Tututat

23/05/2026

Welcome to the Orientation Program for the Academic Year 2026–27

Date : 30th May
Time : 12:30 pm -4:00 pm

မိဘများအနေဖြင့် 2026-27 စာသင်နှစ်အတွက်ပြင်ဆင်မှုများကိုကြည့်ရှုရန်၊ အတန်းများအားကြည့်ရန် ၊ ဆရာဆရာမများနှင့်တွေ့ဆုံရန် နှင့် စာအုပ်၊ ယူနီဖောင်းများ ထုတ်ယူရန်ကို တပြိုင်တည်းပြုလုပ်နိုင်ရန် Orientation day အဖြစ် 30 ရက်နေ့ တွင်လာရောက်လေ့လာနိုင်ပါသည်။
( ကျန်နေ့ရက်များတွင်လည်းလာရောက်နိုင်သော်လည်း event အနေဖြင့် မဟုတ်ဘဲ လိုအပ်သည်များကိုဆောင်ရွက်ပေးမည်ဖြစ်ပါသည်။ )

A new journey begins with new hopes, goals, and opportunities. Wishing all students a successful and inspiring year ahead!

See you at SoTats !

23/05/2026

ဆရာမ တစ်ယောက်ရဲ့ ရူးသွပ်မှု

ဆရာမ တစ်ယောက် ကျောင်းတစ်ကျောင်းက ပညာရေး အတွက် ဘယ်လောက် လုပ်နိုင်လဲလို့ပြောရင် “ တကယ်လုပ်ရင်” အတိုင်းအဆ မရှိလုပ်နိုင်ပါတယ်လို့ ကျွန်မ ဖြေချင်ပါတယ်။

ကလေးတွေအတွက် တကယ်ကိုလုပ်ချင်တဲ့ သူ၊ ပညာရေးလောက ကြီး ကို ပြောင်းလဲချင်သူ၊ တကယ့်ပညာရေးအစစ် ကိုဖန်တီးချင်သူ … ဒီလို ဆရာမတွေ ဘယ်ကျောင်းသွားရမလဲ။ ဘယ်မှာအလုပ်လျှောက်ရမလဲ။ ကျွန်မ မသိပါ။ ကျွန်မ တခြားကျောင်းသွားလုပ်ရင် ၃ လဆို အလုပ်ပြုတ်မယ်လို့ထင်ပါတယ်။ ဒီထဲက အကြောင်းတစ်ခုခု ဖြစ်လောက်ပါတယ်။

(၁) စီးပွါးရေးအတွက်ကိုက်မကိုက်မတွေးလို့၊ ဥပမာ လူဦးရေတားဂတ်
(၂) တကယ့်ပြောင်းလဲမှုတွေလုပ်ရင်ကြုံကိုကြုံရမယ့် change management ကို ရင်ဖွင့်ကြိုဆိုမယ့် ပိုင်ရှင် မရှိလို့။
(၃) Market ရဲ့ trend ကိုမလိုက်လို့
(၄) ကောင်းမွန်တဲ့ပညာရေးကိုတည်ဆောက်ဖို့ဆိုရင် နှစ်တွေအကြာကြီး ကို စိတ်လိုလက်ရတည်ဆောက်ရမှာကိုဘယ် ပိုင်ရှင်မှ စောင့်ပေးမှာလည်းမဟုတ်လို့။

ဒီလေးချက်ကြောင့်မပြုတ်ရင် နံပါတ်(၅) ကြောင့်ပြုတ်ပါလိမ့်မယ်။

(၅) အပိုတွေလုပ်လို့။

ဒါပေမယ့်ရှင် ဆရာမ တစ်ယောက်က ကလေးကိုလုပ်ပေးတာမှာ JD ရှိလား။ မိဘတစ်ယောက်က JD လောက်ပဲလုပ်ပေးတာရှိလား။ ကလေးပတ်သက်တဲ့အလုပ်တွေမှာ မေတ္တာ၊ စေတနာ ကိုအရင်းခံပြီး ပြုစုရတာဖြစ်လို့ ဒီဖို့ဒီရွေ့ ဒီမျှလို့မရှိပါ။ လုပ်ငန်းရှင်တွေ အနိုင်မကျင့်ဖို့အတွက်သာ JD လိုတာရှိတာပါ။ ဆရာမတွေလုပ်ပေးတာက ဒီ JD ဆိုတာထက်အများကြီး ပိုပါတယ်။ အတောမသတ်နိုင်တဲ့စေတနာဆိုတာရှိတယ်။ ဒါက ဒီခေတ်မှာ ပြောရတာ ယုံရခက်ခက်ပါ့။

ဆိုတော့ အပိုက ဘာထက်ပိုတာလဲ။ “ စာအုပ်ထက်ပိုတာ။”

ကျွန်မကတော့ အပိုတွေလုပ်ပြီးတအားပျော်ရွှင်ပါတယ်။ ကိုယ့်ကျောင်းက ၊ ကိုယ့်ကိုပိုက်ဆံပေးတဲ့ကလေးတွေကိုပဲမဟုတ်ဘူး ခုလို သွားသင်၊ ဒီလိုဝေမျှရတာပျော်တယ်။ စာတတ်မြောက်ရေးလုပ်တယ်။ Bilingual education အတွက်လုပ်တယ်။ Mother tongue အတွက်လုပ်တယ်။ Summercamp သွားတယ်။ သုတေသနတွေလုပ်တယ်။ ကလးတွေအတွက် အကောင်းဆုံးရလဒ်ကိုဘယ်လိုရအောင်လုပ်မလဲတွေးကြတယ်။ နေ့စဉ်သင်ယူတယ်။ အရေးအကြီးဆုံးက ကိုယ်လို ရူးသွပ်တဲ့ မျိုးဆက်သစ် ဆရာမ တွေကို မွေးထုတ်တယ်။ ကိုယ်လိုရူးသွပ်တဲ့ဆရာ/မ တွေကို ခိုလှုံရာပေးတယ်။

