Shwe Pyi Thit Education Centre

မူလတန်း နှင့် အထက်တန်းပြ ဆရာ / မ အလိုရှိသည်။

တောင်ဒဂုံမြို့နယ်အတွင်းရှိ ကိုယ်ပိုင်အထက်တန်း ကျောင်းတွင် တာဝန်ထမ်းဆောင်ရန်

#မူလတန်းပြ

သင်ကြားရေး ဆရာ / မ (၁) ဦး
လက်ထောက် ဆရာ / မ (၁) ဦး

#အလယ်တန်းပြ

သင်ကြားရေး ဆရာ / မ (၁) ဦး
လက်ထောက် ဆရာ / မ (၁) ဦး

လိုအပ်လျှက်ရှိပါသည်။

Green Card (သို့) White Card ၅ ကတ် ရှိသူ ဦးစားပေးမည်။

လျောက်ထားလိုပါက -

(၁) လိုင်စင်ဓာတ်ပုံ (၂) ပုံ
(၂) ဘွဲ့လက်မှတ် မိတ္တူ
(၃) မှတ်ပုံတင် မိတ္တူ
(၄) ရပ်ကွက် ထောက်ခံစာ
(၅) ရဲစခန်း ထောက်ခံစာ တို့နှင့်တကွ လျောက်ထားနိုင်ပါသည်။

(cv form ကို ကျောင်းမှ ထုတ်ပေးပါမည်။)

မိတ်ဆွေတို့ သား / သမီးများရဲ့ ပညာရေးမှာ မိတ်ဆွေတို့ မျှော်မှန်းထားသလောက် မထွန်းပေါက်ဘူးလား

ဒါဆိုရင် အခုလို ဘာလို့ဖြစ်နေရပါသလဲ

ကျွန်တော့်အမြင်အရတော့ ကျောင်းသား တစ်ယောက်အတွက် စာသင်ချိန် (Teaching Time) အလွန်များနေပြီး ကိုယ်ပိုင်စာကြည့်ချိန် အလွန်နည်း နေခြင်းပါ။

မိဘများအနေနဲ့ မိမိတို့ သား / သမီးကို အစိုးရကျောင်း သို့မဟုတ် Private School တွေမှာ ထားကြမှာပါ။ ပြီးရင် မိမိတို့ ပတ်ဝန်းကျင်မှာရှိတဲ့ ကောင်းပါတယ်ဆိုတဲ့ ကျူရှင်မှာ ထပ်ပြီးထားကြ
လိမ့်မယ်လို့ထင်ပါတယ်။

မိတ်ဆွေတို့ရဲ့ သား / သမီးလေးတွေဟာ မနက် ၇ နာရီလောက်ကစပြီး နေ့ခင်း ၁၂ နာရီလောက်အထိ ကျောင်းတက်ကြရတယ်။ အဲ့ဒီလို သုံးလိုက်တဲ့ အချိန်တွေဟာ စာသင်ကြားခြင်းအတွက် သုံးလိုက်တဲ့အချိန်တွေဖြစ်တယ်။ (စုစုပေါင်း ၅ နာရီပါ။)

ကျောင်းကပြန်လာပြီး ထမင်းစား ရေမိုးလေးချိုးပြီး နားရမယ်မှ မကြံရသေးဘူး ကျူရှင်ကို သွားရပြန်တယ်။ ကျူရှင်ချိန်ကလဲ နေခင်း ၁ နာရီ လောက်ကစပြီး ည ၇ နာရီလောက်အထိ ကျူရှင်က သတ်မှတ်တဲ့ အချိန်ပေါ်မူတည်ပြီး အချိန်အတိုင်းအတာ တစ်ခုအထိ ကျူရှင်တက်ရပြန်တယ်။ (အနည်းဆုံး ၃ နာရီပါ။)

ကျောင်းတက်ချိန်နဲ့ ကျူရှင်ချိန် စုစုပေါင်းလိုက်ရင် စုစုပေါင်း ၈ နာရီ ဖြစ်သွားပါပြီ။ အဲ့ဒီလိုသုံးလိုက်တဲ့ အချိန် ၈ နာရီစလုံးဟာ စာသင်ချိန်အတွက်သာ ဖြစ်တယ်။ ကိုယ်ပိုင်စာကြည့်ချိန် လုံးဝ လုံးဝ မပါသေး
ပါဘူး။

လူတစ်ယောက်အနေနဲ့ အလုပ်ချိန် ၈ နာရီကြာအောင်လုပ်ပြီးတဲ့အချိန်မှာ အနားယူချင်ကြတာ သဘာဝပါ။ ကျောင်းသား / သူ တွေမှာလည်း ထို့နည်းတူပါဘဲ။ သူတို့လေးတွေလဲ ပင်ပန်းနေကြပါပြီ။ ဒါပေမယ့်သူတို့လေးတွေ နားခွင့်မရကြသေးပါဘူး။ သင်ထားပြီးသမျှစာတွေကို ကျက်မှတ်လေ့ကျင့်ခြင်းတွေကို လုပ်ကြရပါသေးတယ်။

တစ်ချို့သော မိဘများကတော့ မိမိတို့သားသမီးကို ဖြစ်ထွန်းစေလိုသော စိတ်စေတနာနဲ့ Guide ထပ်ခေါ်ပေးကြပါသေးတယ်။ ဒီလိုခေါ်ယူလိုက်တဲ့အခါမှာ မှန်ကန်တဲ့ ခေါ်ယူမှုကို ဖြစ်စေတဲ့ မိဘများအတွက် ပြုံးပန်းဝေရမှာ ဖြစ်ပေမယ့် ခေါ်ယူမှုမှားရင်တော့ အချိန်ကုန် လူပန်း ငွေပန်းဖြစ်စေပါပြီ။

