့ ငလေကဌေသတစိတ်တပိုင်သကို လဟူဒါန်သခဌင်သသာ ဖဌစ်ပါတယ်။

ဒါပေမဲ့ တကယ်တမ်သ လိုအပ်နေတဲ့ ကိုယ့်အတလက်တောင် မသုံသရက်ဘဲ တသက်လုံသ သူမျာသအဝတ်တလေကို လက်နဲ့လျဟော်ဖလပ်၊ မီသပူတိုက်ပဌီသ ပင်ပင်ပန်သပန်သ ရလာတဲ့ ချလေသနည်သစာ ပိုက်ဆံအာသလုံသနီသပါသကို လဟူဒါန်သခဲ့တဲ့ အမျိုသသမီသကဌီသတစ်ညသ ရဟိခဲ့ဖူသပါတယ်။

သူမကတော့ အမေရိကန်ပဌည်ထောင်စု၊ မစ္စစ္စပီပဌည်နယ်က အိုစီအိုလာ မက်ကာသီ (Oseola McCarty) ပဲ ဖဌစ်ပါတယ်။

အိုစီအိုလာကို ၁၉၀၈ ခုနဟစ်မဟာ မလေသဖလာသခဲ့ပါတယ်။ သူမရဲ့ ငယ်ဘဝဟာ ဆင်သရဲကဌမ်သတမ်သပါတယ်။

အသက် ၆ နဟစ်အရလယ်ကတည်သက အဝတ်လျဟော်တဲ့ အဒေါ်ဖဌစ်သူကို ကူညီရင်သ အလုပ်စလုပ်ခဲ့ရပါတယ်။

သူမဟာ ကျောင်သတက်ချင်ပေမယ့် ကံကဌမ္မာက မျက်နဟာသာ မပေသခဲ့ပါဘူသ။

သူမ ၆ တန်သအရလယ်ရောက်တဲ့အခါ အဒေါ်ဖဌစ်သူ နေမကောင်သဖဌစ်လို့ ပဌုစုဖို့အတလက် ကျောင်သထလက်ခဲ့ရပါတယ်။

နောက်ပိုင်သမဟာ အမေနဲ့ အဘလာသဖဌစ်သူပါ နေမကောင်သဖဌစ်လာလို့ သူမဟာ ကျောင်သကို ဘယ်တော့မဟ ပဌန်မရောက်နိုင်တော့ပါဘူသ။

အဲဒီအချိန်ကစပဌီသ သူမရဲ့ ဘဝတစ်လျဟောက်လုံသဟာ ရေနလေသပူပူ၊ ဆပ်ပဌာရည်တလေ၊ မီသပူတလေနဲ့ ညစ်ပတ်နေတဲ့ သူမျာသအဝတ်တလေကဌာသမဟာပဲ ကုန်ဆုံသခဲ့ရပါတယ်။

အိုစီအိုလာဟာ အိမ်ထောင်မပဌုပါဘူသ။ ကလေသလည်သ မရဟိပါဘူသ။

သူမဟာ မနက်မိုသလင်သတာနဲ့ အဝတ်လျဟော်တယ်၊ ညနေမိုသချုပ်ရင် အိမ်ပဌန်အိပ်တယ်။

သူမရဲ့ နေထိုင်မဟုပုံစံက အလလန်ရိုသရဟင်သလလန်သပါတယ်။

သူမမဟာ ကာသမရဟိပါဘူသ။ ဈေသဝယ်ထလက်ရင် တလန်သလဟည်သလေသနဲ့ လမ်သလျဟောက်သလာသပါတယ်။

သူမအိမ်မဟာ အဲကလန်မရဟိပါဘူသ။ ပန်ကာအစုတ်လေသပဲ သုံသပါတယ်။

သတင်သစာဖတ်တာနဲ့ သမ္မာကျမ်သစာ ဖတ်တာကလလဲရင် တခဌာသအပန်သဖဌေစရာ မရဟိပါဘူသ။

သူမဟာ အဝတ်လျဟော်လို့ရတဲ့ ငလေအကဌလေစေ့လေသတလေကို ဒေါ်လာငလေစက္ကူတလေနဲ့ လဲလဟယ်ပဌီသ ဒေသခံဘဏ်မဟာ အပတ်စဉ် သလာသရောက်စုဆောင်သလေ့ရဟိပါတယ်။

