Giggle Dreams Preschool

💦 သင်္ကြန်ဆုတောင်း 💦

မြန်မာ့နှစ်သစ် သင်္ကြန်အချိန်အခါသမယတွင်
အေးချမ်းမှုများ၊ ကျန်းမာရေးကောင်းမွန်ခြင်းများ၊
ပျော်ရွှင်မှုများနှင့် ကံကောင်းခြင်းများ အစဉ်အမြဲ ပြည့်စုံပါစေလို့
Giggle Dreams Preschool မှ စိတ်ရင်းမှန်ဖြင့် ဆုမွန်ကောင်းတောင်းပေးလိုက်ပါတယ်။

မင်္ဂလာရှိသော နှစ်သစ်သင်္ကြန်ဖြစ်ပါစေ 💧✨

“Giggle Dreams Preschool’s Thingyan Festival”

Our Preschool Thingyan Festival was a day to remember. We started our morning with the sticky, sugary fun of rolling mote lone yay paw, followed by the grace of our little ones performing traditional dances. We topped it all off with the best part—a soaking wet water splash! 💦

It’s so special watching our students embrace these beautiful traditions with such big smiles. Wishing all our families a refreshing and Happy Myanmar New Year! 🌼"

မြန်မာတို့ရဲ့ ရိုးရာအတာသင်္ကြန် အားလပ်ရက်မှာ မေမေ၊ ဖေဖေတို့နဲ့အတူ သားသားမီးမီးတို့ ပျော်ရွှင်စရာကောင်းတဲ့ မိသားစုအချိန်လေးတွေ ပိုင်ဆိုင်နိုင်ဖို့ ဒါလေးတွေကို အတူတူ ဂရုစိုက်ပေးရအောင်... ✨

🌊 ရေကစားတဲ့အခါ ဆောင်ရန်/ရှောင်ရန်များ
✅ ရေကစားချိန် သတ်မှတ်ပါ
ကလေးငယ်တွေဟာ အရေပြားပါးပြီး အအေးပတ်လွယ်တတ်တာကြောင့် တစ်ခါဆော့ရင် မိနစ် ၃၀ ကနေ ၄၅ မိနစ် ထက် မပိုသင့်ပါဘူး။ ⏱️

❌ ရေအေးလွန်းတာ ရှောင်ပါ
ရေခဲရေတွေနဲ့ လောင်းတာမျိုးကို လုံးဝရှောင်ကြဉ်ပါ။ ရေကန်ထဲက သာမန်အပူရှိန်ရှိတဲ့ ရေ (သို့မဟုတ်) ရေခပ်နွေးနွေးလေးနဲ့သာ ဆော့ကစားစေချင်ပါတယ်။ 🌡️

✅ Sunscreen မဖြစ်မနေ လိမ်းပေးပါ
သင်္ကြန်နေရောင်က အရမ်းပြင်းတာကြောင့် အပြင်မထွက်ခင် ကလေးအရေပြားနဲ့ ကိုက်ညီတဲ့ Sunscreen ကို စနစ်တကျ လိမ်းပေးဖို့ မမေ့ပါနဲ့ဦးနော်။ ☀️🧴

❌ ရေပိုက်ပြင်းပြင်းတွေကို သတိထားပါ
ရေပိုက်အရှိန်ပြင်းပြင်းနဲ့ ကလေးကို တိုက်ရိုက်ပက်မိတာမျိုးက မျက်လုံးနဲ့ နားကို ထိခိုက်စေနိုင်လို့ လူစည်ကားပြီး ရေပိုက်ကြီးတွေရှိတဲ့နေရာကို ရှောင်ရှားပေးပါ။ 🚫💦

