GEM Burma School, Yangon (2026)

29/09/2022

Tonight Eventလေးကို Register လုပ်ထားတဲ့သူတိုင်းကိုAdminတို့အနေနဲ့ Mail ပို့ထားပြီးပြီဖြစ်လို့
Spam /Inboxထဲတချက်စစ်ကြည့်ကြဖို့
အမှာပါးလိုက်ပါရစေ။

Mail Address မမှန်တာမျိုးကြောင့်
Mail မရောက်သွားတဲ့သူတချို့လည်း
ရှိပါတယ်။

အဲ့အတွက် Mail မရတဲ့သူတွေလည်း
တက်ရောက်လို့ရအောင် အောက်ပါ Telegram Channel Link လေးကိုJoinထားပေးဖို့
အမှာပါးလိုက်ပါရစေရှင်။

🎯 Telegram Channel Link

https://t.me/+w-xJphtyZcVkMzc1

See you soon ALL 🤩

18/09/2022

Something is coming မို့
Page ကို Like & Follow လုပ်ထားဖို့ မမေ့နဲ့နော် 🤩🎉🤔

16/09/2022

HR ဆိုတာ ဘာလဲ ?🤔💭

Human Resources Manangement ဆိုတဲ့ပညာရပ်က တော့ အရှင်းဆုံးပြောရင် အလုပ်ခွင်အတွင်းက လူသားအရင်းအမြစ်တွေကို စီမံခန့်ခွဲရတဲ့ပညာရပ်ပါ။ လူသားအရင်းအမြစ်တွေကို စီမံခန့်ခွဲရာမှာ လူတွေရဲ့ အားနည်းချက် ၊ အားသာချက် ၊ လုပ်နိုင်စွမ်းတွေကို ပါးနပ်စွာ အသုံးချပြီး အောင်မြင်ပျော်ရွှင်တဲ့ အလုပ်ခွင်တစ်ခုဖြစ်အောင် ဖန်တီးပေးရပါတယ်။ တာဝန် ဝတ္တရားအနေနဲ့
(1) ဝန်ထမ်း ငှားရမ်း / ခန့်အပ်ခြင်း
(2)အလုပ်သမားများကို Training ပေးရခြင်း
(3)အလုပ်သမားများရဲ့ ရပိုင်ခွင့်ဆောင်ရွက်ပေးရခြင်း
(4)ဝန်ထမ်းနဲ့ အလုပ်ရှင်ကြားဆက်သွယ်ညှိနှိုင်းပေးခြင်း
(5)အဖွဲ့အစည်း ဖွံ့ဖြိုးတိုးတက်အောင်ဆောင်ရွက်ပေးရခြင်း....
အစရှိသည်တို့ ဟာ HR ဝန်ထမ်းတစ်ယာက်ရဲ့ အခြေခံတာဝန်တို့ပဲ ဖြစ်ပါတယ်။

HR အလုပ်အကိုင် တွေက ဘာတွေများလဲ?🧐

HR career တွေထဲမှာမှ HR Generalist နဲ့ HR Specialist ဆိုပြီး နှစ်မျိုးတွေ့နိုင်ပါတယ်။ Generalist ‌တွေကိုတော့ အဓိကအားဖြင့် ဝန်ထမ်းသိပ်မများတဲ့ ကုမ္ပဏီငယ်တွေမှာ ခန့်အပ်လေ့ရှိပါတယ်။ ကုမ္ပဏီရဲ့ လိုအပ်ချက်အရ Generalist တွေက အပေါ်က ပြောခဲ့တဲ့ အချက်တွေအားလုံးနီးပါးကို နှံ့နှံ့စပ်စပ် ဆောင်ရွက်ရလေ့ရှိပါတယ်။ Specialist တွေကို ဝန်ထမ်းအများအပြားနဲ့ ဌာန အများကြီးရှိတဲ့ ကုမ္ပဏီ ၊ အဖွဲ့အစည်းတွေမှာ ခန့်အပ်ထားရှိပါတယ်။
-HR ဖွံဖြိုးရေး Specialist
-HR သတင်းအချက်အလက် စနစ် Specialist
- ဝန်ထမ်းနဲ့ အလုပ်ရှင် ကြားဆက်သွယ်ရေး Specialist
-အဖွဲ့အစည်း ဖွံ့ဖြိုးရေး Specialist
ဆိုပြီး ကဏ္ဍအသီးသီးမှာ အထူးပြုလုပ်ကိုင်ရတဲ့ သူတွေဖြစ်သွားပါတယ်။ ကိုယ်က Specialist အားသာသူလား ၊ Generalist လားဆိုတာ ဆန်းစစ်ပြီး မိမိအလုပ်အကိုင်ကိုရွေးချယ်သင့်ပါတယ်။

