SMC English Language Centre

Teacher ရဲ့ အတန်းအားလုံးဟာ
One-on-One Class တွေရယ်
Private Class တွေရယ်ပါပဲ။

June လအတွက် တက်ချင်ရင်
ကြိုစုံစမ်း ကြိုအပ်နှံနိုင်ပါတယ်နော်။

မိမိတက်ရောက်ချင်တဲ့ အတန်းနဲ့ Level ကို ပြောပြီး
အခမဲ့ ဆွေးနွေးလို့ ရပါတယ်နော်။

သိချင်တာရှိရင် အားမနာတမ်း လာမေးလို့ ရပါတယ်ရှင့်။

Su Myat Chit

English Level B2 လောက် ရှိပြီး
ELT Field ထဲ ဝင်ချင်တဲ့ အစ်မတစ်ယောက်ကို
TEFL Certificate အတွက် Guideline လေးတွေ
ချပေးဖြစ်တာ။

Free ယူလို့ရတဲ့ Certificate တွေ ရှိပေမဲ့
သင်တန်းသူအစ်မက Diploma in TESOL လဲ
ဆက်လုပ်သွားဖို့ရှိလို့ LTTC (UK) မှာပဲ
သွင်း၊ ကိုယ်နဲ့ အတူ စာတွေဖတ်၊ Assignment လုပ်၊
ကိုယ်က ပြန်စစ်ပေးဖြစ်တာ။

LTTC (UK) မှာ သင်တန်း တိုက်ရိုက်အပ်တဲ့အခါ
သူတို့က လေ့လာရမဲ့ စာအုပ်တွေ ပေးပြီး၊
Assignment တွေ ထပ်ဖို့လဲ ပေး၊ သူတို့
Personal tutor က ပြန်စစ်၊ feedback ပေးတယ်။
အားလုံး ထပ်လို့ပြီးသွားတဲ့အခါ Certificate ထုတ်ပေးပါတယ်။

Certificate in TEFL (Level 5) ကတော့
London Teacher Training College (UK) မှာ
£150 ဖြစ်ပြီး Baht 7,000 ဝန်းကျင်
(MMK 900,000) စွန်းစွန်း
ရှိပါတယ်။

စာတော့ တကယ်လုပ်ရ မှတ်ရ ဖတ်ရနဲ့မို့
အခုမှ ELT ထဲ စဝင်ချင်ပြီး
UK အသိအမှတ်ပြု လက်မှတ်ရချင်ရင်တော့
တကယ်ကောင်းတယ်။

Su Myat Chit

❤️ Basic Speaking Pattern (3) ❤️

✅ It occurred to me that …..

‼️လမ်းလျှောက်နေရင်း ဒါမှမဟုတ်
တစ်ခုခုလုပ်နေရင်းနဲ့မှ "အာ... ငါ ဒါလေး မေ့သွားတာပဲ"
ဆိုပြီး ရုတ်တရက် ခေါင်းထဲ တစ်ခုခု ဖျတ်ခနဲ ပေါ်လာဖူး
လား။ အဲဒီလိုမျိုး တစ်ခုခုကို
ရုတ်တရက် သတိရလိုက်တာ၊ ဒါမှမဟုတ်
အကြံတစ်ခု ရလိုက်တာမျိုးကို အင်္ဂလိပ်လို
ပြောချင်ရင် "It occurred to me that..." ဆိုတဲ့
အသုံးအနှုန်းလေးကို သုံးလို့ ရပါတယ်။

🔺 ဒီစကားစုက ကိုယ့်စိတ်ထဲမှာ
တစ်ခုခု ပေါ်လာတယ်၊ ဒါမှမဟုတ် တစ်ခုခုကို
ရှာဖွေတွေ့ရှိသွားတယ်ဆိုတဲ့
အဓိပ္ပာယ်မျိုး သက်ရောက်တာပါ။
တစ်ဖက်လူကို "ငါ ဒါလေးကို ရုတ်တရက် သတိရသွားတယ်" လို့ ပြောချင်တဲ့အခါ အသုံးဝင်ဆုံးပါပဲ။

