HYPER Institute

🚩🚩အခြေခံသင်တန်းဆိုတာ ဘာမှမဟုတ်တဲ့သင်တန်းလား

စာသင်ရင် အခြေခံအယူအဆသဘောတရား (Basic Concept )ကို သင်ရင် လူကြိုက်နည်းတယ် ၊သူက ပညာရပ်တန်တယ်။အကယ်ဒမစ် ဆန်တယ်။ဒါပေမယ့် သူကခြေခြေမြစ်မြစ်နားလည် သိသွားရင် ပြီးပြီ။

ဒါပေမယ့် Hands on Skill လို့ခေါ်တဲ့ ကိုယ်တိုင် ပြင်တတ်၊ဆင်တတ် လုပ်တတ်ကိုင်တတ်တဲ့အရာကလည်း သက်မွေးပညာမှာအရေးကြီးတယ်။ကိုယ်တိုင်လက်နဲ့လုပ်တတ်ကိုင်တတ်ရင်လည်းအသက်မွေးလွယ်တာပေါ့။

နှစ်ခုလုံးကသူ့နေရာနဲ့သူအရေးပါတယ်။

ဒါပေမယ့် အတတ်ပညာတရပ်မှာ သက်မွေးဖို့တင်မဟုတ်ပဲ ယုံကြည်မှုရှိတဲ့အထိ ပညာတတ်ချင်ရင်တော့ အခြေခံအယူအဆပိုင်းဆိုင်ရာကျွမ်းကျင်မှု Conceptual Skills မဖြစ်မနေလိုတယ်။

ကြိုက်ရာယူပေါ့။

ပညာသင်ရာမှာဘယ်ဟာဖြစ်ဖြစ်အခြေခံအယူအဆတော့သိဖို့တကယ်အရေးကြီးပါတယ်။

🚩 #သင်တန်းဆရာနှင့်အခြေခံ

အင်္ဂလိပ်စာမှာရှိတယ်No man is perfect တဲ့။
ဘယ်သူမှမပြည့်စုံ လိုအပ်ချက်ရှိတယ်ပေါ့။
ပညာရပ်ဆိုင်ရာဆိုပိုဆိုးပေါ့။Updateတွေရှိနေတော့အမြဲတမ်းလေ့လာနေမှ။Perpetual learning လုပ်နိုင်မှရယ်။ဒါကြောင့်လည်း Learning Societyလို့ ၂၁ရာစုကို ဝိဂြိုဟ်ပြုတာပေါ့။

သင်တန်းလာတက်ပညာသင်ပြီး မြေပြင်မှာ တချို့ကဆိုင်ဖွင့်ပြီး ကိုယ်ပိုင်လုပ်ငန်းလုပ်ချင်တယ်၊တချို့ကအသက်မွေးပညာလေးတခုတတ်ပွန်လို့ ဘ၀မှာထမင်းစားလက်မှတ်လေးလိုချင်ကြတယ်။

ကိုယ်ကစာသင်တဲ့အခါစျာန်၀င်ပြီးကိုယ်သိတာတွေ
လျှောက်ပြော လျှောက်သင်လို့ကမဖြစ်။
သူတို့သင်ချင်တာက စက်တလုံးကောင်းကောင်းပြင်တတ်ဖို့ အခြေခံပိုင်ချင်တာကိုး။

ကိုယ့်ကလည်းအဲဒါတော့သင်ပေးနိုင်တယ်။
တခါးတည်းအတွေအကြုံဆယ်နှစ်စာရအောင်၊ ကျွမ်းသွားအောင်တော့မသင်ပေးတတ်။

အဲဒီတော့ အခြေခံပိုင်ဖို့ဆိုတာမှာ အခြေခံအယူအဆတွေမသင်လို့က မဖြစ်ပြန်ရော။

အခြေခံလို့ဆိုလိုက်ရင် ဘာမှမဟုတ်တဲ့ဟာလို့တချို့ကထင်ကြပြန်ရော။

အဲဒါကြောင့် သင်တန်းကြေငြာလို့ အခြေခံဆိုတဲ့ စကားလုံးပါသွားရင် တချို့ကနှာခေါင်းရှုံ့ကြရော။

တကယ်တော့ အခြေခံမှာတောင်
အခြေခံအသိ(Basic knowledge)နဲ့ အခြေခံအယူအဆ (Basic concept)ဆိုပြီးရှိပါတယ်။

Basic knowledgeဆိုတာမျိုးက
ဉပမာပြောရရင်
အဲကွန်းလုပ်တဲ့အခါမှာ
Pipe cutterကဒီလိုဖြတ်ရတယ်၊ဒီလိုသုံးရတယ်၊
ဘယ်လက်သုံးပစ္စည်းကတော့ ဘယ်နေရာမှာသုံးတာ၊အင်ဒိုးယူနစ်ကဆိုတာက ဖြတ်လာတဲ့လေထဲက အပူကိုစုပ်ယူတဲ့အပိုင်း၊ကွန်ပရက်ဆာက ဂက်စ်ကိုဖိအားပေးတာကွ ဆိုတာမျိုး။

ကွန်ပရက်ဆာမှာငုတ် သုံးငုတ်ပါတယ်
မီတာနဲ့ဒီလိုချိန်ဒီလိုတိုင်းကြည့်ကွဒီလိုပြတဲ့ငုတ်ကို
ဒီကပစီတာမှာတက်၊ဒါကို ဒီဝါယာကြိုးမှာတပ်
၊နောက်ပြီး ဒီငုတ်တခုခုနဲ့ ကွန်ပရက်အိုးဘော်ဒီကို တိုင်းကြည့် မီတာလက်တံတက်ရင် ကွန်ပရက်ဆာကမသုံးသင့်တော့ဘူး လူအတွက်အန္တရာယ်ရှိတယ်ဆိုတာမျိုး။

R22/R407Cလားမောင်းနေတဲ့အချိန်ဂိတ်မှာ 60က‌ နေ75PSI၀န်းကျင်ပြတဲ့အထိထည့်ရတယ်။
R410/32လားမောင်းနေတဲ့အချိန်ဂိတ်မှာ 110က‌နေ 135PSI၀န်းကျင်ကြား
ပြတဲ့အထိထည့်ရတယ်ကွဆိုတာမျိုးက
Basic Knowledgeလို့ခေါ်တယ်။

