07/04/2023
Congratulations モウモウ先生
(၁၈) ကြိမ်မြောက် ဂျပန်စာ ဘာသာပြန်ပြိုင်ပွဲ (၂၀၂၃ ခုနှစ်)
ဆုရရှိသူများကြေညာခြင်း
မြန်မာနိုင်ငံဆိုင်ရာ ဂျပန်သံရုံး၊ မြန်မာနိုင်ငံ ဂျပန်ပြန် ပညာသင်ဟောင်း အသင်း (MAJA)၊ ဂျပန်ဖောင်ဒေးရှင်း ရန်ကုန် - ဂျပန်ယဥ်ကျေးမှု စင်တာတို့က (၁၈) ကြိမ်မြောက် ဂျပန်စာပေဘာသာပြန်ပြိုင်ပွဲကို ၂၀၂၃ ခုနှစ် ဖေဖော်ဝါရီလတွင် ကြီးမှူးကျင်းပခဲ့ပြီး အကဲဖြတ် သုံးသပ်ချက်များအရ ကျွမ်းကျင်အဆင့်အတွက် ဆုရရှိသူ (၃) ဦး နှင့် အငယ်တန်းအဆင့်အတွက် ဆုရရှိသူ (၃) ဦးကို အောက်ပါအတိုင်း ရွေးချယ်လိုက်ကြောင်း ကြေညာအပ် ပါသည်။ ဘာသာပြန် ပြိုင်ပွဲနှစ်ခုစလုံး၏ ဘာသာပြန်လက်ရာများသည် အံ့သြချီးကျူးဖွယ်ကောင်းပြီး ဆုရရှိသူများ အတွက် ဂုဏ်ယူဝမ်းမြောက်ကြောင်း ပြောကြားလိုပါသည်။
ကျွမ်းကျင်အဆင့် ဂျပန်စာဘာသာပြန်ပြိုင်ပွဲတွင် ထူးချွန်ဆုရှိသူများ
ထူးချွန်ဆု အမှတ်စဥ် အမည်
ပထမဆု TA-153 မောင်မင်းဖုန်းမော်
ဒုတိယဆု TA-160 မမို့မို့အောင်
တတိယဆု TA-275 မဝတ်ရည်သိင်္ဂီ
အငယ်တန်းအဆင့် ဂျပန်စာဘာသာပြန်ပြိုင်ပွဲတွင် ထူးချွန်ဆုရှိသူများ
ထူးချွန်ဆု အမှတ်စဥ် အမည်
ပထမဆု TJ-042 မအိရွှေစင်ဝင်း
ဒုတိယဆု TJ-232 မသီရိလင်းကျော်
တတိယဆု TJ-218 မသဲစု
09/10/2022
MIKI Japanese Language School မှ ဆရာ ဆရာမ များနှင့်တကွ ကျောင်းသူ ကျောင်းသားများ အားလုံး ဝါကျွတ်ချိန်ခါ ဆွေသဟာ သာယာချမ်းမြေ့ ရှိပါစေရှင် ☺️🤗✨🎊🎇
စိတ်ရောကိုယ်ပါ ချမ်းသာကျန်းမာပြီး လာဘ်လာဘများ တိုးပွားလို့ ပျော်ရွှင်စရာများစွာကို ဖန်တီးနိုင်ပါစေ ကြောင်း MIKI Japanese Language School မှ သီတင်းကျွတ် ဆုမွန်ကောင်း တောင်းလိုက်ပါတယ်ရှင် 🙇♀️🙏🧨🎉
07/10/2022
EJU ဆိုတာ ဘာလဲ
EJU ဆိုတာ ဘာလဲဆိုတာကို လေ့လာကြည့်ကြရအောင်။
EJU ဆိုတာ Examination for Japanese University Admission for International Students ရဲ့အတိုကောက်ပါ။
ဂျပန်လို 日本留学試験(nihonryūgakushiken) လို့ခေါ်ပါတယ်။
မြန်မာလို ဘာသာပြန်လျှင် ဂျပန်တက္ကသိုလ်ဝင်ခွင့်စာမေးပွဲ လို့ အဓိပ္ပါယ်ရပါတယ်။
နိုင်ငံခြားသားတွေ ဂျပန်တက္ကသိုလ်မှာ ဝင်ရောက်ပညာသင်ကြားနိုင်ဖို့က ပုံမှန်အားဖြင့် JLPTကဲ့သိုသော ဂျပန်စာအောင်လက်မှတ် (သို့) EJU စာမေးပွဲရဲ့အမှတ်လိုအပ်ပါတယ်။
ဒီနေရာမှာ JLPT အကြောင်းကို အနည်းငယ်ပြောလိုပါတယ်။
JLPT ဆိုတာ Japanese-Language Proficiency Test ရဲ့အတိုကောက်ပါ။
