Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း

  • Home
  • Myanmar
  • Yangon
  • Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း

Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း Contact information, map and directions, contact form, opening hours, services, ratings, photos, videos and announcements from Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း, Yangon.

To build a strong foundation for life long educational process.
“Education is the passport to the future, for tomorrow belongs to those who prepare for it today.”

14/08/2026

ချစ်ခင်လေးစားအပ်ပါသော မိဘများရှင်
ယခု ရက်ပိုင်း ဝမ်းပျက်ဝမ်းလျှော အရေးပေါ်
အခြေအနေ ဖြစ်ပွားလျှက်ရှိပါသဖြင့်
ကျောင်း၌ အစာစားခါနီးတိုင်း၊ အစာစားပြီးတိုင်း၊
ရေအိမ်ဝင်ပြီးတိုင်း လက်ဆေးစေခြင်း နှင့်
စာသင်ခန်းပါတ်ဝန်းကျင် သန့်ရှင်းရေး
ပိုမို အလေးထားဆောင်ရွက်သွားပါမည်။
မိဘများမှလည်း ကလေးများ အစားအသောက် အနေအထိုင် ပိုမို သတိထားဂရုစိုက်ပေးကြပါရန်
လေးစားစွာ ပန်ကြားအပ်ပါသည်ရှင်။
✳️✳️✳️✳️✳️✳️✳️✳️✳️✳️✳️

ကျန်းမာရေးဝန်ကြီးဌာနမှ
အရေးကြီး သတင်းထုတ်ပြန်ချက်
၁၂.၈.၂၀၂၆ ရက်နေ့၊ ရန်ကုန်မြို့

ရန်ကုန်ဆေးရုံကြီးတွင် ဝမ်းရောဂါအရေးပေါ်အခြေအနေဖြစ်ပေါ်နေပြီး လမ်းမတော်နှင့် လသာမြိုနယ်တိုမှ ဝမ်းပျက်ဝမ်းလျောလူနာ ရာကျော် ဦးကို အရေးပေါ်ဌာနနှင့် စောင့်ကြည့်လူနာဌာနတွင် အရေးပေါ်ကုသပေးလျက်ရှိသည်။ လူနာဦးရေ ဆက်လက်များပြားလာနိုင်သည့်အတွက် ဆေးရုံအနေဖြင့် GE case Tent ကို ချက်ချင်းဖွင့်လှစ်ရန် ဆောင်ရွက်နေပြီဖြစ်သည်။

လက်ရှိဖြစ်ပွားမှုအတွက် အဓိကအကြောင်းရင်းမှာ ရေပိုက်လိုင်းများအတွင်း ညစ်ညမ်းမှုဟု ယာယီသုံးသပ်ထားသောကြောင့် လသာနှင့် လမ်းမတော်မြိုနယ်ရှိ သောက်သုံးရေလိုင်းအားလုံးကို အရေးပေါ်စစ်ဆေး သန့်ရှင်းရေးပြုလုပ်ရန် သက်ဆိုင်ရာဌာနများထံ အထူးအရေးတကြီး တောင်းဆိုအပ်ပါသည်။ ထိုအပြင် ရေလိုင်းတစ်ခုတည်းသာ အကြောင်းရင်းမဟုတ်နိုင်သည့်အတွက် ရောဂါပျံ့နှံမှုပုံစံ၊ စားသောက်ကုန် ထောက်ပံ့မှုကွင်းဆက်နှင့် ပတ်ဝန်းကျင်ဆိုင်ရာအချက်များကိုပါ ဆက်လက်သုတေသနပြု ဖော်ထုတ်ရန် ကျန်းမာရေးကျွမ်းကျင်သူများက သတိပေးထားသည်။

ဤရောဂါသည် လမ်းဘေးဆိုင်ငယ်များမှသာမက ဆိုင်ကြီးဆိုင်ကောင်းများ၏ နောက်ကွယ်ရှိ မသန့်ရှင်းမှုများကြောင့်လည်း အလွန်လျင်မြန်စွာ ကူးစက်နိုင်ပါသည်။ အသွင်အပြင်သာကောင်းမွန်ပြီး မီးဖိုချောင်နှင့် ရေခဲသေတ္တာများအတွင်း သန့်ရှင်းမှုအားနည်းနေပါက လူနာအရေအတွက် ပိုမိုဆိုးရွားလာနိုင်သောကြောင့် စားသုံးသူပြည်သူများအနေဖြင့် အလွန်အမင်းသတိပြုရွေးချယ်ရန် လိုအပ်ပါသည်။