🎯 ဥပမာအနေနဲ့ ပြောရရင်
“It occurred to me that I forgot your birthday"
ဆိုရင် "မင်းရဲ့ မွေးနေ့ကို ငါ မေ့သွားတယ်ဆိုတာ
ခုမှ ရုတ်တရက် သတိရလိုက်မိတယ်" လို့ ဆိုလိုတာပါ။

🎯 သူငယ်ချင်းတစ်ယောက်နဲ့ စကားပြောရင်း
“It occurred to me that we both belong to the same gym" လို့ ပြောလိုက်ရင် "ငါတို့နှစ်ယောက်လုံး ဂျင်မ်တစ်ခုတည်းမှာ ကစားနေကြတာပဲလို့ ခုမှ သတိထားမိတယ်" ဆိုတဲ့ အဓိပ္ပာယ်မျိုး ရပါတယ်။

🎯 နောက်ထပ် စိတ်ဝင်စားဖို့ကောင်းတဲ့
ပုံစံတစ်ခုကတော့
“It occurred to me that we enjoy a lot of the same things" ပါ။
ငါတို့နှစ်ယောက် ဝါသနာတွေ တော်တော်တူတာပဲလို့ ရုတ်တရက် သိလိုက်ရတဲ့ ခံစားချက်ကို ဖော်ပြတာ ဖြစ်ပါတယ်။

💎 ဒါပေမဲ့ အဲဒီလို သတိရခဲ့တာက အခုမှ မဟုတ်ဘဲ အတိတ်က တစ်ချိန်ချိန်မှာ ဖြစ်ခဲ့တာဆိုရင်တော့ "had" ဒါမှမဟုတ် "has" ကို ထည့်သုံးပေးရပတယ်။ အတိတ်က အဖြစ်အပျက်တစ်ခုကို ပြန်ပြောပြတဲ့အခါမျိုးမှာပေါ့။ ဥပမာ
🎯 “It had occurred to me that I forgot something at the grocery" ဆိုရင်
“ကုန်စုံဆိုင်မှာ တစ်ခုခု ဝယ်ဖို့ ကျန်ခဲ့တယ်ဆိုတာကို အဲဒီတုန်းက ရုတ်တရက် သတိရလိုက်မိတယ်" လို့ ပြောတာပါ။

🎯 နောက်တစ်ခုက "It had occurred to me I might need to change my email address" ဆိုတာမျိုးပေါ့။
အီးမေးလိပ်စာ ပြောင်းဖို့ လိုကောင်းလိုနိုင်တယ်လို့ အရင်ကတည်းက စိတ်ထဲ တစ်ချက် ပေါ်လာဖူးခဲ့တယ်ဆိုတဲ့ အဓိပ္ပာယ်ပါပဲ။

❤️ ဒီလို အသုံးအနှုန်းလေးတွေကို သိထားရင်
ကိုယ့်ရဲ့ အတွေးတွေကို အင်္ဂလိပ်လို ပြောတဲ့အခါမှာ
ပိုပြီး သဘာဝကျပြီး အသက်ဝင်လာစေမှာ
ဖြစ်ပါတယ်။
အခုပြောပြခဲ့တဲ့ သာဓကလေးတွေကို ကြည့်ပြီး
ကိုယ်တိုင်လည်း စာကြောင်းလေးတွေ
တည်ဆောက်ကြည့်လို့ ရပါတယ်ရှင်။

❤️ Basic Speaking Pattern (2) ❤️

အခြေခံလေ့လာသူတွေအဖို့ အသုံးဝင်တဲ့
စကားပြောလေးတွေ ဖော်ပြပေးသွားမှာပါ။

✅ “I’m dying to + Verb”

‼️ တစ်ခုခုကို တအားဖြစ်ချင်နေတာမျိုး၊
လုပ်ချင်စိတ်တွေ တားမရအောင် ပြင်းပြနေတာမျိုး
ကြုံဖူးကြမှာပါ။

အင်္ဂလိပ်စကားပြောမှာ "I'm dying to" ဆိုတဲ့
အသုံးအနှုန်းက တစ်ခုခုကို အင်မတန် လိုချင်နေတာ၊
တမ်းတနေတာကို ဆိုလိုတာဖြစ်ပါတယ်။

