Aung Hein Kyaw - English Class & Publishing

ကလျာဓာတု ကြွေလုလု နတ်သျှင်နောင်
အခန်း(၁)
ဘဝအကြောင်းက မကောင်းလှ

အလွန်ခမ်းနားထည်ဝါလှသော ခန်းမဆောင်။ ရွှေရောင်တဝင်းဝင်းနဲ့ လင်းလင်းလက်လက်။ အားလုံး အားလုံး ငြိမ်ငြိမ်သက်သက်။ တချက် တချက် သက်ပြင်းချသံများ။ အဆောင်တစ်ခုလုံးကို တိတ်ဆိတ်မှုက လွှမ်းမိုးလို့။ အပ်ကျသံပင် မကြားရ။ ဗျာပါဒ သောက ကိုယ်စီနဲ့။

အချက်အချာ အလည်မှာတော့ လူတစ်စု။ တစ်စုံတစ်ခုကို စိုးရိမ်ပူပန်နေကြသလိုမျိုး။ ပရိဒေဝ သောကမီးတွေ လောင်မြိုက်နေပြီ။

ဤလူတစ်စုမှာ တခြားသူတွေမဟုတ်။ မိဖုရားကြီး ရာဇဒေဝီ၏ ရံရွှေတော်များသာ။ ရွှေသလွန်ထက်မှာ ပက်လက်ကလေးဖြစ်နေသူကတော့ မိဖုရားကြီး ရာဇာဒေဝီ။ မအီမသာ မလှုပ်မယှုက် ငြိမ်ငြိမ်သက်သက်။ လောကကြီးနှင့် အဆက်ပြတ်နေသည်။ မကြာမီ ကံတော်ကုန်မည့်ဆဲဆဲ။ နောက်ဆုံးထွက်သက်ကို မနည်းမနည်း ရှူနေရသည်။

သမားတော် အကျော်အမော်တို့မှာလည်း ဘာလုပ်လို့ ဘာကိုင်ရမှန်း မသိ။ သိသမျှ တတ်သမျှ အစွမ်းကုန် ကြိုးစားကြ။ ရောဂါက ကျွမ်းနေပြီ။ ဒီတချီတော့ လက်လျှော့ရန်သာ ကျန်တော့၏။ ဖြစ်ချိန်တန်လို့ ဖြစ်ရသည်။ ကံစီမံရာ မကြံသာပြီ။

ကောင်းကင်မှာ ကြည်ကြည်လင်လင် မရှိတော့။ တိမ်လွှာတိမ်လိပ်တို့မှာ လေရူးနှင့်အတူ တငြိမ့်ငြိမ့် ... တစိမ့်စိမ့်မျောလို့။ ရုတ်တရက်ဆိုသလို အနောက် တခိုမှ မိုးသားမိုးရိပ်များက တလိမ့်လိမ့်။ လျှပ်စီးများက တဖျပ်ဖျပ်။ နားကွဲမတတ်။ မိုးခြိမ်းသံများကြောင့် အားလုံး အထိတ်တလန့်။

လေပြင်းတစ်ချက်ကြောင့် နန်းမဆောင်အနှးမှ အပင်ကြီး ယိမ်းယိိုင် မူးဝေသွားသည်။ အရွက်စိမ်းများပင်လျှင် အတွဲလိုက် ... အတွဲလိုက် ထွက်ပြေးကြရသည်။ အားလုံး တုန်လှုပ်ခြောက်ခြားသွားကြ၏။ ကြောက်မက်ဖွယ် ​မိုး​ခြိမ်းသံနှင့်အတူ ကမ္ဘာပျက်လောက်အောင် မိုးကြိုးက ပစ်လိုက်သေးသည်။