ပညာရပ်ရဲ့အယူအဆ Basic Conceptဆိုတာက သူနဲ့နည်းနည်းကွဲတယ်။

R22ဂက်စ်ကို ဘာကြောင့် 60PSI ကနေ 75PSIကြားဖြည့်ရတယ်ဆိုတာက သူ့ရဲ့ Saturated temp နဲ့ Saturated Pressure ရဲ့ဆက်စပ်မှုကဒါကြောင့်ကွ။

သူ့ကို အဲဒီPSIထက်ပိုထည့်လိုက်တာနဲ့ အင်ဒိုးထဲဖြတ်ရမည့် ဂက်စ်အပူချိန်တက်သွားမယ် အဲဒါဆို အင်ဒိုးကွိုင်ဖြတ်သွားတဲ့ လေထဲကရေငွေ့ရဲ့ Dew point အပူချိန်နဲ့ အပူချိန်အဟ သိပ်မရှိတော့လို့ ရေငွေ့ ဖယ်နိုင်စွမ်းကျသွားမယ်။ Latent heat removal ကျမယ်။ဒါဆိုအခန်းထဲမှာ ရေငွေ့များမယ်။မိုးတွင်း‌ေရာက်ရင်အခန်းရေသီးမယ်။

နောက်ပြီး ကွန်ပရက်ဆာမှာ Compression ratioဆိုတာ ရှိတယ် အဲဒါကြောင့် အ၀င်ဂက်စ်များတဲ့အခါ၊ အအေးကွိုင်မှာအပူ၀န် Cooling loadပိုများတဲ့အခါ ကွန်ပရက်ဆာဟာ စက်ဘီးနင်းတဲ့လူလို တင်ထားတဲ့၀န်များလာတော့ နင်းရတဲ့လူပိုပင်ပန်းတယ်ကွ။(တကယ်တော့ စက်ဘီးနဲ့ ကွန်ပရက်ဆာနဲ့ ဘာမှမဆိုင်ဘူး မတူညီတဲ့အခြေအနေနှစ်ခုက ၀န်ရဲ့သဘောအယူအဆ Conceptကိုရှင်းပြတာ)အဲတော့ ကွန်ပရက်ဆာက ပိုပင်ပန်းတယ် ။

Compression ratio ကြောင့် အထွက်ဖိအား Discharge pressureလည်း ပိုများလာမယ် ဒါဆို အမ်ပီယာတက်လာမယ် ကြာကြာအဲလိုဆက်မောင်းရင် ကွန်ရက်ဆာ Thermal and current overloadက သတ်မှတ်ထားတဲ့ လျှပ်စီးအားထက်
ပိုဖြတ်နေရလို့ ပိုပူတဲ့အခါ ကွန်ပရက်ဆာရပ်မယ်။သိသိနဲ့အဲဒါရီးဆက်မောင်းရင် ကြာရင် ကွန်ပရက်ဆာလစ်မယ်။
ဒါကတမျိုး။

အဲတော့ကွန်ပရက်ဆာတွေရဲ့ Compression ratioဆိုတာက ကွန်ပရက်ဆာ တမျိုးနဲ့တမျိုး မတူဘူးကွ။
အဲကွန်းရေခဲသေတ္တာမှာသုံးတဲ့ ရေခဲသေတ္တာနဲ့ အဲကွန်းကွန်ပရက်ဆာရဲ့Compression ratioကမတူဘူးကွ။

ရေခဲသေတ္တာမှာက အအေးကွိုင်က‌ထဲ၀င်တဲ့ဂက်စ်ရဲ့ Saturated temperatureကနိမ့်‌ တော့ ကွန်ပရက်ဆာဆီပြန်လာတဲ့ဂက်စ်ရဲ့ Back Pressure ကလည်းနိမ့်တယ်
။Pressure ကနည်းတယ်။အဲဒါကြောင့် Low Back Pressureလို့ခေါ်တယ်ကွ။ သူက Compression ratioမြင့်တယ်။အဲဒါကြောင့် အခန်းထဲကစုပ်ရတဲ့အပူစွမ်းအင်နဲ့ သုံးရတဲ့လျှပ်စစ်စွမ်းအင်အချိုးနိမ့်တယ်။
ဒါကိုCOPနိမ့်တယ်ပေါ့။

R134aဂက်စ်, Evaporating temp -15'Cနဲ့ အခြေခံပြောရရင်
ကွန်ပရက်ဆာအ၀င်က10 PSI လောက်ရှိတယ်။

အဲဒီR134aဂက်စ်ကိုပဲ
အဲကွန်း‌ေတွ ချီလာ‌တွေမှာသုံးတဲ့အခါ အအေးကွိုင်ကနေ ကွန်ပရက်ဆာကိုပြန်လာတဲ့ ဂက်စ်ရဲ့ Saturated Pressure (Back Pressure)ကြတော့ မြင့်တယ်ကွ။
Evaporating temp 5'Cနဲ့ အခြေခံပြောရရင်
ကွန်ပရက်ဆာအ၀င်က36 PSI (250KPa)လောက်ရှိတယ်။

အဲဒါကြောင့် High Back Pressure(HBP)လို့ခေါ်တယ်ကွ။

ဒါပေမယ့်ကွန်ပရက်ဆာ အထွက် အပူကွိုင်ကိုသွားဖို့ ဖိညှစ်ပေးရတဲ့ သူ့ရဲ့ Saturated pressureနဲ့ Saturated temperatureကတော့ အအေးခန်းရေခဲသေတ္တာ အဲကွန်းကွန်ပရက်ဆာတွေမှာသိပ်မကွာဘူးကွ။

အဲဒါကြောင့်ရေခဲသေတ္တာတွေဟာ ဓာတ်လှေကားနဲ့ပြောရရင် မြေအောက် -15လွှာကနေ မြေပေါ် လေးဆယ့်ငါးထပ်တိုက်ပေါ်ကိုမတင်ပေးရတဲ့ ဓာတ်လှေကားနဲ့တူတယ်။ စုစုပေါင်းမပေးရတဲ့ဘအမြင့်က မြေအောက်
(၁၅ထပ်+မြေပေါ်၄၅ထပ် )=ပေါင်း အထပ်၆၀။