မြန်မာလိုပြောလျှင်တော့ ဂျပန်ဘာသာအရည်အချင်းစစ်စာမေးပွဲပါ။ နိုင်ငံခြားသားတစ်ယောက်ဟာ ဂျပန်ဘာသာ ဘယ်level ရှိတယ်ဆိုတာကို စစ်ဆေးပေးတဲ့ စာမေးပွဲပါ။
2001 ခုနှစ်အထိ ဂျပန်တက္ကသိုလ်တွေမှာ ပညာသင်ကြားချင်တဲ့ နိုင်ငံခြားသားတွေဟာ JLPT အမှတ်နဲ့ တက္ကသိုလ်က လုပ်တဲ့ဝင်ခွင့်စာမေးပွဲကို အောင်မှ တက္ကသိုလ်တက်ခွင့်ရှိခဲ့ပါတယ်။
ဒီစနစ်မှာ ဂျပန်မှာ ပညာလာသင်ချင်တဲ့ နိုင်ငံခြားသားတွေအတွက် အခက်အခဲတွေရှိခဲ့ပါတယ်။ ဂျပန်တက္ကသိုလ်တက်ဖို့ ဂျပန်နိုင်ငံတွင်းက ဂျပန်စာသင်တန်းကျောင်းတွေမှာ ၁နှစ်၂နှစ် တက်ကြပြီးမှ တက္ကသိုလ်ဝင်ခွင့်တွေ ဖြေကြရပါတယ်။ မိမိနိုင်ငံကနေ ဂျပန်တက္ကသိုလ်ကို တိုက်ရိုက်ဝင်ဖို့ ခက်ခဲခဲ့ကြပါတယ်။
ဒီအခက်အခဲတွေကိုဖြေရှင်းဖို့ 2002 ခုနှစ်မှာ EJU စာမေးပွဲကို စတင်ခဲ့ပါတယ်။
EJU စာမေးပွဲရဲ့ အဓိကရည်ရွယ်ချက်ကတော့ ဂျပန်နိုင်ငံက တက္ကသိုလ်မှာ ပညာသင်ကြားဖို့ အရည်အချင်းမီမမီ စစ်ဆေးပေးခြင်းဖြစ်ပါတယ်။
2002 ခုနှစ် နောက်ပိုင်းမှာ EJU အမှတ်ကိုကြည့်ပြီး ဂျပန်ကတက္ကသိုလ်တွေဟာ ဝင်ခွင့်ကိုဆုံးဖြတ်လာကြပါတယ်။ ဝင်ခွင့်ရလျှင် ဂျပန်မှာစာမေးပွဲထပ်ဖြေစရာမလိုပဲ ကျောင်းတိုက်ရိုက်လာတက်ခွင့် ရှိလာပါတယ်။
အဲ့ဒီအတွက်ကြောင့် EJU စာမေးပွဲကို 日本留学試験(ဂျပန်တက္ကသိုလ်ဝင်ခွင့်စာမေးပွဲ) လို့ နာမည်ပေးထားပါတယ်။
သဘောကတော့ JLPT လို ဘာသာစကား level ကို စစ်ဆေးပေးတာ မဟုတ်ဘဲ တက္ကသိုလ်ဝင်ခွင့်အတွက် သီးသန့်ကျင်းပပေးတဲ့ စာမေးပွဲပါပဲ။
ဒီEJU စာမေးပွဲကို ဂျပန်ကျောင်းသားကူညီမှုအဖွဲ့အစည်း JASSO(Japan Student Services Organization) ကကြီးမှူးပြီး ကျင်းပပြုလုပ်ပါတယ်။
EJU စာမေးပွဲဟာ ဘာလဲဆိုတာ သိသွားပြီဆိုလျှင် EJU စာမေးပွဲမှာ ဘာတွေပါလဲဆိုတာ ဆက်လေ့လာကြည့်ကြရအောင်။
EJU စာမေးပွဲမှာ
၁). ဂျပန်ဘာသာတွဲ
(Japanese as a Foreign language)
၂). သင်္ချာဘာသာတွဲ(Math 1 or Math 2)
(Mathematics)
၃). သိပ္ပံဘာသာတွဲ (Physics,Chemistry,Bio)
(Science)
၄). ဝိဇ္ဇာဘာသာတွဲ (ပထဝီ၊ သမိုင်း၊ စီးပွါးရေး၊နိုင်ငံရေး၊ လူ့ဘောင်အဖွဲ့အစည်း)
(Japan and the World)
ဆိုပြီး ဘာသာတွဲ ၄ မျိုးရှိပါတယ်။
၁ကနေ၄ အထိရှိပေမယ့် ဘာသာရပ်အားလုံးဖြေစရာမလိုပါဘူး။
ကိုယ်တက်မယ့် တက္ကသိုလ်၊ မေဂျာကိုလိုက်ပြီး လိုအပ်မယ့် ဘာသာရပ်တွေကို ရွေးပြီးဖြေရပါတယ်။
ဥပမာ ။ ။ အင်္ဂျင်နီယာဘာသာရပ်ကို တက်ချင်တယ်ဆိုပါစို့..