တချိန်တည်းမှာ သေငယ်ဇောနှင့် မျောနေသော မိဖုရားကြီး ရာဇဒေဝီမှာ ချစ်ရသော သမီးတော် ဓာတုကလျာနှင့် မင်းကြီးဘုရင့်နောင်ကို မတွယ်တာနိုင်တော့ဘဲ လောကကြီးမှ ခွဲခွာသွားရ ရှာလေသည်။

လာခြင်းကောင်းခဲ့ပေမယ့် ... ယမမင်းကိုတော့ အံတုနိုင်ခြင်း မရှိခဲ့။ ဘုရင့်နောင်မင်းတရားကြီး အသက်တမျှချစ်ရသော ရာဇာဒေဝီ။ မိဖုရားငယ် ၄၃ ယောက်၊ မိဖုရားကြီး ၃ ပါး အနက်မှ တစ်ပါးဖြစ်ခဲ့ရသော ရာဇဒေဝီ။

မင်းတရားကြီး အားထားရသော မိဖုရား ရာဇဒေဝီ။ သားကိုသခင်၊ လင်ကိုဘုရား လေးစားခဲ့သော ရာဇာဒေဝီ။ ချစ်မဝသေးသော-၅ နှစ်နီးပါးအရွယ် သမီးငယ်အလှ ရာဇဓာတုကလျာနှင့် ချစ်ခင်လေးစားရသော မင်းတရား ဘုရင့်နောင်တို့ကို နှုတ်မဆက်ဘဲ ရုတ်တရက် ထွက်ခွာသွားလေပြီ။

ချစ်ခင်ပေါင်းသင်းဆက်ဆံခြင်းကား ကွေကွင်းနောက်ဆုံး ရှိချေတကား။

လင်တော်မောင် ဘုရင့်နောင်ခမျာ ဘဝင်ညှိုးချုံး ယူကြုံးမရ နှလုံးပျက်ပြုန်းတမျှ ခံစားရလေပြီ။

သောကလွန်ကဲ အသည်းကကြွေ သွားလေသူကို ... ဖြေဆည်မရ ... လွမ်းလို့မဝ။ ချစ်ရသူအတွက် ... အသက်ပင် ပေးနိုင်တဲ့မင်းတရား။

ထားခဲ့သူက ဒေဝီ၊ ဖြေမဆည်နိုင်သူက မင်းတရား ... တကမ္ဘာခြားပေါ့။ အစားထိုးစရာ နတ္ထိ။ သူမရှိပေမယ့် ... ရင်ထဲက ထုတ်ပစ်လို့မရ။ သောကဖိစီး အပူမီးနှင့် ဘယ်လိုများ ရှင်သန်ရပါ့မလဲ။

တကယ်တော့ ... ဒေဝီက သွေဖီတာ မဟုတ်ဘဲ။ မရှောင်လွှဲနိုင်တဲ့ ကံတရား တားလို့မှ မရတာ။ သေမင်းဆိုတာ ဖြေရှင်းလို့မရ။ အလျော့အတင်းဆိုတာ အသာထား... စျေးကစားလို့လည်း မရဘူး။

သေမင်းကို ရှောင်ကွင်းလို့မရ။ သေဆုံးခြင်း မရှိလျှင် မွေးဖွားခြင်းလည်း မရှိနိုင်။ သေဖို့ မွေးလာကြတာ။ မွေးတာနဲ့ သေတာက ခွဲလို့မှမရ။ ဘဝဆိုသည်မှာ တိုတောင်းလှ၏။ ပုခက်နှင့် ခေါင်းကြား နှစ်ပါးသွားနေကြသည်။

