http://www.futureaccess.com.mm/

Future Access Education Service Center, No10 building 60 Mingalartaungnyut, Yangon (2026)

Q: What is the address?

No10 Building 60 Mingalartaungnyut

13/11/2023

English စာအတန်းသစ်လေးတစ်ခုနဲ့မိတ်ဆက်ပေးပါရစေရှင့်✍✍✍

ခုအတန်းလေးကတော့....
💠English စာကိုအခြေခံကစပြီးလေ့လာချင်သူများ

💠လူကြားထဲမှာရဲရဲဝံ့ဝံ့ပြောဆိုတတ်ချင်သူများ

💠ကလေးတွေကိုဘယ်လိုပြန်ပြီးလေ့ကျင့်သင်ကြားရမလဲဆိုတာသိချင်သူများ

💠Englishစကားလုံးတွေကိုအသံထွက်မှန်မှန်ကန်ကန်ထွက်တတ်ချင်သူများ

💠Phonicသင်ကြားပုံသင်ကြားနည်းလေ့လာချင်သူများနှင့်

💠Englishစာနဲ့ပတ်သတ်ပြီးသိသင့်တတ်သင့်သောအကြောင်းအရာများကိုပြန်လည်ဝေမျှပေးသွားမဲ့အတန်းလေးဘဲဖြစ်ပါတယ်ရှင့်

👉ဘယ်လိုတွေသင်ကြားမှာလဲ???
Zoom Meetingဖြင့် face to faceသင်ကြားပေးမှာဘဲဖြစ်ပါတယ်ရှင့်

👉ဘယ်ရက်တွေတက်ရမှာလဲ???
အလုပ်ပတ်ရုံးပိတ်ရက်တွေဖြစ်တဲ့...စနေနဲ့တနဂ်နွေရက်တွေမှာသင်ကြားပေးမှာပါနော်

👉ဘယ်ချိန်တွေသင်ရမှာလဲ???
ညနေ၆နာရီကနေ၈နာရီ ထိပါရှင့်

စိတ်ဝင်စားသူများ...messengerမှဆက်သွယ်စုံစမ်းမေးမြန်းနိုင်ပါတယ်ရှင်📲📲📲

်ခုမှာ၅ယောက်ဘဲသတ်မှတ်ထားတာမို့ပါ

14/09/2023

ကလေးလေးတို့ကို စာသင်လို့ သင်နေမှန်းမသိအောင် ကစားရင်းသင်ကြားပေးလို့ရတဲ့ သင်ထောက်ကူ ပစ္စည်းလေးတွေရဲ့အသုံးဝင်ပုံကိုလေ့လာကြည့်ကြရအောင်နော်🙋‍♀️

ကလေးလေးတို့အတွက်
✨Fine motor skill အတွက်လား
✨Right brain train ဖို့အတွက်လား
✨Problem solving skill ကောင်းဖို့အတွက်လား ✨Concentration ကောင်းကောင်းရစေချင်တာလား
✨Pretend play အတွက် ကစားစရာ ပစ္စည်း မျိုးစုံ

✔️လသားအရွယ်ကစပြီး ဖတ်လို့ရတဲ့ 📖 ပုံ ကြီးကြီးစာနဲနဲ ပုံပြစာအုပ် audio story book (အသံနားထောင်လို့ ရတဲ့ပုံပြင် စာအုပ်)

✔️Pre kg အရွယ် လေ့လာသင်ယူလို့ရတဲ့ words book စာအုပ်အမျိုးမျိုး၊ သင်ထောက်ကူ အမျိုးမျိုး

🦋ကလေးငယ်များ၏ ဖွံ့ဖြိုးတိုးတက်မှုကို အထောက်အကူပြုစေနိုင်သော (Educational Toys) လေးတွေနဲ့ဆော့ကစားပေးခြင်းဖြင့် ကလေးငယ်ရဲ့ ဦးနှောက်တစ်ခုလုံးကို ဟန်ချက်ညီညီနဲ့ မှန်မှန် ကန်ကန် ဖွံ့ဖြိုးတိုးတက်စေနိုင်ရုံမက Critical Thinking, ကလေးငယ်တို့အတွက် အရေးကြီးတဲ့ EQ, IQ မြင့်မားစေပါတယ်။

14/09/2023

ကလေးတွေရဲ့ ခန္ဓာကိုယ်ဖွံ့ဖြိုးမှု၊ သင်ယူလေ့လာနိုင်စွမ်းနဲ့ စိတ်ပိုင်းဆိုင်ရာ နားလည်သိကျွမ်းမှု တွေက သူတို့လေးတွေရဲ့ အသက်အရွယ်အလိုက် ဖြည်းဖြည်းချင်း ပြောင်းလဲတိုးတက်လာတာ ဖြစ်ပါတယ်။ ဒါကြောင့် ကလေးလေးတွေကို ပြုစုပျိုးထောင်တဲ့အခါမှာ သူတို့လေးတွေရဲ့ အသက်အရွယ်အလိုက် ဖွံ့ဖြိုးတိုးတက်လာပုံတွေကို သိရှိထားရင် ကလေးတွေကို ပိုနားလည်နိုင်ပြီး လိုအပ်တဲ့ အကူအညီတွေ ပေးနိုင်ဖို့ အထောက်အကူ အများကြီး ဖြစ်စေပါတယ်။ 🥰🥰

𝟏. 𝐍𝐞𝐰𝐛𝐨𝐫𝐧 (𝟎-𝟑 𝐦𝐨𝐧𝐭𝐡𝐬)
🤱 Newborn baby လေးတွေက မွေးကာစကနေ ၃ လအတွင်းမှာ Communication skill အတွက် အသံလာရာ ဘက်ကို ခေါင်းလှည့်ကြည့်နိုင်နေပါပြီ။ လူတွေကို ပြုံးပြတတ်လာပြီ ဖြစ်သလို မိဘတွေရဲ့ မျက်နှာကို စကြည့်ဖို့ ကြိုးစားနေချိန် ဖြစ်ပါတယ်။ Physical ပိုင်းအရ လက်မောင်းနဲ့ ခြေထောက်တွေကို သက်တောင့်သက်သာ စလှုပ်ရှားပါတယ်။

𝟐. 𝐈𝐧𝐟𝐚𝐧𝐭 (𝟑-𝟏𝟐 𝐦𝐨𝐧𝐭𝐡𝐬)
👶 ကလေးလေးတွေက ၄ လအရွယ်ကစလို့ သူတို့ဗိုက်ဆာတာ ၊ ဝမ်းနည်းတာ စတဲ့ မတူတဲ့ ခံစားချက်တွေကို မတူတဲ့ ငိုပုံငိုနည်းတွေနဲ့စတင် ဖော်ပြတတ်ပြီ ဖြစ်ပါတယ်။ Infant အရွယ်မှာ ကလေးတွေက လူစိမ်းကို ခွဲခြားတတ်ပြီ ဖြစ်သလို မိဘတွေနဲ့ ဆော့ကစားရတာကို ကြိုက်နှစ်သက်တတ်လာပါပြီ။၆ လအရွယ်မှာ ကလေးတွေက အကူအညီ မပါဘဲ စထိုင်တတ်ပါတယ်။ သူတို့ကိုယ် သူတို့ မှန်ပြန်ကြည့်ရတာကို သဘောတကျရှိတတ်ကြပါတယ်။ ၉ လအရွယ်ရောက်လာတာနဲ့ အသံတွေကို လိုက်တုတတ်လာသလို တခြားသူရဲ့ အမူအရာတွေကို လိုက်တုပ လာတတ်ပါြပီ။ လက်ချောင်းတွေကို သုံးပြီး အရာဝထ္ထုတွေကို ညွှန်ပြတတ် လာပြီ ဖြစ်ပါတယ်။ "No" ရဲ့ အဓိပ္ပါယ်ကို နားလည်စပြုလာပါပြီ။ တစ်ခုခုကို ကိုင်ပြီး မတ်တပ်ရပ် နိုင်သလို တွားသွား နိုင်ပြီ ဖြစ်ပါတယ်။

