Learning with Tr.Hlaing

ကျောင်းပိတ်ရက် ကြေငြာခြင်း📌📌📌📌📌

၂၀၂၆ ဧပြီလ 30ရက် (ကြာသပ‌တေးနေ့) သည် ကဆုန်လပြည့်နေ့ (ဗုဒ္ဓအခါတော်နေ့) အများပြည်သူ ရုံးပိတ်ရက် ဖြစ်ပါသဖြင့် ကျောင်း ၁ ရက်ပိတ်ပါမယ်ရှင်။

သားသမီးကောင်းရချင်ရင်
မိဘကောင်းအရင် ဖြစ်ပေးပါ။

မိဘကျေးဇူးမြင့်မားတာ မှန်ပေမယ့်
တာဝန်လည်း မြင့်မားတယ်ဆိုတာ မမေ့ပါနဲ့။

ကလေးက မိဘပြောတာထက်
မိဘလုပ်တာကို ပိုလေ့လာတတ်တယ်။

သင်ပေးချင်တဲ့ စကားတွေထက်
နမူနာလုပ်ပြပေးတဲ့ လုပ်ရပ်တွေက ပိုအားကောင်းတယ်။

ချစ်ခြင်း၊ စည်းကမ်း၊ သည်းခံမှု
ဒီသုံးခုကို မိဘကနေ စပြီး ပြပါ။

အဲ့ဒီအချိန်မှာပဲ
သားသမီးကောင်းဆိုတာ
ပေါက်ဖွားလာပါလိမ့်မယ်။

နန်းမေသဲအေး

📚 သင်္ချာဆိုတာ ဂဏန်းပေါင်းတာတင်မဟုတ်ပါဘူး
သင်္ချာဟာ ကလေးတွေရဲ့ 🧠 စဉ်းစားတွေးခေါ်နိုင်စွမ်း၊ ပြဿနာဖြေရှင်းနိုင်မှုနဲ့ အကြောင်းအရာတွေကို ချိတ်ဆက်စဉ်းစားနိုင်စွမ်းကို တိုးတက်စေတဲ့ အရေးကြီးသော ဘာသာရပ်တစ်ခုပါ။
👨‍👩‍👧‍👦 မိဘတွေ ဘာလုပ်ပေးနိုင်မလဲ? ✔️ နေ့စဉ်ဘဝထဲမှာ သင်္ချာကို ပါဝင်အောင်လုပ်ပေးပါ (ဈေးဝယ်ရင်တွက်ခိုင်းတာမျိုး)
✔️ အမှားလုပ်တာကို မဆဲဘဲ အားပေးပြီး ပြန်စဉ်းစားခိုင်းပါ
✔️ “ဘာကြောင့်လဲ?” “ဘယ်လိုဖြေရှင်းမလဲ?” လို့ မေးခွန်းများ မေးပေးပါ
✔️ သင်္ချာကို ဂိမ်း၊ ကစားစရာတွေနဲ့ သင်ယူအောင်လုပ်ပေးပါ
✨ ကလေးတွေကို ဖြေရှင်းနည်းမှန်ထက် စဉ်းစားပုံမှန်အောင် လမ်းညွှန်ပေးတာက ပိုအရေးကြီးပါတယ်။

#ကိုပေါက်စ_2
#မိဘတွေအတွက် #ကလေးဖွံ့ဖြိုးမှု

ကလေးတွေဟာ ရုပ်ပိုင်းဆိုင်ရာ၊ ဉာဏ်ရည်ပိုင်းဆိုင်ရာ လျစ်လျူရှုခံရလာတဲ့အခါ
သူတို့ရဲ့ အနာဂတ်အပေါ် တိုက်ရိုက်သက်ရောက်မှုတွေ ဖြစ်ပေါ်လာနိုင်ပါတယ်။
👉 ဘာတွေဖြစ်လာနိုင်လဲ?
• ကိုယ်ခံအားနည်းပြီး ကျန်းမာရေးပြဿနာတွေ ဖြစ်လွယ်လာတယ်
• စကားပြော၊ သင်ယူနိုင်စွမ်း နောက်ကျတတ်တယ်
• ကိုယ့်ကိုယ်ကို ယုံကြည်မှုနည်းလာပြီး စိတ်ဖိစီးမှုများတတ်တယ်
• အပြုအမူထိန်းချုပ်မရ၊ ဒေါသထွက်လွယ်၊ အရာဝတ္ထုတွေ ပစ်ပေါက်တတ်တယ်
• လူမှုဆက်ဆံရေးမှာ အခက်အခဲတွေ ကြုံတတ်တယ်
👉 မဖြစ်အောင် မိဘတွေ ဘယ်လိုဂရုစိုက်မလဲ?
• အချိန်ပေးပြီး စကားပြောနားထောင်ပေးပါ
• ကျန်းမာရေး၊ အာဟာရကို အလေးထားပြီး စောင့်ရှောက်ပါ
• ကစားခြင်း၊ စာဖတ်ခြင်းလို ဉာဏ်ရည်တိုးတက်စေမယ့် လှုပ်ရှားမှုတွေ ဖန်တီးပေးပါ
• ကလေးရဲ့ စိတ်ခံစားချက်တွေကို လျစ်လျူမရှုဘဲ လေးစားနားလည်ပါ
• ချီးမွမ်းအားပေးပြီး ယုံကြည်မှုတည်ဆောက်ပေးပါ
ကလေးတစ်ယောက်ကို စနစ်တကျ ဂရုစိုက်ပေးတာဟာ
သူတို့ရဲ့ အနာဂတ်ကို တည်ဆောက်ပေးနေခြင်းပါပဲ 💛

