11/03/2024
''အပေါ်ယံအသွင်အပြင်တွေမှာ ဘာစစ်မှန်မှုမှ မရှိဘူးဆိုတာကို နားလည်လာတဲ့အခါ....''
အိမ်နေရင်းစွပ်ကြယ်နဲ့လည်း အပြင်ထွက်ရဲလာတယ် ပုဆိုးပြဲနေလည်း လဲချင်မှလဲတော့တယ် ဝက်ခြံထွက်နေလည်း ဖုံးကွယ်ဖို့မကြိုးစားတော့ဘူး
ကိုယ့်ကိုယ်ကိုပြန်မေးတယ် သူများကြိုက်အောင်လုပ်ပြနေရတာ ငါတကယ်ပျော်ရဲ့လားလို့ ?.......''တကယ်တော့ ပင်ပန်းပါတယ်''
ဒီတိုင်းလေးလဲ ကိုယ့်စိတ်ကြိုက်ပျော်အောင်နေလို့ရတာပဲလေ အင်္ကျီအပြဲနဲ့လည်း ကိုယ်ပျော်နေရင်ပြီးတာပဲ ကိုယ်ကျေနပ်နေရင်ပြီးတာပဲမို့လား။ ဂရုစိုက်နေစရာမလိုပါဘူး။
🛑(အဓိကက ကိုယ့်ကြောင့် သူများစိတ်အနှောင့်အယှက်မဖြစ်ဖို့နဲ့ သူများပျော်ရွှင်မှုကိုမဖျက်ဆီးမိဖို့ပဲမဟုတ်လား)
ကိုယ့်စိတ်ရင်းအမှန်ကိုဖုံးကွယ်ပြီး အများအမြင်ကောင်းအောင် ဟန်ဆောင်နေရတာကကြာလာရင် ကိုယ်ဆိုတာပျောက်ဆုံးသွားလိမ့်မယ်။ လူဆိုတာ မတူပါဘူး။ အားလုံးက ကိုယ်ပိုင်ထူးခြားမှုကိုယ်စီနဲ့ပါ။
သူများလုပ်သလိုလိုက်လုပ်ဖို့မလိုပါဘူး။ သူများဝတ်သလို လိုက်ဝတ်ဖို့မလိုပါဘူး။ ကိုယ်တကယ်လုပ်ချင်လို့ လုပ်တာကသာ ကိုယ့်ကို တကယ်ပျော်ရွှင်စေမှာပါ။ ကိုယ့်ကိုယ်ကိုပဲ အာရုံစိုက်ဖို့လိုတာပါ။
သူများနဲ့ နှိုင်းယှဉ်နေဖို့မလိုဘူး ကိုယ့်ကိုယ်ကို အာရုံစိုက်ဖို့ပဲလိုတာလေ။
's note
