WYTU Students' Union

◾ပဇီကြီး လူသတ်ပွဲ တစ်နှစ်ပြည့်ပြီ။

ပဇီကြီး လူသတ်ပွဲဟာ အကြမ်းဖက်စစ်တပ်အနေနဲ့ ပြည်သူလူထုကို ရည်ရွယ်ချက်ရှိရှိ အစုလိုက်အပြုံလိုက် သတ်ဖြတ်ခဲ့ခြင်းကို မျက်ဝါးထင်ထင် ဖော်ပြတဲ့ လူသတ်ပွဲကြီးဖြစ်တယ်။ စစ်တပ်အနေနဲ့ နိုင်ငံတကာမျက်နှာစာတွေနဲ့ မြို့ပြနေလူထုအပေါ် တိုင်းပြည်ကိုကာကွယ်နေတာပါလို့ လိမ်လည်ထားပြီး မြေပြင်မှာ အာဏာရှင်ဆန်ဆန် ပြည်သူလူထုကိုသတ်ဖြတ်နေတာပဲဖြစ်တယ်။

လွန်ခဲ့တဲ့တစ်နှစ် ဒီလိုအချိန် ပဇီကြီးမှာ ကလေးသူငယ် ၄၀နီးပါးနဲ့ အရပ်သားပြည်သူ ၁၇၀ကျော် သေဆုံးခဲ့ရပါတယ်။ စစ်ရေးပစ်မှတ်မဟုတ်တဲ့နေရာကို လေယာဉ်နဲ့ ဗုံးကြဲတိုက်ခိုက်ရုံသာမကဘဲ အသက်ရှင်ကျန်ရစ်တဲ့အရပ်သားပြည်သူတွေကိုပါ စစ်သုံးရဟတ်ယာဉ်တွေနဲ့ လိုက်လံပစ်ခတ်တာတွေ ပြုလုပ်ခဲ့တယ်။

ပဇီကြီး အစုလိုက်အပြုံလိုက်လူသတ်မှုအပေါ် နိုင်ငံတကာအနေနဲ့ ကန့်ကွက်ရှုတ်ချတာကလွဲလို့ ထိရောက်တဲ့ အရေးယူမှု၊ ပိတ်ဆို့မှု တစ်ခုမှလုပ်ထားတာမရှိပါဘူး။ ဒီတော့ ကျွန်မတို့ပြည်သူတွေအတွက် တရားမျှတမှုကို ကျွန်မတို့ပြည်သူတွေထဲက ပြည်သူတွေကိုယ်တိုင်ပဲ ရှာဖွေပေးရပါလိမ့်မယ်။

စစ်တပ်အနေနဲ့ လက်ရှိအဘက်ဘက်ကရှုံးနိမ့်လာတဲ့အခါမှာ သူတို့ကိုယ်တိုင် ညှင်းပန်းခဲ့တဲ့ပြည်သူလူထုဆီကနေပဲ လူ့စွမ်းအားအရင်းအမြစ်ကိုဂုတ်သွေးစုပ်တဲ့ စစ်မှုထမ်းဥပဒေဆိုတာကိုထုတ်ပြန်တယ်။ စစ်တပ်ဟာ လူထုကိုကာကွယ်မဲ့အစား သူတို့အာဏာတည်မြဲဖို့အတွက် လူထုကို လိုသလိုအသုံးချ လူသားဒိုင်းအနေနဲ့အသုံးပြုဖို့ ဖန်တီးနေပြန်တယ်။

ဒီလိုအခြေအနေတွေမှာ ပတ်ဝန်းကျင်နဲ့သတင်းကိုနားစွင့်ပြီး တော်လှန်ရေးမှာလိုအပ်သလို ပူးပေါင်းပါဝင်ကြပါ။ တိုင်းပြည်က အသက်တွေစျေးမပေါအောင် ကျွန်မတို့ကိုယ်တိုင်ပဲ ကြိုးစားကြရပါလိမ့်မယ်။

မခရစ္စတင်း
ပြောရေးဆိုခွင့်ရှိသူ(တကသများ-ရန်ကုန်)

#ပဇီကြီးမှာစီးတဲ့သွေးတွေမခြောက်သေးဘူး

💬 သမဂ္ဂကို ဘာတွေတိုင်ပင်လို့ရလဲ

ကျောင်းသားသမဂ္ဂကို ကျောင်းသားတွေရဲ့အခက်အခဲတွေအကုန်လုံးဆွေးနွေးတိုင်ပင်နိုင်ပါတယ်။

