https://www.facebook.com/114911714877560/

Myat MaHar, Yangon (2026)

23/02/2025

" ဝေဖန်မယ့်သူတွေ " နဲ့
" ဖောင်းထုမယ့်သူတွေ " က
နေရာတိုင်းမှာ ရှိတာပါပဲ။

" ဥာဏ်ရည်မြင့်တဲ့လူတွေ " က
ဝေဖန်တယ်။

" ဥာဏ်ရည်နိမ့်တဲ့လူတွေ " က
ဖောင်းထု တယ်။

ကိုယ်ဘာလုပ်လုပ် မုန်းတဲ့စိတ်နဲ့
ကြည့်ပြီး ဖောင်းထုတတ်တဲ့
ဥာဏ်ရည်နိမ့်တွေကို
အဖက်မလုပ်သင့်ပေမယ့် ..

ဥာဏ်ရည်မြင့်တဲ့လူတွေရဲ့
ဝေဖန်သံကို တော့ သေချာ
နားထောင်တတ်ဖို့ လိုပါတယ်။

" ဝေဖန်မှုရှိမှ တိုးတက်တာ" မလို့
ဝေဖန်သံ ဆိုရင် သေချာနားထောင်ပြီး
ပြုပြင်သင့်ရင် ပြုပြင်ရမှာပေါ့။

ဦးကျော်ဟိန်း ပြောတဲ့ စကားလေး
အရမ်းသဘော ကျတယ်။

" သူတို့ဝေဖန်တာ မှန်နေရင်
ကိုယ့်ကိုယ်ကို ပြင်လိုက်ပေါ့။

သူတို့ဝေဖန်တာ မှားနေတော့လည်း
ငါ့ကိုဝေဖန်ရင်းနဲ့ အားပေးနေကြပါလား
လို့တွေးပြီး လုပ်စရာရှိတာ
ဆက်လုပ်နေပေါ့ " တဲ့။

လူတွေ ဝေဖန်မှာ ၊ ဖောင်းထုမှာကို
မကြောက်နဲ့။

ဝေဖန်မှ တိုးတက်တာမလို့
ဝေဖန်သံတွေကို နားထောင်ပြီး
ပြုပြင်သင့်တာတွေကိုပြုပြင်၊
ကိုယ်လုပ်စရာရှိတာတွေကို
အကောင်းဆုံးလုပ်ရင်း
ရှေ့ဆက်နေဖို့ပဲ လိုပါတယ်။

Sint Nyi
30.1.25

31/10/2024

စောစောသင်ပေးနိုင်လေ ပိုကောင်းလေ

တိုက်တိုက်ဆိုင်ဆိုင် မနေ့က စာဖတ်သူ မိဘ သုံးယောက်က ကျွန်တော့်ကို မေးခွန်းတွေ comment မှာ ရေးပြီးမေးထားကြတယ်။ ဆရာ ၂ နှစ်သားကလေးကို အင်္ဂလိပ်စာ ဘယ်လိုနည်းနဲ့သင်ပေးရမလဲ။ ဆရာ ကျွန်မရဲ့ လေးနှစ်သားလေးက YouTube က video တွေကြည့်ပြီး စကားတွေလိုက်ပြောချင်နေတယ်။ သူ့ကို ဘယ်လို အင်္ဂလိပ်စာ လေ့ကျင့်ပေးရမလဲ။ စသည့်မေးခွန်းမျိုးလေးတွေပါ။ ဒါ့ကြောင့်လည်း ကလေးလေးတွေကို အင်္ဂလိပ်စာသင်ပေးတာနဲ့ ပတ်သက်လို့ ပြောပြချင်တာလေးတစ်ခုရှိလို့ ဒီ post ကိုရေးလိုက်တာပါ။

နိုင်ငံခြားဘာသာစကားသင်ကြားရေးနဲ့ ပတ်သက်လို့ ကျွန်တော်တို့သင်ကြားရေးက ဆရာတွေလောကမှာ၊ အထူးသဖြင့် SLA (Second Language Acquisition) နဲ့ Child Language Acquisition အကြောင်းဆွေးနွေးကြရာမှာ လူသိအများဆုံးစကားကတော့ "The earlier, the better." အစောဆုံးစသင်နိုင်လေ ပိုကောင်းလေ ပဲ။ နောက်တစ်ခုကတော့ "Use it or lose it." တဲ့။ ဆိုလိုတာက အဲဒီဘာသာစကားတစ်ခုကို သင်ယူရုံနဲ့မပြီးဘူး၊ အမြဲမပြတ် အသုံးချနေဖို့လိုတယ်၊ အသုံးမပြုရင်တော့ lose it သင်ထားတာတွေကို မေ့ကုန်မယ်၊ တတ်မှာမဟုတ်တော့ဘူး ဆိုတဲ့ key points လေးတွေရှိပါတယ်။

