YKBBS

ကစၢ်ယွၤ ကွၢ်ထွဲတၢ်ဂ့ၢ်အဆံး လီၤတံၢ်လီၤဆဲး ယဖိဒိၣ်မုၣ်န့ၣ် မ့ၢ်ပှၤထီၣ် ခီလ့ၣ်ကၠိ သီသီဖိတဂၤ, ဒီးအတၢ်ဖံးတၢ်မၤအါလၢ ကၠိအတၢ်မၤ, ဒီးတၢ်မၤဘၣ်လိာ်ဘၣ်စးအသးဒီ....

https://www.youtube.com/live/h9_tI1C4hmE?si=AYkJLT3a4g8-_FHH

တၢ်အဲၣ်တၢ်ကွံအကျိၤအကျဲ
https://kayin-odb.org/article/2026-02/

တၢ်ဂ့ၢ်ခိၣ်တီလၢ လါဖ့းဘြူၤအါရံၤ | တၢ်ဒုးအိၣ်ထီၣ် တၢ်အဲၣ်တၢ်ကွံ အသကဲးပဝာ်

ကၠဲရံၣ်ဘီး(Jerry Bock) အတၢ်ဂီၤမူ “ပှၤဒ့သီတူၢ်လၢဟံၣ်ခိၣ်ဒုးအဖီခိၣ်”အပူၤ, တၢ်ဒုးနဲၣ်တဖၣ် အကျါ ယဘၣ်သူၣ်ဘၣ်သးအဒိၣ်ကတၢၢ်တမံၤန့ၣ်, ပှၤဂဲၤဒိတၢ်ခိၣ်ကျၢၢ် တဲဘံ(Teyve)တဂၤ, လၢတၢ်သူၣ်ဟူးသးဝးအပူၤန့ၣ် သံကွၢ်ဝဲဒၣ်အမါ ကိဒံၣ်(Golde), အမါလၢအဘၣ်ဟံးန့ၢ်ဝဲ ခီဖျိ လၢမိၢ်ပၢ်တဖၣ်အတၢ်ရဲၣ်တၢ်ကျဲၤ, ဒီးစံးဝဲလၢမ့ၢ်အမါအဲၣ်အီၤကစီဒီဧါန့ၣ်ဒီး, လၢတၢ်သးတံာ်တာ် အပူၤန့ၣ် အမါစံးဆၢက့ၤအီၤလၢ “မ့ၢ်ယအဲၣ်နၤဧါ”န့ၣ်လီၤ. တၢ်ကတိၤခီလဲလိာ်သးတမံၤအံၤ ဒုးဆိကမိၣ်ထီၣ် ကိဒံၣ်, ဒ်သိးကအၢၣ်လီၤတူၢ်လိာ်တၢ်အမ့ၢ်အတီတမံၤ, လၢ၂၅ နံၣ် အတီၢ်ပူၤ, တၢ်လဲၤက့ၤဖံးသကိးမၤသကိး, ဂုာ်ကျဲးစၢးသကိး, ဒီးတၢ်လုၢ်ဒိၣ်ထီၣ်သကိးဖိတဖၣ်န့ၣ် မ့တမ့ၢ် ဘၣ်“တၢ်အဲၣ်”န့ၣ်ဒီး, ကမ့ၢ်တၢ်မနုၤလဲၣ်န့ၣ် အဝဲတသ့ၣ်ညါလၢၤဘၣ်န့ၣ်လီၤ. တၢ်ဂီၤမူန့ၣ် ကတၢၢ်ဝဲဒၣ်လၢ ပှၤနီၢ်ဒီမိဝၤခံဂၤလိာ်, လၢအတၢ်ဆိကမိၣ်အဒိၣ်အယိာ်အပူၤန့ၣ် သ့ၣ်ညါဝဲလၢ အဝဲသ့ၣ်အဲၣ်လိာ်အသးကဒဲကဒဲအဃိ, အသူၣ်မံသးမံဝဲဒၣ်န့ၣ်လီၤ.

