14/01/2021
Unicode
Dr.Htein Free Education Center လစဉ််ပညာရေး ပဒေသာပင် အလှူရှင်များ
၂၀၂၁ ဇန်နဝါရီလ အတွက်
၁၊၊ ဦးမောင်မောင် + ဒေါ်ရှုကြည် ၁၀,၀၀၀ ကျပ်
၂။ ဦးဌေးအောင် + ဒေါ်ခင်ခင်ဝင်း ၁၀,၀၀၀ကျပ်
၃။ ဦးဆန်းမြင့် + ဒေါက်တာဒေါ်သက်မွန် ၁၀,၀၀၀ ကျပ်
၄။ ဦးမြတ်ထွေး + ဒေါ်သိင်္ဂီဝင်း မိသားစု ၁၀,၀၀၀ ကျပ်
၅။ ဦးဟန်ဇော်ရှိန် + ဒေါ်ကြည်ကြည်မြိုင် ၁၀,၀၀၀ ကျပ်
၆။ ဦးမိုးမြင့် + ဒေါ်ခင်ဦးကြည် ၁၀,၀၀၀ ကျပ်
၇။ ဒေါ်သန်းသန်းရီ နှင့် သမီး ဝင်းနန္ဒာရီ ၁၀,၀၀၀ ကျပ်
၈။မနှင်းယုအောင် ၁၀,၀၀၀ ကျပ်
၉။ မဟန်သီသီအောင် ၁၀,၀၀၀ ကျပ်
၁၀။ မထက်အိန္ဒြာလင်း ၁၀,၀၀၀ ကျပ်
၁၁။ မောင်ဘုန်းမြတ်ခိုင် ၁၀,၀၀၀ ကျပ်
၁၂။မောင်ဇင်ထက်ဦး ၁၀,၀၀၀ ကျပ်
၁၃။ မောင်ဘုန်းလင်းပိုင် ၁၀,၀၀၀ ကျပ်
၁၄။ ဒေါ်နုနုလှိုင် ၁၀,၀၀၀ ကျပ်
၁၅။ ဒေါ်သိင်္ဂီကျော်မင်း ၁၀,၀၀၀ကျပ်
၁၆။ ဒေါ်ခင်မျိုးကြည် ၁၀,၀၀၀ကျပ်
၁၇။ မခင်သူဇာမြင်နှင့် ညီအစ်မများ ၁၀,၀၀၀ကျပ်
၁၈။ ဂမုန်းပွင့် (ကမ္ဘာအေး) Super Market မှ ညီအစ်မများ ၂၀,၀၀၀ ကျပ်
၁၉။ ကိုလင်းထွန်း + မနွယ်နွယ်လင်း ၁၀,၀၀၀ ကျပ်
၂၀။ ဒေါ်မြမြကြည် ၁၀,၀၀၀ ကျပ်
၂၁။ ဒေါ်မြင့်မြင့်သိန်း မိသားစု ၁၀,၀၀၀ ကျပ်
၂၂။ကိုအောင်ကျော်ဆန်း ၁၀၀၀၀ကျပ်
၂၃။ ကွယ်လွန်သူ မိဘများရည်စူး၍ မကေဇာလွင် ၁၀,၀၀၀ကျပ်
၂၄။ ကိုနေဝင်းကျော် + မတင်ဇာထူး ၁၀,၀၀၀ကျပ်
စုစုပေါင်း အလှူငွေ ၂၅၀,၀၀၀ ကျပ် တို့ကို လှူဒါန်းသွားပါတယ် ခင်ဗျာ။
ကျေးဇူးတင်စွာဖြင့်
ဒေါက်တာထိန်အခမဲ့ပညာရေးစင်တာ
www.drhtein.org
22/12/2020
အပိုင်း(၇)ဒုတိယပိုင်း
၂။ကုန်ကြမ်းများ
ကုန်ကြမ်းများဆိုသည်မှာ သင်ပြုလုပ်သော
ကုန်ပစ္စည်းများထဲသို့ဝင်သွားသောကုန်ကြမ်း
များနှင့်အစိတ်အပိုင်းများအားလုံးကိုဆိုလို
သည်။သင်၏ကုန်ပစ္စည်းများကိုဖောက်သည်များထံသို့အချိန်မီပို့ဆောင်နိုင်ရန်အတွက် သင့်ထံ၌လုံလောက်သောကုန်ကြမ်းများရှိနေစေရန်သင့်လုပ်ငန်းမှလိုအပ်သောကုန်ကြမ်းပစ္စည်းအတွက်ကြိုတင်စီစဥ်ခြင်းသည်အရေးကြီးသည်။သို့သော်သိုလှောင်ကုန်ပစ္စည်းများ ပိုလျှံနေခြင်းသည်သင့်လုပ်ငန်းအတွက်ကုန်ကျစရိတ်ကိုဖြစ်စေသောကြောင့်ကုန်ကြမ်းများကိုအနည်းဆုံး
လိုအပ်မည့်မှန်ကန်သော ကုန်ကြမ်းအရေအတွက်ကိုခန့်မှန်းနိုင်ပါသည်။
ကုန်ကြမ်းများကိုယုံကြည်စိတ်ချရသောပစ္စည်းပေးသွင်းသူထံမှဝယ်ယူပြီးအရည်အသွေးစိတ်ချရစေပါ။သို့မှသာစျေးကွက်ထဲတွင်သင်၏ကုန်ပစ္စည်းအားလက်ခံမှုပိုမိုများပြားလာမည်ဖြစ်သည်။
၃။ ကုန်ချောများ
ကုန်ချောများကိုဝယ်ယူသည့်အခါတွင်အောက်ပါအချက်များကို ထည့်သွင်းစဥ်းစားရမည်။
▪ သင့်ဖောက်သည်များလိုချင်သောထုတ်ကုန်
အမျိုးအစားများ
▪ သင့်ဖောက်သည်များသည်အရည်အသွေး
စိတ်ချရသောထုတ်ကုန်များကိုလိုချင်ပါသလား။
▪ သင့်ဖောက်သည်များ၏သဘာဝပတ်ဝန်းကျင်နှင့်ပတ်သက်သောအမြင်များမှာအဘယ်နည်း။ကျန်းမာရေးနှင့်ပတ်သက်သောအမြင်များရှိပါသလား။
▪ သင်၏ဖောက်သည်များလိုလားစွာပေးလိုသောစျေးနှုန်းမှာအဘယ်နည်း။
▪ အပတ်စဥ်နှင့်လစဥ်ရောင်းချနိုင်သည့်အမျိုးအစားမည်မျှရှိသနည်း။
▪ ကုန်ထုတ်လုပ်သူထံမှ ထုတ်ကုန်များကိုတိုက်ရိုက်ဝယ်ယူနိုင်ပါသလား(သို့)
လက်ကားဖြန့်ဖြူးသူများထံမှဝယ်ယူနိုင်ပါ
သလား။
ကုန်ကြမ်းပစ္စည်းများဝယ်ယူသကဲ့သို့ပင်အရောင်းခန့်မှန်းချက်အပေါ်မူတည်၍ကုန်ချောပမာဏကိုခန့်မှန်းနိုင်သကဲ့သို့ကုန်ချောများကိုဖြစ်နိုင်လျှင်အနည်းဆုံးဖြစ်အောင်သိုလှောင်ထားသင့်သည်။
အချို့ပေးသွင်းသူများသည် ၎င်းတို့အရောင်းတက်ရန်ထုတ်ကုန်များကိုအကြွေးဖြင့်
ပေးလိုကြသည်။အကြွေးဖြင့်ဝယ်ရာတွင်
အခြေခံဝယ်စျေးအပေါ်တွင်အတိုးပေးရသောကြောင့်ပိုမိုစျေးကြီးတတ်သည်။သို့သော်သင်၏လုပ်ငန်းအစပြုချိန်အဆင့်တွင်သင့်ထံ၌ရင်းနှီးမတည်ငွေများစွာမရှိပါက၎င်းသည် သင့်အားကူညီပေးနိုင်ပါသည်။
19/12/2020
အပိုင်း(၇)
သင်၏စီးပွားရေးလုပ်ငန်းအတွက်
ဝယ်ယူခြင်း
သင်၏စီးပွားရေးလုပ်ငန်းသည်ကုန်ထုတ်လုပ်သူ(သို့)ဝန်ဆောင်မှုများထုတ်လုပ်
ရန်ပစ္စည်းကိရိယာများနှင့်ကုန်ကြမ်းများကို
ဝယ်ယူရန်လိုအပ်ပါလိမ့်မည်။သင်၏စီးပွား
ရေးလုပ်ငန်းသည်လက်လီဖြန့်ဖြူးသူ(သို့)
လက်ကားဖြန့်ဖြူသူဖြစ်ပါကကုန်ချောများကို ပြန်လည်ရောင်းချရန်လိုအပ်မည်ဖြစ်သည်။
၁။ပစ္စည်းကိရိယာ
ပစ္စည်းကိရိယာဆိုသည်မှာ စက်ပစ္စည်းကိရိယာများ၊ကိရိယာတန်ဆာပလာများ၊အလုပ်ရုံပရိဘောဂများနှင့်မော်တော်ယာဥ်
များစသည်ဖြင့်သင်၏လုပ်ငန်းမှကုန်ပစ္စည်း
ထုတ်လုပ်ရန်(သို့)ဝန်ဆောင်မှုပေးရန်လိုအပ်သောပစ္စည်းကိရိယာများဖြစ်သည်။ကောင်း
မွန်သောပစ္စည်းကိရိယာများရွေးချယ်နိုင်ရန်အောက်ပါအချက်များကိုစဥ်းစားသင့်ပါသည်။
▪ ပစ္စည်းကိရိယာသည်ကောင်းစွာအလုပ်လုပ်
ပါသလား။မကြာခဏပျက်လေ့ရှိပါသလား။
▪ ပိုမိုကောင်းမွန်စေရန်အတွက် ပစ္စည်းကိရိယာအမျိုးအစားအသစ်ရှိပါသလား။
▪ မည်သည့်ပစ္စည်းကိရိယာသည်စျေးအသက်သာဆုံးနှင့်အသုံးပြုရန်အလွယ်ကူ
ဆုံးဖြစ်ပါသနည်း။
▪ ထိုပစ္စည်းကိရိယာကို အသုံးပြုရန်အထူး
သင်တန်းတက်ရောက်ရန်လိုအပ်ပါသလား။
တက်ရောက်နိုင်ပါသလား။အခမဲ့တက်ရောက်ရမည်လား။
▪ ပစ္စည်းကိရိယာ၏ သက်တမ်းမည်မျှဖြစ်သနည်း။
