26/11/2022
လို တို ရှင်း
(Communication)
ကျနော်တို့ဟာ လူတွေနဲ့ ထိတွေ့ရာမှာ ၂ဦး၂ဘက်ပြောဆိုဆက်သွယ်ကြပါတယ်။
ဒီနေရာမှာ မေးခွန်းတစ်ခုပေါ်လာတာက ကျနော်တို့ တကယ်ရော ထိထိရောက်ရောက် (Effective) ပြောဆိုဆက်ဆံဖြစ်ရဲ့လား ၊ကိုယ်ပေးချင်တဲ့ သတင်းအချက်အလက်တွေကို တစ်ဖက်သားက အဆိုပါအချက်အလက်တွေကို လိုလိုချင်ချင် ပူးပေါင်းဆောင်ရွက်ချင်ရဲ့လား (Corporate) ဆိုတာပြန်လည် သုံးသပ်ဖို့လိုပါတယ်။
ဒါ့ကြောင့် လူတွေနဲ့ (Communication ) လုပ်တဲ့အခါတိုင်း ပြီးစလွယ်မဟုတ်ဘဲ ထိရောက်ပြီး ၂ဦး၂ဘက်ပူးပေါင်းဆောင်ရွက်လိုတဲ့ ဆက်ဆံရေးဖြစ်ရန် အလို့ငှါ အမြဲဆန်းစစ်နေဖို့ လိုအပ်ပါတယ်။
Communication => Effective Corporate Communication
ကိုတွမ်
15/11/2022
Trust ကနေရာတိုင်းမှာအရေးပါတယ်။
" တရုတ်လူကြီးသူမတွေ ဆုံးမလေ့ရှိတဲ့
စီးပွားရေးလမ်းညွှန် (၁၇) ချက် "
၁။ ဆိုင်နေရာကောင်းခြင်းဟာ
ဆိုင်ကြီးတာ ငယ်တာထက် ပိုအရေးကြီးတယ်။
၂။ ရောင်းကုန်ရဲ့ အရည်အသွေးဟာ
ဆိုင်နေရာထက် ပိုအရေးကြီးနေတတ် ပြန်တယ်။
၃။ စကားချိုချိုသာသာ စျေးရောင်းတတ်ခြင်းဟာ
အရေးကြီးပါတယ်။
ဖောက်သည်ကို ပိုမြဲစေပါတယ်။
၄။ အရင်းအနှီး နည်းတာကို စိုးရိမ်ခြင်းထက်၊
ယုံကြည်မှု နည်းတာကို ပိုစိုးရိမ်သင့်ပါတယ်။
၅။ ဆိုင်ကို လှလှပပ ခင်းကျင်းတတ်ခြင်းဟာ
အရေးကြီးပေမဲ့
နည်းနည်း ရှုပ်ပွနေတဲ့ ဆိုင်ငယ်ကလေးက
ပိုရောင်းကောင်းနေတတ်ပါတယ်။
စျေးချိုတယ်ဆိုတာကို ဝယ်ယူသူများက
ထင်မြင်သွားစေလို့ပါ။
၆။ ဝယ်သူကို တောက်လျှောက်လိုက်ကပ်နေတာမျိုး၊
မဝယ်မချင်းတိုက်တွန်းနေတာမျိုး ရှောင်ကြဉ်ပါ။
၇။ ပိုက်ဆံ တစ်ကျပ်သုံးနိုင်တဲ့ သူကိုလည်း
ပိုက်ဆံ တစ်ရာသုံးနိုင်တဲ့သူလိုပဲ မျှမျှတတ ဆက်ဆံပါ ။
၈။ ငွေလည်ပတ်မှု မြန်ဆန်ပါစေ။
၉။ ဝယ်သူရဲ့ ရှေ့မှာ ဆိုင်ဝန်ထမ်းတွေကို
ဆဲဆိုအပြစ်တင်ခြင်းဟာ ဝယ်သူကို မောင်းထုတ်တာပါ။
၁၀။ နည်းနည်း၊ များများ လက်ကားဖောက်သည်ကို
အမျိုးလို သဘောထားပါ။
တတ်နိုင်သမျှ သူတို့ရဲ့တောင်းဆိုချက်ကို ဖြည့်ဆည်း
ပေးပါ။
၁၁။ ရောင်းကုန်ပစ္စည်း ပြတ်သွားတယ်ဆိုတာ
ဖောက်သည်ကို လျစ်လျူရှုတာ ၊
စော်ကားတာနဲ့ အတူတူပဲ။
၁၂။ စျေးနူန်းတစ်ခုတည်း ဖြစ်ပါစေ ။
တစ်ခုခုကြောင့် စျေးလျှော့ရောင်း ခြင်းဟာ
စိတ်ရှုပ်ထွေးမူကို ဖြစ်စေတတ်ပါတယ်။
ကတိကို ထိခိုက်နိုင်စေပါတယ်။
၁၃။ ဘယ်သူ့ကိုမှ အတင်းရောင်းချခြင်း မပြုပါနဲ့ ။
