Mahar Tharaphu Private High School

■ ၂၀၂၁-၂ဝ၂၂ ပညာသင်နှစ်မှစ၍ အကြောင်းအမျိုးမျိုးကြောင့် ကျောင်းပြင်ပရောက်ရှိနေသော အခြေခံပညာမူလတန်းဆင့် (Grade 2 မှ Grade 5) နှင့် အလယ်တန်းဆင့် (Grade 6 မှ Grade 9) ကျောင်းသားများအတွက် Placement Test (အထူးအစီအစဉ်)ဖြေဆိုရန် လျှောက်လွှာခေါ်ယူ

၂၀၂၁-၂ဝ၂၂ ပညာသင်နှစ်မှစ၍ အကြောင်းအမျိုးမျိုးကြောင့် ကျောင်းပြင်ပရောက်ရှိနေသော အခြေခံပညာမူလတန်းဆင့် (Grade 2 မှ Grade 5) နှင့် အလယ်တန်းဆင့် (Grade 6 မှ Grade 9) ကျောင်းသားများအတွက် Placement Test (အထူးအစီအစဉ်)ဖြေဆိုရန် လျှောက်လွှာခေါ်ယူနေကြောင်း အခြေခံပညာဦးစီးဌာနက ကြေညာထားသည်။

လျှောက်ထားသူသည် အခြေခံပညာကျောင်း၊ သို့မဟုတ် ကိုယ်ပိုင်ကျောင်း သို့မဟုတ် ဘုန်းတော်ကြီးသင်ပညာရေးကျောင်းများတွင် ပညာသင်ယူခဲ့ဖူးသူဖြစ်ရမည်၊ လျှောက်ထားသူသည် မိမိနောက်ဆုံးတက်ရောက်ခဲ့သည့်ကျောင်းမှ နောက်ဆုံးအောင်မြင်ခဲ့သည့်အတန်းအတွက် ကျောင်းထောက်ခံချက်(မူရင်း) သို့မဟုတ် မိတ္တူ(မှန်) ပူးတွဲတင်ပြရမည်၊ ကျောင်းထောက်ခံချက်(မူရင်း) သို့မဟုတ် မိတ္တူ (မှန်) တင်ပြနိုင်ခြင်းမရှိပါက အရေးပေါ်အခြေအနေကြေညာထားသော မြို့နယ်အတွင်းရှိ ကျောင်းတွင် တက်ရောက်ခဲ့သည့် ကျောင်းသားဖြစ်ကြောင်း အထောက်အထား(အရေးပေါ်အခြေအနေ ကြေညာထားသော မြို့နယ်မှ အမှန်တကယ်ပြောင်းရွှေ့နေထိုင်သူဖြစ်ကြောင်း ရပ်ကွက်/ ကျေးရွာအုပ်ချုပ်ရေးမှူး၏ ထောက်ခံချက်) ပူးတွဲတင်ပြရမည်ဖြစ်ကြောင်း သိရသည်။

လျှောက်ထားသူသည် မိမိအသက်အရွယ်အရ တက်ရောက်သင်ယူရမည့်အတန်း၏ တစ်ဆင့်နိမ့်အတန်း Placement Test ကို ဖြေဆိုရမည် (ဥပမာ-အသက်အရွယ်အရ Grade 9 တက်ရောက်ရမည့် ကျောင်းသားသည် Grade 8 ကို ဖြေဆိုရမည်)၊ လျှောက်ထားသူသည် အသက်အရွယ်အရ တက်ရောက်ရမည့်အတန်းထက် အဆင့်နိမ့်အတန်းကို တက်ရောက်လိုပါ ကလည်း ၎င်းအတန်း၏ တစ်ဆင့်နိမ့်အတန်းကို ဖြေဆိုရမည် (ဥပမာ- အသက်အရွယ်အရ Grade 9 တက်ရောက်ရမည့် ကျောင်းသားသည် မိမိဆန္ဒအရ Grade 7 ကိုသာ တက်ရောက်လိုပါက Grade 6 ကို ဖြေဆိုရမည်)၊လျှောက်ထားသူသည် Placement Test. ကျရှုံးပါက မိမိဖြေဆိုသည့်အတန်းကိုသာ တက်ရောက်သင်ယူရမည်ဖြစိကြောင်း သိရသည်။

