Future Creations

21/01/2026

26/07/2024

သူရှုံးတယ် ငါနိုင်တယ်ဆိုတဲ့အာဏာလုပွဲကြီးရဲ့ကြားကမြေစာပင်ဖြစ်နေရတဲ့ကလေးတွေအတွက်ဘယ်သူတွေများထည့်သွင်းစဥ်းစားမိကြပါသလဲ...
😢😓စစ်ဘေးရှောင်ဒေသတွေမှာဘေးလွတ်ရာကိုမပြေးနိုင်တဲ့ကလေးတွေအတွက်.. ကူညီနိုင်ကြရင်သိပ်ကောင်းမှာနော်

09/06/2024

၂-၃နှစ်အရွယ် ကလေးလေးတွေရဲ့ မေမေတွေ ဘွားဘွားတွေ အုပ်ထိန်းသူတွေဆီက အမြဲကြားတဲ့ အသံရှိတယ်။

အရမ်း ဂျီကျတာပဲ၊ အရမ်း ဆိုးလာတယ်၊ ပြောရင် နားမထောင်ဘူး စတာတွေပေါ့

ဒီလိုအရွယ် ကလေးလေးတွေ ဘာလို့ ပြောင်းလဲ လာရတာလဲဆိုတဲ့ အဖြေကတော့ သဘာဝကြောင့်ပါ
ဒါ ဖြစ်ကိုဖြစ်ရမယ့် အဆင့်မို့လို့ ကလေးအပေါ် ဒေါသထွက်တာမျိူး၊ ကလေးက အရမ်းဆိုးနေပြီလို့ တံဆိပ်တပ်တာမျိူးကို ရှောင်ကြဉ်ရမယ်

ပိစိကွေးဘဝက ကျွေးရာစားတယ်၊ ထားရာနေတယ်ဆိုပေမယ့် အခုအချိန်မှာတော့ သူတို့စိတ်ခံစားမှူလေးတွေ ရှိလာတယ်။
မကြိုက်ဘူး၊ ကြိုက်တယ်၊ စားချင်တယ်၊ မဝတ်ချင်ဘူး ဒါမျိူးတွေဖြစ်လာတဲ့အတွက် လူကြီးနဲ့ ဆန့်ကျင်ဘက် လိုက်လုပ်သလို ဖြစ်လာတတ်တယ်

ဒီလိုအရွယ်မှာ အကောင်းဆုံး ဖြေရှင်းနည်းကတော့ စိတ်ရှည်ခြင်းပါပဲ
သူ ဂျီကျနေမယ် အော်ဟစ်နေမယ်ဆိုရင်လည်း ကိုယ်က လိုက်ဒေါသမထွက်ပဲ ဖက်ထားပေးတာမျိူး ကြင်နာနွေးထွေးမှုပေးပြီး စိတ်ငြိမ်သွားအောင် အရင် လုပ်သင့်တယ်

၃နှစ်အရွယ်လေးတွေမှာ ဒါမျိူးတွေ ဖြစ်လာပြီဆိုရင် ပြောသင့်တဲ့ မပြောသင့်တဲ့ စကားလေးတွေလည်း ရှိပါတယ်

ပြန်ရိုက်နေတာ ရပ်စမ်း

ကလေးက တခုခု စိတ်ဆိုးရင် အုပ်ထိန်းသူကို ပြန်ရိုက်တာ ပြန်လုပ်တာမျိူး ရှိလာတတ်တယ်။ ဒါမျိူးဖြစ်ရင် ရပ်စမ်းလို့ အမိန့်ပေးအော်ဟစ်မယ့်အစား " သားဘာဖြစ်လို့လဲ သမီး ဘာလိုချင်တာလဲ စိတ်ဆိုးရင် ဒီလိုမလု့်ရဘူးဆိုပြီး ဖက်ထားပေးပါ" ဖက်ထားဆိုတဲ့ နေရာမှာလည်း အတင်းကလေး မကြိုက်အောင် ဖက်တာမျိူးကို ဆိုလိုတာမဟုတ်ပါဘူး။ သူ့စိတ်လေး Calm Down ဖြစ်သွားဖို့ နွေးထွေးမှု ပေးခိုင်းတာပါ။ သူ စိတ်ဆိုးတိုင်း ဒီလို နူးညံ့တဲ့ အပြုအမူလေးပြပေးပါ။ ကောင်းကျိူး တခု တွေ့ရပါလိမ့်မယ်

