23/08/2021
အထူးဝမ်းနည်းကြေကွဲခြင်း
---------------------------
Talents & Models ၏ Personal Development ဆွေးနွေးပွဲများ၌ အမြဲဆွေးနွေးဟောပြောခြင်း၊ စွန့်ဦးတီထွင်လူငယ်များကို မြေတောင်မြှောက်ပေးခြင်း၊ စီးပွားရေးနှင့် ပညာရပ်ဆိုင်ရာအဖွဲ့အစည်းများ ဦးစီးဦးရွက်ပြုခြင်း နှင့်အတူ စာပေ၊ ဂီတအမွေ ထိန်းသိမ်းမျှဝေခဲ့ပြီး ဘာသာ၊ ဒါန၊ ပရဟိတအကျိုး မပြတ်သယ်ပိုးခဲ့သည့်
တော်ဝင်မိသားစုကုမ္ပဏီ၏ ဥက္ကဋ္ဌကြီး ဦးကိုကိုထွေး
အသက်(၆၇)သည် ယနေ့ ၂၃.၈.၂၀၂၁၊ ညဉ့်(၉:၁၀)အချိန်၊ စမ်းချောင်းနေအိမ်၌ အနိစ္စရောက်သွားသည့်အတွက် မိသားစုနှင့်ထပ်တူ များစွာဝမ်းနည်းပါကြောင်း။
ဒေါ်တင်မိုးလွင်နှင့် ဆရာ၊ ဆရာမများ
သင်တန်းသား၊ သင်တန်းသူများ
T & M
31/01/2021
မင်္ဂလာပါရှင်...
အားလုံးလိုချင်တဲ့ ငြိမ်းချမ်းပျော်ရွှင်ခြင်းတွေ အမြန်ရပါစေ...
❤
ချစ်ခင်စွာဖြင့်
တင်မိုးလွင်
🏳🏳🏳🏳🏳🏳🏳🏳🏳
ကျွန်ုပ်တို့ကြားမှာ ကန့်သတ်မထားတဲ့ သဘောတူညီမှုကြီးတစ်ခုရှိတယ်...
✍
George Eliot
30/01/2021
သင်တန်းစုံစမ်းရန်နှင့် အခမ်းအနားမှူးဆက်သွယ်ရန်
လတ်တလောအားဖြင့် သင်တန်းများစုံစမ်းရန်နှင့် အခမ်းအနားမှူးငှားရမ်းရန်
အောက်ပါပေ့ချ်များသို့ဖြစ်စေ
၀၉ ၇၉၇၇၇ ၁၄၁၅ သို့ဖြစ်စေ
ဆက်သွယ်နိုင်ကြပါရန် လေးစားစွာ အသိပေးအပ်ပါသည်။
• Kawliya Wai Yan Maung Maung https://www.facebook.com/Kawliya.WaiYanMaungMaung
• Kawliya
https://www.facebook.com/TheKawliya
29/01/2021
မင်္ဂလာပါရှင်...
ခံစားလုပ်ဆောင်နိုင်စွမ်းများတိုးတက်နိုင်ကြပါစေ...
💜
ချစ်ခင်စွာဖြင့်
တင်မိုးလွင်
💜💜💜💜💜💜💜💜
ပို၍လုပ်လေ၊ အမြင်ရှိလေ၊ ခံစားသိလေ ပို၍လုပ်နိုင်စွမ်းရှိလေပါဘဲ...
✍
Amelia Earhart
28/01/2021
ဖက်ရှင်အလှ နေ့စဉ်ဘဝ
စာရေးသူ...တင်မိုးလွင်
ထုတ်ဝေသူ...တူဒေးစာအုပ်တိုက်
✍
အပိုင်း (၃)
ဝသောနေ့များ
❤
ဗီဒီယိုကြည့်ရန်
https://fb.watch/3h_4nyR7tb/
✍
ကျမရေးသားခဲ့တဲ့ စာအုပ်တွေကိုကိုယ်တိုင် ပြန်လည်ဖတ်ပြခြင်းဖြစ်ပါတယ်ရှင်...
အမျိုးသမီးများအတွက် ဦးစားပေးရေးသားထားတာဖြစ်ပြီး ကျမရဲ့သဘောထားအမြင်လေးတွေကိုပါ သိရှိနိုင်အောင် ထည့်သွင်းပြောကြားထားပါတယ်ရှင်...
အားလုံးဘဲ နေ့စဥ်ဘဝ တက်ကြွပျော်ရွှင် အောင်မြင်ကြပါစေရှင်...
ချစ်ခင်စွာဖြင့်
တင်မိုးလွင်
စာရေးသူ
✍
28/01/2021
ဖက်ရှင်အလှ နေ့စဉ်ဘဝ
စာရေးသူ...တင်မိုးလွင်
ထုတ်ဝေသူ...တူဒေးစာအုပ်တိုက်
✍
အပိုင်း (၃)
ဝသောနေ့များ
❤
ဗီဒီယိုကြည့်ရန်
https://fb.watch/3h_4nyR7tb/
✍
ကျမရေးသားခဲ့တဲ့ စာအုပ်တွေကိုကိုယ်တိုင် ပြန်လည်ဖတ်ပြခြင်းဖြစ်ပါတယ်ရှင်...
အမျိုးသမီးများအတွက် ဦးစားပေးရေးသားထားတာဖြစ်ပြီး ကျမရဲ့သဘောထားအမြင်လေးတွေကိုပါ သိရှိနိုင်အောင် ထည့်သွင်းပြောကြားထားပါတယ်ရှင်...
အားလုံးဘဲ နေ့စဥ်ဘဝ တက်ကြွပျော်ရွှင် အောင်မြင်ကြပါစေရှင်...
ချစ်ခင်စွာဖြင့်
တင်မိုးလွင်
စာရေးသူ
✍
28/01/2021
မင်္ဂလာပါရှင်...
သိက္ခာရှိစွာ ဖြန့်ကျက်လေ့လာနိုင်ကြပါစေ...
❤
ချစ်ခင်စွာဖြင့်
တင်မိုးလွင်
💜💜💜💜💜💜💜💜💜
ခေါင်းမော့ပြီး ကြယ်တွေကိုကြည့်ပါ၊ ခေါင်းငုံ့ထားရင် သင့်ခြေထောက်သာမြင်ရမှာ...
သင့်ရဲ့စူးစမ်းရှာဖွေသိရှိခြင်းတွေကို အဓိပ္ပာယ်ရှိစွာအသုံးပြုပါ...
စကြာဝဠာကြီးရဲ့ထွက်ပေါက်က ဘာလဲဆိုတာသေချာစူးစမ်းပါ...
✍
Stephan Hawking
27/01/2021
မာတာမိခင်ကျေးဇူးရှင်...
ခန့်ငြားဂုဏ်တင် ရှိခိုးအစဥ်...
🙏
အမေနဲ့ အမေများအားလုံး ကျန်းမာသက်ရှည် ပီတိဝေနိုင်ကြပါစေရှင်...
🙏
27/01/2021
ပြာသိုလပြည့် အမေနေ့ဝတ္ထုတို
မင်းသားမေမေ
...........................
