ဉာဏ Empowers

🇲🇾 မလေးရှားနိုင်ငံ၏ YPC International College တွင် Liverpool John Moores University- UK ၏ Foundation Year တက်ရောက်မည့် မြန်မာနိုင်ငံမှ ကျောင်းသူကျောင်းသားများ၏ မှတ်တမ်းဓာတ်ပုံများကို ဝေမျှအပ်ပါသည်။

🇬🇧 ယူကေနိုင်ငံ Liverpool John Moores University ၏ တန်းခွဲများကို စရိတ်စက အသက်သာဆုံးဖြင့် မလေးရှားနိုင်ငံ YPC International College တွင် Foundation မှစတင်၍ ဘွဲ့ရရှိသည်အထိ တက်ရောက်နိုင်ပါသည်။ Liverpool John Moores University သည် ယူကေနိုင်ငံ ထိပ်တန်းတက္ကသိုလ် ၅၀* စာရင်းဝင် တက္ကသိုလ်တစ်ခု ဖြစ်ပါသည်။

✅စနစ်ဟောင်း ၁၀ တန်း၊ စနစ်သစ် ၁၂ တန်း၊ GCE O အောင်မြင်ထားသူများအနေဖြင့် Foundations Year သို့လည်းကောင်း၊
GCE A, GED အောင်မြင်ထားသူများအနေဖြင့် Year 1 သို့လည်းကောင်း၊
UK HND/ Level 5 Diploma အောင်မြင်ထားသူများအနေဖြင့် နောက်ဆုံးနှစ် Top-Up Year သို့လည်းကောင်း တက်ရောက်နိုင်မည်ဖြစ်ပါသည်။

အသေးစိတ် သိရှိလိုပါက
ဉာဏစွမ်းပကား | Nyarna Empowers
YPC International College
Myanmar Representative Office

09 750059926
၉၀၃၊ မောရဝတီကွန်ဒို
၁၃၅၊ ပြည်လမ်း၊ ၈ မိုင်၊ (မဟာစည်မှတ်တိုင်)၊ ရန်ကုန်
ရုံးချိန် နေ့စဉ် နံနက် ၉း၀၀ နာရီမှ မွန်လွဲ ၃း၀၀ နာရီအထိ

ဗုဒ္ဓဘာသာဝင်တို့၏ အထွဋ်အမြတ်ထားရာ နေ့ထူးနေ့မြတ်ဖြစ်သည့် ကဆုန်လပြည့်နေ့ (ဗုဒ္ဓနေ့) အထိမ်းအမှတ်အခါသမယတွင် ဝေနေယျသတ္တဝါများအားလုံး စိတ္တသုခ၊ ကာယသုခ သုခအဖြာဖြာနှင့် ပြည့်စုံပါစေကြောင်း ဆုတောင်းမေတ္တာ ပို့သအပ်ပါသည်။

ဉာဏစွမ်းပကား | Nyarna Empowers

ဉာဏစွမ်းပကားသည် ၂၀-၄-၂၀၂၆ ရက်နေ့ (တနင်္လာနေ့) မှအစပြု၍ ပုံမှန်အတိုင်း ဝန်ဆောင်မှုလုပ်ငန်းများ စတင်ဆောင်ရွက်နေပြီဖြစ်ပါကြောင်း အသိပေးကြေညာအပ်ပါသည်။

ဉာဏစွမ်းပကား၏ ရုံးခန်းကို တနင်္လာနေ့မှ သောကြာနေ့ နံနက် ၉း၀၀ နာရီမှ နေ့လယ် ၃း၀၀ နာရီအထိ ( စနေ၊ တနင်္ဂနွေနှင့်အများပြည်သူရုံးပိတ်ရက်များမှအပ) ဖွင့်လှစ်ကာ ဝန်ဆောင်မှုပေးအပ်မည်ဖြစ်ပါသည်။