📌 ပညာရေးဆိုင်ရာ စိုးရိမ်ပူပန်မှုများ
📌စိတ်ကျန်းမာရေးဆိုင်ရာ စိန်ခေါ်မှုများ
📌လွတ်မြောက်ဒေသများသို့ခိုလှုံရန် ဆွေးနွေးတိုင်ပင်ခြင်းများတို့ကို ကျွန်တော်တို့ဆီမှာ လာရောက်ပြုလုပ်လို့ရပါပြီခင်ဗျာ။

တက္ကသိုလ်ကျောင်းသား၊ ကျောင်းသူများ ရင်ဆိုင်နေရတဲ့ အကြပ်အတည်းတွေကို သမဂ္ဂအနေနဲ့ နားထောင်နားစွင့်ပြီး ဆွေးနွေး အကူအညီပေးနေပါပြီ။

သမဂ္ဂကိုတိုင်ပင်ပါ Telegram Channel မှတဆင့် နိုင်ငံရေးအခြေအနေများ၏ သက်ရောက်မှုများကို ရင်ဆိုင်နေရသော မြန်မာနိုင်ငံတစ်ဝှမ်းရှိ တက္ကသိုလ်ကျောင်းသားများအနေဖြင့် ရင်ဆိုင်နေသည့် မည်သည့်အခက်အခဲကိုမဆို ဆွေးနွေးတိုင်ပင်နိုင်ပါတယ်။

Page Messenger ကတဆင့် ဆက်သွယ်နိုင်ပါပြီခင်ဗျာ။

#ကျောင်းသားတွေအတွက်ကျောင်းသားသမဂ္ဂရှိတယ်
#သမဂ္ဂကိုတိုင်ပင်ပါ
#တကသများရန်ကုန်

◾ကျောင်းသားလက်ရုံးတပ်တော်မှ ရဲ‌ဘော် အင်းစိန် တော်လှန်ရေးတာဝန်ထမ်းဆောင်ရင်း ရဲဝံ့စွာ အသက်ပေးလှူ။

ကျောင်းသားလက်ရုံးတပ်တော်မှ ရဲဘော် အင်းစိန် သည် ၂၀၂၄ခုနှစ်၊ ဧပြီလ (၁)ရက်နေ့ နေ့လယ်တွင် အဖိနှိပ်ခံလူထုလွတ်မြောက်ရေးနှင့် နိုင်ငံတော်သစ်ဆီသို့ မျက်နှာမူလျက် တော်လှန်ရေးတာဝန်များ ထမ်းဆောင်ရင်း မကွေးတိုင်းဒေသကြီး၊ သရက်ခရိုင် အတွင်း အသက်ပေးလှူ ကျဆုံးခဲ့သည့်အတွက် များစွာ ဝမ်းနည်းကြေကွဲရသည်။

ရဲဘော်အင်းစိန်သည် ကျောင်းသားလက်ရုံးတပ်တော်မှ ပေးအပ်လာသော တာဝန်များကို ကိုယ်စွမ်းဉာဏ်စွမ်းရှိသမျှ ဇွဲလုံလစိုက်ထုတ်၍ တာဝန်ထမ်းဆောင်ခဲ့ခြင်းအား ဂုဏ်ယူအသိအမှတ်ပြုသည်။ ကျောင်းသားလက်ရုံးတပ်တော်မှ ပေးအပ်လာသော အမိန့်နှင့် တာဝန်များကို မမှိတ်မသုန် ကျေပွန်စွာ ထမ်းဆောင်ခဲ့သော ရဲဘော် အင်းစိန် ကျဆုံးမှုအား လေးမြတ်စွာ ဦးညွှတ် အလေးပြုအပ်ပါသည်။

◾"နယ်မြေသစ်မှာ နိုင်ငံတော်သစ်တည်ဆောက်ကြ"

(ပြည်သူ့ညီလာခံအကြို တကသများ-ရန်ကုန်၊ ပညာရေးနှင့် သုတေသနကော်မတီ၊ နိုင်ငံတော်သစ်အယူအဆဆိုင်ရာ လေ့လာရေးအဖွဲ့၏ ရပ်တည်ချက်စာတမ်းများမှ ကောက်နှုတ်ချက်)

