Learning & Sharing with CMH, Pansodan, Yangon (2026)

21/12/2025

ကိုယ့်စာအုပ် ကိုယ်ဖတ်ပြီး
ပြန်ကြိုက်နေပါပြီ 😁

📘KPI Setup Book (မြန်မာလို)
https://www.facebook.com/share/p/1BzukJjDaV/?mibextid=wwXIfr

04/09/2025

🚩AI နဲ့ HR ဘယ်လိုချိတ်ဆက်လို့ရနိုင်လဲ❓

လက်ရှိဖြစ်ပေါ်နေတဲ့ AI ဂယက်တွေဟာ အခုဆိုရင် ကျွန်တော်တို့ HR တွေအတွက်ပါ စိန်ခေါ်မှုတွေနဲ့ အခွင့်အလမ်းတွေပါ ပူးတွဲပြီး ပါလာနေတာကို တွေ့နေရပါတယ်..

👉မြန်မာကုမ္ပဏီတွေမှာလည်း AI + HR ချိတ်ဆက်ထားမှုတွေရှိလာနေပါပြီ..

HR Function ရဲ့ ဘယ်နေရာတွေမှာ အသုံးများလည်းဆိုရင်
📌Recruitment → Job portal တွေ (JobNet, MyJobs) မှာ AI CV matching system အချို့သုံးလာကြတာတွေ့နေရတယ်။
📌Attendance & Payroll → Face recognition + automated payroll system သုံးတဲ့ local software house တွေ (BlueStone, MyanHR) မှာသုံးလာကြတယ်။
📌Employee Engagement → Survey + simple chatbot tool များ အသုံးပြုလာနေကြတယ်။
📌HR Assistant တစ်ယောက်အနေဖြင့်လည်း ဝန်ထမ်းတွေ မေးမြန်းသမျှ ပြန်လည်ဖြေကြားပေးတဲ့ HR Chatbot တွေလည်း တဖြည်းဖြည်း အစားထိုးလာတာတွေ့နေရပါပြီ ..

❗ဒီနေရာမှာ နည်းနည်းရှင်းပြချင်တာကတော့ AI အစားထိုးလို့ရတဲ့အပိုင်းရှိသလို၊ အစားထိုးလို့မရတဲ့အပိုင်းလည်းရှိပါတယ် ..

✅AI က အစားထိုးနိုင်မယ့်အပိုင်းများ
❗AI က algorithm နဲ့ data အပေါ် အခြေခံပြီး လုပ်ပေးနိုင်တဲ့ အလုပ်တွေမှာ အစားထိုးနိုင်ပါတယ် ..
👉Repetitive Tasks → CV screening, attendance checking, leave approval
👉Data Analysis → Payroll calculation, performance KPI analysis
👉Chatbot Communication → FAQ, basic HR inquiries (leave policy, salary date, benefits)

👉 ဥပမာ: ကုမ္ပဏီက ဝန်ထမ်း အယောက် ၁၀၀ hire လုပ်ဖို့ CV ၅၀၀၀ ကို HR staff ၁၀ ယောက်နဲ့ မနက် ၉ နာရီထဲ စိစစ်ဖို့မလွယ်ဘူး။ AI က အချိန်အနည်းငယ်ထဲမှာ filter လုပ်ပေးနိုင်တယ် ..

❌AI အစားထိုးလို့ မရနိုင်တဲ့ အပိုင်းများ
AI နဲ့ အစားထိုးမလို့ မရတဲ့ အချက်တွေက
❗Human Touch လိုအပ်တဲ့ အပိုင်းတွေဖြစ်ပါတယ် ..
👉Empathy & Emotional Intelligence → ဝန်ထမ်းရဲ့ စိတ်ဓာတ်ကျသွားမှုကို အားပေးတာ
👉Conflict Resolution → အဖွဲ့တွင်း ငြိမ်းချမ်းစေဖို့ မျက်နှာချင်းဆိုင် ဆွေးနွေးတာ
👉Leadership & Culture Building → အဖွဲ့အစည်းရဲ့ value, culture ကို တည်ဆောက်တာ
👉Strategic Decision Making → AI က data အပေါ် အကြံပေးနိုင်ပေမယ့် ရှေ့လမ်းကြောင်း ဦးတည်ဖို့ ကိုယ့်အတွေ့အကြုံနဲ့ တာဝန်ယူဆုံးဖြတ်ဖို့ HR leader လိုပါတယ်..

👉 ဥပမာ: ဝန်ထမ်းတစ်ဦး အလုပ်ထွက်ချင်နေပြီဆိုရင် AI က “Risk of Attrition = 85%” လို့ပြပေမယ့်, သူ့ကို ထိထိရောက်ရောက် motivate လုပ်နိုင်တာက လူတစ်ဦး HR manager ဖြစ်တယ်..

💥အနာဂတ် HR ရဲ့ အခန်းကဏ္ဍ
👉AI = Assistant → AI က HR ကို အစားထိုးမဟုတ်ဘဲ ကူညီပေးမယ့် နည်းပညာ ဖြစ်မယ်။
👉HR Role Upgrade → Transactional HR → Strategic HR
(ဉာဏ်ရည်အတုနဲ့ တူတဲ့ repetitive task မဟုတ်ဘဲ, AI ကို အသုံးချပြီး strategy, leadership, culture, talent management ကို အာရုံစိုက်မယ်)

✅အကျဉ်းချုပ်
❗AI က HR ကို အပြည့်အဝ အစားထိုးလို့ မရသေးပါဘူး ဒါပေမယ့် day-to-day operation,repetitive work တွေကို AI က လိုက်ထောက်ပံ့မယ့်အတွက် HR သည် ပိုပြီး လူနဲ့ ပတ်သက်တဲ့ strategic decision & leadership ကို အာရုံစိုက်ရမယ်..

💥Future HR Skills အနေနဲ့ AI နဲ့အတူ ရှင်သန်ဖို့ လိုအပ်တဲ့ကျွမ်းကျင်မှုများမှာ
-Strategic Thinking & Business Acumen
-Emotional Intelligence (EI)
-Change Management & Agility
-Leadership & Influence
-Creativity & Problem Solving
-Data Literacy & HR Analytics
-Technology & AI Literacy❗

🔺Technology & AI Literacy ဆိုတာ
Chatbot, ATS, HRIS, Power BI, AI tool များကို basic level သုံးတတ်ရမယ်၊ HR တွေဟာ AI အကြောင်းကို ဗဟုသုတလောက်တော့ ရှိအောင်လုပ်ထားသင့်တယ် ..

ဘာကြောင့်လည်းဆိုရင် HR က tech team နဲ့ပြောနိုင်ဖို့နဲ့ HR digital roadmap တည်ဆောက်ဖို့လိုတယ် ..

AI အစားထိုးမယ့် HR မဖြစ်ချင်ရင်တော့ Tech Literacy + Human Touch + Strategic Leadership ကိုပေါင်းစပ်ထားဖို့ လိုပါမယ် ..

💥ယခုလမှာ ကျွန်တော်ရဲ့ AI for HR – Online (Batch-1) သင်တန်း စဖွင့်ဖို့ရှိပါမယ်၊ အဓိကတော့ HR တွေ စမ်းတဝါးဝါး AI အကြောင်းတွေ လျှောက်လေ့လာနေတာထက်စာရင် ကိုယ့် HR Matters နဲ့ဆိုင်တဲ့ AI အကြောင်းကိုပဲ ဆက်စပ်လေ့လာထားသင့်တယ်လို့ မြင်ပါတယ် ..

