Champion Language School

ငွေကြေးကိုဦးစားပေးဖို့လိုသလို ကလေးတွေကိုလဲအချိန်ပေးဖို့လိုအပ်ပါတယ်။‌တစ်နေ့ကိုနာရီ၀က်လောက်အိပ်ရာမ၀င်ခင်စာဖတ်ပြတာ၊ ပိတ်ရက်မှာလျှောက်လည်ကြတာ၊အတူတူကစားပေးတာတွေဟာကလေးတွေရဲ့ စိတ်ပိုင်းဆိုင်ရာဖွံ့ဖြိုးမှု ရုပ်ပိုင်းဆိုင်ရာဖွံ့ဖြိုးမှုတွေအတွက် မဖြစ်မနေလိုအပ်ပါတယ်။ဒါတွေဟာ မိခင်တွေထပ် ဖခင်တွေဂရုပြုရမဲ့အရာတွေပါ။မိခင်တွေကတော့တစ်နေကုန်ကလေးနဲ့အတူရှိနေတတ်ပေမဲ့ ဖခင်တွေကတော့အလုပ်ကြောင့်ကလေးနဲ့အတူရှိချိန်နည်းပါတယ်။ဒါကြောင့် အလုပ်နဲ့ငွေကိုပဲ ဦးစားပေးပြီးကလေးအတွက်အချိန်မပေးရင် ကလေးနဲ့ကိုယ့်ကြားကရင်းနှီးမှုဟာနည်းလာပါလိမ့်မယ်။

ကလေး‌တွေရဲ့ရင့်ကျက်မှုနဲ့စွမ်းရည်အပေါ်မူတည်ပြီး ယေဘူယျအားဖြင့်အသက်3နှစ် သို့ 4နှစ်၀န်းကျင်တွင် အ‌‌ခြေခံချက်ပြုတ်ခြင်းတို့ကိုအနီးကပ်ကြီးကြပ်မှုဖြင့်စတင်သင်ယူနိုင်ပြီး အသက်ကြီးလာသည်နှင့်အမျှ ပိုမိုရှုပ်ထွေးသောအလုပ်များကိုတဖြေးဖြေးလုပ်ဆောင်လာနိုင်ပါတယ်။အစား‌အသောက်စီစဉ်ခြင်းနဲ့ ကုန်ခြောက်ပစ္စည်း၊ဈေးဝယ်ခြင်းတွင် ကလေးတွေပါ၀င်ခြင်းဟာသူတို့အတွက် အဖိုးတန်သောသင်ယူမှုအတွေ့အကြုံတစ်ခုဖြစ်ပါတယ်။ကလေးတွေကိုအရင်ဆုံးဘာကိုမှမထိသေးပဲ စကားနဲ့အရင်သင်ပေးနိုင်ပါတယ်။ဒါကဘာအရွက် ဒါကဘာငါး ဘာကဘယ်လိုအနံ့ရှိတယ် ဘယ်ပန်းကန်ကိုသုံးသင့်တယ် ဘယ်ဇွန်းကိုသုံးသင့်တယ် ကြက်ဥကိုဘယ်လိုခွဲတယ်စသဖြင့်သင်ပေးနိုင်ပြီး နောက်တစ်ဆင့်တွင် နွှာထားသောအခွံများကိုစွန့်ပစ်ခိုင်းခြင်း၊ကြက်သွန်ဖြုအခွံနွှာခိုင်းခြင်း၊ကြက်ဥအခွံခွဲခိုင်းခြင်း စတာတွေကိုလုပ်ခိုင်းပါ။ဒါတွေလုပ်ဖို့ကလေးတွေအဖို့ အချိန်ကြာကောင်းကြာနိုင်ပါလိမ့်မယ်။ဒါပေမဲ့ဒီလိုမျိုးတွေကနေ စသင်ရတာဖြစ်လို့ကိုယ့်အလုပ်ကြန့်ကြာတယ်ဆိုပြီး ၀င်မပါခိုင်းတာ၀င်မလုပ်ခိုင်းတာမျိုးတွေမလုပ်စေချင်ပါဘူး။လုပ်ပါများလာရင်မြန်လာပါလိမ့်မယ်။နောက်ထပ်အရေးကြီးတာတစ်ခုကတော့ ချက်ပြုတ်နည်းတွေသင်ပေးခြင်းအပြင် မီးဖိုချောင်သန့်ရှင်းရေးကိုပါတစ်ခါတည်းသင်ပေးပါ။သုံးပြီးရင်ပစ္စည်းတွေကိုဆေးကြောပြီးသူ့နေရာနဲ့သူထားခိုင်းတာ ပေကျံနေတဲ့နေရာကိုအ၀တ်နဲ့သုတ်ခိုင်းတာမျိုးတွေပဲဖြစ်ပါတယ်။