ပါးစပ် ပိတ်ထား

ဒီစကားဟာ ကလေး သေးသေးလေးတွေအတွက် အရမ်း ရက်စက်တဲ့ စကားလုံးပါ။ ကလေးတွေမှာလည်း စိတ်ခံစားချက်ရှိပါတယ်။ ဒါကို ထုတ်ဖော်မပြခိုင်းပဲ ဒေါသတကြီး ပါးစပ်ပိတ်ထားလို့ပြောတာဟာ ကလေးရဲ့ မိမိကိုယ်ကို ယုံကြည်ချက် လျော့နည်းစေသလို ကြောက်ရွံစိတ် ဝင်တတ်ပါတယ်။ ကလေးတွေမှာ အီတဲ့အချိန်ရှိပါတယ်။ ကလေးက အော်ဟစ်နေရင် သူပြောချင်တာ ဘာလဲဆိုတာ နားထောင်ပေးလိုက်ပါ။ ပြီးရင် ဒါလား ဟိုဟာလား မေးကြည့်ပါ။ အကယ်လို့ မှန်သွားပြီဆိုရင် နောက်တခါ အော်မပြောရကြောင်း ဒါ လိုချင်ရင် လိုချင်ပါတယ် ဖြေးဖြေးပြောရင် ရတယ်ဆိုတဲ့ အကြောင်း နားလည်အောင်ပြောပြပါ။ အီနေရင် စကားကို ကောင်းကောင်းမပြောပြရင် လူကြီးက နားမလည်ကြောင်း ရှင်းပြပေးပါ။ ကလေးတွေကို လျော့မတွက်ပါနဲ့နော်။ သူတို့ဟာ လူကြီး ပြောတဲ့စကားကို နားလည်နိုင်တဲ့ စွမ်းရည်ရှိပါတယ်။

မဝယ်ပေးဘူး

ပစ္စည်းတွေ အရမ်း ပူဆာတတ်တဲ့ အရွယ်ရောက်နေတဲ့ အခိုက်အတန့်မှာ မဝယ်ပေးဘူးဆိုတဲ့ စကားကိုပဲ ပြောနေရင် ပို ဂျစ်ကျပါလိမ့်မယ်။ ဆိုင်တဆိုင်ရောက်ပြီ။ သူနဲ့ မတည့်တဲ့ အရာတခုကို စားချင်ပြီဆိုရင် မစားရဘူးဆိုတာကြီးပဲ မပြောပါနဲ့။ ဘာလို့ မစားရတာလဲ အရင်ပြောပြပါ။ ပြီးရင် အဲ့ဒီ့ဟာအစား ဘယ်ဟာဝယ်ကျွေးမယ် ဝယ်ပေးမယ်ဆိုတာကိုပါ ပြောပြပါ။ ပြောလို့မရဘူး ငိုနေရင်တော့ ငိုခွင့်ပေးလိုက်ပါ။ တခါတရံ သူ့ကို ဖက်ထားပြီး ငိုခွင့်ပေးလိုက်တာဟာ ငါ ငိုပြလည်း မရနိုင်ဘူးဆိုတာကို သိစေမှာပါ