ဉာဏစွမ်းပကား | Nyarna Empowers

ရုံးပိတ်ရက်ကြေညာခြင်း
=================

ဉာဏစွမ်းပကားသည် ၁၁-၄-၂၀၂၆ မှ ၁၉-၄-၂၀၂၆ ထိရုံးပိတ်ရက်သတ်မှတ်ထားပြီး ၂၀-၄-၂၀၂၆ ရက်နေ့တွင် ဝန်ဆောင်မှု လုပ်ငန်းများပြန်လည်ဆောင်ရွက်မည်ဖြစ်ပါသည်။

ဉာဏစွမ်းပကား

ဉာဏစွမ်းပကား၊ Athena Community Vocational College နှင့် Living Water တို့ ပူးပေါင်းဆောင်ရွက်သည့် ဉာဏ်ရည်မသန်စွမ်း ဆယ်ကျော်သက်လူငယ်များ သက်မွေးသင်တန်း သင်တန်းပြီးမြောက်ကြောင်းလက်မှတ်များ ချီးမြှင့်ခဲ့ခြင်း

ဉာဏ်ရည်မသန်စွမ်း ဆယ်ကျော်သက်လူငယ်များအနေဖြင့် သက်မွေးပညာရပ်များ သင်ကြားကာ စားသောက်ကုန်များ ထုတ်လုပ်ရောင်းချနိုင်သည်အထိ ရည်ရွယ်၍ "အခြေခံစားသောက်ကုန်ပြင်ဆင်ခြင်းသင်တန်း" တစ်ရပ်ကို ၂၀၂၆ခုနှစ် ဇန်နဝါရီလနှင့် ဖေဖော်ဝါရီလများတွင် ရက်သတ္တပတ် (၈) ပတ်ကြာ Athena Community Vocational College က မေတ္တာဖြင့် ပို့ချပေးခဲ့ပါသည်။

ယင်းသင်တန်းတွင် Sandwich အမျိုးမျိုး၊ Burger နှင့် Hotdog များ ပြင်ဆင်ခြင်းနှင့် ကွတ်ကီးမုန့်ဖုတ်ခြင်း တို့ကို လေ့ကျင့်သင်ကြား ပို့ချပေးခဲ့ပါသည်။

ယင်းသင်တန်းတွင် ပါဝင်တက်ရောက်ခဲ့သည့် ဉာဏ်ရည်မသန်စွမ်း ဆယ်ကျော်သက်လူငယ် (၉) ဦးကို အောင်လက်မှတ်များလည်း ချီးမြှင့်ခဲ့ပါသည်။

ယခုအခါ သင်တန်းဆင်း ဉာဏ်ရည်မသန်စွမ်းဆယ်ကျော်သက်လူငယ်များ အနေဖြင့် အစားအသောက်နှင့် မုန့်ထုတ်လုပ်ခြင်း အသေးစား အိမ်တွင်းမှု လုပ်ငန်းတစ်ခု ထူထောင်ရန် Living Water ၏ ဦးဆောင်မှုဖြင့်ဆက်လက်ဆောင်ရွက်လျက်ရှိပါသည်။

