Panda Language School Myanmar

21/09/2022

07/09/2020

💡💡💡
ဘာသာစကားတစ်ခု ကျွမ်းကျွမ်းကျင်ကျင်တတ်​မြောက်ဖို့ ဘာ​တွေလိုအပ်လဲလို့ ထင်ပါသလဲ။ အပန်းမကြီးရင် ကိုယ့်ထင်မြင်ယူဆချက်​လေး​တွေကို ​ဝေမျှ​ပေးသွားကြပါ။

မင်မင်ရဲ့ အနှစ် ၂၀ ကြာ ဘာသာစကားတခုကို ​လေ့လာဆည်းပူးပြီး ​ဝေမျှသင်ကြား​ပေးခဲ့ရတဲ့ အ​တွေ့အကြုံ​တွေအရ ....​ပြောရမယ်ဆိုရင်​တော့...ဘာသာစကားတခုကို ကျွမ်းကျင်ပိုင်နိုင်တတ်​မြောက်ဖို့...
နံပါတ်(၁) #စိတ်ရှည်ဖို့လိုအပ်ပါတယ်။
အထူးသဖြင့် တရုတ်ဘာသာစကားပါ။
🚫တရုတ်ဘာသာစကားဟာ လွယ်ကူတဲ့ဘာသာရပ်တခုမဟုတ်ပါဘူး။ အဲ့ဒီအတွက် တခြားဘာသာရပ်သင်ကြားတာထက် ပိုပြီးအချိန်​ပေးရပါတယ်။ တချို့ဆို မသင်ခင် အမြဲ​မေးပါတယ်။ ဘယ်နှစ်လကြာရင် တတ်ပြီလဲတဲ့။ တကယ်​​ထဲထဲဝင်ဝင်လေ့လာလိုသူအတွက်​ကတော့ ...တသက်လုံးမပြတ်နိုင်ပါဘူး။ ဘာလို့လဲဆို​တော့ ဘာသာစကားဆိုတာ အမြဲ အသစ်အသစ်​တွေထွက်​နေပြီး အ​ပြောင်းအလဲ​တွေ ရှိ​နေပါတယ်။ ဥပမာ...မြန်မာစကားမှာ ဟိုးယခင်ဘိုးဘွား​ခေတ်တုန်းက သုံးတဲ့
"မိုက်လိုက်တာ သားရယ် " ဆိုတဲ့ စကားဟာ.... ယ​နေ့​ခေတ်မှာ​တော့ ​အသုံးပြုတဲ့ ဘာသာစကားပတ်ဝန်းကျင် အ​​ခြေအ​နေ​ပေါ်မူတည်ပြီး အဓိပ္ပါယ်​၂မျိုးကောက်ယူလို့ရပါတယ်။
ဒီလိုမျိုး စကားလုံးမျိုး တရုတ်ဘာသာစကားမှာလည်း များစွာ ရှိပါတယ်။ ဒါ​ကြောင့် အဆက်မပြတ်​လေ့လာနိုင်ရင်​တော့ အ​ကောင်းဆုံး​ပေါ့။
အချိန်အတိုင်းအတာတခုထိ​သာသင်ယူနိုင်မည်ဆိုလျှင်လည်း မိမိဘာသာဆက်လက်​လေ့လာသွားဖို့လိုအပ်ပါတယ်။ ဆက်မ​လေ့လာဘူးဆိုလျှင်လ​တော့ ဒီဘာသာစကားကို ဘယ်​တော့မှ ကျွမ်းကျွမ်းကျင်ကျင်တတ်​​မြောက်နိုင်မှာ မဟုတ်ပါဘူး။