🍲 အာဟာရနှင့် လှုပ်ရှားမှုလေးများ

✅ "မုန့်လုံးရေပေါ်" အတူတူ လုံးကြမယ်
ကလေးတွေကို မုန့်လုံးရာမှာ ပါဝင်ခိုင်းပါ။ ဒါက သူတို့အတွက် ပျော်စရာကောင်းတဲ့အပြင် Fine Motor Skills (လက်ချောင်းလေးများ သန်မာမှု) ကိုပါ တိုးတက်စေပါတယ်။ 🍡👐
❌ လမ်းဘေးစာများ ဆင်ခြင်ပါ
အပူရှိန်ကြောင့် အစားအသောက်တွေ ပုပ်သိုးလွယ်ပါတယ်။ ဝမ်းပျက်ဝမ်းလျှောမဖြစ်အောင် အိမ်မှာသန့်ရှင်းစွာ ချက်ပြုတ်ထားတဲ့ အစားအစာကိုပဲ ပိုကျွေးပေးပါ။ 🍱⚠️

✅ သန့်ရှင်းတဲ့ သောက်ရေဘူး ဆောင်ထားပါ
ဆော့နေရင်း ရေငတ်တဲ့အခါ ကစားတဲ့ရေတွေကို မသောက်မိပါစေနဲ့။ မိမိတို့ရဲ့ ကိုယ်ပိုင်သောက်ရေဘူးကို အနီးအနားမှာ အမြဲထားပေးပါ။ 💧🍼

📍 လုံခြုံရေးအတွက် အရေးကြီးအချက်
လူစည်ကားတဲ့နေရာ သွားမယ်ဆိုရင် ကလေးရဲ့ လက်ပတ် သို့မဟုတ် အင်္ကျီအိတ်ကပ်ထဲမှာ မိဘဖုန်းနံပါတ် ရေးထားတဲ့ စက္ကူလေး ထည့်ပေးထားဖို့ မမေ့ပါနဲ့နော်။ 📝📞

သားသားမီးမီးတို့နဲ့ မိသားစုဝင်အားလုံး ဘေးကင်းပျော်ရွှင်တဲ့ မြန်မာ့နှစ်သစ်ကူး သင်္ကြန်အခါသမယလေး ဖြစ်ပါစေကြောင်း Giggle Dreams Preschool မှ ဆုမွန်ကောင်းတောင်းအပ်ပါတယ်ရှင်။ 💦🙏

☀️ ရင်သွေးငယ်များအတွက် အပူလျှပ်ခြင်း (Heat Stroke) သတိပြုစရာ 🛡️

ပူပြင်းတဲ့ နွေရာသီကို ရောက်ရှိလာပြီဖြစ်တဲ့အတွက် ခန္ဓာကိုယ်အပူချိန်ကို အလွယ်တကူ မထိန်းညှိနိုင်သေးတဲ့ ကလေးငယ်လေးတွေမှာ အပူလျှပ်ခြင်း (Heat Stroke) အန္တရာယ်က အထူးစိုးရိမ်ရပါတယ်။ 🥵 ကလေးကို ထိန်းသိမ်းစောင့်ရှောက်ပေးတဲ့ အုပ်ထိန်းသူများအနေနဲ့ အောက်ပါအချက်လေးတွေကို သတိပြုစောင့်ကြည့်ပေးဖို့ တိုက်တွန်းလိုက်ပါတယ်ရှင်။ 💡

🚩 အပူလျှပ်ခြင်းရဲ့ လက္ခဏာများ (Symptoms)
ကလေးငယ်မှာ အောက်ပါလက္ခဏာတွေ ရှိနေရင် သတိထားပါ-
🌡️ ခန္ဓာကိုယ် အပူချိန် အရမ်းတက်လာခြင်း (103°F သို့မဟုတ် 39.4°C နှင့်အထက်)။