လူတိုင်း သေခြင်းဆီသို့ မသိမသာ ရွှေ့လျားနေကြ၏။ တချို့... အချိန်မတိုင်ခင် သေပွဲဝင်ကြရသည်။ သေမင်းဆိုတာ မျက်နှသာ မပေးဘူး။ ချစ်တာလည်းမရှိ... မုန်းတာလည်းမရှိ။ သေမင်းက မျှတတယ်။ ဘက်မလိုက်ဘူး။ သတ္တဝါအားလုံးကို သေခြင်းတရားက လွှမ်းမိုးထားတာ။ သဘာဝဖြစ်စဥ်ကို ဘယ်သူမှ ဆန့်ကျင်လို့ မရဘူး။
၅-နှစ်နီးနီး သမီးအရွယ်မှာ... လောကအလယ် လူမမယ်... အပူသည် ဖြစ်ခဲ့ရတဲ့ ရာဇဓာတုကလျာ။ သောကဝေဖြာ... မနေသာ... ကံကြမ္မာကိုပဲ ရိုးမယ်ဖွဲ့ရလေမလား။ ရင်မှာ မခံသာ ဝေဒနါအပေါင်းနဲ့ ဘဝအကြောင်းက အစကပဲ မကောင်းခဲ့တာ။

ထိုနေ့မှာ မြန်မာသက္ကရာဇ် ၉၂၆ ခု၊ သီတင်းကျွတ်လဆန်း ၉-ရက်။
#ကလျာဓာတုကြွေလုလုနတ်သျှင်နောင်

ဒီကနေ့ 28.3.26 မှာတော့ မာန်အောင်မြို့နယ် ပညာရေးမှူး ဆရာကြီး ဦးညွှန့်လွင် ဦးစီးဦးဆောင်ပြီး ဖွဲ့စည်းထားတဲ့ ပညာရေး မြှင့်တင်ရေး ကော်မတီ (ပရဟိတ အဖွဲ့အစည်း) ကနေ ဆရာ့ရဲ့ Writing Volume-1 စာအုပ်၊ အုပ်ရေ ၁၂၀ ကို ကျောင်းပေါင်း ၁၁၈ ကျောင်းစာက ကျောင်းဆရာ၊ ဆရာမတွေကို လှူဒါန်းဖို့အတွက် ဝယ်ယူသွားပါတယ်။ ဆရာကြီး ဦးအောင်ဟိန်းကျော်ကလည်း စာအုပ်ရေ ၁၂၀ စာရဲ့ ၂၀% ကို ပူပေါင်း ပါဝင် လှူဒါန်းပေးခဲ့ပါတယ်။ နတ်လူသာဓုခေါ်စေသော်။ 🤍🤍🙏

စာအုပ်အညွှန်း
Writing Volume-1

အခြေခံအကျဆုံး (most basic level)
မူလတန်း / အလယ်တန်း နှင့် အင်္ဂလိပ်စာ အလွန် အားနည်း သူများအတွက် အထူးစီစဉ်ထားတယ်။

Unit -1
noun နှင့် verb အကြောင်း အခြေခံစပြီး ရှင်ပြထားတယ်။

Unit -2
Sentence တည်ဆောက်ပုံကို အခြေခံအကျဆုံး
(subject +verb) ရေးသားထားတယ်။ ချက်ချင်းသဘော ပေါက်သွားမယ်။

Unit -3
noun/pronoun တွေရဲ့ အနည်းကိန်း/အများကိန်း
(singular/pluarl) သုံးပုံကို ဒီအခန်းမှာ တွေ့ရမယ်။

Unit -4
adverb (ကြိယာဝိသေသန) အကြောင်း အလွယ်ဆုံး စီစဉ်ထားတယ်။
- adverb phrase တွေကို အသေးစိတ်ရှင်းပြထားတယ်
- ly-ending adverbs (ly-နဲ့ဆုံးတဲ့ adverbs) အသုံးကိုလည်း တခါတည်း သဘောပေါက်သွားမယ်။

Unit-5
verb to be (am,is,are,was,were) သုံးပုံနဲ့ မေးခွန်းမေးပုံ၊ အငြင်းဝါကျ လုပ်ပုံတွေကိုာသိသွားမယ်။