နံပါတ်( ၂ ) #မှန်ကန်ပြီးစနစ်ကျတဲ့သင်ယူမှုမျိုး ရရှိဖို့လိုအပ်ပါတယ်။ စနစ်တကျသင်ယူ​လေ့လာနိုင်မှသာ ထိ​ရောက်တဲ့ သင်ကြားမှုမျိုးကို ရရှိနိုင်မှာဖြစ်ပါတယ်။ မဟုတ်ရင်​တော့ ​ငွေကုန် အချိန်ကုန် လူပင်ပန်းဖြစ်ရပါလိမ့်မယ်။ တရုတ်စာဟာ ဘယ်​လောက်ပဲ ခက်ခဲတဲ့ ဘာသာစကားလို့​ပြောပါ​စေ၊ သူ့မှာ အလွယ်တကူ ​လေ့လာမှတ်သားနိုင်မယ့် ​သော့ချက်​လေး​တွေရှိပါတယ်။ ဒီ​သော့ချက်​တွေကို ​သေချာသိပြီး သင်ကြား​ပေးနိုင်မည့် ဆရာ​ကောင်းနဲ့ ​တွေ့ရင်​တော့ ထင်သ​လောက် မခက်ခဲ​တော့ဘူးဆိုတာ သိရှိလာပါလိမ့်မယ်။

နံပါတ်(၃) #စိတ်ဝင်စားမှု
စိတ်ဝင်စားမှုဆိုတာ အရမ်းအ​ရေးကြီးတဲ့ အချက်တချက်ပါ။ အ​ရေးအကြီးဆုံးလို့​တောင် ​ပြောလို့ရပါတယ်။ ဒါ​ပေမယ့် ကိုယ့်ရဲ့ စိတ်ဝင်စားမှုက စစ်မှန်တဲ့ စိတ်ဝင်စားမှုမျိုးဖြစ်ဖို့လိုအပ်ပါတယ်။ သူများသင်လို့ လိုက်သင်ရတာမျိုး၊ အလုပ်အတွက် အသုံးလိုလို့ သင်ရတာမျိုး၊ ကိုယ်က တရုတ်ဖြစ်​နေလို့ သင်ရတာမျိုးစတဲ့ ဘယ်လိုအ​ကြောင်းပြချက်နဲ့ပဲ သင်သင် ကိုယ်က ဒီဘာသာစကားအတွက် အချိန်​ပေးနိုင်၊ ဦးစား​ပေးနိုင် ​သေချာ​လေ့လာသင်ယူနိုင်တဲ့ စိတ်ဓါတ်မျိုးရှိဖို့ လိုအပ်ပါတယ်။ လွယ်လွယ်​ပြောရရင်​တော့ စိတ်​ရော ကိုယ်​ရောနှစ်ပြီး သင်ယူ​လေ့လာ​စေလိုပါတယ်။

နံပါတ် (၄) #အသုံးချတတ်မှု

သင်ယူပြီးရင် အသုံးချတတ်ဖို့လည်း လိုအပ်ပါတယ်။ ဘယ်လိုအသုံးချမလဲ။ ကိုယ့်ပတ်ဝန်းကျင်မှာ ကိုယ်သင်ထားသ​လောက် စာ​တွေကို ပြန်လည် အသုံးချနိုင်ဖို့ ဖန်တီးတတ်ရမယ်။ ဥပမာ... တရုတ်လူမျိုးတ​ယောက်နဲ့​တွေ့ရင် မရှက်မ​ကြောက် ​ပြောရဲဆိုရဲရမယ်။ မှားလည်း ကိုယ့်မိခင်ဘာသာစကားမဟုတ်တဲ့အတွက် ရှက်စရာမလိုပါဘူး။ အဲ့လို အခွင့်အ​ရေးမရှိခဲ့ဘူးဆိုရင်​တော့ ကိုယ်သင်​နေတဲ့ ဆရာ၊ဆရာမနဲ့ စကား​ပြောနိုင်မယ့် အခွင့်အ​ရေးကို ဖန်တီးယူရမယ်။ ​နောက်ပြီး တရုတ်စကား​ပြောသံကြားတာနဲ့ နားစွင့်ရမယ်၊ စိတ်ဝင်စားမှုရှိရမယ်။ ​နောက်တခုက ကိုယ်သင်​နေတဲ့ ဘာသာစကားနဲ့ ပတ်သတ်တဲ့ ရုပ်ရှင်၊ သီချင်း၊ ပုံပြင် ၊သတင်း၊ကာတွန်း၊မဂ္ဂဇင်းစတာ​တွေကို အချိန်​ပေးပြီး ကြည့်ရှုရမယ်။ ဥပမာ သတင်းက အရမ်းခက်တယ်ဆိုရင်​တော့ ​နေ့စဥ် နှုတ်ဆက်ပုံ​လေး​တော့ အလွယ်တကူ နားထဲစွဲသွား​စေနိုင်ပါတယ်။ ရုပ်ရှင်ကြည့်ခြင်းက​တော့ သင်ယူထားတဲ့ဘာသာစကားကို အ​ကောင်းဆုံး ​​လေ့လာအသုံးချနိုင်မှုတခုပါ။


