လူငယ်တွေက လူငယ်တွေအတွက်
လူငယ်ခံစားမှု ရသတွေ.
17/09/2021
-နှုတ်ခမ်းနီမလေးသို့-
အချစ်ဆိုတာ
တောတောင်လည်းဖြစ်နိုင်သလို
လေပြေလေးလည်းဖြစ်နိုင်ရဲ့
ပါးမို့မို့လေးကလည်း
အချစ်ဖြစ်နိုင်သလို
အပြုံးချိုချိုလေးကလည်း
အချစ်ဖြစ်နိုင်ရဲ့
အချစ်ရေ
သာယာတဲ့ ဒီကမ္ဘာမှာ
အချစ်ဆိုတာ အရာရာပါကွယ်။
ဖြိုးပြည့်
15/09/2021
-နားလည်တာကနားလည်တာပဲ၊ ဝမ်းနည်းတာကဝမ်းနည်းတာပဲ-
မြို့ထဲမှာ ငါတစ်ယောက်တည်း လမ်းလျှောက်တယ်
စိတ်ထဲကအသံဆိုတာကလည်း မြေအောက်မြောင်းထဲမှာစီးနေတဲ့ရေလိုပဲ
မင်းကိုတစ္ဆေခြောက်လို့မရ အိပ်မက်ပေးလို့မရ
မြို့ထဲမှာ ငါတစ်ယောက်တည်း လမ်းလျှောက်ဖြစ်တယ်
တစ်ယောက်ယောက်ကို တိုင်တည်လိုက်တိုင်း
ဝရန်တာဟာ ချောက်ချားစရာဖြစ်လာ
နားလည်တာက နားလည်တာပဲ
ဝမ်းနည်းတာက ဝမ်းနည်းတာပဲ
ဒီစကားကို ပြီးခဲ့တဲ့နှစ်ပတ်လောက်က
တစ်ယောက်ယောက်ကို လှမ်းပြောခဲ့မိလားမသိ
ညဘက်ရောက်ရင် ဝရန်တာတွေက ကြောက်စရာကောင်းလာ
ငါစကားဆယ်ခွန်းပြောလို့ ငါ့ကိုစကားတခွန်းပြန်မပြောလည်း
ငါနားလည်ပါတယ်
ဒါပေမယ့် နားလည်တာက နားလည်တာပဲ
ဝမ်းနည်းတာက ဝမ်းနည်းတာပဲ ဆိုပြီး
တိုက်ရှေ့က ဗာဒံပင်ကြီးရဲ့ရင်ခွင်ထဲ တိုးဝင်ပြီးသာ ငိုချင်လာ
ဆိုင်ဆိုင်မဆိုင်ဆိုင်
တစ်ယောက်ယောက်ကို တိုင်တည်ပြီး
တစ်ယောက်တည်း လမ်းလျှောက်ထွက်ရင်ကောင်းမလား
*တစ်ယောက်တည်းနေတဲ့အချိန် မိုးတွေရွာတော့ ပျင်းဖို့ကောင်းတာပေါ့
နားလည်တာက နားလည်တာပဲ
ဝမ်းနည်းတာက ဝမ်းနည်းတာပဲ
ဆိုင်ဆိုင်မဆိုင်ဆိုင်
တစ်ယောက်ယောက်ကို တိုင်တည်လိုက်ပြီး
ပန်းခြံထဲမှာ တစ်ယောက်တည်းပဲ ထိုင်နေရတာ ဝမ်းနည်းစရာကောင်းတယ်
ဒါပေမယ့် ဝမ်းနည်းတာက ဝမ်းနည်းတာပဲ
နားလည်တာက နားလည်တာပဲလို့
တစ်ယောက်ယောက်ကို တိုင်တည်လိုက်ပြီး
ပြောလို့ရရင်ကောင်းမယ်
အောင်ဆန်းဖုန်းဇော်
01/09/2021
-ဇာတ်သိမ်းများ-
မျှော်လင့်ထားသလို ဖြစ်မလာဘူး။
အဆုံးမှာ
စာတန်းမထိုး
ပြီးပါပြီလို့ရေးမသွား။
ပြန်လို့ရပြီတဲ့
ရုပ်ရှင်က
မခန့်လိုက်တာ
အဖြူရောင် ပိတ်ကားပေါ်မှာ
အဖြူရောင်စာလုံးနဲ့ စာတန်းထိုး
ဖြူစင်ခြင်း ဇာတ်ကားဆိုပဲ
မိုက်လိုက်တာ
မခန့်လိုက်တာ
ပြန်လို့ရပြီတဲ့။
ညီမင်းသက်
01/09/2021
◾️ဆူဒိုခု ◾️
အလွယ်တကူမှားမှားယွင်းယွင်း စီးဆင်းပစ်နိုင်တဲ့
မြစ်ကို လက်မှာတက်တူးထိုးထားသူ။
