Japan Ready Functions Training School

ဒီနေ့မှာတော့ ဂျပန်နိုင်ငံကို သွားရောက်ဖို့ ကြိုးစားနေတဲ့ 皆さん တို့အတွက် ဂျပန်ရောက်ရင် လိုက်နာရမယ့် အခြေခံ စည်းကမ်းချက်လေးတွေကို ပြောပြပေးချင်ပါတယ်။ ဒီစည်းကမ်းတွေကို သိထား၊ လိုက်နာထားမှသာ ဂျပန်မှာ အဆင်ပြေပြေ၊ အေးအေးချမ်းချမ်းနဲ့ နေထိုင်နိုင်မှာပါ။
ဂျပန်မှာ အဓိကထားတာကတော့ "သူတစ်ပါးကို အနှောင့်အယှက်မဖြစ်စေဖို့" ပဲ ဖြစ်ပါတယ်။
________________________________________
1. 🚇 အများပြည်သူဆိုင်ရာ သယ်ယူပို့ဆောင်ရေး (Public Transport) တွင် ရှောင်ရန် 🙅‍♀️

ဂျပန်ရထားများနှင့် ဘတ်စ်ကားများပေါ်တွင် အောက်ပါတို့ကို လုံးဝရှောင်ကြဉ်ပါ။
• ❌ အသံကျယ်လောင်စွာ စကားပြောခြင်း/ဖုန်းပြောခြင်း
သတိပြုရန်: ဖုန်းကို Silent Mode (Manner Mode) ထားပြီး စကားပြောခြင်းကို ရှောင်ပါ။ ဘေးလူကို အနှောင့်အယှက်ဖြစ်စေပါတယ်။
• ❌ ကျောပိုးအိတ်ကို ကျောတွင်လွယ်ထားခြင်း
သတိပြုရန်: လူကျပ်နေပါက ကျောပိုးအိတ်ကို ရှေ့သို့လွယ်ထားပါ သို့မဟုတ် ကိုင်ထားပါ။ မဟုတ်ပါက အခြားသူကို တိုက်မိနိုင်လို့ပါ။
• ❌ တန်းစီခြင်းကို မလိုက်နာခြင်း/တိုးဝှေ့ခြင်း
သတိပြုရန်: ရထားစောင့်သည့်အခါ သတ်မှတ်ထားသောနေရာတွင် စနစ်တကျ တန်းစီပြီး ရထားထဲက လူများ အရင်ထွက်ခွင့်ပေးပါ။
• ❌ ရထားပေါ်တွင် အစားအသောက်စားခြင်း
သတိပြုရန်: ရိုးရိုးခရီးတိုရထားပေါ်တွင် အစားအသောက်စားခြင်းကို ရှောင်ပါ။ (ရထားရှည်ခရီးမှအပ)
________________________________________
2. 🍜 စားသောက်ခြင်းဆိုင်ရာ အမူအကျင့်များ 🍚