ရေကူးခြင်းကို 2နှစ်သားအရွယ်ထဲကပင် စတင်သင်ယူနိုင်ပါတယ်။ရေကူးခြင်းဟာ ကလေးတွေရဲ့နှလုံးနဲ့အဆုတ်တွေကို အားကောင်းလာစေပြီး လက်မောင်း၊ခြေထောက်နဲ့ လည်ပင်းကြွက်သားတွေကိုသန်မာစေပါတယ်။ရေထဲမှာခုန်ခြင်း၊ပက်ခြင်းတို့ဟာ ကလေးတွေရဲ့ရင်သားတွေကိုဟန်ချက်ညီစေရန်ကူညီပေးပြီး နားအတွင်းပိုင်းရှိ vestibular system ကိုလဲလှုံ့ဆော်ပေးပါတယ်။ဒါ့အပြင် အစာစားခြင်းနှင့်အိပ်စက်ခြင်းပုံစံများကို အထောက်အကူဖြစ်စေပါတယ်။ရေကူးခြင်းဖြင့်ကလေးတွေဟာ ကိုယ့်ကိုယ်ကိုယုံကြည်မှုရှိလာခြင်း၊အာရုံစူးစိုက်မှုပိုကောင်းလာခြင်း၊သိမြင်မှုစွမ်းရည်ပိုမိုမြင့်မားလာခြင်း၊ရုပ်ပိုင်းဆိုင်ရာကြံ့ခိုင်မှုတိုးတက်လာခြင်း၊စိတ်ခံစားချက်များကောင်းလာခြင်းစတဲ့ အကျိုးကျေးဇူးပေါင်းများစွာကိုရရှိစေမှာဖြစ်ပါတယ်။

အရှေ့တောင်အာရှနိုင်ငံတွေမှာ ကလေးတွေကိုမိဘတွေနဲ့အတူအိပ်ကြတဲ့အကျင့်ရှိပေမဲ့ အနောက်တိုင်းနိုင်ငံတွေမှာတော့ငယ်စဉ်ထဲကအခန်းခွဲသိပ်တဲ့အလေ့အကျင့်ရှိကြပါတယ်။ကျွမ်းကျင်သူများရဲ့အဆိုအရကလေးတွေ 12လကျော်အရွယ်မှာအခန်းခွဲသင့်တယ်လို့ဆိုထားပါတယ်။ကလေးတွေမှာ သူတို့ကိုယ်ပိုင်နေရာရှိသင့်ပါတယ်။အခန်းခွဲခြင်းဟာ ကလေးတွေကိုပိုပြီးအိပ်ပျော်စေနိုင်တယ်လို့လဲဆိုထားပါသေးတယ်။ တစ်ခါတစ်လေစိတ်ပိုင်းဆိုင်ရာအရပဲဖြစ်ဖြစ်ရုပ်ပိုင်းဆိုင်ရာအရပဲဖြစ်ဖြစ်တစ်ယောက်ထဲရှိဖို့လိုအပ်တဲ့ အချိန်တွေရှိတတ်ပါတယ်။ဒါဟာပုံမှန်ပါပဲ မိဘတွေအနေနဲ့သားသမီးတွေရဲ့ကိစ္စတိုင်းကို၀င်မပါသင့်ပဲ သူတို့တစ်ယောက်ထဲလွှတ်ထားသင့်တဲ့အချိန်မျိုးတွေရှိပါတယ်။ဒါဟာသူတို့ခံစားချက်တွေကို အလေးထားခြင်းတစ်မျိုးပါပဲ။