ပြည်သူများအနေဖြင့် အောက်ပါအချက်များကို အထူးလိုက်နာဆောင်ရွက်ရန် အရေးကြီးပါသည်။ သန့်ရှင်းလတ်ဆတ်သော အစားအစာများကိုသာ ရွေးချယ်စားသုံးရန်၊ အစာမစားမီနှင့် အိမ်သာသုံးပြီးတိုင်း လက်ကို ဆပ်ပြာဖြင့် သေချာဆေးကြောရန်၊ ပြုတ်ကျိုထားသော ရေ သိုမဟုတ် တံဆိပ်ခတ်သန့်စင်ရေကိုသာ သောက်သုံးရန်၊ အစားအစာများကို ကျက်အောင်ချက်ပြုတ်စားသုံးရန်၊ ဝမ်းလျှောခြင်း၊ အန်ခြင်းစသော ရောဂါလက္ခဏာများခံစားရပါက အိမ်တွင်မနေဘဲ နီးစပ်ရာဆေးရုံ သိုမဟုတ် ဆေးခန်းသို ချက်ချင်းပြသရန် လိုအပ်ပါသည်။ ရှောင်ရန်မှာ ရေခဲများ၊ အသုပ်များ၊ လမ်းဘေးတွင်ရောင်းချသော အစိမ်းလိုက်အစားအစာများကို လုံးဝရှောင်ကြဉ်ရန်၊ မသေချာမသန့်သော စားသောက်ဆိုင်များတွင် မသွားရောက်စားသုံးရန် ဖြစ်သည်။

ယခုအချိန်သည် ရောဂါတားဆီးကာကွယ်ရေး အချိန်ကာလဖြစ်သောကြောင့် အားလုံးပူးပေါင်းဆောင်ရွက်ကြရန် အထူးအရေးကြီးပါသည်။ သတင်းအသစ်များကို ဆက်လက်ထုတ်ပြန်သွားပါမည်။

#ကျန်းမာရေး
#ကျန်းမာရေးသုတေသန
#အစားသောက်နှင့်ဆေးဝါးကြီးကြပ်ရေး
#ပြည်သူကျန်းမာရေး
#ဒေသန္တရကျန်းမာရေး
#အစာအိမ်အူလမ်းကြောင်းဌာန

12/08/2026

Now it's time for Music 🎶
We all have fun ❤️

မူကြိုအရွယ်ကလေးတွေရဲ့ သဘာဝ
လှုပ်နေရမှ အဆင်ပြေပါတယ်
ကလေးတွေကို ငြိမ်ငြိမ်နေလို့
ပြောတာလောက် မတရားတဲ့ စကားမရှိတဲ့ 😅

ဒီနေ့ Music Time မှာ လှုပ်လှုပ်ရွရွ
ပျော်ခဲ့ကြတဲ့ ကျမတို့ရဲ့ ကလေးလေး‌တွေပါ
❤️💙❤️💙❤️💙❤️

ဒီတလော ကြားနေရတဲ့ သတင်းတွေဟာကျမတို့ ဆရာ ဆရာမတွေ မိဘ‌တွေအတွက် alert အကြီးကြီးပါဘဲ အမြဲပြောခဲ့သလို ပညာရေးမှာ ရမှတ်နဲ့ အဆင့...
09/08/2026

ဒီတလော ကြားနေရတဲ့ သတင်းတွေဟာ
ကျမတို့ ဆရာ ဆရာမတွေ မိဘ‌တွေအတွက် alert အကြီးကြီးပါဘဲ
အမြဲပြောခဲ့သလို ပညာရေးမှာ ရမှတ်နဲ့ အဆင့်တွေကိုဘဲ အလေးထားဖို့မဟုတ်ဘဲ ကျမတို့
ကလေးလေးတွေရဲ့ social / emotional
well being ဟာ ဒီ academic ရလဒ်တွေနည်းတူ အလွန် အရေးပါပါတယ်
ကျမတို့ ကလေးတွေနဲ့ ပုံမှန် စကားပြောပေးဖို့လိုပါတယ် စကားပြောတဲ့ အခါ နားထောင်ရုံသက်သက်မဟုတ် သူတို့စကားတွေနောက်က
သူတို့ခံစားချက်တွေကိုပါ မြင်နိုင်ရပါမယ်
အလေးထားရပါမယ်
သူတို့ ကျင်လည်နေရတဲ့ကျောင်း အိမ်
မိသားစု ဆရာ ဆရာမ တွေဟာ
သူတို့အတွက် စိတ်လုံခြုံမှု ပေးနိုင်ရဲ့လား
Safe zone လေး တစ်နေရာ
Safe person ‌တစ်ယောက်ယောက်
ရှိနေပေးဖို့ လိုပါတယ်