ကျွန်တော့်အမြင်မှာတော့ Guide ဆိုတာ ကျောင်းသား / သူ တွေ သင်ကြားခဲ့ပြီးတဲ့ သင်ခန်းစာတွေကို စနစ်တကျ ကျက်မှတ် လေ့ကျင့်စေဖို့အတွက်ပါ။ ကျက်စာတွေကို ကျောင်းသားကို ကျက်မှတ်စေခြင်း ၊ ကျက်ရခက်နေရင် ကျက်မှတ်ရလွယ်ကူစေမယ့်နည်းလမ်းများပြသပေးခြင်း ၊
ရမရ စစ်ဆေးခြင်း ၊ တွက်စာတွေကို နားမလည်
သည့် အပိုင်းလောက်သာ ရှင်းပြပြီး တွက်ချက်လေ့ကျင်စေခြင်း ၊ မှန်မမှန် ပြန်လည် စစ်ဆေးခြင်း တို့ကို အဓိက လုပ်ဆောင်ရမှာပါ။

တစ်ချို့ တစ်ချို့သော Guide များက စာပြန်သင်ကြပါတယ်။(Guide တိုင်းဟု မဆိုလိုပါ။) အဲ့ဒီလို စာပြန်သင်တဲ့ Guide ကို ငှားမိတဲ့အခါ Guide ချိန်ဟာလည်း စာသင်ချိန် ဖြစ်သွားပါပြီ။ ဒါဆိုရင် ကျောင်းသားတစ်ယောက်အနေနဲ့ ကျောင်းတက်ချိန် + ကျူရှင်ချိန် + Guide အချိန်(အချိန်၃ နာရီခန့်) စုစုပေါင်း ၁၁ နာရီလောက်က စာသင်ချိန်တွေချည်းသာ ဖြစ်သွားပါပြီ။ ကျောင်းသား တစ်ယောက်အတွက် ကိုယ်ပိုင် စာကျက်ချိန် လေ့ကျင့်ချိန်ဟာ မရှိသလောက် ဖြစ်သွားပါပြီ။

မည်မျှပင် သင်ကြားနေသည်ဖြစ်စေ အမိအရ ကျက်မှတ်နိုင်ခြင်းမရှိ ပိုင်ပိုင်နိုင်နိုင် တွက်ချက်နိုင်ရန် လေ့ကျင့်ချိန်မရှိတဲ့ ကျောင်းသားတစ်ယောက်အတွက် ထူးချွန်သင့်သလောက် မထူးချွန်တာ မျှော်မှန်းထားသလောက် အကျိုးမခံစားရတာဟာ အလွန်ဝမ်းနည်းစရာကောင်းလှပါတယ်။

ယခုလို အခက်အခဲတွေအတွက် -

ဆရာဦးမင်းသန့် နှင့်အတူ သင်ကြားမှု အတွေ့အကြုံရင့် ဆရာ / မ များကိုယ်တိုင် ဦးစီးကြပ်မတ်သင်ကြားပေးမဲ့ ရွှေပြည်သစ် စာကျက်ဝိုင်းမှ အောက်ပါ ဝန်ဆောင်မှုများကို ပေးနေပါပြီ။

(၁) ကြိုက်နှစ်သက်ရာ အစိုးရကျောင်း(သို့)
Private School ကို တက်ရောက်ပါ။
တက်ရောက်သည့်ကျောင်းမှ သင်ကြားပေး
လိုက်သော သင်ခန်းစာများကို အမှန်တကယ်
နားလည်မှု ရှိမရှိ စစ်ဆေးခြင်း။

(၂) နားမလည်သော သင်ခန်းစာကိုသာ 1 by 1
ပြန်လည်ရှင်းလင်း သင်ကြားပေးခြင်း။
(သင်ခန်းစာ အားလုံး စ လယ် ဆုံး ပြန်လည်
သင်ကြား ပေးမည်မဟုတ်ပါ)

(၃) တက်ရောက်သည့်ကျောင်းမှ သင်ကြားခဲ့သော
သင်ခန်းစာများကို ကျက်မှတ်စေခြင်း ၊
တွက်ချက် လေ့ကျင့်စေခြင်း။

(၄) ကျက်မှတ် တွက်ချက်လေ့ကျင့်ပြီးသော
သင်ခန်းစာများကို ပြန်လည် စစ်ဆေးခြင်း။

(၅) စစ်ဆေးပြီးသော မှတ်တမ်းများကို မိဘများသို့
လစဥ် အစီအရင်ခံခြင်း။

တက်ရောက်နိုင်သော အတန်းများမှာ -

Grade - 6, 7, 8 , 9 (အလယ်တန်း)
Grade - 10, 11, 12 (အထက်တန်း)

အတန်း ၁ တန်းစီအတွက် ၇ ဦးသာလက်ခံမှာဖြစ်ပါတယ်။

သင်တန်းများအားလုံး ၃.၅.၂၀၂၄ စတင်ဖွင့်လှစ်သင်ကြားမည် ဖြစ်ပါသည်။

#စုံစမ်းမေးမြန်းအပ်နှံနိုင်ပါပြီ။
အခန်း (၃၀၁) ၊ တိုက် (၂၆) ၊ ၂ လမ်း (B) ၊
ယုဇနဥယျာဥ်မြို့တော်
Ph - 0943135460 / 09255174339

နွေရာသီ အားလပ်ရက်တွေကို ကောင်းမွန်စွာ အသုံးချဖို့အတွက်
🏝For Summer Course🏝
🆎️Basic English Grammar🆎️
🆎️Letter, Essay Writing🆎️
သင်တန်းလေးနဲ့ မိတ်ဆက်ပေးပါရစေ🥰

ဘာတွေသင်မှာလဲ🤔🙄
👨‍🏫Basic English Grammar
👨‍🏫Sentence Construction
👨‍🏫How to write Letter
👨‍🏫How to write Essay