ယနေ့ခေတ်လိုဖုန်းတွေပေါနေတဲ့ချိန်မှာ မိဘတွေဟာကလေးတွေကိုလဲဖုန်းသုံးခွင့်ပေးထားကြတာများပါတယ်။အဓိကအကြောင်းရင်းကတော့ ကလေးငြိမ်အောင်လို့ပါ။ဒီလိုမျိုးကလေးတွေဟာ ဖုန်း ဒါမှမဟုတ် TVကြည့်တဲ့အချိန်တဖြေးဖြေးများလာရင် ကလေးတွေအတွက်ဆိုးကျိုးတွေအများကြီးရှိလာနိုင်ပါတယ်။ကိုယ်ကာယလှုပ်ရှားမှုနဲလာတဲ့အတွက် အ၀လွန်လာခြင်း၊စာဖတ်နိုင်စွမ်းနှင့်သင်ယူနိုင်မှုကိုဟန့်တားစေခြင်း၊အာရုံစူးစိုက်မှုမရှိတော့ခြင်း၊လူမှုဆက်ဆံရေးစွမ်းရည်မရှိတော့ခြင်း၊အိပ်ချိန်မမှန်လာခြင်း၊လည်ပင်းနှင့်နောက်ကျောပြသာနာများရှိလာခြင်း၊မျက်စိအားနဲလာခြင်းတို့အပြင် စိတ်ဓာတ်ကျလွယ်နိုင်ခြင်းတို့လိုဆိုးကျိုးပေါင်းများစွာရရှိလာနိုင်ပါတယ်။အဲ့လိုဆိုလိုလုံး၀ကြီးမသုံးခိုင်းတာတော့မဟုတ်ပါဘူး။သူ့နေရာနဲ့သူအသုံးတည့်နိုင်ပြီးကောင်းကျိုးအနဲငယ်ရှိတဲ့အတွက် သုံးတာတော့သုံးခိုင်းပါ။ဒါပေမဲ့ အချိန်တစ်ခုကန့်သတ်ပြီးတစ်‌နေ့ကိုတစ်နာရီ ဒါမှမဟုတ် နှစ်နာရီထားပြီးသုံး‌ခိုင်းသင့်ပါတယ်။အဲ့လိုသုံးခိုင်းတဲ့နေရာမှာလဲအဆိပ်အတောက်ဖြစ်စေတဲ့social media တွေကိုမသုံးစေဖို့ဂရုပြုပေးပါ။စိတ်အပန်းပြေစေရန်အတွက်သုံးချင်ရင်တောင် toxic မဖြစ်စေတာတွေအများကြီးရှိပါတယ်။

တစ်ခါတစ်လေမိဘတွေအနေနဲ့ ကလေးတွေအပေါ်တောင်းပန်သင့်တဲ့ကိစ္စ‌တွေရှိသလိုတစ်‌ခါတစ်လေကြရင်လဲကိုယ့်ဘက်ကမတောင်းပန်သင့်ပါဘူး။ဘာ‌ကြောင့်လဲဆိုတော့ ကလေးတွေဟာ ခေါင်းမာတတ်ပြီး တစ်ခါတစ်ရံသူတို့မှားတဲ့အခါမျိုးတွေမှာ ၀န်ခံပြီးတောင်းပန်ဖို့၀န်လေးတတ်ကြပါတယ်။သို့သော်အဲ့လိုအချိန်‌တွေမှာ တောင်းပန်ပေးရမှာ မိဘတွေအလုပ်မဟုတ်ပါဘူး။ဒါ‌ကြောင့်မို့လို့ အချိန်တစ်ခုစောင့်ရရင်တောင် သူတို့အမှားအတွက်သူတို့နှုတ်ကနေတောင်းပန်လာတာကိုစောင့်ပေးပါ။