ဖြေဆိုလိုသောအတန်းနှင့် မွေးသက္ကရာဇ်အရ အသက်ကိုက်ညီမှုရှိရမည် (ကျောင်းသားသည် အသက်အရွယ်အရ ရောက်ရှိရမည့်အတန်းထက် အဆင့်နိမ့်အတန်းကို ဖြေဆိုလိုပါကလည်း လက်ခံရမည်)၊ မွေးသက္ကရာဇ်အတွက် မွေးစာရင်း သို့မဟုတ် အသက်အတွက် ထောက်ခံချက် (အိမ်ထောင်စုစာရင်း) (မူရင်း)ပြ၍ မိတ္တူကို ပူးတွဲတင်ပြရမည်၊ မွေးစာရင်း သို့မဟုတ် အသက်အတွက်ထောက်ခံချက် (အိမ်ထောင်စုစာရင်း) (မူရင်း) တင်ပြနိုင်ခြင်းမရှိပါက အိမ်ထောင်စုစာရင်းမိတ္တူ (မှန်) သို့မဟုတ် ကျောင်းသား၏ နိုင်ငံသားစိစစ်ရေးကတ်ပြား သို့မဟုတ် သက်ဆိုင်ရာ မြို့နယ်ကျန်းမာရေးဌာန၏ အသက်ဖော်ပြထားသော ကျန်းမာကြောင်း ဆေးထောက်ခံချက် ပူးတွဲတင်ပြရမည်၊ Placement Test (အထူးအစီအစဉ်) ဖြေဆိုခွင့်လျှောက်လွှာများကို မြို့နယ်ပညာရေးမှူးရုံး များတွင် ၂၀၂၆ခုနှစ် မေ ၂၂ ရက်မှစ၍ (ပိတ်ရက်မရှိ) အခမဲ့ ထုတ်ယူပြီး ဇွန် ၅ ရက် (ရုံးချိန်)နောက်ဆုံးထား၍ မြို့နယ်ပညာရေးမှူးရုံးများသို့ ပြန်လည်တင်သွင်းလျှောက်ထားရမည်ဖြစကြောင်း သိရသည်။

Placement Test (အထူးအစီအစဉ်)ကို သက်ဆိုင်ရာမြို့နယ်ပညာရေးမှူးရုံးအစီအစဉ်ဖြင့် သတ်မှတ်ထားသည့် စာစစ်ဌာနများတွင် ၂၀၂၆ ခုနှစ် ဇွန် ၁၅ ရက်မှ ၂၀ ရက်အတွင်း ဖြေဆိုရမည်ဖြစ်ပြီး ဖြေဆိုရမည့်အစီအစဉ်နှင့် အသေးစိတ်အချက်အလက်များကို လျှောက်လွှာ ထုတ်ယူတင်သွင်းခဲ့သည့် မြို့နယ်ပညာရေးမှူးရုံးများတွင် ဆက်သွယ်စုံစမ်း၍ အစီအစဉ်အတိုင်း ဝင်ရောက်ဖြေဆိုရမည်ဖြစ်ကြောင်း၊ ပညာရေးဝန်ကြီးဌာနမှ ထုတ်ပေးထားသည့် သတ်မှတ်လျှောက်လွှာအတိုင်း ပြည့်စုံစွာ ဖြည့်စွက်ရမည်။ “ ပြည့်စုံမှုမရှိသော လျှောက်လွှာများ”ဖြင့် လျှောက်ထားပါက လျှောက်ထားမှုအား “ပယ်ဖျက်”မည်ဖြစ်‌ကြောင်း သိရသည်။

လျှောက်လွှာအား သတ်မှတ်ရက်အတွင်း တင်ပြနိုင်မှုမရှိခြင်းနှင့် သတ်မှတ်နေရာတွင် ဖြေဆိုနိုင်ခြင်းမရှိပါက ဖြေဆိုသူစာရင်းမှ ပယ်ဖျက်ခြင်းကို လိုက်နာရမည်ဖြစ်ကြောင်း၊ Placement Test (အထူးအစီအစဉ်) ဖြေဆိုသည့်နေ့ရက်များတွင် ပညာရေးဝန်ကြီးဌာနက သတ်မှတ်ထားသော ကျောင်းဝတ်စုံ(အဖြူ၊ အစိမ်း)ကို ဝတ်ဆင်ရမည်ဖြစ်ကြောင်း၊ လျှောက်ထားသူသည် အတန်းတက်ရောက်ခွင့်ရရှိပါက ၂၀၂၆-၂၀၂၇ ပညာသင်နှစ်တွင် အခြေခံပညာကျောင်းများ၌သာ တက်ရောက်ပညာသင်ယူရမည်ဖြစ်ကြောင်း အခြေခံပညာဦးစီးဌာနက ကြေညာထားသည်။