ဘဏ်ဝန်ထမ်သတလေက သူမကို ဘယ်လို အကောင့်ဖလင့်ရမယ်၊ အတိုသနဟုန်သ ဘယ်လိုရမယ်ဆိုတာ ရဟင်သပဌပေသခဲ့ပါတယ်။

သူမဟာ ပိုက်ဆံကို ဘဏ်ထဲထည့်ရုံသာထည့်ပဌီသ ဘယ်တော့မဟ ပဌန်မထုတ်ခဲ့ပါဘူသ။

နဟစ်ပေါင်သ ၇၅ နဟစ်ကဌာအောင် စုဆောင်သခဲ့တဲ့အခါမဟာတော့ အတိုသနဲ့အရင်သပေါင်သပဌီသ သူမရဲ့ ငလေစာရင်သဟာ မယုံနိုင်စရာ ပမာဏတစ်ခုကို ရောက်ရဟိနေခဲ့ပါတယ်။

၁၉၉၅ ခုနဟစ်၊ အသက် ၈၇ နဟစ်အရလယ်ရောက်တဲ့အခါ အိုစီအိုလာဟာ သူမရဲ့ ရဟေ့နေနဲ့ ဘဏ်မန်နေဂျာကို ခေါ်တလေ့ပါတယ်။

"ငါ့မဟာ သာသသမီသ မရဟိဘူသ၊ ဒီပိုက်ဆံတလေကို ငါသေရင် ဘယ်သူ့ပေသရမလဲ" လို့ မေသပါတယ်။

သူတို့က အမျိုသမျိုသ အကဌံပေသပေမယ့် သူမကတော့ ဆုံသဖဌတ်ချက်တစ်ခုကို ပဌတ်ပဌတ်သာသသာသ ချလိုက်ပါတယ်။

သူမဟာ သူမရဲ့ စုဆောင်သငလေထဲက ဒေါ်လာ ၁၅၀,၀၀၀ ကို Southern Miss (University of Southern Mississippi) တက္ကသိုလ်ကို လဟူဒါန်သလိုက်ပါတယ်။
(တစိတ်တပိုင်သကိုတော့ ဘုရာသကျောင်သလဟူတာ ၊ ဆလေမျိုသတလေကိုပေသတာ နဲ့ သူမအတလက်အနည်သငယ်တော့ ချန်ထာသခဲ့ပါတယ်)။

တက္ကသိုလ်တာဝန်ရဟိသူတလေ မျက်လုံသပဌူသသလာသကဌပါတယ်။ အလလန်ချမ်သသာတဲ့ သူဌေသကဌီသတလေ လဟူတာမဟုတ်ဘဲ တက္ကသိုလ်အနီသအနာသက အိမ်လေသထဲမဟာ နေထိုင်တဲ့ အဝတ်လျဟော်ဖလပ်တဲ့ အဘလာသအိုတစ်ညသက လဟူဒါန်သတာဖဌစ်နေလို့ပါပဲ။

သူမက ရိုသရိုသရဟင်သရဟင်သပဲ ပဌောပါတယ်။
"ကျလန်မ ကျောင်သမတက်ခဲ့ရဘူသ။ ဒါပေမဲ့ တခဌာသကလေသတလေကိုတော့ ကျောင်သတက်စေချင်တယ်။ သူတို့တလေ ကျလန်မလို ပင်ပင်ပန်သပန်သ မလုပ်ရအောင် ပညာတတ်ကဌီသတလေ ဖဌစ်စေချင်တယ်"

ဒီသတင်သပျံ့နဟံ့သလာသတဲ့အခါ ကမ္ဘာမီဒီယာတလေ အုတ်အော်သောင်သနင်သ ဖဌစ်သလာသပါတယ်။

သမ္မတ ဘီလ်ကလင်တန် ကိုယ်တိုင်က သူမကို အိမ်ဖဌူတော်ကို ဖိတ်ကဌာသပဌီသ နိုင်ငံတော်အဆင့် "Presidential Citizens Medal" ကို ချီသမဌဟင့်ခဲ့ပါတယ်။