ဝယ်သူ ကြိုက်တဲ့ပစ္စည်းဟာ
ဝယ်သူ အကျိုးရှိစေတဲ့ ပစ္စည်းလည်း ဖြစ်ပါစေ ။
၁၄။ စက္ကူ တစ်ရွက်ပဲဖြစ်ဖြစ်၊
လက်ဆောင်ကို လူတိုင်းနှစ်သက်တတ်ကြပါတယ်။
၁၅။ ကလေးများဟာ ကျေးဇူးရှင်ပါ။
ဝယ်သူများက ကလေးကို ခေါ်ဆောင်လာတာပဲ ဖြစ်ဖြစ်၊
ကလေးစျေးလာဝယ်တာပဲ ဖြစ်ဖြစ် အထူးဂရုစိုက်ပေးပါ။
(ကလေးကို လွှတ်ဝယ်ခိုင်းတာကိုတောင် ဖြစ်ကတတ်ဆန်း
မလုပ်ဘူး) ဆိုတာ သိပါစေ။
၁၆။ အသစ်ထွင်ပါ။
ဝယ်သူကို ဆွဲဆောင်နိုင်အောင်အမြဲ ကြိုးစားပါ။
၁၇။ အရောင်းအဝယ် ကြီးကြီးသေးသေး
အစွမ်းကုန် ကြိုးစားပါ။
******* ******* ******* *******
ဆိုင်တစ်ခုလုံး ရှင်သန်နေပါစေ
ဝယ်သူ များလာအောင်
ဆွဲဆောင်နိုင်ကြပါလိမ့်မယ်။
U Ngwe Tun ဆီကယူသည်။
15/03/2022
#တစ်နေ့စာအတွက်အတွေး
Arts of living!
တစ်ခါတစ်ခါ ကိုယ့်ကိုယ်ကိုယ် အခြေအနေဆိုးပြီထင်ရင် ကိုယ့်ထက်ဆိုးတဲ့ သူတွေရှိနေသေးတယ် တွေးလိုက်တာနဲ့ လောကကြီးက ဆက်နေချင်စရာ နေနည်းအနုပညာ…
တစ်ခါတစ်ခါ လူတစ်ယောက်ကို အဆိုးမြင်လာရင် သူ့ကိုယ့်အပေါ်ကောင်းခဲ့တာနဲ့ ပြန်တွေးကြည့်တော့ အဆိုးက သေးပြီး အကြည်ဓာတ်ကလေး ရတာက နေနည်းအနုပညာ….
တစ်ခါတစ်ခါ အရာရာဟာ ငါတစ်ယောက်တည်းမှ ကံမကောင်းပါလားတွေးမိတဲ့အခါ ပတ်ဝန်းကျင်မှာလည်း ကိုယ့်လိုလူတွေရှိလား မြင်အောင်ကြည့်တတ်တာ နေနည်းအနုပညာ…
တစ်ခါတစ်ခါ အဆင်မပြေဘူးဆိုတာထက် အလိုက်သင့်အလျားသင့် အဆင်ပြေအောင်နေတတ်တာ နေနည်းအနုပညာ…
မိမိပတ်ဝန်းကျင်က လူတွေကို ပြုံးပျော်အောင် လုပ်ပေးနိုင်တာ နေနည်းအနုပညာ…
စိတ်ဆိုးတွေ ဝင်လာရင် ကောင်းတဲ့စိတ်နဲ့ လဲနိုင်တာ နေနည်းအနုပညာ…
အချိန်တိုင်း ဗုဒ္ဓနုဿတိပွါးနိုင်တာ နေနည်းအနုပညာ…
27/02/2022
#တစ်နေ့စာအတွက်အတွေး
လောကကြီးက လူတစ်ယောက်စီတိုင်းအတွက် သေချာစီစဉ်ထားတာလေးတွေ ရှိတယ်
အရည်အချင်း အရည်အသွေး ဘယ်လောက်ရှိရှိ အချိန်မကျသေးရင် အကြောင်းအပေါင်း မသင့်ပါဘူး
အချိန်ကျရင်တော့ ပေးလာ ရွေးလာမှာပေါ့
အရွေးခံရဖို့ အချိန်မကျမချင်းကြိမ်ဖန်များစွာ အငြင်းခံရမယ် ပင်ပန်းမယ် ဆင်းရဲမယ် စိတ်ညစ်ရမယ် ဆက်မကြိုးစားချင်လောက်အောင်ဖြစ်မယ်
တစ်ခုပါပဲ ဆက်ကြိုးစားမလား ထွက်သွားမလားဆိုတာပါပဲ
ရွေးချယ်ခံရဖို့ဆိုတာ ဘယ်လောက်ကြာကြာ အရည်အသွေးကို စိတ်မပျက်ပဲ ဆက်သွေးနေဖို့ရယ် အခွင့်အလမ်းကို ရှာနေဖို့ရယ်ပါပဲ
အရွေးခံရပြီဆိုရင်လည်း ဘဝမမေ့ပဲ ဆက်ကြိုးစားနေဖို့က အလုပ်တစ်ခုပါပဲ…
27/02/2022
အမြဲမှန်သော ဘုရားစကား...