🥵 အရေပြားများ နီမြန်းပြီး ပူစပ်ခြောက်သွေ့နေခြင်း (ချွေးမထွက်တော့ခြင်း)။

😴 ကလေးက အလွန်အမင်း နုံးခွေနေခြင်း သို့မဟုတ် ဂဏာမငြိမ်ဖြစ်ခြင်း။

🤢 ခေါင်းမူးခြင်း၊ အော့အန်ခြင်း သို့မဟုတ် သတိလစ်ခြင်း။

✅ ကြိုတင်ကာကွယ်ရန် နည်းလမ်းများ

၁။ ရေများများတိုက်ပါ 💧
ရေဆာသည်အထိ မစောင့်ဘဲ ကလေးကို ရေခဏခဏ တိုက်ပေးပါ။ လတ်ဆတ်တဲ့ သစ်သီးဖျော်ရည်တွေလည်း တိုက်ကျွေးနိုင်ပါတယ်။ 🥤

၂။ ချည်သားပွပွလေးတွေ ဝတ်ပေးပါ 👕
လေဝင်လေထွက်ကောင်းပြီး အလင်းရောင်ဖျော့တဲ့ (Light-colored) ချည်သားအင်္ကျီများကို ရွေးချယ်ဝတ်ဆင်ပေးပါ။

၃။ နေပူထဲထွက်ခြင်းကို ရှောင်ကြဉ်ပါ 🚫☀️
မနက် (၁၀) နာရီမှ ညနေ (၄) နာရီအတွင်း အပြင်ထွက် ဆော့ကစားခြင်းကို တတ်နိုင်သမျှ ရှောင်ပါ။ အပြင်ထွက်ရပါက ထီး၊ ဦးထုပ် ဆောင်းပေးပါ။ ☂️👒

၄။ ကားထဲတွင် ကလေးကို တစ်ယောက်တည်း မထားခဲ့ပါနှင့် 🚗⚠️
ခဏလေးဆိုသော်လည်း ပိတ်ထားသော ကားအတွင်း အပူချိန်ဟာ မိနစ်ပိုင်းအတွင်း အသက်အန္တရာယ်ရှိတဲ့အထိ မြင့်တက်နိုင်ပါတယ်။

၅။ အေးမြသောနေရာတွင် ထားပါ 🏠🍃
အိမ်တွင်းမှာ လေဝင်လေထွက် ကောင်းအောင် လုပ်ထားပေးပါ။ ရေအေးဝတ်လေးနဲ့ ကိုယ်လုံးတိုက်ပေးခြင်းကလည်း အပူရှိန် လျော့ကျစေပါတယ်။

🆘 အရေးပေါ်အခြေအနေဖြစ်ပါက ကလေးကို ချက်ချင်း အေးမြတဲ့နေရာသို့ ရွှေ့ပါ၊ အဝတ်အစားများ ချွတ်ပေးပါ၊ ရေပတ်တိုက်ပေးပါ၊ ထို့နောက် နီးစပ်ရာ ဆေးခန်းသို့ အမြန်ဆုံး ပို့ဆောင်ပေးပါ။ 🏥🚑

🏠 ကျောင်းဆိုတာ "ဒုတိယအိမ်" ဖြစ်လာတဲ့အခါ
၃ နှစ်မှ ၅ နှစ်အရွယ် ကလေးတို့၏ အဖိုးတန်ခြေလှမ်းများ

၃ နှစ်မှ ၅ နှစ်ဆိုတာ ကလေးတစ်ယောက်ရဲ့ ဘဝမှာ အရေးကြီးဆုံး အလှည့်အပြောင်းတစ်ခုပါ 🌱
မိဘရင်ခွင်ထဲကနေ လူမှုပတ်ဝန်းကျင်သစ်ထဲကို ပထမဆုံး ခြေလှမ်းစလှမ်းရတဲ့ အရွယ်ဖြစ်လို့ သူတို့လေးတွေအတွက် "သင်ကြားရေး" ထက် "လုံခြုံနွေးထွေးမှု" က ပိုမိုအရေးကြီးပါတယ် 🤗