#ကိုပေါက်စ_2
#မိဘတာဝန် #ကလေးပြုစုပျိုးထောင်ရေး #ကလေးဖွံ့ဖြိုးမှု

မိဘတိုင်းကတော့ ကိုယ့်သားသမီးကို ချစ်ကြတာချည်းပါပဲ။ ဒါပေမဲ့ မိဘတို့ရဲ့ "အချစ်" က ကလေးတိုင်းအပေါ် "တရားမျှတမှု" ရှိရဲ့လား?
မိဘတွေရဲ့ မျက်နှာလိုက်မှုဟာ တကယ်တော့ မိဘအများစု ထင်ထားတာထက် ပိုပြီး ကလေးအပေါ်ထိခိုက်နစ်နာစေပါတယ်။မျက်နှာလိုက်တယ်ဆိုတာ နှုတ်ကထုတ်ပြောမှ သိတာမဟုတ်ပါဘူး။ မေမေဖေဖေတို့ရဲ့ စိတ်ရှည်မှု၊ အပြစ်လွှတ်မှုနဲ့ နားထောင်ပေးမှုတွေမှာ ကလေးတွေက ခံစားမိနေပါတယ်။

ကလေးတွေဟာ အရာအားလုံးကို သတိထားမိကြပါတယ်။ ဘယ်သူက ပိုပြီး စိတ်ရှည်သည်းခံမှုကို ရရှိသလဲ၊ ဘယ်သူက ပိုပြီး ချီးကျူးခံရသလဲ၊ တစ်ခုခုဆိုရင် ဘယ်သူ့ဘက်က အရင် ကာကွယ်ပေးတတ်သလဲ၊ ဘယ်သူ့ကို ပိုပြီး လွယ်လွယ်ကူကူ ခွင့်လွှတ်ပေးတတ်သလဲ၊ ပြီးတော့ ပြဿနာတစ်ခုခုဖြစ်ရင် ဘယ်သူ့ကို အရင်ဆုံး အပြစ်တင်တတ်သလဲ ဆိုတာတွေကို သူတို့ အကုန်သိပါတယ်။
သင်က နှုတ်ကနေ ထုတ်မပြောပေမဲ့ သင့်ကလေးတွေကတော့ ဒါကို ခံစားမိနေပါတယ်။

မျက်နှာလိုက်ခြင်းဟာ တိတ်ဆိတ်တဲ့ စိတ်ဒဏ်ရာတွေကို ဖြစ်စေပါတယ်။ ကလေးတစ်ယောက်က "ငါဟာ ဘယ်တော့မှ အကောင်းဆုံး ဖြစ်မလာဘူး" ဆိုတဲ့ ခံစားချက်နဲ့ ကြီးပြင်းလာရသလို၊ နောက်တစ်ယောက်ကတော့ ဖိအားတွေ၊ အပြစ်ရှိသလို ခံစားရမှုတွေ ဒါမှမဟုတ် "ငါပဲ ရသင့်ရထိုက်တယ်" ဆိုတဲ့ အခွင့်ထူးခံ စိတ်ဓာတ်တွေနဲ့ ကြီးပြင်းလာရတတ်ပါတယ်။ ဒီသက်ရောက်မှုနှစ်ခုလုံးဟာ နှစ်ပေါင်းများစွာကြာအောင် စွဲကျန်နေစေပါတယ်။

မိဘတွေအနေနဲ့ ကလေးအားလုံးကို ပုံစံတူ ချစ်စရာမလိုပေမဲ့ "တရားမျှတစွာ" တော့ ချစ်ရပါမယ်။
အဲဒါက ဘာကိုဆိုလိုတာလဲဆိုရင်
- တရားမျှတစွာ ဆုံးမပါ။
- ဘက်မလိုက်ဘဲ နားထောင်ပေးပါ။
- တစ်ယောက်နဲ့တစ်ယောက် မနှိုင်းယှဉ်ဘဲ ပြုပြင်ပေးပါ။
- စည်းကမ်းသတ်မှတ်ချက်တွေမထားဘဲ ချစ်ပေးပါ။