စိတ်မကောက်နဲ့

ဒီအရွယ် ကလေးတွေဖြစ်တတ်တာ ရှိပါသေးတယ်။ မေ့မေ့ကို မချစ်တော့ဘူးဆိုတာမျိူးလေ၊
အဲဒီလိုပြောရင်ကလေးကို ဘာလို့ ပြောရတာလဲဆိုပြီး ဒေါသမထွက်ပါနဲ့။ စိတ်ဆိုးတာ စိတ်ကောက်တာ မချစ်ဘူးဆိုတာ ရတယ် ဖြစ်လို့ရတယ်။ မချစ်ချင်တဲ့ အချိန် ရှိခွင့်ပေးလိုက်ပါ။ ပြီးရင်တော့ ဘာကို မကျေနပ်လို့ ဒီလိုပြောတာလဲဆိုတဲ့ အကြောင်းရင်းကို ရှာဖို့ကတော့ လူကြီးအလုပ်ပါ။ သူ့ကို ဂရုမစိုက်လို့ ပြောတာမျိူးလည်းဖြစ်နိုင်လို့ ကိုယ့်အပြစ်ကိုလည်း ရှာပါ

ဒါကို မယူရဘူး

ဒါကတော့ မောင်နှမရှိတဲ့အိမ်တွေမှာ ဖြစ်ပါတယ်။ ပစ္စည်း လုတာမျိူးပါ။ ဒီလိုဖြစ်ပြီဆိုရင် ပထမဆုံးပြောရမှာပါ ဒီပစ္စည်းဟာ ဘယ်သူ့ ပစ္စည်းလဲဆိုတာကိုပါ။ သူများအိမ်သွားလို့ လျှောက်ကိုင်ရင်လည်း ဒါကတော့ ဘယ်သူ့ပစ္စည်းဆိုတာမျိူး အရင် ရှင်းပြပါ။ ပြီးမှ သူများပစ္စည်းမို့လို့ ယူလို့မရဘူး။ ကိုင်လို့ မရဘူး။ ဒါအစား ဘာတော့ ပေးမယ်ဆိုပြီး သဘောတူညီချက် ရယူပါ

ကစားလို့မရဘူး

တခါတလေ ဖြစ်တတ်ပါတယ်။ ကိုယ်က သွားရတော့မယ့် အချိန်ကပ်နေပြီ သူလေးက ဆော့ကောင်းတုန်းလေ။ ဒါမျိူးဖြစ်ရင် မကစားနဲ့တော့ ထ ထ ဆိုပြီး မဆူငေါက်ပါနဲ့။ သွားပြီး ပြန်လာရင် ဘာတွေကစားကြမယ်ဆိုတာကို ပြောရင်းနဲ့ သူ့ကို ခေါ်ပါ။ အခုတော့ ဒါတွေ ခဏသိမ်းထားပြီး ဘယ်အရင်သွားရမယ်။ သွားရင်လည်း ဘာတွေ တွေ့မယ်ဆိုတာကို ပြောရင်းနဲ့မှ စည်းရုံးပေးပါ

ဒီအပေါ်က အချက်တွေအားလုံးဟာ ပြောရတာလွယ်သလောက် လုပ်ရ အရမ်းခက်တာ အမေတိုင်း သိပါတယ်
တခါတည်းနဲ့ မရဘူးဆိုတာလည်း အသိပေးပါမယ်
အကြိမ်ကြိမ် ကြိုးစားပြီး ကိုယ့် ဒေါသကိုလျော့ပြီး ကလေးကို စည်းရုံးကြည့်ပါထူးခြားတာတွေ့ရမှာပါ
ကိုယ့်ကလေးမှ ဒီလိုဖြစ်တာမဟုတ်ပဲ ဖြစ်သင့်တဲ့ အရွယ်မို့ ဖြစ်တယ်ဆိုတာ အမြဲ သတိရပါ
ကိုယ်ဒေါသထွက်ပြီး ရိုက်နှက်လည်း ပြသနာက မပြီးသွားပဲ ကလေးရဲ့ ဉာဏ်ရည်တိုးတတ်မှု၊ ဖန်တီးနိုင်စွမ်း၊ စူးစမ်းချင်စိတ် ဒါတွေ လျော့ကျစေနိုင်လို့ အထူး သတိထားရမယ့် အရွယ်ဖြစ်ပါတယ်
အရေးကြီးတာက ကလေးတွေရဲ့ အနီးကပ် မိဘဟာ Good Listener ဖြစ်ဖို့ အရေးကြီးပါတယ်
ကလေးရဲ့ စိတ်ခံစားချက်တွေကို ဖော်ပြတဲ့အချိန်မှာ မပိတ်ပင်ပဲ စကားလုံးအမှန်ကို ရွေးချယ်ပြီး သင်ပေးပါ
သူတို့ပြောချင်တာကိုလည်း နားထောင်ပေးပါ