𝟑. 𝐓𝐨𝐝𝐝𝐥𝐞𝐫 (𝟏-𝟑 𝐲𝐞𝐚𝐫𝐬)
👶 ကလေးတွေက ၁ နှစ်အရွယ်ရောက်လာပြီဆိုရင် ရှက်တတ်တာ၊သူစိမ်းတွေနဲ့တွေ့ရင် ကြောက်တတ်တာ စတဲ့ ခံစားချက်တွေကို ခံစားတတ်လာပြီ ဖြစ်ပါတယ်။ Language ပိုင်းမှာ ဆိုရင် "mama" "dada" စတဲ့ စကားလုံးလေးတွေကို စတင်ပြောတတ်လာပါပြီ။ ခေါင်းခါတာ၊ လက်ဝှေ့ယမ်းပြီး နှုတ်ဆက်တာ မျိုးကို လုပ်နိုင်စပြုလာတဲ့အရွယ်ဖြစ်ပါတယ်။ခန္နာကိုယ် ဖွံ့ဖြိုးမှု အရ ဘာကိုမှ မကိုင်ထားဘဲ ခြေလှမ်းအနည်းငယ် စမ်းလျှောက်တတ်လာပါပြီ။ ကလေးလေးတွေက ၁ နှစ်ခွဲအရွယ်မှာဆိုရင် ကိုယ်တိုင် လမ်းလျှောက်နိုင်လာသလို ရေသောက်တာ၊ ဇွန်းကိုင်ပြီး ထမင်းစားတာ စတဲ့ နေ့စဉ်လုပ်ငန်းဆောင်တာ တွေကို ကိုယ်တိုင်ဆောင်ရွက်နိုင်စွမ်းရှိပါတယ်။ သူတို့နဲ့ ရင်းနှီးတဲ့ အထိန်းတွေနဲ့ အနေနီးတဲ့သူတွေ အပေါ် သူတို့ရဲ့ တွယ်တာမှု ကိုပြတတ်လာကြပါတယ်။ Language ပိုင်းမှာ ဆိုရင် 'single words' တော်တော်များများ ကိုပြောနိုင်လာပြီ ဖြစ်ပါတယ်။ တခြားသူတွေအပေါ် စတင် အတုခိုးလာတဲ့ အရွယ်ကတော့၂ နှစ်အရွယ် ဖြစ်ပါတယ်။ လွတ်လပ်မှု နဲ့ မိမိကိုယ်ကို အားကိုးလိုမှု ကို ပိုပိုပြလာတဲ့အရွယ် ဖြစ်တဲ့ အတွက် မိဘတွေက မလုပ်ရဘူးပြောထားရင် ပိုလုပ်ချင်တဲ့ အရွယ်ဖြစ်တဲ့အတွက် မိဘအုပ်ထိန်းသူတွေ အတွက် စိန်ခေါ်မှု တွေများပြားလေ့ရှိကြပါတယ်။ ၃ နှစ်အရွယ် ကလေးတွေက ခံစားချက်မျိုးစုံကို ပြတတ်လာသလို သူငယ်ချင်းတွေကို စတင်တွယ်တာလာတတ် ပါပြီ။ အမေ၊ အဖေနဲ့ စတင်ခွဲနိုင်လာတဲ့ အရွယ်ဖြစ်ပါတယ်။ စာကြောင်း ၂ ကြောင်းကနေ ၃ ကြောင်းအထိ တောက်လျှောက်ပြောနိုင် စွမ်း ရှိလာပါပြီ။

𝟒. 𝐏𝐫𝐞𝐬𝐜𝐡𝐨𝐨𝐥 𝐚𝐠𝐞 ( 𝟑-𝟒 𝐲𝐞𝐚𝐫𝐬)
👧 Preschool age ရောက်လာတဲ့အရွယ်မှာ ကလေးလေးတွေက သူငယ်ချင်းတွေနဲ့ ပူးပေါင်းဆောင်ရွက်တာ၊ အသစ်အဆန်းတွေကို လုပ်ကြည့်ရတာ ကိုကြိုက်နှစ်သက်လာတာ၊ Pretend Play ကစားရတာကို အရမ်းသဘောကျတတ်လာကြပါတယ်။ Stories တွေစ ပြောတတ်လာသလို သူတို့ဘာတွေကို ကြိုက်ပြီး၊ ဘာတွေကို စိတ်ဝင်စားတယ်ဆိုတာကို ကောင်းစွာဖော်ပြနိုင်လာပြီ ဖြစ်ပါတယ်။ Take turns လုပ်နိုင် လာတဲ့အရွယ်ဖြစ်သလို သူငယ်ချင်းတွေနဲ့ လူကြီးတွေကို လိုက်လံ တုပ လေ့ရှိကြပါတယ်။ Step သုံးဆင့်လောက် ပါတဲ့ instructions တွေကို နားလည်နိုင်လာပြီ ဖြစ်ပါတယ်။

𝟓. 𝐒𝐜𝐡𝐨𝐨𝐥 𝐚𝐠𝐞 ( 𝟒-𝟔 𝐲𝐞𝐚𝐫𝐬)
🧒 ကျောင်းစတက်တဲ့ အရွယ်ရောက်လာချိန်မှာ ကလေးတွေက gender ကွဲပြားမှုကို နားလည်နိုင်လာပါတယ်။ Rules တွေကို လိုက်နာတတ်လာပြီ ဖြစ်သလို မိမိကိုယ်ကို အားကိုးလာနိုင်မှု ကိုပိုမို ပြသနိုင် လာပြီ ဖြစ်ပါတယ်။ စကားကို ကျွမ်းကျင် ရေလည်စွာပြောနိုင် လာသလို နာမည်တွေ လိပ်စာတွေကို မှတ်သားလာနိုင်ကြပါတယ်။ နေ့စဉ်ဘဝမှာ အသုံးပြုနေကြဖြစ်တဲ့ ပိုက်ဆံ၊ အစားအစာ စတဲ့ အရာတွေ အကြောင်းကို နားလည်စပြုလာတဲ့ အရွယ် ဖြစ်ပါတယ်။ ကျောင်းစတက်တဲ့ အရွယ်က ကလေးတွေကို 'safe touch' , 'good touch', 'bad touch' စတဲ့ sexual awareness ကို သေချာရှင်းပြ ပြောပြပေးဖို့ အချိန်ကောင်းဖြစ်ပါတယ်။ မိဘတွေအနေနဲ့ ကလေးတွေနဲ့ အတူ ပတ်ဝန်းကျင်မှာ observation အတူလိုက်လုပ်ပေးတာ၊ သူငယ်ချင်းတွေနဲ့ play date ခေါ်သွားပေးတာ၊ ကလေးတွေကို ကိုယ်တိုင်ရွေးချယ်ခွင့်ပေးတာ၊ မိဘရဲ့ သင့်တင့်လျောက်ပတ်တဲ့ အုပ်ထိန်းမှုအောက်မှာ လွတ်လပ်မှုပေးတာ၊ ပြသနာတစ်ခုကြုံလာရရင် ဖြေရှင်းနိုင်ဖို့ နည်းလမ်းတွေကို စဉ်းစားတတ်အောင် လမ်းစဖွင့်ပေးတာမျိုး တွေ လုပ်ပေးခြင်းအားဖြင့် ကလေးတွေရဲ့ emotional quotient ကို ပျိုးထောင် မြှင့်တင်ပေးလို့ ကောင်းတဲ့ အရွယ် ဖြစ်ပါတယ်။

13/09/2023

🏠 𝗠𝗼𝗻𝘁𝗲𝘀𝘀𝗼𝗿𝗶
မူကြိုရယ်လို့ ပြောလိုက်တဲ့အခါမှာ ဟိုးအရင့်အရင်က ကျောင်းကြီး "မူ"လတန်း မတက်ခင်မှာ abcd ကကြီးခခွေး "ကြို"သင်တဲ့နေရာလို့ အများစုက သတ်မှတ်တတ်ကြပါတယ်၊ ဒီဘက်ခေတ် မိဘတွေက ခေတ်မီပညာရေးစနစ်နဲ့ အကျွမ်းတဝင်ရှိလာတဲ့အခါမှာတော့ မူကြိုဆိုတာ စာကြိုသင်ဖို့မဟုတ်ဘဲ ကလေးတွေရဲ့ ကာယ၊ ဉာဏတိုးတက်မှုကို အထောက်အပံ့ဖြစ်စေဖို့ဆိုတာ နားလည်လာကြပါတယ်

တကယ်တမ်းတော့ မူကြိုပညာရေး (Early Childhood Education) ကို ချဉ်းကပ်ပုံ အမျိုးမျိုးရှိပါတယ်၊ Waldorf (Steiner)၊ Reggio Emilia၊ Montessori၊ Nature School (Forest School)တွေကတော့ လူသိများတဲ့ ချဉ်းကပ်ပုံတွေဖြစ်ပြီး နည်းလမ်းတိုင်းမှာ အားသာချက်၊ အားနည်းချက် ကိုယ်စီရှိကြပါတယ်။ ဥပမာအားဖြင့် Waldorf နည်းလမ်းက စိတ်ကူးဉာဏ်ကွန့်မြူးမှုကို အားပေးပြီး Reggio က အသင်းအဖွဲ့၊ လူမှုအသိုက်အဝန်းစိတ်ဓာတ်ကို အလေးပေးတဲ့ ပရောဂျက်အခြေခံ လေ့လာပုံမျိုး ဖြစ်ပါတယ်။