ဘယ်လိုအကျိုးကျေးဇူးတွေရမလဲ🤔🙄
✍️ကျောင်းစာမှာ ကလေးတိုင်း အမြဲလိုလိုဖြေရခက်နေတဲ့ Grammar Pattern တွေအကြောင်းကို နားလည်နိုင်မယ်🤩
✍️Verb Form, Word Form တွေကို သုံးတတ်လာနိုင်မယ်
✍️Paragraph တွေကို စနစ်တကျ ဘာသာပြန်တတ်လာမယ်
✍️ကလေးတိုင်း ကြောက်ရတဲ့ Letter, Essay ကို ကိုယ်တိုင်ချရေးလာနိုင်မယ်

ဘယ်ဆရာတွေသင်ကြားမှာလဲ🤔🙄
🧑‍🏫 English စာမှာ စာသင်သက် အတွေ့အကြုံ ၂၆နှစ်အထက် ရှိပြီး လက်ရှိ International School တွေမှာ သင်ကြားနေတဲ့ ဆရာတွေနဲ့ သင်ကြားခွင့်ရမည်

ဘယ်အသက်အရွယ်တွေတက်လို့ရမလဲ🤔🙄
👉Grade-6,7,8,9(၁၀နှစ် ကနေ ၁၄နှစ်)အတွက် Middle class
👉Grade-10,11,12(၁၅နှစ် ကနေ ၁၈နှစ်) အတွက် High class

ဘယ်အချိန်တွေတက်ရမလဲ🤔⏰️
For Middle class
👉9:30AM to 11:00AM( Monday to Friday)

For High class
👉8:00AM to 9:30 AM(Monday to Friday)

သင်တန်းကြေးဘယ်လောက်လဲ🤔💸
For Middle class👉 25000 mmk (per month)
For High class👉 30000 mmk (per month)

သင်တန်းကာလ ကြာမြင့်ချိန်👉 March,April

သင်တန်းဖွင့်မည့်ရက်👉 6.3.2023( Monday)

သင်တန်းတည်နေရာ👉 အခန်း ၃၀၁,တိုက် ၂၆, ၂လမ်း A block ယုဇနဥယျာဥ်မြို့တော်

ဆက်သွယ်စုံစမ်းရန်👉 0943135460,09255174339

လူဦးရေ ကန့်သတ်ထားပါသဖြင့် အမြန်စုံစမ်းအပ်နှံနိုင်ပါပြီ😍

ရေဝေရေလဲ (Watershed)

ရေဝေရေလဲဆိုသည်မှာ မြစ် ၊ ချောင်း ၊ အင်း ၊ အိုင် ၊ ဆည် ၊ မြောင်း ၊ တာတမံများ မြစ်ဖျားခံရာ ဒေသကို ဆိုလိုပါသည်။

တနည်းဆိုသော်

ရေဝေရေလဲဒေသ (Watershed) ဆိုသည်မှာ ရေ၊ရေနှင့်အတူသယ်ဆောင်လာသော အနည်အနှစ်များ၊ အာဟာရများ(nutrients) နှင့် ဓာတုပါ၀င်ပစ္စည်းများကို ချောင်းနှင့် မြစ်များထဲသို့ စီးဆင်းစေနိုင်သည့် မြေမျက်နှာပြင်ဧရိယာတစ်ခု ဖြစ်ပါသည်။

ရေဝေရေလဲ ဧရိယာကို ယခုအခါ Catchment Area ဟု အသုံးများပါတယ်။ တစ်ချို့ကလဲ Watershed Area သို့မဟုတ် Drainage Basin လို့သုံးတာလဲ တွေ့ရပါတယ်။ အရိုးရှင်းဆုံး ပြောရရင် မိုးရေတွေကို စုပ်ပြီး မြစ်ချောင်းအင်းအိုင်တွေဆီကို စီးဝင်စေတဲ့ နေရာတစ်ခုဟာ ရေဝေရေလဲ ဧရိယာပါပဲ။

ရေဝေရေလဲဒေသဟာ ကုန်းမြင့်ပိုင်းမှာရှိပြီး သစ်တောထူထပ်တဲ့ နေရာတွေလဲ ဖြစ်ပါတယ်။ ရေဝေရေလဲ ဧရိယာဟာ ပထမဦးစွာ မိုးရေတွေကို စုပ်ယူတယ်။ ပြီးမှ သဘာဝအလျောက် မြင့်ရာမှ နိမ့်ရာကို စီးစေပါတယ်။ မိုးရေတွေကို စုပ်ယူတဲ့အခါမှာ သစ်ပင် ၊ သစ်တောတွေက အရေးပါလှပါတယ်။ သစ်ပင် သစ်တောတွေက ရွာကျလာတဲ့ မိုးရေတွေကို ထိန်းပေးတယ်။ အင်နဲ့အားနဲ့ကျလာတဲ့ မိုးပေါက်တွေဟာ သစ်ပင် သစ်တောတွေကြောင့် သူတို့ရဲ့အရှိန်ဟာ နှေးသွားတယ်။ ဒီလိုနှေးသွားတဲ့အတွက် အကျိုးကျေးဇူးနှ်ရပ်ကို ဖြစ်ပေါ်စေတယ်။ ပထမတစ်ခုက မြေဆီလွှာ တိုက်စားမှုကို လျော့ပါးစေတယ်။ ဒုတိယတစ်ခုက မိုးရေတွေဟာ မြေအောက်ကို ပိုမိုစိမ့်ဝင်ခွင့်ရသွားတယ်။ မြေအောက်ရေကို ဖြည့်ပေးနိုင်တယ်။