ဘာလို့လဲဆိုတော့ မိဘတို့ရဲ့ ရည်မှန်းချက်က "ပိုတော်တဲ့" ကလေးတစ်ယောက်တည်းကို ပျိုးထောင်ဖို့ မဟုတ်ဘဲ၊ ကလေးအားလုံးဟာ အလေးထားခံရတယ်၊ တန်ဖိုးရှိတယ်၊ ပြီးတော့ အပြည့်အဝ အချစ်ခံရတယ်လို့ ခံစားရစေဖို့အတွက် ဖြစ်လို့ပါပဲ။ ချစ်ခြင်းမေတ္တာမှာ နှိုင်းယှဉ်မှုတွေ မပါဝင်ပါစေနဲ့။ ကလေးတိုင်းကို အလေးထားကြောင်း၊ တန်ဖိုးထားကြောင်း သူတို့ သိပါစေ။ တရားမျှတတဲ့ မိဘမေတ္တာဟာ ကလေးတွေအတွက် အကောင်းဆုံး ခွန်အားပါ။ ဒီအကြောင်းအရာလေးနဲ့ပတ်သက်ပြီး မိဘတို့ရဲ့ ထင်မြင်ချက်များကိုလဲ comment မှာဝင်ရောက်ဆွေးနွေးနိုင်ပါတယ်။

#မိဘနှင့်သားသမီး

ကလေးတွေကလိုချင်တာမရတဲ့အခါ အရာဝတ္ထုတွေကိုလွှင့်ပစ်၊ ဖျက်စီးတတ်လာတာဟာ စိတ်ခံစားချက်ကို မထိန်းချုပ်နိုင်သေးတဲ့ လက္ခဏာတစ်ခုပါ။ မိဘတွေဘက်က မှန်ကန်တဲ့နည်းလမ်းနဲ့ ဆူပေးနိုင်ရင် ဒီအကျင့်ကို ပြောင်းလဲနိုင်ပါတယ်။

✔️ မထိန်းချုပ်နိုင်တဲ့အချိန်မှာ အေးအေးဆေးဆေးနဲ့တားပါ
✔️ "ဒီလိုလုပ်လို့မရဘူး" ဆိုတာကို တိတိကျကျရှင်းပြပါ
✔️ သူ့စိတ်ခံစားချက်ကို နားလည်ပေးပြီး “မရလို့စိတ်တိုနေတာကို မေမေသိတယ်” လိုပြောပါ
✔️ အရာဝတ္ထုတွေကို လွှင့်ပစ်မယ့်အစား စကားပြောပြီးတောင်းဆိုဖို့ သင်ပေးပါ
✔️ ကောင်းတဲ့အပြုအမူတွေကို ချီးကျူးပေးပါ

ကလေးတွေကို ရိုက်နှက်ပြီးဆူတာထက် နားလည်ပြီးညွှန်ကြားပေးတာက ပိုပြီး ထိရောက်ပါတယ်။ သင်ကြားပေးတဲ့နည်းမှန်ရင် ကလေးရဲ့အပြုအမူလည်း တဖြည်းဖြည်းကောင်းလာပါလိမ့်မယ်။

#ကိုပေါက်စ_2
#ကလေးငယ်အတွက် #မိဘအကြံပြုချက်

တကယ်ပဲ ကလေး မှောက်ချလိုက်တဲ့ ပန်းကန်ကြောင့် ဒေါသပေါက်ကွဲသွားတာလား?

ဒါမှမဟုတ် ကိုယ့်အတွင်းစိတ်ထဲမှာ နှစ်ပေါင်းများစွာ အောင့်အည်းထားရတဲ့ ဒေါသတွေက ကလေးကို အကြောင်းပြပြီး ထွက်လာတာလား?"

ဖေဖေ၊ မေမေတို့ သတိထားမိကြမယ်ထင်ပါတယ်။ တစ်ခါတလေ ကိစ္စက သေးသေးလေးပါ။

ဒါပေမဲ့ Mie တို့က တောမီးလောင်သလို
ဟုန်းခနဲ ဒေါသထွက်သွားတတ်တယ်။ 🔥

အဲဒီအချိန်မှာ Mie အမြဲလုပ်လေ့ရှိတဲ့ လျှို့ဝှက်ချက်က
"သတိကပ်ပြီး ကိုယ့်ကိုယ်ကိုယ် ပြန်မေးခွန်းထုတ်တာ" ပါပဲ။

💭 "ငါ ဘာကြောင့် ဒီလောက်ထိ ဒေါသကြီးသွားတာလဲ?"