ကလေးတွေကို ဖြစ်နိုင်ရင် အင်္ဂလိပ်စကားသံတွေနဲ့ အစောဆုံး ထိတွေ့မှုရှိစေသင့်ပါတယ်။ နှစ်သားအရွယ်လေးတွေကို စာရေး စာဖတ် သင်ပေးဖို့ပြောနေတာမဟုတ်ပါဘူး။ သူတို့လေးတွေရဲ့ အနားမှာ rich linguistic environment ကိုဖန်တီးပေးထားဖို့ လိုကြောင်းကို ဆိုချင်တာပါ။ ဒီအချက် အရေးကြီးကြောင်းကို ပြချင်လို့ ကျွန်တော်တို့ သင်ကြားရေးလောကမှာ ရှိတဲ့ သီအိုရီတစ်ခုကို ပြောပြပါရစေ။ Critical Period Hypothesis လို့ခေါ်ပါတယ်။

Critical Period Hypothesis (CPH)

ဒီ သီအိုရီကို Eric Lenneberg က ၁၉၆၇ ခုနှစ်မှာ သူရေးခဲ့တဲ့ Biological Foundations of Language ဆိုတဲ့စာအုပ်မှာ တင်ပြခဲ့ပြီးနောက်မှာ language acquisition studies တွေလုပ်ကြတဲ့ ပညာရှင်များကြားမှာ ရေပန်းစားလာတာပါ။ ဒီ CPH သီအိုရီအရ လူတစ်ယောက်ကို မွေးဖွားပြီးပြီးချင်း ပထမ၊ ဒုတိယ၊ တတိယ စသည်ဖြင့်အစောပိုင်းနှစ်ကာလများဟာ မိခင် ဘာသာစကားကို သင်ယူနိုင်ဖို့ အရေးကြီးတဲ့ကာလ critical period ဖြစ်တယ်လို့ ဆိုပါတယ်။ အဲဒီကာလမှာ ကလေးရဲ့ပတ်ဝန်းကျင်မှာ ဘာသာစကားကို ကြားနေနိုင်ဖို့ adequate stimuli စေ့ဆော်စေသောအရာများ လုံလောက်စွာရှိရမယ်တဲ့။ သီချင်းသံတွေ၊ အပြန်အလှန်စကားပြောသံတွေ၊ မိဘတွေက သူ့ကို စကားလာပြောသံတွေကို သူ့နားထဲမှာ အလုံအလောက်ကြားဖို့လိုတဲ့ အချိန်ကာလပါ။ အဲဒီ adequate stimuli အခွင့်အရေးဆုံးရှုံးတဲ့ကလေးဟာ ဘာသာစကားကို သဘာဝကျကျတတ်မြောက်ဖို့ နှောင့်နှေးနိုင်တယ်လို့ CPH သီအိုရီက ဆွေးနွေးထားပါတယ်။ ဒါ့ကြောင့် Language learning နဲ့ပတ်သက်လာရင် ဒီ theory ကို ရည်ညွှန်းပြီး The earlier, the better. လို့ ပြောကြခြင်းဖြစ်တယ်။
Younger = better in the long run
ငယ်ငယ်မှာကတည်းက သင်ပေးခဲ့ရင် ရေရှည်မှာ ကျောင်းသားအတွက် ပိုကောင်းတယ် ဆိုတဲ့ concept ပါပဲ။