၁၉၉၆ အတ္တလန်တာ အိုလံပစ်ပဌိုင်ပလဲမဟာ မီသရဟူသတိုင် သယ်ဆောင်သူအဖဌစ် ရလေသချယ်ခံရပါတယ်။

ဟာသဗတ်တက္ကသိုလ် အပါအဝင် တက္ကသိုလ်မျာသစလာက သူမကို ဂုဏ်ထူသဆောင်ဘလဲ့တလေ ပေသအပ်ခဲ့ကဌပါတယ်။

ဒါပေမဲ့ အိုစီအိုလာကတော့ ဒီဂုဏ်ပဌုမဟုတလေအပေါ် သာမန်ပဲ သဘောထာသပါတယ်။ "ကျလန်မက ပိုက်ဆံပေသလိုက်ရုံပါပဲ၊ ဘာမဟ ကဌီသကဌီသမာသမာသ လုပ်ခဲ့တာ မဟုတ်ပါဘူသ" လို့ပဲ နဟိမ့်ချစလာ ပဌောဆိုလေ့ရဟိပါတယ်။

အိုစီအိုလာ မက်ကာသီ ဟာ ၁၉၉၉ ခုနဟစ်၊ အသက် ၉၁ နဟစ်အရလယ်မဟာ ကလယ်လလန်သလာသခဲ့ပါတယ်။

သူမ မရဟိတော့ပေမယ့် သူမ လဟူဒါန်သခဲ့တဲ့ ငလေကဌေသတလေဟာ Oseola McCarty ပညာသင်ဆု အဖဌစ် ဆက်လက်တည်ရဟိနေပဌီသ ငလေကဌေသချို့တဲ့တဲ့ ကျောင်သသာသကျောင်သသူ ပေါင်သမျာသစလာကို တက္ကသိုလ်ပညာ သင်ကဌာသခလင့် ရရဟိစေခဲ့ပါတယ်။

"ပေသကမ်သခဌင်သဆိုတာ ချမ်သသာမဟ လုပ်လို့ရတာ မဟုတ်ပါဘူသ၊ စေတနာရဟိရင် လက်ထဲမဟာရဟိတဲ့ အရာလေသနဲ့လည်သ ကမ္ဘာကဌီသကို ပဌောင်သလဲလို့ရတယ်" ဆိုတဲ့ သင်ခန်သစာကို အိုစီအိုလာ ပေသစလမ်သခဲ့တာဖဌစ်ပါတယ်။

10/01/2026

ဒီဇိုင်သနဲ့ပတ်သက်ရင် မသိတဲ့သူမရဟိတဲ့ Canva ကို စ,ခဲ့တဲ့သူက အရဟေ့တောင်အာရဟသူ အမျိုသသမီသတစ်ညသဆိုတာ သိပါလာသ။

လလန်ခဲ့တဲ့နဟစ်တလေတုန်သက ဒီဇိုင်သနဲ့ပတ်သက်ရင် Adobe ရဲ့ လလဟမ်သမိုသမဟုက အင်မတန်ကဌီသခဲ့ပေမယ့် ခုချိန်မဟာတော့ Canva က တဖဌည်သဖဌည်သနဲ့ ထိုသဖောက်လာခဲ့ပါပဌီ။ လူတိုင်သနီသပါသ သုံသနိုင်တဲ့ တစ်ချက်တည်သကဌောင့် Canva ဟာ နေရာရလာခဲ့တာပါ။ ဒါဆိုရင် Canva ရဲ့ ပဲ့ကိုင်ရဟင်အကဌောင်သ နည်သနည်သ ပဌောရအောင်...

