06/11/2021
# အခုအချိန်မှာ လူတိုင်းက စိတ်ရော ရုပ်ရော အဆင်မပြေဖြစ်နေကြတယ်ဆိုတာ နားလည်ပေမဲ့ စားဝတ်နေရေး၊ ကျန်းမာရေးနဲ့ ပညာရေးကိုတော့ အတတ်နိုင်ဆုံး အဆင်ပြေအောင် စိတ်နှစ်ပြီးကြိုးစားလုပ်စေချင်မိတယ် အားလုံးကိုပေါ့။
# (၂) နှစ်လောက် ဝေးကွာနေတဲ့ အင်္ဂလိပ်စာသင်တန်းကိုလည်း ပြန်လုပ်မယ် စိတ်ကူးကြိုးစားလိုက်၊ အနစ်နာခံနေတဲ့သူတွေကို ပြန်တွေးလိုက်၊ လိပ်ပြာမလုံဖြစ်လိုက်နဲ့ မလုပ်ဖြစ်ခဲ့ဘူး။ မိမိတတ်နိုင်တဲ့ဘက်က အကောင်းဆုံးဖြစ်မယ်၊ ကိုယ်လည်းလုပ်ပေးနိုင်တာဆိုလို စာသင်တာဘဲဖြစ်နေတယ်။
# ဝေလေလေမဖြစ်အောင် မိမိလေ့လာထားတဲ့ အင်္ဂလိပ်စာလည်း နိုင်သလောက်လေး မျှဝေပေးချင်မိတယ်။ တက်မယ့်သူများရှိရင် Basic to Intermediate အထိ အတန်းလေး (၁) တန်း၊ (၂) တန်းလောက်တော့ လုပ်ချင်ပါတယ်။
# သင်တန်းကြေးကတော့ သတ်မှတ်မထားဘဲ အတန်းရေရှည်ဆက်သွားနိုင်အောင် ဆန္ဒရှိသလောက် ထည့်ဝင်ပေးကြရင်အဆင်ပြေပါတယ်။
(ကျွန်တော်လည်း ဆရာကြီး ဦးမြကြိုင်သင်တန်းမှာ အချိန်အတော်ကြာကြာလေ့လာဖြစ်တဲ့ကာလအတွင်းမှာ သင်တန်းကြေး ပုံမှန်မပေးသွင်းနိုင်ခဲ့ပါဘူး။ သင်တန်းကြေးကြောင့်တော့ စိတ်အနှောက်အယှက် မဖြစ်စေချင်ဘူး။)