စားပွဲပေါ်မှာရော၊ အပြင်မှာပါ လိုက်နာရမယ့် စည်းကမ်းတွေပါ။
• ❌ ပန်းကန်ထဲတွင် တူကို ထောင်စိုက်ထားခြင်း
အလွန်အရေးကြီး: ဂျပန်အသုဘအခမ်းအနားနှင့် ဆက်စပ်သောကြောင့် လုံးဝရှောင်ပါ။
• ❌ တူချင်း အစားအစာ လွှဲပေးခြင်း
အလွန်ရိုင်းပြ: ၎င်းသည်လည်း အသုဘအခမ်းအနား ဓလေ့တစ်ခုဖြစ်သောကြောင့် ရှောင်ပါ။
• ❌ လမ်းလျှောက်ရင်း စားသောက်ခြင်း
သတိပြုရန်: ဝယ်ယူသည့်ဆိုင်အနီး သို့မဟုတ် သတ်မှတ်နေရာတွင်သာ ရပ်၍ စားသောက်ပါ။ (ရေ သို့မဟုတ် အချိုရည်သောက်ခြင်းကိုမူ ခွင့်ပြုသည်)
• ❌ အကြံပေးငွေ (Tipping) ပေးခြင်း
သတိပြုရန်: ဂျပန်တွင် Tipping ဓလေ့မရှိပါ။ ပေးပါက ဝန်ထမ်းကို ရှုပ်ထွေးစေခြင်း သို့မဟုတ် စော်ကားရာရောက်သည်ဟု ယူဆနိုင်ပါတယ်။
✅ မှတ်သားရန်: ခေါက်ဆွဲ သို့မဟုတ် ဟင်းချိုကို မြည်အောင် စုပ်သောက်ခြင်း (Slurping) သည် အရသာရှိကြောင်း ပြသခြင်းဖြစ်ပြီး လက်ခံသည်!
________________________________________
3. 🏡 အိမ်နှင့် အများသုံးနေရာ မဏ္ဍိုင်များ (Indoor & Public Spaces) ⛩️
• ❌ အိမ်တွင်းနှင့် တာတာမီ (Tatami) ခန်းများတွင် ဖိနပ်မစီးခြင်း
မမေ့ပါနှင့်: အိမ်/ဟိုတယ်/ဘုရားကျောင်း ဝင်ပေါက်တွင် ဖိနပ်ချွတ်ရမည်။ တာတာမီ ကြမ်းခင်းပေါ်တွင် အိမ်စီးဖိနပ် (Slippers) ကိုပင် ချွတ်ရမည်။
• ❌ အိမ်သာသုံးဖိနပ်ဖြင့် အပြင်ထွက်ခြင်း
သတိထား: အိမ်သာထဲဝင်ရန် ပေးထားသောဖိနပ်ကို အိမ်သာခန်းထဲမှာသာ သေချာချွတ်ထားခဲ့ဖို့ မမေ့ပါနှင့်။
• ❌ ရေပူစမ်း (Onsen) စည်းကမ်း မလိုက်နာခြင်း
သတိပြုရန်: ရေချိုးခန်းထဲ မဝင်မီ ခန္ဓာကိုယ်ကို သေချာစွာ ဆပ်ပြာဖြင့် ပွတ်တိုက်ဆေးကြောရမည်။ တက်တူး (Tattoo) ရှိပါက အချို့နေရာများတွင် ဝင်ခွင့်မပြုသည်များရှိသောကြောင့် စည်းကမ်းများကို ကြိုတင်စစ်ဆေးပါ။
________________________________________
4. 🗣️ လူမှုဆက်ဆံရေးနှင့် ကိုယ်ရေးကိုယ်တာ (Social & Personal) 🤝
• ❌ တိုက်ရိုက်လက်ညှိုးထိုးပြခြင်း
သတိပြုရန်: လူ သို့မဟုတ် အရာဝတ္ထုများကို လက်ညှိုးဖြင့် မထိုးပြပါနှင့်။ လက်ဖဝါးတစ်ခုလုံးကို ဖြန့်၍ ယဉ်ကျေးစွာ ညွှန်ပြပါ။
• ❌ အများပြည်သူရှေ့တွင် နှာခေါင်းညှစ်ခြင်း
သတိပြုရန်: ရိုင်းသည်ဟု ယူဆသောကြောင့် လူကွယ်ရာ သို့မဟုတ် အိမ်သာတွင်သာ ညှစ်ပါ။
• ❌ ကိုယ်ထိလက်ရောက် ချစ်ခင်မှု ပြသခြင်း
သတိပြုရန်: လမ်းမပေါ်တွင် ပွေ့ဖက်ခြင်း၊ နမ်းရှုပ်ခြင်းများကို ရှောင်ပါ။
• ❌ အမှိုက်များကို နေရာတကာ စွန့်ပစ်ခြင်း
သတိပြုရန်: ဂျပန်တွင် အမှိုက်ပုံး ရှားပါးပါသည်။ မိမိ၏ အမှိုက်ကို သေချာစွာ စည်းကမ်းတကျ သိမ်းဆည်း၊ ခွဲခြားပြီး စနစ်တကျ စွန့်ပစ်ရမည်။
ဒီနေ့ ပြောပြပေးသွားတာကတော့ 皆さん တို့ ဂျပန်ရောက်ရင် အဆင်ပြေပြေ နေထိုင်နိုင်စေဖို့အတွက် သတိထားရမည့် အခြေခံအချက်လေးတွေပဲ ဖြစ်ပါတယ်။ 🎌
သူများနိုင်ငံမှာ အဆင်ပြေပြေနေနိုင်ဖို့အတွက် စည်းကမ်းလေးတွေကို လိုက်နာကြရအောင်နော်။ 🙏

📚 JLPT N4 Exam နီးလာပြီ…
မေးခွန်းဟောင်း မလေ့ကျင့်ဘဲ ဝင်ဖြေဖို့ ready ဖြစ်ပြီလား? 👀

စာတွေဖတ်ထားတာတောင်
Exam Hall ထဲရောက်ရင်
❌ အချိန်မလောက်တာ
❌ Listening မလိုက်နိုင်တာ
❌ Reading မှာ နားမလည်တာမျိုးတွေ ဖြစ်တတ်ပါတယ် 🥺

ဒါကြောင့် Actual Exam မတိုင်ခင်
မေးခွန်းဟောင်းများများ လေ့ကျင့်ထားဖို့ အရမ်းအရေးကြီးပါတယ် 💯✨

JRF မှာ ဒီတစ်ခေါက်
📝 JLPT N4 မေးခွန်းဟောင်းတန်း (၂) မျိုး ဖွင့်ထားပါတယ်

🌟 ၁၀ စုံတန်း — 155,000 Ks
📌 မေးခွန်းများများ practice လုပ်ပြီး confidence တက်ချင်သူများအတွက်