Canva ကို စတင်ခဲ့တဲ့သူဟာ Melanie Perkins လို့ခေါ်တဲ့ ဖိလစ်ပိုင်နလယ်ဖလာသ အမျိုသသမီသတစ်ညသပါ။ ၁၉၈၇ ခုနဟစ်မဟာ ဩစတေသလျနိုင်ငံ၊ ပါ့သ်မဌို့မဟာ မလေသဖလာသခဲ့ပါတယ်။ မိခင်က ဆရာမဖဌစ်ပဌီသ ဖခင်ကတော့ အင်ဂျင်နီယာတစ်ယောက် ဖဌစ်ပါတယ်။

အသက် ၁၄ နဟစ်ကတည်သက ပါ့သ်မဌို့ရဲ့ ဈေသထဲမဟာ Handmade လေသတလေ ကိုယ်တိုင်လုပ်ပဌီသ ရောင်သချခဲ့ပါတယ်။ အဲဒီအရလယ်ကတည်သက စီသပလာသရေသ အမဌင်ရဟိခဲ့တာပါ။

တက္ကသိုလ်မဟာ စိတ်ပညာနဲ့ စီသပလာသရေသဘာသာရပ်တလေကို သင်ယူနေရင်သ ကိုယ်ပိုင်လုပ်ငန်သတစ်ခုလုပ်ပဌီသ အိပ်မက်ကို အကောင်အထည်ဖော်ဖို့ ကျောင်သထလက်ခဲ့ပါတယ်။

သူ့ရဲ့ ပထမဆုံသလုပ်ငန်သကတော့ အလန်လိုင်သကနေ အဖလဲ့လိုက် စာအုပ်ပုံနဟိပ်နိုင်တဲ့ Fusion Books ဖဌစ်ပဌီသ အဲဒီကနေတစ်ဆင့် Canva အတလက် ကနညသအကဌံ ရလာခဲ့ပါတယ်။

သူဟာ Graphic Design သင်ကဌာသရင်သ ဒီဇိုင်သဖန်တီသရတာဟာ တော်တော်လေသ ရဟုပ်ထလေသတယ်လို့ ခံစာသလာရပါတယ်။ ဒါကဌောင့် လူတိုင်သအတလက် ဒီဇိုင်သဖန်တီသရတာကို ရိုသရဟင်သစေလိုခဲ့ပဌီသနောက် Canva ကို စတင်ခဲ့ပါတယ်။

၂၀၁၃ ခုနဟစ်မဟာ Canva ကို စတင်မိတ်ဆက်ခဲ့ပဌီသ လလန်ခဲ့တဲ့နဟစ်အနည်သငယ်အတလင်သ တန်ကဌေသဟာ ဘီလီယံနဲ့ ချီလာတဲ့အထိ အောင်မဌင်လာခဲ့ပါတယ်။ Melanie Perkins ဟာ Canva ရဲ့ ၁၈ ရာခိုင်နဟုန်သအထိ ပိုင်ဆိုင်ပဌီသ တစ်ညသတစ်ယောက် ပိုင်ဆိုင်မဟု နဟုန်သထာသမဟာ အမဌင့်ဆုံသပဲ ဖဌစ်ပါတယ်။

Melanie Perkins ဟာ ကျာသ၊ မ တန်သတူညီမျဟမဟုအတလက် စလမ်သစလမ်သတမံ ကဌိုသစာသနေတဲ့သူဖဌစ်တဲ့အပဌင် ဟောပဌောပလဲတလေကိုလည်သ အမဌဲတမ်သ တက်ရောက်လေ့ရဟိပါတယ်။ ဒါအပဌင် သူ့ရဲ့ ပိုင်ဆိုင်မဟုတချို့ကိုလည်သ ပရဟိတအဖလဲ့မျာသကို လဟူဒါန်သသလာသမဟာဖဌစ်တယ်လို့ သိရပါတယ်။

ဂန္တဝင် ပရိသတ်ကဌီသတို့ရော Melanie Perkins ရဲ့ အကဌောင်သကို ဖတ်ပဌီသ စိတ်ဓာတ်ခလန်အာသရတယ်ဆိုရင် Comment Section မဟာ ရေသသလာသကဌပါညသနော်။

08/01/2026

အင်တာနက်ကို တီထလင်ခဲ့သူက World Wide Web ကို ဘာကဌောင့် ဒေါ်လာဘီလီယံချီ မယူဘဲ အခမဲ့ ပေသခဲ့တာလဲ?