Montessori ချဉ်းကပ်ပုံဆိုတာကတော့ Maria Montessori ဆိုတဲ့ အီတလီနိုင်ငံရဲ့ အမျိုးသမီးဆရာဝန်တစ်ဦး တည်ထောင်ခဲ့တဲ့ ချည်းကပ်ပုံပါ၊ ၁၈၉၆ခုနှစ်မှာ ဆေးပညာဘွဲ့ရခဲ့တဲ့ Montessoriဟာ ၁၈၉၇ခုနှစ်မှာ ရောမတက္ကသိုလ် (University of Rome)ရဲ့ စိတ်ကျန်းမာရေးဆေးခန်းမှာ စေတနာ့ဝန်ထမ်းအဖြစ် လုပ်ကိုင်ခဲ့ပါတယ်။ ရောမမြို့က စိတ်ကျန်းမာရေးဆေးရုံလိုနေရာတွေကို လေ့လာခဲ့ပြီး ပညာသင်ယူဖို့ စိတ်ပိုင်းဆိုင်ရာ အခက်အခဲရှိတဲ့ ကလေးတွေကို စူးစမ်းဖြစ်ခဲ့တာဟာ အခုကျွန်မတို့သိတဲ့ Montessori မူကြိုပညာရေးချဉ်းကပ်ပုံရဲ့ ကနဦးအစဖြစ်ခဲ့တာပါပဲ။

ကလေးတွေ အဆင်ပြေပြေပညာသင်နိုင်ဖို့ အမြဲဦးဆောင်အသံထွက်ပေးတဲ့ Montessoriဟာ ၁၉၀၇ခုနှစ်မှာတော့ သူ့ရဲ့ ပထမဆုံးမူကြိုလို့ဆိုနိုင်မယ့် ကလေးတွေရဲ့ အသိုက်အမြုံတစ်ခုကို ဖန်တီးနိုင်ခဲ့ပါတယ်။ ကလေးတွေက ၂နှစ်၃နှစ်နဲ့ ၆နှစ်၇နှစ်ကြားတွေဖြစ်ပြီး အဲဒီကလေးတွေရဲ့ သင်ယူနိုင်စွမ်း၊ လေ့လာနိုင်စွမ်းတွေကို စနစ်တကျ မှတ်တမ်းပြုစုပြီး Montessori နည်းလမ်းကို ထူထောင်ခဲ့တာဖြစ်ပါတယ်။

ဒီအသိုက်အမြုံဟာ အထူးအောင်မြင်ခဲ့ပြီး ၁၉၀၉နောက်ပိုင်းမှာ Montessori နည်းလမ်းကို နိုင်ငံတကာမှာပါ လူသိများလာခဲ့ပါတယ်၊ သမားရိုးကျ မူကြိုပညာရေးနဲ့ Montessori ချဉ်းကပ်ပုံမှာ အဓိက ကွာခြားချက်တွေကတော့

🌱 ကလေးတွေကို အသက်နဲ့ အတန်းမခွဲဘဲ (၃နှစ်တစ်ဖြတ်) ရောထားပါတယ်

မွေးစကနေ ၃နှစ်တွေကို တစ်ဖြတ်၊ ၃နှစ်ကနေ ၆နှစ်ကို တစ်ဖြတ်၊ ၆နှစ်ကနေ ၉နှစ်ကိုတစ်ဖြတ် စသဖြင့် ရောထားပြီးတော့ Maria Montessori ပထမဦးဆုံး သုတေသနလုပ်ခဲ့တဲ့ အရွယ်ဖြစ်တဲ့ ၃နှစ်ကနေ ၆နှစ်မူကြိုတွေကတော့ နိုင်ငံတကာမှာ အရေအတွက်အားဖြင့် အများဆုံးပါပဲ။ ဒီလိုရောထားခြင်းအားဖြင့် ကလေးအငယ်တွေက အကြီးတွေဆီက သင်ယူနိုင်တာကြောင့် သင်ယူနှုန်း ပိုမြန်ပါတယ်။ အကြီးတွေကလည်း သူတို့ လုပ်တတ်ကာစအရာတွေကို အငယ်တွေရှေ့မှာ ထပ်ကာထပ်ကာလုပ်ပြချင်ကြတာကြောင့် ပိုကျွမ်းကျင်ပြီး ကိုယ့်ကိုယ်ကိုယ်ယုံကြည်မှု တိုးပါတယ်။

🌱 သင်ထောက်ကူတွေကို Montessori ပစ္စည်းသီးသန့် သုံးပါတယ်

Montessori ပစ္စည်းဆိုတာက Maria Montessori ကိုယ်တိုင် လေ့လာသုတေသန လုပ်ပြီး ထွင်ခဲ့တဲ့ သင်ကြားရေး ကိရိယာတွေကို ပြောတာပါပဲ၊ လူကြီးတွေအမြင်မှာ ဘာမှ ထူးခြားတဲ့ အရာတွေ မဟုတ်လှပေမဲ့ အတိုင်းအထွာ၊ အရောင်၊ နေအထား၊ အထိအတွေ့တွေအကုန်လုံးကို ကလေးတွေ အကောင်းဆုံးသင်ယူနိုင်အောင် တီထွင်ထားတဲ့ ပစ္စည်းတွေဖြစ်တာကြောင့် ကလေးတွေရဲ့ လေ့လာတိုးတက်မှုပုံစံက အထူးထိရောက်ပါတယ်

Montessori ပစ္စည်းတွေမှာ ဓာတ်ခဲသုံးရတာတွေ၊ မီးလင်းတာမျိုးတွေမပါဘဲ အတတ်နိုင်ဆုံး သစ်သား၊ စက္ကူ၊ အဝတ်စသဖြင့် သဘာဝပစ္စည်းတွေကိုပဲ သုံးပါတယ်။ (ကြားဖြတ်ပြောချင်တာက ဒီပစ္စည်းတွေကို အတိအကျ လိုက်နာပြီး သုံးစွဲရတာကြောင့် Montessori ကျောင်းတွေက ကုန်ကျစရိတ်ပိုများတတ်ပါတယ်)

🌱 ကလေးအားလုံးအတွက် တူညီတဲ့သင်ရိုးဆိုတာ မရှိပါဘူး

သမားရိုးကျ မူကြိုတွေမှာ သင်ခန်းစာအစီအစဉ် (lesson plan) တွေက ဒီနေ့ အားလုံး ဝလုံးရေးကြမယ်၊ ကကြီးရေးကြမယ်ဆိုတာမျိုး မဟုတ်ဘဲနဲ့ မောင်မောင်က ဒီနေ့ a နဲ့ b ရဲ့ အသံထွက်ကိုမှတ်တယ်၊ စုစုက ဒီနေ့ 1, 10, 100 ကွာခြားတာကို လေ့လာတယ်၊ နီနီက သော့ခလောက်တွေ အဖွင့်အပိတ်လုပ်ကြည့်တယ်၊ အောင်အောင်က ကမ္ဘာ့မြေပုံက တိုက်ကြီးတွေအကြောင်း စသင်တယ်၊ အဲဒီလို တစ်ယောက်ချင်းစီ ဒီနေ့အဖို့ စိတ်ဝင်စားရာကို လုပ်ကြတာပါ။

ကလေးတွေက စိတ်ဝင်စားတာကို လုပ်တာဖြစ်တဲ့အတွက် ပိုပြီး အာရုံစူးစိုက်မှုကောင်းပါတယ်၊ ဒီနေရာမှာ "သူတို့လုပ်ချင်တာပဲ လုပ်နေရင် စာဘယ်တတ်တော့မလဲ"ဆိုတဲ့ သံသယမေးခွန်းမျိုး ရှိလာနိုင်ပါတယ်၊ ဒီအတွက်အဖြေက အခန်းထဲက လမ်းညွှန် (guide) တွေရဲ့ လေ့လာမှုအားပါပဲ။ (Montessori အသုံးအနှုန်းအတိုင်း အတိအကျသုံးရင် teacher လို့ မခေါ်ဘဲ guide လို့ ခေါ်ရပါတယ်၊ မြန်မာလိုတော့ အားလုံးနားလည်အောင် လမ်းညွှန်ဆရာမလို့ပဲ သုံးလိုက်ပါမယ်) လမ်းညွှန်ဆရာမတွေဟာ ကျောင်းသားတစ်ယောက်ချင်းရဲ့ တိုးတက်မှုနှုန်းကို နေ့စဉ်မှတ်တမ်းတင်ပြီး သင်ခန်းစာတစ်ခု / ကိရိယာတစ်ခုကို ကျွမ်းကျင်ပြီလို့ သတ်မှတ်တဲ့အခါ နောက်တစ်ဆင့်ကို တက်ဖို့ ဖိတ်ခေါ်ရပါတယ်၊ အလွယ်ဆင့် အားလုံးကို တတ်ပြီးသားကလေးဟာ တစ်ချိန်ချိန်မှာ ပိုခက်တာတွေကို လုပ်ကို လုပ်ချင်လာပါတယ်၊ အဲဒီအချိန်မှာ မိတ်ဆက်ပြသပေးဖို့က လမ်းညွှန်ဆရာမတွေရဲ့ တာဝန်ဖြစ်ပါတယ်။