ယခုအစီအစဉ်ကို ဉာဏစွမ်းပကားက ဂုဏ်ယူစွာဖြင့် ပံ့ပိုးကူညီခဲ့ပါသည်။

ဉာဏစွမ်းပကား | Nyarna Empowers

💙💛ဉာဏစွမ်းပကားသည် “အထီးကျန်ဆန်မှုကို အတူတကွ တိုက်ဖျက်ကြ” ဆိုတဲ့ ယခုနှစ်ဆောင်ပုဒ်အတိုင်း ဒေါင်းဆင်ဒရုန်းရှိသူများအပါအဝင် ဉာဏ်ရည်မသန်စွမ်း ဆယ်ကျော်သက် လူငယ်များကို ချန်လှပ်မထားဘဲ ကိုယ်တိုင်ကိုယ်ကျ လူမှုစီးပွားဘဝ ဖွံ့ဖြိုးတိုးတက်အောင် ဆောင်ရွက် လာနိုင်စေရန်ရည်ရွယ်၍ ရေရှည်အကျိုးရှိမည့် အသက်မွေးဝမ်းကြောင်းပညာရပ်တစ်ခုဖြစ်သော မုန့်အမျိုးမျိုးပြုလုပ်ခြင်းနှင့် ကွတ်ကီးပြုလုပ်ခြင်း သင်တန်းများကို ရက်သတ္တပတ် ၈ ပတ်ကြာ မိတ်ဖက် ပညာရေးလုပ်ငန်းများဖြစ်သော Athena Community Vocational College နှင့် Living Water တို့နှင့် ပူးပေါင်းကာ ဆောင်ရွက်လျက်ရှိပါတယ်။ 🤝🍪

ယနေ့ကျရောက်သော ဒေါင်းဆင်ဒရုန်းအထိမ်းအမှတ်နေ့အဖြစ် အဆိုပါ သင်တန်းပုံရိပ်များကို ဝေမျှအပ်ပါသည်။

ဉာဏစွမ်းပကား | Nyarna Empowers:

Eid Mubarak to all! 🌙✨
May this special day bring peace, happiness and prosperity to everyone.
ယနေ့ကျရောက်သော အစ္စလာမ်ဘာသာဝင်များ၏ “Eid Al- Fitr” အခါသမယတွင် ငြိမ်းချမ်းခြင်း၊ ပျော်ရွှင်ခြင်း၊ ကြွယ်ဝခြင်းများဖြင့် ပြည့်စုံကြပါစေကြောင်း ဆုမွန်ကောင်းတောင်းအပ်ပါသည်။

ဉာဏစွမ်းပကား

"ကမ္ဘာမြေကို ကယ်တင်မယ်" လို့ ခဏခဏ ကြားဖူးကြပေမယ့် တကယ့်အပြောင်းအလဲဆိုတာ ကိုယ့်ရဲ့ ပတ်ဝန်းကျင်၊ ကိုယ့်ရဲ့ စာသင်ခန်းနဲ့ ကိုယ့်ရဲ့ နေ့စဉ်အသက်ရှင်နေထိုင်မှုတွေကနေ စတင်တာပါ။

ဒီကနေ့ မတ်လ (၁၈) ရက်နေ့ဟာ ကမ္ဘာတစ်ဝန်းလုံးမှာရှိတဲ့ အရင်းအမြစ်တွေကို အကျိုးရှိရှိ ပြန်လည်အသုံးချဖို့ တိုက်တွန်းနှိုးဆော်တဲ့ "Global Recycling Day" ဖြစ်ပါတယ်။ ♻️

အပြောင်းအလဲတစ်ခုဖြစ်ဖို့ အရာရာ ပြီးပြည့်စုံနေစရာမလိုပါဘူး... နေ့စဉ်ဘဝမှာ သတိလေးထားပြီး လုပ်ဆောင်သွားဖို့ပဲ လိုအပ်ပါတယ်။

📚 စာအုပ်ဟောင်းလေးတွေကို ပြန်သုံးတာဖြစ်ဖြစ်၊
💧 ပလတ်စတစ်ဘူးခွံလေးတွေကို ခွဲခြားပစ်တာဖြစ်ဖြစ်၊
☕ မနက်ခင်း လက်ဖက်ရည်သောက်ဖို့ ကိုယ်ပိုင်ခွက်လေး ယူသွားတာဖြစ်ဖြစ်...