ယပာ်လုၢ်ပာ်ပှ့ၤ တၢ်ဒုးနဲၣ်ဖိတတီၤအံၤ မ့ၢ်လၢအဝဲသ့ၣ်ခံဂၤလိာ် ဆဲးကပီၤဖျါထီၣ်က့ၤ တၢ်သးခုဘၣ်ဃးဒီး ပှၤလၢအဘၣ်တၢ်အဲၣ်အီၤ, ဒီးတၢ်ဟ့ၣ်လီၤသးလၢ ပကအိၣ်မူပာ်ဖျါထီၣ် တၢ်အဲၣ်ဒ်သိးအံၤန့ၣ် ဘၣ်တၢ်စိးပျၤတ့ဒုးအိၣ်ထီၣ်အီၤ ခီဖျိလၢသးသမူတၢ်သိၣ်တၢ်ဘျၢ, ဒီးလၢတၢ်ဟ့ၣ်လီၤသးအပူၤန့ၣ်လီၤ. တၢ်အံၤမ့ၢ် “တၢ်အဲၣ်” အတၢ်ထံၣ်တမံၤ, လၢအဒိၣ်န့ၢ်ယိာ်န့ၢ် နီၢ်ဒီတၢ်အဲၣ်တီတဖၣ် အတၢ်ရ့လိာ်ဘၣ်ထွဲလိာ်သးအဘၢၣ်စၢၤန့ၣ်လီၤ. လၢလံာ်စီဆှံအသီ တကတြူၢ်အပူၤန့ၣ်, ဒ်သိးပှၤစူၢ်က့ၤနာ်က့ၤတၢ်တဖၣ် ကအိၣ်မူမၤထွဲ တၢ်အဲၣ်လၢအမူ, ဒီးဟူးဂဲၤဝဲ, ဒီးတၢ်အဲၣ်လၢ အဟ့ၣ်လီၤသးဒ်သိးအံၤအဂီၢ်, အဝဲသ့ၣ် ဘၣ်တၢ်ကွဲမုာ်အီၤတလီၢ်လီၢ်န့ၣ်လီၤ. ၁ ကရံၣ်သူး ၁၃ အပူၤန့ၣ် တၢ်ထံၣ်စိ တၢ်အဲၣ်လၢအလီၤကမၢကမၣ်တမံၤအံၤ မ့ၢ်တၢ်လၢအကြၢးအဘၣ်, ဒီးဖဲတၢ်တ့တၢ်ဖျီအကတီၢ်န့ၣ် ဘၣ်တၢ်ဖးဖျါထီၣ်အီၤ တလီၢ်လီၢ်, ဒီးမ့ၢ်လံာ်စီဆှံအဆၢလၢ အဘၣ်တၢ်စံးကတိၤလီၤဆူ ပှၤတဝၢဖိတဖၣ်အအိၣ်န့ၣ်လီၤ. မၤလိာ်ပှၤတဖၣ်အံၤလၢ ကမၤဒိၣ်ထီၣ်တၢ်အဲၣ် ဒ်သိးအံၤ, တမ့ၢ်ထဲပှၤလီၤလီၤဆီဆီ ထဲတဂၤဧိၤအဂီၢ်ဘၣ်. မ့မ့ၢ် တခီဆူ ပှၤစူၢ်က့ၤနာ်က့ၤ တၢ်ကိးဂၤဒဲး အတၢ်ရ့လိာ်ဘၣ်ထွဲလၢအဟ့ၣ်ခီဟ့ၣ်နီၤလိာ်သးလၢ အတၢ်အိၣ်မူအပူၤ န့ၣ်လီၤ.

တၢ်အိၣ်မူအိၣ်ဂဲၤအကျိၤအကျဲလၢ ၁ ကရံၣ်သူး ၁၃ ပာ်ဖျါထီၣ်ဝဲန့ၣ် တၢ်အဲၣ်တၢ်ကွံ အတၢ်အိၣ်မူအိၣ်ဂဲၤလၢ “တဃုဘၣ်အတၢ်ဒၣ်ဝဲဘၣ်” (၁၃:၅), မ့မ့ၢ် “ဒိးတၢ်ခဲလၢာ်, နာ်တၢ် ခဲလၢာ်, ဒီးဝံသးစူၤတၢ်ခဲလၢာ်” (၁၃:၇) န့ၣ်လီၤ. တမ့ၢ်ဝဲဒ်န့ဆၢၣ် အတၢ်ဟဲအိၣ်ထီၣ်အသး ဒၣ်ဝဲအသိးဘၣ်. မ့ၢ်ဝဲ တၢ်အိၣ်မူအကျိၤကျဲလၢ ပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ် ဃုထၢ သ့ဝဲဒၣ် တနံၤဘၣ်တနံၤ, ခီဖျိလၢသးစီဆှံ ဟ့ၣ်စီဟ့ၣ်ကမီၤပှၤ ဒ်သိးပကပျဲပျၢ်စူးကွံာ်ညိကွံာ် တၢ်သူၣ်က့ၣ်သးကါ, တၢ်သူၣ်ဒိၣ်သးဖျိး, ဒီးတၢ်ဃုန့ၢ် တၢ်ကဲဘျုးလၢပကစၢ်ဒၣ်ဝဲအဂီၢ်, (အ့ဖ့းစူး ၄:၃၁) ဒီးလၢအလီၢ်န့ၣ်, ပကဒိးဆီတလဲ တၢ်ဘျုးတၢ်ဖှိၣ်, ဒီးတၢ်အဲၣ် တၢ်ကွံ အကျိၤအကျဲ အတၢ်သဘျ့ (အ့ဖ့း ၅:၂), ထဲဒၣ်တၢ်လၢ ပတၢ်အုၣ်ခီၣ်ကစၢ် မၤသ့ဝဲဒၣ်န့ၣ်လီၤ.

- Monica La Rose, ကိၣ်လၢတနံၤဘၣ်တနံၤ ပှၤကွဲးလံာ်

ဘၣ်မနုၤအဃိ, ပကဘၣ်အဲၣ် ပှၤဂုၤပှၤဂၤလၢ တၢ်အဲၣ်နီၢ်နီၢ်န့ၣ်လဲၣ်. တလါအံၤ မ့ၢ်ပကလဲၤခီဖျိ
ကလၢၢ်ဘၣ်, ဒီးဆိကမိၣ်ထံက့ၤ ကစၢ်ယ့ၣ်ရှူး အတၢ်အဲၣ် အန့ဆၢၣ် မ့ၢ်တၢ်ဒ်လဲၣ်န့ၣ်တက့ၢ်. တၢ်ဂ့ၢ်မိၢ်ပှၢ်
အံၤ တၢ်ပာ်ဖျါတ့ၢ်အီၤ လၢထးတၢ်ကွဲးဖုၣ်,ဃုာ်ဒီးတၢ်ဘူၣ်တၢ်ဘါအတၢ်ကွဲးတဖၣ်လၢ လါဖ့းဘြူၤအါရံၤ ၁,၉,၁၆,ဒီး၂၃ အပူၤန့ၣ်လီၤ.

ကွဲမုာ်ဘၣ်ယွၤအပှၤဂီၢ်မုၢ်ခဲလၢာ်ဆူပတၢ်ပျၢ်ကၠိအတၢ်ရဲၣ်တၢ်ကျဲၤလီၤ