ကောလိယ ဝေယံမောင်မောင်
၁.၁.၂၀၁၅
တောင်ကုန်းထက်ရှိ ထုံးစေတီဖြူဖြူ၏ဆည်းလည်းလေးများက လေသင့်တိုင်းလှုပ်ခတ်နေသည်။ ဆည်းလည်းများအတွင်းရှိ ကြေးညောင်ရွက်ကလေးများ၏ လှုပ်ရှားစေ့ဆော်မှုကြောင့် ဆည်းလည်းသံချိုလေး များ လေသင့်လျှင်သင့်သလို စီရီထွက်ပေါ်လာသည်။ အရှင်တေဇောသာရ အဝေးမှုန်ပျမှ မြင်ကွင်းများကို လှမ်း မျှော်ကြည့်ရင်း အတိတ်ကိုလွမ်းဆွတ်မိသည်။ အေးချမ်းသောအရိပ်အာဝါသ၊ တည်ငြိမ်သောတရားဓမ္မတို့ဖြင့် ယခုလိုရဟန်းဘဝကိုမကြာသေးမီကမှရခဲ့သည်။ သို့သော် တစ်ရံတစ်ခါမှာ အတိတ်၏အတွေးများက အရှင် တေဇောသာရ၏စိတ်အစဉ်ကို ကြီးစိုးနေမိသည်ကအမှန်။
စေတီပတ်လည်ရှိညောင်ရွက်ခြောက်များကို တံမြက်စည်းလှည်းကျင်းပြီးနောက် သည်ကနေ့တရား အားထုတ်မှုနှင့် ဘုရားဝေယျာဝစ္စပြုသည်များကို စေတီထောင့်ကခေါင်းလောင်းကိုထိုးပြီး ဝေမျှလိုက်သည်။
“ဒေါင်…. ဒေါင်…. ဒေါင်”
x x x
ကျွဲကုန်းရွာလေးမှ တစ်ခုလပ်မိန်းမသား ပန်းဝါတစ်ယောက် မီးမဖွားနိုင်သည့်အခြေအနေမှာ စိုးရိမ်ဖွယ်ရာရှိသည်။ မြို့နှင့်အလှမ်းဝေးကွာသဖြင့် ဝမ်းဆွဲသည်ဒေါ်ခင်မေကိုသာ အားကိုးကြရသည်။
“မိဝါ၊ ညည်းအဆင်ပြေလား။ ငါတို့အားလုံးရှိတယ်နော်။ အားတင်းပြီးမွေး။ သားဦးစနေဆိုတာ သည်လိုပဲအေ့။ လမစေ့ပေမဲ့လည်းကိစ္စမရှိပါဘူး။ ငါမွေးပေးခဲ့တဲ့ဗိုက်ကြီးသည်တွေမနည်းတော့ဘူးအေ့”
“အခုအချိန်များ ကိုရင်ကျော်တစ်ယောက်များရှိရင် ဘယ်လိုများနေမလဲ မသိဘူးနော်။”
“အမလေးတော်... အံ့ပါရဲ့။ အသစ်ကလေးတွေ့ခါမှ ညည်းကိုမလိုချင်တော့လို့ဗိုက်တစ်လုံးနဲ့ပစ် သွားတဲ့ကောင်ကို ညည်းမို့တမ်းတနေတယ်။ အစကဖြင့် ဆွေမရှိမျိုးမရှိတဲ့ မပန်းဝါကို ခင်ပွန်း တစ်ယောက် လိုရော၊ ဆွေမျိုးတစ်ယောက်လိုပါ ပေါင်းသင်းစောင့်ရှောက်သွားမှာပါတဲ့။ ညည်းတို့ မင်္ဂလာဆွမ်းကျွေးတုန်းက ရွာကိုပြောခဲ့တဲ့စကားလေ။ နောက်တော့ ရုပ်ရှင်ကုမ္ပဏီပိုင်ရှင်လိုလို၊ မင်းသမီးလိုလိုကောင်မနဲ့ ကောင်းစား သွားတာ။ သင်းက ညည်းကိုသတိရမှာတောင်မဟုတ်ဘူး။ ညည်းပဲသတိရနေ”
“အဲလိုလည်းမဟုတ်ပါဘူးမမအေးရယ်။ အခုအချိန်မှာအရေးကြီးတာက မွေးလာမယ့်ကလေးပါ။ ကျွန်မသတိရတယ်ဆိုတာလည်း ဆွေမဲ့မျိုးမဲ့မိန်းမသားတစ်ယောက်တည်း ဘယ်လောက်ထိ ဆင်းဆင်းရဲရဲ ရုန်းကန်ပြီး သားလေးကိုမွေးနိုင်တယ်ဆိုတာ မြင်စေ့ချင်တာပါ။”
“ကဲကဲ၊ ဟုတ်ပါပြီ မိပန်းဝါရေ။ အခုအချိန်ကတော့ အဲဒါတွေနောက်ထား။ အသက်ကိုမှန်မှန်ရှု။ ဖြည်းဖြည်းမှန်မှန်ညှစ်။ ဟုတ်ပြီ။ ဟေး…မွေးပြီတော့ မွေးပြီ။ ယောက်ျားလေးဟဲ့။ နင်အားကိုးရတော့မယ်။”
x x x
ပန်းဝါ၏သားလေး ထက်အောင် သန္ဓေတည်စဉ်ကပင် ပန်းဝါတစ်ယောက် ဒုက္ခနယ်တွင်းရောက်ခဲ့ သည်ဆိုရမည်။ ကိုယ်ဝန်ရှိပြီးတော့လင်သားပစ်သွားသည်ကိုခံရသည်။ ကျန်းမာရေးထိခိုက်လာသည်။ အထူး သဖြင့် ဆင်းရဲတွင်းနက်သည်ထက် နက်လာခဲ့သည်။ တချို့အရာများက တိုက်ဆိုင်မှုဟုဆိုနိုင်သော်လည်း ရှေးအယူစွဲသော ရပ်ရွာထဲမှလူကြီးသူမများက အတော်ဒုက္ခပေးသည့်သားဟု သမုတ်ကြသည်။ သူ့သားကို ဆိုရိုးစကားနှင့်နှိုင်းကြတိုင်း ဝမ်းနည်းရသည်။ 'သားဦးစနေ မီးလိုမွှေ'တဲ့။
မည်သူတွေမည်မျှပြောပြော ပန်းဝါကတော့ ထက်အောင်မှ ထက်အောင်။ ထက်အောင်ကလည်း အတော်ဆိုးသည်။ သားဦးစနေပေကိုး။ ပိုဆိုးသည်ကကျန်းမာရေး။ အတက်ရောဂါရှိသည်။ ခဏခဏဖျား သည်။ တောရွာဆိုတော့ ဆေးရုံဆေးခန်းမရှိ။ ကျေးလက်ဆေးပေးခန်းဆိုသည်ကလည်း ဆေးပေးခန်းမှ တကယ့်ဆေးပေးခန်းအစစ်။ ဗိုက်နာခေါင်းကိုက်အတွက်ဆေးပေးခြင်းမှတစ်ပါး အခြားကုသမှုမရှိ။ ထို့ကြောင့် ပန်းဝါကနှစ်ရွာကျော်မှတိုက်နယ်ဆေးရုံထိသွားရသည်။ မြင်းလှည်းခက ဆေးဖိုးနှင့်နင်လားငါလား။ တစ်ခါ တစ်ရံ မြင်းလှည်းဆရာကလည်း ပန်းဝါကိုရိသဲ့သဲ့လုပ်ချင်သည်။ ထို့ကြောင့် ယင်းခရီးကိုမိန်းမသားအဖော် တစ်ဦးမပါဘဲသွားရတိုင်း အလွန်ပင်ဒုက္ခရောက်လှပါသည်။
ယခုဆို ကောက်စိုက်စဉ်ကစုပြီးဝယ်ထားသော နားကပ်တစ်ရံကျွတ်ခဲ့ပြီ။ ထက်အောင်က အမြဲ နေမကောင်းဖြစ်သည်မဟုတ်သော်လည်း ဆရာဝန်ညွှန်းသော အားဆေးများ၊ ဖြည့်စွက်အာဟာရများ အတွက်စရိတ်ကမထောင်းသာ။ ပန်းဝါတို့လို သူဆင်းရဲတောသူများအဖို့ ကလေးကျွေးအာဟာရများမှာ သူဌေးစာသက်သက်သာဖြစ်သည်။ ရွာလုံးကျွတ်သားစဉ်မြေးဆက် လူနို့၊ နွားနို့ဖြင့်သာ လူဖြစ်လာကြသည်။ ပန်းဝါတို့ခေတ်ရောက်မှ အင်္ဂလိပ်ဆေးနှင့်နီးစပ်လာပြီး ဒေါက်တာညွှန်းသမျှဝယ်ရင်း ညွှန်းစာဖွဲ့မမီကုန်ကြပြီ။