၁) ဂျပန်ဘာသာဖြေရပါမယ်။
၂) သင်္ချာဘာသာရဲ့ Math 2 ကို ဖြေရပါမယ်။
၃) သိပ္ပံဘာသာ တွဲရဲ့ Physics, Chemistry ကို ဖြေရပါမယ်။
အဲ့ဒီအတွက် ကိုယ်ဘယ်ဘာသာကို ဖြေရမလဲဆိုတာ အရင်ဆုံးသိဖို့လိုအပ်ပါတယ်။ ကိုယ်တက်မယ့်ကျောင်း၊ ကိုယ်တက်မယ့်မေဂျာအတွက် ဘယ်ဘာသာတွေလိုအပ်သလဲဆိုတာ အရင်ဦးဆုံး စုံစမ်းဖို့လိုအပ်ပါတယ်။
ဒီအောက်က link တွေမှာ EJU လက်ခံတဲ့ကျောင်းတွေနဲ့ ကျောင်းဝင်ခွင့်အတွက် ဘယ်ဘာသာတွေလိုအပ်တယ်ဆိုတာကို ဝင်ရောက်ရှာဖွေနိုင်ပါတယ်။
https://www.jasso.go.jp/en/eju/examinee/use/index.html
http://www.jasso.go.jp/ryugaku/study_j/eju/examinee/use/
http://www.jpss.jp/en/
http://www.jpss.jp/ja/
ကဲ EJU စာမေးပွဲမှာ ဘာတွေပါလဲဆိုတာ သိပြီဆိုလျှင်
EJU စာမေးပွဲအကြောင်းကို အသေးစိပ်ထပ်ပြီး လေ့လာကြည့်ကြပါစို့။
EJU စာမေးပွဲဟာ တစ်နှစ်မှာနှစ်ကြိမ်(၆လပိုင်းနဲ့၁၁လပိုင်း)ရှိပါတယ်။ မြန်မာနိုင်ငံ ရန်ကုန်မှာလည်း တနှစ်ကို၂ကြိမ် ကျင်းပပါတယ်။
EJU စာမေးပွဲကို ဂျပန်ဘာသာ(သို့)အင်္ဂလိပ်ဘာသာဖြင့် မေးခွန်းပုံစံကိုရွေးပြီး ဖြေလို့ရပါတယ်။
ဂျပန်ဘာသာတွဲကတော့ ဂျပန်လိုမေး၊ ဂျပန်လိုဖြေရပါတယ်။
ကျန်တဲ့ သင်္ချာ၊ သိပ္ပံတွဲ၊ ဝိဇ္ဇာတွဲ တွေကတော့ ဂျပန်ဘာသာနဲ့ဖြေဖြေ၊ အင်္ဂလိပ်ဘာသာနဲ့ဖြေဖြေ ကြိုက်တဲ့ဘာသာနဲ့ဖြေခွင့်ရှိပါတယ်။
EJU စာမေးပွဲဟာ JLPT စာမေးပွဲလိုမျိုး အောင်တယ်၊ ကျတယ်ဆိုတာ မရှိပါဘူး။
ဘယ်ဘာသာမှာ ဘယ်နှစ်မှတ်ရတယ်ဆိုပြီး ဖေါ်ပြပေးပါတယ်။
တက္ကသိုလ်တွေကလည်း အမှတ်ကိုကြည့်ပြီး ကျောင်းလက်ခံကြပါတယ်။ အမှတ်များတဲ့လူ၊ အမှတ်ကောင်းတဲ့လူတွေ ဂျပန်ရောက်တဲ့အခါ စကော်လာယူလို့ရပါတယ်။(စကော်လာယူချင်တဲ့လူတွေ စာမေးပွဲလျှောက်လွှာဖြည့်တဲ့အခါ စကော်လာလိုချင်တဲ့အကြောင်းကို ကြိုတင်ဖြည့်ထားဖို့လိုအပ်ပါတယ်။)
EJU စာမေးပွဲရဲ့ရလဒ်ဟာ အမှတ်စာရင်းထွက်ပြီး ၂ နှစ်အတွင်းသာ အသုံးဝင်ပါတယ်။
သိပ္ပံဘာသာတွဲမှာ Physics, Chemistry,Biology သုံးဘာသာရှိပေမယ့် မိမိတက်မယ့်ကျောင်းက သတ်မှတ်ထားတဲ့ နှစ်ဘာသာ ဖြေရင်ရပါတယ်။
သင်္ချာဘာသာတွဲမှာလည်း Math 1 နဲ့ Math 2 ၂ခုရှိပေမယ့် မိမိတက်မယ့်ကျောင်းက သတ်မှတ်ထားတဲ့ တစ်ခုကို ဖြေရင်ရပါပြီ။ Math 1 က Basic Level Math 2 က Advance Level။
ပြီးတော့ EJU စာမေးပွဲမှာ သိပ္ပံဘာသာတွဲနှင့်ဝိဇ္ဇာဘာသာတွဲကိုတစ်ကြိမ်တည်းမှာ ဖြေဆိုခွင့်မရှိပါဘူး။
စာမေးပွဲဖြေဆိုပုံကတော့ JLPT လိုပါပဲ Marking Sheet System ပါ။(ဂျပန်ဘာသာတွဲမှာ စာစီစာကုံး အတိုလေး ရေးရပါတယ်။)
ဂျပန်ဘာသာတွဲ
စာမေးပွဲကြာချိန်။ ။ ၁၂၅ မိနစ်
ပေးမှတ်။ ။ ၀〜၄၀၀ မှတ်
(Reading and Listening မိနစ် ၄၀+၅၅မိနစ်)
(စာစီစာကုံး မိနစ် ၃၀)( စာစီစာကုံး ခေါင်းစဉ် ၂ခုထဲက တစ်ခုရွေး)
သင်္ချာဘာသာတွဲ
စာမေးပွဲကြာချိန်။ ။ ၈၀ မိနစ်
ပေးမှတ်။ ။ ၀〜၂၀၀ မှတ်
သိပ္ပံဘာသာတွဲ
စာမေးပွဲကြာချိန်။ ။ ၈၀ မိနစ်
ပေးမှတ်။ ။ ၀〜၂၀၀ မှတ်