▪ ပစ္စည်းပေးသွင်းသူသည်စာဖြင့်ဖော်ပြထားသောအာမခံချက်ပေးပါသလား။
▪ ပစ္စည်းပေးသွင်းသူသည်ပစ္စည်းကိရိယာကို
တပ်ဆင်ပေးပြီးဝန်ဆောင်မှုပေးပါသလား။
▪ အပိုပစ္စည်းများကိုဒေသတွင်းတွင်ရရှိနိုင်ပါသလား။အချိန်တိုတိုအတွင်းရရှိနိုင်ပါသလား။ကုန်ကျစရိတ်မည်မျှရှိသနည်း။
ပစ္စည်းကိရိယာနှင့်ပတ်သက်၍ပစ္စည်းပေးသွင်းသူထံမှအကြံဥာဏ်ရယူနိုင်ပါသည်။သို့သော်သင်၏ မိသားစုဝင်များ၊စီးပွားရေး
အသိမိတ်ဆွေများနှင့်၎င်းနှင့်အလားတူပစ္စည်းမျိုးကို အသုံးပြုဖူးသူများနှင့်စကား
ပြောကြည့်ပြီး အကြံဥာဏ်ရယူပါ။ပစ္စည်းကိရိယာ၏သတ်မှတ်ချက်များ၊စိတ်ချရမှုနှင့်
အားနည်းချက်များကိုအင်တာနက်တွင်ရှာဖွေပါ။
နောက်ဆုံးတွင်သင့်လုပ်ငန်း၏ငွေကြေးကို
မည်သည့်နေရာတွင်အကောင်းဆုံးအသုံးပြု
မည်ကို ဆုံးဖြတ်ပါ။
▪ သင့်လုပ်ငန်းတွင်ပစ္စည်းကိရိယာအသစ်ဝယ်ယူရန်လိုအပ်ပါသလား။
▪ သင့်လုပ်ငန်းတွင်အသုံးပြုပြီးသားပစ္စည်း
ကိရိယာဝယ်ယူနိုင်ပါသလား။
▪ သင့်လုပ်ငန်းတွင်ပစ္စည်းကိရိယာကိုငှားရမ်း
အသုံးပြုနိုင်မည်လား။
▪ သင့်လုပ်ငန်းတွင် ထိုကိရိယာမျိုးပိုင်ဆိုင်ထားသည့်အခြားလုပ်ငန်းတစ်ခုကို သင့်အတွက်ထုတ်လုပ်ပေးရန်လုပ်ငန်းအပ်မည်လား။
အသစ်ပြန်လည်ပြုလုပ်နိုင်သောစွမ်းအင်အတွက်ရင်းနှီးမြှုပ်နှံခြင်း
အသစ်ပြန်လည်ပြုလုပ်နိုင်သောစွမ်းအင်
(နေရောင်ခြည်စွမ်းအင်၊လေစွမ်းအင်၊ဇီဝ
ဓာတ်ငွေ့စသဖြင့်)အတွက်ရင်းနှီးမြှုပ်နှံရခြင်း၏အဓိကအကြောင်းအရင်း(၃)ချက်ရှိပါ
သည်။
▪ သင်စီစဥ်ထားသောလုပ်ငန်းသည်လျှပ်စစ်မီးမရနိုင်သည့်နေရာတွင်တည်ရှိခြင်း
▪ နိုင်ငံ၏လျှပ်စစ်မီးသည် စိတ်ချ၍မရဘဲ မီးပျက်ခြင်းသည်သင်၏ကုန်ထုတ်လုပ်မှုနှင့်လုပ်ငန်းကိုအနှောင့်အယှက်ဖြစ်စေခြင်း
▪ ကမ္ဘာပေါ်ရှိအစိုးရများသည် ပြန်လည်အသစ်ပြုလုပ်နိုင်သောစွမ်းအင်အတွက်ရင်းနှီးမြှုပ်နှံသူများကိုအားပေးကြသည်။၎င်းလုပ်ငန်းများ၏လျှပ်စစ်မီးရရှိရန်ပြုလုပ်သောပစ္စည်းကိရိယာများ(သို့)ရင်းနှီးမြှုပ်နှံမှုများအတွက်အခွန်ကင်းလွတ်ခွင့်များပေးသည်။
ဒုတိယပိုင်းကို မကြာခင်ဆက်လက်ရေးသားပါမည်။
17/12/2020
အပိုင်း(၆)တတိယပိုင်း
၂။ ဥပဒေအရလိုက်နာဆောင်ရွက်ရန်တာဝန်ဝတ္တရားများနှင့်အာမခံ
အခွန်အခများ
သင့်လုပ်ငန်းသည်သင့်ဖောက်သည်များထံမှ
ရောင်းခွန်(သို့)ထပ်ဆောင်းတန်ဖိုးအပေါ်တွင်ပေးဆောင်ရသည့်အခွန် စသည့်အခွန်အချို့ကိုကောက်ခံပြီး၎င်းကို အစိုးရ၏အခွန်ရုံးသို့ပြန်လည်ပေးဆောင်ရသည်။စီးပွားရေးလုပ်ငန်းအနေဖြင့်ဝင်ငွေအပေါ်တွင်ပေးဆောင်ရသည့်အခွန်(PAYE)သို့ ဝင်ငွေခွန်များကို ဝန်ထမ်းလစာများမှနုတ်ယူထားပြီးအစိုးရအခွန်ဌာနသို့ပေးဆောင်ရန်တာဝန်ရှိသည်။
အခြားအခွန်များကို စီးပွားရေးလုပ်ငန်းကိုယ်တိုင်မှပေးဆောင်ရမည်ဖြစ်သည်။လုပ်ငန်းတွင်အမြတ်အစွန်းရရှိပါကထိုအမြတ်အစွန်း၏ရာခိုင်နှုန်းအပေါ်တွင်အစိုးရအခွန်ဌာနမှ အခွန်ကောက်ခံမည်ဖြစ်သည်။သင့်လုပ်ငန်းတွင် ကုန်ပစ္စည်းများ(သို့)ဝန်ဆောင်မှုများကိုအခြားလုပ်ငန်းများမှဝယ်ယူပါကအရောင်းခွန်(သို့)ထပ်ဆောင်းတန်ဖိုးအပေါ်တွင်ပေးဆောင်ရသည့်အခွန်တို့ကိုပေးဆောင်ရပြီး၎င်းပမာဏကို အစိုးရအခွန်ဌာနများသို့ လွှဲပြောင်းပေးရမည်ဖြစ်သည်။
ဝန်ထမ်းများ
သင့်လုပ်ငန်းအမျိုးအစားနှင့်ပတ်သက်၍
မည်သည့်အလုပ်သမားဥပဒေများနှင့်လုပ်ထုံးလုပ်နည်းများရှိသည်ကိုရှာဖွေပါ။
ဥပမာ။ ။နိုင်ငံအတော်များများတွင်အချိန်ပြည့်ဝန်ထမ်းခန့်အပ်ပါက၎င်း၏ ပင်စင်ရန်ပုံငွေနှင့်ကျန်းမာရေးအာမခံအစီအစဥ်များအတွက်လုပ်ငန်းမှကျခံပေးရသည်။
လိုင်စင်များနှင့်ခွင့်ပြုမိန့်များ
သင့်လုပ်ငန်းအတွက်လိုင်စင်လိုမလိုနှင့် မည်သည့်နေရာမှရရှိနိုင်သည်ကိုရှာဖွေပါ။အချို့လုပ်ငန်းများတွင်အထူးပါမစ်များလိုအပ်သည်။၎င်းသည် သင့်လုပ်ငန်းနှင့်ကိုက်ညီမှုရှိမရှိကို ရှာဖွေပါ။
အာမခံ
သင့်စီးပွားရေးလုပ်ငန်းအတွက် အာမခံထားရှိလျှင်မတော်တဆဖြစ်မှုများ၊သဘာဝဘေး
အန္တရာယ်များ(သို့)အခြားအဖြစ်အပျက်များ
ကြောင့်ဆုံးရှုံးမှုအချို့အတွက်ငွေကြေးဆိုင်ရာအာမခံချက်ရှိမည်ဖြစ်သည်။
သင့်ကုန်ပစ္စည်း(သို့)ဝန်ဆောင်မှု၏ဝယ်လို
။အားကျဆင်းခြင်းသည်လုပ်ငန်းလည်ပတ်ခြင်း၏အစိတ်အပိုင်းတစ်ခုဖြစ်သော်လည်းအခြားဆုံးရှုံးနိုင်မှုများကိုအာမခံဖြင့်လျော့ချနိုင်သည်။ဥပမာ။ ။
▪ ပိုင်ဆိုင်မှုပစ္စည်းများ၊စက်ပစ္စည်းများ၊သိုလှောင်ကုန်များနှင့်မော်တော်ယာဥ်များအားလုံးကိုသူခိုးခိုးခံရခြင်းမှအာမခံထားရှိနိုင်သည်။
▪ ပိုင်ဆိုင်မှုပစ္စည်းများကိုမီး(သို့)မတော်တဆ
ဖြစ်မှုများကြောင့်ပျက်စီးဆုံးရှုံးမှုများမှအာမခံထားရှိနိုင်သည်။
▪ သင်၏ဝန်ထမ်းများ၊မိသားစုနှင့်သင်ကိုယ်တိုင်အတွက်ပျက်စီးဆုံးရှုံးမှုများနှင့်ကျန်းမာရေးအသုံးစရိတ်များအတွက်အာမခံထားရှိနိုင်သည်။
သင့်စီးပွားရေးလုပ်ငန်းအတွက် မည်သည့်အာမခံကအကောင်းဆုံးဖြစ်သည်ကိုသိရှိနိုင်ရန်အာမခံကုမ္ပဏီများကိုဆက်သွယ်ပါ။
အပိုင်း(၇)ကိုမကြာခင်ဆက်လက်ရေးသားပါမည်။
16/12/2020
အပိုင်း(၆) ဒုတိယပိုင်း
သမဝါယမလုပ်ငန်း
သမဝါယမလုပ်ငန်းသည်တူညီသောရည်ရွယ်ချက်အတွက် အတူတကွအလုပ်လုပ်ရန်လူအများစုစည်း၍ ဖွဲ့စည်းထားခြင်း