🔺AI for HR (Batch-1) | Online Certification
https://www.facebook.com/share/p/1AE3JF3exp/?mibextid=wwXIfr

31/03/2025

တူတူ လှူရအောင်💪

🙏မင်္ဂလာပါ ၊ ကျွန်တော်တို့ထက် သဘာ၀ဘေးအခက်ခဲများကို ရင်ဆိုင်နေကြရသောသူများကို တစ်ဖက်တစ်လမ်းမှ ကူညီပေးနိုင်ဖို့ရာ ကိုယ်နိုင်သလောက်လေး တက်စွမ်းသလောက် ကူညီအားဖြည့်ပေးကြရအောင်လား❓

🚩ဒီတစ်ပတ်ထဲမှာ ယုံကြည်စိတ်ချရမယ့် သက်ဆိုင်ရာ မြေပြင်အဖွဲ့အစည်းများသို့ တိုက်ရိုက်လှူသွားဖို့ရှိပါသည်။

ကျွန်တော်အနေဖြင့် (၂) သိန်း မတည်ပေးသွားပါမည်။ ကျွန်တော်ရဲ့ သင်တန်းသူ၊ သင်တန်းသားဟောင်းများနှင့် မိတ်ဆွေ သူငယ်ချင်းများလည်း ကျွန်တော်နဲ့ အတူတူ လှူဒါန်းလိုလျှင် ကျွန်တော်ကို ဆက်သွယ်ပေးပါ။

ယခုလို ကျွန်တော်နဲ့အတူ လှူဒါန်းသူများကို ကျွန်တော်ရဲ့ သိန်းချီတန်သော “Pay-Structure ရေးဆွဲခြင်းအထူးသင်တန်း” ကို ပညာဒါနအနေဖြင့် မေတ္တာလက်ဆောင် ပေးသွားပါမည်။ (ဒီအတိုင်း အလှူမခံခြင်းတာကြောင့်ပါ)

📌Wave/Kpay – 09967023119 (U Chit Min Hein) , အလှူငွေ ကန့်သတ်ချက်မရှိပါ✅

📌ပုံ၏ QR ကို Scan ဖတ်ပြီး Together Donation Viber Group သို့ဝင်ပြီး လှူဒါန်းထားသော ငွေပမာဏအား Screen Short ပို့ပေးပြီး နာမည် လာပြောပေးပါ (အချိန်နဲ့တပြေးညီ အလှူငွေစာရင်းအား အတိကျထုတ်ပြန်ပေးသွားပါမည်) ၊ Messenger မှလည်း ဆက်သွယ်နိုင်ပါသည်။

📌မှတ်ချက် ။ ။ 7.Apr.25 | 1:00 pm နောက်ဆုံးထား လှူဒါန်းနိုင်ပါသည်။ လှူဒါန်းသူများအနေဖြင့် Note တွင် “တူတူလှူ” လို့ရေးပေးပါရန်။

✅ရရှိလာသော အလှူငွေများအားလုံးအား သက်ဆိုင်ရာ ယုံကြည်ရသည့်နေရာများသို့ လှူဒါန်းသွားပါမည်..

✅Pay-Structure Course (ပညာဒါန)
https://www.facebook.com/share/p/18Ft6xzaVH/?mibextid=wwXIfr

သင်တန်းလေ့လာနိုင်ဖို့အတွက် Viber Group တွင် လင့်ပို့ပေးထားပါမည်။ (သင်တန်းအတွက် E-Certificate လည်းပေးပါမည်)

တူတူလှူ ၊ တူတူကူကြပါ ..

15/01/2025

3 Idiots ဇာတ်ကားကို ဒီရက်ထဲ နောက်တစ်ကြိမ် ပြန်ကြည့်
မိတော့ ဇာတ်ဝင်ခန်း တစ်ခုကို သဘောကျမိတယ်။ အရင်
ကလည်း အဲ့ဒီဇာတ်ဝင်ခန်းကို သဘောကျပါတယ်။ ဒီတစ်ခါ
တော့ သဘောကျရုံတင်မကပဲ အဲ့ဒီဇာတ်ဝင်ခန်းအကြောင်း
စာရေးချင်စိတ်ပါ ဖြစ်လာတယ်။ အင်ဂျင်နီယာ တက္ကသိုလ်
မှာ ဆရာဖြစ်သူက Machine ဆိုတာ ဘာလဲလို့ ရန်ချိုကို
မေးတယ်။ “လူတွေရဲ့ လုပ်အားကိုလျှော့ချပေးနိုင်သမျှ
အရာတွေကို စက်လို့ခေါ်ပါတယ်” လို့ ပြန်ဖြေတယ်။ ဒီထက်
ပိုပြီး အသေးစိတ်ရှင်းပြပါလားလို့ ဆရာက ထပ်မေးတော့
ရန်ချိုက “အလုပ်ကို ပိုပြီးရိုးရှင်းအောင်၊အချိန်သက်သာအောင်
လုပ်ပေးနိုင်သမျှ အရာတွေအားလုံးဟာ စက်တွေပါပဲဆရာ၊
ပူပြင်းတဲ့နေ့တွေမှာ ခလုပ်လေးတစ်ခုကို နှိပ်လိုက်ရုံနဲ့
လေအေးတွေရအောင် လုပ်ပေးတဲ့ ပန်ကာကလည်း
စက်ပါပဲ..ဆရာ၊ မိုင်ပေါင်းများစွာ ဝေးတဲ့နေရာက သူငယ်ချင်း
တွေနဲ့ စကားပြောလို့ရအောင် လုပ်ပေးတဲ့ တယ်လီဖုန်း
ကလည်း စက်ပါပဲ..ဆရာ၊ စက္ကန့်ပိုင်းအတွင်းမှာ ဂဏန်း
ပေါင်းများစွာကို တွက်ချက်ပေးတဲ့ ဂဏန်းပေါင်းစက်
ဟာလည်း စက်ပါပဲ..ဆရာ၊ ဘောလ်ပင်ထိပ်က ဘုသီး
လေးက အစ၊ ဘောင်းဘီဇစ်အထိ စက်ပါပဲ..ဆရာ”လို့
ဖြေတယ်။ အဲ့ဒီမှာ ဆရာက လုံးဝ သဘောမကျဘူး။
ဘယ်သူသိသေးလဲမေးတော့...စာကြမ်းပိုး ချာတူးက
လက်ထောင်တယ်။ သူကတော့ ကြက်တူရွေးကျက်
ကျက်ထားတာကို ရွတ်ပြသွားတယ်။ ဆရာက အရမ်း
သဘောကျသွားတယ်။

အဲ့ဒီဇာတ်ဝင်ခန်းလေးကို မြင်တော့ ကျွန်တော်တို့ ပညာ
ရေး စနစ်ကို မြင်ယောင်မိတယ်။ ကျွန်တော်တို့ ငယ်ငယ်
ထဲက အနှစ်တွေကို မသင်ခဲ့ရဘူး။ တကယ်နားလည်ပြီး
ပျော်ပျော်ရွှင်ရွှင် သင်ခဲ့ရတဲ့ ဘာသာရပ်ဆိုတာ နည်း
တယ်။ နားလည်သည်ဖြစ်စေ၊ နားမလည်သည်ဖြစ်စေ၊
သင်ရိုးစာအုပ်ထဲက စကားလုံးတွေကို အလွတ်ကျက်ရ
တယ်။ Definition ဆိုတာ ကျက်စာလို့ပဲ သတ်မှတ်ခဲ့
တယ်။ရူပဗေဒဆိုတာစိတ်ဝင်စားစရာကောင်းပါလား၊
ဓာတုဗေဒဆိုတာ အရမ်းမိုက်ပါလား ဆိုပြီး တွေးဖြစ်ခဲ့
တာ မရှိသလောက်ပဲ။ နားလည်ဖို့ထက် အလွတ်ကျက်
ဖို့က ပိုအရေးကြီးခဲ့တယ်။ နားလည်ခြင်းဟာအရေးကြီး
တဲ့ အရာတစ်ခု မဟုတ်ခဲ့ဘူး။ အလွတ်ကျက်ပြီး စာမေး
ပွဲမှာ ပြန်လည်ချရေးနိုင်ခြင်းကသာ အရေးကြီးဆုံးဖြစ်
ခဲ့တယ်။ အခုခေတ်ကလေးတွေရော အဲ့ဒီလိုပဲလား
ဆိုတော့ ကျွန်တော် မသေချာဘူး။ ပြောင်းလဲသွားပြီ
ဆိုရင်တော့ ကောင်းပါတယ်။ သင်္ချာမှာဆိုလည်း
ပုံသေတွက်နည်း တစ်ခုနဲ့ပဲ တွက်ရတယ်။ အခြားနည်း
နဲ့ ကွန့်မြူးပြီး တွက်လို့ မရဘူး။ ကွန့်မြူးပြီး တွက်တာ
ဖြစ်ဖြစ်၊အရမ်းလွယ်နေတဲ့ အဆင့်ကို ကျော်တွက်ပြ
တာပဲ ဖြစ်ဖြစ် လုပ်မိရင် အမှတ်မပေးတော့ဘူး။ အဲ့ဒီ
စနစ်က ကျွန်တော်တို့ရဲ့ Creativity စွမ်းရည်ကို သတ်
လိုက်သလိုပဲ။ ကလေးဆိုတာ၊ လူငယ်ဆိုတာ ကွန့်မြူး
ချင်တယ်၊ ဆန်းသစ်ချင်တယ်၊ တီထွင်ချင်တယ်၊
ဘောင်ထဲမှာ နေရတာထက် ဥာဏ်ကွန့်မြူးရင်
ကွန့်မြူးသလောက် အသစ်လေးတွေ လုပ်ချင်တယ်။