"ကာလာမသုတ္တန်”
“ဗုဒ္ဓ”သည် ကမ္ဘာပေါ်ရှိ မည်သည့်ဘာသာအယူဝါဒထူထောင်ဖွဲ့စည်းသူမျှ မပြုလုပ်ဝံ့၊မပြုလုပ်နိုင်သော“ထူးခြားအံ့ဖွယ် ကမ္ဘာကျော်မိန့်ခွန်းတစ်
ရပ်”ကို ရဲဝံ့ပြတ်သားစွာဟောကြားခဲ့ပါသည်။
အိန္ဒိယနိုင်ငံ၊ကောသလတိုင်း၊ကေသမုတ္တိရွာသား၊ ကာလာမလူမျိုးတို့ကို ဟောကြားသော “ကာလာမသုတ္တန်” သည် “အမှန်တရားကို ရှာဖွေသူ တစ်ဦးထံသို့ ဗုဒ္ဓ၏လက်ဆောင်လမ်းညွှန်ချက်” တရားတို့ပင်ဖြစ်သည်။ ဤသုတ္တန်တ ရားတော် မှ ဗုဒ္ဓ၏မိန့်ခွန်းသံသည် အတွေးအမြင်မှုန်ဝါးနေသူကို အလင်း ရောင်ခြည်ရစေသော“မီးရှုးတန်ဆောင်ပမာ”ဖြစ်ပါသည်။
ဘာသာရေး ထုံးတမ်းစဉ်လာ ကြားတွင် တွေဝေငေးမော နေသူများကို သစ္စာတရား လမ်းမှန်ဆီသို့ တက်တက်ကြွကြွ လျှောက်လှမ်းနိုင်အောင် လမ်းဖွင့်ပေးလိုက်သော ကြည် လင်ချိုမြသည့်“ဓမ္မခေါင်းလောင်းသံ”လည်း ဖြစ်ပေသည်။ ဗုဒ္ဓ၏ ထိုမိန့်ဆို ချက်မှာ -
“အို….ကာလာမလူမျိုး အမျိုးကောင်းသားတို့…၊ သင်တို့သည် လက်ခံကျင့် သုံးအပ်သော အမှန်တရားဓမ္မတို့ကို ဤ အချက်(၁၀)ချက်ဖြင့် ဆင်ခြင်စိစစ် ၍ ဆုံးဖြတ်အားထုတ်ကြကုန်လော့…။
(၁) ဤတရားတော်သည်မိရိုးဖလာ ရှေးအစဉ်အဆက်က ပြောကြားသိမှတ်
လာခဲ့တာပဲလို့ “ရှေးစကား” ဖြစ်ရုံနဲ့လည်း အယူဝါဒတစ်ခုကို လက်မခံလိုက် ပါနဲ့ဦး။
(၂) ဘိုးစဉ်ဘောင်ဆက် ကျင့်သုံးလာခဲ့တဲ့ “ဓလေ့ထုံးစံ” ဖြစ်ရုံနဲ့ပဲ အားလုံး
ကို အမှန်ဖြစ်တယ် လို့ယူဆပြီး လက်မခံလိုက်ပါနဲ့ဦး။
(၃) လူအများကပြောနေကြတာပဲ ဆိုပြီးတော့ လူသိထင်ရှား “နာမည်ကျော် ကြားရုံ” နဲ့မစုံစမ်းမဆင်ခြင်ဘဲ အဲဒီ အယူဝါဒကို လက်မခံလိုက်ပါနဲ့ဦး။
(၄) “ရှေးဟောင်းစာပေကျမ်းဂန်” တွေထဲမှာ ရေးထားတာပဲ ဆိုပြီးတော့ လည်း အလွယ်တကူ လက်မခံလိုက်ပါနဲ့ဦး။
(၅) မိမိဥာဏ်ရှိသမျှ တွေးခေါ်ကြံဆထားတဲ့ “အယူအဆ” ကိုလည်းပဲ မှန်လှပြီ လို့ မသတ်မှတ်လိုက်ပါနဲ့ဦး။
(၆) အဲဒီတရားအယူအဆဟာဖြင့် ထောက်ပံ့အမှီပြုအပ်တဲ့