မြစ်ဟာ
ကွက်လပ်ထဲမှာ သူ့ရေနဲ့သူ ပြန်ဖြည့်သလို
ကိုယ့်အမှားဟာ ကိုယ့်ကို နှစ်ကိုယ်ခွဲလိုက်တဲ့အခါ
တကိုယ်က မြစ်ကျိုးအင်း
တကိုယ်က ဆက်လက်စီးဆင်း။
ဘဝထဲမှာ
မင်းအတွက် နေရာမရှိတော့ပါ။
တနေ့တခြား ကိုယ့်ကိုယ်ပွားများသာ
တိုးပွားလာ။
အောင်ဆန်းဖုန်းဇော်
ဖေဖော်ဝါရီ ၂၆၊ ၂၀၂၀။
29/08/2021
-အကျည်းတန် ရက်စွဲများ-
မျက်စိ ဖွင့်ရင် ဖွင့်သလောက်
နား စွင့်ရင် စွင့်သလောက်
မြင်နိုင်ကြားနိုင်တဲ့ ကမ္ဘာကြီးမှာ
ကျွန်တော်ဟာ
မျက်ကန်းတစ္ဆေ မကြောက်
နေ့ရက်များဆီသို့
တဖြည်းဖြည်းချင်းလျောက်နေရတဲ့
မြန်မာပြည်သားတစ်ယောက်ပါ။
သျှန်(စက်မှု)
27/08/2021
-ဖက်တွယ်ခြင်းများ-
ပြတ်တောင်းပြတ်တောင်း လှိုင်းသံမှ စံတော်ချိန်ကို ကြားနေရသည်။ တိကျသည်ဆိုသလောက် အသံ၏ အလျင်ကို တွက်ပြီး မတိကျဘူးလို့သာ ခံယူလိုက်သည်။ ဒါနဲ့များ တနေ့တနေ့ မြန်မာစံတော်ချိန်တွေ၊ သက်ဆိုင်သူ ကြားပါစေသားတွေကို စိတ်တွင် ညှိတွယ်နေမိသေး သည်။ အရင်တပတ်က ဓာတ်ခဲနှစ်လုံးထည့် ရေဒီယိုလေးမှ ဓာတ်ခဲသုံးလုံးထည့် ရေဒီယိုလေးကို ပြောင်းဖြစ်သော်လည်း ဖက်တွယ်ခြင်းတွေက ပြောင်းမသွား။ စံတော်ချိန် အလိုက် အိပ်ရ၊ စားရ၊ ရေချိုးရ၊ အခြားတစ်ခုခု လုပ်သင့်တာ လုပ်ရနဲ့။ ဓာတ်ခဲ တစ်လုံးပိုတိုးလာလည်း ဘာမှ ပိုမလုပ်ဖြစ်သလို စံတော်ချိန်ကလည်း ပိုတိကျမလာဘူး။
မနက်မနက် အသက်ရှူလေ့ကျင့်ခန်းလုပ်နည်းတွေ လွှင့်နေတော့ အသက်မရှူတတ်ဘဲ ဘယ်သူတွေ မွေးလာလို့လည်း တွေးမိသည်။ တစ်ခုခုတွေ ကောင်းမွန်လာဖို့ လေ့ကျင့်ခန်းတွေ လုပ်ရသည်ဆိုတာကို သိပ်လက်မခံချင်။ ဓားဆိုတာ သွေးမှ ပြတ်တယ်ဆိုတာမျိုး။ သွေးလို့ စားသွားတဲ့ ဓားတွေကရော ကြာရှည်ခံလို့လား မေးချင်သည်။ ကိုယ့်အတ္တနဲ့ကိုယ် ဖက်တွယ်ခြင်းကို နေသားကျနေတော့၏။
ညီမင်းသက်
24/08/2021
-ကမ္ဘာမဲ့များ-
ဗုဒ္ဓသာ မရှိရင် သုညကမ္ဘာပဲ။
စလယ်ဆုံး သုံးပါးစလုံးက ရာသီဥတုမရွေး
ဖောက်ပြန်သွားတဲ့ အိုဇုန်းလွှာကြီးလို
အညစ်အကြေးတွေရှူရင်း ညစ်ထေးသွားတဲ့
မော်လီကျူးတွေပဲ။
ပေါက်ထွက်နေတဲ့ စိတ်တွေ၊
နစ်မြုပ်သွားတဲ့ အပိုင်းအစတွေ၊
ကလိုရိုဖီးလိုနေတဲ့ မျက်နှာတွေ
တနေ့ထက် တနေ့ အစာမချက်နိုင်ခဲ့။
ခေါင်မိုးမလုံတဲ့ မိုးရာသီမှာ
မုန်တိုင်းတွေ အားကောင်းတော့
အသက်ရှူရင်း လှေလှော်ရင်း၊
လှေလှော်ရင်း အသက်ရှူရင်း