ဒါပေမယ့် ပညာရေးစနစ်က Creativity ကို သတ်
သလို ဖြစ်နေခဲ့တယ်။ ကျွန်တော်တို့တွေ နိုင်ငံတကာနဲ့
ယှဉ်ရင် Creativity မှာ အလွန်အားနည်းကြတယ်။
နောက်တစ်ခု စဉ်းစားမိတာက ကျွန်တော်တို့မြန်မာ
တွေ Team Work အားနည်းတာ ရှိတတ်တယ်။
မြန်မာနှစ်ယောက်ရှိရင် နှစ်ဖွဲ့ကွဲတယ်ဆိုပြီး လူတွေပြော
လေ့ရှိတတ်ကြတယ်။ Team Work ကို Education က
Foundation မချပေးနိုင်ခဲ့ဘူး။ သူများ လူမျိုးတွေဆို
အစုအဖွဲ့နဲ့ အလုပ်လုပ်တတ်ကြတယ်။ ကျွန်တော်တို့
က ဂိမ်းထဲမှာတောင် ပူးပေါင်းဆောင်ရွက်ဖို့မလွယ်ကြ
ဘူး။ PUBG ကစားတဲ့သူတွေဆိုရင် သဘောပေါက်လိမ့်
မယ်။ မြန်မာတွေနဲ့ အတူတူကျရင် တစ်နေရာထဲကို
အတူတူ ခုန်ဆင်းဖို့ မလွယ်ဘူး။ တစ်ယောက်တစ်ပေါက်
ဆင်းကြတာများတယ်။ (အပြင်မှာ သိတဲ့ သူငယ်ချင်း
တွေဆော့တာကို ပြောတာမဟုတ်ဘူးနော်။ Random
ကို ပြောတာ။) ကျွန်တော်တို့က ငယ်ငယ်ထဲက အတူတူ
ပူးပေါင်းလုပ်ဖို့ထက် ပြိုင်ဖို့ကို ပိုစိတ်အားထက်သန်ခဲ့ကြ
တယ်။ အဲ့ဒီလိုဖြစ်အောင် ပညာရေးကလည်း တိုက်တွန်း
ခဲ့သလို၊ မိဘတွေကလည်း တိုက်တွန်းခဲ့ကြတယ်။
မိဘချင်း ပြိုင်တာတွေလည်း ရှိတယ်။ ကလေးတွေကို
ကျူရှင်ပေါင်းစုံ ထားတယ်။ အသက်ရှုချိန်တောင် မရကြ
ဘူး။ ကျောင်းပြီး ကျူရှင်၊ ကျူရှင်ပြီး ကျောင်း။သားသမီး
ပညာရေးနဲ့ပတ်သက်တာကို ဂုဏ်ယူတတ်ကြတယ်။
ဂုဏ်ယူတာကို ကျွန်တော် အပြစ်မပြောလိုပါဘူး။ ဒါပေ
မယ့် သားသမီးတိုင်းဟာ အလွတ်ကျက်ပညာရေးစနစ်
နဲ့ အံဝင်ကြသူတွေ မဟုတ်ကြပါဘူး။ အချို့ကလေးတွေ
က စာမတော်ကြပါဘူး။ စာကို အလွတ်မကျက်နိုင်ကြပါ
ဘူး။ စာမေးပွဲတွေမှာ အမှတ်နည်းတိုင်း ဘဝမှာ မအောင်
မြင်မယ့် ကလေးလို့ သတ်မှတ်လို့ မရပါဘူး။ စာဘယ်
လောက် ကျက်နိုင်လဲဆိုတာ တကယ့်လက်တွေ့ဘဝမှာ
အသုံး မဝင်သလောက်ပါပဲ။ အဲ့ဒီလို စာမကျက်နိုင်တာနဲ့ပဲ
အချို့မိဘတွေက "ဘေးအိမ်က ဘယ်သူ့ကိုကြည့် စာတော်
လိုက်တာ၊ နင်သူ့ချီးစားဖို့ ကောင်းတယ်ဆိုပြီး သားသမီး
ကို ဆုံးမတတ်ကြတယ်။

စာမတော်တဲ့ ကလေးကို လူရာမဝင်တဲ့ ကလေးပုံံစံပြောဆို
လိုက်တာ တော်တော်ဆိုးပါတယ်။ ကလေးတွေက စာကျက်
တာ မတော်ပေမယ့် အခြားနေရာတွေမှာ တော်တာတွေ
ရှိတတ်ပါတယ်။ အချို့ကလေးတွေက ပန်းချီဝါသနာပါ
ကြတယ်။ အချို့ကလေးတွေက စာရေးတာ ဝါသနာပါမယ်၊
အချို့ကလေးတွေက ကွန်ပျူတာ ဝါသနာပါမယ်၊ အချို့ကျ
တော့ အားကစား ဝါသနာပါမယ်။ ဒါမျိုး ကလေးတွေကို
ပညာရေး စနစ်က မြေထောင်မြှောက်ပေးဖို့ လိုသလို၊ မိဘ
တွေကလည်း လက်ခံပေးဖို့ လိုပါလိမ့်မယ်။ ကိုယ့်အတ္တတစ်ခု
ထဲ၊ ကိုယ့်အမြင်တစ်ခုထဲနဲ့ “ဒါကောင်းတယ်လို့ငါထင်တယ်၊
မင်းဒါပဲလုပ်” ဆိုတာမျိုးက ကလေးကို မွန်းကြပ်စေပါတယ်။
ဝါသနာမပါတဲ့ အရာတစ်ခုမှာ ထူးချွန်ဖို့ဆိုတာ တော်တော်
ခက်ခဲပါတယ်။ စာမတော်လည်း အခြား အသက်မွေးဝမ်း
ကြောင်း ပညာတစ်ခု တတ်အောင် ပြုစုပျိုးထောင်ပေးလို့
ရပါတယ်။ ဆယ်တန်းမအောင်တာနဲ့ မင်းဘဝပျက်ပြီပဲလို့
မချိန်းခြောက်သင့်ပါဘူး။ ပြီးတော့ ကလေးတွေကို အခြား
ကလေးနဲ့ နှိုင်းယှဉ်ပြီး ပြင်းပြင်းထန်ထန် ပြောဆိုတာဟာ
တော်တော်ဆိုးပါတယ်။ ကလေးတစ်ယောက်ကို အဲ့ဒီလို
ပြောခြင်းဟာ “မင်းဟာ Loser တစ်ယောက်ပါ” လို့ ရိုက်သွင်း
ပေးလိုက်သလိုပါပဲ။ ငယ်ဘဝမှာ ဦးနှောက်ရဲ့ အတွင်းပိုင်း
ထဲအထိ ရောက်သွားတဲ့ အဲ့ဒီ Belief ဟာ ကြီးတဲ့အထိ
မပျောက်တတ်ပါဘူး။ Insecurity တွေ အပြည့်နဲ့ အရှက်
အကြောက်ကြီးပြီး Confidence မရှိတဲ့ လူငယ်လေးတွေ
ဖြစ်လာတတ်ပါတယ်။ လွဲမှားတဲ့ ယုံကြည်မှုဆိုတာ တစ်ခါ
တစ်လေ ဖျောက်ဖျက်ရ အင်မတန်ခက်ပါတယ်။ ငယ်ဘဝ
မှာ ရိုက်သွင်းခံထားရရင် ပိုဆိုးပါတယ်။