ဖြစ်သည်။ရည်ရွယ်ချက်မှာစီးပွားရေးအမြတ်အစွန်းရရှိရန်(သို့)သမဝါယမ အဖွဲ့ဝင်
များကိုဝန်ဆောင်မှုများပေးရန်ဖြစ်သည်။
ဥပမာ။ ။ထိုဝန်ဆောင်မှုများမှာသမဝါယမ
လုပ်ငန်းအတွက်ကြော်ငြာပေးခြင်း၊ကုန်ကြမ်းပေးသွင်းခြင်းကိုအတူတကွပေါင်း
စည်းလုပ်ဆောင်နိုင်ခြင်းတို့ဖြစ်သည်။ဆုံးဖြတ်ချက်ချမှတ်ရန် သမဝါယမအဖွဲ့တိုင်း
သည် မဲတစ်မဲစီပေးနိုင်သော်လည်း သမဝါယမလုပ်ငန်း၏နေ့စဥ်လုပ်ငန်းဆောင်တာများကို ကိုင်တွယ်ထိန်း
ချုပ်ရန်စီမံအုပ်ချုပ်ရေးကော်မတီကို ခန့်အပ်
ထားသည်။
သမဝါယမ၏ အဖွဲ့ဝင်တိုင်းသည် ရှယ်ယာများကိုဝယ်ယူပြီး အဖွဲ့ဝင်ကြေးထည့်ဝင်ကြသည်။အမြတ်အစွန်းများကိုအဖွဲ့ဝင်တစ်ဦး
ချင်းစီအလိုက်ပိုင်ဆိုင်သောရှယ်ယာအရေ
အတွက်အပေါ်မူတည်၍ခွဲဝေသည်။သာမာန်အားဖြင့်ငွေကြေးဆိုင်ရာဆုံးရှုံးနိုင်မှုမမြင့်မားပါ။
လိမိတက်ကုမ္ပဏီ
လိမိတက်ကုမ္ပဏီဆိုသည်မှာ အစုရှယ်ယာဝင်ဟုခေါ်သောပိုင်ရှင်တစ်ဦး(သို့)တစ်ဦးထက်ပိုသည်။ပိုင်ရှင်အားလုံးတို့သည်လုပ်ငန်းတွင်ဝင်ရောက်အလုပ်လုပ်ချင်မှလုပ်
မည်(သို့)အချို့မှာလုပ်ငန်းတွင်တက်ကြွစွာ
အလုပ်လုပ်သော်လည်းအချို့မှာရင်းနှီးမြှုပ်နှံသူ သက်သက်သာဖြစ်သည်။လိမိတက်ကုမ္ပဏီတစ်ခုစတင်ရန်အောက်ပါအဆင့်များကိုလိုက်နာပါ။
၁။ သင်၏လုပ်ငန်းအတွက်အမည်ရွေးချယ်
မှုနှင့်ပတ်သက်၍ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန(DICA)တွင်စစ်ဆေးရမည်။
၂။ ကုမ္ပဏီမှတ်ပုံတင်ခြင်းပုံစံကိုရယူပြီး DICA တွင်တံဆိပ်ခေါင်းခွန်ပေးဆောင်ရမည်။
၃။ လက်မှတ်ရေးထိုးထားသည့်ကုမ္ပဏီ မှတ်ပုံတင်ခြင်းပုံစံကို DICA သို့တင်ပြပြီးမှတ်ပုံတင်ကြေးကိုပေးသွင်းရမည်။
၄။ ဘဏ်စာရင်းဖွင့်ပြီးမှတ်ပုံတင်ထားသည့် ရုံးလိပ်စာကိုသေချာစွာသတ်မှတ်ရမည်။
၅။ ကုမ္ပဏီတည်ထောင်ကြောင်းလက်မှတ်ကိုရယူပါ။
လိမိတက်ကုမ္ပဏီ၏အကြီးမားဆုံးသောအားသာချက်မှာရှယ်ယာပိုင်ရှင်များအတွက်ဆုံးရှုံးနိုင်မှုနည်းခြင်းဖြစ်သည်။လိမိတက်ကုမ္ပဏီတွင်ရှယ်ယာပိုင်ရှင်များသည်လုပ်ငန်းမှပေးရမည့်အကြွေးများအတွက် ပုဂ္ဂိုလ်ရေးအရတာဝန်မရှိပေ။
အခြားအားသာချက်မှာ လိမိတက်ကုမ္ပဏီများသည်ပို၍တည်ငြိမ်မှုရှိပြီးယုံကြည်စိတ်ချရသည်။၎င်းသည်အကြွေးရှင်များ၊ပစ္စည်းပေးသွင်းသူများနှင့်ဖောက်သည်များနှင့်ဆက်ဆံရာတွင်အားသာချက်ဖြစ်စေသည်။
လိမိတက်ကုမ္ပဏီသည် ရှုပ်ထွေးပြီးဖွဲ့စည်းရန်ကုန်ကျစရိတ်များသည်။သင့်လုပ်ငန်းအတွက်သင့်တော်မည့်ပုံစံမှာ လိမိတက်ကုမ္ပဏီဖြစ်မဖြစ်သေချာစေရန်ရှေ့နေ(သို့)
ဥပဒေကျွမ်းကျင်သူထံမှအကြံဥာဏ်ရယူပါ။
ဆုံးဖြတ်ချက်ချမှတ်ခြင်း ဖြစ်စဥ်ကို ပံ့ပိုးပေးရန်ရှယ်ယာပိုင်ရှင်များသည် စီးမံအုပ်ချုပ်မှုအတွက်တာဝန်ရှိသောဒါရိုက်တာအဖွဲ့ကို ခန့်အပ်မည်။ထိုမှတစ်ဆင့်လုပ်ငန်းလည်ပတ်ရန်
ဒါရိုက်တာအဖွဲ့မှမန်နေဂျာများကိုခန့်အပ်မည်။ရှယ်ယာပိုင်ရှင်များ၊ဒါရိုက်တာအဖွဲ့နှင့်
မန်နေဂျာများရာထူးများကိုလူအုပ်စုတစ်စု
တည်းက တာဝန်ယူထားခြင်းမျိုးလည်းဖြစ်နိုင်ပါသည်။
တတိယပိုင်းကို မကြာခင်ဆက်လက်ရေးသားပါမည်။
14/12/2020
အပိုင်း(၆) (ပထမပိုင်း)
ဖွဲ့စည်းတည်ဆောက်ပုံနှင့်စီမံ
အုပ်ချုပ်မှု
၁။စီးပွားရေးလုပ်ငန်းအမျိုးအစား
သင်၏စီးပွားရေးလုပ်ငန်းမစတင်မီတွင်သင့်
လုပ်ငန်းအတွက်အသင့်တော်ဆုံးလုပ်ငန်းဖွဲ့
စည်းပုံအမျိုးအစားကိုရွေးချယ်ပါ။လုပ်ငန်းပုံစံရွေးချယ်ခြင်းသည်သင်၏စီးပွားရေး
လုပ်ငန်းအတွက်အရေးကြီးပြီးအောက်ပါအချက်များနှင့်ပတ်သက်၍ခြားနားမှုကိုဖြစ်ပေါ်စေပါလိမ့်မည်။
▪ စီးပွားရေးလုပ်ငန်းကိုမှတ်ပုံတင်ရန်အတွက်အစပြုရင်းနှီး မတည်ငွေနှင့်ဥပဒေအကျိုး
ဆောင်ခကုန်ကျစရိတ်
▪ စီးပွားရေးလုပ်ငန်းကိုအစပြုပြီး စီမံခန့်ခွဲရန်
ရိုးရှင်းလွယ်ကူမှုရှိခြင်း(သို့)ရှုပ်ထွေးခြင်း
▪ စီးပွားရေးလုပ်ငန်းပိုင်ရှင်အတွက်ငွေကြေး
ဆိုင်ရာစွန့်စားမှုများ
▪ ဖက်စပ်လုပ်ကိုင်မည့်သူရရှိနိုင်ချေရှိမရှိ
▪ ကုမ္ပဏီတွင် ဆုံးဖြတ်ချက်များချမှတ်သည့်နည်းလမ်း
▪ စီးပွားရေးလုပ်ငန်းအမြတ်အစွန်းအပေါ်တွင် အခွန်ကောက်ခံခြင်း
၁.၁။လုပ်ငန်းအမျိုးအစားအမျိုးမျိုး
တစ်ဦးပိုင်လုပ်ငန်း
တစ်ဦးပိုင်လုပ်ငန်းတွင်သင့်လုပ်ငန်းကိုသင်
တစ်ဦးတည်းသာပိုင်ဆိုင်ပြီး စီးပွားရေးလုပ်ငန်းနှင့်ဆိုင်သောဆုံးဖြတ်ချက်များ အားလုံးကိုသင်ဆုံးဖြတ်ခွင့်ရှိသည်။
တစ်ဦးပိုင်လုပ်ငန်းသည် အစပြုရန်လွယ်ကူပြီးကုန်ကျစရိတ်သက်သာသည်။သို့သော် ၎င်းသည်စွန့်စားရမှုအများဆုံးဖြစ်သည်။အ
ကြောင်းမှာလုပ်ငန်း၏အကြွေးအားလုံးအတွက်သင့်ထံတွင် တာဝန်အားလုံးရှိသည်။လုပ်ငန်းမှ ငွေပြန်မဆပ်နိုင်လျှင်အကြွေးရှင်
များကိုသင့်ကိုအင်အားသုံး၍အကြွေးပြန်ဆပ်ခိုင်းခြင်း(သို့)သင်ပိုင်ဆိုင်သောပိုင်ဆိုင်မှု
များကိုအကြွေးကျေသည်အထိသိမ်းပိုက်ခြင်းတို့ကိုတရားဝင်ပြုလုပ်နိုင်သည်။
အကျိုးတူလုပ်ငန်း
တစ်ဦး(သို့)တစ်ဦးထက်ပိုသောသူများသည်
စီးပွားရေးလုပ်ငန်းကိုအတူတကွအစပြုရန် ဆုံးဖြတ်ပါကအကျိုးတူလုပ်ငန်းကိုတည်ထောင်နိုင်သည်။
အကျိုးတူလုပ်ငန်းစတင်တည်ထောင်ရန်လိုအပ်ချက်အဆင့်များမှာရိုးရှင်းပြီးကုန်ကျစရိတ်လည်းသက်သာသည်။စပ်တူ