စာအုပ်ကြီးသင်ရုံ၊ သင်ရိုးကြီးပြီးရုံ နဲ့ဆိုရင်တော့ ကျွန်မလည်း ဆရာမ ဘဝကိုငြီးငွေ့မယ်ထင်ပါတယ်။ ဒီပိုက်ဆံပေးတဲ့ကလေးပဲသင်ဆိုရင်လည်း ကျွန်မ ပျော်ရွှင်မယ်မထင်ပါဘူး။ ဆရာမ ဆိုတာ ဘယ်ကလေး မဆိုကိုသင်ချင်နေတော့လေ ကလေးအားလုံးအတွက် အလုပ်လုပ်ပြီး ကိုယ့်ဘဝရဲ့ passion ကိုတည်ဆောက်ပါတယ်။

ရန်ကုန်မြို့က အကြီးကြီး၊ တူတူတတ်က သေးသေးလေးပါ။
ရိုးသားစွာသင်၊ ပျော်ရွှင်စွာသင်၊ လွတ်လပ်စွာသင် ၊ အကောင်းဆုံးသင်ရင် ရလဒ်ဆိုတာ ရလာမှာပါ။ ပညာရေး ကောင်း ကိုဖန်တီးနိုင်သရွေ့ ကျောင်းသားဆိုတာမရှားဘူးလို့ယုံကြည်ပါတယ်။ နာမည်ကြီးမကြီးထက် ကလေး၊ မိဘ၊ ဆရာ ပျော်ရွှင်စွာ သင်ကြားခွင့်ရမယ့်နေရာဖြစ်ရင်ကျေနပ်ပါတယ်။ ကိုယ်မပျော်ရင် ကျောင်းအကြီးကြီးလည်း ဘာတန်လို့လဲရှင်။ ကျွန်မရဲ့ ဖြစ်တည်မှုကအင်မတန်ရိုးရှင်းလှပါတယ်။

ခုလည်း ကလေးစာပေ နဲ့ စာတတ်မြောက်ရေး ပတ်သက်ပြီး သွားပြီး ဒီအစီအစဉ်လေး တွေလုပ်ဖြစ်ခဲ့ပါတယ်။ လှလိုက်တဲ့သီချင်းတွေ။ ကိုယ့်လိုရူးသွပ်တဲ့ ဆရာ/မ တွေနဲ့ တင်ဆက်ပြီး ကလေးတွေအတွက် တနေရာရာက ကိုယ်သင်ပေးချင်လို့ သွားရောက်ခဲ့ကြပါတယ်။ သူတို့လေးတွေ ကိုခုလိုတွေ့ရသင်ရတာနဲ့တင် အရာရာ တန်တယ်ထင်ပါတယ်။နေ့စဉ် ကိုယ့်ဖြစ်တည်မှုကိုကျေနပ်ပါတယ်။ ဆရာမ ဖြစ်ခွင့်ရတာကိုပျော်ရွှင်ပါတယ်။ သင်ကြားခွင့်ရတာကိုကျေးဇူးတင်ပါတယ်။

ဆရာ/မ ကောင်းများစွာ စာသင်ခြင်းကိုကျောခိုင်းလာကြပါတယ်။ အခက်အခဲတွေနဲ့ဆရာ/မတွေ ဘဝကိုကျွန်မခံစားမိပါတယ်။ သင်ကြားရေး က ရင်ထဲကနေလုပ်ရတဲ့အလုပ်မျိုးမဖြစ်တော့တဲ့ အခါ သူတို့အလင်းလည်းပျောက်ဆုံးတာပေါ့။ ဒီစာလေးနဲ့ဆရာဆရာမ တွေကိုအားပေးပါရစေ။ အားလုံးအားတင်းထားကြမယ်။ ကိုယ်အကောင်းဆုံးကြိုးစားတာနဲ့လုံလောက်ပါတယ်။

တူတူတတ်ရဲ့ခရီး တစ်ရက်စီတိုင်းကို ရှေ့ဆက်နိုင်အောင် ယုံကြည်ပံ့ပိုးကြတဲ့မိဘတိုင်းကျေးဇူးပါ။ အားပေးကြသူတွေကိုလည်းကျေးဇူးပါ။ ကျွန်မလည်း တူတူတတ် ဆိုတဲ့ကျောင်းလေးနဲ့အတူ ဟိုးအဝေးကြီးက ကလေးအားလုံးထိ ကိုယ့်သင်ကြားမှုလေးတွေရောက်ဖို့ ရူးသွပ်စွာနဲ့ကြိုးစားနေဆဲပါ။