🌟 ၅ စုံတန်း — 85,000 Ks
📌 အချိန်တိုတိုနဲ့ ထိရောက်စွာ လေ့ကျင့်ချင်သူများအတွက်

ဒီအတန်းမှာ
✨ Exam pattern ကို ရင်းနှီးလာမယ်
✨ အချိန်ခွဲဖြေနည်း သိလာမယ်
✨ Listening / Reading skill တိုးလာမယ်
✨ Actual Exam ကို confidence ရှိရှိ ဖြေနိုင်လာမယ်
📩ဒါကြောင့် မေးခွန်းဟောင်းတန်းတက်ရန် စိတ်ဝင်စားသူများ cb မှာ လာရောက်မေးမြန်းနိုင်ပါတယ်နော် 💌
ဆက်သွယ်ရန်ဖုန်း
09-898386155,09-409779090,09-952006155,09-446347020

皆さんမင်္ဂလာပါ။ဒီနေ့မှာတော့ဂျပန်နိုင်ငံရဲ့ လက်မှုပညာနဲ့လုပ်ထားတဲ့အရုပ်လေးတွေကိုဖော်ပြပေးသွားမှာပဲဖြစ်ပါတယ်။

၁။ ဒါရုမာ (Daruma) အရုပ် {達磨人形}
ဒီအရုပ်ရဲ့ သမိုင်းကြောင်းဟာ ဇင်ဗုဒ္ဓဘာသာကို တည်ထောင်သူလို့ ယူဆရတဲ့ ဘုန်းတော်ကြီးဆီက စပါတယ်။ ဂျပန်မှာ အဲဒိုခေတ် (Edo Period) ကတည်းက ပေါ်ပေါက်ခဲ့ပြီး၊ အစပိုင်းမှာ ကျေးလက်ပွဲတော်တွေကနေ နာမည်ကြီးလာခဲ့တာပါ။ ဒါရုမာအရုပ်ဟာ ဂျပန်လူမျိုးတွေရဲ့ ဇွဲ၊ လုံ့လ၊ ခံနိုင်ရည်ရှိခြင်း နဲ့ ရည်မှန်းချက် အောင်မြင်မှု ကို အဓိက ကိုယ်စားပြုပါတယ်။ သူ့ရဲ့ ထူးခြားချက်ကတော့ လုံးဝိုင်းပြီး အောက်ခြေမှာ အလေးထည့်ထားတဲ့အတွက် လှဲချလိုက်တိုင်း ပြန်ထလာနိုင်တာပါပဲ။ ဒါဟာ "ခုနစ်ကြိမ် လဲကျသော်လည်း ရှစ်ကြိမ်မြောက် ပြန်ထသည်" {七転び八起き} (Fukunana-korobi Yaoki) ဆိုတဲ့ ဂျပန်စိတ်ဓာတ်ကို ကိုယ်စားပြုပါတယ်။ ဝယ်ယူတဲ့အခါ အရုပ်မှာ မျက်လုံးမပါသေးပါဘူး။ အသုံးပြုသူက အရေးကြီးတဲ့ ဆန္ဒတစ်ခုပြုပြီး မျက်လုံးတစ်လုံးကို ဆေးဆိုးရပါတယ်။ အဲဒီဆန္ဒ အောင်မြင်မှ ကျန်တစ်လုံးကို ဆေးဆိုးပြီး ရည်မှန်းချက် ပြည့်မြောက်ခြင်းအထိမ်းအမှတ်အဖြစ် သတ်မှတ်ပါတယ်။ ဒါရုမာအရုပ်ရဲ့ အနီရောင်ဟာလည်း ကံကောင်းခြင်းကို ဆောင်တဲ့အပြင် ဘေးဆိုးတွေကို ဖယ်ရှားပေးတယ်လို့ ယုံကြည်ကြပါတယ်။
________________________________________
၂။ ဟီနာ အရုပ်များ (Hina Dolls) {雛人形}
ဒီအရုပ်တွေဟာ သမိုင်းအရ ရှေးဟောင်း ဟေအိအန်ခေတ် {平安時代} က စတင်ခဲ့ပြီး၊ နန်းတွင်းသူလေးတွေရဲ့ အရုပ်ကစားတဲ့ ဓလေ့နဲ့ ဘေးအန္တရာယ်တွေကို အရုပ်ဆီရောက်သွားပြီး လွှင့်ပစ်လိုက်သည့်အခါ မိမိတို့၏ ဘေးအန္တရာယ်များ အရုပ်နှင့်အတူပါသွားသည်ဟုယူဆ၍ ရေထဲမျှောတဲ့ ဓလေ့တွေ ပေါင်းစပ်ရာကနေ ပေါ်ပေါက်လာတာပါ။ သူ့ရဲ့ အဓိက ရည်ရွယ်ချက်ကတော့ မိန်းကလေးငယ်တစ်ဦးအတွက် ဘေးဥပဒ်များ ကင်းဝေးစေဖို့ နဲ့ ကျန်းမာပျော်ရွှင်စွာ ကြီးပြင်းဖို့ ဆုတောင်းပေးခြင်း ဖြစ်ပါတယ်။ အသုံးပြုပုံကတော့ နှစ်စဉ် မတ်လ ၃ ရက်နေ့ {桃の節句} (Hina Matsuri) မှာ မိသားစုက အဆင့်ဆင့် စင်မြင့်ကြီးပေါ်မှာ ခင်းကျင်းပြသရတာပါ။ ဒီအရုပ်တွေဟာ ဧကရာဇ်မင်း၊ မိဖုရား၊ အပျိုတော်များ {三人官女} နဲ့ ဂီတသမားများ {五人囃子}အပါအဝင် နန်းတွင်းအဖွဲ့ဝင်တွေကို ကိုယ်စားပြုပါတယ်။ အရုပ်တွေရဲ့ ဝတ်စုံတွေဟာ အနုပညာ အဆင့်အတန်း အလွန်မြင့်မားပြီး၊ ဂျပန်ရဲ့ နန်းတွင်းဝတ်စုံ ဂျူနီဟီတိုအဲ {十二単} ပုံစံအတိုင်း အထပ်ပေါင်းများစွာပါတဲ့ ကီမိုနိုတွေကို ပိုးထည်တွေနဲ့ သေသေချာချာ ချုပ်လုပ်ထားတာ ဖြစ်ပါတယ်။ ပွဲတော်ပြီးတာနဲ့ အရုပ်တွေကို မြန်မြန်သိမ်းဆည်းရတဲ့ ဓလေ့ရှိပြီး၊ ဒါမှသာ သမီးလေး အိမ်ထောင်ပြုရာမှာ နောက်မကျဘူးလို့ ယုံကြည်ကြပါတယ်။
________________________________________
၃။ မာနဲခိ နဲကို (Maneki Neko) အရုပ် {招き猫}
ဒီအရုပ်ရဲ့ သမိုင်းကြောင်းဟာ အဲဒိုခေတ် (Edo Period) က စတင်ခဲ့ပြီး၊ ဂျပန်မှာ ဒီအရုပ်နှင့် ပတ်သတ်သည့် ဒဏ္ဍာရီပုံပြင်တွေ အများအပြား ရှိပါတယ်။ အကျော်ကြားဆုံး ပုံပြင်အရဆိုရင် မိုးသည်းထန်စွာ ရွာနေချိန်မှာ ဘုန်းကြီးတစ်ပါးရဲ့ ကြောင်လေးက လက်ယပ်ခေါ်တဲ့အတွက် ခရီးသွားတစ်ဦးဟာ မိုးကြိုးပစ်မည့်ဘေးမှ လွတ်မြောက်သွားခဲ့ပြီး၊ အဲဒီနောက်ပိုင်းမှာ ကံကောင်းခြင်းသင်္ကေတ ဖြစ်လာခဲ့တယ်လို့ ဆိုပါတယ်။ သူ့ရဲ့ အဓိက ရည်ရွယ်ချက်ကတော့ ကံကောင်းခြင်း၊ ငွေကြေးဝင်ခြင်း {金運} နဲ့ ဖောက်သည်များကို ဆွဲဆောင်ခြင်း ဖြစ်ပြီး စီးပွားရေး လုပ်ငန်းများအတွက် အသုံးပြုတဲ့ ဖိတ်ခေါ်သော ကြောင် ရုပ်ပဲ ဖြစ်ပါတယ်။ မာနဲခိ နဲကိုရဲ့ ထူးခြားချက်ကတော့ မြှောက်ထားတဲ့ လက်အပေါ်မှာ မူတည်ပြီး အဓိပ္ပာယ် ကွဲပြားခြင်းပဲ ဖြစ်ပါတယ်။ လက်ယာဘက် ကို မြှောက်ထားရင် ငွေကြေးဥစ္စာ ကို ခေါ်ပြီး၊ လက်ဝဲဘက် ကို မြှောက်ထားရင်တော့ ဧည့်သည်များ (ဖောက်သည်များ) ကို ခေါ်တယ်လို့ ယုံကြည်ကြပါတယ်။ အဖြူရောင်က အများဆုံးဖြစ်ပြီး၊ ရွှေရောင်က ဥစ္စာဓန၊ အနက်ရောင်က ဘေးဆိုး ကာကွယ်ခြင်းကို ကိုယ်စားပြုပါတယ်။
________________________________________
၄။ Kokeshi အရုပ် {こけし}
Kokeshi အရုပ်တွေဟာ အဲဒိုခေတ်နှောင်းပိုင်းက ဂျပန်မြောက်ပိုင်း တိုဟိုကု (Tōhoku) ဒေသက ရေပူစမ်းဒေသတွေမှာ စတင်ပေါ်ပေါက်ခဲ့တာပါ။ ရေပူစမ်းကို လာရောက်တဲ့ ခရီးသွားတွေကို အမှတ်တရ လက်ဆောင်ပစ္စည်းအဖြစ် သစ်သားလက်မှုပညာရှင်များ {木地師} (Kiji-shi) က စတင်ထွင်းထုရောင်းချခဲ့ကြတာ ဖြစ်ပါတယ်။ သူ့ရဲ့ ရည်ရွယ်ချက်ကတော့ အလှဆင်ဖို့၊ ကလေးကစားစရာနဲ့ နောက်ပိုင်းမှာတော့ ကောင်းချီးမင်္ဂလာ ကို ယူဆောင်လာဖို့ ဖြစ်ပါတယ်။ သူ့ရဲ့ အသွင်အပြင်က ရိုးရှင်းပြီး ဦးခေါင်းနဲ့ ဆလင်ဒါပုံ ခန္ဓာကိုယ်သာပါခြင်း၊ လက်နဲ့ ခြေထောက် မပါရှိခြင်း က ထူးခြားချက်ပါ။ ကိုကဲရှိအရုပ်တွေရဲ့ မျက်နှာသွင်ပြင်ကိုလည်း ရိုးရှင်းတဲ့ လိုင်းအနည်းငယ်နဲ့သာ ဆေးခြယ်ထားပါတယ်။ Kokeshi အရုပ်တွေရဲ့ ဒီဇိုင်းနဲ့ ပုံစံဟာ သူတို့ ထွက်ရှိတဲ့ ဒေသအလိုက် ၁၁ မျိုး ခန့်အထိ ကွဲပြားပြီး၊ ဒါဟာ ဂျပန်ဒေသတွင်း လက်မှုပညာရဲ့ အနုပညာတန်ဖိုးကို ဖော်ပြနေတာပဲ ဖြစ်ပါတယ်။