💭 "ငါ့ကို Trigger ဖြစ်စေတဲ့ (စိတ်ဆွပေးတဲ့) အရင်းအမြစ်က ဘာလဲ?"

💭 "အခုဖြစ်နေတဲ့ ကိစ္စက တကယ်ပဲ ဒီလောက်ထိ ဒေါသထွက်ဖို့ လိုအပ်တဲ့ ကိစ္စလား?"

ဒီလို မေးခွန်းထုတ်လိုက်တဲ့အခါ တကယ်တမ်း
ဒေါသက ကလေးလုပ်တဲ့ အမှားကြောင့်မဟုတ်ဘဲ...
ငယ်ငယ်က မိဘဆူတာ ခံခဲ့ရတဲ့ ဒဏ်ရာ (Inner Child Trauma)
ဒါမှမဟုတ် ကိုယ့်ရဲ့ ပင်ပန်းနွမ်းနယ်မှုတွေကြောင့် ဖြစ်နေတာကို သွားတွေ့ရပါလိမ့်မယ်။

အဲဒီလို သတိကပ်ပြီး စဉ်းစားနေရင်းနဲ့ပဲ
တောက်လောင်နေတဲ့ ဒေါသစိတ်လေးတွေက
တဖြည်းဖြည်း လျှော့လာပြီး စိတ်က ပုံမှန်အတိုင်း
ပြန်အေးချမ်းသွားတာကို Mie ခံစားရပါတယ်။

ဒေါသကို အတင်းအကျပ် အောင့်မထားဘဲ
"နားလည်ပေးခြင်း" နဲ့ ကုစားလိုက်တာဟာ စိတ်အေးချမ်းတဲ့
မိဘတစ်ယောက်ဖြစ်ဖို့ အမြန်ဆုံးနည်းလမ်းပါပဲ။

ဖေဖေ၊ မေမေတို့လည်း ကလေးကို
ဒေါသထွက်မိတော့မယ်ဆိုရင် ခဏလေး ရပ်လိုက်ပါ။

ပြီးရင် Mie လိုပဲ အသက်ကို ပြင်းပြင်းရှူသွင်း၊ ရှုထုတ်လုပ်ပြီး
ကိုယ့်ကိုယ်ကိုယ် မေးခွန်းပြန်မေးကြည့်ပါ။

အပြင်ပန်းက စည်းကမ်းတွေထက် သင့်ရဲ့ အတွင်းစိတ်ကို အရင်ကုစားမှသာ ပျော်ရွှင်တဲ့ မိသားစုဘဝကို ပိုင်ဆိုင်နိုင်မှာ ဖြစ်ပါတယ်။

"သတိကပ်ခြင်းဆိုတာ ဒေါသလှိုင်းတွေကြားမှာ မိမိကိုယ်ကိုယ် ရှာတွေ့စေတဲ့ အကောင်းဆုံး သော့ချက်တစ်ခုပါပဲ"

အော်စရာမလို၊ ရိုက်စရာမလိုဘဲ နွေးထွေးတဲ့
စည်းကမ်းတွေနဲ့ ကလေးကို ပျိုးထောင်ဖို့ ကိုယ့်ကိုယ်ကိုယ် ရှာဖွေချင်တယ်ဆိုရင် Mie ရဲ့ 'New Parenting Summit (NPS)' မှာ

ကိုယ့်ကိုယ်ကိုယ်ရော၊ ကလေးကိုပါ ပြောင်းလဲဖို့ အသင့်ဖြစ်ပြီဆိုရင် Comment မှာ 'NPS' လို့ ရေးခဲ့ပေးပါ။

အတူတူ အကောင်းဆုံး ပြောင်းလဲမှုတွေ ဖန်တီးကြရအောင်။

~ 𝐘𝐨𝐮𝐫 𝐏𝐚𝐫𝐞𝐧𝐭𝐢𝐧𝐠 𝐏𝐚𝐫𝐭𝐧𝐞𝐫 - 𝐃𝐫.𝐌𝐢𝐞 🎀

#ဒေါသထိန်းနည်းး

တကယ်ပဲ ကလေး မှောက်ချလိုက်တဲ့ ပန်းကန်ကြောင့် ဒေါသပေါက်ကွဲသွားတာလား?

ဒါမှမဟုတ် ကိုယ့်အတွင်းစိတ်ထဲမှာ နှစ်ပေါင်းများစွာ အောင့်အည်းထားရတဲ့ ဒေါသတွေက ကလေးကို အကြောင်းပြပြီး ထွက်လာတာလား?"