ကျေးလက်လည်းဖြစ်၊ ပညာလည်းမတတ်၊ ဆွေးမျိုးလည်းမရှိမို့ ပန်းဝါတစ်ယောက် သူတို့သားအမိ စားဝတ်နေရေးအတွက် အကူအကပ်လိုက်လုပ်ရသည်။ အဝတ်လျှော်ရသည်။ ခြံရှင်း၊ မြက်ရှင်းရသည်။ အကူလုပ်ရသည့်အချိန်များတွင် ကလေးကိုအိမ်တွင်ထားခဲ့၍မရ။ ထို့ကြောင့် အလုပ်ရှိရာခေါ်သွားရသည်။ အဝတ်လျှော်လျှင် ကလေးကိုအနီးမှာချပြီး လျှော်ဖွပ်သည်။ မြက်ရှင်းလည်း အနီးတစ်နေရာမှာထားသည်။ ထို့ကြောင့် ရွာကလူများက ပန်းဝါဟုပင်မခေါ်တော့ဘဲ “မယ်သားချစ်” ဟုသာခေါ်ကြတော့သည်။
x x x
ထက်အောင်က ဆိုးသည်၊ သွမ်းသည်။ ငါးနှစ်အရွယ်ကျောင်းတက်ချိန်ရောက်လာတော့ ဘုန်းကြီးကျောင်း၌ ကျောင်းထိုင်ဆရာတော်မကြာခဏရိုက်ရသည်မှာ ထက်အောင်သာဖြစ်သည်။ ထက်အောင်မှာ အဖေတူ၍အကျင့်ဆိုးလှသော်လည်း မဆိုးသည်ကရုပ်ရည်ဖြစ်သည်။ မဆိုးသည့်အပြင် အတော်ဖြောင့်သည်။ နှာတံစင်းသည်။ အသားဖြူသည်။ သူတို့ကလေးအုပ်စုထဲတွင် အရပ်အရှည်ဆုံး။ စာတော့မကြည့်ချင်။ ရုပ်ရှင်၊ ဗီဒီယိုကို အတော်ကြည့်သည်။ ဒေါ်ပန်းဝါပေးသည့်မုန့်ဖိုးကိုရွာကလေးများလို ပေသီးပစ်သည်ထက် ဗီဒီယိုရုံမှာဖြုန်းသည်ကပိုများသည်။ ထို့ကြောင့် ဒေါ်ပန်းဝါကို "မယ်သားချစ်" ခေါ်ကြ ပြီးနောက် ထက်အောင်ကို “မင်းသားရူး”ဟု ဆက်ခေါ်ကြလေသတည်း။
x x x
“သံပုရာသီး ကြီးလေချဉ်လေ” ဟူသောမြန်မာစကားပုံကဲ့သို့ ထက်အောင်လည်း ကြီးလေဆိုးလေဖြစ် သည်။ ကိုးတန်းကျောင်းသားဆိုတော့ လူပျိုဖော်ဝင်ဖို့တာစူချိန်။ ငယ်စဉ်ကပင်ဘာမျှ မခိုင်းလေတော့ ထက်အောင်ကလည်း ဘာအလုပ်ကိုမျှလုပ်ချင်သည်မဟုတ်။ သို့သော် ဉာဏ်ကောင်း၍ စာကျက်ရတော့လွယ် သည်။ ထိုအချိန် ရွာဗီဒီယိုရုံကလည်း လက်ရှိရေပန်းစားနေသော မင်းသားသစ်၏ ဇာတ်ကားများ ပြနေချိန် ဖြစ်သည်။ ထိုရုပ်ရှင်မင်းသားက မကြာခဏဆိုသလို ဂျာကင်အင်္ကျီဝတ်သည်။
ခန္ဓာကိုယ်ကလည်း ခပ်တောင့်တောင့်ဆိုတော့ ဂျာကင်နှင့်အတော်လိုက်ကြောင်း ရွာပရိသတ်များက မှတ်ချက်ပေးလေ့ရှိသည်။ ထိုးခန်းကြိတ်ခန်းများဆိုလျှင် သားရေဂျာကင်နှင့် လက်သီးတရမ်းရမ်း သရုပ်ဆောင်သည်ကို ထက်အောင် အတော်သဘောတွေ့သည်။ အားကျသည်။
ထို့ကြောင့် ရွာထဲတွင်ထိုးကြိတ်ရန်ဖြစ်သည်ဆိုလျှင် ထက်အောင်က ထိပ်ဆုံးဖြစ်လာသည်။ သာမန် ရန်ဖြစ်သည်ထက် သူကိုယ်တိုင်ကသွား၍ ရန်စတတ်လာသည်။ ရုပ်ရှင်မင်းသားကို အားကျသဖြင့် မင်းသားဝတ်သည့်ဂျာကင်ရရှိရေးလည်း ဒေါ်ပန်းဝါကို တွင်တွင်ပူဆာတော့သည်။
“အမေ.. ကျွန်တော့်ကို ဟိုမင်းသားဝတ်သလို ဂျာကင်တစ်ထည်လောက်ဝယ်ပေးဗျာ။ သည်တစ်ခါမြို့ တက်ပြီး ကုန်သယ်ဖို့လိုက်သွားရင် သားဖို့မမေ့နဲ့နော်။”
ထက်အောင်စကားကို ဒေါ်ပန်းဝါချက်ချင်းမတုံ့ပြန်နိုင်။ သူ့သားလိုချင်တာမှန်လျှင် ငွေစုလျှင်စု၊ ပစ္စည်းပေါင်လိုပေါင်၍ ဖန်တီးပေးနေကျ။ မကြာခင်ကပင် ကျောင်းစိမ်းနှင့်ကတ္တီပါဖိနပ်ဝယ်ပေးထား၍ လက်ထဲ၌ပိုက်ဆံမရှိသည်ကအမှန်။ ထက်အောင်က လိုချင်တာမရလျှင် သောင်းကျန်းတော့မည်ဖြစ်သဖြင့် ဒေါ်ပန်းဝါတစ်ချက်စဉ်းစားသည်။
“အဲ… အင်းပါသားရယ် လာမယ့်နှစ်ဝက်စာမေးပွဲမှာ သားအရင်လိုဘာသာကျမပါရင် ဝယ်ပေးမယ်။ အဲဒီအင်္ကျီဘယ်လောက်တန်တန် အမေစုပြီးရအောင်ဝယ်ပေးမယ်နော်။”
“အမေကလည်း ကျွန်တော်စာမေးပွဲမကျမှဝယ်ပေးမယ်ဆိုတော့ ကျွန်တော်ကျရင် ကျွန်တော့်ကို အရေးမစိုက်ဘူးဆိုတဲ့သဘောလား။ ဘာလဲ ဝယ်မပေးချင်လို့ သက်သက်ပြောနေတာမဟုတ်လား”
“အို… မဟုတ်ရပါဘူးသားရယ်။ အမေက သားကိုစာတော်စေချင်လို့ပြောတာပါ။ သားပဲ မင်းသားဖြစ်ချင်တယ်ဆို။ ပညာတတ်ကြီးမှ မင်းသားဖြစ်လည်းတင့်တယ်မှာပေါ့။ စာသာကြိုးစားပါကွယ်။ အမေအားလုံးဖြည့်ဆည်းပေးမယ်။ ဟုတ်ပြီလား။”
“ပြီးရောဗျာ။ ပေးမယ့်ဟာကို အမြဲတမ်းရှည်ရှည်ဝေးဝေး ပြောပြောနေတာ၊ အမေပဲအာညောင်းမယ်။ အပြင်သွားတော့မယ်။ ကျောင်းပိတ်ရက်အိမ်မှာမနေချင်ဘူး။ ရွာထဲပတ်နေတာအေးတယ်။”
x x x
“ပန်းဝါရေ မိပန်းဝါ။ ညည်းသား ရန်ဖြစ်ပြန်ပြီဟေ့။ လာဟေ့။ ရွာလူကြီးအိမ်ရောက်နေကြပြီ။ ညည်း သားက သူဌေးဦးကျော်ခင်သားရဲ့ဂျာကင်ကို ခဏငှားပြီး ဖိုက်တင်ကစားတယ်တဲ့။ ဂျာကင်က သစ်ပင်နဲ့ငြိလို့ ပြဲသွားရာကစပြီး ဦးကျော်ခင်သားနဲ့ရန်ဖြစ်တာပဲတဲ့ဟေ့။”