ဝိဇ္ဇာဘာသာတွဲ
စာမေးပွဲကြာချိန်။ ။ ၈၀ မိနစ်
ပေးမှတ်။ ။ ၀〜၂၀၀ မှတ်
စာမေးပွဲကြေးကတော့ မြန်မာနိုင်ငံမှာဖြေဆိုလျှင် မြန်မာငွေ ၃၀၀၀၀ကျပ် ပေးရပါတယ်။
ဂျပန်နိုင်ငံမှာဖြေဆိုလျှင် တစ်ဘာသာ ကို ၁၀၀၀၀ယန်း၊ နှစ်ဘာသာနှင့်အထက်ဖြေဆိုလျှင် ၁၈၀၀၀ယန်း ပေးရပါတယ်။
နောက်ဆုံး အနှစ်ချုပ်ပြီးပြောရမယ်ဆိုလျှင် EJU စာမေးပွဲဟာ ဂျပန်တက္ကသိုလ်ဝင်ခွင့် စာမေးပွဲပါ။
ခုနောက်ပိုင်းမှာ ကောလိပ်ကျောင်းတွေလည်း EJU ကို အသုံးပြုလာကြပါတယ်။
ဂျပန်တက္ကသိုလ်(သို့)ကောလိပ်ဝင်နိုင်ဖို့က အဓိကက လမ်း(၃)လမ်းရှိပါတယ်။
(၁). မြန်မာနိုင်ငံကနေ EJU ဖြေပြီး တိုက်ရိုက်လာတက်တဲ့လမ်း။
(၂). ဂျပန်နိုင်ငံမှာ ဂျပန်စာသင်တန်းကျောင်းတက်ပြီးမှ ဝင်ခွင့်ထပ်ဖြေ(သို့)EJUထပ်ဖြေပြီး တက်မယ့်လမ်း။
(၃). မြန်မာနိုင်ငံကနေ ဂျပန်အစိုးရ စကော်လာ(MEXT scholarship)ဖြေပြီးလာတက်တဲ့လမ်းတို့ဖြစ်ပါတယ်။
အချို့ကျောင်းတွေက EJU ကို လက်ခံကြပြီး၊ အချို့ကျောင်းတွေက JLPT တို့လို အခြား ဂျပန်စာ အောင်လက်မှတ်၊ အင်္ဂလိပ်စာရမှတ် များဖြင့်လည်း မြန်မာနိုင်ငံကနေ တိုက်ရိုက်တက်ရောက်နိုင်ပါတယ်။ မိမိတက်မယ့် တက္ကသိုလ်(သို့) ကောလိပ်အပေါ်မူတည်ပြီး ကွာပါလိမ့်မယ်။ မိမိတက်မယ့်ကျောင်းကို တိုက်ရိုက်ဆက်သွယ်စုံစမ်းကြည့်ကြပါ။
EJU နဲ့ပတ်သက်ပြီး ဒီအောက်က link တွေမှာလည်း ဝင်ရောက်လေ့လာနိုင်ပါတယ်။
အင်္ဂလိပ်လိုလေ့လာရန်။
http://www.jasso.go.jp/en/eju/about/about_a/about_eju.html
ဂျပန်လိုလေ့လာရန်။
http://www.jasso.go.jp/ryugaku/study_j/eju/about/about_a/about_eju.html
https://www.facebook.com/1380543912257737/posts/2491126364532814/?d=n
ဒါက OJEIC က ရေးထားတဲ့ EJU စာမေးပွဲ အကြောင်းလေးပါ။ လေ့လာကြည့်ပါ။
https://www.facebook.com/1380543912257737/posts/2303037100008409/?d=n
ဒါက မေးခွန်းဟောင်းလေးတွေပါ။
https://www.jasso.go.jp/sp/en/eju/examinee/pastpaper_sample/index.html
မေတ္တာဖြင့်
အကီ ။ ။
26/09/2022
ဂျပန်ပြည်သို့ မိဘကို အလည်ခေါ်မယ်
၁၀လပိုင်းကစပြီး ဂျပန် အလည်အပတ် ဗီဇာတွေလည်း ပြန်ဖွင့်ပြီဆိုတော့
ဂျပန်နိုင်ငံမှာ ပညာရှင် အလုပ်ဗီဇာနဲ့အလုပ်လုပ်နေတဲ့လူတွေ ကိုယ့်မိဘကို ဂျပန်အလည်အပတ် ခေါ်နိုင်ဖို့ ဒီ post လေးကို ရေးသားပါ့မယ်။
(ဂျပန်နိုင်ငံမှာ ကျောင်းတက်နေတဲ့လူတွေလည်းကျောင်းဆင်းပွဲကို မိဘတွေကို ခေါ်လို့ရပါတယ်။ ဒီ post ရဲ့ နောက်ပိုင်းမှာ ရေးသားပေးပါ့မယ်။)
ကိုယ့်မိဘအပြင် အသိမိတ်ဆွေ၊ မောင်နှမ၊ သူငယ်ချင်း၊ ချစ်သူရည်းစား ကိုယ်နဲ့ပတ်သက်တဲ့လူ အကုန် အလည်ခေါ်လို့ရပါတယ်။ ဒီဗီဇာကို ဂျပန်လိုတော့ 短期滞在(tankitaizai) ဗီဇာလို့ ခေါ်ပါတယ်။
ဒီဗီဇာနဲ့ ဂျပန်သွားလည်ဖို့က မြန်မာနိုင်ငံဘက်က ခရီးသွားမယ့်လူက ကုန်ကျစရိတ်ကျခံမှာလား၊ ဂျပန်ဘက်က အလည်ခေါ်မယ့်လူက ကုန်ကျစရိတ်ကျခံပြီး ခေါ်မှာလားဆိုပြီး ၂မျိုးရှိပါတယ်။ ဒီတစ်ခါ ဂျပန်နိုင်ငံဘက်က sponsor ပေးပြီး ခေါ်မယ့်ပုံစံကို ရေးသားပေးပါ့မယ်။