ဒီ သီအိုရီကို ထောက်ခံကြတဲ့ scholar တွေ၊ researcher တွေအများကြီးရှိသလို လက်မခံကြတဲ့ သူတွေလည်းရှိတာပေါ့။ ဆရာကြီး Stephen Krashen ကလည်း ဒီ CPH ကို ဝေဖန်ခဲ့ဖူးပါတယ်။ ထားပါတော့။ ကျွန်တော်ကတော့ သမီးတစ်ယောက်ကို ပျိုးထောင်ခဲ့တဲ့ ဖခင်တစ်ယောက်ရဲ့ အတွေ့အကြုံအရတော့ ဒီ စောစောသင်လေ ပိုကောင်းလေ ဆိုတဲ့ အယူအဆကို ကိုယ်တွေ့မို့လို့ လက်ခံတယ်။ သမီးကို မွေးကတည်းက ကျွန်တော်က အင်္ဂလိပ်လိုပဲ တောက်လျှောက်ပြောတယ်၊ အခု အထိပဲ။ သူ့အမေက ကလေးကို မြန်မာလိုပြောတယ်။ သူ့အတွက် nursery rhyme တွေ၊ သီချင်းတွေ၊ ကာတွန်းကားတွေ အားလုံး အင်္ဂလိပ်လိုပဲ အချိန်တော်တော်များများ ဖွင့်ပေးထားတယ်။ ဒီကလေးဟာ အသက် သုံးလေးနှစ်သမီးလောက်မှာ fully bilingual ဖြစ်သွားပြီ။ အင်္ဂလိပ်လိုရော မြန်မာလိုပါ သွက်သွက်ပြောတတ်သွားပြီ။ code switching ကို သူ့ဟာသူ naturally လုပ်သွားနိုင်တာပဲ။ လေးနှစ်လောက်မှာ သူ့ကို မူကြိုထားတော့ ကျောင်းမှာ ထိုင်းစကားပါသင်ရတော့ သူဟာ trilingual kid ဖြစ်သွားပါရော။ ဒါတွေဟာ ဘာကို သက်သေပြသလဲဆိုတော့ language learning အတွက် မိဘက သူတို့လေးတွေရဲ့ ပတ်ဝန်းကျင်မှာ linguistically rich environment နဲ့ adequate stimuli ဖန်တီးပေးနိုင်မယ်ဆိုရင် အဲဒီ critical period အတွင်းမှာ ကလေးတွေဟာ ဘာသာစကားကို တစ်ခုမက with ease အသာလေး သဘာဝကျကျ pick up လုပ်နိုင်တဲ့ အရည်အချင်းပါလာပြီးသားဆိုတာပါပဲ။

ဒီလို စောစောမသင်ဘဲ adulthood ကြီးမှ သင်ရတဲ့သူတွေကျတော့ ပိုအားထုတ်ရတယ်၊ ခက်ခက်ခဲခဲ တမင်လုပ်ယူရတယ်။ ရှက်တယ်၊ ကြောက်တယ်ဆိုတဲ့ teenager တွေမှာ၊ လူကြီးတွေမှာ ဖြစ်တတ်တဲ့ fear, anxiety, language learning inhibitions တွေဟာ အစွဲချွတ်ရခက်တယ်။ ဆရာအတွက်ရော ကျောင်းသားအတွက်ပါ ပင်ပန်းတယ်။ ကြီးမှ သင်တဲ့သူတွေဟာ ငယ်ငယ်ကတည်းက သင်လာကြတဲ့ ကလေးတွေကို မယှဉ်နိုင်တဲ့အရာကတော့ အထူးသဖြင့် pronunciation အသံထွက်နဲ့ natural turn of phrases တွေပဲ။ ငယ်ငယ်ကတည်းက သင်ခဲ့ရတဲ့သူတွေဟာ အသံထွက်မှန်တယ်၊ ရေးလိုက်ရင် ပြောလိုက်ရင် သဘာဝကျတဲ့ အင်္ဂလိပ်စာထွက်လာတယ်။