🔺 ဒါကို နေ့စဉ်ဘဝထဲက အခြေအနေအမျိုးမျိုးမှာ
ဘယ်လိုသုံးရမလဲဆိုတာ အတူတူ လေ့လာ
ကြည့်ရအောင်နော်။

🎯 ပင်ပန်းနွမ်းနယ်နေတဲ့ ရက်တွေမှာဆိုရင် "I'm dying to relax on the beach" လို့ ပြောလို့ရပါတယ်။
ကမ်းခြေမှာ အေးအေးဆေးဆေး
အနားယူချင်လိုက်တာဆိုတဲ့ အဓိပ္ပာယ်ပါ။

🎯 အစားအသောက်နဲ့ ပတ်သက်ရင်လည်း
အချိုပွဲလေးတွေ မြင်တာနဲ့ မနေနိုင်မထိုင်နိုင်
ဖြစ်နေပြီဆိုရင်
“I'm dying to order some desserts" လို့ ပြောပြီး
ကိုယ့်ရဲ့ ပြင်းပြတဲ့ဆန္ဒကို ဖော်ပြလို့ရတာပေါ့။

🎯အလုပ်အကိုင်နဲ့ ပတ်သက်တဲ့ နေရာတွေမှာလည်း ဒီအသုံးအနှုန်းက တော်တော်လေး အသုံးဝင်ပါတယ်။ အင်တာဗျူး ဖြေထားပြီး ရလဒ်ကို သိချင်လွန်းလို့ ရင်တုန်နေရတဲ့အခါ
“I'm dying to find out if I got the job" လို့ သုံးနှုန်းနိုင်သလို ကိုယ့်ရဲ့ စီးပွားရေးကို ဒီထက်ပိုပြီး ချဲ့ထွင်ချင်တဲ့ ရည်မှန်းချက်ရှိရင်လည်း "I'm dying to expand my business" လို့ ပြောလို့ရပါတယ်။

🎯 လူမှုဆက်ဆံရေးမှာဆိုရင်တော့ တစ်ဖက်လူရဲ့
အကြောင်းကို ပိုပြီး သိချင်တဲ့အခါ
“I'm dying to learn more about you" လို့ သုံးတာက တော်တော်လေး စိတ်ဝင်စားဖို့ကောင်းပါတယ်။

💎 ဒီအသုံးအနှုန်းလေးက ကိုယ့်ရဲ့ ခံစားချက်ကို
ပိုပြီး ထိထိမိမိ ပေါ်လွင်စေတာမို့
သူငယ်ချင်းတွေနဲ့ စကားပြောတဲ့အခါဖြစ်ဖြစ်၊
အပြင်လောကမှာ အင်္ဂလိပ်လို ပြောဆိုဆက်သွယ်တဲ့အခါမှာဖြစ်ဖြစ် ထည့်သွင်းအသုံးချကြည့်ဖို့
တိုက်တွန်းလိုက်ပါတယ်ရှင်။

Su Myat Chit

❤️Basic Speaking Pattern (1) ❤️

အခြေခံလေ့လာသူတွေအဖို့ အသုံးဝင်တဲ့
စကားပြောလေးတွေ ဖော်ပြပေးသွားမှာပါ။

✅ "You're supposed to + (verb)"

တစ်ခါတလေ ကိုယ့်ပတ်ဝန်းကျင်မှာ
ဖြစ်သင့်ဖြစ်ထိုက်တာတွေ ဒါမှမဟုတ်
တစ်ဖက်လူ လုပ်ကိုလုပ်ရမဲ့တာဝန်တွေကို
ယဉ်ယဉ်ကျေးကျေးနဲ့ ထိထိရောက်ရောက်
ပြောပြဖို့ လိုအပ်လာတဲ့အခါ
ဘယ်လို အင်္ဂလိပ်စာ အသုံးအနှုန်းမျိုးကို သုံးကြမလဲ။

🔺 ဒီနေ့မှာတော့ နေ့စဉ်စကားပြောမှာ
အင်မတန်အသုံးဝင်တဲ့ "You're supposed to + (verb)" ဆိုတဲ့ ပုံစံလေးအကြောင်း ပြောပြပေးချင်ပါတယ်။

