24/08/2026
🇰🇷 တောင်ကိုရီးယားနိုင်ငံရဲ့ စိတ်ဝင်စားဖွယ် ရိုးရာပွဲတော်များနှင့် လှပဆန်းသစ်သော ရိုးရာဝတ်စုံများ 🎎✨
ဒီနေ့မှာတော့ ကျောင်းသား/ကျောင်းသူတွေအတွက် တောင်ကိုရီးယားနိုင်ငံရဲ့ ထင်ရှားတဲ့ ရိုးရာပွဲတော်များနဲ့ ရိုးရာဝတ်စုံ Hanbok အကြောင်းကို မျှဝေပေးလိုက်ပါတယ်နော်။ 🌾🌸
🇰🇷တောင်ကိုရီးယားနိုင်ငံဟာ သူတို့ရဲ့ ရှေးဟောင်း ရိုးရာယဉ်ကျေးမှု၊ ပွဲတော်များနဲ့ ဝတ်စုံများ ကိုလည်း မပျောက်ပျက်အောင် စနစ်တကျ ထိန်းသိမ်းထားနိုင်တဲ့ နိုင်ငံဖြစ်ပါတယ်။
👘ရိုးရာဝတ်စုံ - ဟန်ဘုတ် (Hanbok - 한복)
ကိုရီးယားနိုင်ငံရဲ့ ရိုးရာဝတ်စုံကို "Hanbok" လို့ ခေါ်ပါတယ်။
အရောင်အသွေး စုံလင်ပြီး လိုင်းကြောင်းများ ပြေပြစ်ကာ ပေါ့ပါးကျနစွာ ချုပ်လုပ်ထားပါတယ်။
ရှေးခေတ်က နေ့စဉ်ဝတ်ဆင်ကြသော်လည်း ယခုခေတ်သစ်တွင် ရိုးရာနှစ်သစ်ကူး၊ ကျေးဇူးတော်ချီးမွမ်းပွဲ၊ မင်္ဂလာဆောင်များနှင့် အထူးအခမ်းအနားများတွင်သာ ဝတ်ဆင်ကြပါတယ်။
အမျိုးသမီးဝတ်စုံမှာ 저고리 (အင်္ကျီတို) နဲ့ 치마 (စကတ်ရှည်) ဖြစ်ပြီး အမျိုးသားဝတ်စုံမှာ 저고리 (အင်္ကျီ) နဲ့ 바지 (ဘောင်းဘီပွ) တို့ ဖြစ်ပါတယ်။
🧧ရိုးရာနှစ်သစ်ကူးပွဲတော် (Seollal - 설날)
လပြက္ခဒိန်ရဲ့ ပထမဆုံးနေ့ (များသောအားဖြင့် ဇန်နဝါရီ သို့မဟုတ် ဖေဖော်ဝါရီလ) မှာ ကျင်းပတဲ့ အရေးပါဆုံး ပွဲတော်တစ်ခု ဖြစ်ပါတယ်။
🔹မိသားစုများ အိမ်မှာ စုံစည်းကြပြီး ဟန်ဘုတ်ဝတ်စုံ ဝတ်ဆင်ကာ လူကြီးမိဘများကို အရိုအသေပေး ဦးညွှတ်ကြပါတယ်။ ဒါကို Sebae (세배) လို့ ခေါ်ပြီး လူကြီးများက ကလေးများကို မုန့်ဖိုးပေးကာ ဆုမွန်ကောင်း တောင်းပေးကြပါတယ်။
🔹Tteokguk (တုတ်ဂု - မုန့်ဖတ်စွပ်ပြုတ်) ကို စားသုံးကြပြီး ဒါကို စားမှ အသက်တစ်နှစ် ကြီးသွားပြီလို့ ယူဆကြပါတယ်။
🌕ကျေးဇူးတော်ချီးမွမ်းပွဲ (Chuseok - 추석)
ဆောင်းဦးရာသီ ကောက်ပဲသီးနှံ ရိတ်သိမ်းချိန် (စက်တင်ဘာ သို့မဟုတ် အောက်တိုဘာလ) မှာ ကျင်းပတဲ့ ကိုရီးယားရဲ့ Thangksgiving Day ဖြစ်ပါတယ်။
🍎သီးနှံအသစ်အဆန်းများဖြင့် ဘိုးဘေးဘီဘင်များကို ပူဇော်ကန်တော့ကြပြီး၊ ဘိုးဘေးများ၏ ဂူသင်္ချိုင်းသို့ သွားရောက်ကာ ပေါင်းမြက်များ ရှင်းလင်းပေးကြပါတယ်။
🌙ဆန်သစ်ဖြင့် ပြုလုပ်ထားပြီး လခြမ်းပုံစံ ရှိသည့် ရိုးရာမုန့် (송편) ကို မိသားစုများ အတူတကွ ပြုလုပ် စားသုံးကြပါတယ်။
🌾နွေရာသီ ပွဲတော် (Dano - 단오)
နွေဦးအကုန် နွေအကူး (လပြက္ခဒိန် ၅ လပိုင်း ၅ ရက်နေ့) မှာ ကျင်းပတဲ့ ရိုးရာပွဲတော် ဖြစ်ပါတယ်။
ကောက်ပဲသီးနှံများ အထွက်ကောင်းစေရန်နှင့် ကံကောင်းစေရန် ဆုတောင်းကြပါတယ်။
အမျိုးသမီးများက (창포) ပြုတ်ရည်ဖြင့် ဆံပင်ဆေးကြောသည့် အလေ့အထရှိပြီး၊ အမျိုးသားများက ရိုးရာနပန်းပွဲ (씨름) မျာကို ပြုလုပ်ကြပါတယ်။
🇰🇷 တောင်ကိုရီးယားနိုင်ငံဟာ ကမ္ဘာ့အဆင့်မီ နည်းပညာ တိုးတက်နေသော်လည်း သူတို့ရဲ့ ရိုးရာဝတ်စုံ၊ ပွဲတော်များနှင့် ဘိုးဘေးများအပေါ် လေးစားမှုကို မပျောက်ပျက်အောင် ထိန်းသိမ်းထားတာတွေ့ရပါတယ်။
"မိမိ၏ ရိုးရာယဉ်ကျေးမှုကို တန်ဖိုးထား ထိန်းသိမ်းခြင်းသည် နိုင်ငံ၏ ဂုဏ်သိက္ခာကို မြှင့်တင်ပေးခြင်းဖြစ်သည်" ဆိုသည့်အတိုင်း 𝐒𝐊𝐘 ကျောင်းသား၊ကျောင်းသူများအနေနဲ့ မိမိတို့ရဲ့ မြန်မာ့ရိုးရာ ယဉ်ကျေးမှုနှင့် ပွဲတော်များကိုလည်း တန်ဖိုးထား ထိန်းသိမ်းကြဖို့ တိုက်တွန်းလိုက်ရပါတယ်ရှင်🌟
