27/02/2025
✌️အာရုံနောက်စရာ ဖြတ်လျှောက်တွေကို ခေါင်းထဲမထည့်နဲ့✌️
သေသေချာချာတွေးကြည့်ရင် ကိုယ့်ကိုစိတ်ရှုတ်အောင်လုပ်တဲ့အရာတွေက ဘာမဟုတ်တဲ့ ကိစ္စသေးသေးလေးတွေပဲ …ကိုယ်နဲ့အတူနေတဲ့ အခန်းဖော်ကအဆင်မပြေလို့…အလုပ်အတူလုပ်တဲ့သူက အဆင်မပြေလို့…စသဖြင့်…….
ကိုယ်နဲ့အကျင့်စရိုက်ချင်းမတူ တွေးခေါ်ပုံချင်း စိတ်ဓာတ်ချင်း မတူတဲ့သူတွေနဲ့နေရရင် တစ်နည်းမဟုတ်တစ်နည်းနဲ့ စိတ်ညစ်ရမှာပဲ
အဲ့လိုစိတ်ညစ်ရတိုင်းသာ ပူလောင်နေမယ်ဆိုရင် ကိုယ့်စိတ်ရဲ့ ငြိမ်းချမ်းမှုကို ဘယ်တော့မှ ရနိုင်မှာ မဟုတ်ဘူး
သူတို့က သူတို့အကျင့်စရိုက်အတိုင်း နေမှာပဲ ကိုယ်ကသာ မကောင်းမှန်းသိလို့ ကောင်းစေချင်တဲ့မျှော်လင့်ချက်နဲ့ လိုက်တွေးပြီး ပူလောင်နေရတာ
အဲ့လိုလူမျိုးတွေနဲ့တွေ့ရင်
✨သူတို့ဆီက ဘာမှ မျှော်လင့်ချက်မထားနဲ့
✨ကိုယ့်စိတ်ကလေး ငြိမ်းအေးဖို့က အဓိက တခြားဘာမှထပ်မတွေးနဲ့ သူတို့ကိုလဲ မှန်တယ် မှားတယ် မဝေဖန်နဲ့ အဓိကကတော့ ကိုယ့်ကိုကိုယ် မဝေဖန်မိစေနဲ့ …ကိုယ့်ကိုကိုယ် ဘယ်လို judge လုပ်ကြလဲဆိုရင်
“ ဒါကသူတို့အကျင့်ပဲ ငါက ကောင်းအောင် ကြိုးစားနေတဲ့သူ ငါကပဲ နားလည်ပေးရမှာပေါ့ ငါကပဲ သည်းခံရမှာပေါ့ “
အဲ့လိုမျိုးတွေတွေးရင် ခဏပဲ အေးချမ်းမယ် နောက်တခေါက်ထပ်ဖြစ် ထပ်ပူလောင်ရမှာပဲ အဲ့ဒါကြောင့် ကိုယ့်ကိုကိုယ်လဲ မဝေဖန်နဲ့
စိတ်ကလေးပူလာပြီဆိုရင် ပူနေတာလေးကိုပဲ သတိလေးကပ်ပြီး စောင့်ကြည့် အသက်ရှူ ကြာရင် စိတ်ကလေး အေးလာလိမ့်မယ်
✨သူတို့က ကိုယ့်ဘဝရဲ့ဖြတ်လျှောက်တွေပဲ ရိုးရိုးဖြတ်လျှောက်တွေမဟုတ်ဘူး သူများကို စိတ်အနှောင့်အယှက် လိုက်ပေးနေတဲ့ဖြတ်လျှောက်တွေ
ကိုယ်က ကိုယ့်ဘဝကို တိုးတက်ဖို့ အောင်မြင်ဖို့ ကြိုးစားနေတဲ့သူဆို လမ်းသွားရင်းတွေ့တဲ့ အာရုံနောက်စရာ ဖြတ်လျှောက်တွေကို ခေါင်းထဲ ထည့်စရာမလိုဘူး
ကိုယ့်ရဲ့ Goal တွေ Mission တွေ ရောက်အောင် ဘာတွေလုပ်ရမလဲဆိုတာကို အာရုံစိုက်ပြီး ကြိုးစားဖို့ပဲ လိုတယ်
စိတ်ပျက်စရာ ဖြတ်လျှောက်တွေနဲ့ ကင်းဝေးကြပါစေ 💛
22/02/2025
✨အဆိုးလောကဓံထဲက ကုသိုလ်အမြတ်လိုချင်ရင်✨
ကောင်းတာတွေလုပ်မှ ကောင်းတာတွေကြုံရမှ ကုသိုလ်ရတာ ကုသိုလ်ဖြစ်တာ မဟုတ်ပါဘူး မကောင်းတာတွေ ကြုံလာရင်လဲ ကုသိုလ်ရအောင် လုပ်ယူလို့ရပါတယ်
လူ့စိတ်က ကောင်းတာဆို လက်ခံတယ် ပျော်တယ် ပျော်တော့ သတိလက်လွတ်နေမိတယ် သတိမရှိတော့ မောဟဖုံးလွှမ်းပြီး ကုသိုလ်စိတ်မဖြစ်ဘူး
တကယ်လို့ တစ်ယောက်ယောက်ကသာ ကိုယ့်ကိုအပြစ်တင်မယ် ငြူစူစောင်းမြောင်းပြီး ကိုယ့်မကောင်းကြောင်းတွေပြောမယ်ဆိုရင် ဒေါသထွက်မယ် ပူလောင်မယ် စိတ်ညစ်မယ် ဝမ်းနည်းမယ် ဒါတွေဟာ အကုသိုလ်စိတ်တွေပဲ
အကုသိုလ်စိတ်ကနေ ကုသိုလ်စိတ်ဖြစ်အောင် ဘယ်လိုပြောင်းလဲမလဲ ?