ဖေဖေ၊ မေမေတို့ သတိထားမိကြမယ်ထင်ပါတယ်။ တစ်ခါတလေ ကိစ္စက သေးသေးလေးပါ။

ဒါပေမဲ့ Mie တို့က တောမီးလောင်သလို
ဟုန်းခနဲ ဒေါသထွက်သွားတတ်တယ်။ 🔥

အဲဒီအချိန်မှာ Mie အမြဲလုပ်လေ့ရှိတဲ့ လျှို့ဝှက်ချက်က
"သတိကပ်ပြီး ကိုယ့်ကိုယ်ကိုယ် ပြန်မေးခွန်းထုတ်တာ" ပါပဲ။

💭 "ငါ ဘာကြောင့် ဒီလောက်ထိ ဒေါသကြီးသွားတာလဲ?"

💭 "ငါ့ကို Trigger ဖြစ်စေတဲ့ (စိတ်ဆွပေးတဲ့) အရင်းအမြစ်က ဘာလဲ?"

💭 "အခုဖြစ်နေတဲ့ ကိစ္စက တကယ်ပဲ ဒီလောက်ထိ ဒေါသထွက်ဖို့ လိုအပ်တဲ့ ကိစ္စလား?"

ဒီလို မေးခွန်းထုတ်လိုက်တဲ့အခါ တကယ်တမ်း
ဒေါသက ကလေးလုပ်တဲ့ အမှားကြောင့်မဟုတ်ဘဲ...
ငယ်ငယ်က မိဘဆူတာ ခံခဲ့ရတဲ့ ဒဏ်ရာ (Inner Child Trauma)
ဒါမှမဟုတ် ကိုယ့်ရဲ့ ပင်ပန်းနွမ်းနယ်မှုတွေကြောင့် ဖြစ်နေတာကို သွားတွေ့ရပါလိမ့်မယ်။

အဲဒီလို သတိကပ်ပြီး စဉ်းစားနေရင်းနဲ့ပဲ
တောက်လောင်နေတဲ့ ဒေါသစိတ်လေးတွေက
တဖြည်းဖြည်း လျှော့လာပြီး စိတ်က ပုံမှန်အတိုင်း
ပြန်အေးချမ်းသွားတာကို Mie ခံစားရပါတယ်။

ဒေါသကို အတင်းအကျပ် အောင့်မထားဘဲ
"နားလည်ပေးခြင်း" နဲ့ ကုစားလိုက်တာဟာ စိတ်အေးချမ်းတဲ့
မိဘတစ်ယောက်ဖြစ်ဖို့ အမြန်ဆုံးနည်းလမ်းပါပဲ။

ဖေဖေ၊ မေမေတို့လည်း ကလေးကို
ဒေါသထွက်မိတော့မယ်ဆိုရင် ခဏလေး ရပ်လိုက်ပါ။

ပြီးရင် Mie လိုပဲ အသက်ကို ပြင်းပြင်းရှူသွင်း၊ ရှုထုတ်လုပ်ပြီး
ကိုယ့်ကိုယ်ကိုယ် မေးခွန်းပြန်မေးကြည့်ပါ။

အပြင်ပန်းက စည်းကမ်းတွေထက် သင့်ရဲ့ အတွင်းစိတ်ကို အရင်ကုစားမှသာ ပျော်ရွှင်တဲ့ မိသားစုဘဝကို ပိုင်ဆိုင်နိုင်မှာ ဖြစ်ပါတယ်။

"သတိကပ်ခြင်းဆိုတာ ဒေါသလှိုင်းတွေကြားမှာ မိမိကိုယ်ကိုယ် ရှာတွေ့စေတဲ့ အကောင်းဆုံး သော့ချက်တစ်ခုပါပဲ"

အော်စရာမလို၊ ရိုက်စရာမလိုဘဲ နွေးထွေးတဲ့
စည်းကမ်းတွေနဲ့ ကလေးကို ပျိုးထောင်ဖို့ ကိုယ့်ကိုယ်ကိုယ် ရှာ​ဖွေချင်တယ်ဆိုရင် Mie ရဲ့ 'New Parenting Summit (NPS)' မှာ

ကိုယ့်ကိုယ်ကိုယ်ရော၊ ကလေးကိုပါ ပြောင်းလဲဖို့ အသင့်ဖြစ်ပြီဆိုရင် Comment မှာ 'NPS' လို့ ရေးခဲ့ပေးပါ။

အတူတူ အကောင်းဆုံး ပြောင်းလဲမှုတွေ ဖန်တီးကြရအောင်။

~ 𝐘𝐨𝐮𝐫 𝐏𝐚𝐫𝐞𝐧𝐭𝐢𝐧𝐠 𝐏𝐚𝐫𝐭𝐧𝐞𝐫 - 𝐃𝐫.𝐌𝐢𝐞 🎀

#ဒေါသထိန်းနည်းး

ကလေးကို ရိုက်နှက်ဆုံးမခြင်းမှ ဖြစ်လာနိုင်တဲ့ နောက်ဆက်တွဲ ဆိုးကျိုးများ 💔

ကလေးက "ဆိုးလို့" စကားနားထောင်အောင်လို့ ...