28/04/2024

မူကြိုက​လေးတို့အတွက်အားထားရမဲ့ဆရာမ​လေးများ ဆရာမကြီးများနဲ့အတူသင်တန်း​လေးတခု​အောင်မြင်စွာပြုလုပ်​ပေးနိုင်ခဲ့တဲ့ Baby Home preschool ​လေးမှာမှတ်တမ်းတင်

25/04/2024

Future Creations မှ ကလေးငယ်များ နှင့်ကျောင်းအုပ်ကြီးများ ဆရာ/မများ ကလေးပြုစုစောင့်ရှောက်သူများ နှင့် မိဘများအတွက် မြန်မာနှစ်သစ်ကူးကာလအချိန်ခါမှာ သင်တန်းလေးတစ်ခုနဲ့ စတင်မိတ်ဆက်လိုက်ပါတယ်။
ဒီသင်တန်းလေးကတော့ ကိုယ်စိတ်ကျန်းမာပျော်ရွှင်မှုကို ရရှိနိုင်ရန်အတွက် စိတ်ဖိတ်စီးမူများ အခက်ခဲများအကြား ကလေးသူငယ်များကို ဘယ်လိုပြုစုစောင့်စောင့်ရှောက်ကြမလဲ။စိတ်လူမူပိုင်းဆိုင်ရာ ပံပိုးကူညီမူတွေကို ဘယ်လိုလုပ်ပေးကြမည်ဆိုတာကို သိရှိနိုင်ရန်အတွက် 27/4/2024 မှ 28/4/2024 အထိ နည်းပညာမျှဝေမှု အစီစဥ်ကို အမှတ် (၁၇၄) (၁၀)မြောက် ရပ်ကွက် ရတနာပုံအိမ်ရာ ရတနာပုံ(၂) လမ်း သာကေတမြို့နယ်မှာ ပြုလုပ်မည်ဖြစ်ပါတယ်။သင်တန်းတွင်ပါဝင်ဆွေးနွေးရန်အတွက်စိတ်ဝင်စားတယ်ဆိုရင်....အောက်မှာရေးထားတဲ့ဖုန်းတွေကိုဆက်သွယ်ပြီးစာရင်းပေးလိုက်ပါနော်
ဆက်သွယ်ရမည့် ဖုန်းနံပါတ်တွေကတော့..

📞☎
Baby Home Pre-School
(09254070019.09 989339503)
Star Kids' Centre Pre-school
(095407881. 01 393278)
ဒေါ်သောင်းသောင်းမေ
(09250910669)
ဒေါ်ယဥ်ကျေး
(09798440535)

📚သင်တန်းမှာအောက်ပါအကြောင်းအရာတွေကိုဆွေးနွေးကြမယ်နော်📓...

(၁) Social Emotional Learning and Phycho-social Support (လူမူ-စိတ်ခံစားမူဆိုင်ရာ သင်ယူမှုများနှင့် စိတ်ပိုင်းဆိုင်ရာလူမူရေး ပံ့ပိုး ကူညီမှု)
(၂) Phycho-social wellbeing and Social and Emotional wellbeing ( စိတ်လူမှုပိုင်းဆိုင်ရာ ကျန်းမာပျော်ရွှင်စေခြင်းနှင့် လူမူ-စိတ်ခံစားမူဆိုင်ရာ ကျန်းမာပျော်ရွှင်စေခြင်း)
(၃) Reducing stress for children and teacher in the classroom(စာသင်ခန်းအတွင်း ကလေးနှင့်ဆရာမများအကြား စိတ်ဖိစီးမှု လျော့ချခြင်း)
(၄)Phycho-social support in the classroom(စာသင်ခန်းအတွင်း စိတ်လူမူပိုင်းဆိုင်ရာ ပံ့ပိုးကူညီမှု)
(၅)Social-emotional learning in the classroom(စာသင်ခန်းအတွင်း လူမူ-စိတ်ခံစားမူများကို ကောင်းမွန်စေရန်အတွက် သင်ယူလေ့လာခြင်း)