တက်ဟာ ငါ့ရဲ့ ဆန့်ကျင်ဘက်ကို
ရုန်းကန်ပေးရ။
ကျန်ခဲ့တဲ့ လှိုင်းတွေ၊
ကျန်ခဲ့တဲ့ ကမ်းတွေ၊
ပြိုနေတဲ့ ကမ်းပါးတွေရဲ့ဘေး
ရွေ့နေတာ လူလား လှေလား စိတ်လား
မသဲကွဲနိုင်ဘူး။
လူက လှေကို လှော်ချင်စိတ်မရှိ၊
စိတ်က လူကို ခိုင်းချင်စိတ်မရှိ၊
လှေက ရွေ့ချင်စိတ်မရှိ။
ဒီလိုနဲ့ပဲ ခရီးတစ်ခုရောက်သွားခဲ့ကြ။
မရွေ့နိုင်တော့တဲ့ လူဟာ
လှေရဲ့နောက်မှာ ကျန်ခဲ့ရ။
ဗုဒ္ဓသာ မရှိရင် တကယ့် သုညကမ္ဘာပဲ။
ညီမင်းသက်
23/08/2021
-စတီးရွိုက်များ-
အရိပ်တွေက
တကယ်ရှိခဲ့တာ မဟုတ်ဘူး။
ပြုတ်ကျသွားတဲ့ ညနေခင်းတိုင်း
ရောင်ရမ်းသွားတဲ့ ခြေလှမ်းတွေမှာ
အရိပ်မရှိဘူး။
အရိပ်က စိတ်ပဲ။
စိတ်ခဏခဏ ပြုတ်ကျလို့
ရောင်ရမ်းခဲ့တဲ့ အရိပ်တွေ
အခုတော့
ခြေလှမ်းတွေမရှိတော့ဘူး။
ညီမင်းသက်
| ျမစ္ |
ကိုယ္ဘယ္ေတာ့မွ ခြဲမသြားဘူး
ကိုယ္ဘာမွခံစားမွာလည္း မဟုတ္ဘူး။
ရယ္ရတယ္ေနာ္ ကိုယ္က
ဘာမွခံစားစရာမရွိေတာ့ရင္
သစ္ကိုင္းေျခာက္ေလးလို က်ိဳးက်ခ်င္တာ၊
ဘာတခုမွမခံစားရဘဲ ေမာင္းျဖဳတ္လိုက္ရင္
အသံ ထြက္သြားမလား
ကိုယ္ဘယ္မွထြက္မသြားေတာ့ပါဘူး
ဘာမွခံစားရမွာလည္း မဟုတ္ေတာ့ဘူး။
#ေအာင္ဆန္းမင္း
မတ္ ၁၇၊ ၂၀၁၉။
12/11/2018
လူ႔အဖြဲ႕အစည္း မွ ႀကိဳဆိုပါတယ္
_______________________
အမွန္တရားလား
အမွားတရားလား
အနာဂတ္ ဟာ ေမွ်ာ္လင့္ခ်က္မရွိ ။
စကၠန႔္တိုင္းက
လူေတြကို ေမြးဖြားသလို
လူေတြကို စုပ္ယူၾကတယ္ ။
နာရီစင္ေပၚက
မ်က္လုံးေတြ လူေတြကို
အခ်ိန္ျပည့္ေစာင့္ၾကည့္ေနၾကရဲ႕။
ၿဖိဳးျပည့္
12/11/2018
ဗလာ နိဒါန္း
-
ပ်က္သုဥ္းျခင္းဟာ
ညေနခင္းနဲ႔ ဆင္းသက္လာတယ္
ပတ္ဝန္းက်င္ထဲ
ငါ့မ်က္လံုးထဲက မင္းမ်က္လံုးထဲမွာ ငါ့မ်က္လံုးဟာ
မင္းမ်က္လံုးကို တမ္းတမ္းတတေမ်ာ္လို႔
ဗလာျဖစ္သြားတဲ႔ ဒီေန႕ကို
အရင္တစ္ေန႕အစား ဖက္တြယ္ ထားတယ္
အတိတ္ဟာ
ဝတ္စားဆင္ယင္ထားတဲ႔ ငါ့ရဲ႕ဗလာစစ္စစ္
မင္းဖိနပ္သံေတြ တိတ္သြားတဲ႔ ညေနကစတယ္
ပခုကၠဴဟာ ဘာမွမရွိေတာ့ဘူး ဗလာျမိဳ႕
ခနေနရင္ ရန္ကုန္ကို ငါခြဲးျခမ္းစိတ္ျဖာျခင္းနဲ႔ ခ်စ္ရအံုးမွာ
ငါဟာ ဗလာျဖစ္ေနသ၍ မင္းကငါ့ဗလာအပိုင္းအစျဖစ္တည္
ဗလာကိုေထြးပိုက္ ေနအံုးမယ္
ခနတာ ဗလာဟာ ဘဝ
ခနတာ ဗလာဟာ သူမ
ခနတာ ဗလာျဖစ္ျခင္းသည္ သက္ေတာင့္ သက္သာေတာ့ မဟုတ္
သို႔ေသာ္ ခနတာ ဗလာသည္ ဒီေန႔ သက္ေရာက္ခဲ႔ ။
ေကသရာ
8.11.17
09/11/2018
ၿဖိဳးျပည့္