Sweden Alumni Network Myanmar

သူငယ်ချင်းအားလုံးပဲ မင်္ဂလာပါ။

ဇွန်လရောက်လာပြီဆိုတော့ ဥရောပရဲ့ အလှပဆုံး ပွဲတော်တွေထဲက တစ်ခုဖြစ်တဲ့ ဆွီဒင်နိုင်ငံရဲ့ Midsummer ပွဲတော်ကြီး ကျင်းပဖို့ အရမ်းနီးကပ်နေပါပြီ။ မြန်မာနိုင်ငံက သင်္ကြန်ပွဲတော်လိုပဲ၊ Midsummer က ဆွီဒင်လူမျိုးတွေအတွက်တော့ အရမ်းအရေးပါပြီး ပျော်စရာအကောင်းဆုံး အားလပ်ရက်တွေထဲက တစ်ခုပါ။

ကဲ… သူတို့ရဲ့ နွေလယ်ပွဲတော်မှာ ဘာတွေထူးခြားလဲ၊ ဘယ်လောက်တောင် ပျော်စရာကောင်းလဲဆိုတာ အတူတူကြည့်လိုက်ရအောင်နော်။

ဆွီဒင်ရဲ့ နွေလယ်ကဗျာ - Midsummer ပွဲတော်

Midsummer ဆိုတာက နွေရာသီရဲ့ အလယ်၊ နေအလင်းရောင် အကြာဆုံးရတဲ့နေ့ကို ကြိုဆိုတဲ့ ပွဲတော်တစ်ခုပါ။ ဆောင်းတွင်းမှာ အမှောင်လွှမ်းပြီး အေးစက်ခဲ့ရတာတွေအတွက် နွေရာသီရဲ့ နွေးထွေးမှု၊ အလင်းရောင်နဲ့ သဘာဝတရားကို ကျေးဇူးတင်ကြောင်း ဖော်ပြတဲ့ အထိမ်းအမှတ်ပွဲတော်ပေါ့။

ပွဲတော်မှာ ဘာတွေလုပ်ကြသလဲ?

Midsummer မှာ ဆွီဒင်လူမျိုးတွေက မြို့ပြရဲ့ဆူညံမှုတွေကနေ ခဏထွက်ပြီး ကျေးလက်တောရွာလေးတွေ၊ ပန်းခြံတွေမှာ မိသားစုတွေ၊ သူငယ်ချင်းတွေနဲ့ စုဝေးပြီး ပျော်ပွဲရွှင်ပွဲတွေ ကျင်းပကြပါတယ်။

၁။ ပန်းတိုင်ကြီးထောင်ပြီး ကခုန်ကြတယ် (The Maypole Dance)

ပွဲတော်ရဲ့ အဓိက အမှတ်အသားကတော့ ‘Midsommarstång’ လို့ခေါ်တဲ့ ပန်းတိုင်ကြီးပါပဲ။ သစ်ရွက်တွေ၊ တောပန်းရိုင်းလေးတွေနဲ့ အလှဆင်ထားတဲ့ တိုင်ကြီးကို ပွဲတော်ကျင်းပမယ့်နေရာရဲ့ အလယ်မှာ ထောင်ထားပြီး လူတွေအားလုံးက အဲ့ဒီတိုင်ကြီးကို စက်ဝိုင်းပုံစံ ဝိုင်းပတ်ပြီး သီချင်းတွေဆို၊ ကခုန်ကြပါတယ်။ အထူးသဖြင့် ဖားလေးတွေလို ခုန်ပေါက်ကခုန်ရတဲ့ ‘Små grodorna’ (The Little Frogs) အကကတော့ အရမ်းနာမည်ကြီးပြီး ကလေးရောလူကြီးပါမကျန် အားလုံးပါဝင်ဆင်နွှဲကြတဲ့ ချစ်စရာအကတစ်မျိုးပါ။

၂။ ခေါင်းမှာ ပန်းသရဖူလှလှလေးတွေ ပန်ကြတယ် (Flower Crowns)

Midsummer ရဲ့ နောက်ထပ်အလှတစ်ခုကတော့ ပန်းသရဖူ (Midsommarkrans) တွေပါ။ မိန်းကလေးတွေနဲ့ ကလေးအများစုက ကိုယ်တိုင်ခူးဆွတ်ထားတဲ့ တောပန်းရိုင်းလေးတွေနဲ့ ပန်းသရဖူလှလှလေးတွေ ပြုလုပ်ပြီး ခေါင်းမှာဆင်မြန်းကြပါတယ်။ ပန်းရောင်စုံနဲ့ လှချင်တိုင်းလှနေတဲ့ မြင်ကွင်းက တကယ်ကို ကြည်နူးစရာပါပဲ။