ကျွန်တော်တို့ဟာ လက်ရှိမှာ နယ်မြေအဟောင်းပေါ်၌ နေထိုင်နေကြသူတွေဖြစ်တယ်။ သည်နယ်မြေဟောင်းဆိုတာက နယ်နမိတ်စည်းသတ်မှတ်ချက်တွေနဲ့ မြေယာပိုင်ဆိုင်မှုတွေကို ဆိုလိုခြင်းမဟုတ်။ အာဏာရှင်သန္ဓေ၊ အာဏာရှင်ယူဆချက်အဟောင်းတွေကို သိလျက်ဖြစ်စေ၊ မသိဘဲဖြစ်စေ ကိုင်စွဲပြီး ကိုယ့်ရဲ့ တွေးတောချက်၊ လုပ်ဆောင်ချက်တွေမှာ အာဏာရှင်အငွေ့အသက်တွေ ပါဝင်နေဆဲဖြစ်အောင် ပြုလုပ်ထားနိုင်တဲ့ ကိုယ့်တကိုယ်စာ အတွေးအခေါ်နယ်မြေကို ဆိုလိုတာဖြစ်တယ်။ တကသများ - ရန်ကုန်/ ကျောင်းသားလက်ရုံးတပ်တော် အနေနဲ့ လက်ရှိ မြန်မာနိုင်ငံရယ်လို့သတ်မှတ်ထားတဲ့ မြေပုံဟာ စစ်မက်ပြုပြီး အနိုင်ရသူစားစတမ်း သဘောတရားနဲ့ သိမ်းပိုက်ထားတဲ့ စစ်ဘုရင်အယူဝါဒကနေ ဖြစ်တည်လာတဲ့ သတ်မှတ်ချက်တခုဖြစ်ကြောင်း ကိုင်စွဲပြောဆိုခဲ့ပြီးဖြစ်တယ်။ ဒီတော်လှန်ရေးဟာ အသစ်ဖြစ်သော၊ အသစ်ရယ်လို့စစ်သော နိုင်ငံတစ်ခု ထူထောင်ကြဖို့ရည်ရွယ်တယ်ဆိုရင် မည်သို့သော အာဏာရှင် အယူအဆကိုမဆို သန္ဓေတည် မွေးထုတ်ခြင်း မပြုမယ့် လူ့ဘောင် အသစ်တစ်ခုကနေ တည်ထောင်မှသာလျှင် တကယ်သစ်သော နယ်မြေတခု၊ နိုင်ငံတခုဖြစ်နိုင်လိမ့်မယ်။

သမိုင်းကိုပြန်လှန်ကြည့်မယ်ဆိုရင် စစ်ဘုရင်ဝါဒကို မျက်ဝါးထင်ထင်မြင်ရမှာဖြစ်တယ်။ ထိုခေတ်ထိုအခါအနေနဲ့ ထူးဆန်းမနေတဲ့ ဝါဒတခုဖြစ်သော်လည်း ထိုဝါဒနဲ့ ထိုဝါဒအောက်က ပေါက်ဖွားလာတဲ့ လုပ်ရပ်များကို ဂုဏ်တခုအနေနဲ့ ရိုက်သွင်းသင်ကြားဖို့ စီစဉ်ထားခဲ့တဲ့ ပညာရေးဆိုတဲ့ ဝါဒသွတ်သွင်းမှုဟာ စစ်ကျွန်ပညာရေးပင်ဖြစ်တယ်။ စစ်ကျွန်ပညာရေးဆိုရင် စစ်တပ်အုပ်ချုပ်မှုအောက်ကပေးတဲ့ အသိအမှတ်ပြုလက်မှတ်တွေကိုသာ မြင်နေခြင်းကို ကျော်ကြည့်ဖို့ လိုအပ်လိမ့်မယ်။ အောင်နိုင်သူတွေရေးတဲ့ သမိုင်းပေါ် အခြေတည်ပြီး စစ်ဘုရင်ဝါဒကို သူကောင်းပြုထားတဲ့ သင်ခန်းစာတွေဟာ ဖိနှိပ်ခံခဲ့ရသူတွေ၊ စစ်မက်အိပ်မက်ဆိုး အမှန်တကယ် ခြောက်လှန့်ခံခဲ့ရသူတွေအပေါ် တရားမျှတမှု မဆောင်ကျဉ်းနိုင်တဲ့အပြင် အောင်နိုင်ခဲ့သူတွေရဲ့ မှားယွင်းမှုတွေကိုလည်း မီးမောင်းထိုးပြနိုင်ခြင်း မရှိဘူး။ ဒါကြောင့်ပဲ အောင်နိုင်လိုသူ စစ်ဘုရင်ဝါဒသမားတွေ တခေတ်ပြီးတခေတ် ပေါ်ပေါက်လာရခြင်းဖြစ်သလို၊ ဒီနိုင်ငံဟာလည်း စစ်တပ်အာဏာသိမ်းမှု ဝဲဂယက်ထဲမှာ လှုပ်လေမြုပ်လေ အခြေအနေထဲ ရောက်နေရခြင်းဖြစ်တယ်။ ဒီလိုပညာရေးမျိုးကို ပေးနေသ၍ စစ်တပ်အုပ်ချုပ်မှမဟုတ်၊ ဘယ်လိုအစိုးရတက်တက် မှားယွင်းနေတဲ့ အယူအဆဟောင်းတွေကို ဖက်တွယ်ပြီး ကိုယ်ချင်းစာတရား ပျောက်ဆုံးနေတဲ့ နယ်မြေအဟောင်းမှာပဲ ဆက်လက်အခြေချ နေထိုင်သူတွေ ဖြစ်နေဦးမှာဖြစ်တယ်။ ဒီအချက်တွေကပဲ နိုင်ငံအသစ်ကို တည်ဆောက်ဖို့အတွက် ဟန့်တားနေတဲ့ အချက်တွေဖြစ်တယ်။