တဲရှေ့ကအော်သံကြောင့် ဒေါ်ပန်းဝါအတော်ထိတ်လန့်သွားရသည်။ “သားလေး ဘာဖြစ်သွားလဲ မသိဘူး။” ပူပင်ခြင်းကြီးစွာဖြင့် လျှော်လက်စအဝတ်များကိုပစ်ချပြီး အိမ်ရှေ့ကို ကပြာကယာထွက်ရသည်။
“ရင်တွေတုန်လိုက်တာ ခင်မေရယ်။ ကျွန်မသားရောဘာတွေဖြစ်သွားလဲ”
“အို… မယ်သားချစ်ရယ်။ နင့်သားကစထိုးလို့ ဟိုဘက်ကဖြစ်သွားတာ။ နင့်သားဒဏ်ရာအတွက်ကို တော့မပူနဲ့၊ ပူရမှာစာရင်းရှင်းဖို့ပဲ။ ကဲကဲလာ၊ ပြေးချည်စို့ရဲ့”
ရွာလူကြီးရုံးခန်းထဲတွင် ထက်အောင်၊ သူဌေးဦးကျော်ခင်နှင့် ဂျာကင်ပိုင်ရှင်သူ့သားအပါအဝင် လူကြီး တချို့ရှိနေကြသည်။
“နင့်သားလုပ်ပုံကောင်းသေးရဲ့လားပန်းဝါ။ နင့်သားက ငါ့သားရဲ့ဂျာကင်ကိုလည်းငှားသေး၊ စုတ်သွား လို့လျော်ခိုင်းတော့ ပြဿနာလည်းရှာသေး။ ငါ့သားမျက်နှာကိုကြည့်စမ်း။ နီရဲဖူးရောင်နေပြီ။ ငါ ရှည်ရှည် ဝေးဝေးမပြောတော့ဘူး။ နင့်ဘက်ကဘာလုပ်ပေးမလဲသာပြော”
ဒေါ်ပန်းဝါတစ်ယောက်သားအတွက် လူကြားသူကြားတွင် အရှက်တကွဲအကျိုးနည်းဖြစ်ရလေပြီ။ ဓားပါလျှင် မိမိမျက်နှာကိုသာလှီးလိုက်ချင်မိသည်။ ထက်အောင်… သည်ကလေး..။ သည်ကလေးကို တုတ်ကလေးနှင့် နာနာရိုက်ချင်သည်။ ကိုရင်ကျော် ရှင့်သားကရှင့်အတိုင်းပါပဲလား။ ရုပ်ရှင်ပိုးကလည်းပါ။ ဆိုးတာကလည်းနှစ်ယောက်မရှိ။ အခု ကျွန်မဘာလုပ်ရမလဲ။ ပြောပါဦး။ ကျွန်မသားလေးဆိုးတာလည်း သားလေးအပြစ်မဟုတ်ပါဘူး။ ကျွန်မကောင်းကောင်းမပြုစု၊ မသွန်သင်ခဲ့ရလို့။ ရှင်ပစ်သွားလို့သာပေါ့။ အခုတော့ကျွန်မ ဘာပြောရမှန်းမသိတော့ဘူး။
“ဟဲ့ မိပန်းဝါ ဟိုဘက်ကမေးနေပြီလေ။ ညည်း ငိုယိုပြီးတွေဝေနေရုံနဲ့မပြီးဘူး။ တောင်းပန်လိုက်။ ပြီးတော့ ကျေနပ်အောင်ပြန်လုပ်ပေးလိုက်။”
ရွာလူကြီးဦးထွန်းအောင်က အမိန့်ပေးသည်။
“ဟို… ဟိုလေ ကျွန်မသားလေးအတွက် ကျွန်မတောင်းပန်ပါတယ်။ ကလေးကလည်းငယ်သေး တယ်။ ပြီးတော့ ကျွန်မကောင်းကောင်းမဆုံးမနိုင်ခဲ့လို့ပါ။ သူ့အဖေကလည်း…”
“တော်တိတ်။ နင့်ကို သားရွှေဥဇာတ်ထုပ်ခင်းခိုင်းနေတာမဟုတ်ဘူး။ ငါမေးနေတာ ရှင်းရှင်းလေး။ ငါ့သားရဲ့နစ်နာမှုအပေါ် နင်ဘာလုပ်ပေးမှာလဲ”
ပြဿနာပိုကြီးလာမည်ဆိုးသဖြင့် ရွာလူကြီးဦးထွန်းအောင်လည်း စေ့စပ်ရတော့သည်။
“ကဲဗျာ ဦးကျော်ခင် ကျုပ်ဝင်ပြီးဖြေရှင်းပေးပါ့မယ်။ မိပန်းဝါ၊ ညည်းဘယ်လိုမှတော့မအောက်မေ့နဲ့ နင့်သားကြောင့်ပျက်သွားတဲ့ဂျာကင်အင်္ကျီအတွက် လျော်ကြေးပြန်ပေးလိုက်။ နင့်သားထိုးလို့ ရောင်သွားတဲ့ ဒဏ်ရာတွေအတွက် ဆေးဖိုးကျသလောက်ရှင်း။ ထက်အောင်ကလည်း သူတို့ကျေနပ်သည်ထိတောင်းပန် ဟုတ်ပြီနော်။ ကဲ မိပန်းဝါတို့ ခံဝန်လက်မှတ်လာထိုး။”
x x x
ထက်အောင်ဆယ်တန်းစာမေးပွဲ အောင်သွားသည်မှာ ဒေါ်ပန်းဝါအတွက် မဟာဆုလာဘ်ကြီးပင် ဖြစ်သည်။ သူမဘဝတွင် ဤမျှပျော်ရွှင်ရသောအချိန်မရှိခဲ့။ သူဌေးဦးကျော်ခင်၏သားပင် ဆယ်တန်း မအောင်သည့်အခြေအနေတွင် သူမသားဆယ်တန်းအောင်ပြီ။ သားဖြစ်သူက “ရှုပ်လို့မလိုက်ပါနဲ့ဗျာ” ဟု တားသည့်ကြားက မနက်အစောဈေးသို့ကုန်သယ်ပို့ဖို့ မလိုက်ဘဲ အောင်စာရင်းလိုက်ကြည့်သည်။ စာမေးပွဲ အောင်သည်ကိုသိသော် ဖိနပ်မပါဘဲရွာကိုပတ်ပြီး လိုက်အော်ကြွားခဲ့သည်။
သားဖြစ်သူကို တက္ကသိုလ်ကျောင်းသားကြီးအသွင် စိတ်ကူးယဉ်ပုံဖော်လျက် တစ်နေ့ပြီးတစ်နေ့ လက်ချိုးရေ၍ မျှော်လင့်စောင့်စားနေရသည်ကလည်း ဒေါ်ပန်းဝါအတွက် မဟာအတွေးကြီးပင် ဖြစ်ပေသည်။ ဗီဒီယိုကားထဲကလို သူမ၏သားတော်မောင် ရန်ကုန်တက္ကသိုလ်ကြီးတွင် ကျောင်းတက်နေပုံ၊ အဝတ်အစား ထည်ထည်ဝါဝါဖြင့်သွားလာနေပုံ၊ ခန့်ညားချောမောလှသဖြင့် ကင်းအဖြစ်အရွေးချယ်ခံရပြီး မိန်းကလေးများ ဝိုင်းနေပုံ၊ သူ့ကိုယောက္ခမတော်ချင်သူများ ခြေချင်းလိမ်နေပုံ ဤကဲ့သို့စိတ်ကူးများဖြင့် ငွေစုနေသည်။
သုံးရွာကျော်ရှိ နယ်မြို့ဈေးသို့ မနက်အစောကုန်တင်လိုက်သည့်ဝင်ငွေက သိပ်မဆိုစလောက်သာ။ ညနေဆိုလျှင် ရွာ့ထိပ်သပြေခြံတွင်သပြေပန်းခူးပြီး မနက်ပို့ဖို့ရေထောင်ပေးရသည်။ သပြေခူးသည့် ညနေ စောင်းအချိန်သည် မြွေ၊ကင်း ထွက်သည့်အချိန်မို့ အတော်သတိထားရသည်။ မိုးတွင်းဆိုလျှင် သပြေပင်တွင် အုံစွဲနေသော ပဆုပ်ပနီကောင်များက အီဆောင့်နီရဲသွားအောင် တုပ်တတ်သေးသည်။ မနက်(၃)နာရီတိုင်း ပန်းစည်း၊ ချဉ်ပေါင်စည်းများပို့ပြီး မနက်(၅)နာရီခန့်အိမ်ပြန်ရောက်လျှင် ထမင်းအိုးတည်၊ ဟင်းချက်၊ ဘုရား ဆွမ်းတော်တင်ပြီးပြန်အိပ်ရသည်။ မနက်(၉)နာရီကျော်လျှင်ပြန်ထပြီး အဝတ်လျှော်လိုက်သည်။ ခြံလိုက်ရှင်း သည်။ သားဖြစ်သူအတွက် ဝင်ငွေပိုရှာခါမှ တော်ရာကျတော့မည်။