မင်္ဂလာပါ။ ဒီနေ့ ပြောပြချင်တဲ့ အကြောင်းအရာလေးကတော့ ဂျပန်နိုင်ငံ၊ နာရာမြို့မှာ တည်ရှိတဲ့ (Tōdai-ji - 東大寺) ဘုရားကျောင်း အကြောင်းပဲ ဖြစ်ပါတယ်။ ဒီဘုရားကျောင်းကြီးဟာ ဂျပန်လူမျိုးတွေရဲ့ သမိုင်း၊ ဘာသာရေးနဲ့ ယဉ်ကျေးမှုမှာ အရေးကြီးဆုံးနေရာတွေထဲက တစ်ခုဖြစ်သလို၊ UNESCO ကမ္ဘာ့အမွေအနှစ်နေရာ တစ်ခုလည်း ဖြစ်ပါတယ်။
ဒီဘုရားကျောင်းရဲ့ အဓိက အသက်ဝိညာဉ်ကတော့ ဘုရားကျောင်းထဲမှာ စံပယ်တော်မူတဲ့ နာရာဒိုင်ဘုဆု (Nara Daibutsu - 奈良大仏) လို့ခေါ်တဲ့ ဗုဒ္ဓဆင်းတုတော်ကြီးပါပဲ။ဘုရားကြီးရဲ့ အမြင့်က ပေ ၅၀ နီးပါး (၁၅ မီတာ) ရှိပြီး၊ ကြေးနီနဲ့ သွန်းလုပ်ထားတဲ့ ဘုရားကြီးဖြစ်လို့ အရမ်းကြီးမားခန့်ညားပါတယ်။ဒီဘုရားကြီးကို လွန်ခဲ့တဲ့ နှစ်ပေါင်း ၁၂၀၀ ကျော် (၈ ရာစု) က ဧကရာဇ် ရှိုမု (Shōmu Tennō - 聖武天皇) ဆိုသူက တိုင်းပြည်မှာ ကပ်ရောဂါတွေနဲ့ ဘေးအန္တရာယ်တွေ ကင်းဝေးအောင် ရည်ရွယ်ပြီး တည်ထားကိုးကွယ်ခဲ့တာပါ။ အဲဒီခေတ်က ဂျပန်နိုင်ငံမှာရှိတဲ့ ကြေးနီနဲ့ ရွှေတွေ အများကြီး သုံးခဲ့ရတယ်လို့ မှတ်တမ်းများအရ သိရပါတယ်။
ဘုရားကြီးကို ထားရှိတဲ့ အဓိက ခန်းမဆောင်ကြီးကို ဒိုင်ဘုဆုဒန် (大仏殿)လို့ ခေါ်ပါတယ်။ဒီအိမ်တော်ကြီးက သစ်သားတွေနဲ့ ဆောက်ထားတာဖြစ်ပြီး လက်ရှိအချိန်ထိ ကမ္ဘာပေါ်မှာ သစ်သားနဲ့ ဆောက်ထားတဲ့ အကြီးဆုံး အဆောက်အအုံ အဖြစ် မှတ်တမ်းဝင်နေပါတယ်။ မူလက ဒီ့ထက်တောင် ပိုကြီးခဲ့ပေမယ့် မီးလောင်မှုတွေကြောင့် ပြန်လည်တည်ဆောက်တဲ့အခါမှာ ငွေကြေးအခြေအနေကြောင့် အရွယ်အစားနည်းနည်း လျှော့ခဲ့ရတာ ဖြစ်ပါတယ်။
ဒိုင်ဘုဆုဒန် (大仏殿) ခန်းမထဲမှာ ထူးခြားတဲ့ အရာတစ်ခု ရှိပါတယ်။ အဲဒါကတော့ ကြီးမားတဲ့ သစ်သားတိုင်ကြီးတစ်တိုင်မှာ ဘုရားနှာခေါင်းပေါက် အရွယ်လောက်ရှိတဲ့ အပေါက်ငယ်လေးတစ်ခု ဖောက်ထားတာကို တွေ့ရပါလိမ့်မယ်။အဲဒီအပေါက်ကို အောင်မြင်အောင် တိုးဝှေ့နိုင်ရင် ဉာဏ်ပညာရပြီး ကံကောင်းမယ် လို့ ဂျပန်လူမျိုးတွေက ယုံကြည်ကြပါတယ်။ ဒါကြောင့် ကလေးတွေနဲ့ လူငယ်တွေ အဲဒီအပေါက်ထဲကို ဝင်တိုးတာကို အမြဲတွေ့ရပါလိမ့်မယ်။
🛡️ ဘုရားကျောင်းဝန်းထဲကို ဝင်တဲ့ တံခါးမကြီးမှာ နီအို (Niō - 仁王) လို့ခေါ်တဲ့ ကြောက်မက်ဖွယ်ကောင်းတဲ့ စစ်သည်တော်ပုံစံ သစ်သားရုပ်တုကြီး နှစ်ခုကို တွေ့ရပါလိမ့်မယ်။ အဲဒီရုပ်တုတွေက ၈ မီတာလောက် မြင့်ပြီး ၁၂ ရာစုက လက်ရာမြောက် ပန်းပုတွေပါ။တိုးဒိုင်းဂျိ ဘုရားကျောင်းက နာရာပန်းခြံထဲမှာ ရှိတာမို့ ယဉ်ပါးနေတဲ့ သမင်လေးတွေ ဟာ ဘုရားကျောင်းဝန်းကျင်မှာ လွတ်လပ်စွာ သွားလာနေတာကို တွေ့ရပါလိမ့်မယ်။ ဒီသမင်လေးတွေကို ဂျပန်ရိုးရာဘာသာ (ရှင်တို) အရ နတ်ဘုရားတွေရဲ့ သံတမန်များ အဖြစ် သတ်မှတ်ထားကြတာမို့ အေးအေးချမ်းချမ်း နေထိုင်ကြပါတယ်။
ဒါကြောင့် တိုးဒိုင်းဂျိ ဘုရားကျောင်းကြီးဟာ သမိုင်းဝင် တန်ဖိုးရှိတဲ့ ဗိသုကာလက်ရာတွေနဲ့ သဘာဝအလှတရားတွေကို ပေါင်းစပ်ခံစားနိုင်တဲ့ နေရာတစ်ခုပဲ ဖြစ်ပါတယ်။ ဂျပန်ကိုရောက်ရင် မဖြစ်မနေ သွားရောက်လည်ပတ်သင့်တဲ့ ဘုရားကျောင်းကြီးအကြောင်း တင်ဆက်ပေးလိုက်ရပါတယ်ရှင်။