အဲကွန်းကတော့မြေပေါ် ငါးလွှာကနေပဲမြေပေါ် လေးဆယ်ငါ့းထပ်တိုက်ပေါ်ကို တင်ပေးရတဲ့ဓာတ်လှေကားနဲ့တူတယ် အလုပ်လုပ်ပေးရတဲ့သဘောတရားနဲ့ မော်တာကထမ်းရတဲ့၀န်မတူဘူး။
(မြေပေါ်၄၅ထပ် - မြေပေါ် ၅လွှာ) = #ပေါင်း အထပ်၄၀။

မ ပေး တင်ပေးရတဲ့အမြင့် (Lift)ကွာတယ်ပေါ့။

ဒါကLiftပဲရှိတယ် Compression ratioကြတော့ ဒီလိုကွာတယ်ကွဆိုပြီးထပ်ရှင်းပြရတယ်။

အဲဒါကြောင့်
သူကLBPစနစ်စာရင်Compression ratio နိမ့်တယ်တယ်။

အဲဒါကြောင့် အခန်းထဲကစုပ်ရတဲ့အပူစွမ်းအင်နဲ့ သုံးရတဲ့လျှပ်စစ်စွမ်းအင်အချိုးမြင့်တယ်။
ဒါကိုCOPမြင့်တယ်ပေါ့။

အဲဒါကြောင့်ကွန်ပရက်ဆာတွေမှာ HBPလား၊LBPလားဆိုပြီးရေးထားရတယ်ကွဆိုပြီး ရှင်းပြရတာက သဘောတရား Basic Concept ရယ်။

ဒါကဦးနှောက်ထဲနှိုင်ယှဉ်စဉ်းစားရတယ်။ပင်ပန်းတယ်။
သိသွားရင်တော့ ပြီးပြီး အဲဒီဆက်စပ်စဉ်းစားတတ်မှုကကျန်တဲ့အရာတွေသင်ယူတဲ့အခါ အများကြီးအကျိုးပြုသွားတော့မှာ။


Basic Knowledge လောက်သိတာဟာ ကြာရင် မလုပ်ရင်မေ့တတ်တဲ့သဘောရှိတယ်။

Basic conceptကိုသေချာသဘောပေါက်သူက
ဘယ်တော့မှ မမေ့တော့သလို ၊တခြားမဆိုင်တဲ့အရာတွေပါ နားလည်သဘောပေါက်လာတာပါပဲ။

ဒါပေမယ့်လက်တွေ့မှာတော့ သင်တန်းတွေသင်တဲ့အခါBasic conceptကိုသင်ရင်လူကြိုက်နည်းပြီး၊Knowledgeကိုသင်ရင် လူကြိုက်များတတ်တော့။မျှသင်ရတော့တာပဲ။

သူတို့ကအုန်းရည်‌‌တော့သောက်ချင်တာကိုး။
အုန်းသီးခွဲနည်းသင်‌ေပးရမှာလား?
အုန်းပင်တက်နည်းသင်‌ ပေးရမှာလား?

#ကိုနန္ဒမိုး

⛔ဘာကြောင့် ဆွဲရတာလဲ

♦️အဲကွန်းရေခဲသေတ္တာပိုက်လိုင်းတွေထဲကလေကို
ပြောင်စင်အောင်စုပ်ထုတ်ပြီးဘာကြောင့် လေဟာနယ်ဖြစ်အောင် ဆွဲရတာလဲ?

♦️Aircon တစ်လုံးကို အသစ်ဆင်ပြီးချိန်မှာပဲဖြစ်ဖြစ်

♦️အဟောင်းကို ဖြုတ်ပီးနေရာရွှေ့ချိန်မှာဖြစ်ဖြစ်

♦️အဲကွန်းတစ်လုံးရဲ့ ပိုက်ပေါက်သွားလို့ စနစ်ထဲက
ဂက်စ် refrigerant တွေ လုံးဝမရှိတော့တဲ့ချိန်မှာ
ဖြစ်ဖြစ်

♦️အဲကွန်းတလုံးထဲက အဓိကပစ္စည်းတွေဖြစ်တဲ့
Compressor,Condensor,Expansion Valveနဲ့ Evaporator coil.တခုခုပျက်စီးလို့ဖြုတ်လဲချိန်မှာဖြစ်ဖြစ်

♦️စနစ်ရဲ့ပိုက်လိုင်းတွေအက်ကွဲလို့ဂက်စ်တွေယိုစိမ့်နေလို့ ပြန်လည်ပြီးဖာထေးပြုပြင်ဖို့လိုအပ်လာတဲ့
အခါမှာပဲဖြစ်ဖြစ်

♦️Compressor oil အသစ်လဲလှယ်ဖြည့်တင်းရာ
မှာဖြစ်ဖြစ်

♦️စနစ်အကူပစ္စည်းတွေဖြစ်တဲ့
valves
drier
Glass
valve
တွေပြုပြင်အစားထိုးဖို့လိုအပ်လာလို့
ပိုက်လိုင်းတွေဖြတ်တောက်ပြီးအသစ်လဲလှယ်
တဲ့အချိန်မှာပဲဖြစ်ဖြစ်

ဘက်ကျူန်း Vacuum ဆွဲတယ်လို့ခေါ်တဲ့
Evacuation လုပ်ခြင်းကို မဖြစ်မနေ
လုပ်ကြရပါတယ်။

⛔ဘာဖြစ်လို့လဲဆိုတော့ပုံမှန်အားဖြင့်အဲကွန်းတစ်လုံးရဲ့
ပိုက်လိုင်းတွေထဲမှာ Refrigerant လို့ခေါ်တဲ့ အဲကွန်းဂက်စ်တွေရှိနေချိန်မှာ ဂက်စ်ရဲ့ ဖိအားကလေထုဖိအားထက်များနေလို့စနစ်ထဲကို အပြင်လေနဲ့ရေခိုးရေငွေတွေမဝင်လာနိုင်ပါဘူး။