ထက်အောင်မှာလည်း ကျောင်းတက်တော့မည်တစ်ကြောင်း၊ မင်းသားကလည်းဖြစ်ချင်သည်က တစ်ကြောင်းကြောင့် သန့်သန့်ပြန့်ပြန့်နေသည်။ ဗီဒီယိုကြည့်မည်။ ခေတ်ပေါ်မဂ္ဂဇင်းများကိုငှား၍ မင်းသား၊ မင်းသမီးသတင်းများကိုဖတ်မည်။ မင်းသားဖြစ်ရေးအတွက် သူ့စီမံကိန်းနှင့်သူရှိပြီးဖြစ်သည်။ ရန်ကုန်ရှိ အမျိုးသားယဉ်ကျေးမှုနှင့် အနုပညာတက္ကသိုလ်တွင် သရုပ်ဆောင်ဘာသာဖြင့် ကျောင်းတက်မည်။ အနည်းဆုံး တော့ ဗီဒီယိုထဲတွင် ဟိုတစ်ကွက်ပါရနည်းလား၊ သည်တစ်ကွက်လုပ်ရနည်းလား တွေးသည်။ ဤနည်းဖြင့် တဖြည်းဖြည်းလုပ်သွားမည်။ ဤသို့လျှင် ရုပ်ရှင်လောကနှင့်အလှမ်းဝေးသောသူ့အတွက် ရုပ်ရှင်လောကထဲ ဝင်ရောက်ခွင့်ရမည်။ အရေးကြီးသည်က သူ့အမေဆီက များများပံ့ပိုးမှုရဖို့သာ။
x x x
“ပန်းဝါရေ၊ တို့ရွာကို ရန်ကုန်ကရုပ်ရှင်အဖွဲ့လာမတဲ့။ ကျေးလက်ဇာတ်လမ်းရိုက်မလို့တဲ့။ တို့ရွာက မြင်ကွင်းတွေကြိုက်တယ်တဲ့။ ရုပ်ရှင်ထုတ်လုပ်သူက ဒီရွာကိုသိလို့လာတယ်ပြောတယ်။ ရွာသားတွေလည်း ထည့်ရိုက်မှာဟ။ ညည်းသားဖို့အခွင့် အလမ်းကောင်းပဲဟေ့”
သတင်းပေးဒေါ်ခင်မေက ထုံးစံအတိုင်း တဲရှေ့စည်းရိုးဝတွင်ရပ်၍သတင်းလာပို့သည်။ ဒေါ်ခင်မေက ဒေါ်ပန်းဝါတို့နှင့်မိသားစုလိုပင်။ တိုင်တိုင်ပင်ပင်၊ ခင်ခင်မင်မင်လည်းရှိသည်။ တစ်ခုခုဆိုလျှင် ဒေါ်ပန်းဝါ တို့ကိုဖေးမစမြဲ။ ဒေါ်ခင်မေ့စကားကိုကြားတော့ ဒေါ်ပန်းဝါပြေးထွက်လာရသည်။
“ဟယ်… အဟုတ်လားဟဲ့။ ဝမ်းသာလိုက်တာအေ။ ငါ့သားလေးအတွက်တော့ အခွင့်ကောင်းပဲဟဲ့။ မင်းသား၊ မင်းသမီးတွေကရော ဘယ်သူတွေတုန်း။ ငါ့သားသာသိရင် ဝမ်းသာရှာမှာ”
“အမလေး မိပန်းဝါရယ်။ နင့်သားကသိနှင့်ပြီးပြီ။ ရွာလူကြီးအိမ်မှာ သတင်းစကားပြောကြကတည်းက သူကြားပြီးတာပဲ။ သူလိုချင်တာတွေအတွက် ညည်းကိုပူဆာပါလိမ့်မတော်”
“အို… ကျုပ်သားအတွက်ပဲတော်။ ကျုပ်တတ်နိုင်သမျှတော့ ပံ့ပိုးပေးရမှာပေါ့။ အခုဆို သူအနုပညာကျောင်းတက်ဖို့ရာ ကျုပ်ငွေစုထားတာ အတော်ရနေပြီ။ ကျောင်းစရိတ်၊ အဆောင်စရိတ်အပြင် အဝတ်အစားဖိုးရောထည့်တွက်မှအေ့။ ငါ့သားတစ်ယောက် မြို့မှာကျောင်းတက်ရင်း အဝတ်ကောင်း၊ အစား ကောင်းတွေဝတ်တာမြင်ရင် ကျုပ်သေပျော်ပြီ”
“မိပန်းဝါ၊ ညည်းဘယ်လိုစကားပြောလိုက်တာလဲ။ ဘာသေပျော်ပြီလဲ။ နင်အခုထိ ကျန်းကျန်းမာမာ၊ သန်သန်စွမ်းစွမ်းပါအေ။ အဲလိုစကားတွေမပြောပါနဲ့။ ညည်းသားကဆိုးပေမဲ့ တစ်ချိန်မှာသိတတ်လာမှာပါ။ သူ မင်းသားကြီးဖြစ်ပြီး အောင်မြင်တဲ့အချိန်ကျရင် ညည်းလည်း သည်အလုပ်တွေလုပ်စရာမလိုတော့ဘူး။ ညည်းစိတ်ကိုညည်းတင်းထားပေတော့”
“အေးပါအေ။ ငါလည်းဒီနှစ်ပိုင်း ကျောတွေလည်းအောင့်၊ ခါးတွေလည်းနာလာလို့ပါ။ သပြေပန်းထုံး ကြီးတွေသယ်တဲ့ဒဏ်နဲ့ မနက်အစောဒိုင်နာကားစီးတိုင်း လမ်းကြမ်းလို့ဆောင့်တဲ့ဒဏ်တွေလားမသိပါဘူး။ နေ့တိုင်းအိပ်ရေးပျက်တာနှစ်ချီပြီ။ အဝတ်တွေလိုက်လျှော်ရင်လည်း ဆောင့်ကြောင့်ထိုင်လို့ သိပ်မကောင်း တော့ဘူး။ ခါးကမျက်မျက်နေတယ်။ ဒါပေမယ့်ဟာ ငါ့ဘဝနဲ့ငါအဆင်ပြေပါတယ်။ ငါ့ကျန်းမာရေးအကြောင်း ငါ့သားမသိစေနဲ့နော်။ တော်ကြာမြို့ကျောင်းသွားတက်မယ့်ဆဲဆဲ စိတ်မကောင်းဖြစ်နေရှာမယ်။”
“ညည်းကတော့ စံပဲအေ။ ကဲ ရုပ်ရှင်ရိုက်လာကြမဲ့ သတင်းလာပေးပြီပြီ။ အိမ်ပြန်ဦးမယ်။ နေထိုင် မကောင်းရင် ငါ့ကိုအချိန်မရွေးပြောနော်။ ထမင်းအိုးတည်စရာရှိသေးတယ်။ သွားပြီဟေ့”
x x x
ဒေါ်ပန်းဝါတို့ရွာကို မြို့ကရိုက်ကူးရေးအဖွဲ့ရောက်လာခဲ့ပြီ။ မှန်လုံကားက ထုတ်လုပ်သူ၊ မင်းသား၊ မင်းသမီးတို့ကား။ နောက်ကားက စက်အဖွဲ့သားများစီးလာသောကား။ နောက်ဆုံးကားကတော့ စက်ပစ္စည်း များတင်သည့်ကား။ ပစ္စည်းများကို ရွာလူကြီးဦးထွန်းအောင်အိမ်မှာ ယာယီချသည်။ တချို့ကဘုန်းကြီး ကျောင်းတွင်တည်းမည်။ တချို့က ဦးထွန်းအောင်အိမ်တည်းမည်။ အရေးကြီးသည့်သူ တချို့ကတော့ ဦးထွန်းအောင်အိမ်အပေါ်ထပ်တွင်သာတည်းကြမည်။ ထူးခြားသည်က ရုပ်ရှင်ထုတ်လုပ်သူဖြစ်သည်။ သူသည် သည်ရွာနှင့်စိမ်းလှသည်မဟုတ်။ သည်ရွာအကြောင်းကောင်းကောင်းကြီးသိသည်။ သူကတစ်ခြားသူ မဟုတ်။ ဒေါ်ပန်းဝါ၏ယောက်ျား ဦးရင်ကျော်ပင်ဖြစ်သည်။