Connect before Correct ဆိုသလို
ကလေးတွေကို လမ်းမှန်ပြမဆုံးမခင်
သူတို့ ယုံကြည်အားကိုး ချစ်ခင်ရတဲ့
Reliable connection လေး အရင်
တည်ဆောက်ပေးဖို့လိုပါတယ်

ကောင်းမွန်တဲ့ လူမှုဝန်းကျင်ဆိုတာ
လူကောင်းတွေရှိမှ ဖွဲ့စည်းလို့ရမှာဖြစ်လို့
ကျောင်းအနေနဲ့လည်း ကလေးလေးတွေကို
ကျင့်ဝတ်နဲ့ လူ့တန်ဖိုး
လုပ်သင့်တာနဲ့ မလုပ်သင့်တာ လေးတွေသိဖို့
တစ်ပါးသူနေရာ ဝင်ခံစားပေးနိုင်တဲ့
ကိုယ်ချင်းစာစိတ်လေး မွေးတတ်ဖို့
တတ်နိုင်သလောက် ကြိုးစား သွန်သင်ရပါမယ်

ဆရာမများကိုလည်း တတ်နိုင်သမျှ ကလေးတွေကို ဂရုတစိုက် သတိထား မေတ္တာနဲ့ လမ်းပြပေး
နိုင်ဖို့ မှာကြားလိုပါတယ်
အိမ်မှာလည်း မိဘများမှ ကလေးလေးတွေကို
အချိန်ပေး နွေးထွေးသောသူများ ဖြစ်ကြပါစေ

မေတ္တာဖြင့်
Tr Phyu Thi
Genius Kids Educare

တီချယ်တို့ ကလေးလေးများရဲ့
Group Project မှ အမှတ်တရ photos လေးများ သိမ်းပါရစေ ❤️

06/08/2026

At Genius Kids Preschool, every activity is designed to be a meaningful learning experience that builds a strong foundation for their early years developmental achievement.

Through engaging activities, our young learners develop:

✨Recognising Shape
✨Fine Motor Skills
✨Hand-Eye Coordination
✨Concentration
✨Problems Solving and Critical Thinking Skills

Our teachers prepare different learning activities everyday to engage students, develop their skills, and make learning fun. ⭐



#သင်ယူမှုကမ္ဘာသစ်Genius_Kids

ကျောင်းလိပ်စာ🏫
Zen Apartment
မြေညီထပ် (ဘယ်)
အမှတ် (၁) စီ ၊ မေတ္တာရွှေရည်လမ်းနှင့်
အနတ္တဂုဏ်ရည်လမ်းထောင့်
မေတ္တာညွန့် ၊ တာမွေ။
(ရတနာ လက်ဘက်ရည်ဆိုင် ဘေးလမ်းမှ
ဝင်ရန် ဖြစ်ပါသည်)

☎️ 09421064425 , 09428901976

လုပ်ငန်းခွင်မှာ အလုပ်အပေါ်ထားတဲ့သဘောထား work attitude နဲ့work ethic ကောင်းတဲ့လူတွေဟာသူတို့ရဲ့ professionalism မှာလည်းတို...
02/08/2026

လုပ်ငန်းခွင်မှာ အလုပ်အပေါ်ထားတဲ့
သဘောထား work attitude နဲ့
work ethic ကောင်းတဲ့လူတွေဟာ
သူတို့ရဲ့ professionalism မှာလည်း
တိုးတက်အောင်မြင်တဲ့ လူတွေပါဘဲ

ဒီသဘောတရားရဲ့ တစ်စိတ်တစ်ပိုင်းအဖြစ်
အလုပ်ချိန် မှန်ဖို့ ဝိရိယထားတာ
ပျက်ရက်မရှိတာ စတာတွေဟာလည်း
မမေ့မလျော့ အသိအမှတ်ပြုပေးရမယ့်
အပိုင်းတွေပါဘဲ

