28/03/2021
ရတဲ့နည်းလမ်းအားလုံနဲ့တော်လှန်ကြမယ်။
၃၀ရက်နေ့ #အမှိုက်သပိတ်
Clean Yangon က အမှိုက်သပိတ်ပြုလုပ်ဖို့ တိုက်တွန်း
===============================
လာမဲ့ မတ်လ (၃၀)ရက်နေ့ကို အမှိုက်သပိတ်နေ့အဖြစ် စစ်အာဏာရှင်ကိုဆန့်ကျင်ကြောင်း၊ အလိုမရှိကြောင်းကို လွှင့်ပစ်ရမယ့် အမှိုက်တွေနဲ့ သပိတ်တစ်ခု ဆင်နွှဲဖို့ Clean Yangon ကတောင်းဆိုလိုက်ပါတယ်။
“ဒီသပိတ်က အိမ်ရှင်မများအပါအဝင် လူတန်းစားမျိုးစုံက တက်တက်ကြွကြွ ပါဝင်ဆင်နွှဲလို့ရပါတယ်။အာဏာလုစစ်ကောင်စီရဲ့ ယန္တရားပျက်ယွင်းစေဖို့ နည်းလမ်းမျိုးစုံနဲ့ ဆန့်ကျင်တွန်းလှန်နေရပါ့မယ်။ မိမိတို့အိမ်က ပစ္စည်းအဟောင်းများ နှင့် ထွက်ရှိသမျှ မီးဖိုချောင်အမှိုက်အပါအဝင် အမှိုက်မျိုးစုံကို အိတ်ဖြင့်ထည့်ပီးမီးပွိုင့်လမ်းဆုံနဲ့ ကားလမ်းမများမှာ သွားချပေးပါ။
(လူနေအိမ်တွေနဲ့အလှမ်းဝေးရင်ပိုကောင်းပါတယ်။)
မနက်အစောပိုင်း (စောလေအန္တရာယ်ကင်းလေ)
တစ်အိမ်တစ်ယောက် အမှိုက်တစ်ထုပ်သာပါဝင်ပေးရင် စစ်အုပ်စုလိုလားတဲ့ ပုံမှန်အခြေအနေအတိုင်း သွားလာနေကြပါတယ်ဆိုတာမျိုးကို အနည်းနဲ့အများ ထိခိုက်စေမှာပါ။
ပြည်သူ့အာဏာ ပြည်သူတွေပြန်ရတဲ့အခါ ကျွန်တော်တို့တွေက ဘယ်လောက်ထိစည်းကမ်းရှိကြောင်းပြန်ပြကြတာပေါ့” လို့ Clean Yangon ကသူ့ရဲ့ လူမှုကွန်ယက် စာမျက်နှာပေါ်မှာ ရေးသားထားပါတယ်။
ပြည်သူတွေအနေနဲ့ အမှိုက်သပိတ်ကို ပူးပေါင်းပါဝင်ပေးကြဖို့နဲ့ လက်ဆင့်ကမ်းပြောပြပေးကြဖို့ကိုလဲ တောင်းဆိုထားပါသေးတယ်။
#အမှိုက်သပိတ်
#အရေးတော်ပုံအောင်ရမည်။