“နည်းနာနိဿယ ”တွေ၊ အကြောင်းပြချက်တွေရှိနေတာဘဲ ဆိုပြီးတော့ လည်း အလွယ်တကူ လက်မခံလိုက်ပါနဲ့ဦး။
(၇) မိမိဘာသာ “တွေးခေါ်ကြံစည်ဆင်ခြင်ပြီး” ဟုတ်လှပြီ လို့ သဘော
ကျနှစ်ခြိုက်ရုံနဲ့လဲမှန်လှပြီ လို့ မယူဆလိုက်ပါနဲ့ဦး။
(၈) ဒီတရားအယူအဆတွေဟာဖြင့် မိမိစဉ်းစားတွေးတော ထားတာတွေနဲ့ “တူညီတာပဲ” ဟု ဆိုရုံမျှနဲ့ လည်း အမှန်တွေဘဲလို့ လက်မခံလိုက်ပါနဲ့ဦး။
(၉) အများက “လေးစားရိုသေအပ်တဲ့ ပုဂ္ဂိုလ်ကြီး” ရဲ့ ပြောတဲ့စကားပဲ ဆို ပြီးတော့လည်းမဆင်မခြင် ပဲ မယုံကြည်လိုက်ပါနဲ့ဦး။
(၁၀) ငါတို့ ရင်းနှီးကျွမ်း၀င်ချစ်ခင်တဲ့“ငါတို့ဆရာသမား” ပြောကြားတဲ့စကား
ပဲ ဆိုပြီတော့လည်း အပြီးသတ် လက်ခံယုံကြည်မှုကို မပြုလိုက်ပါနဲ့ဦး။
“ကာလာမ လူမျိုးတို့……
သင်၏ကိုယ်ပိုင်ဥာဏ်ဖြင့် ဦးစွာဆင်ခြင်သုံးသပ်ကာ…..
ဤတရားတို့ကား..မကောင်းမှု တရားတို့ပေတည်း။
ဤတရားတို့ကား..အကျိုးမဲ့အပြစ်ကိုသာဖြစ်စေသောတရားတို့တည်း။
ဤတရားတို့ကား..ပညာရှိတို့ကဲ့ရဲ့အပ်သော တရားတို့တည်း။
ဤတရားတို့ကား..ဆင်းရဲဒုက္ခအပေါင်းမှ လွတ်မြောက်ကြောင်းမဟုတ်သောတရားတို့ပေတည်း……ဟု
ရှောင်ရှားပယ်စွန့်သင့်သည်တို့ကိုစွန့်ပစ်ကာ လက်ငင်းအကျိုးကျေးဇူးအမှန် တကယ်ပြုနိုင်သော တရားတို့ကိုသာ လက်တွေ့ကျင့်သုံးပြီးမှ ယုံကြည်လက် ခံကြပါ….ဟုပွင့်လင်းစွာ မိန့်ကြားခဲ့ပါသည်။
“ဘာသာအယူဝါဒဂိုဏ်းဂဏ ထူထောင်သူတို့သည်…
ငါ့ကိုသာယုံကြည်ကိုးကွယ်ကြရမည်။
ငါပြောသည့်အတိုင်းသာပြုလုပ်ကြရမည်။
ငါ့ကိုမယုံကြည်လျှင် အပြစ်ရှိသည်။ငရဲ သို့ကျရောက်စေရမည်။” ........…ဟုခြိမ်းခြောက်ဟောပြော၍လူစုနေချိန်တွင်……”
“ဗုဒ္ဓ” က…
“ငါပြောတာကိုလည်းရမ်းပြီးမယုံလိုက်ပါနဲ့ဦး။ဆင်းရဲဒုက္ခငြိမ်းအေးပြီး ချမ်း သာသုခကိုဖြစ်စေတဲ့ ….သစ္စာ(၄)ပါး၊မဂ္ဂင်(၈)ပါး..တရားဓမ္မကို ဦးစွာ ကျင့် သုံးပြီး ကိုယ်တိုင် ပစ္စုပ္ပန်မှာ လက်တွေ့သဘာ၀ကျကျ အကျိုးခံစားရမှ ယုံယုံကြည်ကြည်နဲ့လက်ခံကြပါ”…...........ဟု..ဟောကြားရဲခြင်းသည်။