ပညာရေးအပိုင်းပြင်ဆင်မှု👨‍🎓👨‍🎓

HR career လမ်းကြောင်းရွေးချယ်ပြီး ကျောင်းတက်ဖို့ပြင်ဆင်နေပြီဆိုရင် တော့ နိုင်ငံတကာမှာ Master of HRM ကို တက်ရောက်နိုင်သလို
ဆက်စပ်ပညာရပ်ဖြစ်တဲ့ Master of Business Administration နဲ့ Master of Public Administration တို့ကို တက်ရောက်သင်ကြားထားနိုင်ပါတယ်။ ဒါ့အပြင် အပိုလေ့လာထားသင့်တဲ့ HRနဲ့ ဆက်စပ်တဲ့ ဘာသာရပ်တွေကတော့ Psychology ၊ Sociology ၊ Economics နဲ့ Statistics ပညာရပ်တို့ပဲဖြစ်ပါတယ်။

ဖြည့်ဆည်းထားသင့်တဲ့ကိုယ်ရည်ကိုယ်သွေး🍀

‌HR ဝန်ထမ်းတွေက အမြဲတမ်း လူတွေနဲ့ ထိတွေ့ပြီး ပြောဆိုဆက်သွယ် (interact )လုပ်နေရတာဖြစ်တဲ့အတွက် လူတွေနဲ့ ပြေပြစ်စွာ ပြောဆိုဆက်သွယ်နိုင်စွမ်းက မရှိမဖြစ်လိုအပ်ပါတယ်။ Communication မှာ ကိုယ်ကနောက်ခံအမျိုးမျိုးက လာတဲ့လူတွေနဲ့ ဆက်ဆံရတာဖြစ်တဲ့အတွက် ကိုယ့်ဘက်က မတူကွဲပြားမှုကို နားလည်လက်ခံနိုင်ဖို့လိုပါတယ်။ မတူညီတဲ့ ယဥ်ကျေးမှု ၊ ဘာသာတရား ၊ စံနှုန်း ၊ အတွေးအမြင် တွေကို လေးစားတတ်ဖို့ အရေးကြီးပါတယ်။ အလုပ်ခွင်မှာ ရုတ်တရက် ဖြစ်ပွားလာတဲ့ ပြဿနာတွေကို ပါးနပ်စွာ ကိုင်တွယ်ဖြေရှင်းနိုင်စွမ်းရှိဖို့ လိုသလို စိတ်ရှည်သည်းခံနိုင်ဖို့ ၊ ယုံကြည် စိတ်ချနိုင်တဲ့ လူတစ်ယောက်ဖြစ်ဖို့ ၊ မျှမျှတတ ဆုံးဖြတ်တတ်သူဖြစ်ဖို့ က HR career ကို လျှောက်ဖို့စဥ်းစားနေပြီဆိုရင် ကိုယ့်ဘက်က ပြင်ဆင်ထားသင့်တဲ့ ကိုယ်ရည်ကိုယ်သွေးဆိုင်ရာ ကိစ္စရပ်တွေပဲဖြစ်ပါတယ်။

ဘယ်အလုပ်အကိုင်မဆို စိန်ခေါ်မှု အခက်အခဲတွေကတော့ ကြုံရစမြဲပါ။ ကြုံတွေ့နိုင်တဲ့ အခက်အခဲတွေကို ကြိုသိထားပြီး ကိုယ့်ဘက်ကပြင်ဆင်သင့်တာ ပြင်ဆင်ထားခြင်းကပဲ ကိုယ့်ကို အလုပ်မှာ Smart ဖြစ်စေပြီး professional ပီသစေမှာပါ။ ✨✨

🌟
🌟
Career Coach 🌟

Credit to Ma Laura_Cho

12/09/2022

ကုမ္ပဏီတစ်ခုမှာ HR အနေနဲ့ဝင်လုပ်တော့မယ်ဆိုရင် ဘာကိုသတိထားသင့်လဲ။
==========================