🤝 ၁။ ရင်းနှီးမှု (Sense of Belonging) ဆိုတာ သင်ယူမှု၏ အခြေခံ
ကလေးတစ်ယောက် ကျောင်းလာရတာ ပျော်နေပြီ၊ ဆရာမကို ယုံကြည်စိတ်ချသွားပြီဆိုရင် သူတို့ရဲ့ ဦးနှောက်ဟာ အလိုအလျောက် ပွင့်လင်းလာပါတယ်
"ငါ့ကိုချစ်တဲ့သူတွေ ရှိတယ်" လို့ ခံစားရတဲ့အခါ လူမှုဆက်ဆံရေးနဲ့ စိတ်လှုပ်ရှားမှုဆိုင်ရာ ဖွံ့ဖြိုးမှု တိုးတက်လာပါတယ် 💛
ဝေမျှခြင်း၊ စောင့်ဆိုင်းခြင်း စတဲ့ အလေ့အကျင့်ကောင်းတွေကိုပါ တတ်မြောက်လာကြပါတယ်

🎨 ၂။ "ဆော့ကစားခြင်း" မှတစ်ဆင့် "သင်ယူခြင်း" ဆီသို့
ဒီအရွယ်မှာ Play-based Learning က အထိရောက်ဆုံးပါ

Creative Skills: ရွှံ့စေးနယ်ခြင်း၊ ဆေးရောင်ခြယ်ခြင်းတို့က လက်ချောင်းလေးတွေကို သန်မာစေပြီး ခဲတံကို ကျွမ်းကျင်စွာ ကိုင်တွယ်နိုင်ဖို့ အခြေခံကောင်းရစေပါတယ် ✏️

Language Power: ပုံပြင်ပြောခြင်းနဲ့ သီချင်းဆိုခြင်းတွေက ဝေါဟာရကြွယ်ဝမှုကို တိုးတက်စေပါတယ် 🎶

📈 ၃။ တကယ့် "တိုးတက်မှု" ဆိုတာ ဘာလဲ?
ကလေးတစ်ယောက်ရဲ့ တိုးတက်မှုကို စာရေးနိုင်တာ၊ ABC ရွတ်နိုင်တာ တစ်ခုတည်းနဲ့ မတိုင်းတာသင့်ပါ..

✔️ မိမိကိုယ်ကိုယ် ယုံကြည်မှုရှိရှိ စကားပြောဆိုလာခြင်း
✔️ ကျောင်းသွားဖို့ တက်ကြွနေခြင်း 🎒
✔️ ကိုယ်တိုင်လုပ်ဆောင်နိုင်တဲ့ (Independence) ရှိလာခြင်း

ဒီလို အရာလေးတွေဟာ အလွန်ကြီးမားတဲ့ အောင်မြင်မှုတွေ ဖြစ်ပါတယ် 🌟

ကျွန်မတို့ Giggle Dreams Preschool မှာ ကလေးငယ်တွေအတွက် လုံခြုံပျော်ရွှင်ရတဲ့ ပတ်ဝန်းကျင်ကို ဖန်တီးပေးထားပြီး
အဆင့်မြင့် သင်ကြားမှုစနစ်များဖြင့် ပံ့ပိုးပေးထားလို့
သားသားမီးမီးတို့အတွက် အကောင်းဆုံး ရွေးချယ်မှုဖြစ်မှာပါရှင် 💛

📩 Register Now!
📧 Email: [email protected]
📱 Viber: 09404090774
📍 No-434, 15th Street, 3rd Ward, South Okkalapa Township, Yangon
#မူကြို #မိဘ #ကလေး #မူကြိုကျောင်း