🌱 စာသင်ခန်းမှာ ကလေးဦးရေများပြီး ဆရာမဦးရေနည်းပါတယ်

Montessori နည်းစနစ်ကို အတိအကျ လိုက်နာမယ်ဆိုရင် AMI စံနှုန်းအရ စာသင်ခန်းတစ်ခန်းမှာ ကလေး ၂၄ယောက်ကနေ ၃၅ယောက်ကြားရှိရပြီး AMS စံနှုန်းအရ ကလေး၂၀ကနေ ၃၀ကြားရှိရပါတယ်။ လမ်းညွှန်ဆရာမနဲ့ လက်ထောက်လမ်းညွှန်ဆရာမတွေ ဦးရေက ၃ယောက်ထက် မပိုရပါဘူး။

ဒီစံနှုန်းက ကလေးနည်းနည်း၊ ဆရာမ များများမှ ကလေးတွေကို ဂရုစိုက်နိုင်တယ်လို့ ယူတဲ့ မိဘတွေအတွက်တော့ အဆင်မပြေလှပါဘူး။ Montessori ချဉ်းကပ်ပုံဘက်က အယူအဆကကျ ဒီလောက်များများရှိမှ ကလေးတွေဟာ လူမှုဆက်ဆံရေးဖွံ့ဖြိုးနိုင်တယ်လို့ ယူဆတာပါ။ နောက်တစ်ချက်က အခန်းထဲမှာ လူကြီးတွေများနေတာဟာ ကလေးတွေ အာရုံစူးစိုက်မှုအတွက် အနှောင့်အယှက်ဖြစ်တယ်လို့ Montessori နည်းစနစ်က ဆိုပါတယ်။

တခြားမတူတာလေးတွေရှိသေးပေမဲ့ ဒါကတော့ Montessori မူကြိုနဲ့ သမားရိုးကျ မူကြိုကြား အသိသာဆုံး ကွဲပြားတဲ့အချက်တွေပါ။ Montessori နည်းစနစ်ဆိုတာ မူကြိုပညာရေးကို ချဉ်းကပ်ပုံတွေထဲက တစ်ခုဖြစ်တာကြောင့် တခြားနည်းလမ်းတွေလိုပဲ အားသာချက်၊ အားနည်းချက်ရှိမှာပါပဲ။ ဒါကြောင့် Montessori နည်းလမ်းကို စိတ်ဝင်စားတဲ့ မိဘတွေအနေနဲ့ ဒီနည်းလမ်းက ကိုယ့်ကလေးအတွက် တကယ်အဆင်ပြေနိုင်မလားဆိုတာကို စဉ်းစားဆုံးဖြတ်ပြီးမှ Montessori မူကြိုတွေကို ပို့သင့်ပါတယ်။

13/09/2023

👶🌍ကလေးငယ်တွေရဲ့ စွန့်စားမှုများ🌈
လသားအရွယ်ကလေးလေးတွေက အိမ်အပြင်ထွက်လို့ရပါ့မလား? (ဒါမှမဟုတ်) အိမ်မှာနေတာက ပိုကောင်းမလား? ဆိုတဲ့ခေါင်းစဥ်လေးနဲ့အတူ Smart Parents Talk လေးပြန်လာပါပြီရှင့်🎉

🎉 ''ပထမနှစ်မှော်ပညာ''လို့ခေါ်တဲ့ ဘဝရဲ့ပထမဆုံးသောနှစ်ဟာ ကလေးရဲ့အာရုံခံဖွံ့ဖြိုးမှုတွေ အပြောအဆို နဲ့ ဘာသာစကားသင်ယူမှုတွေဖြစ်ပါတယ်....
လူမှုဆက်ဆံရေးအပိုင်းမှာတော့ စိတ်ခံစားမှုဆိုင်ရာစွမ်းရည်များဖွဲ့စည်းခြင်းက အရေးကြီးပါသည်။
ဒီအကြောင်းလေးတွေမပြောပြခင် လသားအရွယ်ကလေးလေးတွေက အပြင်ထွက်လို့ရလား (ဒါမှမဟုတ်) အိမ်ထဲမှာပဲနေသင့်သလား။ 🏡 ✨ဆိုတဲ့မေးခွန်းလေးဆီပြန်သွားလိုက်ရအောင်နော်....

✨''Outdoor Exploration and Play'' လို့ခေါ်တဲ့ အာရုံခံစားမှု ၊ ဖွံ့ဖြိုးတိုးတက်မှု နဲ့ လူမှုဆက်ဆံရေးတွေမှာ စိတ်ခံစားမှုဆိုင်ရာ စွမ်းရည်တွေကိုဖွဲ့စည်းပြီးတော့
🤹‍♂️ - စကားပြော နဲ့ ဘာသာစကား သင်ယူမှုအနေနဲ့ 🗣️ အပြင်ထွက်တာက မေမေတို့ရဲ့ စိတ်ကျန်းမာရေးအတွက်လည်း ကောင်းပါတယ်။

👣 သတိပြုရန်ကတော့
- စိတ်ချလုံခြုံရတဲ့ ဘေးပတ်ဝန်းကျင်လေးဖြစ်ဖို့လိုပါတယ်
- နေရောင်ခြည်နှင့် ခြင်ကိုက်ခြင်းမှ ကာကွယ်ဖို့မမေ့နဲ့ဦးနော်☀️🦟
- ညစ်ပတ်တဲ့နေရာတွေကို ရှောင်ရှားပြီး ကလေးရဲ့ရေဓာတ်ကိုလည်း ထိန်းထားပေးရပါမယ် 💦

Adamလေးကတော့ မွေးကင်းစအရွယ် ရက်သတ္တပတ်ကတည်းက မိဘတွေနဲ့အတူ အပြင်ထွက်ခဲ့တယ်... People's Park နှင့် Yangon Zoo တို့က သူ့အကြိုက်ဆုံးနေရာများလည်းဖြစ်ပါတယ်....🦒💬 အပြင်ထွက်ချိန်တွေမှာလည်း သူ့ရဲ့ လူမှုဆက်ဆံရေးစွမ်းရည်တွေတိုးတက်လာပုံက တစ်နေ့နဲ့တစ်နေ့မတူတဲ့ အံ့ဩစရာတွေ လုပ်နေရသလိုပါပဲရှင်

13/09/2023

👉 ဒီတစ်ခါ ပြောပြပေးသွားမယ့် အကြောင်းအရာလေးကတော့ ကလေးငယ်လေးတွေရဲ့ ကြိုးစားအားထုတ်မှုလေးတွေကို Praise and Encourage လုပ်ပေးခြင်းအကြောင်းလေးပဲဖြစ်ပါတယ်။ ကလေးတွေဟာ သူတို့ကြိုးစားအားထုတ်ထားတဲ့ အကြောင်းအရာ သေးသေးလေးသော်လည်းကောင်း၊ အကြီးကြီးသော်လည်းကောင်း ချီးကျူးပြောဆိုခံလိုက်ရတဲ့ အခါမှာ နောက်တစ်ဆင့်ကို တက်ဖို့ ဘယ်သူမှ တိုက်တွန်းစရာမလိုပဲ အလိုလို ရှေ့ဆက်သွားတတ်ကြပါတယ်။

🌟 ‘ဝ’လုံးကလေး ရေးတတ်သွားပြီလို့ ဝမ်းပန်းတသာ ချီးကျူးခံလိုက်တဲ့ အချိန်မှာ ‘က’ ကြီးကို အတင်းရေးခိုင်းစရာ မလိုတော့လောက်အောင် သူက အားတတ်သရော ဖြစ်သွားပါလိမ့်မယ်။ အရွယ်ရောက်နှင့်ပြီးသား လူတစ်ယောက်အတွက် ဘေးကနေ လက်ခုပ်တီးပေးမယ့်သူ အနည်းဆုံး တစ်ယောက်ပဲ ရှိနေရင်တောင် လုပ်လက်စကို အဆုံးသတ်ဖို့ ‘ အား’ ဖြစ်သွားစေပါတယ်။ ဒါကြောင့် ကလေးငယ်လေးတွေရဲ့ ကြိုးစားအားထုတ်မှုတိုင်းအတွက် Praise and Encourage လုပ်ပေးဖို့ ကလည်း ကလေးငယ်လေးတွေကို လမ်းကြောင်းမှန်ပေါ်ရောက်အောင် ပြုစုပျိုးထောင်ပေးတဲ့နေရာမှာ အရမ်းကို အရေးကြီးပါတယ်။