🎯 ဒီနေရာမှာ "You're" ဆိုတာက "You are" ကို အတိုကောက် ရေးထားတာ ဖြစ်ပြီး "Supposed to" နဲ့ တွဲသုံးလိုက်တဲ့အခါ တစ်ခုခုကို ဖြစ်စေချင်တာ၊ ဒါမှမဟုတ် တစ်ခုခုက ဖြစ်ကိုဖြစ်ရမယ်လို့ ကိုယ်က ခိုင်ခိုင်မာမာ ယုံကြည်တဲ့အခါမျိုးမှာ အကြံပြုတဲ့အနေနဲ့ သုံးတာဖြစ်ပါတယ်။

🎯 ဥပမာအားဖြင့် သူငယ်ချင်းတစ်ယောက်က
လျှို့ဝှက်ချက်တစ်ခုကို ပြောပြထားတယ် ဆိုပါစို့။
အဲဒီအခါ
“You're supposed to keep that secret"
လို့ ပြောနိုင်ပါတယ်။ “နင် ဒီလျှို့ဝှက်ချက်ကို
ထိန်းသိမ်းထားရမှာလေ" ဆိုတဲ့ အဓိပ္ပာယ်မျိုးပေါ့။

🎯 ဒါမှမဟုတ် တစ်နေရာရာကို သွားတဲ့အခါမျိုးမှာလဲ
“You're supposed to let me know when you leave" လို့ သုံးနိုင်ပါတယ်။ “နင် သွားတော့မယ်ဆိုရင် ငါ့ကို အသိပေးရမှာပေါ့" လို့ ပြောလိုက်တာပါ။

🎯 စည်းကမ်းတွေနဲ့ ပတ်သက်ပြီး သတိပေးချင်တဲ့အခါမှာလည်း ဒီအသုံးအနှုန်းက အဆင်ပြေပါတယ်။ ဥပမာ
“You're supposed to stop when at a red light" ဆိုတာမျိုးပေါ့။ မီးနီရင် ရပ်ရမယ်ဆိုတဲ့ စည်းကမ်းကို သတိပေးလိုက်တာပါ။

🎯 စိတ်လှုပ်ရှားစရာ ဒါမှမဟုတ် ထိတ်လန့်စရာ အခြေအနေတစ်ခုမှာ တစ်ဖက်လူကို တည်တည်ငြိမ်ငြိမ် ရှိစေချင်ရင်
“You are supposed to remain calm" လို့ သုံးပြီး
အားပေးနိုင်သလို၊ ကားစီးတဲ့အခါ ဘေးကင်းဖို့အတွက်
“You are supposed to fasten your seat belt" လို့ ပြောပြီး ခါးပတ်ပတ်ဖို့ သတိပေးလို့ ရပါတယ်။

💎 ဒီ "You're supposed to" ဆိုတဲ့ အသုံးအနှုန်းလေးက နေ့စဉ်ဘဝမှာ တာဝန်တွေ၊ မျှော်လင့်ချက်တွေနဲ့
စည်းကမ်းတွေကို ယဉ်ယဉ်ကျေးကျေးနဲ့
ထိထိရောက်ရောက် ပြောဆိုနိုင်ဖို့ အများကြီး
အထောက်အကူပြုမှာ ဖြစ်ပါတယ်။

‼️ ကိုယ်တိုင်လဲ ဥပမာလေးတွေနဲ့ လေ့ကျင့်ကြည့်
ရင်း comment ရေးခဲ့လို့ရပါတယ်ရှင်။

4 Skills Course
(Topic - Locations & Giving Directions)

‼️ ကိုယ် သွားချင်တဲ့နေရာကို ဘယ်လိုမေးရမလဲ၊
သူများက လမ်းညွှန်ရင်ရော ဘယ်လိုနားထောင်ရမလဲ။

🎯 အခြေခံစကားလုံးလေးအချို့ကို သိထားရုံနဲ့တင်
ဒါမျိုးလေးတွေကို ပြောနိုင်ပါပြီ။

✅ ဒီနေ့အတန်းမှာတော့
အင်္ဂလိပ်စာ အခြေခံလေ့လာနေတဲ့သူတွေအတွက် လမ်းညွှန်ချက်ပေးတာနဲ့ တည်နေရာပြောပြတာတွေကို
အလွယ်ကူဆုံးနည်းလမ်းနဲ့ သင်ပေးထားပါတယ်။