Sponsor ပေးမယ့်လူက ဂျပန်ဘက်ကနေ လိုအပ်တဲ့စာရွက်စာတမ်းတွေကိုလုပ်ပြီး မြန်မာနိုင်ငံက ဘက်ကVisaလျှောက်မယ့်လူဆီ ပို့ပေးရပါမယ်။
Visaလျှောက်မယ်လူက ဂျပန်ကပို့ပေးလိုက်တဲ့စာရွက်စာတမ်းနဲ့ မြန်မာနိုင်ငံကလိုအပ်တဲ့ စာရွက်စာတမ်းကိုယူသွားပြီးVisaကို မြန်မာနိုင်ငံမှာရှိတဲ့ ဂျပန်သံရုံးမှာ ဂျပန်သွားမယ့်လူကိုယ်တိုင် သွားလျှောက်ရမှာပါ။
မြန်မာနိုင်ငံမှာရှိတဲ့ ဂျပန်သံရုံးမှာ Visaတင်ရင် စာရွက်စာတမ်းပြည့်စုံပါက တစ်ပတ်၊ ၁၀ရက်ဆိုရင်Visaရပါပြီး။
မြန်မာနိုင်ငံကVisaရပြီး ၃လအတွင်း မိမိကြိုက်တဲ့နေ့မှာဂျပန်နိုင်ငံသို့ ထွက်ခွါခွင့်ရှိပါတယ်။
¥¥¥¥¥¥¥¥¥¥&$$$$$$$$$$$$&€€€€€€€
Visaလျှောက်ရန်လိုအပ်သောစာရွက်စာတမ်းများ။
ဂျပန်ဘက်က Sponsor ပေးမယ့်လူကဒါတွေလိုအပ်ပါတယ်။
1). Invitation letter(ဘာကြောင့် ဖိတ်ခေါ်ပါတယ်ဆိုတဲ့စာ)
2). Itinerary in Japan(ဘယ်တွေကို လည်ပတ်မှာလဲဆိုတဲ့ schedule)
3). Letter of guarantee (စပွန်စာပေးကြောင်း အာမခံစာ)
4). bank statement(ဘဏ်ထဲမှာ ငွေရှိကြောင်းထောက်ခံစာ(အလည်လာမည့်လူ၊ ဂျပန်နိုင်ငံမှာ သွားလာ နေထိုင်နိုင်လောက်တဲ့ ငွေပမာဏ)များလေ ကောင်းလေပါပဲ။)
5). ဂျပန်နိုင်ငံမှာ နေထိုင်နေတဲ့ သန်းခေါင်စာရင်း
6). ဂျပန်နိုင်ငံ နေထိုင်ခွင့်ကဒ်ပြားကော်ပီ
7). ဂျပန်နိုင်ငံမှာ အလုပ်လုပ်နေကြောင်း ထောက်ခံစာ
😎. ဝင်ငွေ အထောက်အထား課税・納税(kazei/noūzei)
9). အလည်လာမယ့်လူက တစ်ဦးထက်ပိုပါက List of visa applicants လိုအပ်ပါတယ်။
မြန်မာနိုင်ငံဘက်က Visaလျှောက်မယ့်လူက ဒါတွေလိုအပ်ပါတယ်။
1.passport(သက်တမ်း ၆လအထက် ကျန်ရပါမယ်)
2.visaလျှောက်လွာ
3.ဓါတ်ပုံ တစ်ပုံ(450mm×450mm)
4.air-ticket booking(အသွားအပြန် booking လုပ်ထားတဲ့စာရွက်)
5.မြန်မာနိုင်ငံ သန်းခေါင်စုစာရင်း(ဂျပန်နိုထလီ)
6.မှတ်ပုံတင်(ဂျပန်နိုထလီ)
7.bank statement(ဘဏ်ထဲမှာ လေယာဉ်လက်မှတ် ဝယ်နိုင်လောက်တဲ့ ငွေပမာဏ)
စာရွက်စာတမ်းအားလုံး မူရင်း&ကော်ပီလိုပါသည်။
¥¥¥¥¥¥¥¥¥¥¥&$$$$$$$$$$$$$$$$$$
အထက်ပါ စာရွက်စာတမ်းတွေ စုံပြီဆိုလျှင် မြန်မာနိုင်ငံ ဂျပန်သံရုံးမှာ ဗီဇာသွားတင်ပါ။
သံရုံးမှာ အလည်ဗီဇာတင်မယ်ဆိုရင် ဒီအချက်အလက်တွေကို သေသေချာချာဖတ်ပါ။
(လိုအပ်သည်များ ဖြည့်စွက်ပြီး တင်ပါ။)
https://www.mm.emb-japan.go.jp/profile/PDF%20file/2017relatives.pdf
ဗီဇာ လျှောက်လွှာ ရယူရန်။
(သံရုံးမှာလည်း ယူလို့ ရပါတယ်။)
https://www.mm.emb-japan.go.jp/profile/myanmar/visa.html
မြန်မာနိုင်ငံဘက်ကVisaရပြီးဆိုရင် သွားမယ်နေ့ရွေး၊ လေယာဉ်လက်မှတ်ဝယ်ပြီး ၃လအတွင်းမှာ ဂျပန်ကို သွားလို့ ရပါပြီ။
လေယာဉ်စီးပြီး ဂျပန်နိုင်ငံကိုရောက်ရင် ဂျပန်လဝကက မိမိရဲ့ passport ပေါ်မှာvisaတံဆိပ်တုံးထုပေးပါ့မယ်။ (ဥပမာ။ ။ယနေ့မှစ၍ ၁လ၊ ၃လ .....စသည်ဖြင့်)