22/05/2026

ဒီနေ့ဒီအချိန် စာတော်တဲ့ကလေးအချို့ရဲ့ အောင်မြင်မှုတွေကို မိဘတွေမြင်ရပေမယ့် တကယ်ဘာမှန်းမသိဖြစ်နေကြတဲ့ကလေးများစွာတို့ရဲ့ လမ်းပျောက်မှုကိုဘယ်သူမှမမြင်နိုင်ပါဘူး။ မိဘများစွာ၊ ကလေးများစွာက အမှောင်ထဲမှာ ဟိုသွားဒီသွား၊ ဟိုကျောင်းပြောင်း ဒီကျောင်းပြောင်း၊ ဟိုသင်တန်းပို့ ဒီသင်တန်းပို့ နဲ့ သောကတွေက သိသိသာသာတမျိုး မသိမသာတမျိုးနဲ့ အင်မတန်ဆိုးလှပါတယ်။
ဘယ်ကျောင်းပြောင်းပြောင်းအင်မတန်ပြင်ရခက်တဲ့ ပြသနာဖြစ်လို့များသောအားဖြင့် ကတော့ ငါ့ကလေးပဲ ဒီလိုလား။ ခုခေတ်က ဒီလိုလား။ ဒီလိုနဲ့ လုပ်ပေးနေပေမယ့် သဲထဲရေသွန်လိုခံစားလာရတတ်ပါတယ်။ ပြီးတော့ ကလေးကျတော့လည်း သူလည်း ပြင်နိုင်စွမ်းမရှိတဲ့ သင်ယူမှု လေဟာနယ် ကို ဟိုကသင်၊ ဒီကသင် နဲ့ အသစ်အသစ်သော အရာတွေကို အပေါ် စိတ်ဖိစီးမှု ဖြစ်ပြီး နောက်ဆက်တွဲ ပြသနာတွေပါရလာပါတယ်။

ကျွန်တော်/ကျွန်မ ကလေး စာတော်သလား။ စာတတ်သလား။ ဒါက မိဘတိုင်းသိချင်တဲ့မေးခွန်းလို့ထင်ပါတယ်။ ဒီမေးခွန်းကရိုးရှင်းပေမယ့် ဖြေရတာ တော်တော်ခက်တဲ့မေးခွန်းဖြစ်ပါတယ်။ ဒီနေ့ မိဘတွေနဲ့ ကျွန်မနဲ့ ဒီစာကိုဖတ်ပြီး ဒီ မေးခွန်းကိုဖြေဖို့ အတူတူ ကြိုးစားကြပါမယ်။ ဒီစာကိုလူတိုင်းနားလည်အောင် အရိုးရှင်းဆုံးလေး ရေးထားပါတယ်။

ကလေးတစ်ယောက် စာတကယ်တတ်မတတ်ကို သူတို့စာစသင်တဲ့ Year 1 , Year 2 တွေမှာ တကယ် မသိနိုင်ပါဘူး။ ကလေးတစ်ယောက် တကယ်စာတတ်မတတ် ကို ယေဘုယျ Year 6/ Grade 5 မှာ သိပါတယ်။
ဒါကြောင့် Cambridge check point တို့ PSLE တို့ကို ဒီအသက်အရွယ်/အတန်း ကာလလောက်မှာ လုပ်ကြတာပါ။

ဘာလို့လဲ..... ဘာကွာသလဲပေါ့။

Year 1 ကနေ 4 လောက်ထိက လေ တကယ်ဆိုစာသင်ဖို့ကို သင်နေတဲ့အရွယ်လို့ ခေါ်ပါတယ်။ စာသင်တယ်ဆိုတာလေ ဒါရေး၊ ဒါဖတ် မဟုတ်ပါဘူး။ စာတတ် ပုဂ္ဂိုလ်ဆိုတာ စာဖတ်တတ်၊ စာရေးတတ် တဲ့သူ
ကိုပြောတာမဟုတ်ပါဘူး။ စာအုပ်တစ်အုပ်ကိုဖတ်ရင် ဒီအပေါ်မှာကိုယ်ပိုင်အမြင်၊ ဝေဖန်သုံးသပ်နိုင်စွမ်း၊ ဆင့်ကဲလေ့လာနိုင်စွမ်း အစရှိသဖြင့်ရှိတဲ့သူကို ပြောတာလို့အလွယ်ရှင်းပြလို့ရပါတယ်။

ဒီလိုစလုပ်ရတာက year 5 လောက်မှာပါ။ ဝတ္ထုစာအုပ်တစ်အုပ်ကိုဖတ်ရင် … ဒီစာအုပ်အပေါ် ကိုယ့်ထင်မြင်ချက်ကိုရေး... ဒီ ဇာတ်ကောင် ကိုနင်ဘယ်လိုသုံးသပ်သလဲ... အဲ့လိုပေါ့။ ဒီမတိုင်ခင်က အဲ့ဆိုဘာတွေ
အဓီက လုပ်လဲဆိုရင် အဲ့လိုလုပ်ဖို့ စာ ကို ဖတ်တတ်၊ ရေးတတ် အောင် သင်တာပါ။ တွေးတတ် အောင် သင်တာ။ အလွယ်ပြောရရင် သင်ယူဖို့ကို သင်ယူရတာ။