🌟 ဒီထဲမှာမှ Praise (ချီးကျူးခြင်း) နဲ့ Encourage (အားပေးခြင်း) ဆိုတဲ့ Words နှစ်ခုကြား ဘာတွေကွာခြားသွားသေးလဲဆိုတာကို တီချယ်မြင်မိသလောက်လေး မျှဝေပေးသွားချင်ပါတယ်။ Praise က အလုပ်ပြီးမြောက်ခြင်းကို ချီးကျူးတာပါ။ Encourage ကကျတော့ အလုပ်ပြီးမြောက် သွားစေတဲ့ သူ့ရဲ့ ခွန်အားစိုက်ထုတ်မှုကို ချီးကျူးပေးတာပါ။

🌟 ငါးရုပ်လေးဆွဲပြီး အရောင်ခြယ်ထားတဲ့ ပုံကို လာပြတဲ့အခါ အသိအမှတ်ပြုရုံလေး ‘Good Job’ ‘ သားက အရမ်းတော်တာပဲ’ လို့ Praise လုပ်ပေးလိုက်ရုံနဲ့ ကလေးက အဲ့လိုပုံလေးတွေအပြင် နောက်ထပ်ဆန်းသစ်တဲ့ ပုံလေးတွေ ထပ်ဖြစ်လာဖို့ အကြံရလာမှာ မဟုတ်ပါဘူး။ တကယ်လို့သာ အရောင်ခြယ်ထားတဲ့ ငါးပုံလေးကို သေချာကြည့်ပြီး ချီးကျူးရုံအပြင် ဖြည့်စွက်ထပ်ဆွဲလို့ရတဲ့ အကြံဉာဏ်လေးတွေကိုပါပေးဖြစ်ရင် သူ့ရဲ့ အလုပ်ပြီးမြောက်သွားမှုကို လေးစားရာရောက်ပါတယ်။ ‘ ငါးကလေးက နီယို Fish လေးနဲ့ တူလိုက်တာ၊ ဒီငါးလေးဆွဲဖို့ သားဘယ်လိုစိတ်ကူးမိသွားတာလဲ? ဟောဒီဘေးနားမှာလဲ ရေညှိမြက်ကလေးတွေဆွဲထားသေးတယ်… အဲ့ဒါလေးတွေရဲ့ နောက်ထဲမှာ နောက်ထပ် ငါးကလေးတွေ ပုန်းနေသေးသလား? နောက်ထပ် ငါးလေးတွေ ထပ်ရှိနေရင် အရမ်းကောင်းမှာပဲနော်။ သူ အဖော်ရသွားတာပေါ့’ ဆိုတဲ့ စကားလုံးလေးတွေနဲ့ ပြောဆိုလိုက်တာ မျိုးကိုတော့ Encourage လုပ်ပေးတယ် လို့ဆိုပါတယ်။ ဒါဆိုရင်တော့ ကလေးလေးဟာ နောက်ထပ်ဆန်းသစ်တဲ့ Ideas လေးတွေနဲ့ ပန်းချီကားအသစ်လေးတွေကို ထပ်မံဖန်တီးပြီး စိတ်ကူးယဉ် ပုံပြင်လေးတွေ အများကြီး ထပ်ပြောပြလာတော့မှာပဲ ဖြစ်ပါတယ်။ အလုပ်တစ်ခု ပြီးမြောက်သွားခြင်းကို Praise လုပ်ပေးလိုက်တာက သူတို့လေးတွေကို Motivate ဖြစ်စေပါတယ်။ ဒါပေမဲ့ Encourage လုပ်ပေးလိုက်ခြင်းကတော့ သူတို့လေးတွေကို လက်ရှိကြိုးစားနေတာထက်ပိုပြီး Try Hard ဖြစ်စေပါတယ်နော်။ ပြီးတော့ Encourage လုပ်ပေးခြင်းဟာ ကလေးငယ်လေးတွေရဲ့ ကိုယ့်ကိုယ်ကို ယုံကြည်မှုတည်ဆောက်ပေးတဲ့နေရာမှာ Praise လုပ်ပေးတာထက် ပိုပြီး ထိရောက်ပါတယ်။

🌟 Overpraising လုပ်ပေးတာကတော့ ကလေးငယ်လေးတွေကို အချင်းချင်းပါဝင်ကူညီပေးဖို့ထက် ယှဉ်ပြိုင်အနိုင်ရစေတဲ့စိတ်ကို ပိုပြီးဖြစ်စေပါတယ်။ ကလေးငယ်လေးတွေရဲ့ ကြိုးစားအားထုတ်မှုတိုင်းမှာ Praise and Encourage နှစ်ခုလုံးကတော့ မိဘတွေအနေနဲ့ မမေ့မလျော့ ပြုလုပ်ပေးဖို့လိုအပ်ပါတယ်။ ဒါလေးတွေကတော့ Praise and Encourage ရဲ့ differences လေးတွေကို ပြောပြပေးထားတာပါ။ ဒါကြောင့် ကလေးငယ်လေးတွေကို ပြုစုပျိုးထောင်ပေးတဲ့ အခါမှာ Words တစ်ခုချင်းစီတိုင်းရဲ့ အဓိပ္ပါယ် နဲ့ ထိရောက်တဲ့ အသုံးချုနည်းတွေကို သိရှိစေဖို့ ရည်ရွယ်ရင်း အနာဂါတ်ရဲ့ လူတော်၊ လူကောင်းလေးတွေကို မွေးထုတ်ပေးနိုင်ကြပါစေလို့ A Teacher's View မှ ဆန္ဒပြုလိုက်ရပါတယ်ရှင်။ 🥰🥰

05/09/2023

ဟုတ်ကဲ့....အနုပညာနဲ့ပတ်သတ်ရင်အရမ်းဝါသနာပါတဲ့မေမေ့ချစ်ဆုံးလေး....photo shotting timeလေးမှာဘယ်လောက်တောင်ပျော်ရွှင်နေလဲဆိုတာ....သဘာဝကျပြီးအသက်ဝင်လှတဲ့အပြုံးချိုလေးတွေကသက်သေတည်နေလျက်ပါ...😍😍😍

ဒီထက်ပိုကောင်းမွန်တဲ့ဘဝလေးပေးနိုင်အောင်မေမေကြိုးစားနေသလို......သားသားဖြစ်ချင်တာတွေအတွက်ဘက်ပေါင်းစုံကနေအကောင်းဆုံးsupportလုပ်ပေးနေမယ်နော်

30/08/2023

ကလေးတွေကို ငယ်စဉ်ကတည်းက လေ့ကျင့်ပျိုးထောင်ပေးရမယ့်အထဲမှာ အောက်ပါအချက်တွေကို ထည့်သွင်းလေ့ကျင့်ပေးဖို့ လိုအပ်ပါတယ်။

- မျှတစွာ ယှဉ်ပြိုင်တတ်ခြင်း။

- အရှုံးကို ရဲဝင့်စွာ လက်ခံတတ်ခြင်း။

- အမှန်အမှားကို ခွဲခြားသိမြင်တတ်ခြင်း။

- ကိုယ်ချင်းစာတရား ထားတတ်ခြင်း။

- အလှည့် စောင့်ဆိုင်းတတ်ခြင်း။

- လူ့ကျင့်ဝတ် စောင့်ထိန်းတတ်ခြင်း။

- အချင်းချင်း အပြန်အလှန်လေးစားမှု ထားတတ်ခြင်း။

- အရည်အချင်းရှိမှ နေရာရနိုင်မယ်ဆိုတာကို သိရှိလက်ခံတတ်ခြင်း။

- ကာကွယ်စောင့်ရှောက်ရမယ့်အရာတွေကို ကိုယ်တိုင်ကာကွယ်စောင့်ရှောက်ရမယ်ဆိုတဲ့ အသိထားတတ်ခြင်း။

- စည်းကမ်းလိုက်နာတတ်ခြင်း၊ စည်းစနစ်ကျနစွာ လုပ်ဆောင်တတ်ခြင်း။

- မှန်ကန်ကောင်းမွန်စွာ ဦးဆောင်နိုင်စွမ်းရှိအောင် ကြိုးစားတတ်ခြင်း။

အဲဒါတွေကို ဘယ်အရွယ်က စသင်ရမလဲ ဆိုရင် Early Year ကတည်းက စရပါမယ်။ ဒါ့ကြောင့် ကျမတို့ Early Year Educatorတွေအနေနဲ့ ပိုအားစိုက်ပေးဖို့လိုပါတယ်။