"မိမိတို့ရဲ့ လုပ်ငန်းခွင်အသီးသီးမှာ အားတက်သရော ကြိုးစားအားထုတ်နေကြတဲ့ အလုပ်သမားထုတစ်ရပ်လုံးကို International Workers' Day (မေဒေးနေ့) အထိမ်းအမှတ်အဖြစ် Japan Ready Functions Training School မှ အထူးပင် ဂုဏ်ပြုအပ်ပါတယ်။

လူသားတို့ရဲ့ တန်ဖိုးရှိလှတဲ့ လုပ်အား၊ ကြိုးစားမှုတွေကြောင့် ကမ္ဘာကြီးဟာ ပိုမိုလှပတိုးတက်နေတာဖြစ်ပါတယ်။ ယနေ့ အလုပ်သမားနေ့ အားလပ်ရက်မှာ လုပ်ငန်းခွင်ပင်ပန်းသမျှတွေကို အနားယူဖြေဖျောက်ရင်း စိတ်အပန်းပြေ ပျော်ရွှင်နိုင်ကြပါစေကြောင်း ဆုမွန်ကောင်းတောင်းပေးလိုက်ပါတယ်ရှင်။"
#မေဒေးနေ့ #အလုပ်သမားနေ့

"ယနေ့ ၂၀၂၆ ခုနှစ်၊ ဧပြီလ (၃၀) ရက်နေ့တွင် ကျရောက်သော (ကဆုန်လပြည့် ဗုဒ္ဓနေ့) အခါသမယ၌ လူသားအားလုံး ဘေးဘယာဝေးကွာပြီး ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း Japan Ready Functions Training School မိသားစုမှ ဆုမွန်ကောင်းတောင်းပေးလိုက်ပါသည်။

ဤထူးမြတ်လှသော နေ့ထူးနေ့မြတ်တွင် ကုသိုလ်ကောင်းမှုများဖြင့် အေးချမ်းသာယာသော အားလပ်ရက်လေး ဖြစ်ပါစေနော်။"
#ညောင်ရေသွန်းပွဲ #ကဆုန်လပြည့်နေ့ holiday

“ရုံးပိတ်ရက်များ ကြေညာခြင်း”
“ညောင်ရေသွန်းပွဲတော်” ၃၀.၄.၂၀၂၆ (ကြာသပတေးနေ့) နှင့် “ကမ္ဘာ့ အလုပ်သမားနေ့” ၁.၅.၂၀၂၆ (သောကြာနေ့) တို့သည် အများပြည်သူရုံးပိတ်ရက်ဖြစ်ပါသောကြောင့် JRF မှ သင်တန်းကျောင်းနှင့်ရုံးအားပိတ်ထားမည်ဖြစ်ပါကြောင်း ကြေညာအပ်ပါသည်။
သိရှိလိုသောအကြောင်းအရာများအား page messenger တွင် မေးမြန်းထားလို့ရပြီး၊ ပြန်လည် ဆက်သွယ်ပေးနိုင်ရန်အတွက် ဖုန်းနံပါတ်လေးများကိုလည်း ချန်ထားခဲ့ပေးပါရှင့်။
2.5.2026 ( စနေနေ့ ) ရုံးဖွင့်ရက်တွင် ပြန်လည်ဖြေကြား ပေးပါမည်ဖြစ်ကြောင်း ကြေညာအပ်ပါတယ်ရှင်။