ဒီတော့ စာဖတ်သူတွေ အလွယ်မြင်အောင် ရေးရရင်
၀-၅ - မူကြိုပညာရေး က ဦးနှောက်ဖွံ့ဖြိုးမှု၊ ကိုယ်စိတ် ကိုတည်ဆောက်တဲ့ကာလ.... ဒီကာလက အားလုံးရဲ့အခြေခံပါပဲ။ ဘဝရဲ့ အုတ်မြစ်ချတဲ့ကာလ။
၅-၁၀ - သင်ယူဖို့ကိုသင်ယူတဲ့ကာလ။ ပညာရေးရဲ့ အခြေခံကာလ။ အဓိက စာတတ်မြောက်ရေး နဲ့ ကလေးတွေရဲ့ သင်ကြားမှု အမူအကျင့်တွေ၊ခံယူချက်တွေကိုတည်ဆောက်တဲ့ကာလ။
၁၀ - ၁၅/၁၇ - ကလေးတွေ ကိုယ်ပိုင်အတွေးအခေါ်တွေ၊ အမြင်တွေ၊ ဝေဖန်းဆန်းစစ်မှုတွေ ပြုလုပ်တဲ့ကာလ။ ပညာရေးအခြေခံပညာရပ် တွေကို လေ့လာပြီး မိမိ ဝါသနာပါရာ၊ စိတ်ဝင်စားရာ၊ ထူးချွန်ရာကိုရှာဖွေဖို့ လေ့လာကြတဲ့ ကာလ။ မိမိ ကိုယ်မိမိ ရှာဖွေလေ့လာ တဲ့ကာလ ။ စူးစမ်းတဲ့ကာလ။

ဒီလို အလွယ်ကလေး အားလုံးနားလည်အောင် အကြမ်းဖျဥ်းယူဆလို့ရပါတယ်။ ၁၈ အထက်ကတော့ ခုထည့်မပြောသေးပါဘူး။

ဒီတော့ မိဘ အနေနဲ့ ကလေး ကို ဥပမာ စာမှာ ထူးချွန်မှာလား ဆိုရင် နည်းနည်း စပြီးယုတ္တိရှိရှိ အကဲခတ်လို့ရတာက year 5 နဲ့အထက်မှာဖြစ်ပါတယ်။ စာတကယ်တတ်သလား မတတ်ဘူးလား ဆိုတာကိုလည်း ပြတ်ပြတ်သားသားမြင်ရတာက ဒီအသက်အရွယ်ဖြစ်ပါတယ်။

ကလေးတစ်ယောက်ရဲ့ ကျောင်းပညာရေး ပြသနာ အတော်များများ က စာတတ်မြောက်မှုနဲ့ချိတ်ဆက်နေတယ်လို့ ကျွန်မ ရေးခဲ့ဖူးပါတယ်။ ဒီနေ့ အသက် ၁၀ ဝန်းကျင်စဖြစ်တဲ့ကလေးတွေရဲ့ ကျောင်းပြသနာ
တော်တော်များများက စာတကယ်မတတ်တဲ့ပြသနာဖြစ်ပါတယ်။ စာတကယ်တတ်အောင် သင်ရမယ့်အချိန် ၊ စဥ်းစားမျှဝေရမယ့်အချိန် ဒီလိုအချိန်တွေမှာ တကယ်သင်ခွင့်မရ တဲ့အခါ တွေမှာ ကလေးရဲ့ ပညာရေးအဆင့်မြင့်လာလေလေ ကွာလာလေလေပဲဖြစ်ပါတယ်။

ကြာလာတော့မိဘရော၊ ကလေးရော ၊ မိသားစု ရောပါ မပြောပြနိုင်တဲ့ ဘယ်သူ့အပြစ်မှမဟုတ်ဘဲနဲ့ အချင်းချင်း ခံစားချက်တွေဖြစ်လာကြပါတယ်။ ကိုယ့်ကလေးကိုစိတ်တိုလည်း ကိုယ်ဘဲဝမ်းနည်းရပါတယ်။ ဒီကိစ္စက နာတာရှည်ရောဂါပါ။ တကယ်တမ်း အပင်ပန်းဆုံးက ဝေဒနာရှင်ဖြစ်တဲ့ကလေးပါပဲ။ သူသည် ဒီ သင်ယူမှု ဝေဒနာ နဲ့ ရုန်းကန်ရသူ ဖြစ်ပြီး မိဘ တွေက တော့ ကလေးပင်ပန်းရင် ကိုယ်ပင်ပန်းသလို ပင်ပန်းရတဲ့သူတွေပါ။ တကယ်သနားစရာကောင်းတာက ကလေးတွေဖြစ်ပါတယ်။ ဒီလို ကလေးကလေ တကယ် ကို ပိုပိုပြီး အများကြီးဖြစ်လာပါတယ်။ အထူးသဖြင့် Covid ကာလ မှာ ကျောင်းစတက်ရတဲ့ ၂၀၂၁ မှာ ၅ နှစ်ကလေးတွေက အခု ၁၀ နှစ်ဝန်းကျင်ရောက်လာတဲ့အခါ ဒီ Great Big Leap လို့ခေါ်တဲ့ သင်ကြားရေး ခုန်ကျော်မှုကြီးကို မလုပ်နိုင် ဖြစ်လာကြတာ ပိုသိသာလာတာပါ။

