UNITY STAR Private High School

"ကိုယ့်မြို့ရန်ကုန်ကို
ဝိုင်းကယ်ကြရအောင်လား"

မိဘပြည်သူများရှင်

အရေးကြီးလို့
သတိပေးတောင်းဆိုပါရစေ။
အဓိက လူနာအရေအတွက်ရှေ့ပြေးနေတဲ့
ကျွန်မတို့ မြို့ရွှေရန်ကုန်က
မိဘပြည်သူများ

၁။တတ်နိုင်သမျှ
အိမ်ပြင်မထွက်ဘဲနေလို့ရလျှင် အိမ်ထဲမှာနေရန်။

၂။လိုအပ်၍လမ်းထွက်တိုင်း
Mask ကို နှာခေါင်းနှင့်ပါးစပ်တို့ကိုလုံအောင်တပ်ပါ။

၃။မေးစေ့တွင်လုံးဝမချိတ်ပါနဲ့။ မေးစေ့တွင်ချိတ်ထားစဉ် နှာခေါင်း၊ပါးစပ်ပတ်ဝန်းကျင်တွင် ပိုးများကပ်နေနိုင်ခြင်း၊(သို့) အသက်ရှူစဉ်ပါသွားခြင်း၊ (သို့) မေးစေ့ကနေ အပေါ်သို့ ဆွဲအုပ်လိုက်ပါက အကယ်၍ ရောဂါပိုးရှိ‌ နေသော ပတ်ဝန်းကျင်ဖြစ်နေပါက ရောဂါပိုးများ အလုံးလိုက်အုပ်ရှူခိုင်းသလို ဖြစ်တဲ့အတွက် အန္တရာယ်အထူးများပါတယ်။

၄။သုံးပြီးသား Mask အလွယ်တကူ လွှင့်မပစ်ပါနဲ့။

၅။Face Shield ထပ်တပ်လိုကတပ်နိုင်ပါသည်။
သို့သော် Mask မတပ်ဘဲ
Face Shield တခုတည်းတပ်၍ ရောဂါ ကူးစက်မှုကိုမကာကွယ်နိုင်ပါ။

၆။အပြင်က ပြန်လာသည်နှင့်
လက်ဆေးပါ။
အဝတ်အစားတခါတည်းဆပ်ပြာရည်စိမ်ပါ။
ရေချိုးလျှင်အကောင်းဆုံးပါ။
အသုံးပြု ပြီးMask ကို ဆပ်ပြာရည် စိမ်ထားသော
အလုံပိတ်ဗူးနှင့်အိမ်အဝင်တွင်ထား၍ စွန့်ပစ်ပါ။

၇။အပြင်ထွက်လျှင် Hand Gel ဆောင်ပါ။

၈။အိပ်ရေးဝအောင်အိပ်၍
အဟာရပြည့်ဝအောင်စားပါ။

၉။အချိန်နှင့်တပြေးညီကျန်းမာရေးနှင့်အားကစားဝန်ကြီးဌာနမှထုတ်ပြန်သော သတင်းများကို တိကျစွာလိုက်နာပါ။

၁၀။အနည်းဆုံး ၂ ပတ်လောက် အနေအထိုင်၊ အပြုအမူ၊ အသွားအလာ
ထိန်းပေးပါ။
မိမိအသိစိတ်ဖြင့်
Semi Lock Down လုပ်ပါ။

၁၁။မိမိ စားဝတ်နေရေးအတွက် အပြင်ထွက်
စီးပွားရှာရင်း၊ အိမ်သို့ ရောဂါပိုးများ ပြန်သယ်မသွားဖို့သည်တစ်ဦးစီ၏လိုက်နာထိန်းသိမ်းရမည့် ကျင့်ဝတ်ဖြစ်ပါသည်။

၁၂။ဆေးရုံတွေမှာ
အနံ့မရ၊ အရသာမရှိ၊ဖျား၍
ရောက်ရှိလာသော လူနာအရေအတွက်
Suspected Case တွေ များပြားလာနေတာမို့
မိဘပြည်သူ မည်သူတစ်ဦးတစ်ယောက်ကို မျှ
အစွန်းအထင်း
အပွန်း အပဲ့ မခံလိုသဖြင့်
မိမိ မဆင်ခြင်မိတဲ့ခဏတွင်
အိမ်က ဘိုးဘိုးဖွားဖွား
နာတာရှည်လူနာများ
သားငယ်၊သမီးငယ်များကို
မထိခိုက်စေပါရန်
အားလုံးစောင့်ထိမ်း
လိုက်နာပေးကြပါလို့
မေတ္တာထားသတိပေးပါရစေ

Dr.ဝင်းသန္တာဖြူ
ဆေးရုံအုပ်
မြောက်ဥက္ကလာပပြည်သူ့ဆေးရုံကြီး

ရခိုင်ပြည်နယ်တွင် ​ကျောင်းများ ပြန်ပိတ်
စစ်​တွေမြို့ Lock down.