ဒါကြောင့် နိုင်ငံအသစ်လို့ပြောတဲ့အခါမှာ သည်လိုအသစ်ဖြစ်တဲ့ နိုင်ငံကို ဘယ်အရာက အဓိက မောင်းနှင်မလဲလို့ ဆုံးဖြတ်ရာမှာ အရေးကြီးတယ်။ သမိုင်းအဆက်ဆက်၊ ခေတ်အဆက်ဆက်မှာ ‌စစ်မက်၊ အင်အားကိုအခြေပြုတဲ့ အောင်နိုင်သူသာ အဓိကဆိုတဲ့ အတွေးအခေါ်ဟောင်းကိုသာ ဗဟိုပြု သင်ကြားနေခြင်း ဒီသံသရာဆိုးကြီးကို ခြေဖျက်ပစ်ဖို့လိုတယ်။ စစ်မှန်တဲ့ ဒီမိုကရေစီ ပညာရေးနဲ့ မောင်းနှင်တဲ့ နိုင်ငံဖြစ်မှသာလျှင် ဒီသံသရာဆိုးကြီးထဲက ရုန်းထွက်နိုင်မှာဖြစ်တယ်။ စစ်မှန်တဲ့ ပညာရေးဆိုတာဟာ လူထုရဲ့ လွတ်မြောက်မှုကို ပြဋ္ဌာန်းနိုင်ရမယ်။ အင်အားကြီးသူစားစတမ်းဆိုတဲ့ အယူအဆကင်းစင်ရမယ်။ စစ်အောင်သူ၊ အင်အားကြီးသူကို ဦးထိပ်ထားမှု မရှိရဘူး။ အဖိနှိပ်ခံရခြင်းဆိုတဲ့ အယူအဆကို ကိုယ်ချင်းစာတရားနဲ့ ယှဉ်ထိုးကြည့်တတ်အောင် ရှင်းပြနိုင်ရမယ်။ နိုင်ငံအသစ်ကို လက်နက်နဲ့ မောင်းနှင်လို့မရ၊ အကြောက်တရားနဲ့ မောင်းနှင်လို့မရ၊ တယူသန်စွဲ ငါစွဲတွေနဲ့ မောင်းနှင်လို့မရ။ အဲ့တာတွေနဲ့ မောင်းနှင်နေသ၍ နိုင်ငံအသစ်မမည်။