မူကြိုကျောင်းတွေအနေနဲ့လည်း စာပေသင်ကြားရေးတစ်ခုတည်းမဟုတ်ဘဲ ဘဝအစောပိုင်းကာလငယ်စဉ်ဘဝကတည်းက ရရှိရမယ် ဖွံ့ဖြိုးမှုနယ်ပယ်တွေကို နေ့စဉ်လေ့ကျင့်ပျိုးထောင်ပေးဖို့လိုပါတယ်။

မိဘတွေအနေနဲ့ကလည်း ကိုယ့်ကလေးငယ်တွေရဲ့ နေ့စဉ်သင်ယူမှုအခြေအနေတွေကိုလေ့လာစောင့်ကြည့်ပြီး အတူပူးပေါင်းပါဝင်ပေးဖို့ လိုပါတယ်။ ကျောင်းမှာလေ့ကျင့်သင်ကြားပေးတဲ့ လူမှုစည်းကမ်းတွေကို အိမ်မှာလည်း တူညီစွာ လုပ်ဆောင်စေခြင်းဖြင့် ကလေးတွေကို ပိုမိုတိုးတက်စေပါလိမ့်မယ်။

"ကလေးပဲ အခုမှ ငယ်ငယ်လေးရှိသေးတာ ဘာသိမှာလဲ" ဆိုတတ်သူများကို လိုတိုရှင်းပြဖြေပြရရင်
"ငယ်ငယ်လေးရှိသေးတာဖြစ်ပေမယ့် လူကြီးတွေမတွေးမိလောက်တဲ့ သင်ယူနိုင်စွမ်းတွေ ရှိပါတယ်။"
"ငယ်ကတည်းက ကောင်းမှုဘာမှမသိရင် ကြီးလာတဲ့အခါလည်း ကောင်းကျိုးဘာမှမသိတော့ပါဘူး"
ဘာ့ကြောင့်လဲဆိုရင် ငယ်စဉ်ဘဝအစအရွယ် (Early Year) ကိုယ်ဝန်ဆောင်ကာလ(0age) မှ ၅နှစ်အရွယ်အတွင်းမှာ လူသားတစ်ယောက်ရဲ့ ဦးနှောက်ဖွံဖြိုးမှု ၉၀% လောက်အထိပြီးမြောက်သွားပြီဖြစ်ပါတယ်။

ဒါ့ကြောင့် ကျမကျောင်းမှာတော့
- မကြာခဏပြိုင်ပွဲငယ်လေးတွေ လုပ်ပေးပါတယ်။ ပြိုင်ပွဲစည်းကမ်းလေးတွေချမှတ်ပေးပါတယ်။ မျှတစွာ ယှဉ်ပြိုင်‌တတ်အောင် လေ့ကျင့်ပေးပါတယ်။

- အနိုင်ရသွားတဲ့အခါ ပြိုင်ဘက်ကိုလှောင်ပြောင်ပျက်ရယ်ပြုခြင်းမလုပ်ရကြောင်း၊ ရှုံးသွားတဲ့အခါ ပြိုင်ဘက်ကို ရန်မလုပ်သင့်ဘဲ အရှုံးကို ရဲရဲဝင့်ဝင့်လက်ခံနိုင်အောင်လုပ်ရမည်ဖြစ်ကြောင်း၊ နောက်တစ်ကြိမ်ထပ်ပြီးကြိုးစားယှဥ်ပြိုင်ဖို့ လုပ်နိုင်စွမ်းရှိကြောင်း စသည်ဖြင့် တီချယ်များက အားပေးရင်း လေ့ကျင့်ပျိုးထောင်ပေးပါတယ်။
Try your best!
You can do it!

- ကလေးတွေဖြစ်တဲ့အတွက် မကြာခဏ ‌ပစ္စည်းလုခြင်း၊ နေရာလုခြင်းတွေ ကြုံရလေ့ရှိပါတယ်။ ထိုအချိန်မျိုးမှာတော့ လုတဲ့သူက မှားကြောင်း၊ အလုခံရတဲ့သူကို တောင်းပန်ရမည်ဖြစ်ကြောင်း၊ သူငယ်ချင်းလက်ထဲကလိုချင်တာရှိလျှင် Sharing လုပ်ပေးဖို့ တောင်းဆိုတတ်ရမည်ဖြစ်ကြောင်းတွေကို လုတဲ့ကလေးကို ပြောပြပေးရသလို အလုခံရတဲ့ကလေးကိုလည်း အကယ်၍ သူငယ်ချင်းက မလုဘဲ အတူတူဆော့ပါရစေဟု တောင်းဆိုလာလျှင် ခွဲဝေပေးပြီးဆော့ကစားပေးလို့ရကြောင်း စသည်ဖြင့် လေ့ကျင့် သင်ကြားပေးရပါတယ်။
Sorry!
Let's play together.
Make way please.

- ကိုယ်မကြိုက်တဲ့ စကား၊ အပြုအမူ စတာတွေကို အခြားသူတွေကိုလည်း မလုပ်ရဘူးဆိုတဲ့အကြောင်းလေးကိုတော့ ကိုယ်ချင်းစာတရားထားတတ်အောင် ပုံပြင်လေးတွေပြောရင်း လေ့ကျင်သင်ကြားပေးရပါတယ်။

- တစ်နေရာရာသို့ သွားသည်ဖြစ်စေ၊ Activityတစ်ခုခု‌လုပ်တော့မည်ဆိုလျှင်ဖြစ်စေ အမြဲတမ်းတန်းစီသွားလာစေဖို့ လေ့ကျင့်ပေးထားပါတယ်။ တန်းစီစောင့်ဆိုင်းတတ်တဲ့အလေ့အကျင့်ကနေ အလှည့်မကျော်ရဘူးဆိုတဲ့ သင်ခန်းစာလေးကို လေ့ကျင့်ပျိုးထောင်ပေးရပါတယ်။

- လူ့ကျင့်ဝတ်စောင့်ထိန်းတတ်စေဖို့အတွက်ကတော့ လူတိုင်းထားရှိရမယ့် ကျင့်ဝတ်တွေ လူ့စည်းကမ်းတွေ လူ့စည်းမျဉ်းတွေကိုအဖြစ်အပျက်လေးတွေ ပုံပြင်လေးတွေဖန်တီးပြီးပြောပြပေးရသလို၊ အခန်းတွင်းမှာ သူတစ်ပါး အဝတ်အစားလဲနေချိန်ဝင်မသွားရကြောင်း၊ ချောင်းမကြည့်ရကြောင်းလေးတွေ လေ့ကျင်ပျိုးထောင်ပေးရပါတယ်။ Gander ကွာခြားမှုအကြောင်း ‌သင်ကြားပေးထားရသလို၊ Privacy ထားရှိသင့်ကြောင်းလေးတွေ နားသွင်း သင်ကြားလေ့ကျင့်ပေးရပါတယ်။

- သူငယ်ချင်းအချင်းချင်းဖြစ်စေ၊ အငယ်တန်းလေးတွေနဲ့ဖြစ်စေ၊ ဆရာ၊ဆရာ် လူကြီး၊မိဘများနှင့်ဖြစ်စေ ပြောဆိုဆက်ဆံရာမှာလည်း လေးစားမှုထားရမယ့်အကြောင်း၊ သူတစ်ပါးပြောဆိုနေချိန် နားထောင်ပေးရမယ့်အကြောင်း၊ တစ်ခုခုလိုချင် လိုအပ်လာလျှင် အသိပေးခွင့်တောင်းပြီးမှ လုပ်ရမယ့်အကြောင်းလေးတွေကိုလည်းပြောပြပေးရင်း အပြန်အလှန်လေးစားမှုဆိုတာကို နေ့စဉ်လေ့ကျင့်သင်ကြားပေးရပါတယ်။

- ဘယ်အရာကိုမဆို ကိုယ်လုပ်ချင်တာတွေချည်းအမြဲလုပ်လို့မရနိုင်ကြောင်းတွေ၊ ကိုယ့်အရည်အချင်းမှန်ကိုသိရှိစေအောင်လုပ်ဆောင်ပေးရမှုတွေ၊ ကိုယ့်အရည်အချင်းအလိုက် မှန်ကန်တဲ့နေရာ ရလာနိုင်ကြောင်းတွေကို ကစားနည်းလေးတွေသုံး၊ ပုံပြင်လေးတွေပြောရင်း လေ့ကျင့်ပျိုးထောင်ပေးရပါတယ်။