ထက်မြက်ပြီး အဖွဲ့အစည်းနဲ့ အလုပ်လုပ်တတ်တဲ့ လူငယ်
တွေ ပေါ်ထွန်းလာဖို့ဆိုတာ ကျွန်တော်တို့ ပညာရေးစနစ်
အပေါ်မှာ အများကြီး မူတည်သလို မိဘတွေရဲ့ခံယူချက်
တွေပေါ်မှာလည်း မူတည်ပါတယ်။ ကလေးတစ်ယောက်
ကျောင်းမှာ အဆင့်ဘယ်လောက်ရသလဲ ဆိုတာထက်၊
ကလေး ကျောင်းကနေ ဘာတွေသင်ယူပြီး ဘယ်လောက်
အထိ နားလည်လဲဆိုတာက ပိုအရေးကြီးပါတယ်။ ကိုယ့်
တုန်းက မဖြစ်ခဲ့တဲ့ အိမ်မက်တွေကို သားသမီးကို ထမ်းခိုင်း
တာထက် သူတို့အိမ်မက်လေးတွေကို သူတို့ရှာတွေ့အောင်
ကူညီပေးတာက ပိုကောင်းပါတယ်။ အလွတ်ကျက်တဲ့စနစ်
ပျောက်ပြီး ကလေးတွေ တကယ်နားလည်အောင် ကူညီ
ပေးတဲ့ ပညာရေး စနစ်မျိုး မြင်ချင်မိပါတယ်။

ဒီစာလေးကိုတော့ရန်ချိုပြောတဲ့ စကားလေးနဲ့ပဲ အဆုံးသတ်
ချင်ပါတယ်။ ကျောင်းမှာ ကျောင်းသားအားလုံး ဓာတ်ပုံရိုက်
တော့ ရန်ချိုက အဆင့်(၁) ရလို့ ဆရာဘေးမှာ ထိုင်ရပါတယ်။
သူ့သူငယ်ချင်း၂ယောက်ကတော့ အဆင့်ဘိတ်ဆုံးရလို့ နောက်
ဆုံးမှာထိုင်ရပါတယ်။ အဲ့ဒါနဲ့ ရန်ချိုက “ဘာဖြစ်လို့ ကျောင်းသား
တွေက အဆင့်လိုက် ထိုင်ရတာလဲ..ဆရာ” လို့ မေးလိုက်
ပါတယ်။ ဆရာက “အဲ့ဒီလိုထိုင်ရတာ ပြဿနာရှိလို့လား”လို့
ပြန်မေးတယ်။ ရန်ချိုက “ရှိတာပေါ့ ဆရာရဲ့...ဒီစနစ်ကြီးက
လူနေမှုအဆင့်အတန်းခွဲတဲ့ စနစ်ကြီးလို ဖြစ်နေတယ်။”
ဆရာက “မင်းမှာ ဒီထက်ပိုကောင်းတဲ့ အကြံရှိလို့လား”
လို့ မေးတော့ ရန်ချိုက “ရှိတာပေါ့..ဆရာ။ Result တွေကို
ချတောင် မချပြသင့်ဘူး။ လူတစ်ယောက်ရဲ့ အားနည်းချက်�ကို
ဘာလို့အခြားသူတွေရှေ့မှာ ချပြနေမှာလဲ..ဆရာ့မှာ
သံဓာတ်အားနည်းရင် ဆရာဝန်က ဆရာ့ကို သံဓာတ်အား
တိုးဆေး ပေးလိုက်တာပဲလေ..ဆရာ သံဓာတ်အားနည်း
နေကြောင်း သူတို့က တီဗွီမှာ လိုက်ကြော်ငြာနေလို့လား”
လို့ ပြန်ဖြေလိုက်ပါတယ်။

Credited : မိုးရှင်း (I.M.T)

02/01/2025

"သားရေ ရွာမှာဒီနှစ်ဆရာတော့်မွေးနေ့ကိုခါတိုင်းနှစ်ထက်ကြီးကြီးကျယ်ကျယ်လုပ်မယ်
တအိမ်၅သိန်းထည့်ရမယ် နာမည်ကြီးတီးဝိုင်းနဲ့အဆိုတော်လည်းငှားထားတယ် တရွာလုံးကတော့ပျော်နေကြတာပဲ အမေတို့သားတို့တော့ကုသိုလ်အများကြီးရဦးမယ်"

ဖုန်းထဲကအမေ့အသံကတက်ကြွနေသည်

"ဟုတ်အမေ ဒီအခေါက်က ခုနှစ်သိန်းပဲပို့နိုင်ဦးမယ် သားတို့စက်ရုံမှာက ခုနောက်ပိုင်းအိုတီသိပ်မရဘူး အလုပ်လာရှာတဲ့လူ‌တွေအရမ်းများလာတော့ ထိုင်းသူဌေးကဒါကိုအထာနပ်ပြီး အရင်လိုရက်မှန်ကြေးတောင်မပေးတော့ဘူး
စည်းကမ်းတွေလည်း တအားတင်းကြပ်လာတယ် နည်းနည်းအမှားလုပ်မိရင်တောင် အရင်လိုသည်းမခံတော့ဘူး
မကျေနပ်ရင် ထွက် နင်တယောက်ထွက်ရင် နင့်နေရာဝင်လုပ်မယ့်မြန်မာက ၁၀ယောက်ရှိတယ်"
အဲလိုသဘောမျိုးတောင် ပြောပစ်တယ်
ပြီးတော့ ဘတ်သက်တမ်းလည်းတိုးရဦးမယ်အမေ "

သူကဒီလိုပြန်ပြောတော့ အမေ့အသံက
အနည်းငယ်အားလျော့သွားသည်

"ရပါတယ်သားရယ်
သားပို့တဲ့ခုနှစ်သိန်းထဲက နှစ်သိန်းကိုအမေနဲ့သားညီမလေးတို့ ချွေတာသုံးလိုက်မယ်
မလောက်လည်း အိမ်နီးနားချင်းနည်းနည်းပါးပါးကြည့်ကြက်ပြီးချေးငှားရတာပေါ့
၅သိန်းကတော့ လူတိုင်းထည့်နေတဲ့ကိစ္စ အမေတို့ကျန်ခဲ့လို့ဘယ်ရပါ့မလဲ မျက်နှာပူစရာကြီး
ကုသိုလ်ရေးပဲလေသားရယ်
ဆရာတော်ဘုရားဟောတဲ့ဒါနအကျိုးကို သားလည်းနာဖူးသားပဲမဟုတ်လား"

"မဟုတ်ဘူးလေအမေ
ညီမလေးက အရင်လကတည်းက သူ့ကျောင်းလွယ်အိတ်က‌လေး အပြဲကိုဖာချုပ်ပြီးကျောင်းတက်နေရလို့ အသစ်တလုံးဝယ်ပေးဖို့ပူဆာထားတယ်မဟုတ်လား ပြီးတော့ သူ့ကျူရှင်စရိတ်လည်းရှိသေးတယ် မုန့်ဖိုးမပါဘဲ ကျောင်းတက်ခဲ့ရတဲ့နေ့တွေလည်းမနည်းဘူးတဲ့ သူကျွန်တော့ကိုဖုန်းခိုးဆက်ပြီးပြောရှာတယ် ညီမလေးသနားပါတယ် အမေနဲ့ညီမအတွက် ၅သိန်းယူပြီး ဆရာတော့်မွေးနေ့၂သိန်းထည့်လို့မရဘူးလား?"