ရေဝေရေလဲဧရိယာဆိုတဲ့အတိုင်း သူ့မှာ အရွယ်အစား Size နဲ့ ပုံသဏ္ဍာန် Shape နှ်ခုစလုံးရှိပါတယ်။ ကျွန်တော်တို့ မြန်မာနိုင်ငံရဲ့ ကိုယ်ပိုင်မြစ်ဖြစ်တဲ့ ဧရာဝတီမြစ်ရဲ့ ရေဝေရေလဲ ဧရိယာဟာ မြစ်ဆုံကနေ မြစ်ဝအထိ စုစုပေါင်း ၁၉၁၇၈၅ ဧရိယာစတုရန်းကီလိုမီတာ ၊ မြစ်ဆုံကနေ ချင်းတွင်းမြစ်အထိ ၁၂၈၃၁၅ စတုရန်းကီလိုမီတာ ၊ ချင်းတွင်းမှ မြစ်ဝအထိ ၆၃၄၇၀ စတုရန်းကီလိုမီတာရှိပြီး ဧရာဝတီမြစ်ရဲ့ ရေဝေရေလဲ ဧရိယာဟာ မြန်မာနိုင်ငံ ကုန်းမြေဧရိယာရဲ့ ၂၅ % ခန့်ရှိကြောင်းသိရပါတယ်။
ထူးခြားတာက ဧရာဝတီရဲ့ ရေဝေရေလဲ ဧရိယာဟာ ကချင် ၊ စစ်ကိုင်း ၊ မန္တလေး ၊ မကွေးနဲ့ ဧရာဝတီတိုင်းဒေသကြီးများအတွင်းမှာ ပါဝင်နေတာ ဖြစ်ပါတယ်။ ဧရာဝတီကို မေခ ၊ မလိခ မြစ်ဆုံက မွေးဖွားပေးလိုက်တာမှန်ပေမယ့် ဆက်လက်ဖွံ့ဖြိုးဖို့အတွက်ကတော့ ကျန်တိုင်းဒေသကြီးတွေရှိ ရေဝေရေလဲ ဒေသတွေရဲ့ ပံ့ပိုးမှုက မရှိမဖြစ် လိုအပ်မှာ ဖြစ်ပါတယ်။

ရေဝေရေလဲဧရိယာရဲ့ အရွယ်အစားနဲ့ ပုံသဏ္ဍာန်ဟာ ဂေဟဗေဒစနစ်ကြီးရဲ့ မိတ်ဖက်မိသားစုဝင်တွေဖြစ်တဲ့ ကျောက်အမျိုးအစား ၊ မြေဆီလွှာအမျိုးအစား ၊ မြေမျက်နှာသွင်ပြင် ၊ ရာသီဥတု ၊ သစ်ပင်ပေါက်ရောက်မှုနဲ့ လူတိုင်းရဲ့ မြေအသုံးချမှုအပေါ်မှာ မူတည်ပါတယ်။ ရေဝေရေလဲဧရိယာရဲ့ အသက်သွေးကြောဖြစ်တဲ့ ရေစီးဆင်းမှုပုံစံ Drainage System ဥပမာ - မြစ်ချောင်းများ တိုခြင်း ၊ ရှည်ခြင်း ၊ စိပ်ခြင်း ၊ ကျဲခြင်း နှ့် မြစ်လက်တက် ချောင်းလက်တက် နည်းခြင်း ၊ များခြင်းဟာ အောက်ခံကျောက်နဲ့ မြေဆီလွှာ အမျိုးအစားပေါ်မူတည်ပြီး ကွဲပြားသွားခြင်းဖြစ်ပါတယ်။

အောက်ခံကျောက် သို့မဟုတ် မြေဆီလွှာဟာပွရင် ရေစုပ်နိုင်စွမ်းများရင် အဲ့ဒီဒေသမှာရှိတဲ့ ရေစီးဆင်းမှုပုံစံဟာ ကျဲပါးနေတာတွေ့ရမှာ ဖြစ်ပါတယ်။ ဘာကြောင့်လဲဆိုတော့ ရေတွေဟာ မြေအောက်ကို အလွယ်တကူ စုပ်ယူခံလိုက်ရလို့ ဖြစ်ပါတယ်။ အထူးသဖြင့် သဲကျောက်တို့ ၊ စရစ်ဖြုန်းကျောက်တို့ရှိတဲ့နေရာတွေမှာဆို ရေစီးဆင်းမှုပုံစံဟာ ခပ်ပါးပါး တွေ့ရမှာပါ။

ရေဆင်းပုံစံ ခပ်စိပ်စိပ်နဲ့ လက်တက်ကလေးတွေ အများကြီးတွေ့ရတာကတော့ အောက်ခံကျောက် (သို့) မြေဆီလွှာဟာ စုပ်ယူမှုနည်းတဲ့ ၊ စိမ့်ဝင်မှုနည်းတဲ့ မြေဆီလွှာ ဖြစ်နေလို့ပါပဲ။ ဥပမာ နုန်းကျောက် ၊ သင်ပုန်းကျောကနဲ့ သိပ်သည်းကျစ်လစ်တဲ့ ကျောက်တွေပေါ်မှာ ခပ်စိပ်စိပ်ရေဆင်းပုံစံတွေ ဖြစ်လေ့ရှိပါတယ်။ ကျောက်နဲ့ မြေဆီလွှာ အမျိုးအစားပေါ်မူတည်ပြီး အင်းထဲ ၊ အိုင်ထဲ ၊ မြစ်ထဲကို အနည်ပို့ချမှု ပမာဏကွဲပြားပြန်ပါတယ်။ လူတို့ရဲ့ ပယောဂကြောင့် နုန်းတွေ အနည်တွေ များနိုင်တာကိုလဲ သတိပြုရမှာ ဖြစ်ပါတယ်။