ဦးရင်ကျော် ဒေါ်ပန်းဝါအားစွန့်ခဲ့သည်ကို ရွာကလူကြီးများမှတ်မိကြသေး၏။ သို့သော် အတိတ်သည် ပစ္စုပ္ပန်လောက် ထင်ထင်ရှားရှားမရှိတော့။ နောက်တစ်ရက်တွင် ဦးရင်ကျော်က သူ့ဖြစ်စဉ်များကို ရွာလူကြီးအိမ်၌ ရှင်းပြသည်။ သူယူခဲ့သော ရုပ်ရှင်နယ်မှ အမျိုးသမီးသည်လည်း ကိုရင်ကျော်နှင့်ကွဲကွာ၍ နိုင်ငံရပ်ခြားသို့ထွက်သွားခဲ့သည်။ ထို့နောက် ဦးရင်ကျော်လည်း ရုပ်ရှင်နယ်တွင် ကြိုးစားရင်း ထုတ်လုပ်သူ ဖြစ်လာကြောင်းပြသည်။ သူ့အပြစ်ကိုလည်းဝန်ခံသည်။ ခွင့်လွှတ်ဖို့လည်း တောင်းပန်သည်။
ဒေါ်ပန်းဝါအတွက်မူကား အတိတ်ကကိစ္စများဖြစ်သဖြင့် ယခုမှ“ခွင့်မလွှတ်ဘူး” ဆိုပြန်လျှင်လည်း ဘာမျှထူးတော့မည်မဟုတ်။ “ပြီးခဲ့တာတွေလည်းပြီးပါစေတော့၊ အသက်တွေလည်းရလာပြီပဲ” ဟု ဖြေသိမ့် လိုက်တော့သည်။ ထို့နောက် ဦးရင်ကျော်က နှစ်ခုတောင်းဆိုသည်။ တစ်ခုက သူ့သားထက်အောင်ကို ရန်ကုန်တွင်ခေါ်၍ မြေတောင်မြှောက်ပေးမည့်ကိစ္စနှင့် တစ်ခုက သူသည်အဖေဖြစ်ကြောင်း ထက်အောင်အား အသိမပေးရန်ကိစ္စဖြစ်သည်။ ယခုမှအဖေပေါ်လာသည့်ကိစ္စကို ရှက်တတ်သောလူပျိုပေါက်အရွယ် ထက်အောင်သာ သိသွားလျှင်လည်း အကျိုးမထူးသည်မဟုတ်ပါလား။
x x x
ရုပ်ရှင်ရိုက်ကွင်းသည် စည်ကားလှ၏။ ရွာထိပ်ကကြာကန်တွင် မင်းသားက မင်းသမီးကိုချစ်ရေးဆို ခန်းရိုက်သည်။ ထို့ပြင် စိုက်ခင်းများ၊ ရွာစေတီ၊ ဘုန်းကြီးကျောင်း စသည်ဖြင့် ရွာအနှံ့ရိုက်ကွင်းပြောင်းသည်။ ရွာသားများကိုပါ ထည့်ရိုက်သည်မို့ ရိုက်ကွင်းတစ်ခါပြောင်းတိုင်း စုရုံးအုတ်ကျက်ကြနေတော့သည်။ ရွာ၏ မင်းသားလောင်း ထက်အောင်ကတော့ မင်းသမီး၏မောင်အဖြစ် ဝင်ရိုက်ပေးရသည်။ ဇာတ်ဝင်ခန်း အနည်းငယ်သာပါရသောဇာတ်ရံဖြစ်သော်လည်း မင်းသားထက်ခန့်ချောနေသည်ကို မင်းသားကိုယ်တိုင် ထုတ်ဖော်ချီးကျူးနေရသည်မို့ ဒေါ်ပန်းဝါလည်း ခပ်မြောက်မြောက်၊ ထက်အောင်သည်လည်း ခပ်မြောက်မြောက်၊ ရွာသားများလည်း ခပ်မြောက်မြောက်။
ထက်အောင်ကလည်း ကြိုးလည်းကြိုးစားသည်။ ဉာဏ်ကောင်းသူမို့ ပြောရမည့်စကားလုံးများကို လွယ်လွယ်နှင့်ရသည်။ ဗီဒီယိုကြည့်ပြီး အမူအရာကျင့်ကာရူးခဲ့သည်က ဗီဒီယိုကားထဲတွင်သရုပ်ဆောင်ဖို့ အကြောင်းဖန်လာခြင်းပင်ဖြစ်သည်။
ဦးရင်ကျော်တို့ရိုက်ကူးရေးက သုံးလေးရက်မျှဖြင့် လတ်စသတ်သည့်အချိန်ရောက်လာခဲ့သည်။ ထက်အောင်က ရန်ကုန်တွင်လည်းကျောင်းတက်ရမည်။ ရုပ်ရှင်ထုတ်လုပ်သူကလည်း သားတစ်ယောက်လို ပံ့ပိုးပေးမည်ကိုတွေးလျှင် ညညဆိုအိပ်ပင်မပျော်နိုင်။ တစ်ခါတည်းအပြီးခေါ်သွားမည်ဆိုတော့ ထည့်ပြီးသား အဝတ်ထုပ်ကို အရသာခံ၍မကြာမကြာ ကြည့်နေရသည်ကအမော။ မြို့သို့ခေါ်အသွားတွင် စိတ်ချနိုင်ရန် ရွာနှင့်မြို့ ကူးလူးကုန်သွယ်နေသော ဦးအေးမြင့်လိုက်ပို့မည်ဖြစ်သည်။ ဒေါ်ပန်းဝါကတော့ စိတ်လည်းချရ အောင် ကိုယ်တိုင်လိုက်ပို့ချင်သည်။ သို့သော် သားဖြစ်သူကိုထားခဲ့ရလျှင် စိတ်ထိန်းနိုင်မည်မဟုတ်။ ထို့ပြင် ဦးရင်ကျော်၊ ထက်အောင်နှင့် သူမတို့သုံးဦးစကားပြောလျှင် အတိတ်ဘဝဇာတ်ကြောင်းကို ဖုံးဖိဟန်ဆောင် နိုင်ဖို့ရာမလွယ်။ နောက်ဆုံးတော့လည်း ထက်အောင်ဘဝကောင်းစားရေးအတွက် ဦးအေးမြင့်နှင့်သာ ထည့်ပေးလိုက်ရတော့သည်။ သားတော်မောင်ကို ဤကဲ့သိုအချိန်တိုအတွင်း အဝေးဆီသို့ ထည့်လိုက်ရ ခြင်းသည် ဒေါ်ပန်းဝါအတွက် မဟာစွန့်လွှတ်မှုကြီးဖြစ်သည်။
မနက်ဖြန်မနက်ဆိုလျှင် ဦးရင်ကျော်တို့ ထက်အောင်ကိုခေါ်သွားကြတော့မည်ဖြစ်သဖြင့် ဒေါ်ပန်းဝါ ညမအိပ်နိုင်။ သားဖြစ်သူနှင့် တစ်ခါမှမခွဲခွာရဖူးလေတော့ ခွဲရတော့မည်တွေးလိုက်၊ “ငါ့သားကောင်းဖို့ပဲ”ဟု ဖြေသိမ့်လိုက်ဖြင့် မိုးစင်စင်လင်းရလေသည်။
x x x
“ကဲ အားလုံးအဆင်သင့်ဖြစ်ပြီလားဟေ့”
အိမ်ရှေ့ဆီက သတင်းပေးဒေါ်ခင်မေ၏အသံလာပုံထောက်လျှင် ဦးရင်ကျော်တို့ပစ္စည်းများ တင်နေ ကြရော့ထင်သည်။
“ပြီးပြီ ကြီးခင်။ ကျွန်တော်ကအဆင်သင့်ပဲ။ ဒီမှာအမေလေ။ ငိုနေလို့။ ခရီးသွားမဲ့ဆဲဆဲ အဲလိုလုပ်နေ တော့ ကျွန်တော်ဘယ်လိုလုပ်မလဲ”
“ပန်းဝါရယ် မငိုနဲ့လေဟယ်။ နင့်သားခရီးထွက်ခါနီး အေးအေးဆေးဆေးထွက်ပါစေ။ ဟိုရောက်ရင် ဆက်သွယ်မှာပဲဟာ။ ပြီးတော့အခုသွားတာလည်း နင်တို့ကောင်းဖို့ပါပဲ။ တိတ်တိတ်။ ပစ္စည်းတွေပို့ရအောင်”
“သားလေးရယ်၊ အမေကငါ့သားနဲ့ခွဲရမှာမို့ စိတ်မကောင်းဖြစ်မိတာပါ။ အမေဖြေသာပါပြီ။ ကဲကဲ သားဒီနားကိုလာ၊ ရော့ ဒါအမေစုထားတဲ့ပိုက်ဆံတွေပဲ။ သားလိုတာတွေစိတ်ကြိုက်သုံး။ ဟိုဦးလေး ဦးရင်ကျော်က ကျွေးမွေးထားမယ်ဆိုပေမဲ့ သားလိုရင်သုံးဖို့စွဲဖို့ ခြေစောင့်လက်စောင့်လေး ရှိထားမှဖြစ်မှာ”