အဲဒါပြောတာပေါ့သားရဲ့ မရှိလို့မလှူ မလှူလို့မရှိ
အမေတို့အရင်ဘဝ ဒါနနည်းခဲ့လို့ ခုဘဝ သားအမိတွေတကွဲတပြားစီနဲ့ ရုန်းကန်နေကြရတာမဟုတ်လား?
ဒီတခါတော့ အမေတို့မညံ့တော့ဘူးသား
အညံ့မခံနိုင်တော့ဘူး
‌နောင်သံသရာအတွက်ဒါနမျိုးစေ့ကိုခုကတည်းက ကြဲပက်လိုက်တော့မယ်
ရွာကပ္ပိယကြီးပြောသလိုပေါ့
အမေတို့က ခုဘဝမှာပဲ ဆင်းရဲမှာ
နောင်ဘဝဆို..."

"တော်ပါပြီအမေရယ်
တော်ပါတော့ အဲဒီဘုန်းကြီး‌တွေနဲ့ပတ်သက်လာရင် အမေ့ကိုကျနော်ဘယ်တုန်းကများ‌ပြောနိုင်ဖူးလို့လဲ ဘုန်းကြီးကျောင်းဆွမ်းချိုင့်ဆို ဝက်သားဆီပြန်ဟင်းမှ
ညီမလေးကျောင်းသွားတဲ့ချိုင့်ဆို ကြက်ဥကြော်တောင်အနိုင်နိုင်
ဘာတတ်နိုင်မလဲ ဘာသာရေးကိုင်းရှိုင်းလွန်းတဲ့အမေတို့ဆီမှာ လူလာဖြစ်ရတဲ့ ကျနော်တို့မောင်နှမရဲ့ ဝဋ်ပဲပေါ့မဟုတ်လား"

စိတ်ပေါက်ပေါက်ဖြင့် ဖုန်းကိုသူချလိုက်သည်
သက်ပြင်းမောကိုချလိုက်သည်
ညီမလေးကိုတော့ သူ့စိတ်ထဲကသနားနေမိသည်

အေးစက်နေပြီဖြစ်သော မာမားပြုတ်ကို အရသာမဲ့စွာ သူမော့‌သောက်လိုက်သည်
ထို့နောက် လက်အိတ်စွပ် လည်ရှည်ဖိနပ်စီးကာ အလွန်တရာ အန္တရာယ်များပြီး အဖိုးအခနည်းပါးလှသော လုပ်ငန်းခွင်သို့ ခေါင်းငိုက်စိုက်ဖြင့် သူထွက်ခွာသွားလေသည်

နောက်အပတ်တွင် နိုင်ငံကျော်အဆိုတော်များဖြင့် အလွန်တရာစည်ကားလှသော ရွာဆရာတော်၏မွေးနေ့ပွဲဆိုသည်ကို ညစတိတ်စင်ဆလိုက်မီးတထိန်ထိန်ဖြင့် တခမ်းတနားကျင်းပနေသည်ကို ဖေ့စ်ဘွတ်လိုက်မှတဆင့် သူမြင်တွေ့ရလေသည်

ထိုအချိန်တွင် သူ၏ညီမလေးမှာမူ မီးမလာသဖြင့် ဖယောင်းတိုင်မှိတ်တုတ်ဖြင့် ခနော်နီခနော်နဲ့အိမ်အိုလေးထဲတွေ ညှိုးငယ်စွာ
စာကျက်နေရလေသည်။

Credited

13/11/2024

လူဆိုတာ ရည်မှန်းချက်ရှိရတယ်။ အိမ်မရှိရင် အိမ်ဝယ်
ရမယ်၊ ကားမရှိရင် ကားဝယ်ရမယ်၊ ရုံးခန်း (သို့) ဆိုင်ခန်း
မရှိရင် ရုံးခန်း (သို့) ဆိုင်ခန်းဝယ်ရမယ်...။

ဝယ်ယူတဲ့နေရာမှာ ကိုယ့်အတွက်လစဥ် ဝန်ထုပ်ဝန်ပိုးဖြစ်
စေမဲ့အရာတွေထဲက စျေးအကြီးဆုံး (သို့) ငွေပမာဏအ
များဆုံးထွက်တဲ့အရာတွေကို အရင်ဦးဆုံးဝယ်ပါ...။

ငယ်ရွယ်နုပျိုချိန် ရုန်းနိုင်ကန်နိုင် ပြေးလွှားနိုင်တဲ့အချိန်
ကျန်းမာရေးကောင်းနေတဲ့အချိန်မှာ အပျာ်အပါး၊ အ
သောက်အစား၊ လောင်းကစား နဲ့ မလိုအပ်တဲ့အရာတွေ
ဝယ်တာ၊ ဇိမ်ခံတာစတာတွေကို အတတ်နိုင်ဆုံးလျှော့ပြီး
ငွေကိုကျစ်ကျစ်ပါအောင် ရည်မှန်းချက်ထားပြီး များများ
စုဆောင်းပါ...။

စုဆောင်းငွေရရှိလာပြီး ရည်မှန်းချက်တွေပြည့်မီလာရင်
Asset လို့ခေါ်တဲ့ မြေ၊ နေအိမ်၊ ရုံးခန်း၊ ဆိုင်ခန်းတွေပိုင်
ဆိုင်လာပြီး စီးပွားရေးလုပ်ငန်းနဲ့ အာမခံချက်ရှိတဲ့ဝင်ငွေ
ရှိလာရင် အတိုးချပြီး ဇိမ်ခံတံဆိပ်၊ ပရီမီယံတံဆိပ်လိုချင်
တာတွေ ကြိုက်သလောက်ဝယ်၊ စား၊ ဝတ်၊ လည်ပတ်ပါ..။

အဓိကက ကိုယ့်ဘဝနဲ့ အနာဂတ်ကို မနာလိုသွေးထိုးသူတွေ
ရဲ့ပါးစပ်ထဲမှာ လုံးဝအဆုံးမခံနဲ့။ အကောင်းအဆိုး အ
ကြောင်းအကျိုးနဲ့ အမှားအမှန်ကိုဝေဖန်ပိုင်းခြားနိုင်အောင်
စာများများဖတ်၊ လေ့လာသင်ယူပြီး ချင့်ချိန်ပြီးမှယုံပါ...။

ဘာမဆိုလက်တွေ့ကျကျ ဟုတ်မဟုတ် လိုက်လုပ်ကြည့်၊
အတွေ့အကြုံများပြီး ကိုယ့်ပေါ်မှာ အပေါ်ယံမဟုတ်ပဲ အ
မှန်တကယ်စေတနာထားတဲ့သူတွေနဲ့ သေချာတိုင်ပင်ဆွေး
နွေးပြီး လိုက်လုပ်ကြည့်ပါ...။

လက်သည်ကြီးပဲ အားမကိုးနဲ့ ကိုယ်တိုင်ညှစ်အားထုတ်။
သူများလုပ်နိုင်ရင် ကိုယ်လဲလုပ်နိုင်ရမယ် စိတ်ထား၊ မာန
ထား၊ တတ်နိုင်ရင် ဘယ်သူမှအားမကိုးနဲ့ မယုံကြည်နဲ့...။

အထူးသဖြင့် အပျက်သဘောဆောင်ပြီး ကိုယ်ကျိုးစီးပွား
မှမဟုတ်ရင် ကောင်းမလိုလိုနဲ့ အပေါ်ယံသကာရည်လောင်း
တတ်သူတွေနဲ့ ဝေးဝေးနေပါ။ အသိအတတ်လွန်ပြီး ကိုယ့်
အားနည်းချက်ကိုယ်မသိပဲ၊ ကိုယ်ကလွဲရင် အကုန်လုံးက
အဆိုးတွေကြီးပဲလို့ သွေးနထင်ရောက်နေသူတွေဆို လုံးဝ
ကိုအပေါင်းအသင်းမလုပ်ပါနဲ့...။