⛔ စနစ်ကို ပြုပြင်ချိန် ပိုက်လိုင်းတွေထဲမှာ ဂက်စ် မရှိတော့ဘူးဆိုရင်တော့ပြင်ပက
လေနဲ့ ရေခိုးရေငွေ့တွေဟာ စနစ်ရဲ့ ပိုက်လိုင်း၊Compressor oil နဲ့ စက်ပစ္စည်း
အစိတ်အပိုင်းတွေကြားဝင်ရောက်လာတော့မှာပါ။

အဲဒီထဲကမှ
🛑 #စနစ်ထဲမှာဝင်ရောက်ခိုအောင်းနေတဲ့
လေဟာ စနစ်ရဲ့ အပူစုပ်နိုင်စွမ်းကိုလျော့ကျစေပြီး
ကွန်ပရက်ဆာဆီရယ်၊
ဂက်စ်( )တွေရယ်နဲ့
ရေခိုးရေငွေ့တွေရယ်ရောနှောပြီးဓာတ်ပြုလို့
စနစ်ထဲက သံထည်အစိတ်အပိုင်းတွေကို
သံချေးတက်ပြီးပျက်စီးစေနိုင်ပါတယ်။

🛑 #ရေငွေ့တွေကပိုက်လိုင်းတလျှောက်
စနစ်ထဲမှာအေးခဲပြီးပိတ်ဆို့ရင်းစနစ်ကို
အနှောက်အယှက်ပေးနိုင်ပါတယ်။

🛑 #တခြားပစ္စည်းတွေနဲ့ဓာတ်ပြုပြီး
အက်ဆစ်ဖြစ်စေရင်း Compressor coil တွေရဲ့ လျှပ်ကာပစ္စည်းတွေရဲ့ခံနိုင်ရည်တွေကိုလျော့ကျစေနိုင်ပါတယ်။

🛑အဲဒီအခါအလုံပိတ်
Hermetic type Compressor တွေ
ဖြစ်ခဲ့မယ်ဆိုရင်Compressor motor ရဲ့ကွိုင်
(Winding)တွေရဲ့ လျှပ်ကာခံနိုင်ရည်ကို ပျက်စီးစေနိုင်ပါတယ်။

🛑အဲဒါကြောင့် စနစ်ထဲမှာ ဂက်စ်မရှိတော့တဲ့အခြေတခုကနေ ပြုပြင်ပြီးလို့ ဂက်စ်ပြန်ဖြည့်တော့မယ်ဆိုရင်
Evacuation လို့ခေါ်တဲ့
Vacuum ဆွဲတယ်လို့
ညီလေးတို့ပြောကြတဲ့ စနစ်ထဲကနေ လေနဲ့ ရေခိုးရေငွေ့တွေစုပ်ထုတ်တဲ့ လုပ်ငန်းစဉ်ကို မဖြစ်မနေ လုပ်ကြရပါတယ်။

🛑အဲဒီလို Evacuation လုပ်တဲ့အခါ
စနစ်ထဲမှာလေနဲ့ရေခိုးရေငွေ့တွေမကျန်တဲ့အခြေအနေ Absolute atmospheric pressure
-30 inHg ထိ ၊တနည်းအားဖြင့် Pressure Guage မှာဆိုရင် 0 Psig အောက် အစိမ်းလေးနဲ့ ပြထားတဲ့
#30 InHg သို့မဟုတ်
#0 micron သို့မဟုတ်
#760 mm Hg ရောက်တဲ့အထိ

🛑Vacuum pump နဲ့စနစ်ထဲကလေကို ဆွဲစုပ်ထုတ်ပစ်ရပါတယ်။ အဲဒါမှသာ လေနဲ့ရေခိုးရေငွေတွေစနစ်ထဲမှာပြောင် စင်မှာပါ။

🛑 လက်တွေ့အားဖြင့်တော့
0 micron လို့ခေါ်တဲ့ စနစ်ထဲမှာလေ လုံးဝမရှိတဲ့
အခြေအေ နအထိစုပ်ထုတ်ပစ်ဖို့မဖြစ်နိုင်တဲ့အတွက်
500 micron ထိစုပ်ထုတ်ပစ်နိုင်ရင်ကိုအဆင်ပြေပါတယ်။
တကယ်လက်ရှိသုံးနေတဲ့ ဂိတ်တွေ ပန့်တွေနဲ့ အဲဒီအဆင့်ရောက်ဖို့တောင်မလွယ်ကူပါဘူး။
0 ထိရောက်ရင်တော့ အကောင်းဆုံးပေါ့။

ပုံမှန်သုံးနေတဲ့ Pressure Guage တွေကတော့
အကြမ်းအားဖြင့် ပြတာဖြစ်တဲ့အတွက်
စနစ်ထဲမှာလေ 500 micron (0.01 PSI) ဖိအားထိ စကေးစိပ်စိပ် ပြထားလေ့ ပါလေ့မရှိကြပါဘူး။

🛑Micron အဆင့်ထိအသေးစိတ်ပြနိုင်တဲ့ ဒီဂျစ်တယ်ဂိတ် (DigitalMicron Guage) တွေနဲ့သာသိနိုင်ပါတယ်။

🛑သာမာန်အိမ်သုံးအဲကွန်းစက်တွေအနေဖြင့်တော့ ရိုးရိုး Pressure guage မှာ ပြထားတဲ့ 30 inHg ထိ ၂၀ မိနစ်လောက်ထိ စုပ်ထုတ်နိုင်ရင်ကိုလုံလောက်ပါတယ်။
အချိန်ရလို့ကြာကြာစုပ်နိုင်လေကောင်းလေပါ။

🛑ရေခဲသေတ္တာနဲ့ အရေးကြီးတဲ့စက်တွေမှာတော့
Digital micron guage တွေသုံးပြီးEvacuate လုပ်ပြီး စုပ်ထုတ်နိုင်ရင် အဲကွန်းစနစ်ထဲမှာ ပိတ်ဆို့အနှောက်အယှက်ပြုခြင်း(Choke) ကို သက်သာစေမှာ။ပိုလည်းကောင်းပါတယ်။

🛑Evacute လုပ်တာပဲပြောပြော
Vacuum ဆွဲတာပဲဆိုဆို လုပ်တဲ့အခါ
Aircon ကို Pressure Guage နဲ့ Micron
Gauage တွေတပ်ဆင်ပုံနဲ့ InHg နဲ့ Micron ယူနစ်တွေဆက်စပ်ပုံ ဇယားနဲ့ပုံတွေကို ပူးတွဲပေးထားပါတယ်။