COVID-19 ဒုတိယလှိုင်း

ယခုအချိန်ကာလ၌ ပြည်သူများနှင့် COVID-19 ကို ကာကွယ်ထိန်းချုပ်နေသူများအားလုံးသည် COVID-19 ကူးစက်မှုဒုတိယလှိုင်း လာနိုင်သည်ဟူသောခံယူချက်ဖြင့် နေထိုင်သွားလာမှုမှစ၍ သတိနှင့် နေကြရမည် ဖြစ်ပါသည်။

မိမိတို့မြန်မာနိုင်ငံ၌ COVID-19 ကူးစက်မှု ပထမလှိုင်းကျရောက်ခဲ့မှုတွင် အခြားနိုင်ငံများနှင့် နှိုင်းယှဉ်ပါက သေးငယ်သောလှိုင်းသာဖြစ်ခဲ့သည်မှာ အားလုံးဝိုင်းဝန်း၍ ညီညီညွတ်ညွတ် ဆောင်ရွက်ခဲ့ခြင်းကြောင့် ဖြစ်ပါသည်။

ကူးစက်ကပ်ရောဂါထိန်းချုပ်မှုနိယာမများနှင့် COVID-19 ဗိုင်းရပ်စ်ပိုး၏ ပြောင်းလဲလျက်ရှိသော ကူးစက်မှုပုံသဏ္ဍာန်ကို နောက်ခံထား၍ စဉ်းစားပါက ဒုတိယလှိုင်းသည်ကြီးနိုင်ပြီး တိုင်းပြည်၏ဖွံ့ဖြိုး တိုးတက်မှုကို ရိုက်ခတ်နိုင်ပါသည်။

ကျန်းမာရေးနှင့်အားကစားဝန်ကြီးဌာနသည် မြန်မာနိုင်ငံတွင် COVID-19 ကူးစက်မှု ဒုတိယလှိုင်း ဖြစ်ပွားလာခဲ့သော် စနစ်တကျတုံ့ပြန်ဆောင်ရွက်နိုင်ရေးအတွက် စားပွဲဝိုင်းလေ့ကျင့်ခန်း (Table-Top Exercise) ကို ဩဂုတ်လ (၁၃) ရက်နေ့တွင် ဗဟိုအဆင့်၌ပြုလုပ်ခဲ့ပါသည်။ အလားတူ စားပွဲဝိုင်းလေ့ကျင့်ခန်းများကို တိုင်းဒေသကြီး/ ပြည်နယ်ပြည်သူ့ကျန်းမာရေးဦးစီးဌာနများနှင့် ဆေးရုံများတွင် ဆက်လက်ပြုလုပ်သွားမည် ဖြစ်ပါသည်။

ပြည်သူများအနေဖြင့်လည်း ကျန်းမာရေးနှင့်အားကစားဝန်ကြီးဌာန၏ ရောဂါကာကွယ်ရေး လမ်းညွှန်ချက်များကို သေချာစွာ စနစ်တကျလိုက်နာကြပါရန်နှင့် မပေါ့လျော့ကြပါရန် ထပ်မံပန်ကြားအပ်ပါသည်။
ပြည်ထောင်စုဝန်ကြီး
ကျန်းမာရေးနှင့်အားကစားဝန်ကြီးဌာန

, , , , #ကိုရိုနာဗိုင်းရပ်စ်

https://www.mohs.gov.mm/

တက္ကသိုလ်ဝင်တန်း ​အောင်စာရင်းကို
၉ - ၈ - ၂၀၂၀ ရက်​နေ့တွင်
ပညာ​ရေးဝန်ကြီးဌာန Website များ၌ ကြည့်ရှုနိုင်ပါပြီ။

၁၈ - ၇ - ၂၀၂၀ ရက်​နေ့တွင် ပညာ​​ရေးဌာန၊ ကျန်းမာ​​ရေး
ဌာနနှင့် အ​ထွေ​ထွေအုပ်ချုပ်​ရေးဌာန ပူး​ပေါင်းအဖွဲ့ မှ
ကျောင်းများပြန်ဖွင့်ချိန်တွင် COVID-19 ကာကွယ်တားဆီး​ရေး ဆန်းစစ်ချက် စံချိန်စံညွှန်းနှင့်အညီ ပြင်ဆင်ထားရှိမှု
ပြည့်စုံခြင်းရှိ/မရှိ စစ်​ဆေးရာ Unity Star (ကိုယ်ပိုင်​ကျောင်း) မှ စံချိန်စံညွှန်းအဆင့် A (အဆင့် A) ရရှိပါသည်။

COVID-19 ကာကွယ်​ဆေးဖြန်းခြင်း

၁၈ - ၇ - ၂၀၂၀

၂၀၂၀ - ၂၀၂၁ ပညာသင်နှစ်

COVID-19 ကာကွယ်၊ ထိန်းချုပ်၊ တားဆီးနိုင်​ရေးနှင့်ပတ်သက်၍ မိဘ၊ ဆရာ နှင့် ​ကျောင်းသားများ လိုက်နာရမည့်စည်းကမ်းချက်များ

၇ တန်းမှ တက္ကသိုလ်ဝင်တန်း အထိ ​ကျောင်းအပ်လက်ခံ​နေပါပြီ။

UNITY STAR (ကိုယ်ပိုင်အထက်တန်း​ကျောင်းနှင့် ​ဘော်ဒါ)

(၇၊ ၈၊ ၉၊ ၁၀) တန်း ​ကျောင်းအပ်လက်ခံ​​နေပြီ

(၁၀) တန်း
👨‍🎓တန်းခွဲ (၁) ☆ ၂၀၂၀ မတ်လ (၁၂) ရက်​နေ့ဖွင့်မည်။
👨‍🎓တန်းခွဲ (၂) ☆ ၂၀၂၀ ဧပြီလ (၂၃) ရက်​နေ့ဖွင့်မည်။

(၇၊ ၈၊ ၉) တန်း
👨‍🎓၂၀၂၀ ​မေလ (၇) ရက်​​နေ့ဖွင့်မည်။

ဒါးပိန်လမ်းခွဲ၊ ပြည်​တော်သာရပ်ကွက်၊ လှည်းကူးမြို့။
📲၀၉ ၇၉၅၄ ၇၇၀၄၁၊ ၀၉ ၄၂၃၀ ၉၉၈၆၉။