လုပ်ငန်းကိုအစပြုရန်စပ်တူလုပ်ကိုင်မည့်သူများသည် သဘောတူညီချက်တွင် လက်မှတ်ရေးထိုးရသည်။အကျိုးတူလုပ်ငန်း
သဘောတူညီချက်ကိုနားလည်မှုလွဲမှားခြင်းမဖြစ်အောင် စာဖြင့်ရေးသားဖော်ပြသည်။
အကျိုးတူလုပ်ငန်းသဘောတူညီချက်တွင်အောက်ပါအချက်များပါဝင်ရမည်။
▪ သင်၏လုပ်ငန်းအမျိုးအစားဖော်ပြချက်
▪ အမြတ်နှင့်အရှုံးများကိုစပ်တူလုပ်သူတို့အကြားတွင်မည်သို့ခွဲဝေမည်ဆိုသည့်အချက်
▪ အကျိုးတူလုပ်သူတစ်ဦးစီ၏တာဝန်ဝတ္တရားများ
အကျိုးတူလုပ်ငန်းသဘောတူညီချက်တွင်တစ်ဦးဦးကိုသာ ဆုံးဖြတ်ပိုင်ခွင့်ပေးထားခြင်းမရှိပါက လုပ်သူများသည်ဆုံးဖြတ်သူများအားလုံးကိုအတူတကွဆုံးဖြတ်ကြသည်။
အကျိုးတူလုပ်သူတစ်ဦးကအခြားများအတွက်သဘောတူညီချက်တစ်ခုပြုလုပ်ပါက၎င်းသည်အကျိုးတူလုပ်သူအားလုံးနှင့်သက်ဆိုင်သည်။
တစ်ဦးပိုင်လုပ်ငန်းကဲ့သို့မဟုတ်ဘဲအကျိုးတူလုပ်ငန်း၏အားသာချက်မှာတစ်ဦးစီ၏စီးပွားရေးကျွမ်းကျင်မှုများနှင့်အတွေ့အကြုံများကိုဖလှယ်၍အကျိုးရရှိနိုင်ပြီး လိုအပ်သောရင်းနှီးမတည်ငွေထည့်ဝင်ရန်
တာဝန်ကိုခွဲဝေယူကြသည်။
ဒုတိယပိုင်းကို မကြာခင်တွင်ဆက်လက်ရေးသားပါမည်။
13/12/2020
အပိုင်း(၅)
ဝန်ထမ်းများ
သင်၏လုပ်ငန်းသစ်ကိုစတင်ရာတွင်ဝန်ထမ်း
များကိုခန့်အပ်ရန်လိုအပ်သည်။ဝန်ထမ်းများကို ခန့်ထားရာတွင်၎င်းတို့ကိုစံမံအုပ်ချုပ်ရန်
သင့်ထံတွင်ကျွမ်းကျင်မှုများလိုအပ်သည်။လုပ်သားစျေးကွက်နှင့်ပတ်သက်သောဥပဒေ
များနှင့်စည်းမျဥ်းစည်းကမ်းများအတိုင်းလိုက်နာသင့်ပါသည်။
သင်၏မိသားစုဝင်များကို သင်ခန့်ထားနိုင်ပါ
သည်။အခြားဝန်ထမ်းများနှင့်စိတ်သဘောထားခြားနားမှုမရှိစေရန်နှင့်မနာလိုမုန်းတီးမှု
တို့မဖြစ်ပွားစေရန်သင်ခန့်ထားသောမိသားစု
ဝင်များကို မိသားစုဝင်ဖြစ်ခြင်းကြောင့်သာ
ခန့်ထားခြင်းမျိုးမဟုတ်ဘဲ၎င်းတို့ထံတွင်လိုအပ်သောကျွမ်းကျင်မှုများရှိရန်လိုအပ်သည်။၎င်းတို့ကိုအခွင့်ထူးများမပေးဘဲ အခြားဝန်ထမ်းများတန်းတူ လုပ်ငန်းခွင်အခြေအနေကိုထားရှိပေးရမည်။
၁။ သင်မည်သည့်ဝန်ထမ်းများလိုအပ်ပါ
သနည်း။
သင်၏စီးပွားရေးဆိုင်ရာစိတ်ကူးသည် သင့်
ဝန်ထမ်းများတွင်လိုအပ်သောကျွမ်းကျင်မှု
များကိုဆုံးဖြတ်ရန်အထောက်အကူဖြစ်စေပါ
လိမ့်မည်။
သင့်လုပ်ငန်းတွင်မည်သည့်ဝန်ထမ်းများလိုအပ်သည်ကို ဆုံးဖြတ်နိုင်ရန်အောက်ပါအဆင့်များကို လိုက်နာပါ။
၁။ လုပ်ဆောင်ရန်အလုပ်တာဝန်များကို စာရင်းပြုစုပြီးတူညီသော လုပ်ငန်းအမျိုးအစားအလိုက်စုစည်းထားရမည်။
၂။ သင်ကိုယ်တိုင်ပြုလုပ်ရန်အချိန်မရှိ(သို့)
သင်ကိုယ်တိုင်ပြုလုပ်ရန်ကျွမ်းကျင်မှုမရှိသည့် လုပ်ငန်းတာဝန်ကိုဆုံးဖြတ်ပါ။
၃။ ထိုလုပ်ငန်းတာဝန်များကိုပြုလုပ်ရန်ဝန်ထမ်းများကိုခန့်ထားရာတွင်၎င်းတို့၌မည်သည့်ကျွမ်းကျင်မှု၊အတွေ့အကြုံနှင့်အခြားလိုအပ်ချက်များလိုအပ်ကြောင်းဆုံးဖြတ်ပါ။
၄။ အလုပ်တစ်ခုစီကိုပြုလုပ်ရန်ဝန်ထမ်းအင်အားမည်မျှလိုအပ်သည်ကိုဆုံးဖြတ်ပါ–
၎င်းသည် သင်မျှော်လင့်ထားသောလုပ်ငန်း
ပမာဏနှင့်ထိုအလုပ်တစ်ခုစီကိုပြုလုပ်ရန်လိုအပ်သော အချိန်အပေါ်တွင်များစွာမူတည်နေ
သည်။
၅။ အလုပ်တာဝန်များကိုထမ်းဆောင်ရန်အတွက်ရာထူးတစ်ခုချင်းစီအတွက်အလုပ်
တာဝန်သတ်မှတ်ချက်များ၊အလုပ်အမည်၊လုပ်ဆောင်ရမည့်တာဝန် ဝတ္တရားများ၊အရည်အချင်းသတ်မှတ်ချက်၊ကျွမ်းကျင်မှု
တို့ကိုပြင်ဆင်ပါ။
၆။ အလုပ်ချိန်၊အားလပ်ရက်များ၊နှစ်လည်ခွင့်နှင့်နာမကျန်းခွင့် စသည့်ဝန်ထမ်းစည်းမျဥ်း
စည်းကမ်းများကိုပြုလုပ်ပါ။
သင်၏လုပ်ငန်းကိုစတင်ရန်အဆင်သင့်ဖြစ်ပါကဖြစ်နိုင်ချေရှိသော လျောက်ထားသူများကိုသတ်မှတ်ခြင်းနှင့်အလုပ်ကြော်ငြာခေါ်ခြင်းဖြင့်မှန်ကန်သောလူကိုရွေးချယ်ထားရန်
လိုအပ်သည်။စိတ်နေစိတ်ထားနှင့်စိတ်ဆန္ဒပြင်းပြမှုစသည့်ပေါင်းသင်းဆက်ဆံရေးစွမ်းရည်များကိုလည်း ထည့်သွင်းစဥ်းစားရန်သတိပြုပါ။အရည်အချင်းပြည့်ဝသော အလုပ်လျောက်ထားသူများကိုလူတွေ့မေးမြန်းပြီးအကောင်းဆုံးသူကိုရွေးချယ်ပါ။
ဝန်ထမ်းတိုင်းအတွက် အလုပ်သမားဥပဒေနှင့်အစိုးရမှပြဋ္ဌာန်းထားသောဥပဒေများနှင့်ကိုက်ညီသောစာဖြင့်ရေးသားထားသည့် စာချုပ်ရှိသင့်သည်။ထို့ပြင်သင့်ဝန်ထမ်းများကိုလုပ်ငန်းခွင်တွင်စိတ်သက်တောင့်သက်သာရှိစေရန်နှင့် ၎င်းတို့အလုပ်များကို
မည်သို့ပြုလုပ်ရမည်ကိုပုံဖော်နိုင်ရန်အတွက်လုပ်ငန်းခွင်မိတ်ဆက်သင်တန်းပေးရမည်ဖြစ်
သည်။
၂။ ဝန်ထမ်းစရိတ်များ
သင်ခန့်ထားရန်ဆုံးဖြတ်ထားသောဝန်ထမ်းများနှင့်ပတ်သက်သောကုန်ကျစရိတ်များကို
စဥ်းစားပါ။သင်၏ဝန်ထမ်းစရိတ်တွင်၎င်းတို့၏လစဥ်လုပ်အားခများနှင့် အာမခံ၊ကျန်းမာရေးဝန်ဆောင်မှုများနှင့်ခံစားခွင့်များ
စသည့် ဥပဒေအရကူညီထောက်ပံ့ပေးရမည့်
အရာများတို့ပါဝင်ရမည်။
မမျှော်လင့်နိုင်သောအလုပ်တောင်းဆိုမှုများကိုဖြေရှင်းနိုင်ရန်ယာယီဝန်ထမ်းများကို ခန့်အပ်ရန်သင်စဥ်းစားနိုင်ပါသည်။ယာယီဝန်ထမ်းများကိုနာရီအလိုက်လုပ်အားခပေး
နိုင်ပြီးအားလပ်ရက်ခံစားခွင့်၊လစာဖြင့်နာမကျန်းခွင့် စသည့်အခြားခံစားခွင့်များခံစားခွင့်မရှိပါ။ထိုသို့ယာယီဝန်ထမ်းများကို ခန့်အပ်ပါက၎င်းတို့ကိုမည်သည့်အချိန်တွင်လိုအပ်မည်ဆိုသည်နှင့် အချိန်မည်မျှလိုအပ်မည်ဆိုသည်ကိုကြိုတင်သိထားရန်လိုအပ်သည်။