🛑တချို့အဲကွန်းစက်ကြီးလုပ်ငန်းတွေမှာပါဝင်လုပ်ကိုင်စညီလေးတို့အတွက် စက်ကြီးတွေ Evacuate လုပ်ရာမှာ Vacuum pump size ရွေးချယ်ရာမှာတော့
Vacuum pump ရဲ့ လေစုပ်ထုပ်နိုင်စွမ်း
Cubic Feet per Minute (CFM)
ရဲ နှစ်ထပ် ကိုရွေးချယ်ရမှာဖြစ်ပါတယ်။
ဥပမာအားဖြင့်
7 CFM ရှိတဲ့ Vacuum Pump ဟာ
7*7 =49 Tons စက်ကို စုပ်ထုတ်နိုင်စွမ်းရှိမှာဖြစ်ပါတယ်။အဲဒီလိုနည်းအားဖြင့်ရွေးချယ်ပြီးအသုံးပြုရမှာပါ။

🛑နောက်တချက်ကတော့..အရေးကြီးတဲ့စက်တွေကို Evacuate တခါလုပ်ပြီးတိုင်း Vacuum pump ထဲက ဆီCompressor oil ကိုလဲလှယ်နိုင်ရင်ပိုကောင်းပါတယ်ဗျ။

ဘာဖြစ်လို့လဲဆိုတော့ စက်ထဲကဆီက လေထဲက ရေငွေ့နဲ့တွေ့ရင်စုပ်ယူထားတတ်လို့ပါ။ဆီမလဲရင်
ရေငွေ့တွေ စနစ်ထဲကနေမပြောင်စင်ပဲနေတတ်လို့ပါ။

#ကိုနန္ဒမိုး

ဒါလေးတွေရဲ့အခြေခံတွေနဲ့တခြားအဲကွန်း၊‌ရေခဲစက်၊ရေခဲသေတ္တာ၊အ၀တ်လျှော်စက်စတဲ့ အခြေခံသဘောတရားတွေကို သေချာသိချင်သေးတယ်ဆိုရင်တော့ Hyper ရဲ့ သင်တန်းလေးတွေရှိပါတယ်။
https://m.facebook.com/story.php?story_fbid=571865078455829&id=100068970255371&mibextid=Nif5oz

🔺လုပ်ငန်းခွင်၀င်စညီလေးတို့အတွက်
expansion valve

နောက်ပိုင်း အဲကွန်းစက်သေးစက်ကြီးမျိုးစုံမှာ အများဆုံးတပ်ဆင်လာတဲ့ Expansion valve အမျိုးအစားက‌ တော့ Electronic Expansion Valveလို့‌ ခေါ်တဲ့EEV ပါ။
(တချို့ အဲကွန်းတွေမှာ Linear Expansion Valveလို့ခေါ်ပါတယ် ၊ သဘောတရားအလုပ်လုပ်ပုံကအတူတူပါပဲ ၊ တည်ဆောက်ပုံအနည်းငယ်ပဲကွဲပြားတာပါ)

သူ့ရဲ့အလုပ်ကဘာလဲဆိုရင် Expansion valveတွေရဲ့ထုံးစံအတိုင်း အအေးကွိုင် (Evaporator)ထဲ၀င်တဲ့ ဂက်စ်(Refrigerant)ရဲ့ပမာဏကို အအေးကွိုင်ကစုပ်ယူပေးနေရတဲ့ အပူပမာဏ (Cooling load)လိုက်လို့ အအေးကွိုင်ထဲကို ထိန်းပြီးလွှတ်ပေးရတာပါပဲ။

ဂက်စ်အရည်(Liquid refrigerant,)တွေကိုမလိုအပ်ပဲ အအေးကွိုင်ထဲလွှတ်ပေးမိရင် အခန်းထဲအေးနေလို့အအေးကွိုင်ထဲမှာ အပူစုပ်ရမယ့်ပမာဏနည်းနေတဲ့အခါဖြစ်‌ နေရင် အဲဒီဂက်စ်အရည်တွေအားလုံးကို အငွေ့မဖြစ်နိုင်တော့လို့ အဲဒီအရည်တွေကွန်ပရက်ဆာဆီပြန်လာပြီး ဒုက္ခပေးနိုင်လို့ပါ။

EEVတွေဟာ
Thermostatic expansion vavle ကို
အီလက်ထရောနစ်စနစ်သုံးပြီးအလုပ်လုပ်အောင်ဖန်တီးထားတဲ့ အမျိုးအစားလို့ပြောနိုင်ပါတယ်။

လုပ်ဆောင်ပုံအာရုံခံပုံကအတူတူပါ။
ကွာတာက Diafragm နေရာမှာ တဆင့်ချင်း
လိုသလို မောင်းနှင်ပေးတဲ့ လျှပ်စစ်မော်တာ
Stepper motor ကိုအစားထိုးသုံးထားပြီး
valve ရဲ့ အဖွင့်အပိတ်အခြေအနေ
Or***ce ကိုချိန်ညှိပေးတာပါ။

🔺 Thermostat Expansion valve (TEV)မှာပါတဲ့ Refrigerant သုံးSensing bulbs အာရုံခံတွေအစား အီလက်ထရောနစ်အာရုံခံဆင်ဆာ
Electronic thermistor/Sensor ဆိုတဲ့ အီလက်ထရောနစ်အပူအာရုံခံ ပစ္စည်းတွေကိုသုံးထားသလို
Thermostat Expansion Valveမှာပါတဲ့ အအေးကွိုင်ကထွက်တဲ့ ဂက်စ်ရဲ့ဖိအား(Liquid pressure)ကို အာရုံခံတဲ့ Equalizer lineအစား အီလက်ထရောနစ်စနစ်သုံး
Pressure transducerတွေကို အအေးကွိုင်အထွက်ပိုက် (Suction pipeမှာ)တွဲဘက်ပြီးသုံးထားပါတယ်။

Electronic Thermistor /Sensorအာရုံခံက အအေးကွိုင်အထွက် ဂက်စ်ရဲ့ အပူချိန်ကို ထောက်လှမ်းပေးပြီး
၊Pressure transducerကတော့ အအေးကွိုင်အထွက်ပိုက်မှာရှိနေတဲ့ ဂက်စ်ရဲ့ဖိအား(Saturated pressure)ကိုထောက်လှမ်းပေးပါတယ်။