ဂျပန်နိုင်ငံထဲဝင်ပြီး Visa မကုန်ခင်ထိ လည်ပတ်ခွင့်ရှိပါသည်။
မေး။ ။ အလည်အပတ်ဗီဇာက ဂျပန်မှာဘယ်လောက်နေလို့ရပါသလဲ။
ဖြေ။ ။ ကိုယ်ရေးတင်တဲ့ schedule အပေါ်မှာ မူတည်ပါလိမ့်မယ်။ တစ်လအောက် schedule ရေးရင် ဗီဇာ တစ်လရရှိပါလိမ့်မယ်။ တစ်လအထက် schedule ဆွဲထားရင် ဗီဇာ ၃လ ရရှိပါလိမ့်မယ်။
မေး။ ။ ၃လနေပြီး သက်တမ်း ထပ်တိုးလို့ ရပါသလား။
ဖြေ။ ။ အကြောင်းပြချက် ခိုင်လုံရင် တိုးလို့ရပါတယ်။ အလုပ်တော့ ရှုပ်ပါတယ်။ ထပ်တိုးဖူးတဲ့လူတွေ နောက်အခါတွေ အလည် ထပ်လာဖို့အတွက် ခက်ခဲကြတယ်လို့ ပြောကြပါတယ်။ ပုံမှန်က တစ်ခါ အများဆုံး ၃လ အထိ နေလို့ရတယ်လို့ မှတ်ထားတာ ကောင်းပါတယ်။
မေး။ ။ မြန်မာနိုင်ငံဘက်က ဗီဇာရပြီး၊ ဂျပန်အဝင်မှာ show money ပြဖို့ လိုပါသေးသလား။
ဖြေ။ ။ ဂျပန်ဘက်က အလည်ခေါ်ရင် show money မလိုအပ်ပါ။
မေး ။ ။ မိဘကို အလည်အပတ် မဟုတ်ဘဲ၊ တောက်လျှောက် ဂျပန်မှာ မှီခိုဗီဇာနဲ့ ခေါ်ထားလို့ မရဘူးလား။
ဖြေ။ ။ ပုံမှန်က မရပါဘူး။ အသက်ကြီးပြီး(၇၀နဲ့အထက်)၊ မြန်မာနိုင်ငံဘက်မှာ ကြည့်ရှုမယ့်လူမရှိတဲ့ မိဘဆိုရင်တော့ လဝကမှာ သွားရောက်ဆွေးနွေး လို့ရပါတယ်။
မေး။ ။ ဂျပန်ဘက်က လိုအပ်တဲ့ လျှောက်လွှာပုံစံတွေ ဘယ်ကယူလို့ရမလဲ။
ဖြေ။ ။ ဒီကနေ ရယူပါ။
https://www.mofa.go.jp/j_info/visit/visa/short/other_visa.html
မေး။ ။ အလည်အပတ်ဗီဇာဖြင့် လာသောလူတွေ အချိန်ပိုင်း အလုပ် လုပ်လို့ရပါသလား။
ဖြေ။ ။ ဥပဒေအရ အလုပ်လုပ်ခွင့် မရှိပါဘူး။
မေး။ ။ အခြား ဘာဗီဇာ ကိုင်ထားတဲ့လူတွေ မိဘ၊ မောင်နှမတွေကို အလည်ခေါ်လို့ ရပါသလဲ။
ဖြေ။ ။ အမြဲတမ်းနေထိုင်ခွင့် ရထားတဲ့လူတွေ၊ တဲဂျူးရထားတဲ့လူတွေ၊ ဂျပန်လူမျိုးနဲ့ လက်ထပ်ထားတဲ့လူတွေ ခေါ်လို့ရပါတယ်။
မေး။ ။ ဂျပန်မှာ ကျောင်းတက်နေပါတယ်။ ဘွဲ့ယူမယ့်ပွဲမှာ မိဘကို ခေါ်ချင်ပါတယ်။ ဘာတွေ လိုအပ်ပါသလဲ။
ဖြေ။ ။ လိုအပ်တဲ့ စာရွက်စာတမ်းကတော့
1). Invitation letter(ဘွဲ့ယူဖို့(လည်ပတ်ဖို့) ဖိတ်ခေါ်ပါတယ်ဆိုတဲ့စာ)
2). Itinerary in Japan(ဘယ်တွေကို လည်ပတ်မှာလဲဆိုတဲ့ schedule၊ ကျောင်းသားဖြစ်တဲ့အတွက် ဘွဲယူမယ့်နေ့ကို schedule မှာ ထည့်ဆွဲဖို့လိုအပ်ပါတယ်။ )
3). ဂျပန်နိုင်ငံမှာ နေထိုင်နေတဲ့ သန်းခေါင်စာရင်း
4). ဂျပန်နိုင်ငံ နေထိုင်ခွင့်ကဒ်ပြားကော်ပီ
5). ကျောင်းကနေ ကျောင်းတက်နေကြောင်း၊ ဘွဲ့ယူမယ့်အကြောင်းထောက်ခံစာ ရယူဖို့လိုအပ်ပါလိမ့်မယ်။
မိမိက အလုပ်လုပ်နေတဲ့လူတစ်ယောက်ဆိုလျှင်၊ မိမိကိုယ်တိုင် guarantee ပေးလို့ ရပေမယ့်၊ ကျောင်းသားဖြစ်တဲ့အတွက် guarantee လုပ်ဖို့ လူရှာဖို့ လိုအပ်ပါလိမ့်မယ်။ မိဘကို ဘွဲ့ယူပွဲ ခေါ်ချင်တယ်လို့ ကျောင်းမှဆရာ၊ ဆရာမတွေကို ပြောပြလျှင် အချို့ဆရာ၊ ဆရာမတွေက guarantee ပေး အဆင်ပြေအောင် ဆောင်ရွက်ပေးပါလိမ့်မယ်။ ဒါမှမဟုတ် မိမိနဲ့သိတဲ့ အလုပ်လုပ်နေတဲ့မြန်မာလူမျိုး၊ ဂျပန်လူမျိုး စတဲ့လူတွေကိုလည်း အာမခံ ပေးခိုင်းလို့ ရပါတယ်။ ဂျပန်လို မိမိကိုထောက်ခံ့ပေးမယ့်လူကို 身元保証人(mimotohoshōnin) လို့ ခေါ်ပါတယ်။အဲ့ဒီလူဆီက ယူရမယ့် စာရွက်စာတမ်းတွေ ကတော့