အပိုင်း(၆)ကိုမနက်ဖြန်တွင်ဆက်လက်ရေးသားပါမည် ခင်ဗျာ။
12/12/2020
အပိုင်း(၄)စတုတ္ထပိုင်း(တတိယပိုင်းအဆက်)
၂.၅။လူပုဂ္ဂိုလ်များ
ယေဘုယျအားဖြင့်ဝန်ထမ်းများအကြောင်းနှင့်ပတ်သက်၍ဆွေးနွေးချက်များကိုအပိုင်း(၅)တွင်ရည်ညွှန်းလေ့လာပါ။စျေးကွက်ရှာဖွေခြင်းရှုထောင့်ဖက်မှကြည့်လျှင်
"လူပုဂ္ဂိုလ်များ”ဆိုသည်မှာ"သင်၏လုပ်ငန်းတွင်ကွဲပြားခြားနားမှုကိုဖြစ်စေသောထူးခြား
သည့်လက္ခဏာရပ်များကိုမည်သူပြုလုပ်မည်
နည်း” ဟူ၍ဖြစ်သည်။ဥပမာအားဖြင့် သင်၏
ပြိုင်ဖက်များထက်ပိုမိုကောင်းမွန်သောဖောက်သည်များဝန်ဆောင်မှုကိုပေးရန်သင်
ဆုံးဖြတ်ပါကဖောက်သည်များကိုဦးစားပေး
သောဝန်ထမ်းများလိုအပ်သည်။ဆိုလိုသည်မှာ ၎င်းတို့သည်တာဝန်ယူတတ်သော၊စိတ်ရှည်သော၊လိုက်လျောညီထွေမှုရှိသော၊သနားကြင်နာတတ်သော၊လူအမျိုးမျိုးနှင့်
အလုပ်လုပ်ရခြင်းကိုနှစ်သက်သောသူများ
ဖြစ်သင့်ပါသည်။
သင်၏စျေးကွက်ရှာဖွေခြင်းအစီအစဥ်အတွက်သင်အောက်ပါအချက်များကိုပြုလုပ်သင့်ပါသည်။
▪ သင်၏စီးပွားရေးလုပ်ငန်းတွင်ပြောင်းလဲမှုကိုဖြစ်စေသောအဓိကရာထူးများကို သတ်မှတ်ဖော်ထုတ်ရန်
▪ ထိုရာထူးများကို ဖြည့်ဆည်းပေးမည့်လူများကိုရွေးချယ်ခန့်ထားရန်အတွက် ဦးစားပေးအချက်များကိုဆုံးဖြတ်ရန်
▪ သင့်တော်သောသင်တန်းများကိုအစီအစဥ်
ရေးဆွဲပြီးအဓိကရာထူးများရှိလူများကို အနီးကပ်လမ်းညွှန်ပေးရန်
၂.၆။လုပ်ငန်းဖြစ်စဥ်
လုပ်ငန်းဖြစ်စဥ်တွင်သင်၏ကုန်ပစ္စည်းကို
ဖောက်သည်များလက်ထဲသို့ရောက်ရှိအောင်
ပြုလုပ်ရာတွင်အသုံးပြုသောလုပ်ထုံးလုပ်နည်းများနှင့်လုပ်ဆောင်ပုံအဆင့်ဆင့်တို့ပါဝင်သည်။ဥပမာ။ ။ဖောက်သည်
တစ်ဦးသည်ပီဇာစားသောက်ဆိုင်သို့သွားပါက ပီဇာကိုစားသုံးခြင်းသာမဟုတ်ဘဲလုပ်ငန်းဖြစ်စဥ်တစ်ခုလုံးကိုပျောရွှင်ကျေနပ်
ခြင်းဖြစ်သည်။၎င်းတွင် ကားရပ်နားရန်နေရာအလွယ်တကူရရှိခြင်း၊စားသောက်ဆိုင်၏
ပတ်ဝန်းကျင်နှင့်ပတ်သက်၍စိတ်ကျေနပ်မှုရရှိခြင်း၊ဆွဲဆောင်မှုရှိသော အစားအစာစာရင်းကိုဖတ်ရှုရခြင်း၊အစားအစာစာရင်းနှင့်ပတ်သက်၍ဝန်ထမ်းများထံမှအချက်အလက်များရရှိခြင်းနှင့်ပီဇာကိုစောင့်စားစဥ်အချိန်အတွင်းသာယာသောတေးဂီတ
ကိုနားဆင်ခြင်းတို့ပါဝင်သည်။ထို့ကြောင့်လုပ်ငန်းဖြစ်စဥ်၏အဆင့်တိုင်းတွင်သင်၏ဖောက်သည်များအတွက်စိတ်ကြည်နူးဖွယ်ရာ အတွေ့အကြုံများဖြစ်ရန်
ပြုလုပ်ရမည်။
၂.၇။အပြင်ပန်းသဏ္ဍန်
အပြင်ပန်းသဏ္ဍန်ဆိုသည်မှာ သင်၏ကုန်ပစ္စည်း၊ဝန်ဆောင်မှု(သို့)ကုမ္ပဏီနှင့်ပတ်သက်သောယေဘူယျ ပုံပန်းသဏ္ဍန်ဖြစ်သည်။သင်၏စီးပွားရေးလုပ်ငန်း(သို့)
ကုန်ပစ္စည်းနှင့်အပြန်အလှန် ဆက်ဆံသည့်အခါတိုင်းတွင်ဖောက်သည်များအနေဖြင့်
မည်ကဲ့သို့တွေ့မြင်ခံစားစေလိုသည်ကိုသင်
စဥ်းစားသင့်ပါသည်။သင်၏လုပ်ငန်းနှင့်လူအများကြားတွင်အပြန်အလှန်ဆက်ဆံခြင်းနှင့်ပတ်သက်သည့်အချက်အချို့ကို
အောက်ပါအတိုင်းဖော်ပြထားသည်။
▪ သင်၏ရုံးခန်းအဆောက်အဦးနှင့်အတွင်းပိုင်းအပြင်အဆင်
▪ သင်၏အင်တာနက်နှင့်ဝက်ဘ်ဆိုက်
▪ သင်၏ထုပ်ပိုးမှုပုံစံ
▪ ဆိုင်းဘုတ်
▪ ယူနီဖောင်းနှင့်ဝန်ထမ်းများ၏ဝတ်စုံ
▪ လိပ်စာကဒ်
၃။အရောင်းခန့်မှန်းခြင်း
တိုက်ရိုက်ဖြန့်ဖြူးခြင်းကိုအသုံးပြုသည့်လုပ်
ငန်းများအတွက်အရောင်းသည်အစပိုင်းတွင်
နှေးကွေးပြီးအချိန်ကြာလာသည်နှင့်အမျှ
အရောင်းသွက်လာတတ်သည်။လက်ကား
(သို့)လက်လီဖြန့်ဖြူးခြင်းနည်းလမ်းကိုအသုံး
ပြုပါက အစပထမလများတွင်အရောင်းသွက်မည်ဖြစ်သည်။အကြောင်းမှာသင်၏
ကုန်ပစ္စည်းများကိုလက်ကားရောင်းချသူ၏
ကုန်လှောင်ရုံ(သို့)စတိုးဆိုင်အတွင်းသို့ပို့လိုက်သောကြောင့်ဖြစ်သည်။သင်၏
ကုန်ပစ္စည်းများကို စားသုံးသူများထံသို့ဖြန့်ဖြူးခြင်း(သို့)စားသုံးသူများဝယ်ယူခြင်းမပြုမီထိုနေရာတွင်ဦးစွာသိုလှောင်ထားမည်ဖြစ်
သည်။ထို့နောက်လက်ကားဖြန့်ဖြူးသူများ(သို့)လက်လီဖြန့်ဖြူးသူများ သင်၏ကုန်ပစ္စည်းကိုရောင်းချပြီးနောက်ထပ်
မှာယူမှုမပြုလုပ်မီအချိန်အထိသင်၏ရောင်းအားကျဆင်းမည်ဖြစ်သည်။ထို့နောက်မှနောက်ဆုံးအမှန်တကယ်စားသုံးသူများ၏ စားသုံးသောပမာဏကို ထင်ဟပ်သည့်တည်ငြိမ်သောအရောင်းကိုရရှိနိုင်မည်ဖြစ်သည်။
အပိုင်း(၄)စတုတ္ထပိုင်းပြီးပါပြီ။မနက်ဖြန်တွင် အပိုင်း(၅)ကိုဆက်လက်စောင့်မျှော် ပေးပါခင်ဗျာ။
11/12/2020
အပိုင်း(၄)တတိယပိုင်း(ဒုတိယပိုင်းမှအဆက်)
၂.၃။ နေရာ
နေရာဆိုသည်မှာသင့်လုပ်ငန်းအတွက်တည်နေရာဖြစ်သည်။သင်၏စီးပွားရေးလုပ်ငန်းသည်ဖောက်သည်များရှိသည့်နေရာ
တွင်မတည်ရှိပါကသင်၏ကုန်ပစ္စည်းကို
ဖောက်သည်များထံသို့ရောက်ရှိရန်နည်းလမ်း
ကိုရှာဖွေရမည်ဖြစ်သည်။၎င်းကို ဖြန့်ဖြူးခြင်းဟုခေါ်သည်။တိုက်ရိုက်ဖြန့်ဖြူးခြင်း၊လက်လီဖြန့်ဖြူးခြင်းနှင့်လက်ကားဖြန့်ဖြူး
ခြင်းတို့ထဲမှ သင့်တော်သည်ကိုရွေးချယ်ပါ။
တိုက်ရိုက်ဖြန့်ဖြူးခြင်းဆိုသည်မှာကုန်ပစ္စည်း
များကိုစားသုံးသူများထံသို့တိုက်ရိုက်ဖြန့်ဖြူးခြင်းဖြစ်သည်။တိုက်ရိုက်ဖြန့်ဖြူးခြင်း
သည်စျေးနှုန်းအနည်းငယ်မြင့်မားသော၊အထူးထုတ်လုပ်ထားသည့်ကုန်ပစ္စည်းများ
နှင့်ဖောက်သည်အနည်းငယ်အတွက်သာ
ရည်ရွယ်ထားသည့်ကုန်ပစ္စည်းများကိုထုတ်
လုပ်သည့် လုပ်ငန်းများအတွက်အသုံးဝင်သောပုံစံဖြစ်သည်။
လက်လီဖြန့်ဖြူးခြင်းဆိုသည်မှာသင်၏