GENIUS KIDS EDUCARE ရဲ့
2026-2027 Academic Year
Term-1 မှာ ပျက်ရက်မရှိ
The Best Attendance Award
ရရှိတဲ့ ဆရာ ဆရာမများကို ဒီနေရာကနေ
လေးစားစွာ ဂုဏ်ပြုအပ်ပါတယ်
❤️ Tr Yamin
❤️Tr Tin Khine Oo
❤️Tr Adam Oo
❤️Tr Kaung Pa Pa
❤️Tr Khin Myo Satt
❤️Tr Su Pyae Zaw

Congratulations Trs.
Your commitments , hard work and
daily presence set an example for us.
Thank You ❤️💙❤️💙❤️💙

တီချယ်တို့ GENIUS KIDS PRESCHOOL မူကြိုကျောင်းလေးကို 3/8/2026တနင်္လာနေ့မှစ အောက်ပါလိပ်စာ အတိုင်းပြောင်းရွှေ့ဖွင့်လှစ် သွ...
01/08/2026

တီချယ်တို့ GENIUS KIDS PRESCHOOL
မူကြိုကျောင်းလေးကို 3/8/2026
တနင်္လာနေ့မှစ အောက်ပါလိပ်စာ အတိုင်း
ပြောင်းရွှေ့ဖွင့်လှစ် သွားမှာ ဖြစ်ပါတယ်

ကျောင်းလိပ်စာသစ်မှာ
🏫 Zen Apartment
အမှတ် ၁စီ မြေညီ
မေတ္တာရွှေရည်လမ်းနှင့် အနန္တဂုဏ်ရည်လမ်းထောင့်
(ရတနာ tea shop ‌ဘေးလမ်းမှ ဝင်ရန်ဖြစ်ပါသည်)

ကလေးတို့အတွက် ပိုမို အဆင်ပြေနိုင်မယ့်
Environment လေးကို ရွေးချယ်လိုက်တဲ့အတွက် နေရာ အလှမ်းဝေးသွားလို့ ကြိုပို့ခက်ခဲနေတဲ့ မိဘများလည်း ဇေယျသုခလမ်းမှာသာ ကြို/ပို့ ပြုလုပ်နိုင်အောင် ကျောင်းဘက်မှ
စီစဉ်ထားရှိပေးပါတယ်

Parents Teachers Meeting တက်ရောက်ရင်း အချိန်ပေး၍ School Visit လာရောက်ခဲ့ကြတဲ့ ဖေဖေမေမေများ အားလုံးကို
အထူးပင် ကျေးဇူးတင်ရှိပါတယ်

Genius Kids ဘယ်နေရာ ရောက်ရောက်
ယုံယုံကြည်ကြည် လိုက်ပါအပ်နှံပေးကြတဲ့
မိဘ တစ်ဦးချင်းစီကို ရင်ထဲက ကျေးဇူးတင်
ရပါတယ်

ကလေးလေးတို့ရဲ့ သင်ယူရာ ခရီးစဉ်မှာ
သင်ယူမှု အခွင့်အလမ်းတွေ ဖန်တီးဖော်ဆောင်ပေးနိုင်ဖို့ နဲ့ ကလေးတို့အတွက်ပျော်ရွှင်စရာကောင်းသော သင်ယူလိုစိတ်ကိုလှုံ့ဆော်ပေးနိုင်သော သင်ယူမှုဝန်းကျင်‌ကောင်း ဖြင့်ဘက်စုံဖွံ့ဖြိုး၍ထက်မြက်ထူးချွန်သော ကလေးများအဖြစ် ပျိုးထောင်ပေးနိုင်ရန် အစဉ်တစိုက်ကြိုးစားဆောင်ရွက်သွားပါမယ်ရှင်
🍀🍀🍀🍀🍀🍀🍀

We nurture Young Geniuses at Genius Kids Educare 🍀🍀🍀🍀🍀🍀🍀Congratulations to Our HKIMO Mathematics Competition Winners 🎉🎉🎉...
20/07/2026