- မိမိပိုင်ဆိုင်တဲ့ အရာဝတ္ထုတွေကို ပစ္စည်းတွေကို မိမိကိုယ်တိုင် တန်ဖိုးထားထိန်းသိမ်းရမယ့်အကြောင်းလေးတွေကိုလည်း ပုံပြင်လေးတွေကနေတဆင့် နေ့စဉ်လေ့ကျင်သင်ကြားမှုတွေကနေတဆင့် လေ့ကျင့်ပျိုးထောင်ပေးရပါတယ်။
ဥပမာ-မိမိရဲ့ကျောင်းလွယ်အိပ်၊ဆွဲခြင်း စတာတွေကို နေရာတကျ သေသပ်စွာထားတတ်ခြင်း။

- စည်းကမ်းလေးတွေနဲ့ပတ်သက်ပြီးလည်း နေ့စဉ်လေ့ကျင့်သင်ကြားပေးရပါတယ်။ လူမှုစည်းကမ်းနဲ့ဆိုင်တဲ့ပုံပြင်လေးတွေ‌ ပြောပြရင်းဖြစ်‌စေ၊ လိုက်နာသင့်တဲ့ အပြုသဘောဆောင်တဲ့ စည်းကမ်းချက်လေးတွေကို ရုပ်ပုံလေးတွေနဲ့ ပြသရင်းဖြစ်စေ ‌အလေ့အကျင့်ကောင်းအဖြစ် ဖန်တီးလေ့ကျင့်ပျိုးထောင်ပေးရပါတယ်။

- ခေါင်းဆောင်တစ်ယောက်ဖြစ်လာတဲ့အခါ ဘယ်လိုမှန်ကန်အောင် ဦးဆောင်မလဲ၊ ခေါင်းဆောင်တစ်ယောက်က ဘယ်လိုအနစ်နာခံနိုင်ရသလဲ၊ ခေါင်းဆောင်တစ်ယောက်က ဘယ်လိုတာဝန်ယူတတ်ရသလဲဆိုတာတွေကို နေ့စဉ် ခေါင်းဆောင်တစ်ဦးစီ ခန့်အပ်ပြီး ဦးဆောင်စေကာ လေ့ကျင့်ပျိုးထောင်ပေးရပါတယ်။ ကိုယ်တိုင်က ခေါင်းဆောင်မလုပ်ရတဲ့ရက်တွေမှာ လိုက်နာနာခံတတ်တဲ့နောက်လိုက်ကောင်းတစ်ယောက်ဖြစ်အောင် ဘယ်လိုလုပ်ဆောင်ရမည်ဖြစ်ကြောင်းတွေကို လေ့ကျင့်ပျိုးထောင်ပေးရပါတယ်။
((ဒါတွေလေ့ကျင့်ပျိုးထောင်ပေးခြင်း မခံရတဲ့ကလေးတွေ အရွယ်ရောက်လာကြပြီးတဲ့အခါ ဘယ်လိုလူကြီးဖြစ်လာတတ်ကြသလဲဆိုတာ ထူးပြီးပြောပြဖွယ်ရာ မလိုတော့ဘူးထင်ပါတယ်နော်))

ဒါဆို
စာမသင်တော့ဘူးလား??
စာပေဆိုင်ရာတွေ မလုပ်တော့ဘူးလား??
စာပေဆိုင်ရာ သင်ကြားမှုတွေနဲ့အတူ
အသက်အရွယ်အလိုက် ရှိသင့်တဲ့ဖွံ့ဖြိုးမှုနယ်ပယ်တွေ၊
ဦးနှောက်လေ့ကျင့်သင်ကြားမှုတွေနဲ့ လူကောင်းလူမွန်အစွမ်းအစပျိုးထောင်မှုတွေကို ဟန်ချက်ညီလေ့ကျင့်သင်ကြားပျိုးထောင်ပေးတော့မှသာ လူကောင်းတစ်ယောက်၊ နောက်လိုက်ကောင်းတစ်ယောက်၊ ခေါင်းဆောင်ကောငိးတစ်ယောက်အဖြစ် ပုံပေါ်ဖြစ်တည်လာနိုင်ပါလိမ့်မယ်။

ချစ်ခြင်းများစွာဖြင့်
#တီချယ်_အတာ

18/07/2023

Edit....ဆရာမရသွားပါပြိရှင့်

ရက်မှန်....အချိန်မှန်ပြီး....International Schoolအတွေ့အကြုံရှိသောဆရာ...ဆရာမအလိုရှိပါသည်ရှင့်......စိတ်ဝင်စားပါကviberသို့လျှောက်လွှာများပေးပို့လျှောက်ထားနိုင်ပါသည်ရှင့်

17/07/2023

အဖွဲ့အစည်း နဲ့ဆောင်ရွက်ရတဲ့ နေရာတိုင်းမှာ ကျင့်သုံးသင့်သော Elon Musk မူ ၆ ချက် ✅
==========================
Elon Musk က ဝန်ဆောင်မှု စွမ်းဆောင်ရည် တိုးမြှင့်စေရေး အတွက် စည်းမျဥ်း ၆ ချက် ကို လိုက်နာရန် သူ၏ ဝန်ထမ်းများ အား ညွှန် ကြားချက် အီးမေးလ်တစ်စောင် ပေးပို့ခဲ့ပါ သည်။

1) Avoid large meetings ( လူအများကြီးပါဝင်မည့်အစည်းအဝေးကြီးများ စီစဥ် ခြင်းကို ရှောင်ပါ။)
လူအများနဲ့ပြုလုပ်ရတဲ့ အစည်းအဝေးတွေဟာ တန်ဖိုးရှိတဲ့အချိန်တွေနဲ့ energy တွေကို အလဟဿဖြစ်စေပါတယ်။ လူအားလုံးအတွက်တန်ဖိုးရှိတဲ့ message မျိုးပေးချင်တဲ့အချိန်ကလွဲရင် ကျန်တဲ့အချိန်တွေမှာ လူအများကြီးစုပြီး တစ်ချိန်တည်း meeting လုပ်ခြင်းကို ရှောင်ကြဉ်သင့်ပါတယ်။

2) Leave a meeting if you’re not contributing ( သင်ပါဝင်ဆွေးနွေးစရာ မရှိလျှင် အစည်းအဝေးမှ ထွက်ခွာပါ။)
အကယ်၍ meeting တစ်ခုမှာ သင့်ရဲ့အားစိုက်မှု၊ သင့်ရဲ့တန်ဖိုး၊ သင့်ရဲ့ဆုံးဖြတ်ချက်တွေကို ချပြဖို့ မလိုအပ်ဘူးဆိုရင် သင် ဒီ meeting မှာထိုင်နေတာဟာလည်း အလကားပဲဖြစ်ပါတယ်။ သင့်အပိုင်းမပါဝင်တော့တဲ့အခါ ဦးဆောင်သူကို သေချာပြောပြီး meeting က ထွက်ခွါပါ။ သင့်ရဲ့အချိန်ကိုရော အခြားသူတွေရဲ့အချိန်ကိုပါ အလဟဿမဖြစ်ပါစေနဲ့။

3) Forget the chain of command
Communicate with colleagues directly.
(ကြီးစဥ် ငယ်လိုက် အမိန့်ပေး သည့် ကွင်းဆက်ကို မေ့လိုက်ပါ။ သက်ဆိုင်သူ လုပ်ဖော်ကိုင်ဖက်များနှင့် တိုက်ရိုက်ဆက်သွယ်ပါ။)

Not through supervisors or managers.
Fast communicators make fast decisions.
Fast decisions = competitive advantage.

4) Be clear, not clever ( ရှင်းရှင်းလင်းလင်း တိုတိုတုတ်တုတ် အချက်ကျကျဖြင့် အများနားလည်သည့် အသုံးအနှုံးကို သုံး၍ ဆွေးနွေးပါ။ ငါသိငါတတ် ကိုဖိုးသိ မလုပ်ပါနှင့်။)

Avoid nonsense words and technical jargon.
It slows down communication.
Choose words that are:
- Concise
- To the point
- Easy to understand
Don’t sound smart. Be efficient.

5) Ditch frequent meetings ( မကြာခဏ အစည်းအဝေးလုပ်ခြင်းကို ရှောင်ကျဥ်ပါ။)

There’s no better way to waste everyone’s time.
Use meetings to:
- Collaborate
- Attack issues head-on
- Solve urgent problems
But once you resolve the issue, frequent meetings are no longer necessary.
You can resolve most issues without a meeting.
Instead of meetings:
- Send a text
- Send an email
- Communicate on a discord or slack channel
Don’t interrupt your team’s workflow if it’s unnecessary.

6) Use common sense
(အသိတရားသုံး၍ လုပ်ငန်းတာဝန်များဆောင်ရွက်ပါ။ မျက်စိမှိတ်ပြီးစည်းကမ်း လိုက်နာခြင်းကိုရှောင်ကြဉ်ပါ)

If a company rule doesn’t:
- Make sense
- Contribute to progress
- Apply to your specific situation
Avoid following the rule with your eyes closed.
Don’t follow rules. Follow principles.