ကုန်ပစ္စည်းကိုစားသုံးသူလက်ထဲသို့တိုက်ရိုက်ရောင်းချပေးနေသောဆိုင်များနှင့်
စတိုးဆိုင်များသို့ရောင်းချခြင်းဖြစ်သည်။
လက်ကားရောင်းချခြင်းဆိုသည်မှာကုန်ပစ္စည်းကိုအရေအတွက်အနည်းငယ်စီရောင်းချပေးမည့်လက်လီဖြန့်ဖြူးသူများထံသို့ တဆင့်ခံရောင်းချပေးသော လက်ကား
ဖြန့်ဖြူးသူများထံသို့သင်၏ကုန်ပစ္စည်းကို
ပမာဏများများရောင်းချခြင်းဖြစ်သည်။
လက်လီဖြန့်ဖြူးခြင်းနှင့်လက်ကားဖြန့်ဖြူး
ခြင်းတို့သည် စီးပွားရေးလုပ်ငန်းအတွက် အသုံးအဝင်ဆုံးဖြန့်ဖြူးခြင်းပုံစံများဖြစ်ပြီး
ကုန်ပစ္စည်းအများအပြားထုတ်လုပ်ပြီး၎င်းတို့
ကိုစျေးနှုန်းသက်သာစွာဖြင့်ဒေသအသီးသီးမှဖောက်သည်များကို ရောင်းချလိုသည့်လုပ်ငန်းများအတွက်အထူးသင့်တော်ပါသည်။
မြို့တော်အမှိုက်ပြန်လည်အသုံးပြုသူများလုပ်ငန်း
မြို့တော်အမှိုက်ပြန်လည်အသုံးပြုသူများလုပ်ငန်းအတွက်ကျယ်ဝန်းသောနေရာလိုအပ်ပြီး အဓိကပါဝင်ပစ္စည်းများဖြစ်သည့်
အစားအစာစွန်ပစ်ပစ္စည်းအမှိုက်များ၊ကြက်နှင့်ဆိတ် အညစ်အကြေးများရရှိနိုင်သည့်နေရာနှင့်အနီးတွင်တည်ရှိရန်လိုအပ်သည်။
စျေးကွက်ရှာဖွေခြင်းအစီအစဥ်
နေရာ
နေရာ–
စီးပွားရေးလုပ်ငန်းသည် မြို့တော်၏အချက်
အချာကျသောနေရာနှင့် ၁၅ ကီလိုမီတာကွာဝေးသောမြေကွက်လပ်တွင်တည်ရှိမည်
ဖြစ်သည်။
ဤနေရာကိုရွေးချယ်ရခြင်းမှာအောက်ပါ
အကြောင်းအရင်းများကြောင့်ဖြစ်သည်–
▪ ၎င်းနေရာသည်လူနေအိမ်များနှင့်
စားသောက်ဆိုင်များမှအစားအစာစွန့်ပစ်
ပစ္စည်းအမှိုက်များကိုစုဆောင်းကောက်ယူ
သည့်စက်ရုံနှင့်ကြက်၊ဆိတ်မွေးမြူရေးခြံ
များနှင့်နီးသောကြောင့်ကုန်ကြမ်းရရှိနိုင်
သည့်နေရာအနီးတွင်တည်ရှိသည်။
ဖြန့်ဖြူးနိုင်သည့်နည်းလမ်း–
စီးပွားရေးလုပ်ငန်းအနေဖြင့်အောက်ပါတို့ထံဖြန့်ဖြူးပေးမည်ဖြစ်သည်။
✔ လူတစ်ဦးချင်းစီ ✔ လက်လီဖြန့်ဖြူးသူများ 🔲 လက်ကားဖြန့်ဖြူးသူများ
🔲 အခြားသူများ
ဤဖြန့်ဖြူးခြင်းပုံစံကိုရွေးချယ်ရသည့်အကြောင်းအရင်းမှာအောက်ပါအတိုင်းဖြစ်
သည်။
မြေသြဇာများကို လက်လီဖြန့်ဖြူးသူများထံမှ ပမာဏအနည်းငယ်သာဝယ်ယူလိုသည့်
လယ်သမားများအတွက်လွယ်ကူချောမွေ့စွာ
ဝယ်ယူနိုင်သကဲ့သို့မြို့တော်အမှိုက်ပြန်လည်အသုံးပြုသူများလုပ်ငန်းများထံမှ လျော့စျေး
ဖြင့်ပမာဏများများကိုတိုက်ရိုက်မှာယူလိုသောလယ်သမားများအတွက်လည်း အလွယ်တကူဝယ်ယူနိုင်စေမည်ဖြစ်သည်။
နီလာအဝတ်အိတ်များလုပ်ငန်း
နီလာအဝတ်အိတ်လုပ်ငန်းသည် သဘာဝပတ်ဝန်းကျင်စီမံခန့်ခွဲမှုကိစ္စရပ်များကို သဘောပေါက်နားလည်သောကြွယ်ဝချမ်းသာသည့်ပုဂ္ဂိုလ်များနေရာနှင့် အနီးတွင်
တည်ရှိရန်လိုအပ်သည်။သူမသည် စျေးဝယ်
စင်တာတွင်နေရာတစ်နေရာတွေ့ရှိထားပြီး
ဖောက်သည်များအတွက်ပိုမိုဆွဲဆောင်မှုရှိစေသည့် ပုံစံဖြင့်ပြင်ဆင်ရန်စီစဥ်ထားသည်။
စျေးကွက်ရှာဖွေခြင်းအစီအစဥ်
နေရာ
နေရာ–
ငွေကြေးချမ်းသာသူများစျေးဝယ်ထွက်လေ့ရှိသောအနီးအနားရှိ စျေးဝယ်စင်တာတွင်ဆိုင်ခန်းတစ်ခန်းငှားမည်။
ဤနေရာကိုရွေးချယ်ရခြင်းသည့်အကြောင်း
အရင်းမှာအောက်ပါအတိုင်းဖြစ်သည်။
အလားအလာရှိသော ဖောက်သည်များသည်
ဤနေရာသို့အလွယ်တကူလာရောက်နိုင်ပြီး
စျေးဝယ်စင်တာသည်ချမ်းသာကြွယ်ဝသည့်
ပတ်ဝန်းကျင်တွင်တည်ရှိသည်။
၂.၄။ရောင်းအားမြှင့်တင်ခြင်း
ရောင်းအားမြှင့်တင်ခြင်းဆိုသည်မှာ သင်၏
ကုန်ပစ္စည်း(သို့)ဝန်ဆောင်မှုများကိုဖောက်သည်များဝယ်ယူရန်အတွက် သတင်း
ပေးခြင်းနှင့်ဆွဲဆောင်ခြင်းဖြစ်သည်။သတင်း
ပေးခြင်းနှင့်ဆွဲဆောင်ခြင်းပြုလုပ်နိုင်သည့်
နည်းလမ်းများစွာရှိသည်။
တိုက်ရိုက်စျေးကွက်ရှာဖွေခြင်းဆိုသည်မှာ
ဖောက်သည်များကိုတိုက်ရိုက်ဆက်သွယ်ခြင်းဖြစ်သည်။တိုက်ရိုက်စျေးကွက်ရှာဖွေခြင်းတွင်တိုက်ရိုက်စာပို့ခြင်း၊တယ်လီဖုန်းဖြင့်ရောင်းခြင်း၊ဖုန်းမှတဆင့်စာတိုပို့၍ရောင်းချခြင်း၊အပြန်အှန်ဆက်သွယ်နိုင်သောဝက်ဘ်ဆိုက်များနှင့်ဖိုရမ်များ၊ဝါသနာ
အိုးစာမျက်နှာများစသည့်နည်းလမ်းအမျိုးမျိုးကိုအသုံးပြုနိုင်ပါသည်။
ကြော်ငြာခြင်းဆိုသည်မှာအလားအလာရှိသောဖောက်သည်များကိုသင်၏ကုန်ပစ္စည်း
(သို့)ဝန်ဆောင်မှုများကိုဝယ်ယူရန်စိတ်ဝင်စားအောင်ပြုလုပ်ရန်အတွက်သတင်း
အချက်အလက်များပေးခြင်းဖြစ်သည်။သတင်းစား၊မဂ္ဂဇင်း၊တီဗွီ၊ရေဒီယိုနှင့်ပြင်ပ
ကြော်ငြာဆိုင်းဘုတ်ကြီးများဖြင့်ကြောငြာခြင်းသည်အလားအလာရှိသောဖောက်သည်
အမြောက်အများထံသို့ရောက်ရှိစေနိုင်သော်လည်းအလွန်ကုန်ကျစရိတ်များသည်။
အသစ်သောမီဒီယာအမျိုးအစားများဖြစ်သည့် ဘလော့များ၊ဝက်ဘ်ဆိုက်များ၊လူမှုရေး
မီဒီယာများ(သို့)ဝက်ဘ်ဆိုက်များတွင် အလိုအလျောက်ပေါ်လာသောကြော်ငြာများတို့သည်စျေးနှုန်းသက်သာပြီး ပရိတ်သတ်
အမြောက်အများထံရောက်ရှိနိုင်သည်။
လူသိများအောင်ပြုလုပ်ခြင်းဆိုသည်မှာလူမှုရေးအဖွဲ့အစည်းအချို့ကိုအထောက်အပံ့
ပေးခြင်း(သို့)သဘာဝပတ်ဝန်းကျင်နှင့်ဆိုင်
သောစကားရည်လုပွဲများကျင်းပပေးခြင်း
(သို့)ဆုပေးပွဲအခမ်းအနားကျင်းပခြင်းစသည့်လူအများ၏ရှေ့တွင်ထင်ပေါ်ကျော်ကြား
အောင်ပြုလုပ်ခြင်းဖြစ်သည်။ကြော်ငြာခြင်း
နှင့်နှိုင်းယှဥ်လျှင်လူသိများအောင်ပြုလုပ်ခြင်းသည်စျေးသက်သာပြီးယုံကြည်မှုကိုပို
၍ဖြစ်စေသည်။သို့သော်သင်နှင့်ပတ်သက်၍