တော်လှန်ရေးအောင်နိုင်ဖို့၊ နိုင်ငံအသစ်တည်ထောင်ဖို့ ပြောကြ၊ ငြင်းခုန်ကြတဲ့အခါမှာ တပ်ပေါင်းစု၊ ဘုံနိုင်ငံရေးရည်မှန်းချက် စတဲ့စကားရပ်တွေဟာ မပါမဖြစ်တွေဖြစ်တယ်။ အဓိကကျတဲ့အချက်တခုက ဒီစကားရပ်တွေပြောတဲ့အခါမှာ ပြည်ထောင်စုကြီး လွတ်လပ်ရေး ဆိုတာထက် သက်ရှိ၊ လူသား လွတ်မြောက်ရေးက အဓိကကျတယ်ဆိုတာပဲ။ လူထုရှိမှ နိုင်ငံရှိမယ်။ လူထုလွတ်မြောက်မှ နိုင်ငံလွတ်မြောက်မှာဖြစ်တယ်။ ကိုင်တွယ်ထိတွေ့လို့မရတဲ့ ပြည်ထောင်စုကြီး ဆိုတာထက် တကယ်အသက်ရှင်နေထိုင်ဖြတ်သန်းနေရတဲ့ လူထုကို ဦးတည်ပြီးစဉ်းစား ငြင်းခုန်နေကြတာမျိုး ဖြစ်ဖို့လိုတယ်။ လူထုဟာ ခေတ်အဆက်ဆက် ဖြတ်သန်းမှုအောက်မှာ ‌နှောင်ကြိုးအထပ်ထပ်နဲ့ ချည်နှောင်ထားခြင်းခံရတယ်။ စစ်ဘေး၊ စီးပွားရေး၊ လူနေမှု၊ ရှေးရိုးအယူအဆစွဲ၊ နိမ့်ကျတဲ့ပညာရေးစနစ် အစရှိတဲ့ အစားစားသော နှောင်ကြိုးတွေနဲ့ တုပ်နှောင်ခံထားရပြီး ခေါင်းမထောင်နိုင်လောက်အောင် ခံစားနေခဲ့ရတယ်။ ထိုသို့သော နှောင်ကြိုးအလီလီကို ခြေဖျက်ရုန်းထွက်နိုင်တဲ့ လွတ်မြောက်‌ရေးနည်းနာတွေ၊ လုပ်ငန်းစဉ်တွေ ကသာလျှင် စစ်မှန်တဲ့ လွတ်မြောက်ရေးလှုပ်ရှားမှုဖြစ်တယ်။
လက်ရှိကာလမှာတော့ စစ်ဝါဒဟာ အမြင်သာဆုံးနဲ့ အဆိုးဝါးဆုံး နှောင်ကြိုးဖြစ်တယ်ဆိုတာ ငြင်းချက်ထုတ်စရာမရှိ။ ဒါပေမယ့် ဒီတခုတည်းက လွတ်မြောက်ရုံနဲ့ လူထုလွတ်မြောက်သွားပြီလို့ မဆိုနိုင်။ စစ်တပ်ပြုတ်ကျခြင်းသည် အလွန်ဆုံးအဆင့်အနေနဲ့ နိုင်ငံလွတ်လပ်သွားတယ်ဆိုတဲ့ မှတ်တိုင်တခုသာ ဖြစ်နိုင်တယ်။ လွတ်လပ်တယ်ဆိုရာမှာ လက်ရှိစစ်တပ်ရဲ့ စွက်ဖက်မှုကင်းတဲ့၊ သူတို့ကို ထည့်တွေးစရာမလိုတဲ့ ဆွေးနွေးမှုတခု အစပျိုးနိုင်ခြင်းမျှသာ ဖြစ်တယ်။ လူထုတကယ်လွတ်မြောက်ဖို့ဆိုရင် အခြားသော နှောင်ကြိုးများလည်း ရှိသေးတယ်ဆိုတာ သတိချပ်ဖို့လိုမယ်။ ဥပမာအနေနဲ့ဆိုရင် လူမျိုး၊ ဘာသာ၊ ဒေသ၊ လူနေမှု စတာတွေကို အခြေခံတဲ့ ကြောက်ရွံ့မှုနဲ့ တရားသေအစွဲတွေဖြစ်တယ်။ လူထုတရပ်လုံး ဒီနှောင်ကြိုးတွေကနေ လွတ်မြောက်မှသာ အမှန်တကယ် လူထုလွတ်မြောက်ခြင်းဖြစ်တယ်။ လူထုဆိုရာမှာ ကျွန်ုပ်တို့‌တတွေ အားလုံး ကိုယ်တိုင်ကိုယ်ကျ ပါဝင်နေတယ်ဆိုတာ သတိချပ်ဖို့လိုအပ်တယ်။ လက်ရှိစစ်တပ်၊ စစ်တပ်ရဲ့ စစ်ဝါဒ၊ နောက်ပြီး အာဏာရှင်စနစ် စတာတွေကို တော်လှန်တိုက်ထုတ်ရာမှာ လူမျိုး၊ ဒေသိယ၊ နယ်နိမိတ်၊ အာဏာ၊ ကိုယ်စားပြုမှု စတဲ့ နှောင်ကြိုးတွေက လူထုလွတ်မြောက်ရေးကို နှောင့်နှေးစေမယ်။ တော်လှန်ရေးမှာ ပါဝင်နေပါတယ်ဆိုတဲ့ သူတွေကိုယ်တိုင် ဒါကို သတိဝင်နေဖို့ လိုအပ်တယ်။ လူထုတရပ်လုံး လွတ်မြောက်မှသာ နိုင်ငံတခုလုံးအတိုင်းအတာနဲ့ လုံခြုံငြိမ်းချမ်းနိုင်မှာ ဖြစ်တယ်။