ဓမ္မ၏မြင့်မြတ်မှန်ကန်သော..ဂုဏ်တော်တစ်ရပ်ပင်ဖြစ်ပြီး၊ကမ္ဘာပေါ်ရှိဘာသာအယူဝါဒမျိုးစုံတို့အတွက် “အံ့သြတုန်လှုပ်ဖွယ် မိန့်ခွန်းတော်တစ်ရပ် ” ပင်ဖြစ်ပေတော့သည်။
ကျမ်းကိုး- I.D.F မှထုတ်ဝေသည့်“-“ဓမ္မရသ စာစုများ”အမှတ်(၂)၊(စာ-၁၄)
ကျွန်တော်တို့ရဲ ဗုဒ္ဓဘုရားရှင်ဟာ အတုမရှိသော ကောင်းမြတ်တဲ့အဆုံး အမတွေပေးဝေကာ မြင့်မြတ်တဲ့ လမ်းပြသူပါ။
ရေးသားသူ=ကိုညီညီတင်
23/02/2022
#တစ်နေ့စာအတွက်အတွေး
တစ်ယောက်တည်း တည့်အောင်နေ။
(ကိုယ့်သန္တန်မှာ လောဘ ဒေါသ မောဟ ရာဂ ဗျာပါဒ ဣဿာမစ္ဆရိယ တွေရှိနေရင် တစ်ယောက်တည်း ရန်ဖြစ်နေတာပါပဲ)
19/02/2022
#တစ်နေ့စာအတွက်အတွေး
ပစ္စုပ္ပန် တည့်တည့်မှာနေ။
15/02/2022
မာသာထရီစာက အချိန်တော်တော်ကြာ အစာမစားရတဲ့ မိန်းကလေးတစ်ယောက်ကို ပေါင်မုန့်ကျွေးတော့ ကလေးက ပေါင်မုန့်ကို တစ်ဖဲ့ချင်း ဖြည်းဖြည်းစားနေတော့
မာသာထရီစာက "သမီးစားလေ ပေါင်မုန့်ကို ကုန်အောင်စားလိုက်ပါ"
ကလေးက ပြောတယ် "သမီးမစားရဲဘူး"
မာသာထရီစာ "ဘာလို့လဲ သမီးရယ်"
ကလေး "ဘာလို့လဲဆိုတော့ သမီးစားလို့ ကုန်သွားရင် သမီးထပ်ပြီး ဗိုက်ဆာနေရအုန်းမှာ စိုးလို့ပါ"
#တွေးလုံး
နိစ္စဒူ၀ဘ၀မှာ ကျနော်တို့က ပေါင်မုန့်အတွက် ဆာလောင်နေကြတာလား သို့မဟုတ် ဘာကိုထပ်ထပ်ပြီး ဆာလောင်နေကြတာလဲ ဆိုတာက မေးခွန်းပါ။
တကယ့်ဘ၀မှာတော့ လူတွေဟာ မိသားစုထဲမှာ သို့မဟုတ် အသိုင်းအဝိုင်းတွေမှာ မလိုလားငြင်းပယ်ခံရသူ၊ချစ်ခြင်းမခံရသူ၊ ဂရုမစိုက်ခံရသူ၊ လစ်လျူရှုခံရတဲ့သူ တစ်ယောက်ဖြစ်နေမယ်ဆိုရင်
သူလိုချင်တာပေါင်မုန့်လား
ဒီထက် ပိုတာလား သူဘာကိုများ လိုချင်နေတာလဲ ဆိုတာကတော့ နောက်မေးခွန်း တစ်ခုပါ။
အဖြေကတော့ စဉ်းစားစရာပါ လောဘလား မေတ္တာငတ်နေကြတာလား။
နောက်တစ်ခုက ကျပ်မပြည့်လို့ ကိုယ်ဘာလိုချင်နေမှန်းမသိတာလား ပေါ့။
01/03/2022
27/02/2022
15/02/2022