EFG International Preschool & Learning Centre - North Dagon Campus

https://www.facebook.com/share/1Dp564bFxc/?mibextid=wwXIfr

ကလေးတစ်ယောက်က အတန်းထဲမှာ မသင်ခင် …
အိမ်မှာ စာကို ကိုယ်တိုင်ကြိုဖတ်ထားတာ၊ ကြိုတင်လေ့လာထားတာဟာ ကောင်းတဲ့အလေ့အထ ဖြစ်နိုင်ပေမဲ့ …
ချဉ်းကပ်ပုံ မမှန်ရင် ဒါမှမဟုတ် လွန်ကဲသွားရင် အောက်ပါဆိုးကျိုးတွေ ကြုံရတတ်ပါတယ်။

*********************************************************

၁။ အတန်းထဲတွင် အာရုံစူးစိုက်မှု
(Attention Span) လျော့နည်းသွားခြင်း

ကလေးက အိမ်မှာ စာကို အကုန်ကြိုဖတ်၊ အကုန်တွက်ထားပြီးသား ဖြစ်နေတဲ့အတွက် ဆရာမက အတန်းထဲမှာ ပြန်ရှင်းပြတဲ့အခါ "ငါဒါတွေ သိပြီးသားပဲ၊ ပျင်းစရာကြီး" ဆိုပြီး စိတ်ကူးယဉ်နေတာ၊ ဘေးကလူကို စကားပြောတာမျိုးတွေ လုပ်လာတတ်ပါတယ်။ ဒါဟာ အတန်းထဲမှာ အာရုံစိုက်ရမယ့် အလေ့အထကောင်းကို ပျက်စီးစေပါတယ်။

၂။ အပေါ်ယံပဲ သိခြင်း
(Superficial Learning)

ကလေးကိုယ်တိုင် ကြိုဖတ်ထားတဲ့အခါ ဒါမှမဟုတ်
ကျူရှင်မှာကြိုသင်ထားတာမျိုးဟာ
အကြောင်းအရာတစ်ခုကို မျက်စိထဲမြင်ရုံ၊ အပေါ်ယံလောက်ပဲ နားလည်ထားတာမျိုး ဖြစ်နိုင်ပါတယ်။ ဒါကို သူက "ငါအကုန်တတ်ပြီ" လို့ ထင်မှတ်သွားတဲ့အတွက် ဆရာမက အတန်းထဲမှာ အသေးစိတ်အချက်အလက်တွေ၊ သီအိုရီနောက်ကွယ်က အနှစ်သာရတွေကို သေသေချာချာ ရှင်းပြတဲ့အခါ သေချာဂရုမစိုက်ဘဲ ကျော်သွားတတ်ပါတယ်။ ရလဒ်အနေနဲ့ စာကို သေချာ နှံ့နှံ့စပ်စပ် မသိဘဲ ဖြစ်ကျန်ခဲ့တတ်ပါတယ်။

၃။ အမှားကို ပြင်ရခက်ခြင်း
(Unlearning Incorrect Concepts)

အိမ်မှာ မိဘက မှားသင်ပေးမိတာပဲဖြစ်ဖြစ်၊ ကလေးကိုယ်တိုင် ဖတ်ရင်း မှားယွင်းပြီး နားလည်မှတ်သားထားတာပဲဖြစ်ဖြစ် ရှိခဲ့ရင် ကျောင်းရောက်တဲ့အခါ အဲဒီအယူအဆအမှားကို ခေါင်းထဲကနေ ပြန်ထုတ်ဖို့ (Unlearn လုပ်ဖို့) တော်တော်ခက်ခဲသွားတတ်ပါတယ်။ ကိုယ်သိထားတာက အမှန်လို့ပဲ အသေဆုပ်ကိုင်ထားတတ်လို့ပါ။

၄။ စိတ်မရှည်ခြင်းနှင့် ဘဝင်မြင့်ခြင်း
(Impatience & Overconfidence)

အတန်းထဲမှာ ဆရာမက တခြားနားမလည်သေးတဲ့ ကလေးတွေကို ဖြည်းဖြည်းချင်း အကြိမ်ကြိမ် ရှင်းပြနေရတဲ့အခါ ကြိုသိနေတဲ့ ကလေးက စိတ်မရှည် ဖြစ်လာတတ်ပါတယ်။ တခြားသူငယ်ချင်းတွေကိုလည်း "ဒါလေးတောင် မသိဘူး" ဆိုပြီး အထင်သေးတဲ့စိတ် သို့မဟုတ် ဘဝင်မြင့်တဲ့စိတ် စတင်ဝင်လာနိုင်ပါတယ်။

၅။ သင်ယူမှုကို ရိုးအီသွားခြင်း
(Burnout & Loss of Curiosity)

ပညာသင်တယ်ဆိုတာ "အသစ်အဆန်းတွေကို ရှာဖွေတွေ့ရှိရတဲ့ ပျော်ရွှင်မှု (Joy of Discovery)" ရှိရပါမယ်။ ကျောင်းမသွားခင်ကတည်းက စာတွေကို အတင်းအကျပ် ကြိုလုပ်ခိုင်းထားရင် ကျောင်းရောက်တဲ့အခါ ရင်ခုန်စိတ်လှုပ်ရှားစရာ မရှိတော့ဘဲ စာသင်ရတာဟာ စက်ရုပ်လို လုပ်ရိုးလုပ်စဉ်ကြီးတစ်ခုလို ဖြစ်သွားပြီး ရေရှည်မှာ စာသင်ရတာကို ငြီးငွေ့သွားတတ်ပါတယ်။

*********************************************************

အထူးသတိပေးချင်တာကတော့
ကလေးကို စာကြိုလုပ်ခိုင်းတဲ့အခါ "အကုန်အလွတ်ရအောင် လုပ်ခိုင်းခြင်း" မဟုတ်ဘဲ "စိတ်ဝင်စားမှု လှုံ့ဆော်ပေးရုံ (Warming up)" ပဲ ဖြစ်သင့်ပါတယ်။

စာကြိုသင်ခြင်းနဲ့ ကျူရှင်ယူခြင်းဟာ ကလေးတစ်ယောက် တကယ်လိုအပ်နေတဲ့ အားနည်းချက်ကို ဖြည့်ဆည်းဖို့အတွက်လောက်သာ ဖြစ်သင့်ပါတယ်။

သူများတွေထားလို့ လိုက်ထားတာမျိုးမဟုတ်ဘဲ ကလေးရဲ့ အနားယူချိန်နဲ့ ပျော်ရွှင်စရာ ကလေးဘဝကို မပျောက်ဆုံးအောင် မိဘတွေအနေနဲ့ ချင့်ချိန်မျှတပေးဖို့ အရေးကြီးပါတယ်။

ချစ်တဲ့ချယ်မေမေ(EFG)

ရာသီတုပ်ကွေး ကာကွယ်ဆေး လက်ကျန်လေးတွေ😊