ဒေါ်ပန်းဝါတစ်ယောက် ကာလကြာ ဆင်းရဲပင်ပန်းတကြီး စုဆောင်းသိမ်းထားသောပိုက်ဆံအိတ်ကို မျက်ရည်ရွှဲရွှဲဖြင့်ထုတ်ပေးရှာသည်။ နီကျင်သောမျက်လုံး၊ တစ်စွန်းတစ်စထောင်နေသောဆံပင်ဖြူ၊ ပူပြင်းသော နေလောင်ဒဏ်၊ နေ့ညအိပ်ရေးပျက်ဒဏ်ကြောင့် ယိုယွင်းနေသောကိုယ်ခန္ဓာလေးမှာ ကျုံလှီလွန်း လှပေသည်။
“ထက်အောင် မင်းအမေကိုကန်တော့လိုက်။ သွားလေရာလာလေရာဘေးကင်းအောင်လို့။ ပြီးတော့ အနန္တော အနန္တငါးပါးကို ဘယ်တော့မှမမေ့နဲ့ကွယ်”
"အို၊ သားလေးနေပါစေ။ လှလှလေးဝတ်စားထားတဲ့ဟာ ဖုန်လူးကုန်ပါ့မယ်။"
x x x
ဒေါ်ပန်းဝါတို့မိသားစု၏ခွဲခွာခြင်းကဏ္ဍသည် မကြာမီအချိန်အတွင်းပြီးစီးသွား၏။ ဦးရင်ကျော် ရုတ်တရက်ပြန်ပေါ်လာ၏။ ထက်အောင်ကိုမြေတောင်မြှောက်ပေးဖို့ ခေါ်သွား၏။ သူ့သားကလေးကို ခွဲရ၏။ အဖြစ်အပျက်များသည် တိုတောင်းလှသောရက်ပိုင်းအတွင်း ပြောင်းလဲသွားလေ၏။
x x x
အချိန်ရွေ့လျားမှုသည် အလွန်ပင် လျင်မြန်လှသည်။ ယခုဆိုလျှင် ထက်အောင်သည် ယဉ်ကျေးမှု တက္ကသိုလ်၊ သရုပ်ဆောင်ပညာအတန်း နောက်ဆုံးနှစ်ရောက်လာခဲ့ပြီ။ ကျောင်းတက်နေစဉ်အတွင်းပင် ထင်ပေါ်အောင်မြင်စပြုနေသော မင်းသားပေါက်စဖြစ်လာခဲ့သည်။ ရွာတွင်နေစဉ်ကအသွေးအမွေးထက် ပိုသန့်ပြန့်လာ၍ ရုပ်ရှင်ထုတ်လုပ်သူ ဦးကျော်ရင်၏မွေးစားသားအဖြစ်သိလာကြသည်။ ဂျာနယ်၊ မဂ္ဂဇင်းများ၊ အခမ်းအနားပွဲများတွင် အမြဲပါဝင်ရသည်။ ကျောင်းပိတ်တိုင်း ဇာတ်ကားများရိုက်သည်။ ယခုတစ်ပတ် မဂ္ဂဇင်း အဖုံးတွင်လည်း ထက်အောင်၏ဓါတ်ပုံများနှင့်တွေ့ဆုံမေးမြန်းခန်းပါဝင်လာသည်။
ထက်အောင်ပြောင်းလဲခဲ့သလို ဒေါ်ပန်းဝါလည်းပြောင်းလဲခဲ့ပါသည်။ သို့သော် သူတို့သားအမိနှစ်ဦး၏ ပြောင်းလဲမှုများက ပြောင်းပြန်ဖြစ်သည်။ ထက်အောင်က ငယ်ရွယ်နုပျိုမှု၊ ချမ်းသာကြွယ်ဝမှု၊ အောင်မြင် ထင်ရှားမှုတို့ဖြင့် တိုးတက်လာခဲ့သည်။ ဒေါ်ပန်းဝါကတော့ အိုဇာချူချာမှု၊ ဆင်းရဲနွမ်းပါးမှု၊ ကျန်းမာရေး ညံ့ဖျင်းမှုတို့ဖြင့် ဆုတ်ယုတ်ခဲ့သည်။ ထက်အောင် မြို့ကျောင်းတက်ပြီး သုံးနှစ်တာကာလအတွင်း ဇာတိမြေကို တစ်ခေါက်မှမပြန်ဖြစ်ခဲ့ပါ။ ကျောင်းတက်သည်။ ဇာတ်ကားများရိုက်သည်။ စွယ်စုံရအနုပညာရှင်ဖြစ်စေရန် ဦးရင်ကျော်က ရေကူး၊ အလေးမနှင့် သီချင်းဆိုသင်တန်းများပါတက်ခိုင်းသည်။ ဘဝအောင်မြင်ရေးအတွက် ထက်အောင် အပြင်းအထန်ကြိုးစားချိန်တွင်တော့ မွေးမိခင်ကြီးမှာ မေ့လျော့ခံဖြစ်နေရှာသည်။
ဒေါ်ပန်းဝါခမျာမှာ ယခင်လိုအလုပ်မလုပ်နိုင်တော့။ တစ်ခါတစ်ခါ ထက်အောင်ကန်တော့သည်ဟု ဦးရင်ကျော်လိမ်လည်ပို့သော ငွေလေးများကိုကိုင်ရင်း သားတော်မောင်အတွက် တသီတတန်းကြီး ဆုမွန်ချွေ နေတတ်သည်။ သို့သော် ငွေကြေးသည် အနီးကပ်အဖော်ကဲ့သို့ မစွမ်းနိုင်ပါ။ ယခုအချိန်တွင် အားကိုးအားထား ရွှေခဲသားကို တမ်းတမိတိုင်း မျက်ရည်ဝဲရှာသည်။ သို့သော် သူ့အနားတွင်သူ့သားနေလျှင် တောသားသာ ဖြစ်မည်၊ မြို့တက်သည်ကသာ အောင်မြင်မည်ဟု အမြဲပြောတတ်ပါသေးသည်။
ဒေါ်ပန်းဝါ ဝင်ငွေလေးများခြစ်ခြုတ်စုကာ ကိုယ်တိုင်သပြေခင်းစိုက်ထား၏။ ပန်းခူးသည်ထိကတော့ ကိုယ်တိုင်ခူးနိုင်ပါသေးသည်။ ခူးပြီးပန်းများကိုတော့ မနက်အစောကားဂိတ်ကို ကိုယ်တိုင်မပို့နိုင်တော့၍ တစ်ဆင့်သာပို့တော့သည်။ ရွာတစ်ဝိုက်တွင်လည်းရောင်းသည်။ ဤမျှလောက် ဖူလုံနေရသည်ကိုပင် တင်းတိမ် နေတတ်ရှာသည်။ ဦးရင်ကျော်ပို့လေ့ရှိသော ထက်အောင်ပါသည့် မဂ္ဂဇင်း၊ ဂျာနယ်များကို မခင်မေနှင့် နှစ်ယောက်သားဖတ်ကြသည်။ ပြီးရင် သူ့သားပုံပါကြောင်း တစ်ရွာလုံးကိုပတ်ကြွားသည်။
“ကြယ်သစ်လေးတစ်ပွင့် သို့မဟုတ် ထက်အောင်တဲ့။ မဂ္ဂဇင်းအဖုံးမှာနင့်သားပုံဟဲ့ ချောလိုက်တာ”
“မခင်မေရယ်။ အမလေး ဝမ်းသာလိုက်တာအေ။ ကြည့်စမ်း။ ငါ့သားနှာတံလေးများစင်းနေတာပဲ။ အဲဒါ ငါနဲ့တူတာအေ့၊ သိလား။ အခု ရုပ်ရှင်ကားကြီးစရိုက်တော့မယ်တဲ့။ ဝမ်းသာလိုက်တာ တအားပဲ”
“ပန်းဝါ… ပန်းဝါ။ ညည်းအခုအတော်ပျော်နေတယ်ပေါ့လေ။ အေးဟယ် ငါလည်းဝမ်းသာမိပါတယ်။ အခုဆို ညည်းသားက နိုင်ငံကျော်နေပြီ။ ညည်းလည်း နိုင်ငံကျော့်အမေ၊ မင်းသားမေမေ ဖြစ်နေပြီ”
ဒေါ်ပန်းဝါ ရုတ်တရက်မှိုင်သွားသည်။