"သားသမီးကို ငယ်ငယ်ကတည်းက အပိုးကျိုးနေအောင်လို့ ...."

"အိုးကောင်းချင်ရင်တောင် နာနာရိုက်ရသေးတယ်"

ဆိုတဲ့အကြောင်းပြချက်တွေနဲ့ ကလေးတွေကို ရိုက်နှက်ဆုံးမကြတာဟာ တစ်ကယ်ပဲ ကောင်းကျိုးရှိရဲ့လား?

ကျွန်မတို့ ဖေဖေ မေမေတိုင်းက ကိုယ့်ကလေးလေးကို စကားနားထောင်စေချင်တာ၊ လိမ္မာစေချင်တာ သဘာဝပါပဲ။ ဒါပေမဲ့ တစ်ခါတလေ ကလေးက ပြောစကားနားမထောင်တဲ့အခါ၊ ဆိုးလာတဲ့အခါ၊ မကြိုက်တာကို လုပ်မိတဲ့အခါမှာ စိတ်မထိန်းနိုင်ပဲ ရိုက်လိုက်မိတာမျိုး၊ လက်ပါတာမျိုးတွေလုပ်မိတတ်ပါတယ်။

ဒီနေရာမှာ မိဘတွေတင်မဟုတ်ပဲ ကလေးကိုအနီးကပ်ပြုစုစောင့်ရှောက်ရတဲ့ သူတွေအနေနဲ့ ဆိုရင်လည်း အခုလိုမျိုး နည်းလမ်းတွေနဲ့ ကလေးကို ဆုံးမတတ်ကြပါတယ်။

ခနတာ ကိုယ့်စိတ်အလိုအရ ရိုက်ပြီး ဆုံးမလိုက်မိပေမဲ့ ကိုယ့်ကလေးမှာ ရုပ်ပိုင်းဆိုင်ရာ နာကျင်မှုအပြင် အခြားနောက်ဆက်တွဲအကျိုးဆက်တွေက ဖြစ်သွားတာကို သတိပြုစေချင်ပါတယ်။

ဒါကြောင့် မိဘတွေနဲ့ ကလေးအုပ်ထိန်းသူတွေအတွက် ရိုက်စရာမလိုပဲ ကလေးငယ်လေးတွေကို ဘယ်လို ပြုပြင်ထိန်းကျောင်းပေးနိုင်မလဲဆိုတာကို မျှဝေပေးလိုက်ပါတယ်။

•••••••••••••••••••••••••••••••••••••••

💔 ရိုက်ပြီးဆုံးမတယ် ဆိုတာဘာလဲ?

လက်ရောက်ပြီး ရိုက်လိုက်တာမှမဟုတ်ပဲ နာကျင်အောင်လုပ်ဖို့ကြိုးစားတဲ့ အပြုအမူမှန်သမျှဟာ 𝐂𝐨𝐫𝐩𝐨𝐫𝐚𝐥 𝐏𝐮𝐧𝐢𝐬𝐡𝐦𝐞𝐧𝐭 / 𝐏𝐡𝐲𝐬𝐢𝐜𝐚𝐥 𝐏𝐮𝐧𝐢𝐬𝐡𝐦𝐞𝐧𝐭 ဖြစ်ပါတယ်။

ဥပမာ အနေနဲ့ဆိုရင် ကလေးငယ်ကို -

❗️လက်နဲ့ရိုက်တာ/ တွန်းတာ/ ဆောင့်ဆွဲတာ/ ဆိတ်ဆွဲတာ/ လှုပ်ခါရမ်းတာ

❗️ခါးပတ် (သို့) ပစ္စည်းတစ်ခုခုသုံးပြီးရိုက်
နှက်တာ

❗️ဆံပင်ဆွဲတာတွေလည်းပါပါတယ်။

•••••••••••••••••••••••••••••••••••••••

💔 ဘာကြောင့် ကလေးကို မရိုက်သင့်တာလဲ?