📣သင်တန်းပို့ချမည့်သူများ
ဒေါ်သောင်းသောင်းမေ ဦးစီအရာရှိ(အငြိမ်းစား) လူမူဝန်ထမ်းဦးစီး ဌာန
ဒေါ်ယဥ်ကျေး(Eccd freelance Trainer)
ဒေါ်ချစ်စုမွန်( Eccd freelence Trainer)

🏠 သင်တန်းနေရာ
Baby Home preschool
အမှတ်(၁၇၄) (၁၀) မြောက်ရပ်ကွက် ရတနာပုံအိမ်ရာ ရတနာပုံ(၂) လမ်း သာကေတမြို့နယ်။

📆 ၂၇.၄.၂၀၂၄(စနေနေ့) မှ ၂၈.၄.၂၀၂၄(တနင်္ဂနွေနေ့) ထိ

30/03/2024

14/03/2024

06/03/2024

မိမိကလေးများကိုလဲအောင်မြင်သောသူများဖြစ်အောင် ပြုစုပျိုးထောင်ပါ...

❤️Successful people....
အောင်မြင်သောသူများသည်

Read every day.
နေ့စဥ် စာဖတ်၏။

Compliment.
သူများကို ချီးကျူးပြောဆို၏။

Embrace change.
အပြောင်းအလဲကို လက်ခံ၏။

Forgive others.
သူများကို ခွင့်လွှတ်တတ်၏။

Talk about ideas.
အတွေးအခေါ်များကို ဆွေးနွေး၏။

Continuously learn.
အမြဲမပြတ် လေ့လာသင်ယူနေ၏။

Accept responsibility for their failures.
မိမိ၏ ကျရှုံးခြင်းအတွက် တာဝန်ယူ၏။

Have a sense of gratitude.
ကျေးဇူးသိတတ်၏။

Set goals and develop life plans.
ရည်မှန်းချက်ချပြီး ဘဝအတွက် စီမံကိန်းချလုပ်တတ်၏။

💔Unsuccessful people .....
မအောင်မြင်သော သူများမှာမူ

Watch TV every day.
နေ့စဥ် TV ကြည့်၏။

Criticize.
သူတပါးကို အပြစ်တင်ဝေဖန်တတ်၏။

Fear change.
အပြောင်းအလဲကို ကြောက်ရွံ့၏။

Hold a grudge.
အငြိုးကြီး၏။

Talk about people.
သူတပါးအကြောင်း ပြောတတ်၏။

Think they know it all.
မိမိကိုယ်ကို အကုန်သိသည်ဟု ထင်၏။

Blame others for their failures.
ကိုယ့်ကျရှုံးမှုအတွက် သူတပါးကို အပြစ်တင်တတ်၏။

Have a sense of entitlement.
မိမိမှာ ရပိုင်ခွင့်ရှိသူဟု အထင်ရောက်တတ်၏။

Never set goals.
ရည်မှန်းချက်လည်း ဘယ်တော့မှ မရှိကြပေ။

Photo credit to the original uploader.
With love,
Dr.Soe Than

16/02/2024

ဉာဏ်ရည်မသန်စွမ်း ကလေးငယ်တို့အတွက် နေအိမ်တွင်း ကစားခြင်းနဲ့ သင်ယူလေ့လာခြင်းမှာ ချောမွေ့စေဖို့ မိဘ အုပ်ထိန်းသူ၊ ပြုစုစောင့်ရှောက်သူတွေ ပံ့ပိုးပေးနိုင်တဲ့ နည်းလမ်းတွေကတော့ အောက်ပါအတိုင်း ဖြစ်ပါတယ်။