holiday

皆さんမင်္ဂလာပါ။ဒီနေ့မှာတော့ ဂျပန်ရောက်ရင်အသွားသင့်ဆုံးနေရာလေးတွေကိုစုစည်းတင်ပြပေးလိုက်ပါတယ်နော်။

🌳 ၁။ အအိုကိဂါဟာရ သစ်တော (Aokigahara Forest)
ဒီသစ်တောဟာ ဖူဂျီတောင် (Mount Fuji) အနောက်မြောက်ဘက်၊ ယာမနာရှီ ခရိုင်မှာ တည်ရှိပါတယ်။ ဒီနေရာက (Su***de Forest) ဟူသော အမည်ဆိုးဖြင့် ကမ္ဘာပေါ်တွင် ဒုတိယမြောက် နာမည်အကြီးဆုံး နေရာဖြစ်ပြီး၊ နိုင်ငံတကာ ရုပ်ရှင်တွေနဲ့ သတင်းတွေကြောင့် ကမ္ဘာအနှံ့ သိရှိကြပါတယ်။ သစ်တောအတွင်းမှာ ယခင်က သတ်သေသွားခဲ့သူတွေရဲ့ ဝိညာဉ်တွေ (Yūrei) လမ်းပျောက်ပြီး ပိတ်မိနေတယ်လို့ ယုံကြည်ကြပါတယ်။ ဒီသစ်တောဟာ သံလိုက်စွမ်းအားတွေကြောင့် သံလိုက်အိမ်မြှောင်တွေပါ အလုပ်မလုပ်တော့ဘဲ၊ ဝင်သူတိုင်း ထူးဆန်းတဲ့ အသံတွေနဲ့ ကြောက်မက်ဖွယ် ခံစားချက်တွေကို ရရှိတတ်တယ်လို့ ပြောဆိုကြပါတယ်။

🏰 ၂။ ဟိမဲဂျိ ရဲတိုက် (Himeji Castle) မှ အိုကိကု ရေတွင်း(Okiku's Well)
ဟိမဲဂျိ ရဲတိုက်ကြီးဟာ ဟိမဲဂျိမြို့ (Himeji City)၊ ဟျိုဂို ခရိုင်မှာ တည်ရှိပြီး ဂျပန်ရဲ့ အလှဆုံး ရဲတိုက်တစ်ခုပါ။ ဒါပေမဲ့ ၎င်းရဲ့ မြေအောက်မှာရှိတဲ့ "အိုကိကု ရေတွင်း" (Okiku's Well) ဒဏ္ဍာရီကြောင့် ထိတ်လန့်စရာ ဇာတ်လမ်းရှိနေပါတယ်။ အိုကိကု ဆိုတဲ့ အစေခံမလေးကို သခင်က တန်ဖိုးကြီးပန်းကန် ၁၀ ချပ်ထဲက တစ်ချပ်ကို ခိုးယူတယ်လို့ စွပ်စွဲပြီး နှိပ်စက်ကာ ရေတွင်းထဲ ပစ်ချသတ်ခဲ့ပါတယ်။ ညတိုင်း အိုကိကုရဲ့ ဝိညာဉ်ဟာ ရေတွင်းထဲကနေ ပန်းကန်တွေကို "တစ်... နှစ်... သုံး... ... ကိုး... ဆယ်ချပ်မြောက် ပန်းကန် ဘယ်ရောက်သွားလဲ!" စသည်ဖြင့် ရေတွက်တဲ့ အသံနဲ့ ငိုယိုသံများ ထွက်ပေါ်နေတတ်တယ်လို့ ယုံကြည်ကြပါတယ်။