လူတွေရဲ့ မြေအသုံးချမှု ပုံစံတွေက ရေဝေရေလဲ ဧရိယာရှိ စီးရေရဲ့ ပမာဏအပေါ် အကျိုးသက်ရောက်စေပါတယ်။ရေဝေရေလဲဧရိယာတွေကို ရည်ရွယ်ချက်အမျိုးအမျိုးဖြင့်အသုံးပြုခြင်း
( ဥပမာ - အဆောက်အအုံများတည်ဆောက်ခြင်း ၊ သယံဇာတများ တူးဖော်ခွင့်ပြုခြင်း ၊ ကျူးကျော်နေထိုင်ခြင်း ၊ ကျူးကျော် စိုက်ပျိုးခြင်း စသည်ဖြင့်) တွေဟာ ရေဝေရေလဲ ဧရိယာရဲ့ ဂေဟဗေဒစနစ်ကို ထိခိုက်စေပါတယ်။ မြစ်များ ၊ ချောင်းများ ရေခန်းခြောက်ခြင်းတွေဟာ အဲ့ဒီက စတာဖြစ်ပါတယ်။

ကောင်းမွန်ကျန်းမာသော ရေဝေရေလဲ၏လက္ခဏာများမှာ -

၁။ မျိုးရင်းရေနေသတ္တဝါများ ကောင်းမွန်စွာရှင်သန်နေထိုင်နိုင်ရန် ကောင်းမွန်လုံလောက်သော ရေအရည်အသွေးရှိခြင်း

၂။ Riparian corridor (မြစ် ၊ချောင်း အစရှိသည့်‌‌ ရေစပ်နားတွင်ပေါက်ရောက်နေတတ်​သော အပင်အုပ်စု)သည် ဓမ္မတာ မျိုးဆက်ခြင်း(သဘာ၀အတိုင်း အပင်ငယ်များ ပြန်လည်‌ပေါက်ရောက်နိုင်ခြင်း)ကို ဆောင်ရွက်နိုင်သည့် အခြေအနေရှိခြင်း

၃။ အဓိက မျိုးရင်းအပင်နှင့် သတ္တဝါမျိုးစိတ်တို့သည် သင့်တော် သော အရေအတွက်တွင် အစဥ်တည်ရှိခြင်း

၄။ ကုန်းမြင့်ရှိသစ်တောနှင့် မြက်ခင်းပြင်တို့သည် မိုးရေ စိမ့်၀င်နိုင်မှု ကောင်းခြင်း၊ မျိုးရင်းတောရိုင်းတိရစ္ဆာန်များအတွက် ကောင်းမွန်သော ကျက်စားရာနေရာ ဖြစ်ခြင်း၊ မြေဆီလွှာတိုက်စားခြင်းကို လျော့ချနိုင်ခြင်း၊ ရေကိုသန့်ရှင်းစွာဖြင့် မြစ်ချောင်းများသို့ ပို့ဆောင်ပေးနိုင်ခြင်း စသည့် အချက်များ ပါ၀င်ပါသည်။

အကျိုးကျေးဇူးများ -

ကောင်းမွန်ကျန်းမာသောရေဝေရေလဲဒေသများ၏
လုပ်ဆောင်ချက်တွေများကို ဂေဟဗေဒစနစ်ဖြင့်ကြည့်မည်ဆိုပါက ရေကို စစ်ထုတ်ပေးခြင်း၊ရေကြီးမှုကို ကာကွယ်ပေးခြင်း၊ကာဗွန်ကို သိုလှောင်ပေးခြင်း၊မြေဆီလွှာတိုက်စားမှုကို ထိန်းသိမ်းပေးခြင်း၊အစားအစာနှင့်သစ်များထောက်ပံပေးခြင်း ၊စိတ်အပန်းပြေစေခြင်း ၊တောရိုင်းတိရစ္ဆာန်များ တစ်နေရာမှတစ်နေရာ သွားလာ ဖြတ်သန်းရာတွင် နားခိုရာဖြစ်ခြင်း ၊ဒေသမျိုးရင်း အပင်များနှင့်တိရစ္ဆာန်များ၏ ကျက်စားရာဒေသအဖြစ်‌ထောက်ပံပေးခြင်း ၊ ဇီ၀ မျိုးစုံမျိုးကွဲများ တိုးပွားလာစေခြင်း ၊မျိုးရင်းမဟုတ်သော မျိုးစိတ်များ ကျူးကျော်မှုကို လျော့ချနိုင်ခြင်း၊ ရာသီဥတုပြောင်းလဲခြင်းနှင့် တစ်ခြား သဘာ၀ဘေးအန္တာရယ် ၀င်ရောက်မှုကို တားဆီးပေးနိုင်ခြင်း တို့ဖြစ်ပါသည်။

စီးပွားရေး အရ ကြည့်မယ်ဆိုပါကလည်း ရေအရည်အသွေးကို သဘာ၀အတိုင်းထိန်းပေးနိုင်ခြင်းနှင့် အမှုန်အမွှားများကို သဘာ၀အတိုင်းစစ်ထုတ်နိုင်စွမ်းရှိသောကြောင့် သောက်ရေ အတွက် သန့်စင်ပြုပြင်မှု နှင့် အဆောက်အအုံအတွက် ကုန်ကျမှုကို လျော့ချနိုင်သည်။
ရေကြီးမှုကို ကာကွယ်ပေးနိုင်ခြင်းကြောင့် ရေကြီးမှုကြောင့် ဖြစ်ပေါ်လာသည့် ပျက်စီးမှုကုန်ကျစရိတ်များကို လျော့ချနိုင်သည်။
ကျန်းမာသော ရေဝေရေလဲဒေသများဖြစ်သည့်အလျောက် ငါးမျှားခြင်း၊လှေစီးခြင်း၊ရေကူးခြင်း၊တောင်တက်ခြင်း၊စက်ဘီးစီးခြင်း၊တောရိုင်းတိရစ္ဆာန်များ ကြည့်ရှုခြင်းများ လုပ်နိုင်သည့်အတွက် ဒေသခံများသည် အလုပ်အကိုင်အခွင့်အလမ်းရရှိစေနိုင်သည်။သဘာ၀ခရီးသွားလုပ်ငန်းကို လည်း ဖော်ဆောင်နိုင်သည်။ ထိုသို့ဆိုလျှင် ရေဝေရေလဲဒေသများပျက်စီးဆုံးရှုံးသွားပါက အထက်ပါ အကျိုးကျေးဇူးများကို ခံစားနိုင်ခွင့် ရှိတော့မည်မဟုတ်။ထို့ကြောင့် ဤရေဝေရေ‌လဲ ဒေသကို ထိန်းသိမ်းရန် လိုအပ်ပေသည်။