လူအများမည်သို့ပြောဆိုမည်ကိုထိန်းချုပ်ရန်ခက်ခဲသည်။သင်၏ဖောက်သည်များနှင့် ပတ်သက်၍ကောင်းမွန်သောနာမည်ကိုထိန်း
သိမ်းထားခြင်းဖြင့်နာမည်ဆိုးမထွက်စေရန်သင့်ကိုယ်သင်ကာကွယ်ထားရမည်ဖြစ်သည်။
အရောင်းမြှင့်တင်ခြင်းဆိုသည်မှာချက်ချင်း
အရောင်းမြှင့်တင်စေရန်အတွက်မက်လုံးပေး
ခြင်းဖြစ်သည်။အရောင်းမြှင့်တင်ခြင်း၏
ဥပမာများမှာ ကူပွန်ပေးခြင်း၊အစမ်းအသုံးပြုခွင့်ပေးခြင်း၊အသုံးပြုသည့်အလျောက်အမှတ်များတက်လာခြင်း၊ပြိုင်ပွဲများ၊စျေးလျော့ပေးခြင်း၊ကံစမ်းမဲဖောက်ပေးခြင်းတို့ဖြစ်သည်။
အပိုင်း(၄)စတုတ္ထပိုင်းကိုမနက်ဖြန်ဆက်လက်ရေးသားပါမည်။
10/12/2020
အပိုင်း(၄)ဒုတိယပိုင်း( ပထမပိုင်းအဆက်)
၂။စျေးကွက်ရှာဖွေခြင်းအစီအစဥ်ပြုလုပ်ပါ။
စျေးကွက်သုတေသနသည်ဖောက်သည်များ၏လိုအပ်ချက်နှင့်ထိုလိုအပ်ချက်များကိုသင်၏ပြိုင်ဖက်များမည်ကဲ့သို့ဖြည့်ဆည်းပေးနေသည်ဆိုသည်နှင့်ပတ်သက်သည့်အရေးကြီးသောအချက်များကိုပံ့ပိုးပေးပါ
သည်။အကျိုးဆက်အားဖြင့်၊သင်၏စျေးကွက်ရှာဖွေခြင်းအစီအစဥ်တွင်ပြိုင်ဖက်များ
မဖြည့်ဆည်းပေးနိုင်သည့်လိုအပ်ချက်များကို
သင်မည်ကဲ့သို့ဖြည့်ဆည်းပေးမည်ကိုစဥ်းစား
ပုံဖော်ရန်အရေးကြီးသည်။၎င်းသည်သင့်လုပ်ငန်းအားထူးခြားမှုဖြစ်စေပြီးပြိုင်ဘက်များထက်ပေါ်လွင်စေမည်ဖြစ်သည်။သင်၏
ဖောက်သည်များကိုဝန်ဆောင်မှုပေးရန်အတွက်မည်သည့်နည်းလမ်းအမျိုးမျိုးကိုအသုံးပြုမည်ကိုသိရှိရန်အတွက်သင်၏စျေး
ကွက်ရှာဖွေခြင်း ပီ(P)ခုနှစ်လုံးကိုရေးပါ။
▪ ကုန်ပစ္စည်း
▪ စျေးနှုန်း
▪ နေရာ
▪ စျေးကွက်မြှင့်တင်ခြင်း
▪ လူပုဂ္ဂိုလ်များ
▪ ဖြစ်စဥ်
▪ အပြင်ပန်းသဏ္ဍန်
စျေးကွက်ရှာဖွေခြင်း ပီ(P)ခုနှစ်လုံးသည်အရေးကြီးသည်။၎င်းတို့ကိုပေါင်းစည်းအသုံးပြုပြီးဖောက်သည်များ၏လိုအပ်ချက်
ကိုထိရောက်စွာဖြည့်ဆည်းပေးနိုင်သည့်ပေါင်းစည်းအားတစ်ခုဖန်တီးရန်အတွက် တစ်ခုနှင့်တစ်ခုဆန့်ကျင်ဖက်မဖြစ်စေရန်သတိပြုရမည်။
၂.၁။ကုန်ပစ္စည်း
ကုန်ပစ္စည်းဆိုသည်မှာသင်ပေးမည့်ကုန်ပစ္စည်းတစ်ခု(သို့)ဝန်ဆောင်မှုတစ်ခုထက်ပိုသည်။
သင်၏ကုန်ပစ္စည်းသည်ယုံကြည်စိတ်ချရသောအဖွဲ့အစည်းများမှအသိအမှတ်ပြုထားလျှင်သင့်ကုန်ပစ္စည်း၏စံချိန်စံညွှန်းမြင့်မားမှုကိုဖောက်သည်များနားလည်သဘောပေါက်
အောင်ပြုလုပ်နိုင်သောကြောင့်ဖောက်သည်များကိုပိုမိုဆွဲဆောင်နိုင်မည်ဖြစ်သည်။
သင်၏ကုန်ပစ္စည်း(သို့)ဝန်ဆောင်မှုကိုယေဘုယျသဘောတရားဖြင့်သာမဖော်ပြသင့်ဘဲ သင်၏ကုန်ပစ္စည်းနှင့်ဝန်ဆောင်မှုများ၏အသေးစိတ်ပုံဖော်မှုများကိုဖော်ပြပေး
သင့်သည်(၎င်းမှာ အရည်အသွေး၊အရောင်၊
အရွယ်အစား၊ထုပ်ပိုးမှုစသည်ဖြင့်)။ဖောက်သည်များပို၍နားလည်လေလေ၎င်းတို့၏လိုအပ်ချက်များကိုသင်ပို၍ဖြည့်ဆည်း
ပေးနိုင်လေဖြစ်မည်။
ဖောက်သည်များသည်၎င်းတို့၏အခြေခံလို
အပ်ချက်များနှင့်တိကျသေချာသောလိုအပ်
ချက်များကိုပြည့်ဝစေရန်အတွက်ကုန်ပစ္စည်း
(သို့)ဝန်ဆောင်မှုများကိုဝယ်ယူကြခြင်းဖြစ်
သည်။အခြေခံလိုအပ်ချက်ကိုဖြည့်ဆည်းပေးခြင်းသည် သင့်လုပ်ငန်း၏ပထမဆုံးခြေလှမ်းဖြစ်သည်။တိကျသေချာသောလိုအပ်ချက်များကိုဖြည့်ဆည်းပေးခြင်းဖြင့်သင့်လုပ်ငန်းအားပိုမိုယှဥ်ပြိုင်နိုင်စွမ်းကောင်း
စေပြီးပိုမိုဆက်လက်ရှင်သန်စေနိုင်မည်ဖြစ်သည်။ကုမ္ပဏီများသည်တိကျသေချာသော လိုအပ်ချက်များကိုမည်ကဲ့သို့ ဖြည့်ဆည်းပေးနိုင်မည်ဆိုသည့်ဥပမာများကို
အောက်ပါအတိုင်းဖော်ပြထားသည်။
ကုန်ပစ္စည်းများ
လတ်ဆတ်သောဟင်းသီးဟင်းရွက်
အခြေခံလိုအပ်ချက်များ
နေ့စဥ်အစားအသောက်များစားသုံးနိုင်ရန်လိုအပ်ချက်ကိုဖြည့်ဆည်းပေးသည်။
တိကျသေချာသောလိုအပ်ချက်များ
အသင့်ဆေးကြောသန့်စင်၊လှီးဖြတ်ပြီးချက်ပြုတ်ရန်အဆင့်သင့်ပြင်ဆင်ထားပေးသောဟင်းသီးဟင်းရွက်များသည်မီးဖိုချောင်
တွင်ကုန်လွန်သောအချိန်ကိုသက်သာစေသည်။
ကုန်ပစ္စည်းများ
မိုဘိုင်းဖုန်းများ
အခြေခံလိုအပ်ချက်များ
ဆက်သွယ်ရေးနှင့်အပန်းဖြေရေးလိုအပ်ချက်ကိုဖြည့်ဆည်းပေးသည်။
တိကျသေချာသောလိုအပ်ချက်များ
မိုဘိုင်းဖုန်းများအတွက်အလှဆင်သည့်ဝန်ဆောင်မှုပေးသောမိုဘိုင်းဖုန်းဆိုင်များသည်ဖက်ရှင်ကျခြင်းနှင့်စတိုင်ကျခြင်းလိုအပ်ချက်ကိုဖြည့်ဆည်းပေးသည်။
၂.၂။စျေးနှုန်း
စျေးနှုန်းဆိုသည်မှာသင်၏ကုန်ပစ္စည်း(သို့)
ဝန်ဆောင်မှုများအတွက်ဖောက်သည်များကိုတောင်းခံမည့်စျေးနှုန်းဖြစ်သည်။စျေးနှုန်းတွင်သင်ပေးမည့်လျော့စျေးနှင့်အကြွေးရောင်းချခြင်းရှိ မရှိတို့ပါဝင်သည်။
စျေးနှုန်းသတ်မှတ်ရန်အတွက်အောက်ပါအချက်များကိုသင်ပြုလုပ်ရမည်။
▪ အလားတူကုန်ပစ္စည်းမျိုးကိုဖောက်သည်
များစျေးနှုန်းမည်မျှနှင့်ဝယ်နေသည်ကိုသိရှိ
နားလည်ပြီးအခြားသူများမဖြည့်ဆည်းပေး
နိုင်သောလိုအပ်ချက်ကိုသင်၏ကုန်ပစ္စည်းမှ
ဖြည့်ဆည်းပေးခြင်းအတွက်၎င်းတို့မည်မျှ
ပို၍ပေးလိုသည်ကိုဆုံးဖြတ်ရမည်။
▪ ပြိုင်ဖက်များသတ်မှတ်ထားသောအနိမ့်ဆုံး
နှင့်အမြင့်ဆုံးစျေးများကိုသိရှိမှသာသင်၏
ကုန်ပစ္စည်းအတွက်စျေးနှုန်းသတ်မှတ်ရန်ပို
မိုကောင်းမွန်သောအကြံဥာဏ်ကိုရရှိနိုင်မည်
ဖြစ်သည်။
▪ သင်၏ကုန်ပစ္စည်း ကုန်ကျစရိတ်ကိုသိရှိမှ
သာကုန်ကျစရိတ်ကို ကာမိသောစျေးနှုန်းကို
သတ်မှတ်နိုင်မည်ဖြစ်သည်။