ဒီလို သေးငယ်တဲ့ လုပ်ဆောင်ချက်တိုင်းက တကယ်ကို အရေးပါပါတယ်။ ✨

ကျွန်တော်တို့ မှီတင်းနေထိုင်တဲ့ ကမ္ဘာမြေကြီးကို အတူတကွ စောင့်ရှောက်ကြပါစို့။ 💚🌱

နေ့စဉ်ဘဝမှာ ပြုလုပ်ဖြစ်တဲ့ ရိုးရှင်းတဲ့ recycling အလေ့အကျင့်လေးတစ်ခုကို ကွန်မန့်မှာ မျှဝေပေးသွားပါဦး! 👇🗣️

🎓 မြောက်ပိုင်းချင်းမိုင်တက္ကသိုလ်နှင့် KMD College တို့ ပူးပေါင်း၍ “AI in Organizations: How AI Changes Work, People and Business” ခေါင်းစဉ်ဖြင့် အထူးပို့ချမှု တစ်ရပ် ဆောင်ရွက်ခဲ့ခြင်း

🏫 မြောက်ပိုင်းချင်းမိုင်တက္ကသိုလ် (North-Chiang Mai University) နှင့် KMD College တို့အကြား ပညာရေးပူးပေါင်းဆောင်ရွက်မှု အဖြစ် “AI in Organizations: How AI Changes Work, People and Business” ခေါင်းစဉ်ဖြင့် အခမဲ့ သင်ကြားပို့ချမှု တစ်ရပ်ကို ၇-၃-၂၀၂၆ ရက်နေ့တွင် KMD College ၌ ကျင်းပရာ မြောက်ပိုင်းချင်းမိုင်တက္ကသိုလ်၏ ပါရဂူဘွဲ့တန်းများကို သင်ကြားပို့ချလျက်ရှိသည့် Dr. Pongsiri Kamkankaew က ဦးဆောင်ဆွေးနွေး ဟောပြောခဲ့ပါသည်။

🤖 ယင်းသို့ဟောပြောပို့ချရာတွင် AI သည် စီးပွားရေးလုပ်ငန်းများ၏ ပြဿနာများကို ကူညီဖြေရှင်းပေးရန် မဟာဗျူဟာကျကျ လက်တွေ့အသုံးချရန် ဖြစ်ပြီး AI ရေစီးကြောင်းတွင် စီးမျောရန် (သို့) ခေတ်ပေါ်ဖက်ရှင်တစ်ခု သပ်သပ်မဟုတ်ကြောင်း

📊 AI က မည်သည့်စိန်ခေါ်မှုများကို ဖြေရှင်းစေမည် ကို တိကျသည့် မဟာဗျူဟာမြောက် စီမံချက်များ ရေးဆွဲရန် လိုအပ်ကြောင်း

🎯 AI ကို automation သီးသန့်အသုံးပြုခြင်းမျိုးမဟုတ်ဘဲ ပိုမိုထိရောက်ကောင်းမွန်သည့် စီမံချက်များချမှတ်ခြင်း၊ အားကောင်းသော စီမံကိန်းလက်တွေ့အကောင်အထည်ဖော်ခြင်းများအတွက် အသုံးချသင့်ကြောင်း

🚀 စက်ပစ္စည်းကရိယာများကို လူသားများက စွမ်းဆောင်ရည်မြှင့်တင်ရန် အသုံချခဲ့သည့်အလျောက် AI နည်းပညာကိုလည်း အကျိုးရှိစွာ အသုံးချသင့်ကြောင်း

⚙️ သို့ရာတွင် AI ကို လွန်ကဲစွာ မှီခိုခြင်းသည် ဦးနှောက်လုပ်ဆောင်ချက်များကို ပိတ်ပင်လိုက်ပြီး ဆင့်ကဲတွေးခေါ်ဆုံးဖြတ်မှုများကို ဟန့်တားကြောင်း

🧠 AI အနေဖြင့် သန့်စင်ပြီး ယုံကြည်စိတ်ချရသော အချက်အလက်များလိုအပ်ချက်များအကြောင်း

🛡️ AI သည် အလုပ်အကိုင်အခွင့်အလမ်းများကို လျှော့ချခြင်းမျိုးမဟုတ်ဘဲ ကုန်ကျစရိတ်များ ပိုမိုလျော့နည်းစေခြင်းသာ ဖြစ်ကြောင်း