ဆိုတော့ လက်ရှိတော်လှန်ရေးကာလ စစ်အုပ်စုကို ပြုတ်ကျအောင် တော်လှန်နေကြစဉ် ကတည်းက စစ်အုပ်စုမရှိတော့တဲ့ နယ်မြေတခုကို ငါတို့ဘယ်လိုတည်ဆောက်ကြမယ်ဆိုတာကို တဦးတယောက်ချင်းစီက ကြိုတွေးထားကြဖို့လိုအပ်တယ်။ အဆိုပါဖြစ်တည်လာမယ့် နယ်မြေနဲ့ နိုင်ငံ (တွေ) ဟာ နိုင်ငံတော်သစ်ရယ်လို့ ပီပီပြင်ပြင် ဖြစ်ပေါ်လာဖို့ တင်ကြိုစီစဉ်ထားမှ ရမယ်။ ကျွန်‌တော်တို့ တကသများ - ရန်ကုန်/ ကျောင်းသားလက်ရုံးတပ်တော် အနေနဲ့ နိုင်ငံတော်သစ်ဆိုတာကို “စစ်အုပ်စုကိုဖြုတ်ချပြီးအလွန်ကာလ၌ ဤ‌မြေပေါ်တွင်ဖြစ်ပွားခဲ့သော သမိုင်းဖြစ်ရပ်များကို ပြန်လည်ဆင်ခြင်၍ ဌာနေလူမျိုးများ၏ ဆန္ဒနှင့်စရိုက်လက္ခဏာကိုလေးစားသော၊ အခြေခံ လူ့အခွင့်အရေးအပါအဝင် နိုင်ငံသားတိုင်း၏ အခြေခံအခွင့်အရေးများထွန်းကားသော၊ စစ်ကိုစစ်ဖြင့် မတုံ့ပြန်သော၊ ပြည်သူလူထုသဘောတူညီသည့် နိုင်ငံစုဖွဲ့မှုပုံစံမျိုးဖြင့် ဒီမိုကရေစီစနစ်ကို အကောင်အထည်ဖော်ကြမည့် နိုင်ငံတော်သစ်တစ်ရပ်” လို့ အဓိပ္ပါယ်ဖွင့်ဆိုတယ်။ ရည်ရွယ်ချက် ကတော့ စစ်အုပ်စုပြုတ်ကျပြီးခါမှ တော်လှန်ရေးအင်အားစုအချင်းချင်း နယ်မြေနဲ့ အာဏာပိုင်းခြားမှုတွေအပေါ် အငြင်းပွားပြိး စစ်ကိုစစ်နဲ့ ပြန်လည်တုံ့ပြန်တဲ့ အမှောင်ခေတ်တခုဆီကို ပြန်မရောက်စေဖို့ပဲ ဖြစ်တယ်။

သမိုင်းကနေ လက်ရှိအထိ ဖြစ်ပွားခဲ့တဲ့ ပဋိပက္ခဆိုတာ အထက်မှာ ဖော်ပြခဲ့တဲ့ လူတွေကို ချုပ်နှောင်ထားတဲ့ နှောင်ကြိုးတွေကြောင့် ဖြစ်ပေါ်နေတာဖြစ်တယ်။ ဒါကြောင့် နိုင်ငံတော်သစ်ကို စဉ်းစားကြတဲ့အခါမှာ နှောင်ကြိုးတွေထံမှ တတ်နိုင်သလောက် လွတ်နိုင်မယ့် အခင်းအကျင်း၊ အယူအဆ၊ လုပ်ငန်းစဉ်တွေ ရှိဖို့လိုတယ်။ ဒါမှသာ ပဋိပက္ခတွေပါ ကျွဲကူး‌ရေပါ ချုပ်ငြိမ်းမှာဖြစ်တယ်။ နိုင်ငံ‌တော်သစ်ဟာ အယူအဆသစ်ပေါ်မှာ အခြေခံရမှာဖြစ်တဲ့အတွက် နိုင်ငံတော်လို့ပြောရာမှာ မြေပုံအဟောင်းကိုပဲ တရားသေကိုင်စွဲမထားခြင်းဟာ တွေးခေါ်ရာမှာ ပိုမိုလွတ်လပ်ပွင့်လင်းစေလိမ့်မယ်။ ဆိုခဲ့ပြီးတဲ့အတိုင်း ပြည်ထောင်စုလွတ်လပ်ရေးမဟုတ်၊ လူထုလွတ်မြောက်ရေးသာ အဓိကဖြစ်တယ်။