Unit -6
(sub + verb + object) ပုံစံနှင့် sentence ရေးပုံကို အလွယ်ဆုံး ရှင်းပြပြီး... ကိုယ်တိုင်ရေးကြည့်ဖို့ လေ့ကျင့်ခန်းတွေ ပေးထားတယ်။ အဖြေတွေလည်းပါတယ်။ ချက်ချင်း တတ်မြောက် သွားမယ်။

Unit-7
verb to have (has/ have/ had) လက်တွေ့ သုံးပုံတွေကို ထည့်သွင်း ရေးသားထားတယ်။

Unit-8
basic sentences
ဒီအခန်းမှာ အခြေခံ sentence တွေကို 'tenses' တွေနဲ့ တွဲဖက်ရေးသားနည်းကို တွေ့ရမယ်။
- present (ပစ္စုပန်)
- past (အတိတ်)
- future (အနာဂတ်)
- continuous (be+ving)
ဒီပုံစံတွေနဲ့ရေးသားနည်းတွေကို သိလာမယ်။

Unit-9
model auxiliaries
can (could)
will (would)
may (might)
ဒီထဲက can, will, may သုံးပုံနဲ့ အငြင်း (negative) နဲ့ မေးခွန်း (question) ပုံစံတွေကို ရှင်းပြထားတယ်။

Unit-10
adjective and adverb
ဒီအခန်းမှာ...
- adjectives တွေကို nouns တွေနဲ့တွဲပြီး အသုံးပြုပုံ
- adject ကနေပြီး adverb ပြောင်းလဲသွားပုံ
- adverbs တွေကို sentence တွေမှာ
ဒါတွေ အားလုံးလက်တွေ. သုံးပြထားတဲ့အပြင် လေ့ကျင့်ခန်းအနေနဲ့... မြန်မာလို sentences တွေ ပေးထားတယ်။ အဖြေလဲပါတယ်။
- 'verb to be + adj = verb' သုံးပုံလဲ ထည့်ပေးထား တယ်။

Unit-11
Practise
ကိုယ်တိုင်လေ့ကျင့်ဖို့အတွက် essay ပုံစံ ရှင်းပြထားတယ်။
- my daily life
- A visit to the zoo
- My family

Unit-12
exercise
လေ့ကျင့်ဖို့ မြန်မာလို ပေးထားတယ်။
1. ကျွန်တော့် ကြောင်လေးတွေ
2. ကျွန်တော့်ခွေးကလေး
3. ကျွန်တော့်အကြောင်း
4. အချစ်ဆုံးသူငယ်ချင်း
5. ဆရာ/ ဆရာမ
6. ကျွန်တော့်အဖေ
7. ကျွန်တော့်ကျောင်း
8. ကျွန်တော်တို့အိမ်
9. ကျွန်တော့် ဝါသနာ
10. ကျွန်တော့်ရည်မှန်းချက်
ကိုယ်တိုင် ရေးပြီးရင် အဖြေနဲ့ တိုက်ကြည့်ရုံပဲ။
*ဖတ်ကြည့်လိုက်...ကြိုက်သွားမယ်*

Happy moments at Maha Bandoola Park 🥰🥰🥰

ဆရာကြီး ဦးအောင်ဟိန်းကျော်ရဲ့ စာအုပ်လေးတွေကို ရန်ကုန်မြို့၊ ၃၁ လမ်း၊ စောဦးစာပေတွင်လည်း
မှာယူရရှိနိုင်ပါတယ်။ 🤍

Speaking Volume -2 https://www.facebook.com/603274149865523/posts/1630309287161999/

စောဦးစာပေ
https://www.facebook.com/share/18RS2TxdXg/
#စောဦးစာပေ #အောင်ဟိန်းကျော်စာပေ #ရန်ကုန်မြို့

ဆရာကြီး ဦးအောင်ဟိန်းကျော်ရဲ့ စာအုပ်လေးတွေကို မကွေးမြို့၊ ရွှေပြည်စိုး စာပေတွင်လည်း မှာယူရရှိနိုင်ပါတယ်။ 🤍