မြို့ပြကျောင်းများစွာမှာဖြစ်နေတာဖြစ်လို့ ( ကျွန်မမှာ နယ် information မရှိပါ) ဘယ်ကျောင်းဘာညာ ဘာမှမဆိုလိုပါ။ ဒါက စျေးကွက်ပညာရေးစနစ်ရဲ့ ပြသနာဖြစ်ပါတယ်။ စျေးကွက်အရ ပိုက်ဆံပေးဝယ်တဲ့ အခါ ပိုရောင်းပန်းလှတဲ့အရာတွေ ကို
ရှေ့တန်းတင်လိုက်တဲ့အခါ မိဘတွေသိပ်စိတ်မဝင်စားတဲ့ အခြေခံကျတဲ့သင်ကြားမှုတွေက နောက်ရောက်၊ မှေးမှိန် မရှိကြတော့လို့ ဖြစ်ကြတဲ့ပြသနာဖြစ်ပါတယ်။ ခုဆိုဘယ်သူမှကိုစာမသင်ဘဲ KG တောင် စာမေးပွဲတွေမေးတဲ့ ၊ မူကြိုပညာရေး ပျောက်ဆုံး၊ မူလတန်း စာသင်ကြားရေးရဲ့ အလှတရား ပျောက်ဆုံး တဲ့အထိပါပဲ။ ဒါကြောင့် ခုပြသနာက နောင်ကိုပိုဆိုးဖို့ပဲရှိပါတယ်။

တကယ်စာတတ်လားဆိုတာကို Grade 4/5 ကစ တရေးရေး အဖြေပေါ်နိုင်ပါတယ်။ အဖြေပေါ်တဲ့အခါ ကုသရတာ မလွယ်လှပါဘူး။ ဒါကြောင့်စောစီးစွာသိဖို့နဲ့ ဒါကို စိတ်မပျက်ဘဲ အင်တိုက်အားတိုက်အဖြေရှာ ကြဖို့
ရည်ရွယ်ပြီးဒီစာကိုရေးလိုက်ပါတယ်။ စောစောစီးစီး သတိထားပြီး စောစောစီးစီး အဖြေရှာဖို့က အရမ်းအရေးကြီးပါတယ်။

( ဘယ်လိုလေ့လာအဖြေရှာမလဲ comment မှာကြည့်ပါ။)

ပညာရေးသည် မာရသွန်ဖြစ်ပါတယ်။ ပညာရေးမှာဖြတ်လမ်းမရှိပါ။ ပညာရေး စနစ်ကို သက်လုံကောင်းအောင် တဆင့်ချင်း တည်ဆောက်မှရပါမယ်။ ပညာရေး မာရသွန်မှာ လားရာ ပန်းတိုင်လည်းမတူကြပါ။ ကိုယ့်ပညာရေးကို တည်ဆောက်သလို
ကိုယ့်ကိုယ်ကိုယ်လည်း ရှာဖွေတည်ဆောက်ရင်း၊ ကိုယ့်လမ်းကြောင်းကို ရှာရင်း နဲ့သာ ကိုယ့်ပန်းတိုင်ကို သက်လုံကောင်းကောင်းနဲ့ဝင်နိုင်မှာဖြစ်ပါတယ်။ မိဘတွေ ဖြစ်ချင်ဇောနဲ့ တာထွက်မှာ တွန်းလိုက်ရင် Grade 4/5 မှောက်လျှက်လဲနိုင်ပါတယ်။ ကိုယ့်ရဲ့ ပံ့ပိုးမှုသည် စနစ်ကျတဲ့၊ အချိန်ယူရတဲ့၊ လှပစွာ ရှင်သန်ခွင့်ပေးတဲ့ ပံ့ပိုးမှုနဲ့ Process ကိုလက်ခံမှ ချိုမြိန်တဲ့ အသီးအပွင့် ကို ကလေးရော မိသားစုပါ ခံစားရမှာပါ။ ဒီလိုဆန်းစစ်ပြီး ကောင်းမွန်တဲ့ရလဒ်တွေရကြပါစေ၊ စာတကယ် တတ်တဲ့ကလေးတွေ ဖြစ်ကြပါစေလို့ ဆန္ဒပြုပါတယ်။ စာအရှည်ကြီးဖတ်ပေးတာလည်းကျေးဇူးတင်ပါတယ်။

18/05/2026

Earthquake drill at Tututat

Earthquake drill ကိုလုပ်တဲ့အခါ ကလေးနဲ့ဆရာမကိုကြိုတင်စောင့်မျှော်တာမျိုးမဟုတ်ဘဲ လက်တွေ့အနေအထားမှာ ပြုလုပ်ဖို့အရေးကြီးပါတယ်။ ဒီနေ့က Alert အနေအထားကြော်ငြာထားတာဖြစ်လို့ Surprise Earthquake drill လေးလုပ်ခဲ့ကြပါတယ်။

Earthquake drill သည်ကျောင်းကြော်ငြာမဟုတ်ပါဘူး။ အိမ်သာထဲရောက်နေတဲ့ကလေးတွေ ၊ ရုတ်တရက် ပြေးအထွက် ဖိနပ်မပါတဲ့ကလေးတွေ ၊ ပြေးနေရင်းနဲ့ထပ်လှုပ်တဲ့အခါ လုပ်ရတဲ့အရာတွေ နဲ့ ထိခိုက်မှုတွေကြုံလာတဲ့အခါ လုပ်ဆောင်ရတာလေးတွေကို သဘာဝအတိုင်းလေး ဝေမျှလိုက်ပါတယ်။

အလန့်တကြားဆိုတော့ ထိတ်လန့်ပြီးငိုကြတဲ့ကလေးတွေကို စိတ်တည်ငြိမ်အောင် နှစ်သိမ့်ရသလို ၊ ဒါဏ်ရာရကလေးများကိုလည်း အရေးပေါ်ကုသမှုပေးဖို့ ဆောင်ရွက်ကြရပါတယ်။