CreditToOriginalUploader

17/07/2023

❇️”စိတ်ဓာတ်ကြံ့ခိုင်သူတို့ မလုပ်တဲ့အရာ (၈)ခု”

စိတ်ဓာတ်ကြံ့ခိုင်သူတွေမှာ ကျန်းမာတဲ့အလေ့အကျင့်ကောင်းတွေရှိကြပါတယ်…သူတို့ဟာ သူတို့ရဲ့ စိတ်ခံစားမှုတွေ၊ အတွေးအမြင်တွေ၊ အမူအကျင့်တွေကို နည်းလမ်းကောင်းတွေနဲ့အမြဲစီမံခန့်ခွဲလေ့ရှိကြတယ်
ဒါဆို စိတ်ပိုင်းဆိုင်ရာသန်မာတဲ့သူတွေက ဘယ်လိုအရာတွေမလုပ်ဖူးလဲဆိုတာ အောက်မှာဖတ်ကြည့်လိုက်ရအောင်…
🔷သူတို့ဟာ တစ်ခြားလူတွေကကိုယ့်ကိုဘယ်လိုဆက်ဆံလဲဆိုတာကိုပဲ အမြဲလိုက်ဂရုစိုက်ပြီးဝမ်းနည်းမနေတတ်ကြပါဘူး။ အဲဒီ့အစား ကိုယ်လုပ်ရမယ့်အလုပ်ကိုတာဝန်ယူပြီး ဘဝဆိုတာအမြဲလွယ်ကူမနေဘူး Fair မဖြစ်ဘူးဆိုတာကို လက်ခံထားကြပါတယ်
🔷သူတို့ဟာ တစ်ခြားလူတွေရဲ့ထိန်းချုပ်မှုအောက်မှာမနေကြသလို ထိန်းချုပ်ခွင့်လည်းမပေးကြပါဘူး။ ဘာလို့လဲဆိုတော့ စိတ်ဓာတ်ကြံ့ခိုင်သူတွေဆိုတာ ကိုယ့်စိတ်ခံစားချက်ကို ထိန်းချုပ်နိုင်ပြီး သူများကိုဘယ်လိုတုံ့ပြန်ရမလဲဆိုတာ ကိုယ့်ပေါ်မှာပဲမူတည်ကြောင်း နားလည်ထားလို့ဖြစ်ပါတယ်
🔷သူတို့ဟာ ပြောင်းလဲရမှာကိုမကြောက်ကြပါဘူး။ အဲ့ဒီ့အစား ပြောင်းလဲခြင်းကိုအကောင်းမြင်တဲ့စိတ်နဲ့ကြိုဆိုပြီး လိုက်လျောညီထွေဖြစ်အောင်နေဖို့ ကြိုးစားလေ့ရှိကြတယ်
🔷သူတို့မထိန်းချုပ်နိုင်တဲ့အရာတွေအတွက် အချိန်ကုန်မခံတတ်ကြပါဘူး။ စိတ်ဓာတ်ကြံ့ခိုင်သူတွေဟာ အသေးအဖွဲကိစ္စလေးတွေအပေါ်တွေးပူပြီး အချိန်ကုန်ခံနေမယ့်အစား သူတို့ထိန်းချုပ်နိုင်တဲ့အရာတွေအပေါ်ပဲ အာရုံစိုက်လေ့ရှိကြပါတယ်
🔷လူတွေရဲ့အမြင်မှာ People Pleaser လုပ်ဖို့ကို သူတို့စိတ်မဝင်စားကြပါဘူး။ သူတို့မလုပ်နိုင်တဲ့အရာကို No လို့ပြောဖို့၊ တစ်ခုခုကိုထုတ်ဖော်ပြောဖို့ကို ကြောက်ရွံ့နေလေ့မရှိပါဘူး။ ဘာလို့လဲဆိုတော့ လူတိုင်းကိုပျော်ရွှင်အောင်ထားဖို့က ကိုယ့်တာဝန်မဟုတ်ဘူးဆိုတာ နားလည်ထားလို့ပါပဲ
🔷စိတ်ဓာတ်ကြံ့ခိုင်သူတွေဟာ အတိတ်မှာပဲနေထိုင်ပြီး နောင်တတွေနဲ့အချိန်ကုန်ခံမတတ်ကြပါဘူး။ အဲဒီ့အစား အတိတ်ကိုအသိအမှတ်ပြုပြီး သင်ခန်းစာယူလေ့ရှိပါတယ်၊ ဒါ့အပြင် သူတို့ဟာ လက်ရှိပစ္စုပ္ပန်ကိုပဲအာရုံစိုက်ပြီး အနာဂတ်အတွက်အစီအစဉ်တွေ ဆွဲထားတတ်ကြပါတယ်
🔷သူတို့ဟာ တူညီတဲ့အမှားတစ်ခုကို ထပ်ခါထပ်ခါလုပ်လေ့မရှိပါဘူး။ အဲဒီ့အစား အဲ့အမှားကနေ move on ပြီး အနာဂတ်မှာပိုကောင်းတဲ့ဆုံးဖြတ်ချက်တွေချဖို့ ကြိုးစားကြပါတယ်
🔷စိတ်ဓာတ်သန်မာတဲ့သူတွေဟာ ပထမအကြိမ်ကျရှုံးပြီးရင် လွယ်လွယ်နဲ့အရှုံးမပေးတတ်ကြပါဘူး။ အဲဒီ့အစား သူတို့ဟာ ကျရှုံးခြင်းကို ကိုယ့်အတွက်ပိုတိုးတက်စေတဲ့ အခွင့်အရေးတစ်ခုအနေနဲ့ အသုံးချပြီး အောင်မြင်မှုမရမချင်း ကြိုးစားချင်တဲ့စိတ်ရှိကြပါတယ်
ကဲဒါဆိုရင်…အခုစာဖတ်နေတဲ့သူတွေလည်း ဒီအချက် (၈)ချက်ကိုမလုပ်မိအောင် ရှောင်ကြဉ်ရင်း စိတ်ပိုင်းဆိုင်ရာသန်မာတဲ့သူတွေဖြစ်လာပါစေလို့ ဆုတောင်းပေးလိုက်ပါတယ်🍀…
=======================================

17/07/2023

"ဟယ် သူ့ကလေးက ဆိုးလိုက်တာ"
"အမေက မသင်ပြပေးထားဘူးလား မသိဘူး" ဆိုတဲ့ နောက်ကွယ်က မိခင်ချင်းချင်း ဝေဖန်တဲ့ စကားတွေအတိုင်း ကိုယ့်ကလေးရဲ့ စိတ်ခံစားချက်လေးတွေ တကယ်များ ဖြစ်နေပြီလား?

ဒီလိုဆိုရင် ဒါ ကလေးရဲ့ အပြစ်လုံးဝမဟုတ်တော့ပါဘူး။ သူ့မှာ 𝐄𝐦𝐨𝐭𝐢𝐨𝐧𝐚𝐥 𝐐𝐮𝐨𝐭𝐢𝐞𝐧𝐭 ဆိုတဲ့ စိတ်ခံစားချက် ယဉ်ကျေးသိမ်မွေ့မှု လိုအပ်နေပါပြီ။
အဲ့ဒီလို EQ ကောင်းဖို့၊ စိတ်ခံစားချက် နူးညံ့ပြီး ရင့်ကျက်လိမ္မာတဲ့ လူကောင်းလူတော်ဖြစ်ဖို့ဟာ ကျွန်မတို့ မိဘတွေအကုန်လုံးရဲ့ တာဝန်ပါ။

တစ်ဖက်မှာ Intelligent Quotient(IQ) ဆိုတဲ့ ဉာဏ်ရည်ဉာဏ်သွေး မြင့်မားထက်မြက်အောင် ပညာတွေသင်ကြားရတဲ့အပြင် Emotional Quotient(EQ) ဆိုတဲ့ စိတ်နေစိတ်ထား မှန်ကန်မျှတတဲ့ သူလေးတွေဖြစ်အောင် သူတို့ရဲ့ စိတ်လေးတွေကို စိတ်ပိုင်းဆိုင်ရာခွန်အားဖြည့်ပေးရ၊ ပုံသွင်းပေးဖို့ မေမေတိုင်းမှာတာဝန်ရှိပါတယ်နော်

Future Access Education Service Center

13/11/2023

14/09/2023

14/09/2023

13/09/2023

13/09/2023

13/09/2023

05/09/2023

30/08/2023

18/07/2023

17/07/2023

17/07/2023

17/07/2023

Address

Website

Alerts

Shortcuts

Share

Category

Listing takedown request