ထိန်းသိမ်းကာကွယ်ရမည့် နည်းလမ်းများ -

ရေဝေရေလဲဒေသ ထိန်းသိမ်းကာကွယ်ရမည့် နည်းလမ်းများစွာရှိသော်လည်း လွယ်ကူစွာလုပ်ဆောင်နိုင်မည့် နည်းလမ်းများကို အောက်ပါအတိုင်း ဖော်ပြလိုက်ပါသည်။

၁။မိမိနေထိုင်ရာ ဒေသနှင့်ကိုက်ညီသည့် မျိုးရင်း အပင်များကို စိုက်ပျိုးပါ။တကယ်၍ ဖြစ်နိုင်ပါက မြေဆီလွှာတိုက်စားခြင်းကို ကာကွယ်ရန်အတွက် မြက်ပင်မှ စ၍ အပင်အမျိုးမျိုး ၊ ပျားနှင့်လိပ်ပြာများအတွက် ပန်းပင်များ၊ငှက်များနှင့် ကောင်းမွန်သန့်ရှင်းသော ရေစီးမှု ဖြစ်ပေါ်စေရန် အတွက်ချုံပင်ပုများနှင့် သစ်ပင်များကို စိုက်ပျိုးပါ။

၂။ရေမစိမ့်၀င်နိုင်သော မျက်နှာပြင်များ၊ ကွန်ကရစ်အပြည့်ခင်းခြင်းများကို လျော့ချပါ။‌ေရမစိမ့် ၀င်နိုင်ခြင်းကြောင့် ရေကြီး ရေလျှံမှုကို ဖြစ်စေနိုင်သည်။ရေစိမ့်၀င်နိုင်သည့် ကျောက်ခင်းခြင်းများ၊ ကြမ်းခင်းများကို အသုံးပြုပါ။မိုးရေကို ခံယူအသုံးပြုပါ။မိုးရေစီးဆင်းမှု နည်းကွေးစေမည့် နည်းလမ်းများကို အသုံးပြုပါ။

၃။အဆိပ်မဖြစ်စေသည့် အိမ်သုံးပစ္စည်းများ၊ဥယျာဉ်ခြံမြေသုံး ပစ္စည်းများကို အသုံးပြုပါ။ဆီနှင့် တိရစ္ဆာန် အညစ်အကြေးများကို ရေမြောင်းများ၊ မြစ်ချောင်းများသို့ စွန့်ပစ်ခြင်းကို ရှောင်ကြဉ်ပါ။

၄။ မြေဆီလွာတိုက်စားမှုကို ပြုပြင်ရန် မျိုးရင်း အပင်များနှင့် ဆောင်ရွက်သည့် ဇီ၀နည်းပညာ နည်းလမ်းများ(biotechnology techniques)ကို အသုံးပြုပါ။ဥပမာ မြက်နှင့်နာနတ်ရိုင်းပင်များစနစ်တကျ စိုက်ပျိုးခြင်း တို့ဖြစ်သည်။

၅။ Riparian areas( မြစ်ချောင်းနားအနီးရှိ အပင်အစုအဝေးများရှိသော ဧရိယာ) များကို ကာကွယ်ထိန်းသိမ်းပါ။

အထက်ပါ အချက်များကို လိုက်နာဆောင်ရွက်ပြီး သန့်ရှင်းကောင်းမွန်သည့် ရေဝေရေလဲ စနစ်၏ ကောင်းကျိုးများကို ခံစားနိုင်ပါတယ်။

ဒေါက်တာဇော်မြင့်နီ(ရေဝေရေလဲဒေသ ထိန်းသိမ်းပါ) နှင့် EHS Myanmar (ရေဝေရေလဲဒေသများကို ထိတွေ့ခြင်း) ဆောင်းပါးများမှ ထုတ်နှုတ်တင်ပြပါသည်။

ဘီလ်ပွဲစား (Bill Broker)

ဘီလ် (Bill) ဆိုသည်မှာ တစ်စုံတစ်ဦးကို အချိန်ကာလ တစ်ခုအတွင်းပေးဆောင်ရန်ညွှန်ကြားသည့် စာရွက်စာတမ်းဖြစ်သည်။ ကုန်စည်များ ရောင်းခြင်းဝယ်ခြင်းတို့အတွက် ပေးချေရန် အသုံးပြုသော စာရွက်စာတမ်းဖြစ်သည်။

ဘီလ်ပွဲစား ဆိုသည်မှာ ဘီလ်များကို ဝယ်ယူခြင်း ၊ ရောင်းချခြင်း များကို ပြုလုပ်ကြသူများဖြစ်သည်။

အထူးသဖြင့် ဘီလ်အရောင်း အဝယ်လုပ်သူများ ၊ ဘီလ် ရောင်းလိုသူ ဝယ်လိုသူများအား ဘဏ်တိုက်များနှင့် ဆက်သွယ်ပေး၍ အရောင်းအဝယ်ဖြစ်စေသူများ ၊ အာမခံစာချုပ် အရောင်းအဝယ်လုပ်ပေးသူများကို ဘီလ်ပွဲစားဟုခေါ်သည်။

ဖလှယ်မှု ဘီလ် (Bill of Exchange)

လူတစ်ယောက် (သို့) ကုမ္ပဏီတစ်ခုက အခြားလူတစ်ယောက် (သို့) အခြားကုမ္ပဏီတစ်ခုကို တစ်စုံတစ်ရာသော ပစ္စည်းကို ဝယ်ယူသည့်အတွက် ကျသင့်သောတန်ဖိုးငွေကို မည်သည့်နေ့ရက်တွင် ပေးဆပ်ပါရန် ပေးပို့လိုက်သော ဘီလ်ကိုခေါ်သည်။