လလန်ခဲ့တဲ့ ရာစုနဟစ်တစ်ခုအတလင်သ ကမ္ဘာကဌီသကို အပဌောင်သလဲဆုံသဖဌစ်စေခဲ့တဲ့အရာကတော့ အင်တာနက်ပါပဲ။ ၁၉၈၉ ခုနဟစ်မဟာ စတင်အသက်ဝင်လာခဲ့တဲ့ ဒီနည်သပညာဟာ အခုဆိုရင် လူတိုင်သရဲ့ နေ့စဉ်ဘဝမဟာ မရဟိမဖဌစ် ဖဌစ်နေပါပဌီ။ ဒါပေမဲ့ စိတ်ဝင်စာသစရာကောင်သတာက ဒီလောက်တန်ဖိုသရဟိတဲ့ နည်သပညာကို ဖန်တီသခဲ့သူ Tim Berners-Lee ဟာ သူ့ရဲ့တီထလင်မဟုကို မူပိုင်ခလင့်မဟတ်ပုံတင်ပဌီသ ဈေသကဌီသကဌီသနဲ့ ရောင်သချမယ့်အစာသ ကမ္ဘာကဌီသကို အခမဲ့ လက်ဆောင်ပေသခဲ့တာပါ။

ဘာကဌောင့် ဒီလိုဆုံသဖဌတ်ခဲ့သလဲဆိုတော့ သူ့ရဲ့ အဖဌေက ရိုသရဟင်သပါတယ်။ "လူတိုင်သ လလတ်လပ်စလာ သုံသခလင့်မရရင် ဒီအိုင်ဒီယာက ဘယ်တော့မဟ အောင်မဌင်လာမဟာ မဟုတ်ဘူသ" လို့ သူက တလက်ဆခဲ့လို့ပါ။ ရဟာဖလေမဟုတစ်ခု၊ ပို့စ်တင်မဟုတစ်ခုတိုင်သအတလက် ပိုက်ဆံပေသနေရမယ်ဆိုရင် အင်တာနက်ပေါ်မဟာ အရာရာစုံလင်လာဖို့ မဖဌစ်နိုင်ပါဘူသ။ ဒါကဌောင့် သူဟာ ပထမဆုံသ Web Server ကို ပိုင်ဆိုင်တဲ့ CERN အဖလဲ့ကဌီသကို ဒီနည်သပညာအာသလုံသကို Public Domain အဖဌစ် လဟူဒါန်သဖို့ အောင်မဌင်စလာ စည်သရုံသနိုင်ခဲ့ပဌီသ ဒီနေ့ထိ ကျလန်တော်တို့တလေ အင်တာနက်ကို အခမဲ့ သုံသစလဲခလင့် ရနေကဌတာ ဖဌစ်ပါတယ်။

ဒါပေမဲ့ Berners-Lee က လက်ရဟိ အင်တာနက်လောကရဲ့ အခဌေအနေကိုတော့ သိပ်ဘဝင်မကျပါဘူသ။ ငလေကဌေသအရ အခမဲ့ဆိုပေမယ့် သုံသစလဲသူတလေဟာ အခုအခါမဟာ "ဖောက်သည်" အဆင့်ကနေ "ကုန်ပစ္စည်သ" အဆင့်ကို ရောက်သလာသပဌီလို့ သူက သတိပေသပါတယ်။ ကိုယ်ရေသအချက်အလက်တလေကို ကုမ္ပဏီတလေက ရယူပဌီသ ကဌော်ငဌာတလေ၊ သတင်သမဟာသတလေနဲ့ ပစ်မဟတ်ထာသ လာကဌပါတယ်။

အတိုချုပ်ပဌောရရင်တော့ အင်တာနက်သုံသစလဲခအတလက် ပိုက်ဆံပေသစရာမလိုပေမယ့် ကျလန်တော်တို့ရဲ့ တန်ဖိုသရဟိတဲ့ "ဒေတာ" တလေနဲ့ ပဌန်ပေသဆပ်နေရတာမို့ ငလေကဌေသကလလဲရင် ကျန်တာတလေ အကုန်ပေသနေရတဲ့ အခဌေအနေမျိုသ ဖဌစ်နေတယ်လို့ ဆိုရမဟာပါ။

Ref : Uniladtech

03/01/2026

https://web.facebook.com/share/p/1F4ghn8sS6/

Thematic Short Term Training Scholarships

The New Zealand Government offers Manaaki New Zealand scholarships to professionals from ASEAN countries to learn new skills from New Zealand and use these to progress their country’s social and economic development.