ခေတ်ပျက် (သို့) အမှောင်ခေတ်မှာ လူရိုး၊ လူကောင်းဆို
တာ သချ်ိုင်းကုန်းမှာတောင်မရှိတော့ပါ။ လူတိုင်းကိုယုံ
ကြည်လို့မရလို့ ကိုယ့်ကိုယ်ကိုယ်ယုံကြည်စိတ်အပြည့်
ထားပြီး ပုံမှန်သင်ယူလေ့လာကာ အားနည်းချက်များ
ပြင်ဆင်ပြီး ကိုယ့်အနာဂတ်ကို အလှအပဆုံးအတောက်
ပဆုံးဖြစ်အောင် ကြိုးစားလုပ်ဆောင်သွားကြပါ...။

Credited : PhilipWong

05/11/2024

အဲကွန်း တနာရီဖွင့်ရင် 0.7 unit
ရေခဲသေတ္တာ တနာရီဖွင့်ရင် 0.1 unit
ပန်ကာ တနာရီဖွင့်ရင် 0.1 unit

LED ၄ပေ မီးချောင်း နာရီ၅၀ဖွင့်ရင် 1unit
၄ပေရိုးရိုးဖန်မီးချောင်း ၂၅နာရီသုံးရင် 1unit

ဒယ်နီ ၁နာရီသုံးရင် 1.5unit
ထမင်းပေါင်းအိုး ၁နာရီသုံးရင် 0.7unit
အဲ့ဒီနှုန်းရှိပါတယ်။

air con တည ၅နာရီ
ရေခဲသေတ္တာ အမြဲဖွင့်မယ်
ပန်ကာတနေ့ ၈နာရီ
Led ၄၀ပေမီးချောင်း ၁၀နာရီ
ဒယ်နီ နာရီဝက်
ထမင်းပေါင်းအိုး နာရီဝက်
သုံးမယ်ဆိုရင်
air con 5hrs x 0.7 =3.5
ရေခဲ 24 hrs x 0.1 =2.4
ပန်ကာ 8hrs x 0.1 =0.8
မီးချောင်း10hrsx0.002=0.2
ဒယ်နီ 0.5hr x 1.5 = 0.75
ထမင်းအိုး 0.5hr x 0.7 = 0.35

တရက်ကိုစုစုပေါင်း 8 units ရှိပါမယ်။
တစ်လဆိုရင် 8x 30days =240units

အဲကွန်း ဒယ်နီ ထမင်းပေါင်းအိုး သုံးတဲ့ပေါ်
မူတည်ပြီး မီတာခ ကုန်ကျငွေမှာ
အပြောင်းအလဲ အများကြီးဖြစ်နိုင်ပါတယ်

05/11/2024

အကြော်စုံကို တစ်နေ့ (၃)သိန်းဖိုး ရောင်းရတာတို့၊

ကြက်ဒုတ်ထိုးရောင်းပြီး အိမ်ပိုင်တာတို့၊

ငပိရည် ကြက်သားသုပ်ရောင်းပြီး တိုက်ဆောက်တာတို့၊

ကွမ်းယာရောင်းပြီး နိုင်ငံခြားမှာ သားသမီးကို ကျောင်းထားတာတို့၊

ဘေထုတ်ရောင်းပြီး ကား၀ယ်တာတို့ ...စတာတွေကို

လိုင်းပေါ်မှာချီးကျူးတာထက် ဝေဖန်တာကိုတွေ့ရလို့ ဒီလိုလေး တွေးမိပါတယ်.......

၂၀၁၈ ခုနှစ်လောက်က ထင်တယ်၊
Express ကားစီးရင်းနဲ့ ဒရိုင်ဘာက ဘေးမှာပါလာတဲ့ စပယ်ယာအသစ်ကို စကားပြောနေတာပေါ့ ...

ကိုယ်က ရှေ့ဆုံးခုံဆိုတော့ သူတို့ပြောသမျှ အကုန်ကြားနေရတာ၊

ဒရိုင်ဘာက ငြီးငြူနေတာ ငါတစ်လ(၁၅)သိန်းကျော်ရတယ်

အခုထိအဖတ်တင်တာဘာမှမရှိဘူးတဲ့ ငါ့စပယ်ယာက တစ်လ (၁)သိန်းခွဲဘဲရတယ်

အဲ့ဒါကို ပြီးခဲ့တဲ့လက ရွာမှာမြေကွက် ၀ယ်ပြီးပြီတဲ့၊

အဲ့ဒီကောင်ကွာ နဲနဲနောနောတွက်ကပ်တဲ့ကောင် မဟုတ္ဘူးတဲ့၊

ဒီကောင်ကွာ ဘယ်တော့မှ လက်ဖက်ရည်ဆိုင် မထိုင်ဘူး၊ အပြင်မုန့်ပဲသရေစာ ဘာမှမစားဘူး၊

အမြန်လမ်းမှာကျွေးတဲ့ ထမင်းစားတယ်၊ ဂိတ်ရောက်ရင်ကျွေးတာ စားတယ်၊

ရယ်ဒီမိတ်ကော်ဖီ တစ်ထုတ်(၂)ခါခွဲသောက် တယ်တဲ့၊ အပြင်အ၀တ်အစား မ၀ယ္ဘူးတဲ့ ဒါကကိုယ်တွေ့ နားနဲ့ကြားခဲ့တာ...

နောက်စတိုရီတစ်ပုဒ်ကတော့ ကြားဖူးနား၀ပါ

ဘာလဲဆိုတော့ ရွာတစ်ရွာမှာ ဆင်းဆင်းရဲရဲ လယ်လုပ်သားမိသားစု (၂)စုရှိတာပေါ့

နှစ်တွေအတော်လေး ကြာလာတော့လယ် လုပ်သားမိသားစု တစ်စုကတိုက်နဲ့တာနဲ့ အိမ်ဆိုင်အကြီးကြီးနဲ့ ရုတ်တရက်ကြီး ဖြစ်လာတာပေါ့

အဲ့ဒါနဲ့ဆင်းရဲမြဲ ဆင်းရဲဆဲအိမ်က အရမ်းသိချင်လာတော့

အဲ့ဒီကုန်စုံဆိုင်ကြီးမှာ ဈေး၀ယ်ရင်းနဲ့ ပိုင်ရှင်ကိုမေးတာပေါ့၊

မင်းတို့နဲ့ ငါတို့နဲ့အတူတူ နှစ်တွေဖြတ်သန်းလာတာ၊

မင်းတို့ကဘယ်လိုဖြစ်လို့ ဒီလိုတွေ ချမ်းသာလာတာတုန်း၊ ဘာအလုပ်တွေ လုပ်ခဲ့သတုန်းပေါ့..

အဲ့ဒီမှာ သူဌေးကဘယ်လို ဖြေလိုက်လဲဆိုတော့

"မင်းတို့က၀က်သားဟင်း စော စားခဲ့ကြတာကိုးတဲ့"

အဲ့ဒီမှာ သူဆင်းရဲလယ်သမားက ဒါလဲဟုတ်ပေတာဘဲ

ငါတို့နေ့တိုင်းရသမျှ ငွေကြေးဥစ္စာကို အစားကောင်းအသောက်ကောင်းတွေ ၀ယ်ခြမ်းစားသောက်

နေတဲ့အချိန်မှာ သူတို့အိမ်ကလယ်ကန်သင်းက ကန်ဇွန်းရွက်လေးခူးကြော်၊

ငပိထောင်းလေးနဲ့ နေခဲ့ကြတာဘဲလေတဲ့၊ ဒါကကြားဖူးနား၀ ဘယ္ကစတယ်တော့ မသိပေမယ့်

"မင်းက ၀က်သားဟင်း စော စားခဲ့တာကိုး"ဆိုတဲ့စကားကို ကြိုက်လို့ မှတ္ထားတာ........