💰 ထို့အပြင် AI သည် လုပ်ငန်းများကို ပိုမိုတွင်ကျယ်လာစေရန် အသုံးချသည့် လက်နက်တစ်ခုသာဖြစ်ကြောင်း

🛠️ လူသားများအနေဖြင့် AI ကိုအသုံးပြုပြီး စွမ်းဆောင်ရည် အမြင့်ဆုံးရရှိရန် ဆောင်ရွက်ရမည်ဖြစ်ကြောင်း အစရှိသဖြင့် ဆွေးနွေးပို့ချခဲ့ပါသည်။

🌟 မြောက်ပိုင်းချင်းမိုင်တက္ကသိုလ်၊ မြန်မာပြည်ဌာနေကိုယ်စားလှယ်ရုံး၏ မိခင်ကုမ္ပဏီဖြစ်သော ဉာဏစွမ်းပကားအနေဖြင့် မြန်မာနိုင်ငံမှ ကျောင်းသား၊ ကျောင်းသူများအတွက် အကျိုးဖြစ်ထွန်းစေမည့် သင်တန်း၊ ဆွေးနွေးပွဲများကို အခါအားလျော်စွာ မိတ်ဖက်ပညာရေးအဖွဲ့အစည်းများနှင့်အတူ ဂုဏ်ယူစွာဖြင့် ဆောင်ရွက်လျက်ရှိပါသည်။ 🤝🇲🇲

🏢 ဉာဏစွမ်းပကား

‌

UK ဘွဲ့ဒီဂရီများကို မလေးရှားနိုင်ငံတွင် စရိတ်စက အသက်သာဆုံးဖြင့် တက်ရောက်နိုင်မည့် ပညာရေးဆွေးနွေးပွဲ

UK နိုင်ငံ Liverpool John Moores University ၏ ဘွဲ့ကြိုတန်းများကို နှစ်ပေါင်း ၂၀ ကျော်ကြာ ပို့ချလျက်ရှိသည့် လေးရှားနိုင်ငံ YPC International College တွင်

✅Foundation Program မှ BSc. (Hons) တန်းများ အထိ တက်ရောက်နိုင်မည့် အခွင့်အရေးများ၊
✅HND Diploma ကိုင်ဆောင်သူများအနေဖြင့် Top-Up Degree တက်ရောက်နိုင်မည့် အခွင့်အရေးများ၊
✅မိမိနှစ်သက်ရာ ပညာသင်နှစ်တွင် UK Campus သို့ပြောင်းရွှေ့တက်ရောက်နိုင်မည့် အခွင့်အလမ်းများ၊
✅ဒုတိယနှစ်/ တတိယနှစ်များတွင် ကိုရီးယားနိုင်ငံသို့ ပြောင်းရွှေ့တက်ရောက်နိုင်မည့် အခွင့်အလမ်းများ စသည်တို့ကို

YPC International College ၏ Principal ဖြစ်သူ Dr. Noel Robert ကိုယ်တိုင် ရှင်းလင်းပြောကြားမည့် ပညာရေးဆွေးနွေးပွဲကို အောက်ပါအတိုင်း စီစဥ်ထားရှိပါသည်-

နေ့ရက် - ၂၀၂၆ ခုနှစ် မတ်လ ၁ ရက် (တနင်္ဂနွေနေ့ )
အချိန် -‌ နေ့လည် ၁နာရီ
လိပ်စာ - KMD College
အမှတ် ၃၃၁၊ ပြည်လမ်း ၊မြေနီကုန်း၊ စမ်းချောင်းမြို့နယ်၊ ရန်ကုန်မြို့ ။

🏮新年快乐🏮

“မင်္ဂလာရှိသောနှစ်သစ်အခါသမယ ဖြစ်ပါစေကြောင်း ဆုမွန်ကောင်းတောင်းအပ်ပါသည်။”

ဉာဏစွမ်းပကား