ဒီနေ့တော့ ကြိုတင်စီစဉ်မထားဘဲ ဒါဏ်ရာရသူရှိလားဆိုတော့ ၂ ယောက်ကရှိတယ်ဆို ဝင်ရောက် volunteer လုပ်တော့ ကျောရိုးမ ဒါဏ်ရာရ ( spinal cord injury) အနေအထားနဲ့ လှုပ်ရှားမှုခက်ခဲအနေအထား ( mobility injury) အနေနဲ့ သရုပ်ဖော်ကုသခဲ့ပါတယ်။
MHPSS ကုသမှုကိုလည်း သရုပ်ပြခဲ့ပါတယ်။

Earthquake drill လုပ်တဲ့အခါ အရေးအကြီးဆုံးက တကျောင်းလုံး evacuate လုပ်ဖို့ လုံလောက်တဲ့နေရာ၊ တစ်ကျောင်းလုံးကလေးတွေအားလုံး ပါဝင်နိုင်တဲ့ လုံခြုံရေးအစီအမံ လို့ထင်ပါ တယ်။ ပြီးတော့ ဆရာမများရဲ့ ကိုယ်တိုင်ဆုံးဖြတ်ညွှန်ကြားချက်ကလည်းအရေးကြီးပါတယ်။ earthquake drill ကနေအများကြီးသင်ယူလိုက်ရပြီး ကလေးတွေလည်းပိုပြီး အသင့်ဖြစ်ဖြစ်မိမိကိုယ်ကိုယ်ကာကွယ်နိုင်မယ်လို့မျှော်လင့်ပါတယ်။

အားလုံးအန္တရာယ်ကင်းလုံခြုံချမ်းမြေ့ကြပါစေ။

Earthquake Drill @ Tututat
During our daily lessons, we conducted a surprise drill. While carrying out the evacuation, two children volunteered as “injured” participants.
We extend our special thanks to all the teachers and students. May everyone stay safe in emergency situations.

18/05/2026

Earthquake alert ‼️
Please refer to the policy for more information.

16/05/2026

Join the team now!

This recruitment is for Primary years ( 5-9 years old) for 2026-27 school years.

16/05/2026

Chinese Prep&Play မှာပျော်ရွှင်စွာသင်နေကြတဲ့ ကလေးလေးတွေ။

Screentime နည်းပြီး ကလေးတွေပျော်သလို တတ်ကျွမ်းမှု ရလဒ်လည်းကောင်းအောင် သင်ကြားနေတဲ့ Chinese အတန်းလေးပါ။

အသက် (၃) နှစ်ကနေစပြီးတော့ မိဘမပါတော့တဲ့ Chinese Prep & Play အတန်းလေးဖြစ်ပါတယ်။ ဒီအတန်းလေးကတော့ ကလေးဦးရေ ပြည့်သွားပြီဖြစ်လို့ နောက်အတန်းလေးတွေအတွက် waiting list ပေးထားနိုင်ပါတယ်။

16/05/2026

SoTats Uniform Policy (2026-27)

Please note that parents are responsible for purchasing pants or skirts and shoes, as these items will not be available in the school store. Thank you.

14/05/2026

လှပတဲ့ မူကြိုနဲ့မူလတန်း ပညာရေး က မြန်မာနိုင်ငံမှာတော့ ရှင်သန်ဖို့ ရုန်းကန်နေရတဲ့အနေအထားပါ။

ဒါကို အားလုံး ဝိုင်းဝန်းကာကွယ်ဖို့က ကျွန်မတို့ ပညာရေးလောကသားအားလုံးရဲ့ တာဝန်လို့ခံယူပါတယ်။

ကျွန်မတို့ရဲ့ကလေးတွေက ကောင်းမွန်တဲ့ပညာရေးနဲ့ထိုက်တန်သူတွေဖြစ်ကြပါတယ်။


ဒါ

Reggio, Kate con i bimbi nella natura al nido Allende: "Vorrei che tutte le scuole del mondo fossero così" https://www.24emilia.com/reggio-emilia-kate-nella-natura-nido-allende-vorrei-tutte-scuole-mondo-fossero-cosi/

12/05/2026

ကျောင်းကားအလိုရှိပါသည်။
နွေရာသီ ကျောင်းပိတ်ရက် မရှိပြေးဆွဲနိုင်မည်ဖြစ်ပါသည်။

08/05/2026

မင်္ဂလာဆောင်ခါနီးလေလေ စိတ်ထဲဝေခွဲမရဖြစ်လေလေ၊​ စကားတွေထစ်ခနဲဆိုများရလေလေ ၊ အားနည်းချက်တွေပိုတွေးလာမိလေလေ ဖြစ်တတ်ကြပါတယ်။

ဘဝ မှာ ကြီးမားတဲ့ ဆုံးဖြတ်ချက်တွေ၊ အထူးသဖြင့် ကာလတစ်ခုအတွက် ကတိကဝတ် ပြုရတာတွေလုပ်တဲ့အခါ ဒီလိုဖြစ်ရတာက သဘာဝကျလူသားဆန်တဲ့ တုန့်ပြန်မှုဖြစ်ပါတယ်။ ဒီလိုပဲ သေချာရွေးထားပေမယ့် ကျောင်းအပ်ခါနီးအချိန်မှာ မိဘတွေအနေနဲ့ တူညီတဲ့ခံစားချက်မျိုးဖြစ်တတ်ပါတယ်။ ကျောင်းရွေးတာကမင်္ဂလာဆောင်ခါနီးခံစားချက်နဲ့ နည်းနည်းဆင်တူပါတယ်။