ကလေးကို ရိုက်လိုက်တဲ့အခါ ရုပ်ပိုင်းဆိုင်ရာနာကျင်တဲ့အတွက် ခနတဖြုတ်မှာတော့ ငြိမ်ကောင်းငြိမ်သွားနိုင်ပေမယ့် ရေရှည်မှာဖြစ်လာနိုင်တဲ့ ဆိုးကျိုးတွေကတော့ -

🛑ကလေးရဲ့ နုနယ်တဲ့ စိတ်ထဲမှာ ကြောက်စိတ်၊ အားငယ်စိတ်နဲ့ စိုးရိမ်ထိတ်လန့်မှုတွေဖြစ်ပြီး ကြီးလာတဲ့အထိ 𝐭𝐫𝐚𝐮𝐦𝐚 တွေ၊ စိတ်ဒါဏ်ရာတွေအပြင် စိတ်ပိုင်းဆိုင်ရာ ထိခိုက်မှုတွေဖြစ်လာနိုင်ပါတယ်။

🛑မိဘနဲ့ကြားကချစ်ခြင်းနဲ့ နွေးထွေးမှုတွေကို လျော့နည်းသွားပြီး ချစ်တဲ့စိတ်ထက် ကြောက်စိတ်ကပိုလွှမ်းမိုးလာပါလိမ့်မယ်။

🛑ကလေးရဲ့ ကိုယ့်ကိုယ်ကိုယ် တန်ဖိုးထားမှု 𝐬𝐞𝐥𝐟 𝐞𝐬𝐭𝐞𝐞𝐦 လည်းကျဆင်းလာပါလိမ့်မယ်။ "ငါဟာ အရိုက်ခံဖို့ ထိုက်တန်တဲ့သူ မကောင်းတဲ့သူ" လို့မှတ်ယူသွားတတ်ပါတယ်။

🛑ကလေးက အမြဲကြောက်စိတ်နဲ့နေထိုင်နေရတဲ့အတွက် ဉာဏ်ရည်ဖွံဖြိုးမှုနဲ့ ကျောင်းစာသင်ယူရတဲ့အပိုင်းတွေမှာ အခက်အခဲလာတတ်ပါတယ်။

🛑 ကလေးကိုယ်တိုင်ကလည်း လူကြီးတွေဆီက ပြဿနာတစ်ခုခုဖြစ်ရင် လက်ရောက်မှုပြုပြီး အကြမ်းဖက်ဖြေရှင်းရတယ်ဆိုတဲ့ အတွေးမျိုး ခေါင်းထဲရောက်သွားနိုင်ပါတယ်။

•••••••••••••••••••••••••••••••••••••••

💔 ရိုက်နှက်စရာမလိုပဲ ကလေးတွေကို ဘယ်လိုဆုံးမကြမလဲ?

ကလေးရဲ့အပြုအမူတိုင်းရဲ့ နောက်ကွယ်မှာ "ဘာကြောင့် ဒီလိုလုပ်ရတာလဲ" ဆိုတဲ့ အကြောင်းပြချက်တစ်ခုခုရှိနေတတ်တာမို့ ကျွန်မတို့က ဒီအကြောင်းရင်းကို နားလည်အောင် အရင်ဆုံးကြိုးစားသင့်ပါတယ်။

✅ မလုပ်နဲ့ လို့ပြောမယ့်အစား ဘာလုပ်ရမလဲဆိုတာကို ပြောပြပေးပါ။

ကလေးတွေကို မလုပ်စေချင်တဲ့အရာတွေရှိရင် "မလုပ်နဲ့" လို့ပြောလေလေ ပိုပြီးလုပ်ချင်ကြလေပါပဲ။ ဖေဖေ မေမေတို့လုပ်စေချင်တဲ့အရာတွေကို အပြုသဘောဆောင်ပြီး ပြောပြပေးပါ။

( ဥပမာ - ချော်မလဲစေချင်လို့ "မပြေးနဲ့နော်! ရိုက်မှာနော်!" လို့ပြောမယ့်အစား "အိမ်ထဲမှာလမ်းပဲလျှောက်ကြရမယ်နော် ညနေကျမှ ခြံထဲမှာ အတူတူ ပြေးဆော့ကြရအောင်" လို့ ပြောကြည့်ပေးပါ။ )

✅ ကလေးရဲ့ ခံစားချက်ကို နားလည်ပေးပါ။

ကလေးက ဒေါသထွက်နေလို့ အော်ဟစ်နေချိန်မှာ ရိုက်လိုက်တာက ပိုပြီးအခြေအနေကိုဆိုးသွားစေပါတယ်။ အဲ့ဒီအစား သူ့ခံစားချက်ကို နားလည်ပေးပါ။

( ဥပမာ - မောင်နှမချင်းရန်ဖြစ်နေရင် "ဘာလို့ရိုက်တာလဲ" ဆိုပြီး ပြန်ရိုက်မယ့်အစား "သမီးက မောင်လေးအရုပ်လုသွားလို့ စိတ်တိုနေတာလား? ဟုတ်တယ်နော် ဒါပေမဲ့ စိတ်တိုတိုင်း ရိုက်လို့မရဘူးလေ ... မေမေ့ကို လာပြောလို့ရတယ်" လို့ ခံစားချက်ကို နားလည်အောင်သင်ပေးပါ။ )