🔴 စကားလုံးတွေ၊ ရုပ်ပုံတွေ၊ သင်္ကေတတွေ ဒါမှမဟုတ် အရာဝတ္ထုတွေကို အသုံးပြုပြီး ပြောဆိုဆက်သွယ်ပါ။ မျက်လုံးချင်း ဆုံပြီး လက်ဟန်ခြေဟန် အမူအရာ အများအပြား အသုံးပြုပါ။

🟠 လမ်းညွှန်ချက်တွေ ပေးတဲ့အခါ ရိုးရှင်းတဲ့ ဘာသာစကားကို အသုံးပြုပါ။
လမ်းညွှန်းချက်တွေ ဒါမှမဟုတ် ရှင်းပြချက်တွေကို ထပ်ခါထပ်ခါ ပြောပေးပါ။ လမ်းညွန်ချက်တွေကို ရိုးရှင်းတဲ့ အဆင့်တွေ ခွဲပြီး ပြုလုပ်ပေးပါ။ နားလည်မှု ရှိ၊ မရှိလည်း မကြာခဏမေးမြန်းပါ။

🟡 ပြောဆိုဆက်သွယ်ရာမှာ ဘာသာစကားအသုံးပြုဖို့၊ လက်ဟန်အမူအရာ အသုံးပြုဖို့ ကလေးကို တိုက်တွန်း အားပေးပါ။

🔵 ကလေးကို ၎င်း စိတ်ဝင်စားတဲ့ ခေါင်းစဉ်တွေ၊ အကြောင်းအရာတွေနဲ့ စပ်လျဉ်းပြီး စကားစမြည် ပြောပါ။

🟣 ကလေးက အကူအညီ လိုအပ်ရင် ဘယ်လို တောင်းရမယ်ဆိုတာကို သဘောတူညီမှုရယူပါ။ (ဥပမာအားဖြင့် ရုပ်ပုံများပြသခြင်း၊ အမှတ်အသားများကို အသုံးပြုခြင်း)

🟢 ကလေးကို နည်းလမ်းအမျိုးမျိုးနဲ့ ပြန်လည်တုံ့ပြန်ခွင့်ပြုပါ။ (ညွှန်ပြခြင်း၊ လက်ဟန်ခြေဟန်၊ အမူအရာ၊ သင်္ကေတ၊ မျက်စိအကြည့် စသည်ဖြင့်)

🟤 ပြောဆိုဆက်သွယ်ရာမှာ ကလေး၏ ကြိုးပမ်းအားထုတ်မှုကို အားပေးအားမြှောက်ပြုပါ။ ကလေးက စကားပြောဖို့ ကြိုးစားတဲ့အခါ စိတ်ရှည်မှုရှိပါ။ ကလေးကို အမြန်ပြောဖို့ ဖိအားမပေးရပါ။

လုပ်‌ဆောင်ချက်ကို အပြီးသတ်နိုင်ဖို့ ကလေးကို အချိန်ပို‌ပေးပါ။ လုပ်ဆောင်ချက်တွေ အပြီးသတ်ဖို့ အတင်းအကြပ် မခိုင်းရပါ။ လုပ်ဆောင်ချက်တစ်ခု အပြီးသတ်တိုင်း ကလေးအား အားပေးချီးကျုးပါ။ (လက်ဖဝါးချင်းရိုက်ခြင်း၊ ဂုဏ်ပြုခြင်း စသည်ဖြင့်) လိုအပ်မယ်ဆိုရင် ကလေးကို အနားယူချိန် ပေးပါ။

🌸 ရန်ကုန်တိုင်းဒေသကြီးမှာ နေထိုင်တဲ့ အသက် ၃၈ နှစ်အရွယ် ဒေါ်နီနီချိုကတော့ အသက် ၁၆ နှစ်အရွယ် ဉာဏ်ရည်မသန်စွမ်း သားလေးအကြောင်းကို အခုလို ပြောပြခဲ့ပါတယ်။