We nurture Young Geniuses at Genius Kids Educare 🍀🍀🍀🍀🍀🍀🍀

Congratulations to Our HKIMO Mathematics Competition Winners
🎉🎉🎉🎉🎉

🌟 Congratulations to Our Outstanding Young Mathematicians! 🌟

📕Genius Kids Educare မှ
HKIMO (Hong Kong International Mathematical Olympiad) တွင်
အောင်မြင်စွာ ဆုရရှိခဲ့ကြသော တီချယ်တို့ရဲ
ကလေးလေးများ အားလုံးကို
အထူးဂုဏ်ယူဝမ်းမြောက်စွာ ဂုဏ်ပြုအပ်ပါတယ်

မေတ္တာနဲ့ သင်ကြားပြသပေးတဲ့ တီချယ်ဆင့်ကို
လည်း ဒီနေရာကနေ ကျေးဇူးတင်ဂုဏ်ပြုပါတယ်

Grade 3 အတန်းမှ Olympiad Math ကို စိတ်ဝင်စားတဲ့ ဖြေဆိုလိုသော ကလေးများကို
စာရင်းကောက်ယူပြီး ကျောင်းအစီအစဉ်နဲ့သင်ကြားလေ့ကျင့်ပေးကာ ဝင်ရောက်ဖြေဆိုစေခဲ့တာ ဖြစ်ပြီး ဖြေဆိုသူ ကလေး 10 ဦး
10 ဦးစလုံး ဆုစာရင်းဝင်ခဲ့ပါတယ်

ဒီရလဒ်ကို ကြည့်ရင် ကလေးတွေကို ငယ်စဉ်ကတည်းက International Curriculum နဲ့
ထိတွေ့သင်ယူခွင့်ပေးခြင်းရဲ့ အကျိုး ကို ပိုပြီးမြင်တွေ့ရပါတယ်
မူလတန်းအဆင့်မှာ Dual Curriculum ကို အကောင်အထည်ဖော်ရတာ မလွယ်ကူပါဘူး
မလိုက်နိုင်လို့ ကျောင်းပြောင်းကြတဲ့ ကလေးတွေလည်း အများသား
သို့သော် ကလေးတွေရဲ့ အနာဂတ်အတွက် ဘယ်သင်ကြားမှုပုံစံက အခြေခံအုတ်မြစ်ကို ပိုမိုခိုင်မာစေမလဲဆိုတာကို လေ့လာသုံးသပ်ပြီး ရွေးချယ်ထားတဲ့ လမ်းကြောင်းဖြစ်ပါတယ်
အထူးသဖြင့် English နဲ့ Mathematics လို Academic Core Subjects တွေကို နိုင်ငံတကာစံနှုန်းနဲ့ ထိတွေ့သင်ယူရတဲ့အတွက် ကလေးတွေရဲ့ စဉ်းစားတွေးခေါ်နိုင်စွမ်း၊ Problem Solving Skills နဲ့ Academic Confidence တွေ တဖြည်းဖြည်း တိုးတက်လာတာကို နေ့စဉ်မြင်တွေ့နေရလို့
တီချယ်တို့ ပင်ပန်းရကျိုး နပ်ပါတယ်

Assessment တွေ Competition တွေကနေကလေးတွေကိုယုံကြည်မှု တည်ဆောက်ပေးနိုင်တယ် အတွေ့အကြုံကောင်းတွေပေးနိုင်တယ်
လက်မလျှော့တတ်တဲ့ Resilience Skills တွေ Problem Solving Skills တွေ တိုးတက်လာစေတယ်

ဆုတံဆိပ် တစ်ခုထက်ပိုတဲ့ ပြိုင်ပွဲရဲ့ ရလဒ်တွေ
အများကြီး ရခဲ့မယ်လို့ ယုံကြည်ပါတယ်

ဒီအောင်မြင်မှုဟာ ကျောင်းသား၊ ကျောင်းသူများရဲ့ ကြိုးစားအားထုတ်မှု၊ မိဘများရဲ့ အားပေးပံ့ပိုးမှု ဆရာမများရဲ့ စေတနာအပြည့်ဖြင့် သင်ကြားပေးမှုတွေနဲ့ ပေါင်းစည်းထားတဲ့ အဖိုးတန်ရလဒ်တစ်ခုဖြစ်ပါတယ်
ရှေ့ဆက်ပြီးလည်း အိပ်မက်များကို ယုံကြည်စွာ အကောင်အထည်ဖေါ်ရင်း နိုင်ငံတကာအဆင့် အောင်မြင်မှုများကို ဆက်လက်ရယူနိုင်ကြပါစေလို့ ဆုမွန်ကောင်းတောင်းပေးပါတယ်
ကလေးလေးတို့ရေ❤️❤️❤️