ဒါတွေပြောပြတော့ လက်မခံနိုင်သူလည်းရှိမှာပဲ။ သီအိုရီရှိကြောင်း သိရအောင်ပြောပြတာပါ။ ကြီးတော့မှ သင်ပေမယ့် တကယ့်ကို native-like fluency ရသွားတဲ့ လူတော်တွေရှိပါတယ်လို့ ပြောကြလိမ့်မယ်။ Heart of Darkness ဆိုတဲ့ ကမ္ဘာကျော်ဝတ္ထုကိုရေးခဲ့တဲ့ ပိုလန်နိုင်ငံသား စာရေးဆရာကြီး Joseph Conrad ဟာ သူ အသက်နှစ်ဆယ်ကျော်မှာမှ အင်္ဂလိပ်စကားကို စပြောတတ်သူပါ။ သူရေးတဲ့ အင်္ဂလိပ်ဝတ္ထုတွေကို အင်္ဂလိပ်လူမျိုးတွေက အလေးပြုရတယ်။ သူကျတော့ critical period ကျော်မှ လေ့လာခဲ့ပြီး အင်္ဂလိပ်စာကို ဒီလောက်ကောင်းကောင်းတတ်ခဲ့တဲ့ သာဓကရှိပါတယ်လို့လည်း ငြင်းနိုင်ပါတယ်။ သို့သော် မိတ်ဆွေ... လူတိုင်းဟာ Joseph Conrad မဟုတ်ပါဘူး။ Average Joe လူသာမန်တွေများပါတယ်။ ဒါ့ကြောင့် ကိုယ့်သားသမီးကို သဘာဝကျကျ လွယ်လွယ်ကူကူနဲ့ အင်္ဂလိပ်စာကို တတ်စေချင်သူမိဘများကို ကလေးလေးတွေရဲ့ ပတ်ဝန်းကျင်မှာ တတ်နိုင်သမျှအကောင်းဆုံး အင်္ဂလိပ်စကားပတ်ဝန်းကျင်လေး ဖန်တီးပေးကြပါလို့ တိုက်တွန်းလိုက်ပါတယ်။

(ပုံလေးကတော့ သမီး Sandy ငယ်ငယ်ကပါ။)

#မေတ္တာဖြင့်
#ဒေါက်တာစိုးသန်း

31/10/2024

ခေတ်ကာလ အခြေအနေအပြောင်းမလဲမှာ လူတွေရဲ့လားရာ ပြောင်းလဲမှုကိုနင်းပြီးတော့ လုပ်စားကိုင်စားတွေများလာတာ ပုဂ္ဂလိက အဆင့်မြင့်ပညာရေးပဲ။ အရင်ကလည်း ဂျင်းတွေသိပ်များတယ်ဆိုပေမယ့် Demand တက်လာတဲ့အခါ ပိုတောင်ဆိုးလာသလိုပဲ။
ဆိုတော့ကား Private Uni တက်နေသူတွေ၊ တက်မယ့်သူတွေအနေနဲ့
ကိုယ်တက်မယ့် Program က ဘယ်နိုင်ငံ၊ ဘာတက္ကသိုလ်က ပေးတဲ့ ဘွဲ့ရမှာဆိုတာလေးလောက်မှာ လမ်းဆုံးမနေဘဲ အဲဒီပေးတယ်ဆိုတဲ့ ဘွဲ့က ဘယ်လိုအနေအထားဆိုတာကိုပါ စေ့စေ့ငုငု လေ့လာဆန်းစစ်ပြီးမှ တက်ကြစေချင်တယ်။
ပိုက်ဆံ အကုန်ခံနိုင်တယ်ထား၊ သုံးစားမရတဲ့ ဘွဲ့ကြီးရလာရင် ကုန်ခဲ့တဲ့ အချိန်တွေက ပြန်မရနိုင်ဘူးလေ။ ပြောပြရရင်တော့ ဂျင်းနည်းလမ်းပေါင်းစုံတွေမှ အများကြီး။ (စားတဲ့ဂျင်းဆိုရင်တော့ ချင်းလို့ရေးပေမယ့် ဒါကထည့်တဲ့ဂျင်းမို့လို့ ဂျင်းလို့ပဲ သုံးပါမယ်)

ဂျင်း (၁)
Program မှာကြေညာထားတဲ့အတိုင်း ဘယ်နိုင်ငံ၊ ဘယ်တက္ကသိုလ်က ဘွဲ့ဆိုတာ တကယ်ပေးတယ်။ အဲဒီ တက္ကသိုလ်ရဲ့ Title နဲ့ပဲ ဘွဲ့ပေးတယ်။ အဲဒီတက္ကသိုလ်ကိုယ်တိုင်က သူ့နိုင်ငံမှာ Accredited ဖြစ်တယ်။ ဒါပေမယ့် သူရထားတဲ့ Accreditation က သူ့မူလ Campus မှာဖွင့်တဲ့ သင်တန်းတွေအတွက်ပဲ ဖြစ်တယ်။ တခြားနိုင်ငံတွေမှာ ခွဲဖွင့်တဲ့ Program တွေအတွက်မပါဘူး။ အဲဒီတော့ ဘယ်နိုင်ငံက ဘာအသိအမှတ်ပြု တက္ကသိုလ်က ပေးအပ်တဲ့ ဘွဲ့ကြီးရတယ်ဆိုပေမယ့် အဲဒီ ဘွဲ့ဆိုတာကြီးက စာရွက်သပ်သပ်ပဲဖြစ်ပြီး ဘာ Accreditation မှ မသက်ရောက်တဲ့ ဘွဲ့မျိုးမဖြစ်စေဖို့ သေသေချာချာလေ့လာစုံစမ်းပါ။