“ငါ့သားနဲ့တွေ့ချင်တာအေ။ ငါ့သားကိုမမြင်ရတာ သုံးနှစ်ရှိသွားပြီ။ ရည်းစားတွေတောင်ရနေပြီလား မသိဘူး။ သူပို့တာလေးကိုမြင်တိုင်း ငါရန်ကုန်ကိုပြေးသွားချင်တယ်။ ဒါပေမယ့် ငါ့သားအသိုင်းအဝိုင်းက သည် လူမမာအဘွားကြီးကို သိမှာတောင်မဟုတ်ပါဘူးလေ”
ဒေါ်ပန်းဝါစိတ်မကောင်းမှန်းသိတော့ မခင်မေက အမြန်လျှောက်လဲသည်။
“နင်ကလည်းဟယ်။ နင့်သားလေးကလိမ္မာလာပါပြီ။ အခုလိုအချိန်မှာ တအားအလုပ်ရှုပ်နေရှာမှာ ဒီကြားထဲမှာတောင် နင့်ကိုစာနဲ့ပစ္စည်းတွေပို့ရှာတာပဲ။ မကြာခင် နင်တို့အတူပြန်နေကြရတော့မှာပါ။”
“ငါက ကိုရင်ကျော်နဲ့ ပြန်ပေါင်းမှာမှမဟုတ်တာခင်မေရယ်၊ အဲလိုကိစ္စတွေဖြစ်လာမှာမဟုတ်ဘူး။ ကိုရင်ကျော်ကလည်း ကလေးကိုမင်းသားဖြစ်အောင်လုပ်ထားတာ။ နင်တွေးကြည့်လေ၊ ငါတို့သားအမိ အတူ ပြန်နေဖို့မဖြစ်နိုင်ဘူး။ ငါ့ကျန်းမာရေးအခြေအလည်း နင်အသိပဲ။”
ဒေါ်ပန်းဝါပြောသည့်စကားများက မှန်လှသဖြင့် မခင်မေငြင်းချက်မထုတ်နိုင်။ ယခုအတိုင်းဆိုလျှင် သူတို့သားအမိ အတူနေရန်မလွယ်လှပါ။ အောင်မြင်အောင် မြေတောင်မြှောက်ပေးထားသည့် ဦးရင်ကျော် တစ်ဖက်၊ လူဖြစ်အောင်ကျွေးထားသည့် အမေတစ်ဖက်၊ ဦးရင်ကျော်ကို အဖေမှန်းမသိသေးသည့် ထက်အောင် ၏အဖြစ်၊ ဖခင်မှန်းသိသွားလျှင် မည်သို့ဖြစ်သွားမည်၊ ပြီးတော့ မိမိ၏ကျန်းမာရေး စသည့် အတွေးများ၊ အမေး များအစီအရီထွက်ပေါ်လာရသည်။
“ဘာပဲဖြစ်ဖြစ်မခင်မေ နောက်ဆုံးတော့လည်း ငါ့သားလေးအောင်မြင်သွားရင် ငါအသေဖြောင့်ပါပြီ”
x x x
နှစ်ကြာခဲ့ပြန်ပါပြီ။ ထက်အောင်၏အောင်မြင်ကျော်ကြားမှုများသည် တစ်နေ့တခြား အရှိန်မြင့်လာသည်။ မီဒီယာအသီးသီး၏စာမျက်နှာများ၊ ပရိသတ်များ၏နှုတ်ဖျားတွင် အလွန်ရေပန်းစားလာသည်။ ရုပ်ရှင် လည်းထက်အောင်၊ ဗီဒီယိုလည်းထက်အောင်၊ မီဒီယာလည်းထက်အောင်မို့ ထို့ထက်နာမည်ကြီး ဖွယ်ရာပင် မရှိတော့။
သို့သော် အကောင်းနှင့် အဆိုးဒွန်တွဲနေတတ်သည်မှာ လောကဓမ္မတာဖြစ်သည်။ ဇာတ်လမ်း တစ်ပုဒ်၏အထွတ်သည် အဓိကဇာတ်ဝင်ခန်းပင်ဖြစ်သည်။ ဇာတ်ဝင်ခန်းသည် အမြင့်ဆုံးသို့ရောက်နေ ပါသော်လည်း ဇာတ်သိမ်း၌ အဆုံးသတ်ချင်သလိုသတ်နိုင်သည်။ ထက်အောင်တစ်ယောက် အောင်မြင်မှု အထွတ်အထိပ်၌ အပျော်အပါးဒဏ်ကိုမခံနိုင်ရှာ။ ဥပဒေနှင့် မလွတ်သောအပျော်ကိုခုံမင်မိသည်။ ယင်းကား မူးယစ်ဆေးဝါးသုံးစွဲခြင်းဖြစ်သည်။
ထက်အောင် မူးယစ်ဆေးသုံးကြောင်းသိသိချင်း ဦးရင်ကျော်တားခဲ့ပါသည်။ သို့သော် ဆေးစွဲနေပြီမို့ တား၍မဝင်။ ဦးရင်ကျော်ကို သူစိမ်းဟုသာသိထားသဖြင့် ဖခင်တစ်ယောက်မှ သားတစ်ယောက်အား တားမြစ်ခြင်းကဲ့သို့လည်း မထင်ခဲ့။ ယင်းနောက်ပိုင်း အနုပညာပိုင်းတွင်ပျက်ကွက်မှုများလာသည်။ အလုပ် အပေါ်အာရုံစိုက်မှုလျော့နည်းလာသည်။ အောင်မြင်မှုလျော့ကျလာသည်။ နာမည်ဆိုးစတင်ထွက်လာသည်။
မိမိကြိုးစားသမျှအတွက် အောင်မြင်မှုအသီးအပွင့်ကို ထက်အောင်ခံစားခဲ့ရသည်။ ရုပ်ရှင်ချစ်ပရိသတ် များကြားတွင် ရေပန်းစားခဲ့သည်။ ကြိုးစားသမျှအရာထင်ခဲ့သည်။ နိဂုံး၌ မူးယစ်ဆေးဝါးအမှုဖြင့် တရားဥပဒေ ၏စီရင်မှု ခံယူရတော့မည်။ ထက်အောင်အဖမ်းခံရပြီးမှသိရသည်ကား မိခင်ဒေါ်ပန်းဝါ ကျန်းမာရေးအခြေ အနေ ဆိုးရွာသည့်သတင်းဖြစ်သည်။
x x x
တောင်ကုန်းထက်ရှိ ထုံးစေတီဖြူဖြူ၏ဆည်းလည်းလေးများက လေသင့်တိုင်းလှုပ်ခတ်နေသည်။ ဆည်းလည်းများအတွင်းရှိ ကြေးညောင်ရွက်ကလေးများ၏ လှုပ်ရှားစေ့ဆော်မှုကြောင့် ဆည်းလည်းသံချိုလေး များ လေသင့်လျှင်သင့်သလို စီရီထွက်ပေါ်လာသည်။ အရှင်တေဇောသာရ အဝေးမှုန်ပျမှ မြင်ကွင်းများကို လှမ်း မျှော်ကြည့်ရင်း အတိတ်ကိုလွမ်းဆွတ်မိသည်။ အေးချမ်းသောအရိပ်အာဝါသ၊ တည်ငြိမ်သောတရားဓမ္မတို့ဖြင့် ယခုလိုရဟန်းဘဝကိုမကြာသေးမီကမှရခဲ့သည်။ သို့သော် တစ်ရံတစ်ခါမှာ အတိတ်၏အတွေးများက အရှင် တေဇောသာရ၏စိတ်အစဉ်ကို ကြီးစိုးနေမိသည်ကအမှန်။
စေတီပတ်လည်ရှိညောင်ရွက်ခြောက်များကို တံမြက်စည်းလှည်းကျင်းပြီးနောက် သည်ကနေ့တရား အားထုတ်မှုနှင့် ဘ
27/01/2021
မင်္ဂလာပါရှင်...
သူသူငါငါမခွဲခြားဘဲ အတူတူသာ ကြိုးစားနိုင်ကြပါစေရှင်...
✍
ချစ်ခင်စွာဖြင့်
တင်မိုးလွင်
❤❤❤❤❤❤❤❤❤
အနာဂါတ်ကမ္ဘာဟာ ငါတို့ဖန်တီးရမှာ...
မနက်ဖြန်အတွက် အခုပင်စလိုက်ပါ...
✍
Eleanor Roosevelt
29/01/2021
28/01/2021
28/01/2021
27/01/2021
27/01/2021
27/01/2021