HKIMO Mathematics Competition Winners🏆🏆🏆🏆🏆

🏆 Haythar Hnin Sint (Silver)
🏆Pyae Sone Bhone Myat (Silver)
🏆Hein Thu Aung (Silver)
🏆Bhone Thit Dana (Silver)
🏆Aunt Hein Myint Myat (Silver)
🏆Moe Htet Zan (Bronze)
🏆May Yamon Phoo (Bronze)
🏆Shine Thurira Oo@William (Bronze)
🏆T- Loon Khaung (Bronze)
🏆Myat Thurain Kyaw Saw (Bronze)

🏆Hein Thuta Aung @ Moset (Gold)
(မေမေ့ရဲ့ အစီအစဥ်နဲ့ ဝင်ဖြေတဲ့ KG
ကျောင်းသားလေးပါ)

🎉🎉🎉🎉🎉🎉🎉
ဂုဏ်ပြုဆုလေး‌တွေကိုတော့ ဆုပေးပွဲမှာ တီချယ်တို့ စီစဉ်ပေးသွားပါမယ်
ပံ့ပိုးပေးတဲ့ မိဘများ နဲ့အတူ
ကလေးတွေအပေါ် တာဝန်ဆိုတာထက်ပိုတဲ့ စေတနာနဲ့ သင်ကြား‌ပေးတဲ့
တီချယ်များကိုလည်း
အများကြီး ကျေးဇူးတင်ရှိပါတယ်ရှင်

👏 Congratulations once again! We are so proud of you!

06/07/2026

မျက်လုံးလေးနှစ်လုံး ရှိရုံ
စိတ်ကူးဖန်တီးပုံဖေါ် ကြတဲ့ KG ပူတူးတူးလေးများ ❤️

Imagination and creativity matters in Education, these skills are essential for critical thinking and problem-solving.
🍀🍀🍀🍀🍀🍀🍀
#ဉာဏ်ကြီးရှင်ကိုယ်ပိုင်မူလတန်းကျောင်း

05/07/2026

ပညာတတ် ဘွဲ့ရတော့ရော ဘာလုပ်ရမှာလဲ
အတန်းပညာမရှိ ကွမ်းယာရောင်း အကြော်ရောင်းသူတွေတောင် သူတို့ထက်သာအောင်
ငွေရှာနေနိုင်တာဘဲ ဆိုတဲ့ logic နဲ့
စကားနိုင်လုပြောကြတာ ကြုံဖူးပါတယ်
အဲ့လိုပြောရလောက်အောင် မှန်တဲ့ သာဓက
ပေးစရာတွေလည်း ရှိခဲ့ ရှိနေတာကိုး
ပညာတတ်၊ ဘွဲ့ရဆိုသူတွေမှာ ရှိကြတဲ့
ကြုံဆုံ သင်ယူခဲ့ရတဲ့ ပညာရေးရဲ့
အားနည်းချက်တွေ လို့သာ ပြောရမှာပါ

အားနည်းချက်ထဲက ဥပမာလေးတွေ ပြရရင်
အတန်းထဲမှာ ဆရာပြောသမျှ နားထောင်တတ်ဖို့ ဆရာချပေးတဲ့ ဘောင်ထဲမှာဘဲ ဆရာရေးသလိုသာရေး ဆရာတွေးသလိုသာတွေးကြဖို့ အသင်ခံရတဲ့ အခါ creative intelligence ခေါ်တဲ့
တီထွင်ဖန်တီးနိုင်စွမ်း အားနည်းသွားတယ်
ဖေါက်ထွက်မတွေးဘူး
တွေးဖို့လည်း အားပေးမခံရဘူး

နောက်တစ်ခု လူမှုနယ်ပယ်မှာ
တကယ် အရေးကြီးတဲ့ Skills တွေ People Smart, word smart ဖြစ်ဖို့ထက်
အမှတ် ၁၀၀ရဖို့နဲ့ အဆင့်‌ကောင်းရဖို့သာ
ကြိုးစားနေကြတော့ ဒါတွေကဘဲ ပညာရေးရဲ့
အဓိက ပန်းတိုင်ဖြစ်လာပါရော