လူထုလွတ်မြောက်ရေးသာ အဓိကလို့ ပြောခဲ့ပြီးတဲ့အလျောက် လက်ရှိကျင်းပပြုလုပ်မယ့် ပြည်သူ့ညီလာခံဟာ လူထုညီလာခံစစ်စစ်သဏ္ဍာန်ဆောင်ဖို့ လိုအပ်တယ်။ ပြည်သူဆိုတဲ့ ဝေါဟာရကို အသုံးချပြီး အာဏာတည်ဆောက်မှုတွေ၊ တာဝန်ရှောင်ထွက်မှုတွေကို အဆုံးသတ်ရမယ်။ တကယ်စစ်မှန်တဲ့ နယ်မြေသစ်တခု၊ နိုင်ငံတော်သစ်တခုကို ဦးတည်ပေးနိုင်ဖို့ လိုအပ်တယ်။ ဒီ့အတွက် ဗျူဟာသော်လည်းကောင်း ဒါမှမဟုတ် ဗျူဟာချမှတ်ပေးနိုင်မယ့် တပ်ပေါင်းစုတခု တပ်ဦးတခုသော်လည်းကောင်း ထွက်ပေါ်နိုင်အောင် ဆောင်ကျဉ်းပေးနိုင်ရမယ်။ မည်ကာမတ္တ တပ်ပေါင်းစုရယ်လို့မဟုတ်ဘဲ နိုင်ငံရေး၊ စစ်ရေး ကျေလည်ပြီး ခိုင်မာကျစ်လစ်တဲ့၊ လူထုလွတ်မြောက်မှုကို သစ်လွင်တဲ့ အယူအဆ၊ လုပ်ငန်းစဉ်တွေ ယူဆောင်လာပေးနိုင်မယ့် တပ်ပေါင်းစုတခု မဖြစ်မနေထွက်ပေါ်လာဖို့၊ အနိမ့်ဆုံးတော့ ထွက်ပေါ်လာမယ့် လမ်းကြောင်းတခု တိတိပပ ပေါ်ပေါက်လာဖို့ အရေးတကြီးလိုအပ်တယ်။ ဒီလိုမှမဟုတ်ရင် အယူအဆအဟောင်း၊ မကျေလည်မှုအဟောင်း တွေကနေ စစ်တပ်ပြုတ်လည်း နယ်မြေအဟောင်းပေါ်မှာပဲ လူထုတွေဟာ အနာဟောင်းတွေ၊ ဒုက္ခဟောင်းတွေကို တကျော့ပြန်ခံစားရမယ့် အခြေအနေကိုပဲ ရင်ဆိုင်နေရမှာ ဖြစ်တယ်။


#လူထုလွတ်မြောက်‌ရေးနှင့်နိုင်ငံတော်သစ်ဆီသို့

◾️"သမဂ္ဂကိုတိုင်ပင်ပါ"

ကျောင်းသားသမဂ္ဂကို ကျောင်းသား၊ ကျောင်းသူတွေရဲ့အခက်အခဲတွေအကုန်လုံးဆွေးနွေးတိုင်ပင်နိုင်ပါတယ်။

📌 ပညာရေးဆိုင်ရာ စိုးရိမ်ပူပန်မှုများ
📌စိတ်ကျန်းမာရေးဆိုင်ရာ စိန်ခေါ်မှုများ
📌လွတ်မြောက်ဒေသများသို့ခိုလှုံရန် ဆွေးနွေးတိုင်ပင်ခြင်းများ

စသည်ဖြင့် တက္ကသိုလ်ကျောင်းသား၊ ကျောင်းသူများ ရင်ဆိုင်နေရတဲ့ အကြပ်အတည်းတွေကို သမဂ္ဂအနေနဲ့ နားထောင်နားစွင့်ပြီး ဆွေးနွေး အကူအညီပေးနိုင်ရန်အတွက် လုံခြုံစိတ်ချရသော Platform တစ်ခုအဖြစ် Telegram မှာ တည်ဆောက်ထားပါတယ်။

အခုဆိုရင် စစ်မှုထမ်းဥပဒေကြောင့် ကျောင်းသားလူငယ်တွေ စိတ်ညစ်နေရတဲ့ကာလဆိုတာ အားလုံးအသိပါဗျ။ ထွက်ပေါက်ကိုလည်း ကိုယ်တိုင်ရှာကြရမှာပါ။ "သမဂ္ဂကိုတိုင်ပင်ပါ" Telegram မှတဆင့် အဆိုပါကိစ္စရပ်လိုမျိုး နိုင်ငံရေးအခြေအနေသက်ရောက်မှုများကို ရင်ဆိုင်နေရတဲ့ မြန်မာနိုင်ငံတစ်ဝှမ်းက တက္ကသိုလ်ကျောင်းသားကျောင်းသူများအနေဖြင့် မည်သည့်အခက်အခဲကိုမဆို ဆွေးနွေးတိုင်ပင်နိုင်မှာ ဖြစ်ပါတယ်ခင်ဗျာ။

ဘယ်လိုပါဝင်ဆွေးနွေးနိုင်မလဲ❓

ဆွေးနွေးတိုင်ပင်လိုတဲ့ ကျောင်းသား၊ ကျောင်းသူများအနေဖြင့် အောက်ဖော်ပြပါ သက်ဆိုင်ရာကျောင်းသားသမဂ္ဂများရဲ့ page Messenger မှတဆင့် ဆက်သွယ်နိုင်ပါတယ်။