ဂျင်း(၂)
နောက်တစ်မျိုးက Buy 1 Get 1 Promotion လိုမျိုးပဲ။ Program တစ်ခုတက် ဒီကပေးတဲ့ ဘွဲ့တစ်ခုရ၊ ဟိုကပေးတဲ့ ဘွဲ့တစ်ခုရ။ အဲဒါမျိုးက မရှိဘူးမဟုတ်ဘူး၊ ရှိပါတယ်။ ဒါပေမယ့် ဂျင်းထည့်တဲ့ ကျောင်းတွေက ဘာလုပ်လဲဆိုတော့ ဟိုဖက် နိုင်ငံတကာက ပေးတယ်ဆိုတဲ့ဟာက ဘွဲ့လက်မှတ်မဟုတ်ဘူး။ ကြည့်လိုက်ရင်တော့ ဘွဲ့လက်မှတ်လိုလိုပဲ။ ဒါပေမယ့် စာအရေးအသားမှာ လှည့်ကွက်ထည့်ထားတယ်။ ဘွဲ့ပေးတယ်ဆိုရင် များသောအားဖြင့် Award ပေါ့။ ဒါပေမယ့် အဲဒီလို မဟုတ်ဘဲ Congratulate လုပ်တဲ့ လက်မှတ်မျိုးပေးတာရှိတယ်။ ဘယ်သူ့သား၊ မောင်ဘယ်သူ၊ ဘယ်တက္ကသိုလ်က ဘာဘွဲ့ရတဲ့အတွက် Congratulate ပါပေါ့။ ဆိုတော့ကား ကိုယ်ရတဲ့စာရွက်က ဘွဲ့လက်မှတ်လား၊ ဂုဏ်ပြုလွှာလား ကွဲကွဲပြားပြား သိအောင် သေချာလေ့လာဖို့လိုပါတယ်။

ဂျင်း(၃)
ဒါကတော့ အဆိုးဆုံး။ ဘာ Accreditation မှ မရှိတဲ့ တက္ကသိုလ်အမည်ခံ လုပ်စားအဖွဲ့တွေဆီက ဘွဲ့လက်မှတ်ယူပေးတာ။ Degree Mill လို့ခေါ်တဲ့အဖွဲ့အစည်းတွေ။ ပိုက်ဆံပဲလိုတယ်။ လာသမျှ အပ်ချလောင်း ဘွဲ့ရစေသတည်း ဆိုတာမျိုး။

ဂျင်း (၄)
နောက်ပြီးတော့ ပြည်တွင်းကတက္ကသိုလ်တစ်ချို့ကြော်ငြာတာတွေ့တယ်။ သူတို့ တက္ကသိုလ်ကဖြင့် ဘယ်နိုင်ငံ၊ ဘာတက္ကသိုလ်ရဲ့ Accreditation ရထားတယ်ဆိုတာမျိုး။ တကယ်တမ်းတော့ Accreditation ဆိုတာမျိုးက တက္ကသိုလ်အချင်းချင်း ပေးလို့မရဘူး။ သူ့နိုင်ငံအလိုက်၊ ဒေသအလိုက် တရားဝင်ဖွဲ့စည်းထားတဲ့ Accreditation Body ကပဲ ပေးလို့ရတာ။ တက္ကသိုလ်တစ်ခုက တခြားတက္ကသိုလ်တစ်ခုကို Accreditation ပေးတယ်ဆိုတာ မြန်မာပြည်မှာပဲ ကြားဖူးတယ်။ တခြားနိုင်ငံကသူတွေသာ သိရင် ထူးထွေသည့် အံ့ရာသောဝ်ဆိုပြီး အံ့ဩဘန်း ရပ်သပ်ရှုမော ဖြစ်ကြမှာပဲ။ ဘယ်တက္ကသိုလ်ရဲ့ Accreditation ရထားတဲ့ ကျောင်းပါလို့ ဆိုလာရင်တော့ ဂျင်းဖြစ်နိုင်ခြေက ၉၉.၉၉ ပါ။