👻 ၃။ ဂျူကိုးဘာရှီ ဥမင်လိုဏ်ခေါင်းဟောင်း (Kyuu Jyukoku-Bashi Tunnel)
ဒီဥမင်လိုဏ်ခေါင်းဟာ ဆိုက်တမာ ခရိုင် (Saitama) နဲ့ တိုကျိုကြားရှိ ချီချီဘူဒေသ (Chichibu) မှာ တည်ရှိပါတယ်။ ဒုတိယကမ္ဘာစစ်အတွင်းမှာ စစ်မှုထမ်းဟောင်းတွေနဲ့ ဆောက်လုပ်ရေး လုပ်သားတွေရဲ့ ဝိညာဉ်တွေ ပိတ်မိနေတယ်လို့ ယုံကြည်ကြပါတယ်။ ဒီဥမင်လိုဏ်ခေါင်းထဲ ဝင်သွားရင် ရုတ်တရက် အပူချိန် ပြောင်းလဲသွားခြင်း၊ စိတ်ထဲမှာ ထိတ်လန့်ကြောက်ရွံ့မှု ခံစားရခြင်းတွေ ရှိတတ်ပါတယ်။ အဆန်းတကြယ်အချက်ကတော့ ဆဲလ်ဖုန်းတွေဟာ အတွင်းမှာ အလုပ်မလုပ်တော့ဘဲ ရုတ်တရက် အားကုန်သွားတာမျိုးတွေ ဖြစ်တတ်တယ်လို့ ပြောဆိုကြပါတယ်။

🌊 ၄။ ဂူနမာကန် (Lake Gunma)
ဂူနမာ ခရိုင် (Gunma Prefecture) မှာ တည်ရှိတဲ့ ဒီကန်ဟာ သဘာဝ ရှုခင်းတွေ လှပပေမယ့် ရေနစ်သေဆုံးမှုတွေ မကြာခဏ ဖြစ်ပွားတတ်တဲ့နေရာပါ။ ညဘက်မှာ ကန်ရေပြင်ပေါ်မှာ အမျိုးသမီးတစ်ဦးရဲ့ ဝိညာဉ် (ရေနစ်သေဆုံးသူ) လမ်းလျှောက်နေတာကို မြင်ရတတ်တယ်လို့ ပြောကြပါတယ်။ ဒီအမျိုးသမီးဟာ ကန်အနီးကနေ ဖြတ်သွားသူတွေကို ရေထဲဆွဲချဖို့ ကြိုးစားတတ်တဲ့ Onryō (ဒေါသထွက်နေသော ဝိညာဉ်ဆိုး) တစ်ခုအဖြစ် ဒေသခံတွေက အလွန်ကြောက်ရွံ့ကြပါတယ်။

🗼 ၅။ ဝါရိုင်တန်း တံတား (笑い谷の橋-Waraidani Bridge - "ရယ်မောနေသော တောင်ကြား တံတား")
ဟော့ကိုင်းဒိုး (Hokkaido) မှာ တည်ရှိပြီး နာမည်အတိုင်းပဲ "ရယ်မောနေတဲ့ တောင်ကြား တံတား" လို့ အဓိပ္ပာယ်ရပါတယ်။ ဒီတံတားအနီးမှာ သွားလာသူတွေဟာ တောထဲကနေ လာတဲ့ အမည်မသိ ရယ်သံများ ကို ကြားရတတ်တယ်လို့ ဆိုပါတယ်။ တစ်ခါတစ်ရံမှာ အရိပ်တွေကို မြင်ရတာအပြင်၊ ဒီရယ်သံကို ကြားပြီး တုံ့ပြန်လိုက်သူတွေဟာ မကြာခင် ကံဆိုးမှုတွေ ကြုံရနိုင်တယ်လို့ ဒေသခံတွေက ယုံကြည်ကြပြီး ညဘက်မှာ ဒီတံတားကို ရှောင်ရှားကြပါတယ်။

ဒီနေ့ပြောပြပေးသွားတာကတော့ဂျပန်နိုင်ငံရှိနာမည်ကြီးထင်ရှားသောနေရာတွေပဲဖြစ်ပါတယ်။皆さんတို့လည်း ဒီနေရာတွေထဲကဘယ်နေရာကိုသွားချင်လဲဆိုတာပြောသွားကြဦးနော်။