ဘာလို့ဒီလိုခံစားရလဲဆိုတော့
- ကြိုတွေးပြီးစိတ်ပူတဲ့ anticipatory anxiety ကြောင့် နံပါတ် (၁) ပါ။ မူကြို ကျောင်းစတက်တဲ့ ကလေးတွေထက်တချို့မိဘတွေကပိုခံစားရတာကလည်း အဲ့ဒါကြောင့်ပါပဲ။ လူကြီးက ပိုသိ၊​ပိုတွေး၊ ပိုခံစား တော့ ပိုပူရတဲ့သဘောပါ။ “ဟိုလိုသာဖြစ်ရင်” ဆိုပြီးတွေးပြီး စိတ်ပူတတ်ကြတာပုံမှန်ပါပဲ။

- (၂) နောက်တစ်ချက်က မိဘတွေခုချိန် ပိုစိတ်ခံစားချက်ရှိတတ်တာက မိဘတွေရဲ့သားသမီးနဲ့ပတ်သက်တဲ့နိုးကြားစိတ်ပါ။ Parental vigilance ဆိုတာလေးရှိပါတယ်။ ကလေးတွေရဲ့လိုအပ်ချက်ကို ကလေးထက်မိဘကပိုသိပြီး ဒီအချက်တွေနဲ့ပတ်သက်ပြီး ကလေးထက်မိဘက ပိုပြီး တက်ကြွနိုးကြားတတ်ပါတယ်။ ကလေးကိုယ်စား ကိုယ်က သူတို့အနာဂတ်အတွက် ရွေးချယ်မှု၊ ဆုံးဖြတ်မှုတွေကိုပြုလုပ်ရတဲ့အခါ ဒီလို ကာလမှာ သူတို့ရဲ့ ဦးနှောက်နဲ့စိတ်ခံစားချက်မှာရော ၂ ခုလုံးမှာ sensitive ပိုဖြစ်ပြီးပိုပြီးပူလောင်ရပါတယ်။ ရာသီဥတုကလည်း ပူ၊ စိတ်ကလည်းပူနဲ့ စိတ်ပူတတ်တဲ့မိဘနေရာကနေဆို ဝင်ခံစားကြည့်ပါ။

- (၃) ပြောင်းလဲမှုနဲ့မသေချာမှုတွေကိုကြုံရတဲ့အခါ လူတွေရဲ့စိတ်မှာ ပူပင်ကြတာသဘာဝဖြစ်ပါတယ်။ ကောင်းတဲ့ပြောင်းလဲမှုတွေဖြစ်တာတောင် ဥပမာ ရာထူးတက်တာ မျိုးတောင် ကိုယ့်စိတ်ကို စိတ်လှုပ်ရှားမှုဖြစ်စေပါတယ်။ အပြောင်းအလဲတွေနဲ့မသေချာမှုကာလတွေမှာ သေးငယ်တဲ့အရာတွေ၊ အဖြစ်အပျက်တွေကိုတောင် စိတ်က ပိုပူပြီးပင်ပန်းတတ်ပါတယ်။ ဒါကသဘာဝပါ။ ကျောင်းတွေပြောင်း၊ အတန်းတွေပြောင်း ဒီလိုကာလ က အားလုံးအတွက် ပိုပြီးစိတ်ပိုင်းဆိုင်ရာ sensitive ဖြစ်တဲ့ ကာလဖြစ်ပါတယ်။
နှစ်စဥ်ဒီလိုကာလကို ကျွန်မတို့ဖြတ်သန်းရပါတယ်။ မိဘတိုင်းလို့မဆိုလိုပါဘူး။ ကိုယ့်မှာဒီလိုခံစားရလို့လည်းကိုယ်ကပိုညံ့၊ပိုနုတာမျိုးလည်းမဟုတ်ပါဘူး။​ တစ်ယောက်နဲ့တစ်ယောက် စိတ်ချင်းမတူတာဘဲဖြစ်ပါတယ်။ ဒါကဘယ်ကျောင်းကမိဘမဆိုဖြစ်လေ့ရှိတဲ့အရာလေးပါ။ ဒီလိုဖြစ်မှ ကလေးအပေါ်ဂရုစိုက်တတ်တာမဟုတ်ပေမယ့် ဒီလိုခံစားရတဲ့မိဘအားလုံးကတော့ ကလေးအပေါ်ဂရုစိတ်တတ်၊စိတ်ပူတတ်တဲ့မိဘတွေ ပါ။ ဒီတော့ အများကြီးခက်ခဲမယ်ဆိုတာနားလည်ခံစားမိပါတယ်။

ဒီလိုခံစားချက်ကို လျော့ကျစေဖို့ဆိုရင်

(၁) ကျောင်းနဲ့ပတ်သက်ပြီးကိုယ့်ရဲ့အတွေ့အကြုံကိုဆန်းစစ်ပါ။ ဒါကအကောင်းဆုံးဖြစ်ပါတယ်။ ကျောင်းတစ်ကျောာင်းက ကလေးတိုင်းအတွက် ကောင်းနိုင်ချင်မှာကောင်းနိုင်ပါမယ်။ ကိုယ့်အတွက် ကိုယ့်အတွေ့အကြုံနဲ့ချိန်ဆပြီး ဆုံးဖြတ်ချက်တွေကိုပြုလုပ်နိုင်ပါတယ်။