နောက်ထပ် ရှိသေးတယ် ...၊

အရင်အင်္ဂလိပ်ခေတ်ပြီးစအချိန် မြို့တစ်မြို့မှာပေါ့၊မြို့လယ်ခေါင်မှာbal mar အိမ်တွေရှိတယ်

အဲ့ဒီအိမ်တွေရဲ့ အောက်မှာ Kal larrတွေကတွန်းလှည်းဆိုင်လေးတွေ ဖွင့်ထားကြတယ်၊

နိုင်ငံရေးအခြေ
အနေတွေမကောင်း ခေတ်ပျက်နေတဲ့အချိန်ဆိုတော့ bal marတွေကအိမ်ထဲမှာဘဲနေ

အိမ်အောက်ထက်မှာ တွန်းလှည်း ဆိုင်လာဖွင့်နေတဲ့ Kal larr တွေဆီက

ဆန်လေးယူလိုက်၊ ဆီလေးယူလိုက်၊ တံမြက်စည်းလေးယူလိုက်၊ကွမ်းဆေးလိပ်လေးယူလိုက် ပြီးရင်

အကြွေးမှတ်ထားအုန်းနော်ပေါ့၊

ဒီလိုနဲ့ Bal Mar တွေကလဲ ရသလောက်အကြွေးယူပြီးရင် မှတ်ထားခိုင်း ၊

တကယ့်ကို ပေါ့ပေါ့ဆဆနော်

အဲ့လိုအချိန်Kal Larr တွေက

"ပဲ"ဟင်းချက် ၊ခြေမကြားထဲ"ငရုတ်သီး"တောင့်ညှပ်ပြီး ရှိစုမဲ့စုနဲ့ ကြိတ်မှိတ်စားတာ၊

အကြွေးတောင်းသမျှ ပေးတယ်၊ရသမျှလိပ်စုတယ်၊

ဒီလိုနဲ့ နှစ်တွေကြာလာတော့ ဟိုကစားရင်းဇယားနဲ့လာတာ၊

မပေးနိုင်ရင် အိမ်သိမ်းဘဲ၊

ဘာမှ လာမပြောနဲ့တော့၊တရားရင်ဆိုင်လဲ ရှုံးလေ၊

လက်ထဲတပြားတစ်ချပ်မှ မရှိကြတာ၊အဲ့ဒါနဲ့ အဲ့မြို့လယ်ခေါင်အိမ်တွေ အကုန္လုံးဟာ

သူတို့ဆီ ပါသွားကြရောတဲ့၊

ဒါက အိမ်ကအဘွား ပြောပြတာ ....

ဆိုလိုချင်တာက

သူတစ်ပါးအောင်မြင် ဖြစ်ထွန်းသွားတဲ့အခါ

ရုတ်တရက်ကြီး ချမ်းသာလာတာလား၊

ဖြစ်ကိုမဖြစ်နိုင်ဘူး၊

မဟုတ္တာ လုပ်စားလို့၊

ဖြတ်လမ်းနည်းနဲ့လုပ်လို့ရလာတာလို့

ဝါးလုံးရှည်နဲ့ ပတ်ရမ်းလို့မရဘူး

သူတို့ဘယ်လို ဒုက္ခခံ၊ဘယ်လို အငတ္ခံ၊

အခက်အခဲတွေကြားဘယ်လိုဖြတ်သန်းခဲ့သလဲ၊

လူ့စည်းစိမ်ကို တစ်ပါးသူတွေခံစားနေချိန်မှာ

သူတို့မနက်(၄)နာရီထပြီး ဈေးပေါပေါပဲပဲကုန်စိမ်းတွေ လိုက်ကောက်၊

တစ်နေကုန် ချက်ပြုတ်ရောင်းချဆေးကြော၊ ညအိပ်ချိန် တစ်ချိန်လေးဘဲ ရှိခဲ့တာတွေကို နားလည်ပေးရမယ်၊

နားလည်နိုင်စွမ်း ရှိရမယ်။

လူ့စည်းစိမ်ကို လူတိုင်း ၀ယ်စား ၊ကြိုက်တယ်၊

စားချင်တာလေးတွေ လုပ်

မယ်မယ်ရရ မရှိဘဲဖုန်းသုံး၊

တီဗီကြည့် .. စိတ်အလိုမှန်သမျှ လိုက်ချင်းတိုင်းလိုက်၊

တစ္ခုခုလုပ်ဖို့အားထည့်မယ် မကြံသေး ဘူး၊နားအုန်းမယ် ၊ နားချင်ပြီ ။

အဲ့လိုတွေ လူတိုင်း မလုပ်ချင်ဘူးလား ၊လုပ်ချင်ပါတယ်၊

လုပ်လို့လည်း ကောင်းပါတယ်၊

ဒါပေမယ့် အဲ့လိုလူ့စည်းစိမ်တွေကို မခံစားဘဲ ကြိုးစားနေတဲ့ သူတွေကိုတော့ အသိအမှတ်ပြုရမှာ ဖြစ်ပါတယ်.....

ဘယ်အရာမှ အစွန်းရောက်တာ မကောင်းဘူးပေါ့၊

သင့်တင့်မျှတအောင် မစားဘဲနဲ့
nutrition out ပြီး

စုဆောင်းထားသမျှ ဆေးရုံမှာကုန်တယ် ဆိုတာလည်း မဟုတ်သေးဘူး၊

ဒါပေမယ့် ကိုယ်မလိုချင်တဲ့ ဘ၀တစ္ခုကနေ ရုန်းထွက်နိုင်ဖို့ ဆိုရင်တော့

မလုပ်ချင်လည်းလုပ်၊မတွက်ကပ်ချင်လဲ
တွက်ကပ်ရတော့မယ့် အရာတွေ ရှိလာတတ်တယ်၊

ငွေပေါ်ငွေဆင့်ပြီး ရှာဖို့လည်း အရင်းအနှီးမရှိရင်တော့ ကပ်စေးနဲ တဲ့ နည်းလမ်းကိုရွေးချယ်တာ အသင့်တော်ဆုံးပါ.....

အာဟာရ သင့်တင့်မျှတအောင် စားပြီးစုနိုင်ဆောင်းနိုင်ကြပါစေ ။

01/11/2024

မင်္ဂလာပါ ..
ဒီနေ့တော့ မျှဝေချင်တာလေးကတော့ HR Manager တစ်ယောက်မှာရှိရမယ့် Essentials Skills တွေကတော့ ဘာတွေလဲဆိုတာကို မျှဝေပေးသွားမှာဖြစ်ပါတယ်..

HR Manager တစ်ယောက်ဖြစ်လာပြီးဆိုရင် မဖြစ်မနေ ရှိကိုရှိရမယ့် Essentials Skills တွေ သီးသန့်ရှိပါတယ်..အထူးသဖြင့် ကျွန်တော်တို့တွေက လုပ်ငန်းခွင်ထဲမှာဆိုရင် Operations ပိုင်းတွေမှာ အဓိကလုပ်နေရတဲ့ HR တွေများကြတယ်..

ကျွန်တော်တို့ Operations ပိုင်းမှာလည်း ကျွမ်းရတယ်၊ ကျွန်တော်တို့ရဲ့ HR Practices တွေကို ကိုယ်က Professional လို့ခံယူထားရင် မဖြစ်မနေ ဒီလုပ်ငန်းမှာ ဖော်ဆောင်ပေးရမယ့် Standard ပေတံတွေရှိပါတယ်..