■ Website Link >>>> https://news-eleven.com/article/312069

■ Eleven Website:https://news-eleven.com
■ Eleven Broadcasting YouTube:https://m.youtube.com/c/elevenwebtv11
■ Eleven Sports YouTube:https://m.youtube.com/c/ElevenSports11
■ Eleven Telegram Channel : https://t.me/elevenmediagroup
■ Eleven Viber : https://vb.me/elevenmediagroup

■ ၂၀၂၁-၂ဝ၂၂ ပညာသင်နှစ်မှစ၍ အကြောင်းအမျိုးမျိုးကြောင့် ကျောင်းပြင်ပရောက်ရှိနေသော အခြေခံပ ၂၀၂၁-၂ဝ၂၂ ပညာသင်နှစ်မှစ၍ အကြောင်းအမျိုးမျိုးကြောင့် ကျောင်းပြင်ပရောက်ရှိနေသော အခြေခံပညာမူလတန်းဆင့် (Grade 2 မှ...

မဟာသရဖူကိုယ်ပိုင်အထက်တန်း​ကျောင်း ၏
(မူလတန်း၊ အလယ်တန်း၊အထက် တန်း ) အတန်းကူး​​ပြောင်းစာရင်းကို ​ကျောင်းတွင်လာ​ရောက်
​ကြည့်ရှု့နိုင်ပြီဖြစ်ပါသည်။

မင်္ဂလာအပေါင်းနဲ့ ပြည့်စုံသော နှစ်သစ်ကူးအခါ
သမယ
#နှစ်သစ်ကူး အခါသမယ ဒီနေ့ဒီအချိန်မှစ၍...
#စိတ်ချမ်းချမ်းသာသာ ကိုယ်ကျန်းကျန်းမာမာ ရှိကြပါစေ။
#ဘေးဒုက္ခ အန္တရာယ်များမှ လွတ်ကင်းနိုင်ကြပါစေ။ #မကောင်းသောဘေးဒုက္ခ အတိုက်အခိုက်များမှ
လည်း ကင်းဝေးနိုင်ကြပါစေ။
#မိတ်ကောင်းဆွေကောင်း၊ ဆရာသမားကောင်းများနှင့်သာ တွေ့ဆုံနိုင်ကြပါစေ။
#လိုအပ်နေသည့် ဆန္ဒများ အားလုံး ပြည့်စုံနိုင်ကြပါစေ။

နှစ်သစ်ကူး ဆုမွန်ကောင်းကို မဟာသရဖူကိုယ်ပိုင်အထက်တန်း​ကျောင်းမှ ဆု​တောင်းမေတ္တာပို့သပါသည်..။

အစိုးရနှင့်ကိုယ်ပိုင်ကျောင်းပြောင်းလိုသူများ Placement Test မေလတွင် ဖြေဆိုရမည်
==========================
နိုင်ငံတကာသင်ရိုးဖြင့်သင်ကြားနေသောကျောင်းများ (နိုင်ငံတကာနှင့် ပြည်တွင်းပုဂ္ဂလိကကျောင်း) များမှ ပညာရေးဝန်ကြီးဌာနအောက်ရှိကျောင်းများ (အခြေခံပညာနှင့် ကိုယ်ပိုင်ကျောင်းများ) သို့ ပြောင်းရွှေ့လိုသူများသည် Placement Test ဖြေဆိုရန် လျှောက်လွှာများကို အခမဲ့ရယူလျှောက်ထားနိုင်သည်။

အပြည့်အစုံဖတ်ရန်
> https://www.edge.com.mm/article/-placement-test-69c0b6a1e04d4.html

ရန်ကုန်တိုင်း​ဒေသကြီးအစိုးရအဖွဲ့မှ ကြီးမှူးကျင်းပ​သော မြန်မာနိုင်ငံ၏အကြီးကျယ်ဆုံးအ​ခြေခံပညာ
အဆင့်အာကာသပန်းချီ၊ ပိုစတာ၊ ကာတွန်းပွဲတွင်
မဟာသရဖူကိုယ်ပိုင်အထက်တန်း​ကျောင်းမှ အထက်တန်းအဆင့်ပိုစတာပြိုင်ပွဲအတွက်
ကျား(၃)၊ မ(၂) ​ပေါင်း ၅ဦးယှဥ်ပြိုင်ရာ အထူးဆုနှစ်ဆု
ရရှိခဲ့ပါသည်။ ဆုရရှိ​သောသမီးငယ်နှစ်ဦးအား၎င်း ကျန်သားငယ်သုံးဦးအား၎င်း​ကျောင်းမှမှတ်တမ်းတင်
ဂုဏ်ယူပါ​ကြောင်း......။