၃။ ရိုးရာအစားအစာတွေကို အတူတူစားကြတယ် (The Midsummer Feast)

အစားအသောက်ကတော့ ပွဲတော်ရဲ့ အသက်ပါပဲ။ Midsummer မှာ သူတို့အဓိကစားသုံးတဲ့ အစားအစာတွေကတော့ -
• Sill (အချဉ်စိမ်ထားတဲ့ ငါးတစ်မျိုး): မုန်ညင်းဆီ၊ ကြက်သွန်နီ စတာတွေနဲ့ အရသာမျိုးစုံ ပြုလုပ်ထားတဲ့ Herring ငါးချဉ်စိမ်။
• Färskpotatis (အာလူးအသစ်): လတ်လတ်ဆတ်ဆတ် ပြုတ်ထားတဲ့ အာလူးအသေးလေးတွေကို စမုန်နက် (dill) နဲ့နယ်ပြီး စားကြပါတယ်။
• Jordgubbar (စတော်ဘယ်ရီ): နွေရာသီရဲ့ အသီးအနှံဖြစ်တဲ့ စတော်ဘယ်ရီသီးတွေကို ခရင်မ်နဲ့ ဒါမှမဟုတ် ကိတ်မုန့် (strawberry cream cake) နဲ့ အရသာရှိရှိ သုံးဆောင်ကြပါတယ်။
• Snaps (အရက်ပြင်း): လူကြီးတွေကတော့ ‘snaps’ လို့ခေါ်တဲ့ အရက်ပြင်းလေးကို သီချင်းတကြော်ကြော်နဲ့ သောက်သုံးပြီး ပျော်ကြပါတယ်။

၄။ နွေလယ်ညရဲ့ မှော်ဆန်တဲ့ အယူအဆ (Midsummer Night's Magic)

ရှေးခေတ်အယူအဆလေးတစ်ခုလည်း ရှိပါသေးတယ်။ အဲ့ဒါကတော့ အပျိုမိန်းကလေးတွေက ပန်း ၇ မျိုးကို တိတ်တဆိတ်ခူးပြီး ညအိပ်ရာဝင်တဲ့အခါ ခေါင်းအုံးအောက်မှာ ထားအိပ်ရင် သူတို့လက်ထပ်ရမယ့် အမျိုးသားကို အိပ်မက်ထဲမှာ မြင်မက်တယ်လို့ ဆိုကြပါတယ်။ အရမ်းကို Romantic ဆန်တဲ့ အယူအဆလေးပါပဲနော်။

အချုပ်ပြောရရင် Midsummer ဆိုတာက သဘာဝတရား၊ မိသားစု၊ သူငယ်ချင်း မိတ်ဆွေတွေနဲ့အတူ နွေရာသီရဲ့အလှကို အပြည့်အဝခံစားရင်း ပျော်ရွှင်စွာ ဆင်နွှဲတဲ့ ပွဲတော်တစ်ခုပါ။ ဆွီဒင်လူမျိုးတွေရဲ့ ရိုးရှင်းတဲ့ဘဝနဲ့ သဘာဝတရားကို မြတ်နိုးတန်ဖိုးထားမှုကို ဒီပွဲတော်မှာ အထင်းသားမြင်တွေ့နိုင်ပါတယ်။
ဒီအကြောင်းအရာလေးကို သဘောကျမယ်လို့ မျှော်လင့်ပါတယ်။ ဆွီဒင်လို နှုတ်ဆက်ရရင်တော့ "Glad Midsommar!" (ပျော်ရွှင်စရာ Midsummer ဖြစ်ပါစေ)။

အောက်က ပုံလေးတွေကတော့ ဆွီဒင်မှာ ကျောင်းတက်ခဲ့တဲ့ ကျောင်းသားဟောင်းတစ်ယောက်ရဲ့ midsummer festival ကိုဖြတ်သန်းခဲ့တဲ့ ပုံရိပ်လေးတွေပဲဖြစ်ပါတယ်။ နေရာကတော့ Leksand လို့ခေါ်တဲ့ မြို့လေးမှာပါ။