ပြိုင်ဆိုင်မှုကောင်းမွန်ရန်အတွက်စျေးနှုန်းလျော့၍သတ်မှတ်ရန်မလိုပါ။သင်၏စျေးနှုန်းသည်သင်၏ထူးခြားမှုကိုထင်ဟပ်ပေါ်လွင်နေ
စေရမည်။ဥပမာ။ ။သင်သည်အရည်အသွေးကောင်းမွန်သောကုန်ပစ္စည်းကုန်ပစ္စည်းကိုထုတ်လုပ်ပါကသင်၏စျေးနှုန်း
သည်သင်၏ပြိုင်ဖက်များသတ်မှတ်သောစျေးနှုန်းထက်ပို၍များနေမည်ဖြစ်သည်။
စျေးနှုန်းနည်းလွန်းနေပါကကုန်ကျစရိတ်ကိုမကာမိနိုင်ဘဲအပြန်အှန်အားဖြင့်ဖောက်သည်များသည် သင်၏အရည်အသွေးကို သံသယ
ဖြစ်ကြမည်ဖြစ်သည်။
အကယ်၍သင်သည်ပစ္စည်းအမျိုးအစားအသစ်ကိုရောင်းချမည်ဆိုပါကပြိုင်ဖက်များ
၏စျေးနှုန်းနှင့်ယှဥ်ပြိုင်ရန်မဖြစ်နိုင်ပေ။၎င်း
အချိန်တွင်မည်သို့ပြုလုပ်ရမည်နည်း။ဖြစ်နိုင်
ချေရှိသောဖောက်သည်များကိုစျေးနှုန်းအဆင့်တစ်ခုနှင့်ပတ်သက်၍လေ့လာသုံးသပ်ကြည့်ပြီးထိုစျေးနှုန်းအဆင့်တစ်ခုချင်းစီတွင်သင်၏ကုန်ပစ္စည်းကိုဝယ်ယူရန် ဖောက်သည်မည်မျှဝယ်ယူလိုကြသည်ကိုကြည့်ရမည်။
သင်၏စျေးနှုန်းကိုသတ်မှတ်ပြီးပါကအရောင်းမြှင့်တင်ရန်အတွက်စျေးကွက်မြှင့်တင်ခြင်းအမျိုးမျိုး၊စျေးလျော့ခြင်းနှင့်အကြွေး
ဖြင့်ရောင်းချခြင်းတို့ကိုစဥ်းစားရမည်ဖြစ်သည်။စျေးလျော့ခြင်း(သို့)အကြွေးဆုံးဖြတ်ခြင်းတစ်ခုချင်းစီအတွက်ရှင်းလင်း
သောရည်ရွယ်ချက်တစ်ခုရှိရန် သေချာစေပါ။
အပိုင်း(၄)ရဲ့ တတိယပိုင်းကိုမနက်ဖြန်တွင်ရေးသားပါမည် ခင်ဗျာ။
09/12/2020
အပိုင်း(၄)
စျေးကွက်ရှာဖွေခြင်းအစီအစဥ်
စျေးကွက်ရှာဖွေခြင်းသည်စီးပွားရေးလုပ်ငန်းတစ်ခုကိုအစပြုရန်နှင့်ဆက်လက်လုပ်ဆောင်ရန်အတွက်အရေးကြီးသောအပိုင်းတစ်ခုဖြစ်သည်။၎င်းသည်သင်၏ကုန်ပစ္စည်းများ(သို့)ဝန်ဆောင်မှုများကိုမှန်ကန်သောလူများကိုမှန်ကန်သောနည်းလမ်းဖြင့်ရောင်းချနိုင်စေရန်အထောက်အကူဖြစ်စေသည်။
စျေးကွက်ရှာဖွေခြင်းဆိုသည်မှာဖြစ်နိုင်ချေရှိသောဖောက်သည်များ၏လိုအပ်ချက်များကိုရှာဖွေဖော်ထုတ်သတ်မှတ်နိုင်သောစွမ်းရည်
နှင့်အမြတ်အစွန်းရရှိနိုင်ရန်အတွက်ထိုလိုအပ်ချက်များကိုရှာဖွေဖော်ထုတ်နိုင်သော
စွမ်းရည်နှင့်အမြတ်အစွန်းရရှိနိုင်ရန်အတွက် ထိုလိုအပ်ချက်များကိုသင့်ပြိုင်ဘက်များထက်ပိုမိုကောင်းမွန်စွာဖြည့်ဆည်းပေးနိုင်ခြင်းဖြစ်သည်။
စျေးကွက်သုတေသနပြုလုပ်ပါ။
ဖြစ်နိုင်ချေရှိသောဖောက်သည်များ၏လိုအပ်ချက်များကိုရှာဖွေဖော်ထုတ်သတ်မှတ်ရန်နှင့်သင်၏အနာဂတ်ပြိုင်ဖက်များကို ထိုလိုအပ်ချက်များကိုမည်ကဲ့သို့ဖြည့်ဆည်းပေးနေသည်ကိုစျေးကွက်သုတေသနပြုလုပ်ခြင်းဖြင့်ရှာဖွေဖော်ထုတ်ရန်အရေးကြီးသည်။သင်၏အတွေ့အကြုံနှင့်စီးပွားရေးလုပ်ငန်းဆိုင်ရာ စိတ်ကူးဖန်တီးခြင်းမှသင်၏စျေးကွက်အကြောင်းကိုများစွာ
သိရှိနိုင်ပါသည်။သို့သော်သင်ပိုမိုသိရှိလေ၊ပိုမိုကောင်းမွန်သောစျေးကွက်ရှာဖွေခြင်းအစီအစဥ်ကိုပြုလုပ်ရန်ပိုမိုစွမ်းဆောင်နိုင်လေဖြစ်သည်။
သင်၏ဖောက်သည်များနှင့်ပြိုင်ဖက်များအ
ကြောင်းကိုပိုမိုသိရှိနိုင်သောနည်းလမ်းဥပမာ
များမှာအောက်ပါအတိုင်းဖြစ်သည်။
▪ ဖြစ်နိုင်ချေရှိသောဖောက်သည်များနှင့်
စကားပြောပါ။အောက်ပါတို့ကိုမေးပါ။
–၎င်းတို့ဝယ်ယူလိုသောကုန်ပစ္စည်းနှင့်ဝန်
ဆောင်မှုများ
–သင်၏ပြိုင်ဖက်များနှင့်ပတ်သက်၍မည်
သို့ထင်မြင်ပါသနည်း။
▪ သင့်ပြိုင်ဖက်လုပ်ငန်းများကိုစောင့်ကြည့်
လေ့လာပါ။အောက်ပါတို့ကိုရှာဖွေပါ။
–၎င်းတို့၏ကုန်ပစ္စည်းနှင့်ဝန်ဆောင်မှုများ
–၎င်းတို့သတ်မှတ်သောစျေးနှုန်း
–၎င်းတို့ဖောက်သည်များကိုဆွဲဆောင်ပုံ
▪ စီးပွားရေးလုပ်ငန်းနယ်ပယ်ရှိပစ္စည်းပေး
သွင်းသူများနှင့်မိတ်ဆွေများကိုမေးမြန်ပါ။
–အများဆုံးရောင်းချသည့်ထုတ်ကုန်ပစ္စည်း
–သင်၏စီးပွားရေးဆိုင်ရာစိတ်ကူးကိုထင်မြင်ပုံ
–သင်၏ပြိုင်ဖက်များ၏ကုန်ပစ္စည်းကို၎င်း
တို့ထင်မြင်ပုံ
▪ ကုန်ပစ္စည်းအသစ်များနှင့်ဝန်ဆောင်မှု
အသစ်များနှင့်ပတ်သက်သောသတင်း
အချက်အလက်များနှင့်စိတ်ကူးများကို
သတင်းစာများ၊ကတ်တလေ့များ၊ကုန်သွယ်
မှုဂျာနယ်များနှင့်မဂ္ဂဇင်းများကိုဖတ်ပါ။
▪သင်ပြုလုပ်ရောင်းချလိုသောကုန်ပစ္စည်း
(သို့)ဝန်ဆောင်မှုများ၊သင့်ပြိုင်ဖက်နှင့်
အသစ်ဖြစ်ပေါ်နေသောကုန်ပစ္စည်း(သို့)
ဝန်ဆောင်မှုများ၏သတင်းအချက်အလက်
များကိုရရှိနိုင်ရန်နှင့်အခြားသူများမည်ကဲ့
သို့ပြုလုပ်နေသည်ကိုသိရှိရန်အတွက်
အင်တာနက်ကိုကြည့်ရှုပါ။
သင်၏ဖောက်သည်များနှင့်ပတ်သက်သောသတင်းအချက်အလက်များကိုစုဆောင်းပြီး
နောက်ဖြစ်နိုင်ချေရှိသောဖောက်သည်များ
အားလုံးတို့သည်လိုအပ်ချက်နှင့်လိုချင်သောအချက်များမတူညီကြကြောင်းကိုသတိရပါ။ကုန်ပစ္စည်း(သို့)ဝန်ဆောင်မှုများကိုအလုံလောက်ဆုံးဖြည့်ဆည်းပေးရန်အတွက်ရှင်းလင်းပြီးခွဲခြားရလွယ်ကူသောထူးခြား
သည့်လက္ခဏာများရှိသည့်မတူညီသော
ဖောက်သည်အုပ်စုများကိုရှာဖွေဖော်ထုတ်ရ
မည်။၎င်းကိုစျေးကွက်ကိုအပိုင်းများခွဲခြားခြင်းဟုခေါ်သည်။သင်၏ဖြစ်နိုင်ချေရှိသောဖောက်သည်များကို၎င်းတို့၏ထူးခြားသော
လက္ခဏာရပ်များအပေါ်မူတည်၍ခွဲခြားခြင်းသည်၎င်းတို့၏ကုန်ပစ္စည်းနှင့်ပတ်သက်သည့်အသေးစိတ်နှင့်တိကျသေချာသောသတင်းအချက်အလက်များကိုစုဆောင်းရန်အထောက်အကူဖြစ်စေသည်။
အပိုင်း(၄)ရဲ့ဒုတိယပိုင်းကို မနက်ဖြန်တွင်ဆက်လက်ရေးသားပါမည်။