လေ့လာမှုများအရ ကလေးသူငယ်များသည် နှစ်မိနစ်လျှင်မေးခွန်းတစ်ခုမေးလေ့ရှိတတ်ပါတယ်။ဥပမာ အရာ၀တ္ထုတွေရဲ့နာမည်၊တစ်စုံတစ်ခုကဘာကြောင့်ဖြစ်တာလဲ၊ဒါကဘာလို့အဲ့လိုဖြစ်တာလဲ၊သူကဘယ်သူလဲ စသဖြင့်မေးခွန်းပေါင်းများစွာမေးတတ်ကြပါတယ်။ကလေးတွေဟာ ကမ္ဘာကြီးမှာရှိတဲ့အရာတွေနဲ့ပတ်သတ်ပြီး စေ့စေ့စပ်စပ်နှင့်အဆုံးမရှိစူးစမ်းလိုစိတ်ရှိကြပြီး မြင်သမျှကြားသမျှတွေကို ပိုမိုသိလိုစိတ်နားလည်လိုစိတ်ရှိများကြပါတယ်။ထိုသို့မေးခွန်းများအဆက်မပြတ်မေးနေခြင်းဟာ ကလေးများရဲ့သင်ယူမှုများဆီသို့ခြေလှမ်းတစ်ခုဖြစ်ပါတယ်။ဒါကြောင့်မို့မိဘတွေအနေနဲ့ သူတို့သိချင်သမျှတိုင်းကိုစိတ်ရှည်ရှည်နဲ့ဖြေသင့်ပါတယ်။

ကလေးတွေကိုအချိန်ပြည့် TV ဒါမှမဟုတ် ဖုန်းကြည့်ခိုင်းတာတွေထက် ပန်းကန်ဆေးတတ်အောင်၊အိပ်ယာကိုယ်တိုင်သိမ်းတတ်အောင်၊အိမ်သန့်ရှင်းရေးလုပ်တတ်အောင်သင်ပေးပါ။ကလေးလဲကျန်းမာစေတဲ့အပြင် စည်းကမ်းလဲရှိစေပါတယ်။ဒီလိုမျိုး ၁ပါတ် ဒါမှမဟုတ် ၂ပါတ်အထိ ပုံမှန်လေးလိုက်လုပ်တယ်ဆိုရင် ဆုချပေးလိုက်ပါ။ဒီလိုလုပ်တာဟာ သူတို့ကိုပျော်စေတဲ့အပြင်သင့်ကလေးတွေကိုလိမ်မာသွားစေပါလိမ့်မယ်။

ကလေးတွေကြုံတွေ့နေရတဲ့ အခက်အခဲတွေကို နားထောင်ပေးပါ။ဘယ်လိုခံစားနေရတယ်ဆိုတာကိုမေးပါ။သင်က၀င်ဖြေမရှင်းပဲနဲ့ဘယ်လိုဖြေရှင်းရမလဲဆိုတဲ့ နည်းလမ်းကိုပဲပြောပြလိုက်ပါ။သူတို့ပြသာနာကိုသူတို့ဖြေရှင်းနေသလိုခံစားရဖို့ကလဲအရေးကြီးပါတယ်။