💎 အရင်ဆုံး စကားလုံးအသစ်လေးတွေကို
နားလည်အောင်၊ သိသွားအောင် ပုံလေးတွေနဲ့တကွ
ရှင်းပြ၊ မှတ်စေတယ်။

💎 စကားလုံးလေးတွေကို အသံထွက်
လေ့ကျင့်ကြည့်ရင်း မှတ်မိလွယ်အောင် လုပ်ပေးပါတယ်။

💎 ပြီးရင်တော့ အမေးအတွက် အဖြေအတွက်
သုံးရမှာလေးတွေ ရှင်းပြပြီး အပြော လေ့ကျင့်စေတယ်။

🔺 အပိုဆောင်းအနေနဲ့ လေ့ကျင့်ခန်းတွေ ထပ်လုပ်ပြီး
လေ့ကျင့်စေပါတယ်။

Class
Su Myat Chit

Course (Pronunciation Course)

Phonetics Symbols တွေချည်း သင်ပြီး
Video ဖွင့်ပြ၊ လိုက်နားထောင်ရုံလေး
သင်တာ မဟုတ်ဘဲ Course Book နဲ့
စနစ်တကျ သင်ပေးပါတယ်။

‼️Symbols တွေ သိရုံအပြင်
စကားပြောအတိုလေးတွေပါ လေ့ကျင့်ရလို့
Sentence Stress, Word Stress,
Intonation တွေပါ တစ်ခါတည်း လေ့လာလေ့ကျင့်ရပါတယ်။

💎 Symbols & Pronunciation တွေ မှတ်မိ၊
အသံထွက်တတ်လာရင်လဲ မမေ့အောင်
test လေးတွေ စစ်ပေးပါတယ်။

-to-One Course
(12 days per course)
Su Myat Chit

Skills with Grammar

‼️ သူငယ်ချင်းတစ်ယောက်နဲ့ ချိန်းထားလို့
အချိန်အတိအကျ ပြောချင်တဲ့အခါ ဒါမှမဟုတ်
အစည်းအဝေးတစ်ခုမှာ ရက်စွဲတွေအကြောင်း
ရှင်းပြတဲ့အခါ "in, on, at" တွေကို မှားသုံးမိမှာ
စိုးရိမ်ပြီး စကားလုံးတွေ ထစ်ငေါ့သွားဖူးပါသလား။

💎 စကားပြောကောင်းဖို့ဆိုတာ စကားလုံးတွေ
အများကြီး သိနေရုံနဲ့ မလုံလောက်ပါဘူး။
ကိုယ် ပြောချင်တဲ့ အချိန်နဲ့ အကြောင်းအရာကို
တိတိကျကျနဲ့ မှန်မှန်ကန်ကန် ချိတ်ဆက်မိဖို့က
ပိုအရေးကြီးပါတယ်။

⏰ အထူးသဖြင့် အချိန်နဲ့ ပတ်သက်တဲ့
Prepositions of Time တွေကို
နေရာတကျ အသုံးပြုတတ်ဖို့ပါပဲ။

🔺 မနက် ၉ နာရီမှာ တွေ့မယ်ဆိုရင်
“at 9 AM" လို့ သုံးရမယ်၊
တနင်္လာနေ့မှာဆိုရင်တော့ "on Monday" လို့
သုံးရမယ်ဆိုတာမျိုးတွေကို
ဦးနှောက်ထဲကနေ အကြာကြီး စဉ်းစားမနေဘဲ
ပါးစပ်က အလိုအလျောက် ထွက်လာဖို့ဆိုရင်
မှန်ကန်တဲ့ လေ့ကျင့်မှုတွေ လိုအပ်ပါတယ်။

🎯 ကျွန်မသင်တန်းမှာတော့ Grammar တွေကို
စာအုပ်ကြီးအတိုင်း ကျက်ခိုင်းတာမျိုး မဟုတ်ဘဲ
Speaking Skills နဲ့ တွဲဖက်ပြီး
လက်တွေ့ အသုံးချနိုင်အောင် အဓိကထား
သင်ကြားပေးနေတာပါ။

Su Myat Chit

#နမူနာ video လေး comment မှာ တင်ပေးထားပါတယ်ရှင်။