ဒေါသဖြစ်နေတဲ့စိတ်ကို သတိနဲ့စောင့်ကြည့်ရမယ် ဒေါသကို သတိနဲ့သာ စောင့်ကြည့်နိုင်ရင် ဒေါသအလျှောက်တုန့်ပြန်မယ့် အမှားတွေနည်းသွားမယ် ကိုယ့်စိတ်က သတိရှိနေတဲ့အတွက် ဆုံးဖြတ်ချက်တွေ မှန်ကန်လာမယ် ဒေါသဖြစ်နေတဲ့ အကုသိုလ်စိတ်ကနေ ကုသိုလ်စိတ်အဖြစ် ပြောင်းလဲနိုင်မယ် ဒါဟာ အမြတ်ပဲ
ဒါကြောင့် အဆိုးလောကဓံတွေလာရင် စိတ်မညစ်ပါနဲ့ ကိုယ့်စိတ်ကို သေချာစောင့်ကြည့်ပြီး ကုသိုလ်အမြတ်ရအောင် အားထုတ်လို့ရပါတယ် ✨
03/07/2024
အခုရောက်နေတဲ့ အသက်အရွယ်အထိ ကိုယ့်ကိုကိုယ် ပြန်ဆန်းစစ်ရရင် ကိုယ့်အတွက် ကိုယ့်မိသားစုအတွက် ကိုယ့်ပတ်ဝန်းကျင်အတွက် ဘာတွေလုပ်ပေးပြီးပြီလဲ
ဘာမှမလုပ်ရသေးဘူးဆိုရင် အခုချိန်ကစပြီး အကျိုးရှိမယ့်အရာတစ်ခုကို စလုပ်ပါ
အလုပ်ခေါ်စာတွေ Assignment တွေမှာပဲ deadline ရှိတာ မဟုတ်ဘူး လူတွေမှာလဲ deadline ရှိတယ် မနက်ဖြန် ဘာဖြစ်မလဲ ကြိုမသိနိုင်တဲ့အခြေအနေမှာ နောင်တတွေမရှိချင်ရင် အခုချိန်ကစပြီး ကိုယ့်အတွက် ကိုယ့်မိသားစုအတွက် ကိုယ့်ပတ်ဝန်းကျင်အတွက် အကျိုးရှိမယ့်အရာတစ်ခု စလုပ်ပါ
28/06/2024
လူ့ရဲ့စိတ်က
ကောင်းတာတွေလုပ်ဖို့ဆို
လုပ်ရင်ကောင်းမလား
မလုပ်ရင်ကောင်းမလား
အခါ ၁၀၀ လောက်တွေးတယ်
ပီးရင် မလုပ်ဖြစ်ဘူး
မကောင်းတာလုပ်ဖို့ဆို
စဉ်းစားစရာတောင်မလိုဘူး
လုပ်ပြီးသားပဲ
စိတ်ရဲ့ သဘာဝတွေကိုသိရင်
မြန်မြန်ပြောင်းလဲလို့ရတယ်
ကိုယ့်ရဲ့စိတ်ကလေးကို
ပြန်ဆန်းစစ်ဖို့အတွက် ✌️
23/06/2024
သင်သဘောမတူလျှင်
သင်စိတ်ထိခိုက်အောင် မည်သူမျှမလုပ်နိုင်ပါ
ဒီအကြောင်းအရာကို
Telegram channel မှာ
ပြောပြပေးထားပါတယ်
https://t.me/+1s9dQPqTajY2ZGNl
စိတ်ဝင်စားရင် နားထောင်လို့ရပါတယ်
Join group chat on Telegram
17/06/2024
စိတ်မညစ်ချင်ဘူးမလား
စိတ်မညစ်ချင်ရင်
ဘယ်အရာပေါ်မှ မျှော်လင့်ချက်မထားနဲ့
လုပ်စရာရှိရင်
အကောင်းဆုံးလုပ်ပေးလိုက်
ဘာမှမမျှော်လင့်ရင်
ဘာမှမခံစားရတော့ဘူး
14/06/2024
ကိုယ့်ခေါင်းထဲက
အတွေးတွေတိုင်းကို
အမှန်တွေလို့ မထင်နဲ့
အတွေးတွေက
မာယာများတယ်
ကိုယ်တစ်ယောက်တည်းအမှန်
တလောကလုံးအမှားဖြစ်နေပြီဆိုရင်
ဘာတွေဘယ်လိုတွေးနေတယ်ဆိုတာ
နည်းနည်းလေးတော့ စောင့်ကြည့်ဖို့လိုပြီ 😁
17/06/2024