တချို့စနစ်တွေမှာတော့ အပူကွိုင်မှာတပ်ထားတဲ့ ပတ်၀န်းကျင်အပူချိန်ကိုထောက်လှမ်းတဲ့ Temperature sensorကပေးတဲ့ လျှပ်စစ်အခြေအနေကပြတဲ့ အပူချိန်အချိုးအတိုင်းရယ်၊ အခန်းတွင်းမှာရှိတဲ့ အခန်းအပူချိန်ဆင်ဆာရယ်နဲ့ ချိန်ဆပြီးအအေးကွိုင်အထွက်မှာ ရှိသင့်တဲ့ ဂက်စ်ရဲ့ စူပါဟိအပူချိန်(Super heat temperature)ရအောင် ဗားကို အကျဉ်းအကျယ်လုပ်ပြီးဂက်စ်ရဲ့ ပမာဏကို အတိုးအလျော့လုပ်ပြီးလည်း အအေးကွိုင်ကို လွှတ်ပေးပါတယ်။

ဂက်စ်ပမာဏာအနည်းအများကို Pressure transducerကနေတဆင့် ပြန်သိရပြီး ၊အခန်းထဲက စုပ်ရမည့်အပူပမာဏနဲ့ ဂက်စ်ပမာဏအချိန်အဆကို အအေးကွိုင်ကပြန်လာတဲ့ ဂက်စ်ရဲ့ စူပါဟိအပူချိန်ကတဆင့်ထောက်လှမ်းလို့ရပါတယ်။အဲဒါကိုထောက်လှမ်းဖို့အအေးကွိုင်အထွက်မှာ Temperature sensor/Thermistor ကိုတပ်ဆင်ထားတာပါ။

အဲဒီနည်းနဲ့ အဲကွန်းစနစ်ရဲ့နေရာအသီးသီးကအပူချိန်တွေကို ထောက်လှမ်းရင်း Expansion valveအထွက် ဂက်စ်စီးဆင်းမှု(Refrigerant flow) ကိုလိုသလိုထိန်းညှိပေးတာပါ။

ပျက်ရင်ချိန်ညှိဖို့ထက်
အစားထိုးရတာများပါတယ်။အာရုံခံစနစ်တွေကောင်းတဲ့အတွက် Expansion valve ကိုထိမ်းချုပ်ထားတဲ့ Electronic control module ကောင်းမွန်နေသမျှ Compressorပျက်စီးခြင်းကို
Evporator ပုံမှန်အခြေအနေမဟုတ်ရင်တောင်
Refrigerant flow ကို
ထိထိရောက်ရောက်ထိန်းချုပ်ကာကွယ်ပေးနိုင်ပါတယ်။

Expansion valve တွေရဲ့အဝင်မှာတော့..
ဖုန်အညစ်အကြေး..အမှုန်အမွှားနဲ့..ရေခိုးရေငွေ့တွေကိုစုပ်ယူကာကွယ်ပေးမည့်စကာနဲ့ သူ့ရဲ့အ၀င်ဖက်ပိုက်မှာမှာ စကာသီး(Filter drier or Strainer drier)ကိုမဖြစ်မ နေတပ်ဆင်ပြီးသုံးလေ့ရှိပါတယ်။

#ကိုနန္ဒမိုး

🚩 Sound Blank ကွန်ပရက်ဆာအသံကာအအုပ် အုပ်ထားတာ ကောင်းသလာ?

⛔အဲကွန်းကွန်ပရက်ဆာတွေဟာ မောင်းနေတဲ့ ပတ်၀န်းကျင်ရဲ့ ဆူညံမှု နောက်ခံအနေအထား Noise Criteria (NC level)လိုက်လို့ ဆူညံသံကိုခံစားရမှုကွဲပါတယ်။အဲကွန်းအောက်ဒိုးတွေရဲ့ ဆူညံမှုက dBအားဖြင့်အကြမ်းဖျင်း 40dBအထက်ရှိတတ်ကြပါတယ်။
ပုံမှန်အားဖြင့်ကို NCမြင့်တဲ့နေ့အချိန်တွေဆို မသိသာပေမယ့် NC မတူတဲ့ ညအချိန်တွေမှာဆို dB ကများလာသလိုခံစားရမှာပါ။ ပိုဆူတယ်လို့ခံစားရနိုင်ပါတယ်။

ဒီကြားထဲမှာ ကွန်ပရက်ဆာဆီရဲ့စွမ်းရည်ကျနေတာ၊ဆီနည်းနေတာ ၊ဗို့အားနည်းနေတာ ဖြစ်တဲ့အချိန်ဆိုရင်ပိုရုန်းရလို့ အသံပိုဆူမှာပါ။အဲဒီအခါ အဲကွန်းအောက်ဒိုး
အနီးပတ်၀န်းကျင်မှာ ရှိတဲ့ အခန်းတွေမှာ နေထိုင်တဲ့သူတွေအနေနဲ့ ညညကြရင် တော်တော်စိတ်အနှောက်အယှက်ဖြစ်ရတတ်ပါတယ်။

နိုင်ငံတကာမှာ အဲဒီလိုဖြစ်ရင် ဘေးအိမ် တွေကကန့်ကွက်တတ်တာကြောင့်ရော၊ကိုယ့်အသိတရားနဲ့ကိုယ်ရော‌ေကြာင့် ဆင်ခြင်ပြီး အဲကွန်းကထွက်တဲ့ဆူညံမှုလျော့ဖို့ အဲကွန်းရဲ့ အဆူညံဆုံးအစိတ်အပိုင်းဖြစ်တဲ့ ကွန်ပရက်ဆာကထွက်တဲ့ အသံကို လျော့ဖို့ အသံကာအအုပ်(Sound Blanket)တွေကို မူလစက်မှာတပ်ဆင်မထားရင်ကို ၀ယ်ယူတပ်ဆင်တတ်ကြပါတယ်။