(၂) အထင်အမြင်တွေထက် အချက်အလက်တွေကို ကြည့်ပါ။ စိတ်ပူတာရှိရင် Facts တွေကိုရှာကြည့်ပါ။ လက်တွေ့ကျကျတွေးပါ။ ထားလို့ဘာကောင်းကျိုးရမလဲ။ ဘာတွေ တိုးတက်သွားစေမလဲ။ ထားလို့ ဘာဆိုးကျိုးရှိနိုင်လဲ။ ဘာတွေဆုံးရှုံးနိုင်မလဲ။ ဒီလိုဆုံးရှုံးမှုတွေက ပြန်ကုစားဖို့ဘယ်လောက်ခက်ခဲမလဲ။ ဘယ်လို Facts တွေလိုချင်လဲ ကျောင်းကိုမေးမြန်းပါ။

(၃) ဒီအချိန်မှာယတိပြတ်ဆုံးဖြတ်ပါ။ မတွေဝေပါနဲ့။ မိဘစိတ်ခံစားချက်က ကလေးရဲ့စိတ်ခံစားချက်ရဲ့ဖောင်ဒေးရှင်းအုတ်မြစ်ပါပဲ။ မကြာခင် အပြောင်းအလဲတွေနဲ့စာသင်နှစ်အသစ်စရမယ့် အချိန် ပျော်ရွှင်တက်ကြွနေရမယ့်အစားတွေဝေကြောက်ရွံ့လာတတ်ပါတယ်။ မိမိနဲ့ကျောင်းရွေးချယ်ရေးလိုအပ်ချက်စံနှုန်းနဲ့ကိုက်ညီတဲ့ကျောင်းထဲက ရွေးချယ်ထားတာရှိရင် ဒီလိုအချိန်မှာ မတွေဝေပါနဲ့။ ဆုံးဖြတ်ချက်ကိုပြတ်ပြတ်သားသားချပြီး ကိုယ့်စိတ်လှုပ်ရှားမှုကိုအသိအမှတ်ပြုပြီး အသိ၊သတိ နဲ့နေခြင်းနဲ့ ကလေးကို စိတ်လုံခြုံမှုပေးနိုင်ပါတယ်။

(၄) exit plan ထားပါ။ ကျောင်းက အိမ်ထောင်လိုတစ်သက်တာ ကတိကဝတ်ပြုတာမျိုးတော့မဟုတ်ပါဘူး။ ဒီတော့ ကောင်းမွန်တဲ့ exit plan ထားခြင်းက မိမိရဲ့စိတ်ကိုလုံခြုံမှုပေးစေပါတယ်။
ကိုယ်ကတွေဝေတယ်ဆိုရင် တစ်လချင်းပေးလို့ရတဲ့ကျောင်းလား ။ တကယ်လို့ထွက်ရင် back up plan ကဘာလဲ။ ဒီလိုကြိုတင်ပြင်ဆင်ထားသင့်ပါတယ်။ အမြဲအပြတ်ကိုယ့်စိတ်တိုင်းကျဖြစ်လားမဖြစ်လားအပေါ်မူတည်ပြီး လိုအပ်တဲ့ဆုံးဖြတ်ချက်ကိုပြုလုပ်သင့်ပါတယ်။

ဆိုတော့ စာသင်နှစ်သစ်ချဥ်းကပ်လာတာနဲ့အတူ မိဘနဲ့ကလေးတွေမှာ ဖြစ်တတ်တဲ့ စိတ်ခံစားချက်များနဲ့ အဲ့ဒီစိတ်ခံစားချက်တွေကို အောင်မြင်အောင်ဖြတ်သန်းနိုင်တဲ့ အကြံဥာဏ်လေးတွေကိုဝေမျှပေးလိုက်ပါတယ်။ ကျောင်းအနေနဲ့လည်း မိဘတွေကျောင်းကို ဒီအချိန်မှာ ကျောင်းကိုချဥ်းကပ်မေးမြန်းမှုတွေကို အမြဲတမ်းအချိန်ပေးဖြစ်သလို ပြင်ဆင်မှုတွေ၊ အချက်အလက်တွေ နဲ့ easy exit plan တွေထားပြီး အမြဲတမ်း မိဘတွေနဲ့ ကလေးတွေအတွက်အလွယ်ကူဆုံးဖြစ်အောင်ဦးစားပေးဆောင်ရွက်ပေးထားပါတယ်။ ကျောင်းအားလုံးကလည်းအလားတူဆောင်ရွက်နေမယ်လို့ထင်ပါတယ်။​ မိဘတိုင်းလည်း ကလေးတွေနဲ့အတူစိတ်လှုပ်ရှားရင်ခုန်ခြင်းနဲ့အတူအကောင်းဆုံးပြင်ဆင်ကြပါမယ်။

ဒီတော့ အောင်မြင် ပျော်ရွှင်တဲ့စာသင်နှစ်ဖြစ်ပါစေလို့ ကလေးတိုင်းအတွက်ဆုတောင်းပေးလိုက်ပါတယ်။