ဘေလ် ပေးပို့သူကို ဘေလ် ဆွဲသူဟုခေါ်သည်။ ပေးပို့လိုက်သော ဘေလ် ကို ဒုတိယလူက ဘေလ် ပါအတိုင်း ပေးမည်ဟု ကတိခံကာ ဘေလ် ပေါ်တွင် လက်မှတ်ထိုးလိုက်လျှင် ဘေလ် ကို လက်ခံသည်ဟုခေါ်သည်။
လက်ခံရရှိသည့် ဘေလ် များ သည် တရားဝင် စေ့စပ်နိုင်သည်။ ဆိုလိုသည်မှာ ဤ ဘေလ် ကို တတိယလူအား တစ်ဆင့်လွှဲပေးနိုင်ခြင်းဖြစ်သည်။
ဥပမာ - ဘီလ် စာရင်းအရ ငွေ ၁၀၀၀ ရစရာရှိသည်ဆိုကြပါစို့။
ဤ ၁၀၀၀ တန်သော ဘီလ်သည် နောက်တစ်ပတ်ကြာမှ လက်ခံသူထံမှ ငွေ ၁၀၀၀ ရမည်ဆိုလျှင် ဘေလ် ဆွဲသူသည် ၄င်း ၁၀၀၀ တန် ဘေလ် ကို ၁၀၀၀ ထက်နည်းသောငွေဖြင့် အခြားသူတစ်ဦးအား ရောင်းချပစ်နိုင်သည်။ ဤသို့ ရောင်းချလိုက်သောအခါ ဘီလ် ၏ကျောဘက်တွင် "မှန်ကန်သဘောတူကြောင်း" လက်မှတ်ထိုးလိုက်ရမည်ဖြစ်သည်။ အဓိပ္ပါယ်မှာ ဤတတိယလူသည် အချိန်စေ့၍ ဘေလ် လက်ခံသူထံသွား၍ ဘေလ် ကိုပြ၍ ငွေတောင်းခံနိုင်သည်။ အကယ်၍ ဘေလ် လက်ခံသူက မပေးနိုင်လျှင် ဘေလ် ဆွဲသူက စိုက်ပေးရမည်ဖြစ်သည်။

အကယ်၍ တတိယလူသည် ဘဏ်တိုက်တစ်ခု ဖြစ်မည်ဆိုလျှင် (Accepting House) ဘီလ်များကို လက်ခံသော တိုက်ဟုခေါ်သည်။
ဥပမာ - A တွင် B ထံမှ ရစရာရှိသော ဘေလ် တစ်စောင်ရှိသည်။ A သည် ၄င်း ဘီလ်အား ဘဏ်တိုက်သို့ အပ်လိုက်သည်။ ၄င်း ဘဏ်တိုက်က ဘီလ် ပေါ်တွင် လက်မှတ်ထိုးလိုက်သောအခါ ဘဏ်တိုက်က ဘီလ် ကို လက်ခံသည်ဟုခေါ်သည်။ ဤသို့ ဘဏ်တိုက်က လက်မှတ်ထိုးလိုက်ခြင်းအားဖြင့် အချိန်စေ့သောအခါ ဘီလ် ကို လက်ခံထားရှိသူသည် ပေးအပ်မည့်သူ B ထံမှ ငွေကိုမရခဲ့လျှင် လက်မှတ်ထိုးလိုက်သော ဘဏ်တိုက်ဆီမှ ငွေရနိုင်သည်။ ဘဏ်တိုက်က စိုက်၍ ဆပ်လိုက်ရမည်ဖြစ်သည်။
ဘဏ်တိုက်များက ဘီလ်များအပေါ် လက်မှတ်ထိုး လက်ခံလိုက်သောအခါ ဤ ဘေလ် များ၏ တန်ဖိုးသည် မြင့်သွားလေသည်။ ငွေရရန် အလွန်သေချာသွားသည်။ အဂ်လန်တွင် ၄င်းဘီလ် များကိုလက်ခံသောအလုပ်များကို ဆောင်ရွက်သော အလုပ်တိုက်များ ဘာရင်(စ်) ၊ ချူဝင်းနှင့် ရှရိုဒါ စသော ကုမ္ပဏီ ၃ ခုသည် ကမ္ဘာကျော် ဘီလ် လက်ခံသော အလုပ်တိုက်များ ဖြစ်ကြသည်။ ဤ ကုမ္ပဏီ ၃ ခုမှ လက်မှတ်ပါသော ဘီလ်များသည် တန်ဖိုးကောင်းလေသည်။ ဘီလ် များကို လက်ခံဆောင်ရွက်သော အလုပ်တိုက်များကို လက်ခံသောတိုက် ဟုခေါ်သည်။ ဤ တိုက်များသည် နိုင်ငံခြားမှ အာမခံ စာချုပ် ရောင်းဝယ်လိုသူများကိုလည်း ပွဲခယူ၍ ဆောင်ရွက်ပေးသည်။

ကုန်ရကြောင်း ဘီလ် (Bill of Loading)

သဘော်ပေါ် ကုန်ပစ္စည်းများတင်ပြီး၍ လက်ခံရရှိကြောင်း သဘော် ကပ္ပတိန်မှဖြစ်စေ ၊ ၄င်း၏ ကိုယ်စားလှယ်မှဖြစ်စေ လက်မှတ်ထိုးထားသော
ဘီလ် ဖြစ်သည်။ သဘော်ပေါ်မှ ကုန်ပစ္စည်းများအား သဘော်ကပ္ပတိန်ကဖြစ်စေ ၊ ၄င်း၏ ကိုယ်စားလှယ်ကဖြစ်စေ ဆိပ်ကမ်းရောက်လျှင် ကုန်မှာသူထံ အပ်နှံရသည်။

အရောင်း ဘီလ် (Bill of Sale)