တချို့အသံကာများဆိုရင် ဆူညံမှုရဲ့
40% ကနေ 60%ထိ လျှော့ချပေးနိုင်တယ်လို့ဆိုပါတယ်။
အဲတော့ဆူတာသက်သာတော့ စိတ်အနှောက်အယှက်သက်သာတာပေါ့။ညည ကြရင် ‌တိတ်တိတ်ဆိတ်ဆိတ်
အိပ်ရနိုင်တာပေါ့။

နောက်ပြီးအဲကွန်းတပ်ထားတဲ့ ပတ်၀န်းကျင်က
အရမ်းမပူပြင်းပဲ အေးမြတဲ့ ဒေသတွေဆိုရင်
ကွန်ပရက်ဆာရဲ့ ဘော်ဒီအပူချိန်ကို ထိန်းထားနိုင်တဲ့အကျိုးရှိတာပေါ့။
ဒါကတော့အသံကာတွေတပ်ခြင်းရဲ့ ကောင်းတဲ့အကျိုးပေါ့။

⛔အသံကာတပ်ခြင်းရဲ့ဆိုးတဲ့ အကျိုးတွေလည်းရှိပါတယ်။

မြန်မာပြည်၊ရန်ကုန်လိုပူပြင်းပြီးစွတ်စိုတဲ့ဒေသတွေမှာဆိုရင်

🔺အဲကွန်းကွန်ပရက်ဆာအ၀င် အကျူမလေတာဟာပြင်ပလေနဲ့ထိလို့ ရေသီးတဲ့အခါ အဲဒီ အပူကာတွေကြောင့်အလွယ်တကူ မခြောက်သွေ့နိုင်ပဲ ကွန်ပရက်ဆာအ၀င်အကျူမလေတာနဲ့ ဘော်ဒီမှာ ရေနဲ့အမြဲတစေထိပြီးအစိုဓာတ်အောင်းနေလို့ ကွန်ရက်ဆာ ဘော်ဒီကိုသံချေးအလွယ်တကူတက်နိုင်ပါတယ်။

နောက်ပြီး
ကွန်ပရက်ဆာ အပူကာအအုပ်တာထားရင်
🔺ပတ်၀န်းကျင်အပူချိန်ဟာ အဲကွန်းရဲ့ ဒီဇိုင်းအပူချိန်ထက် မြင့်တဲ့အခါမှာဖြစ်စေ
🔺အပူကွိုင်တွေဂျီးပိတ်တက်အခါဖြစ်စေ
🔺အပူကွိုင်ပန်ကာမလည်တဲ့အခါဖြစ်စေ
🔺ကွန်ပရက်ဆာဆီ အရည်အသွေးကျလာတဲ့အခါ၊နည်းတဲ့အခါဖြစ်စေ
🔺ဗို့အားနည်းတဲ့အခါဖြစ်စေ
🔺အဲကွန်းအောက်ဒိုးကထွက်တဲ့လေပူဟာ အနီးနားမှာ
ပြန်ဝိုက်(Air short cycling)နေတဲ့အခါ
တခုခုဖြစ်တဲ့အခါ ဖြစ်စေ
ကွန်ပရက်ဆာ အမ်ပီယာ ပိုတက်ပြီး ကွန်ပရက်ဆာဘော်ဒီရဲ့အပူချိန်ပိုတိုးလို့
ကွန်ပရက်ဆာသက်တမ်းတိုးနိုင်သလို အလွယ်တကူပျက်စီးနိုင်ပါတယ်။

#ကိုနန္ဒမိုး

🚩အဲကွန်းတကောင်အား(1HP)ချင်းအတူတူ အအေးနှုန်းတူသလား၊လျှပ်စစ်စားတာတူသလား?

🚩1HPလို့ လူတွေက အဲကွန်းတိုင်းကို အလွယ်ခေါ်ကြပေမယ့် တလုံးနဲ့တလုံး အပူထုတ်အား တနည်းအားဖြင့်အအေးနှုန်းနဲ့၊လျှပ်စစ်စားသုံးမှုမတူပါဘူး။

တချို့ 1HP တွေက Btu 8000
တချိုက 9000
တချို့က 10000
တချို့က 8500 စသည်အနည်းငယ်ကွဲပြားကြပါတယ်။ဒါကိုအလွယ် 1HPလို့ အရပ်ခေါ်ပေါင်းခေါ်တာပါပဲ။
(အများစုက 1HP ကို 9000Btu/Hr နဲ့သတ်မှတ်ကြပါတယ်)

အဲကွန်းတွေဟာ
လျှပ်စစ်သုံးစွဲမှု Watt/HPချင်းတူရင်တောင် အပူထုတ်အား
Btu or Watt မတူနိုင်ပါဘူး။

Btu ချင်တူရင် လျှပ်စစ်စားသုံးမှု Watt/HPမတူပါဘူး။

ဆွဲယူတဲ့ Full load Ampere မတူပါဘူး။

ဈေးနှုန်းမတူပါဘူး။

ဘာကြောင့်လဲ?
COP လို့ခေါ်တဲ့ Coefficient of Performance မတူလို့ပါ။

⛔အဲကွန်းရဲ့COPကို ဘာတွေကပြောင်းလဲစေသလဲ?

(1) စက်ရဲ့အင်ဒိုးနဲ့အောက်ဒိုးရဲ့ ဆူးတောင်(Fin)ဧရိယာ
အစိတ်အကျဲအထူးအပါး တာရှည်ခံမှု ရိုးရိုးအလူမီနီယမ်ဆူးတောင်လား၊အပူစီးကူးမှုကောင်းတဲ့ဓာတုအရည်သုတ်ထား(Coated)တဲ့ ရွှေရောင်၊အပြာရောင် Gold fin , Blue Fin , Epoxy Finလား ကွဲပါတယ်။အထူးတီထွင်ထားတဲ့ဓာတုအရည်သုတ်လိုက်ရင်ဆူးတောင်တွေဟာ အပူစုပ်ယူ၊စွန့်ထုတ်မှုနဲ့အပူစီးကူးနှုန်း Heat transfer rateတက်လာလို့ပါ။

(2) စက်ရဲ့ Suction Evaporating Design Temperature နဲ့ Discharge Condensing Design Temperature တွေကလည်းစကားပြောပါတယ်။
Suction နဲ့ Discharge ကြား ဂက်စ်ရဲ့ဖိအားကွာခြားချက် (Pressure Lift)ကလည်းစကားပြောပါတယ်။
Suction နဲ့ Dischargeအချိုးမြင့်လေမီးအားစားလေပါ။