နည်းနည်းလေးထပ်ဖြည့်ရရင် Academic Position တွေကို ဘာသတ်မှတ်ချက်မှ မရှိ၊ အလျဉ်းသင့်သလို လက်သင့်ရာ ဆွဲခန့်နေကြတာ။ Lecturer, Assistant Professor, Associate Professor, Professor စတဲ့ Academic Title ရာထူးတွေဆိုတာမျိုးက သူ့စည်းမျဉ်း စည်းကမ်း၊ မူဘောင်သတ်မှတ်ချက်နဲ့မှ ပေးအပ်ရတာမျိုး။ သာမန် ကုမ္ပဏီတွေလိုမျိုး ယူနဲ့အိုင် အဆင်ပြေတယ်၊ ရာထူးက ပါမောက္ခ၊ လစာက ဘယ်လောက် နောက်နေ့ အလုပ်ဆင်းတော့ ဆိုတာမျိုး မဖြစ်ရဘူး။ ကိုယ့်ဘာသာ ကျောင်းထောင်၊ ကိုယ့်ဘာသာ ပါမောက္ခခန့်လိုက်လို့ မဖြစ်ဘူး။ ဟိုးအရင်က အခြေခံပညာရေးမှာ ဆွဲခန့် ဆရာ/ဆရာမတွေရှိလို့ ပြောကြတာရှိတယ်။ အခုကျ အဲဒီလို ဆွဲခန့် ဆရာ/ဆရာမတွေနဲ့ သင်တဲ့ အတန်းတွေကို ငွေတွေနင့်နေအောင် ပေးပြီးကို တက်ကြတော့တာ။ Private Uni တွေမှာ အဲဒီလို ပညာရပ်ရာထူးခန့်ဖို့ Regulatory Body တစ်ခု ရှိဖို့တော့လည်း လိုတာပေါ့လေ။

ရေးခဲ့တာတွေက စိတ်ကူးယဉ်ထားတာ တစ်ခုမှ မပါဘူး။ တကယ်လက်တွေကို တွေ့မြင်ကြားသိ ကြုံခဲ့ရတာတွေချည်းပဲ တန်းစီရေးထားတာ။ နောက်ထပ် ရေးစရာတွေလည်း ကျန်သေး။ ဒီလိုတွေ ရေးလို့ Private Uni အကုန် ဂျင်းလို့ မဆိုလိုဘူးနော်။ သူ့ဟာနဲ့သူ မှန်မှန်ကန်ကန် သွားနေတဲ့ Uni တွေလည်း ရှိမှာပေါ့။ သို့သော် ငါးပွက်ရာ ငါးစာချတဲ့ခေတ်ကြီးမှာ ဂျင်း Uni တွေလည်း ရှိပါတယ်လို့။

Nyein Wai

15/09/2024

- ဖုန်းခေါ်ရင် အားရဲ့လား စကားပြောလို့ရရဲ့လားမေး ...
- ဖုန်းချခါနီး ဖုန်းချတော့မယ်လို့ အသိပေး ...
- သူများအခန်းထဲဝင်လာမယ်ဆိုရင် ခွင့်တောင်းပြီးမှဝင် ...
- သီချင်းနားထောင်ရင် ကိုယ်တစ်ယောက်ထဲကြားလောက်ရုံပဲ နားထောင် ... Earphone သုံး ...
- တစ်ဖက်လူစကားပြောနေရင် ဆုံးတဲ့ထိ အရင် နားထောင်ပြီးမှ ကိုယ်ပြောချင်တာကို စပြော ...
- Library လိုနေရာမျိုးမှာ ဘာကိစ္စပဲရှိရှိ တိတ်တိတ်ဆိတ်နေ ...
- ကျေးဇူးတင်စရာရှိရင် မတုံ့မဆိုင်း ချက်ချင်းတင် ...
- အမှားလုပ်ထားရင် ချက်ချင်း ပြန်တောင်းပန် ...
- ရုပ်ရှင်ရုံမှာ ခြေထောက်ကို ငြိမ်ငြိမ်ထား ... ရှေ့ခုံကို မကန်နဲ့ ...
- ခုံတန်းရှည်မှာ ဘေးလူနဲ့ထိုင်ရင် ဒူးမလှုပ်နဲ့ ...
-လူကြားထဲ စတိုင်ကျသလိုလိုနှင့်ဆေးလိပ်တွေ ထထမဖွာနှင့် second smoker တွေဘဝကိုကိုယ်ချင်းစာပါ..ကိုယ်မလုပ်ပဲရောဂါခံရအောင်..ဖြစ်သင့်မဖြစ်သင့်တွေး..
-စားသောက်နေတဲ့လူတွေရှိတဲ့ဆိုင်မှန်သမျှ တဝေါ့ ဝေါ့ တထွီထွီ သလိပ်မဟပ်နှင့်..နှပ်မညှစ်နှင့်..နီတိထဲမှာ ဒါတွေပါတယ်..
ဒင်းတို့က ခေတ်နဲ့အညီ အထာလည်း ကျချင်သေးတယ် ...
ယဉ်ကျေးမှုက တစ်စက်မှ မရှိ ...
အထာကျတယ်ဆိုတာ သူများကို
စိတ်အနှောက်အယှက်မပေးဘဲ
နေထိုင်တတ်တာကို ခေါ်တယ် ...
ဗရမ်းဗတာ နေထိုင်ရင်
ဗရမ်းဗတာ ဘဝပဲရမယ် ...
သင် ပြုမူနေသမျှ အပြုအမူအားလုံးဟာ
သင့်ရဲ့ ယဉ်ကျေးမှုအဆင့်အတန်းပဲ ...
Credit