1). ထောက်ခံစာ 身元保証書 (mimotohoshōsho)
(Letter of guarantee)
2). အလုပ်လုပ်နေကြောင်း ထောက်ခံစာ 在職証明書 (zaishokushōmeisho) (သို့) ဝင်ငွေ အထောက်အထား
3). ရပ်ကွက်နေထိုင်ကြောင်းထောက်ခံစာ 住民票(jūminhyō) ပဲ ဖြစ်ပါတယ်။
လိုအပ်တဲ့ 身元保証書 စာရွက်စာတမ်းပုံစံကို ဒီမှာ ရယူလို့ ရပါတယ်။
(Letter of guarantee)
https://www.mofa.go.jp/j_info/visit/visa/index.html
ဒီနေရာမှာ ကိုယ့်ကို ထောက်ခံပေးမယ့် 身元保証人(mimotohoshōnin) က ကန့်သတ်မှုရှိသလားဆိုတာ မေးစရာ တစ်ခုရှိပါတယ်။ ဂျပန်ဘက်မှာ ကိုယ့်ကို ထောက်ခံပေးမယ့်၊ အာမခံပေးမယ့်လူဟာ ယုံကြည်ရတဲ့လူဖြစ်ဖို့ လိုအပ်ပါတယ်။
ဥပမာ။ ။ အလုပ်အကိုင်ရှိတဲ့ ဂျပန်လူမျိုး၊ ဂျပန်လူမျိုးရဲ့ မီခိုသမား 日本人の配偶者等၊ အမြဲတမ်းနေထိုင်ခွင့်ရထားတဲ့လူ 永住者၊ အမြဲတမ်းနေထိုင်ခွင့်ရသူရဲ့ မီခိုသမား 永住者の配偶者等၊ တဲဂျူးသမား 定住者၊ စတဲ့ အလုပ်အကိုင်ရှိပြီး၊ ဗီဇာ ၃နှစ်နဲ့အထက် ရှိတဲ့လူတွေဆိုလျှင် စိတ်ချရပါတယ်။ အဓိကကတော့ စိတ်ချရတဲ့လူကို ရွေးဖို့၊ အကူအညီတောင်းဖို့ လိုပါတယ်။
မေး။ ။ ထရိန်နီ၊ တိုခုတဲ သမားတွေကော မိသားစုဝင်တွေကို အလည်အပတ် ခေါ်လို့ ရပါသလား။
ဖြေ။ ။ ထရိန်နီ၊ တိုခုတဲ သမားတွေက ဗီဇာ အားနည်းလို့ ခေါ်လို့ မရပါ။ အထက်ကလိုမျိုး ဂျပန်နိုင်ငံဘက်က အသိ တစ်ယောက်ယောက်ကို စပွန်စာပေးပြီး ခေါ်ခိုင်းပါ။ အဲ့ဒါက ပိုအဆင်ပြေပါလိမ့်မယ်။ ဒါမှမဟုတ်
မြန်မာနိုင်ငံဘက်က မိမိဘာသာ စပွန်စာလုပ်ပြီး အလည်ဗီဇာနဲ့ လာချင်တဲ့လူတွေကတော့ လိုအပ်တဲ့ စာရွက်စာတမ်းကို သံရုံးမှာ မြေးမြန်းပြီး ပြင်ဆင် လျှောက်ထားပါ။
https://www.mm.emb-japan.go.jp/profile/myanmar/visa.html
(ယခင် ဇော်ဂျီဖြင့်ရေးသားခဲ့သော စာများကို Unicode ဖြင့် ပြန်လည်ဖြည့်စွက်၊ ပြင်ဆင်ရေးသားပေးထားပါတယ်။)
ပျော်ရွှင်သော ခရီးများကို ပိုင်ဆိုင်နိုင်ကြပါစေ။
အကီ။ ။
25/09/2022
ကလေးတွေက ဒေါ်လာဈေးတက်လို့ စိတ်ညစ်နေကြတဲ့ကြားထဲ 😠😡🤬🤬🤬
ပြည်ပသို့ လူငယ်များ ထွက်ခွာမှု များပြားနေ၍ တားဆီးကြပ်မတ်ရန်၊ ပြည်ပထွက်မည်ဆိုပါက လစာ၏ ရာခိုင်နှုန်း မည်မျှကို ပြည်တွင်းထံ ပြန် လည်ပေးပို့ရမည်ဆိုသော စာချုပ် တစ်ပါတည်း လက်မှတ်ရေးထိုးခိုင်းရန် မင်းအောင်လှိုင် ညွှန်ကြား
ရန်ကုန်၊ စက်တင်ဘာ ၂၄
အကြမ်းဖက်စစ်ခေါင်းဆောင် မင်းအောင်လှိုင်က ပြည်ပ နိုင်ငံများသို့ လူငယ်များ ထွက်ခွာနေမှု များပြားနေ၍ တင်းကျပ် ကြပ်မတ်ရန်နှင့် ပြည်ပထွက်ခွာသွားသော အလုပ်သမားများအနေဖြင့် လစာ၏ ရာခိုင်နှုန်း မည်မျှကို ပြည်တွင်း ပြန်လည်ပေးပို့ရမည် ဆိုသော စာချုပ်ကို လက်မှတ်ရေးထိုးခိုင်းရန် ညွှန်ကြားထားကြောင်း သိရှိရသည်။