🇸🇪လာမည့်ပညာသင်နှစ် ၂၀၂၅ အတွက် ဆွီဒင်မှာ ကျောင်းတက်ဖို့ အဆင်သင့်ဖြစ်နေပြီလား🇸🇪

သူငယ်ချင်းတို့အနေနဲ့ အခုလာမည့် ပညာသင်နှစ် ၂၀၂၅-၂၀၂၆ အတွက် ဆွီဒင်က တက္ကသိုလ်တစ်ခုခုမှာ

• ဘွဲ့ကြို
• ဘွဲ့လွန်
• ပါရဂူဘွဲ့

ဖြစ်ဖြစ် တက်ရောက်ဖို့ အတွက် ဝင်ခွင့် ရရှိထားရင် Congratulation ပါလို့ Sweden Alumni Network အနေဖြင့်ပြောပါရစေ။

SANM အနေဖြင့် သူငယ်ချင်းတို့ရဲ့ ဆွီဒင်ကိုကျောင်းလာတက်မယ့် ခရီးစဥ် အစစ အရာအရာ အဆင်ပြေစေဖို့အတွက် ကူညီပါရစေ။

ဥပမာ 🏢သံရုံးမှာ visa လျှောက်ဖို့ ဘာတွေပြင်ဆင်ရမလဲ
🏠နေဖို့ အတွက် ဆွီဒင်မှာ အိမ်ဘယ်လိုရှာရမလဲ
🧰ဆွီဒင်ကိုလာရင် ဘယ်လိုပစ္စည်းတွေကတော့ မဖြစ်မနေယူလာရမလဲ
👪မိသားစုလိုက်လာရင်ကော ဘာတွေပြင်ဆင်လာရမလဲ

စသည်ဖြင့် အကူအညီတွေ ပေးနိုင်အောင် SANM ကို ဆက်သွယ်ပေးဖို့အတွက် မေတ္တာရပ်ခံလိုပါတယ်။

You don’t have to start this journey alone.
Let’s build a supportive community together. ❤️

P.S – Admission Letter ရပြီးသူတွေအတွက်ဖြစ်ပါတယ်။

We would like to take this opportunity and say congratulations to the scholars from Myanmar.

Support Earthquake Relief in Myanmar - Clean Water for Urgent Needs

A powerful 7.7-magnitude earthquake hit central Myanmar on March 28, 2025, leaving thousands dead, injured, and displaced. Many communities lack access to clean water, hygiene, and healthcare.

The Sweden Alumni Network Myanmar is raising funds to install a water filtration system in a hard-hit area. Your donation can help provide safe drinking water and support basic hygiene.

Goal: €2,500 Donation Period: April-May 2025
Every contribution counts!

Donate now and share with your network.

Let's bring clean water and comfort to the people of Myanmar.

You can donate through this link on the platform Gofundme.

https://gofund.me/894ccf69

ငလျင်လှုပ်ပြီးနောက် ဆောင်ရန်ရှောင်ရန်များ

The Swedish international development cooperation agency (Sida) မှ မြန်မာ နိုင်ငံ အတွက် ဆွီဒင် Krona ၁၅၈ သန်း လူသားချင်းစာနာကူညီ ထောက်ပံ့ဖို့ အတွက် ဆုံးဖြတ်ခဲ့ပါတယ်။

Sida frigör miljonstöd till Myanmar efter skalv

Red Cross အနေဖြင့်လဲ လက်ရှိမြေပြင်မှာကူညီလျက်ရှိပါတယ်။

Swisha till 900 80 04 En kraftig jordbävning i Myanmar har skapat förödelse. Även människor i grannländer som Thailand har drabbats. Vi arbetar för att hjälpa.

မြန်မာနိုင်ငံမှာ ယနေ့ဖြစ်ပွားခဲ့တဲ့ မြေငလျင် သဘာဝဘေးအန္တရာယ်ကြောင့် ပျက်စီးဆုံးရှုံးမှုများစွာအတွက် စိတ်မကောင်းဖြစ်ရပါတယ်။

ယခု ငလျင်ကြောင့်ထိခိုက်ခဲ့ရသော ပြည်သူပြည်သားများ၊ မိသားစုများနဲ့ အခက်အခဲဒုက္ခများကိုကြုံတွေ့နေရတဲ့သူများ အတွက် ကိုယ်ချင်းစာမိပါတယ်။