အသက် ၃ နှစ်မှ ၅ နှစ်အရွယ်သည် ကလေးငယ်များ၏ ဦးနှောက်နှင့် ခန္ဓာကိုယ် အလျင်အမြန် ဖွံ့ဖြိုးနေသည့် အရွယ် ဖြစ်သည်။ ဤအရွယ်တွင် ကျန်းမာရေးနှင့် ညီညွတ်သော စားသောက်မှုသည် ကလေး၏ တစ်သက်တာလုံးအတွက် ကောင်းမွန်သော အလေ့အကျင့်ကောင်း ဖြစ်စေပါသည်။
မျှတပြီး အာဟာရပြည့်ဝသော အစားအစာများသည် ကလေးများ၏:
• ဦးနှောက်ဖွံ့ဖြိုးမှုနှင့် မှတ်ဉာဏ်ကို ကောင်းမွန်စေသည်။
• ဖျားနာမှုကင်းဝေးစေရန် ကိုယ်ခံအားစနစ်ကို မြှင့်တင်ပေးသည်။
• အရိုးနှင့် ကြွက်သားများ သန်မာကြီးထွားစေရန် အထောက်အပံ့ပေးသည်။
ကလေးငယ်များသည် ပတ်ဝန်းကျင်ရှိလူများကို ကြည့်ရှုအတုယူတတ်ကြသဖြင့် မိဘများနှင့် မိသားစုဝင်များသည် ကျန်းမာရေးနှင့် ညီညွတ်စွာ စားသောက်ခြင်းတွင် အရေးကြီးသော စံပြပုဂ္ဂိုလ်များ ဖြစ်ကြောင်း အမြဲသတိပြုသင့်ပါသည်။ ကလေးများကို အစားအသောက်ပြင်ဆင်ပေးသည့် အရေးကြီးသောသူများလဲ ဖြစ်ပါသည်။
ကလေးငယ်များအတွက် အစားအသောက် ပြင်ဆင်သည့်အခါ အောက်ပါအာဟာရဓာတ်များကို မျှတစွာ ထည့်သွင်းပေးရန် လိုအပ်သည် -
1. ကစီဓာတ်(Carbohydrates): အင်အားဖြစ်စေရန် ထမင်း၊ ခေါက်ဆွဲ (သို့မဟုတ်) ပေါင်မုန့်။
2. အသားဓာတ် (Protein): ကြီးထွားမှုအတွက် ကြက်သား၊ အမဲသား၊ ငါး၊ ကြက်ဥနှင့် ပဲအမျိုးမျိုး။
3. ဗီတာမင် (Vitamins): ကိုယ်ခံအားအတွက် ပဲသီး၊ မုန်လာဥနီ၊ ပန်းဂေါ်ဖီစိမ်း စသည့် အသီးအရွက်များ။
4. အမျှင်ဓာတ် (Fibers): အစာခြေစနစ်အတွက် လတ်ဆတ်သော ရာသီပေါ်သီးနှံများ။
5. ရေဓာတ်(Hydration): သန့်ရှင်းသော သောက်ရေသည် အကောင်းဆုံးဖြစ်ပြီး၊ နို့ သို့မဟုတ် သဘာဝအသီးဖျော်ရည်များ ထည့်ပေးနိုင်ပါသည်။ (သကြားပါဝင်မှုနှုန်းကို အမြဲစစ်ဆေးပြီး သကြားမပါဝင်သော ဖျော်ရည်များကိုသာ ရွေးချယ်သင့်သည်)။
သားသားမီးမီးတို့၏ ကျန်းမာရေးသည် သူတို့စားသုံးသည့် အစားအစာပေါ်တွင် များစွာမူတည်ပါသည်။ မိဘများအနေဖြင့် ကလေးများ စိတ်ဝင်စားဖွယ်ဖြစ်အောင် ထမင်းဘူးကို အရောင်အသွေးစုံလင်စွာ ပြင်ဆင်ပေးခြင်း၊ မိသားစုနှင့်အတူ ပျော်ပျော်ရွှင်ရွှင် စားသောက်ခြင်းတို့ဖြင့် ကောင်းမွန်သော စားသောက်မှုအလေ့အထကို ပျိုးထောင်ပေးနိုင်ပါသည်။

📩 Register Now!
📧 Email: [email protected]
📱 Viber: 09404090774
📍 No-434, 15th Street, 3rd Ward, South Okkalapa Township, Yangon