အဲဒါတွေကတော့ Video မှာလေ့လာပါ

HR Manager အတန်း👇
https://www.facebook.com/share/p/19rzXo2UEm/?mibextid=WaXdOe

24/10/2024

ခိုးတာ ရှက်စရာကောင်းလိုက်တာတဲ့။
များများခိုးလို့ ချမ်းသာသွားရင်တော့ လူချစ်လူခင်ပေါသွားပြန်ရော။

မျက်နှာပြောင်တိုက်တာ ရှက်စရာကောင်းလိုက်တာတဲ့။
သူများလင်ခိုးပြီး ပြည့်ပြည့်စုံစုံဖြစ်သွားတာမြင်တော့ အားကျလိုက်တာတဲ့။

အရက် ဘီယာသောက်တာ မကောင်းဘူးတဲ့။
အရက် ဘီယာဆိုင်ဖွင့်ပြီး ချမ်းသာသွားတော့
ခေါ်ချင် ပြောချင်လိုက်ကြတာ သူတို့အပြင် မရှိကြဘူး။

ဆရာဦးအောင်သင်းပြောသလိုပါဘဲ

လောကကြီးထဲမှာ လူရယ်လို့ ဖြစ်လာရင် ဘယ်တော့မှ မပျော့ညံ့မိပါစေနဲ့။

ပျော့ညံ့တဲ့ကောင် ခံရမှာဘဲ။

သံတစ်ချောင်းကိုယူ သစ်သားထဲရိုက်ထည့်လိုက်
သစ်သားကပျော့တော့ သံရိုက်သမျှ ခံရတာမျိုးပါ။

အဲ့ဒီသံတစ်ချောင်းကိုဘဲယူ ကျောက်တုံးထဲရိုက်ထည့်လိုက်၊အခန့်မသင့်ရင် သံက ပြန်စင်ထွက်လာလိမ့်မည်။

ဒါက ရိုးရိုးလေးတွေးပြီး ပြောပြတာ။
လူတွေက နိုင်လို့ရတဲ့လူဆို ပိုနိုင်ချင်ကြတယ်။
နိုင်လို့မရဘူးထင်ရင် နားလည်မူယူကြတယ်
နောက်ဆုံး အလျော့ပေးသွားတတ်ကြတာမျိုးပါ။

ပိုက်ဆံက
လူလောက်တန်ဖိုးမရှိဘူးဆိုပေမယ့်
နေရာတော်တော်များများအတွက်တော့ ပိုက်ဆံက
လိုအပ်တယ်။

နင်မှာ ငွေမရှိလဲ ငါတို့ကခင်ပါတယ်
အကြောင်းကိစ္စရှိလဲပြောပါဆိုတဲ့လူတွေက
တချို့တလေဘဲ အကောင်းဖက်က တွေးပေးတတ်တယ်

အများစုကတော့ နှုတ်ချိုချိုလေးနဲ့ခိုင်းကြမယ်
နှိမ်ကြမယ် လူတွေရှေ့ရောက်ရင် မတူမတန်သလို
ဆက်ဆံကြလိမ့်မည်။

အများကြီးမစဥ်းစားနဲ့
ပိုက်ဆံချမ်းသာတဲ့သူနဲ့ဆင်းရဲတဲ့သူကိုယ်နဲ့အရမ်း
ရင်းနှီးပါသည်ဆိုသော် အလှူအိမ်တစ်ခုကို သွားကြည့်လိုက်ပါ။

လူတွေကသာ ဘာမှ မဟုတ်တာမလုပ်ဘူးပြောနေကြပေမယ့် အဲ့ဒီဘာမှ မဟုတ်တာမလုပ်တဲ့သူတွေကဘဲ အကောင်းအဆိုး အကြောင်းအကျိုး အမှားအမှန်ကို လုပ်နေကြတာပါဘဲ။

မိုးခါးရေကို မသောက်တဲ့သူတွေရှိတော့ရှိနေကြပါသေးတယ်။သို့သော် အလွန်ရှားပါးလွန်းနေပါပြီး။

ဒီခေတ်ကြီးထဲမှာ ကိုယ့်အတွက်မပါရင်ကိုယ်ကျိုးမှ မရှိရင် ဘာမှ မလုပ်ပေးကြတဲ့သူတွေအများကြီးပါ။

အလေ့အကျင့်ကနေ အလေ့အထဖြစ်လာတယ်
အလေ့အထတွေက စွဲလာတော့ ဗီဇ စရိုက်ဖြစ်လာပြီး ပြုပြင်ပြောင်းလဲလို့မရတော့ဘူး။

အဲ့ဒီဗီဇစရိုက်တွေက လက်ဆင့်ကမ်းခံကြရသော်အခါ

ခိုးတတ်မှ ချမ်းသာမယ်
လိမ်တတ်မှ ချမ်းသာမယ်
ညာတတ်မှ ချမ်းသာမယ်

မကောင်းတဲ့စရိုက် သံမှိုစွဲလို့ အလွဲ ကြီးတွေ
လွဲသွားကြပြီးပေါ့။

ဒါဆိုရင်
ကျနော်တို့အားလုံးရဲ့ အနာဂါတ်က ဘာလဲ
ဘာတွေလဲလို့ တွေးကြည့်ရင်းနဲ့ ရင်မောမိနေတာတော့ အမှန်ပါဘဲ...ဗျာ။

Credited : ဦးချမ်း

20/10/2024

အိုင်စတိုင်းကို ဟောပြောပွဲတစ်ခုမှာ သတင်းထောက်တစ်ယောက် က အော်ပြီး တစ်မိုင်မှာ ဘယ်နှပေ ရှိလဲဆိုပြီး မေးဖူးတယ်

အိုင်စတိုင်းပြန်ဖြေတာ က သူမသိဘူးတဲ့
အဲ့အချိန်မှာ သတင်းထောက်အကုန်လုံးက ဝိုင်းရယ်ကြတယ်၊ နာမည်ကျော် အိုင်စတိုင်းကြီးက လူတိုင်းသိတဲ့ အရာလေးတောင်မသိဘူး ဘာညာပေါ့

အဲ့အချိန်မှာ ဆရာကြီး က မျက်နှာတစ်ချက် မပျက်ဘဲ အဲ့ သတင်းထောက်ကို တစ်ခွန်းပြန်ဖြေတယ်

သင်္ချာ စာအုပ်ထဲမှာ တစ်မိနစ်လောက် တွက်ရုံနဲ့ အဖြေထွက်တဲ့ ကိစ္စကို ခေါင်းထဲမှာ မှတ်ထားစရာလားတဲ့
ခုခေတ်ဆိုရင်တော့ စောင်ပိန်းလား ?
Google ခေါက်လေဆိုတဲ့ အထာနဲ့ပေါ့

မော်တော်ကား စထုတ်တဲ့ ဟင်နရီိဖို့လ်လဲ အလားတူမေးခွန်းမျိုးမေးခံရတယ်
သူပြန်ပြောတာက အဲ့ ပြသာနာကို အဖြေထုတ်နိုင်တဲ့ လူတွေ ကြိုက်သလောက် သူငှားပေးလို့ရတယ်တဲ့။

တစ်ခုခုကို ကြောင်းကျိုးဆက်စပ် စဉ်းစားဖို့ အချက်အလက်တွေ သိထားသင့်တယ်ဆိုပေမယ်လည်း ကိုယ်နဲ့မဆိုင်တဲ့အရေးမပါတဲ့ အချက်အလက်တွေ အကြောင်းအရာတွေ ကို ခေါင်းထဲမှာ ထည့်ထားက ကောင်းမွန်တဲ့အရာ မဟုတ်ပါဘူး ။

ဦးနှောက်ဆိုတာ အကြောင်းအရာ တွေကို မှတ်သားဖို့ထက် စဉ်းစားတွေးခေါ် ကိုယ်ပိုင် အကြံညဏ် ထုတ်ပြီး ကိုယ့်အတွက် အကျိုးရှိမယ့် အဖြေရှာဖို့ ပါ။

အဲ့တာကြောင့် အဓိပ္ပါယ်မရှိတဲ့မေးခွန်းတွေလာမမေးကြပါနဲ့ :3

Learning & Sharing with CMH

21/12/2025

04/09/2025

31/03/2025

15/01/2025

02/01/2025

13/11/2024

05/11/2024

05/11/2024

01/11/2024

24/10/2024

20/10/2024

Address

Telephone

Website

Alerts

Contact The School

Shortcuts

Share

Category

Listing takedown request