နောက်ထပ်ဖြစ်ပေါ်လာနိုင်သော နောက်ဆက်တွဲမြေငလျင်များကို သတိထားဂရုစိုက်စေချင်ပါတယ်။

သက်ဆိုင်ရာ တာဝန်ရှိသူများ၏ လမ်းညွှန်ချက်များကို လိုက်နာဆောင်ရွက်ပါ။

မိမိချစ်ခင်ရသူများ၊ မိသားစုများ၊ ပတ်ဝန်းကျင်ရှိ သူများ၊ အကူအညီလိုအပ်နေသူများ ကိုလဲ အချင်းချင်းကူညီဖေးမပေးပါ။

အခုလို ခက်ခဲတဲ့အချိန်မှာ မြန်မာပြည်သူပြည်သားများနှင့် အတူ SANM အနေဖြင့် အတူတကွရှိနေပါတယ်။

📚 ဆွီဒင်က ဘယ် တက္ကသိုလ်တွေမှာ ပညာသင်ယူကြမလဲ?

ဆွီဒင်မှာ အဆင့်မြင့်ပညာ သင်ကြားပေးတဲ့ တက္ကသိုလ်ပေါင်း အခု ၅၀ ရှိပါတယ်။ အဲ့ဒီအထဲကမှ အင်္ဂလိပ်ဘာသာနဲ့ သင်ကြားပေးနေတဲ့ တက္ကသိုလ် ၃၉ ခု ရှိတဲ့ အတွက်ကြောင့်မို့လို့ ဆွီဒင်နိုင်ငံ ဟာ နိုင်ငံတကာ က ကျောင်းသားတွေသာမက မြန်မာနိုင်ငံက ကျောင်းသူ၊ကျောင်းသားတွေ အတွက်ပါ ပညာလာရောက်သင်ယူဖို့အတွက် စဥ်းစားရွေးချယ်သင့်တဲ့နိုင်ငံတစ်ခုလဲ ဖြစ်ပါတယ်။

🎓 အင်္ဂလိပ်ဘာသာဖြင့် သင်ကြားပေးသော ဆွီဒင်တက္ကသိုလ်များ

🇸🇪 အောက်က တက္ကသိုလ်တွေကတော့ မြန်မာနိုင်ငံသားများအတွက် လျှောက်ထားနိုင်တဲ့ တက္ကသိုလ်တွေပဲဖြစ်ပါတယ်။

1.Blekinge Institute of Technology
2.Chalmers University of Technology
3.Dalarna University
4.Halmstad University
5.Jönköping University
6.Karlstad University
7.Karolinska Institutet
8.KTH Royal Institute of Technology
9.Kristianstad University
10.Linköping University
11.Linnaeus University
12.Luleå University of Technology
13.Lund University
14.Malmö University
15.Mid Sweden University
16.Mälardalen University
17.Royal College of Music in Stockholm
18.Stockholm School of Economics
19.Stockholm University
20.Swedish Defence University
21.Swedish University of Agricultural Sciences (SLU)
22.Södertörn University
23.Umeå University
24.University of Borås
25.University of Gothenburg
26.University of Gävle
27.University of Skövde
28.University West
29.Uppsala University
30.Örebro University
31.Beckmans College of Design
32.Ersta Sköndal Bräcke University College
33.Konstfack – University of Arts, Crafts and Design
34.Marie Cederschiöld University
35.Royal Institute of Art
36.Stockholm University of the Arts
37.The Newman Institute
38.University College Stockholm
39.World Maritime University

💡 သိထားသင့်သည့် အချက် – အထက်ပါ တက္ကသိုလ်များတွင် ဘွဲ့ကြိုနှင့် ဘွဲ့လွန်မဟာအတန်းများကို အင်္ဂလိပ်ဘာသာဖြင့် သင်ကြားပေးနေတာပဲဖြစ်ပါတယ်။

နောက်နေ့များမှာ မြန်မာနိုင်ငံက ကျောင်းသူ၊ ကျောင်းသားတွေ ဆွီဒင်က ဘယ်တက္ကသိုလ်တွေမှာ တက်နေလဲ၊ ဘယ် ဘာသာရပ်တွေကို ဆည်းပူးလေ့လာနေလဲဆိုတာ ကိုပြောပြပေးသွားပါမယ်။
တကယ်လို့ သိချင်တာရှိရင်လဲ comment မှာပဲ ဖြစ်ဖြစ်၊ messenger မှာပဲ ဖြစ်ဖြစ် လာရောက်မေးမြန်းနိုင်ပါတယ်။

Reference :
https://universityadmissions.se/en/find-out-more/swedish-universities/
https://www.uka.se/swedish-higher-education-authority/about-higher-education/universities-university-colleges-and-other-education-providers/higher-education-institutions