07/08/2024

❤️စိတ်ငြိမ်းချမ်းချင်ရင်
သူများတွေအကြောင်း သိပ်မတွေးနဲ့။
အသေးအဖွဲလေးတွေကို ပုံကြီးချဲ့မတွေးနဲ့။
If you want peace of mind,
don't spend too much time thinking about others.
Don't let your imagination exaggerate the trivial matters.

❤️စိတ်ငြိမ်းချမ်းချင်ရင်
ကိုယ်သွားရမယ့် လမ်းကြောင်းကို ရှင်းရှင်းမြင်အောင်ကြည့်။
ပန်းတိုင်ကိုရောက်အောင် အားစိုက်သွားပါ။
If you want peace of mind,
try to see clearly the path you need to take.
March forward with might and main till you reach your destination.

❤️စိတ်ငြိမ်းချမ်းချင်ရင်
အားချိန်မရှိလောက်အောင် အလုပ်များနေပါစေ။
အလုပ်များနေသူဟာ အဆိုးမြင်စိတ်တွေ ဝင်လာစေဖို့ အချိန်မရှိလို့ သူ့ စိတ်ဟာ ကြည်လင်နေတယ်။
If you want peace of mind,
keep yourself busy, so much so that it leaves you no free time.
As he has no time to let negative thoughts go through his mind, a busy person can stay pure-minded.

❤️စိတ်ငြိမ်းချမ်းချင်ရင်
မလိုတာတွေ မဝယ်နဲ့။
ကျန်းမာရေးနဲ့ ညီညွတ်တဲ့ စားသောက်နေထိုင်မှုပုံစံကို ကျင့်သုံး။
ခြိုးခြံချွေတာပါ။
If you want peace of mind,
don't buy unnecessary things.
Try to adopt a healthy lifestyle.
Try to lead a frugal life.

❤️စိတ်ငြိမ်းချမ်းချင်ရင်
ကိုယ်နဲ့မဆိုင်တဲ့ သူများတွေကိစ္စမှာ မပါမိအောင်ကြိုးစားပါ။
မဖိတ်ဘဲနဲ့ အိမ်လည်မသွားနဲ့။
မတောင်းတဲ့ အကြံကို မပေးပါနဲ့။
လူတွေကို ကူညီနိုင်သလောက် ကူညီလိုက်ပါ။
သူတို့ဆီကတော့ ဘာမှပြန်မမျှော်လင့်ပါနဲ့။
If you want peace of mind,
always try not to interfere in other people's private affairs.
Never visit someone's home uninvited.
Never offer unsolicited advice.
You may help people as much as you can,
but don't expect anything in return from them.

#မေတ္တာဖြင့်
#ဒေါက်တာစိုးသန်း
Picture credit - Pixabay

23/05/2023

ငွေရှာခြင်း

Myat MaHar

23/02/2025

31/10/2024

31/10/2024

15/09/2024

07/08/2024

23/05/2023

Address

Website

Alerts

Contact The School

Shortcuts

Share

Category

Listing takedown request