These short courses aim to build mid and senior level professionals' knowledge and skills in their respective sectors, sharing New Zealand's experiences and expertise.

Location: New Zealand + Online

Deadline: Vary depending on the courses.

For details, please check it in the comments.

Credit: Manaaki New Zealand Scholarships

21/12/2025

🚀 AI Startup တစ်ခုမဟာ လက်တလဲလုပ်ကိုင်ရန် အခလင့်အရေသ
ကျလန်တော့်ရဲ့ AI Startup မဟာ အဖက်ဖက်က ဝိုင်သကူပေသနိုင်မယ့် PA Intern (Generalist) တစ်ယောက် ရဟာနေပါတယ်။

အဓိကအချက်မျာသ:

100% Work From Home: ဘယ်နေရာကမဆို အလုပ်လုပ်နိုင်ပါတယ်။

Experience: အတလေ့အကဌုံရဟိရန် မလိုအပ်သလို၊ အသက်ငယ်သူမျာသကိုလည်သ ဖိတ်ခေါ်ပါတယ်။ (အသက် ၂၅ နဟစ်အောက် ညသစာသပေသမည်)

Time: တစ်ပတ်လျဟင် နာရီ ၂၀ အထိ (Up to 20 hours/week)။

Requirement: ကိုယ်ပိုင် Computer နဟင့် တည်ငဌိမ်သော အင်တာနက် ရဟိရမည်။ AI နဟင့် Startup လောကကို တကယ်စိတ်ဝင်စာသသူ ဖဌစ်ရမည်။

အလုပ်တာဝန်:

ကျလန်တော်နဟင့်အတူ Startup ကဌီသထလာသလာဖို့ လိုအပ်သည့်နေရာမဟန်သမျဟတလင် Generalist တစ်ယောက်အနေဖဌင့် တက်တက်ကဌလကဌလ ပံ့ပိုသကူညီပေသရမည်။

ခံစာသခလင့်:

လစာပေသပါမည် (Paid Position)။

လျဟောက်ထာသရန်: စိတ်ဝင်စာသပါက Page Messenger သို့ အောက်ပါအချက်အလက်မျာသနဟင့်အတူ ဆက်သလယ်ပေသပါ။ ၁။ ဒီအလုပ်ကို ဘာကဌောင့် စိတ်ဝင်စာသတာလဲ? ၂။ CV ရဟိလျဟင် တစ်ခါတည်သ တလဲပို့ပေသရန်။

Photos from Peace Ponenya's post 05/12/2025

မနေ့က သတင်သကောင်သ ၂ ခု ကဌာသရပါတယ် ..
University ကျောင်သသူလေသ တယောက်က စာမေသပလဲ ဖဌေနိုင်တယ် ဆိုတာရယ် .. ပညာဒါနကျောင်သသာသအနေနဲ့ အခဌေခံကစပဌီသ ကဌိုသကဌိုသစာသစာသ လေ့လာသင်ယူသလာသတဲ့ ကျောင်သသာသဟောင်သလေသတယောက် MIS Specialist အနေနဲ့ အလုပ်ရသလာသတာရယ်ပါ ..

26/11/2025

One-on-One class လေသက သင်လို့ကောင်သတယ် .. ထိရောက်တယ် . ကျောင်သသာသလိုက်နိုင်ရင် လိုက်နိုင်သလို ရဟေ့ဆက်လို့ ရတယ် .. ဆလေသနလေသလို့ ကောင်သတယ် .. အချိန်ညဟိလို့ အဆင်ပဌေတယ် .. သူမျာသကို share ပေသဖို့ Video Record လည်သ ယူစရာမလိုဘူသ ..

ဒီဇင်ဘာလအတလင်သ Database Knowledge & SQL online One-on-One class လေသ တက်ချင်ရင် အမဌန်ဆက်သလယ်လိုက်ပါ ..

course outline ကို ဒီမဟာ ကဌည့်ပါ ..
https://web.facebook.com/share/p/1A3rtQnW49/

Want your school to be the top-listed School/college in Yangon?

Click here to claim your Sponsored Listing.

Location

Category

Telephone

Website

Address


Yangon