ကလေးတွေအပေါ်ကို ငါပြောသလိုပဲလုပ် ပြန်မပြောနဲ့ ဆိုပြီးအာဏာသွားသုံးပြီး‌ဖြေရှင်းလို့မရပါဘူး။ဒီလိုလုပ်ခြင်းဟာ သူတို့ကိုကြောက်စေတဲ့အပြင် ကိုယ့်ကိုယ်ကိုယုံကြည်မှုပါနဲလာစေနိုင်ပါတယ်။ဒါကြောင့်မို့လို့ အာဏာသုံးပြီးဆူမဲ့အစား တစ်ခုခုလုပ်တော့မယ်ဆိုရင်ဖြစ်လာနိုင်မဲ့အကျိုးဆက်နဲ့အမှားအမှန်ကို သိလာအောင်ရှင်းပြပါ။ဒီလိုပြောခြင်းဟာ သူတို့ကိုယ်တိုင်စဉ်းစားတတ်သွားတဲ့အပြင် အမှားအမှန်ခွဲခြားတတ်လာပြီး ဆုံးဖြတ်ချက်များကိုလဲရဲရဲတင်းတင်းချတတ်လာပါလိမ့်မယ်။

ကလေးတွေကိုဂရုစိုက်တဲ့နေရာမှာ အစားအစာတွေဟာလဲအဓိကနေရာမှာပါ၀င်နေပါတယ်။ဖွံ့ဖြိုးဆဲခန္ဓာကိုယ်ကို ကျန်းမာကြံ့ခိုင်အောင် အာဟာရပြည့်၀တဲ့အစားအစာများကိုရွေးချယ်ကျွေးသင့်ပါတယ်။အသီးအရွက်၊အသီးအနှံ၊အသားငါးများ၊ပင်လယ်စာ၊ပေါင်မုန့်၊ခေါက်ဆွဲ၊ဥမျိုးစုံ၊ပဲမျိုးစုံ စသဖြင့်အမျိုးအစားစုံစုံလင်လင် အာဟာရမျှတအောင်ကျွေးသင့်ပါတယ်။ဂရုပြုရမဲ့အရာတစ်ခုကတော့ အရှေ့တောင်အာရှနိုင်ငံတွေဟာဆန်စပါးကိုအဓိကစိုက်ပျိုးတာကြောင့် ထမင်းကိုပဲအဓိကအစာအာဟာရအဖြစ် ကျွေးနေလို့မရပါဘူး။ဘာဖြစ်ဖြစ်အာဟာရပြည့်၀ရင်အကုန်ကျွေးသင့်ပါတယ်။ Snackနဲ့ Candyတို့လို့အစားအစာ‌တွေကိုသာ ထိန်းပြီးကျွေးရမှာဖြစ်ပါတယ်။လေဖောင်းမုန့်နဲ့သကြားလုံးလို အစားအစာတွေဟာတကယ်တော့ကျန်းမာရေးနဲ့မညီညွတ်တဲ့အတွက်ကလေးက စားချင်ရင်တောင်မိဘတွေကcontrol လုပ်ပြီးကျွေးသင့်ပါတယ်ရှင့်။

ပန်းချီ‌ဆွဲခြင်း‌နှင့်ဆေးရောင်ခြယ်ခြင်းဟာ ကလေးတွေရဲ့ လက်ချောင်းများ၊လက်ကောက်၀တ်နှင့်လက်ရဲ့အားကိုကောင်းမွန်စွာတည်ဆောက်ပေးပြီး လက်နဲ့မျက်လုံးပေါင်းစပ်မှုကိုလဲပိုမိုတိုးတက်စေပါတယ်။ပန်းချီဆွဲခြင်းဟာ စက်ဘီးစီးခြင်း၊လမ်းလျှောက်ခြင်း၊‌ပြေးခြင်းတို့လိုမျိုး ခန္ဓာကိုယ်ကြွက်သားလှုပ်ရှားမှုကိုလျင်မြန်စွာဖွံ့ဖြိုးလာစေပါတယ်။ထို့အပြင်စိတ်ခံစားချက်များကိုဖော်ပြခြင်း၊စိတ်ကူးများကိုဖော်ထုတ်ခြင်း၊၎င်းတို့၏အာရုံကိုအသုံးပြုခြင်း၊အရောင်များကိုစူးစမ်းလေ့လာခြင်းစတဲ့လုပ်ငန်းစဉ်များကိုလဲ လုပ်ဆောင်လာစေပါတယ်။