Emily's Language Playhouse

လေးစားအပ်ပါသော မိဘများနှင့် ကျောင်းသား/သူများရှင်၊
နီးကပ်လာပြီဖြစ်သော သင်္ကြန်ကာလတွင် Emily English Class မှ ကျောင်းသားမိသားစုများအားလုံး အေးချမ်းပျော်ရွှင်ကြပါစေကြောင်း ဆုမွန်ကောင်းတောင်းအပ်ပါသည်။ ကျောင်းပိတ်ရက် အစီအစဉ်မှာ အောက်ပါအတိုင်း ဖြစ်ပါသည် -
ကျောင်းပိတ်ရက်: ၂၀၂၆ ခုနှစ်၊ ဧပြီလ (၁၂) ရက် (တနင်္ဂနွေနေ့) မှ ဧပြီလ (၁၈) ရက် (စနေနေ့) အထိ။ကျောင်းပြန်ဖွင့်မည့်ရက်: ဧပြီလ (၁၉) ရက် (တနင်္ဂနွေနေ့)။
ကျောင်းသား/သူများအနေဖြင့် မိသားစုနှင့်အတူ မြန်မာ့ရိုးရာနှစ်သစ်ကူးအချိန်အခါကို ပျော်ရွှင်စွာ ဖြတ်သန်းနိုင်ကြပါစေကြောင်းနှင့် နှစ်သစ်တွင် ကျန်းမာခြင်း၊ ချမ်းသာခြင်း၊ ပညာရေးတွင် ထူးချွန်အောင်မြင်ခြင်းများ ပိုင်ဆိုင်နိုင်ကြပါစေကြောင်း ဆုတောင်းပေးလိုက်ရပါသည်။

မေတ္တာဖြင့်၊ Teacher အမ်မလီ

ကလေးငယ်တွေ ဘာသာစကား ဘယ်လိုသင်ယူကြသလဲ" ဆိုတဲ့ စိတ်ဝင်စားစရာ အကြောင်းအရာလေးကို အားလုံးအတွက် ရိုးရိုးရှင်းရှင်းလေး ပြန်လည်မျှဝေပေးချင်ပါတယ်ရှင်။

ကလေးငယ်တွေရဲ့ ဘာသာစကား ခရီးစဉ် (How Kids Learn) 👶

ကလေးတစ်ယောက် စကားတတ်လာဖို့ဆိုတာ တကယ်ကို အံ့သြဖို့ကောင်းတဲ့ ဖြစ်စဉ်တစ်ခုပါ ။ သူတို့လေးတွေဟာ-

စတင်ခြင်း (The Beginning): အမေ့ဗိုက်ထဲမှာကတည်းက အသံတွေကို စတင်တုံ့ပြန်နေကြတာပါ ။ မွေးကင်းစမှာ ငိုသံနဲ့ စတင်ဆက်သွယ်ပြီး ၊ ၆ ပတ်လောက်မှာတော့ တစ်ယောက်တည်း အသံလေးတွေ စမ်းလုပ်ကြည့်တတ်လာပါတယ် ။



စကားပြောသံများ (Babbling): ၃ လကနေ ၄ လအရွယ်မှာတော့ လူကြီးတွေပြောသလို အသံအတက်အကျလေးတွေနဲ့ စတင်အသံထွက်လာကြတယ် ။ ဒါဟာ သူတို့အတွက်တော့ ပျော်စရာ ကစားနည်းတစ်ခုလိုပါပဲ ။



စကားလုံးလေးများ (First Words): ၁ နှစ်လောက်မှာ စကားလုံးတစ်လုံးချင်း စပြောတတ်လာပြီး ၊ ၂ နှစ်ကျော်ရင်တော့ ဝါကျတိုလေးတွေ စပြောနိုင်လာပါပြီ ။



မိဘတွေရဲ့ အခန်းကဏ္ဍ (The Parent's Role) ❤️

ကလေးတွေ ဘာသာစကား တတ်မြောက်ဖို့အတွက် မိဘတွေနဲ့ ထိတွေ့ဆက်ဆံမှုက အရေးအကြီးဆုံးပါ ။





ကလေးတွေက သူတို့ရဲ့ ကိုယ်ပိုင် "ကလေးဘာသာစကား" နဲ့ ပြောတဲ့အခါ မိဘတွေက နားလည်ပေးပြီး ပြန်ပြောပေးတာက သူတို့ကို အများကြီး သင်ယူစေပါတယ် ။



အကြံပြုချက်: ကလေးပြောတာကို သဒ္ဒါမှားနေရင် အတင်းပြင်ခိုင်းတာထက် ၊ သူပြောချင်တဲ့ အဓိပ္ပာယ်ကို နားလည်ပေးပြီး စကားလုံးအမှန်လေးတွေနဲ့ ပုံမှန်ပြန်ပြောပေးတာက ပိုထိရောက်ပါတယ် ။



သိထားသင့်တဲ့ "Communicative Competence" (ဆက်သွယ်ပြောဆိုနိုင်စွမ်း) 💡

ဒီစကားလုံးလေးက ဘာကိုဆိုလိုတာလဲဆိုတော့... အင်္ဂလိပ်စာကို သဒ္ဒါ (Grammar) အတိအကျ မှန်နေဖို့ထက် "အခြေအနေနဲ့ လိုက်လျောညီထွေအောင် ပြောတတ်ဖို့" က ပိုအရေးကြီးတယ်ဆိုတာပါပဲ ။





ဥပမာ - ကလေးတစ်ယောက်က သူ့သူငယ်ချင်းကို "Hi" လို့ နှုတ်ဆက်တာက မှန်ပေမဲ့၊ လူကြီးတစ်ယောက်ကိုကျတော့ "Good Morning" လို့ သုံးတတ်ဖို့ သင်ပေးတာမျိုးက သူ့ရဲ့ ဆက်သွယ်ရေးစွမ်းရည်ကို မြှင့်တင်ပေးတာပါ ။





ဘာသာစကားဆိုတာ အလွတ်ကျက်ရမှာမဟုတ်ဘဲ ပျော်ပျော်ရွှင်ရွှင်နဲ့ လက်တွေ့အသုံးချရမယ့်အရာပါ ။ မိဘများအနေနဲ့လည်း ကလေးတွေနဲ့အတူ စကားလေးတွေ ပြောရင်း၊ ပုံပြင်လေးတွေ ဖတ်ပေးရင်း သူတို့ရဲ့ ဘာသာစကားကမ္ဘာလေးကို တည်ဆောက်ပေးနိုင်ပါတယ်ရှင် ။

Full stop ကျန်ခဲ့ 😁