၂၀၂၂ ခုနှစ် ဩဂုတ်လ ၁၈ ရက်နေ့ နေပြည်တော်တွင် ပြုလုပ်ခဲ့သော လုံခြုံ ရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေး ကော်မတီ အစည်းအဝေး အမှတ်စဉ် ၅/၂၀၂၂ တွင် မင်းအောင်လှိုင်က အထက်ပါအတိုင်း ညွှန်ကြားလိုက်ခြင်းဖြစ်သည်။
အဆိုပါအစည်းအဝေးတွင် မင်းအောင်လှိုင်က ညွှန်ကြားချက် ၁၀ ချက်ပေးခဲ့ပြီး ယင်းတို့အနက်တွင် အချက် ၂ ချက်မှာ ပြည်ပသို့ လူငယ်များ ထွက်ခွာနေမှုများနှင့်ပတ်သက်၍ တင်းကျပ်ရန် အမိန့်ပေးခြင်းဖြစ်သည်။ (အစည်းအဝေးတွင် မင်းအောင်လှိုင် ညွှန်ကြားသည့် လျှို့ဝှက် အမိန့် အချက် ၈ ချက်ကိုလည်း ရန်ကုန်ခေတ်သစ်က ထပ်မံ သတင်းဖော်ပြပါမည်။)
ပြည်ပနိုင်ငံများသို့ လူငယ်များ ဆက်တိုက်ထွက်ခွာနေမှုကြောင့် နောင်တွင် ပြည်တွင်းတွင် အလုပ်သမားရှားပါးမှု ပြဿနာ မဖြစ်ပေါ်စေရေးအတွက် ပြည်ပ ထွက်ခွာမှုများနှင့်ပတ်သက်၍ ကြပ်ကြပ်မတ်မတ်ဆောင်ရွက်ရန်နှင့် ပြည်တွင်းတွင် အလုပ်အကိုင်အခွင့်အလမ်းများ ရရှိရေး ဆောင်ရွက်ရန် မင်းအောင်လှိုင်က ညွှန်ကြားပြောဆိုသည်။
ထို့ပြင် ပြည်ပသို့ သွားရောက် အလုပ်လုပ်ကိုင်သူ လူငယ်များ အနေဖြင့် ပြည်တွင်းသို့ လစာ၏ ရာခိုင်နှုန်း မည်မျှ ပေးပို့ရန် ဆိုသော အချက်ကိုလည်း စာချုပ်အဖြစ် ထည့်သွင်းကာ ပြည်ပမထွက်ခင်ကတည်းက တစ်ပါတည်း လက်မှတ်ရေးထိုးခိုင်းရန် မင်းအောင်လှိုင်က အမိန့်ပေးကြောင်း သိရှိရသည်။
လတ်တလော ပြည်တွင်းတွင် ပြည်ပ ထွက်ခွာနိုင်ရေး နိုင်ငံကူးလက်မှတ်လုပ်ရန် အလွန်ခက်ခဲနေပြီး လာဘ်ပေးလာဘ်ယူမှုများမှာလည်း အလွန်ကြီးထွားနေကြောင်း ပြည်ပထွက်ခွာရန် ကြိုးစားနေသည့် လူငယ်များထံမှ သိရှိရသည်။
"ပြည်ပထွက် အလုပ်လုပ်ဖို့က နိုင်ငံကူးလက်မှတ် လုပ်ဖို့တင် အတော်ကိုခက်ခက်ခဲခဲလုပ်နေရပါတယ်။ ပတ်စ်ပို့ အမြန်လုပ်ချင်ရင် ၅ သိန်းလောက်ကို ပေးနေရတာတွေလည်းရှိနေပါတယ်" ဟု မအူပင်မှ လူငယ်တစ်ဦးက ဆိုသည်။
မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီလ ၁ ရက်နေ့ အကြမ်းဖက် စစ်ခေါင်း ဆောင် မင်းအောင်လှိုင် အာဏာသိမ်းချိန်မှစတင်ပြီး လူငယ်များ အလုံးအရင်းဖြင့် ပြည်ပနိုင်ငံများသို့ ထွက်ခွာနေခြင်းဖြစ်သည်။
ဓာတ်ပုံ- အကြမ်းဖက်မင်းအောင်လှိုင်။
10/09/2022
တိုခုတဲဂိနိုးဗီဇာ ခွင့်ပြုသော ဂျပန်စာ စာမေးပွဲများထပ်တိုး
တိုခုတဲဂိနိုးဗီဇာ လျှောက်ထားနိုင်ဖို့အတွက် လက်ရှိအထိ JLPT (သို့) JFT ကိုသာ ခွင့်ပြုထားခဲ့ပါတယ်။
၈လပိုင်း ၃၀ရက်နေ့ ဂျပန်လဝကရဲ့ ထုတ်ပြန်ချက်အရ တိုခုတဲဂိနိုးဗီဇာ လျှောက်ထားဖို့ အရည်အချင်းပြည့်မှီတဲ့ ဂျပန်စာစာမေးပွဲ အချို့ကို ထပ်တိုးခွင့်ပြုပေးထားပါတယ်။
မြန်မာနိုင်ငံမှာ ကျင်းပနေတဲ့ စာမေးပွဲတွေထဲမှာဆိုလျှင်
(၁). JLPT
(၂). JFT
အပြင်
(၃). NAT-TEST
(၄). TOP-J
(၅). J-TEST
(၆). J-cert
စတဲ့ စာမေးပွဲတွေ ပါဝင်လာပါတယ်။
(အခြား ဂျပန်စာ စာမေးပွဲတွေလည်း ထပ်တိုးကောင်း ထပ်တိုးလာနိုင်ပါတယ်။)
ကိုးကား link
https://www.moj.go.jp/isa/content/001378844.pdf
https://www.moj.go.jp/isa/content/001370592.pdf
အကီ။ ။
25/09/2022
10/09/2022