ပထမတုန်းကတော့ ကိုယ့်သားဦးက ဉာဏ်ရည်မသန်စွမ်းကလေး ဖြစ်နေတော့ သူ့အတွက် စိတ်မကောင်းဖြစ်ရတာပေါ့။ ဒါပေမဲ့ နောက်ပိုင်းကျတော့ ကလေးကို ဘယ်လိုလုပ်ပေးရမလဲ ဆိုတာကို အွန်လိုင်းကနေ ရှာဖွေလေ့လာပြီး လိုက်လုပ်ပေးခဲ့တယ်။ မွေးစကနေ အသက် ငါးနှစ်အတွင်း သင်ပေးရင် ရနိုင်တယ်လို့ သိရတော့ စကားပြောတာ၊ အသံထွက်တာ၊ လက်လေ့ကျင့်ခန်းနဲ့ ပစ္စည်းတွေကိုင်တွယ်တာ၊ လမ်းလျှောက်တာကစပြီး သင်ပေးတယ်။ ကလေးကို ဘယ်သူတွေ ဘာပြောပြော ကြံ့ကြံ့ခံပြီး သားမျက်နှာကို ကြည့်ပြီး ကြိုးစားသင်ပေးတယ်။ သူ့အဖေကလည်း တတ်နိုင်သလောက် ပံ့ပိုးပေးပါတယ်။

ကလေး အသက် သုံးနှစ်ကျော်မှာ ကျောင်းစထားဖြစ်တယ်။ ကျောင်းထားထားပြီးပြီးချင်းပဲ ကလေးက တိုးတက်လာတယ်။ စနစ်တကျ ဖြစ်လာပါတယ်။ လုပ်ပေးရင် လုပ်ပေးသလောက် ရတယ်ပေါ့နော်။ ကိုဗစ်ကာလ မတိုင်ခင်ကတည်းက special needs မရှိတဲ့ ကလေးတွေနဲ့ အတူတူ တက်ရတဲ့ ပုဂ္ဂလိကကျောင်းမှာ ထားခဲ့တာပါ။ အခု Grade (4) တက်နေပါတယ်။ ပံ့ပိုးမှုတော့ များများပေးရတယ်။

မနှစ်တုန်းကတော့ ကလေးကို အိမ်မှာ ကစားရင်းနဲ့ပဲ စာသင်ပေးခဲ့တယ်။ ဒါပေမဲ့ ကလေးက သူ့ပတ်ဝန်းကျင် ပျောက်ပြီး တစ်ယောက်တည်း ဖြစ်သလို ခံစားရတယ် ထင်ပါတယ်။ အပြင်ထွက်ချင်တယ်ဆိုပြီး မကြာခဏ ပြောလာတာပေါ့။ ဒါနဲ့ ဒီနှစ် ဩဂုတ်လက စပြီး ကျောင်းပြန်ထားလိုက်တယ်။ ကျောင်းနဲ့ အဆက်ပြတ်သွားလို့ အဆင်ပြေပါ့မလားလို့ ထင်ခဲ့ပေမယ့် တက်တက်ကြွကြွ ပြန်ဖြစ်လာပြီး သူ့ပတ်ဝန်းကျင်ထဲကို ပြန်ရောက်သွားသလို ပျော်လာတာ။ Special Needs ကလေးဆိုတော့ ကျောင်းစာတွေ မလိုက်နိုင်မှာကို ကျွန်မလည်း စိုးရိမ်ခဲ့တာပေါ့နော်။ ဒါပေမဲ့ ကျောင်းမှာ ဆရာတွေက ဂရုစိုက်သင်ပေးတယ်။ သင်ခန်းစာတွေကို အစကနေ ပြန်ပြီး သင်ပေးတယ်။ ကလေးကတော့ ပထဝီ၊ သမိုင်း၊ သိပ္ပံ သင်တဲ့အခါ အခက်အခဲ နည်းနည်း ရှိပါတယ်။ ဒါပေမဲ့ ကျောင်းမသွားချင်ဘူးဆိုတာ မရှိဘူး။ သူ ကြိုးစားပြီးတော့ သင်ယူနေလို့ ကျွန်မတို့ ဝမ်းသာရတယ် 🌸

(*အမည်ရင်းကို လွှဲပြောင်းအသုံးပြုထားပါသည်)