ဒါမှမဟုတ် Telegram Account - မှတဆင့်လည်း ဆက်သွယ်နိုင်ပါတယ်ခင်ဗျာ။

ဆက်သွယ်နိုင်သော ကျောင်းသားသမဂ္ဂ Page များ-

💬 ဒဂုံတက္ကသိုလ်ကျောင်းသားများသမဂ္ဂ
https://www.facebook.com/dusuburma

💬 ​ရန်ကုန်နိုင်ငံခြားဘာသာတက္ကသိုလ်ကျောင်းသားများသမဂ္ဂ
https://www.facebook.com/yangonuflsu

💬 ရန်ကုန်စီးပွားရေးတက္ကသိုလ်ကျောင်းသားများသမဂ္ဂ (လှိုင်နယ်မြေ)
https://www.facebook.com/yuestudentsunionhlaing

💬 ရန်ကုန်နည်းပညာတက္ကသိုလ်ကျောင်းသားသမဂ္ဂ
https://www.facebook.com/YTUStudentsUnion

💬 ​ရန်ကုန်အနောက်ပိုင်းနည်းပညာတက္ကသိုလ်ကျောင်းသားများသမဂ္ဂ
https://www.facebook.com/wytusu

💬 မြန်မာနိုင်ငံရေကြောင်းပညာတက္ကသိုလ်ကျောင်းသားများသမဂ္ဂ
https://www.facebook.com/myanmarmaritimeuniversitystudentsunion

💬 ​ရန်ကုန်ကွန်ပျူတာတက္ကသိုလ်ကျောင်းသားသမဂ္ဂ
https://www.facebook.com/UCSYSUofficial

💬 စက်မှုလက်မှုသိပ္ပံ(အင်းစိန်)ကျောင်းသားများသမဂ္ဂ
https://www.facebook.com/inseingtisu

💬 အမျိုးသားစီမံခန့်ခွဲမှုပညာဒီဂရီကောလိပ်ကျောင်းသားများသမဂ္ဂ
https://www.facebook.com/NMDCSU

#ကျောင်းသားတွေအတွက်ကျောင်းသားသမဂ္ဂရှိတယ်
#သမဂ္ဂကိုတိုင်ပင်ပါ
#တကသများရန်ကုန်

◾️ကျောင်းသားတွေအတွက် ကျောင်းသားသမဂ္ဂရှိတယ်

ကျောင်းသားတွေအတွက် ကျောင်းသားသမဂ္ဂရှိပါတယ်။ ဟုတ်ပါတယ်။

ကျောင်းသားသမဂ္ဂတွေ ကျောင်းပရဝုဏ်အတွင်းမှာ ရှိနေစဥ်ကတည်းက ကျောင်းသားတွေဟာ သူတို့ရဲ့ အထွေထွေအရေးကိစ္စမှန်သမျှကို သမဂ္ဂနဲ့ လာရောက်တိုင်ပင်လေ့ရှိကြပါတယ်။ လက်ရှိအခြေအနေမှာ ကျောင်းပရဝုဏ်ထဲကို ပြန်မရောက်နိုင်သေးပေမဲ့ ကျောင်းသားတွေအတွက် ကျောင်းသားသမဂ္ဂက အမြဲရှိပါတယ်။ ကျောင်းသားသမဂ္ဂကို လွတ်လွတ်လပ်လပ် လာရောက်တိုင်ပင်နိုင်ပါတယ်။

လုံခြုံစိတ်ချရတဲ့ Platform တစ်ခုအဖြစ် Telegram Channel တစ်ခုတည်ဆောက်ထားပြီး လက်ရှိနိုင်ငံရေးအခြေအနေများရဲ့ သက်ရောက်မှုများကို ရင်ဆိုင်နေရတဲ့ မြန်မာနိုင်ငံတစ်ဝှမ်းရှိ တက္ကသိုလ်ကျောင်းသားများအနေဖြင့် ရင်ဆိုင်နေရသည့် မည်သည့်အခက်အခဲကိုမဆို ဆွေးနွေးတိုင်ပင်နိုင်ပါတယ်။

သမဂ္ဂကိုလုံခြုံစိတ်ချစွာ တိုင်ပင်နိုင်ဖို့စီစဉ်ထားရှိတဲ့အစီအစဉ်တွေကို ဆက်လက်ဖော်ပြပေးသွားမှာ ဖြစ်ပါတယ်။

#ကျောင်းသားတွေအတွက်ကျောင်းသားသမဂ္ဂရှိတယ်
#သမဂ္ဂကိုတိုင်ပင်ပါ
#တကသများရန်ကုန်