နောက်စဥ်းစားမိတာ​တွေရှရင် ဆက်​ရေးပါအုန်းမည်။ ခု​တော့ မင်မင်လည်း အိပ်ငိုက်ပြီမို့ ဦး​နှောက်က အလုပ်ဆက်မလုပ်​တော့ပါ။ 😂 အိပ်ပါ​တော့မည်။😴😴😴
​ရောဂါကင်းစင်ပြီး သာယာ​တဲ့​နေ့​လေး​တွေ မင်မင်တို့အားလုံးအမြန်ပြန်လည် ပိုင်ဆိုင်နိုင်ပါ​စေလို့ ဆု​တောင်း​ပေးလိုက်ပါတယ်။
တာ့တာ 再见👋👋

07/09/2020

🔈🔉🔊
ပန်ဒါ ဘာသာစကားသင်တန်း​ကျောင်းကို ကနဦးက​တော့ အဂ်လိပ်၊တရုတ် ၂ ဘာသာသင်ကြားပို့ချမည့် ​ကျောင်းအဖြစ်ရည်ရွယ်ပြီး Page ​ထောင်ခဲ့​သော်ငြားလည်း၊ ယခု ကိုဗစ်ကာလနှင့် တိုက်ဆိုင်သွားသည့်အတွက် မူလရည်ရွယ်ထားသည့် ဘာသာစကားသင်တန်း​ကျောင်း​ပေ့ချ်မျိုး မဟုတ်​တော့ပဲ၊ တရုတ်ဘာသာစကားသင်တန်း တမျိုးထဲကိုသာရည်ရွယ်ပြီး ဒီpage ကို ဆက်လက်အသုံးပြုသွားမည်ဖြစ်ပါသည်။ ​​💡💡💡

သင်တန်း​ကျောင်းမဖွင့်ဖြစ်ခင် ယခုလတ်တ​လောအချိန်တွင် ဘာသာစကားနှင့် ပတ်သတ်​သော ဗဟုသုတ၊ ​လေ့လာစရာများကို အလျင်းသင့်သလို တင်ဆက်​ဖော်ပြ​ပေးသွားမှာဖြစ်ပါတယ်။ 📖📚📖📚

🐼 ဒီPanda ဆိုတဲ့ နာမည်ကိုရွေးဖြစ်ခဲ့ရခြင်း အ​ကြောင်းရင်းက​တော့ ပန်ဒါ​လေး​တွေဟာ တရုတ်နိုင်ငံရဲ့ အမှတ်အသား တစ်ခုဖြစ်သလို၊ တရုတ်နိုင်ငံ​တော်ပိုင် တိရိစ္ဆာန်​လေးလည်း ဖြစ်ပါတယ်။ တရုတ်ပြည်နဲ့ ပန်ဒါ ဝက်ဝံ​လေးဟာ ခွဲမရတဲ့ အထိမ်းအမှတ်တခုဖြစ်တဲ့အတွက် ဒီတရုတ်ဘာသာစကားသင်တန်းကိုလည်း ပန်ဒါ ဟု နာမည်​ပေးထားခြင်းဖြစ်ပါတယ်။

ပန်ဒါမင်မင်များမှ တရုတ်ဘာသာစကား​လေ့လာသင်ယူလိုသူ သင်ကြား​နေသူများအတွက် လိုအပ်သည့် အကြံဥာဏ်များကို အချိန်ရလျှင်ရသလို တင်ပြ​ပေးသွားမှာ ဖြစ်ပါတယ်။ အားလုံးကို ​ကျေးဇူးတင်ပါတယ်။ 🙏🙏🙏