တချို့က
🔺Suctionမှာဆိုရင်4.4'C , တချို့က 5'C,တချို့က 7.2'C
(Inverter နဲ့ VRVမှာ 12'C ထိရှိပါတယ်)

🔺Discharge 45'C , တချို့က 50'C,တချို့က 55'C
(Inverter နဲ့ VRVမှာ 65'C ထိရှိပါတယ်)

(3) ဂက်စ်အမျိုးအစားနဲ့ စက်ထဲမှာ အချိန်တခုအတွင်းလည်ပတ်နေတဲ့ဂက်စ်အလေးချိန်ပမာဏကလည်းစကားပြောပါတယ်။ဂက်စ်အမျိုးအစားက အပူစုပ်အား စွန့်အား ကောင်းရင် ကွန်ပရက်ဆာအရွယ်အစားသေးလို့ရသလို့ Pressure lift လျှော့လို့ရပါတယ်။သူက ဆူးတောင် အမျိုးအစားကောင်းတာနဲ့တွဲမိတယ်ဆိုရင် ပိုနိပ်တာပေါ့။လျှပ်စစ်စားသုံးမှုသက်သာတာပေါ့။

(4) နောက်တခုက အင်ဒိုး၊အောက်ဒိုးပန်ကာတွေရဲ့ လေယက်နိုင်စွမ်း Air flow rateပါ။
ဆူးတောင်အရွယ်အစား ဒီဇိုင်းကောင်းရင် ပန်ကာ မော်တာကို အပတ်ရေနည်းနည်းလည်ပြီးAir flow rateကို မြှင့်တင် ပြီးအပူစွန့်ထုတ်နှုန်း မြှင့်နိုင်ပါတယ်။ ဒါဆိုရင် လျှပ်စစ်သုံးစွဲမှု လျှော့ချနိုင်ပါတယ်။
ပန်ကာနဲ့‌ မော်တာတွေရဲ့လည်နှုန်း ၂၀%လျှော့ချနိုင်ရင် သူ့ရဲ့ လျှပ်စစ်စားသုံးမှု ၄၀%ကျော် သက်သာစေပါတယ်။ Watt 100စားတဲ့ လည်အား 1000RPM ရှိတဲ့ ပန်ကာမော်တာကို 800RPMထိလျော့ချနိုင်ရင် လျှစစ်၀ပ် 60Wattအောက်ပဲ စားပါတော့တယ်။
ကွန်ပရက်ဆာ တွေလည်းအတူတူပါ။

(5) နောက်တခုက ကွန်ပရက်ဆာတွေရဲ့ အမျိုးအစားနဲ့တည်ဆောက်ပုံပါ။တချို့ကွန်ပရက်ဆာတွေဟာလည်အားနည်းနည်း နဲ့ ပိုက်ထဲကို ဂက်စ်စီးဆင်းနှုန်းများများစီးအောင် လုပ်ပေးနိုင်ပါတယ်။
ဒါအပြင်ကွန်ပရက်ဆာမော်တာရဲ့ Windingလို့ခေါ်တဲ့ ကွိုင်တွေကိုတည်ဆောက်ထားတဲ့ သတ္ထုအမျိုးအစား အလူမီနီယမ်လား၊ကြေးအစစ်လား၊အရောလား စသည်ဖြင့်မူတည်ပြီး လျှပ်စစ်စားသုံးမှုနဒ့ စက်ရဲ့စွမ်းဆောင်ရည်ကလည်း ကွာဟနိုင်ပါသေးတယ်။

(5)နောက်တခုကတော့ လိုအပ်တဲ့အပူချိန်ထိအခန်းအေးသည်ဖြစ်စေ မအေးသေးချိန်ဖြစ်စေ ကွန်ပရက်ဆာနဲ့ ပန်ကာမော်တာတွေဟာ ပုံမှန်လည်နှုန်းနဲ့ လည်နေတဲ့ ရိုးအဲကွန်းလား ၊ အခန်းအပူချိန်ကျဆင်းသွားတဲ့အလျောက်
ကွန်ပရက်ဆာနဲ့ ပန်ကာမော်တာတွေဟာ လည်ပတ်နှုန်း အလိုက်သင့်လျော့ကျသွားတဲ့ အင်ဗာတာအဲကွန်း (Inverter Airconditioner) အမျိုးအစားလား ပေါ်မူတည်ပြီး လျှပ်စစ်စားသုံးတဲ့ပမာဏကွဲပါတယ်။
အင်ဗာတာအဲကွန်းတွေဟာ မလိုအပ်ပဲ
ကွန်ပရက်ဆာနဲ့ ပန်ကာမော်တာတွေရဲ့အမြန်နှုန်းကို ပုံသေမလည်စေပဲ လျော့လည်စေလို့ ရိုးရိုးအဲကွန်းတွေထက် လျှပ်စစ်သုံးစွဲရတဲ့ပမာဏာ လျော့နည်းစေပါတယ်။

ဒါတွေကတော့ အခြေခံအားဖြင့် အဲကွန်းတလုံးရဲ့ COP လို့ခေါ်တဲ့ အပူထုတ်အားနဲ့ လျှပ်စစ်စားသုံးမှုကို လွှမ်းမိုးနေတဲ့အချက်တွေပါ။

ချုံ့ပြောရရင် အပေါ်ကအချက်တွေကွာဟလို့
1HP ချင်း တကောင်းအရွယ်အစား
အခေါ်အဝေါ်တူပေမယ့်
အပူထုတ်အား အ အေး ပေးနိုင်စွမ်း (cooling capacity)ခြားနားနိုင်ပါတယ်၊လျှပ်စစ်သုံးစွဲမှု ကွာခြားနိုင်ပါတယ်။

အဲဒီလိုကွဲပြားမှုအပေါ်မူတည်လို့ဈေးနှုန်းလည်းမတူကြတာပါ။

#ကိုနန္ဒမိုး

🚩COP အကြောင်းအကျယ်သိလိုလျှင်👇👇👇👇👇

https://m.facebook.com/story.php?story_fbid=1263970990610301&id=662963534044386&mibextid=Nif5oz