ပစ္စည်းအပေါင်ဖြင့် ငွေချေးသောစာချုပ်ဖြစ်သည်။ ငွေချေးငှားသူသည် အတိုးနှင့်အရင်းကို ပေးဆပ်ရန် ပျက်ကွက်လျှင် ငွေထုတ်ချေးသူက စာချုပ်ပါ ကုန်ပစ္စည်းများကို ရောင်းချပိုင်ခွင့်ရှိသည်။ ရောင်း ဘေလ် သည် အထူးသဖြင့် သဘော်ပေါ်မှ ကုန်များ ၊ အကောက်ရုံး ဂိုဒေါင်ရှိ ကုန်များ ပိုက်ဆံမရှိ၍ မရွေးနိုင်သောအခါတွင် ၄င်းပစ္စည်းများကို အပေါင်ထား၍ ငွေချေးလေ့ရှိသည်။

#ဆရာမောင်စူစမ်း(စီးပွားရေးအဘိဓာန်)မှ ထုတ်နှုတ်တင်ပြသည်။

ငွေတိုက်စာချုပ်အကြောင်း သိချင်နေကြတဲ့ ဆရာ / မ များအတွက် -

https://shwedingar.com/insure-and-invest-myanmar-treasury-bonds-and-treasury-bills/

ဆရာတစ်ယောက်၏ မေးမြန်းထားမှုအပေါ် အတတ်နိုင်ဆုံး အရှင်းလင်းဆုံးဖြစ်အောင် ပြန်လည်ဖြေကြားလိုက်ပါတယ်ခင်ဗျာ။

"ငွေကြေးလှည့်ပတ်မှုအရှိန်" ဆိုတာ သတ်မှတ်ထားတဲ့ အချိန်တစ်ခုအတွင်းမှာ တစ်လက်မှ တစ်လက်သို့ ငွေကြေးလက်ပြောင်းသွားတဲ့ အကြိမ်အရေအတွက်ကို ဆိုလိုတာပါ။

ဥပမာအားဖြင့် သတ်မှတ်ထားတဲ့အချိန်က "တစ်လ" ဆိုပါစို့။
ဒေါ်လှ က 👉 ကြက်သားရောင်းတဲ့သူ...
မောင်မြ က 👉 အိမ် ဝယ်ရောင်းလုပ်သူ... ဆိုပါစို့။

ဒေါ်လှ က ကကြက်သား တစ်ပိဿာကို ၄၀၀၀ ကျပ်နဲ့ဝယ်ပြီး ၆၀၀၀ ကျပ်နဲ့ ရောင်းတယ်...
တစ်ရက်ကို ပိဿာ ၂၀ လောက် ကုန်အောင် ရောင်းရတယ်ဆိုကြပါစို့။
ဤဥပမာအရ
ဒေါ်လှအတွက် တစ်ရက်စာ အရင်း
👉 (၄၀၀၀ ကျပ် × ၂၀ ပိဿာ = ၈၀၀၀၀ ကျပ်) လိုအပ်မယ်။
အမြတ် 👉 တစ်ရက်ကို ၄၀၀၀၀ ကျပ် ရရှိမယ်။

သတ်မှတ်ထားတဲ့အချိန် တစ်လဆိုတော့...
👉 (၄၀၀၀၀ကျပ် × ၃၀ ရက် = ကျပ် ၁၂ သိန်း)
ဒေါ်လှရနိုင်တယ်။

ဒေါ်လှက တစ်ရက်တစ်ခါ အရောင်းအဝယ် အပေးအယူလုပ်နေတာ ဖြစ်သောကြောင့်

တစ်လအတွင်း...
ဒေါ်လှရဲ့ ငွေကြေးလှည့်ပတ်မှုအရှိန်က
👉 အကြိမ် ၃၀
အပေးအယူလုပ်ရန် ဒေါ်လှ လိုအပ်တဲ့ငွေပမာဏ
👉 ၈၀၀၀၀ ကျပ် သာလိုအပ်ပါတယ်။

✳ ဒေါ်လှသည် ငွေကြေးလှည့်ပတ်အရှိန်
(အကြိမ် ၃၀) မြင့်သောကြောင့် အရောင်းအဝယ်အပေးအယူလုပ်ရန် ငွေပမာဏ နည်းနည်းသာ လိုအပ်ပါတယ်။ ✳

မောင်မြက အိမ်တစ်အိမ်ကို ကျပ်သိန်း ၁၀၀ နဲ့ဝယ်မယ် ကျပ်သိန်း ၁၁၅ နဲ့ရောင်းတယ်။ ဒီလိုပြန်ရောင်းထွက်ဖို့ တစ်လကြာတယ်ဆိုပါစို့။

သတ်မှတ်ထားတဲ့အချိန် တစ်လအတွင်း မောင်မြရနိုင်တာက ကျပ် ၁၅ သိန်း

တစ်လအတွင်း...
မောင်မြရဲ့ ငွေကြေးလှည့်ပတ်မှုအရှိန်က
👉 ၁ ကြိမ်
အပေးအယူလုပ်ရန်မောင်မြ လိုအပ်တဲ့ ငွေပမာဏ
👉 ကျပ်သိန်း ၁၀၀ အထိ လိုအပ်ပါတယ်။

✳ မောင်မြသည် ငွေကြေးလှည့်ပတ်အရှိန်
(၁ ကြိမ်) နိမ့်သောကြောင့် အရောင်းအဝယ်အပေးအယူလုပ်ရန် ငွေပမာဏ များများလိုအပ်ပါတယ်။ ✳

( မှတ်ချက် - ကျွန်တော်သည် လေ့လာနေဆဲ ဖြစ်သောကြောင့် အမှားပါ၍ အမှန်ပြင်ပေးနိုင်သူများရှိခဲ့ပါက ဝမ်းမြောက်စွာ လက်ခံပါသည်ခင်ဗျာ။)