✅ ကလေးရဲ့ကောင်းတဲ့အပြုအမူလေးတွေကို ချီးကျူးပြီး အာရုံစိုက်မှုကိုပေးပါ။

ကလေးတွေ တစ်ခါတလေ ပြောစကားနားမထောင်သလိုလုပ်ပြတာဟာ မိဘ/ လူကြီးရဲ့ အာရုံစိတ်မှု 𝐚𝐭𝐭𝐞𝐧𝐭𝐢𝐨𝐧 ကိုလိုချင်လို့လည်းဖြစ်နိုင်ပါတယ်။ ဒါကြောင့် သူတို့ဆိုးတဲ့အချိန်ကိုပဲ မမြင်ပဲနဲ့ လိမ္မာတဲ့အချိန်လေးတွေကိုလည်း ရွေးပြီးချီးမွမ်းပေးပါ။

( ဥပမာ - ကလေးက ငြိမ်ငြိမ်လေးဆော့နေရင် "သူ့ဟာသူဆော့နေတာပဲ" လို့တွေးပြီးပစ်မထားပဲ "သားလေးက ကိုယ့်ဟာကိုယ်အေးအေးဆေးဆေးဆော့တတ်တာပဲ ... တော်လိုက်တာ မေမေအရမ်းသဘောကျတယ်" လို့ ပြောပြပေးပါ။ )

•••••••••••••••••••••••••••••••••••••••

✨မိဘတွေ/ လူကြီးတွေအနေနဲ့ ဒေါသထွက်လာတဲ့အခါ ဘာလုပ်ရမလဲ?

ကလေးက ပြောမရဖြစ်လာတဲ့အခါ ကျွန်မတို့အနေနဲ့ လူသားဖြစ်လို့ စိတ်တိုလာတတ်တာလည်း သဘာဝပါပဲ။ ဒါပေမဲ့ အဲ့ဒီခနတာ 𝐞𝐦𝐨𝐭𝐢𝐨𝐧 ကို ကိုင်တွယ်တတ်ဖို့ပဲ လိုအပ်ပါတယ်။ အဲ့ဒီလိုအချိန်မျိုးမှာ -

✨🤍ကလေးကို လက်မပါခင် စိတ်ကို ခနအေးအေးထားပြီး ၁ ကနေ ၁၀ အထိ ဖြေးဖြေးချင်း ရေတွက်ပါ။ အသက်ကို ပြင်းပြင်းရှူသွင်း ရှူထုတ်ပါ။

✨🤍အရမ်းဒေါသထွက်ရင် ကလေးနားက ခနလေးခွဲထွက်လာပြီး ရေအေးအေးလေး သောက်လိုက်ပါ။ စိတ်အေးသွားမှ ပြန်လာပြီးဘအေးအေးဆေးဆေးပြောပြပါ။

✨ 🤍ကိုယ့်ကိုယ်ကိုယ် ပြန်သတိပေးပါ။ "သားလေး/ သမီးလေးက လူကြီးတစ်ယောက်လို မတွေးနိုင်သေးဘူး။ ကလေးပဲရှိသေးတာ... အခုမှသင်ယူနေတုန်းပဲ" လို့တွေးပေးပါ။

ကလေးပြုစုပျိုးထောင်တယ်ဆိုတာ လွယ်မလိုလိုနဲ့ အရမ်းကို ပညာသားပါပြီး စိတ်ရှည်ရတဲ့အလုပ်ပါ ...

ရိုက်လိုက်လို့ ကြောက်သွားတာဟာ လိမ္မာသွားတာမဟုတ်ပါဘူး ....

ကလေးကို ရိုက်နှက်တာထက် နွေးထွေးတဲ့ မေတ္တာနဲ့ နားလည်ပေးမှုတွေက ရေရှည်မှာ ယုံကြည်မှုနဲ့ ချင်ခြင်းတွေကို တည်ဆောက်ပေးနိုင်မှာဖြစ်ပါတယ် ♥️

✅ ဖေဖေ မေမေတို့ရော မိဘတစ်ယောက်အနေနဲ့ ကလေးကို ပြောဆိုဆုံးမရတဲ့အခါမှာ ဘယ်လိုအခြေအနေတွေက အခက်အခဲဆုံးလဲ? ဆိုတာ 𝐜𝐨𝐦𝐦𝐞𝐧𝐭 မှာပြောပြခဲ့ပါဦး ...

𝐌𝐲𝐚 𝐏𝐡𝐨𝐧𝐞 𝐒𝐢𝐧𝐭
Growth Session Myanmar - Maternal Care & Support

#ခေတ်သစ်မေမေ