ဒါကြောင့် စာသာတော်တယ် လူတောမတိုး
စကား‌မပြောရဲ မလုပ်ရဲ မကိုင်ရဲ
အလုပ်မဖြစ်တဲ့ ပညာတတ် စာတတ်တွေ
ပေါ်လာတာပါ

ပညာရှင်တွေရဲ့ အဆိုအရ
ကျောင်းမှာစာတော်တယ်ဆိုတဲ့ ကလေးတွေက
များသောအားဖြင့် Analytical skills တွေအားကောင်းနေပါသော်လည်း
အခြား Social intelligence, emotional intelligence အားနည်းသွားတဲ့အခါ
ထင်သလောက် ခရီးမပေါက် ထိပ်ဆုံးမ‌ရောက်
တာမျိုးတွေ ဖြစ်လာပါတယ်

တစ်ဖက်မှာတော့ တချို့လူတွေဟာ
ငယ်စဉ် ကျောင်းကောင်းကောင်းမနေခဲ့ရပေမယ့်လို့ Street Smart, People Smart, Word Smart ဖြစ်ဖို့ လက်တွေ့ ဘဝမှာ သင်ယူခွင့်
ရခဲ့ကြလို့ ဒီအားသာချက်တွေ အသုံးချပြီး
အောင်မြင်အောင် လုပ်သွားနိုင်တာပါ

ဒီလိုပြောလို့ ပညာရဲ့တန်ဖိုးက
အရေးမပါ ‌လျော့ကျသွားတာမဟုတ်ပါဘူး
ပညာမတတ်ရင် မရှိနိုင် ဘယ်လိုမှဖြည့်မရနိုင်တဲ့ Skills တွေ Value တွေလည်း တစ်ဘက်မှာ အများကြီးရှိနေပါတယ် ပညာတတ်တွေ Street Smart ဖြစ်ပြီဆိုရင်တော့ တစ်ကယ်ကို ထွန်းထွန်းပေါက်ပေါက်ဖြစ်နိုင်မှာပါဘဲ

အချုပ်ပြောလိုတာက

Education ဆိုတာ
စာမေးပွဲအမှတ်ကောင်းဖို့ပဲ မဟုတ်ပါဘူး။

ဘဝမှာ အသုံးဝင်မယ့်
အသိပညာတွေ၊ အတတ်ပညာတွေ၊
စဉ်းစားတတ်တဲ့အတွေးအခေါ်တွေ၊
လူတွေနဲ့ပေါင်းသင်းဆက်ဆံတတ်မှုတွေကို
သင်ယူတိုးတက်စေတဲ့ လုပ်ငန်းစဉ်တစ်ခုဖြစ်ရပါမယ်

ပညာရေးက
ကလေးတစ်ယောက်ကို
“စာတော်တဲ့သူ” ဖြစ်စေရုံမကဘဲ
“ဘဝကို ရင်ဆိုင်နိုင်တဲ့သူ” ဖြစ်လာအောင်
ပြင်ဆင်ပေးရပါမယ်

မိဘကိုလေးစားတတ်ဖို့၊
တာဝန်ယူတတ်ဖို့၊
ပြဿနာဖြေရှင်းတတ်ဖို့၊
ကိုယ့်ကိုယ်ကို ယုံကြည်မှုရှိဖို့၊
အမှန်အမှား ခွဲခြားတတ်ဖို့ —
ဒါတွေလည်း Education ထဲမှာ ပါဝင်ပါတယ်။

တကယ့်ပညာရေးဆိုတာ
စာအုပ်ထဲက အသိပညာတင်မဟုတ်ဘဲ
ဘဝအတွက် လိုအပ်တဲ့စွမ်းရည်တွေကို
သင်ယူတည်ဆောက်ပေးခြင်းပဲ ဖြစ်ပါတယ်

မေတ္တာဖြင့်
Tr Phyu Thi
GENIUS KIDS EDUCARE

Address

Yangon
GENIUS

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+959421064425

Website

Alerts

Be the first to know and let us send you an email when Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း posts news and promotions. Your email address will not be used for any other purpose, and you can unsubscribe at any time.

Contact The School

Send a message to Genius Kids Preschool & ဉာဏ်ကြီးရှင် ကိုယ်ပိုင်မူလတန်းကျောင်း:

Shortcuts

Share