ဒီမေးခွန်းက အလုပ်အကိုင်အခွင့်အလမ်းတွေကိုရှာဖွေနေကြတဲ့သူတွေအတွက်အရေးကြီးပါတယ်။

အလုပ်တစ်ခုကိုလျှောက်တဲ့အခါ ကုမ္ပဏီက ကိုယ့်ကို အင်တာဗျူးပြီးကိုယ့်ရဲ့အကြောင်းကိုသူတို့သိအောင်လုပ်ပြီး စိတ်ကြိုက်ရွေးချယ်သလို၊ ကိုယ့်အနေနဲ့လည်း ကုမ္ပဏီအကြောင်းကို အသေအချာ သိအောင်လုပ်ရပါမယ်။

အလုပ်တစ်ခုရရင်ပြီးရောဆိုပြီး ရရာအလုပ်တစ်ခုကိုဝင်လုပ်မိတဲ့အခါ ကံကောင်းပြီး အရာရာအဆင်ပြေနေရင်တော့ ကိစ္စမရှိပေမယ့်၊ ကိုယ်နဲ့မကိုက်ညီတဲ့ လုပ်ငန်းတစ်ခုဖြစ်နေမယ်ဆိုရင် ကိုယ်လည်း စိတ်ချမ်းသာမှာ မဟုတ်သလို၊ လုပ်ချင်တိုင်းလည်း လုပ်လို့မရ၊ အဆင်မပြေမှုတွေနဲ့ နေ့စဉ်နဲ့အမျှကြုံတွေနေရမယ်ဆိုရင် အတော်စိတ်ညစ်ဖို့ ကောင်းမှာဖြစ်ပါတယ်။

လုပ်ငန်းအဖွဲ့အစည်းတိုင်းမှာ အလုပ်လုပ်ကိုင်တဲ့ပုံစံတွေ အမျိုးမျိုးရှိတတ်ပါတယ်။ အဖွဲ့အစည်းရဲ့ ယဉ်ကျေးမှုဓလေ့ထုံစံတွေက အမျိုးမျိုးရှိတတ်ပါတယ်။ အဲ့ဒီ့အရာပေါ်မှာမူတည်ပြီး အလုပ်လုပ်ကိုင်ကြတဲ့ပုံစံတွေကွဲပြားကြပါတယ်။

HR အလုပ်ကို လုပ်ကိုင်ကြတဲ့သူတွေနဲ့ ပတ်သက်ပြီး အမျိုမျိုးပြောကြတာ ကြားဖူးကြမယ် ထင်ပါတယ်။

HR ဆိုတာ ဝန်ထမ်းနဲ့အလုပ်ရှင်အကြားက ပေါင်းကူးတံတား ဘာညာပြောတတ်ကြတယ်။ အချို့ကကြတော့ HR ဆိုတာ လုပ်ငန်းရဲ့အကျိုးကိုပဲကြည့်ရမယ်၊ ဘယ်သူ့ဖက်မှ မလိုက်ဘူး ဆိုပြီးလည်းပြောတတ်ကြတယ်။ ပြီးတော့ HR ဆိုတာ ဝန်ထမ်းရဲ့ အကျိုးကို ကာကွယ်ပေးနိုင်ရမယ်ဆိုပြီး ဝန်ထမ်းရဲ့ ကိုယ်စားလှယ်အနေနဲ့လည်း ပြောတတ်ကြတယ်။

ဘယ်လိုမျိုး အမျိုးမျိုးပြောကြပါစေ၊ တကယ့်လက်တွေ့မှာတော့ HR သမားတွေက ကိုယ်လုပ်ချင်တာ လုပ်နိုင်တယ်ဆိုတာထက်၊ ကိုယ်လုပ်တဲ့ ကုမ္ပဏီက လက်ခံထားတဲ့ HR management ပုံမှာပဲ စီးဝင်သွားရပြီး လုပ်ကိုင်ကြရတာဖြစ်ပါတယ်။

ကိုယ့် ကုမ္ပဏီရဲ့ လက်ခံထားတဲ့ HR management ပုံစံကို ကိုယ့်အနေနဲ့ မကြိုက်ဘူးဆိုရင်၊ ကိုယ်ကြိုက်တဲ့ပုံစံကို ပြောင်းလဲပစ်နိုင်ဖို့ အတော်ကြိုးစားယူရပါလိမ့်မယ်။

ဒီကိစ္စက အပြောသာလွယ်တာပါ၊ လက်တွေ့မှာ မလွယ်ကူလှပါဘူး။

ဒါကြောင့် အလုပ်တစ်ခုကို မရွေးချယ်ခင်၊ ကိုယ့်လုပ်ရမယ့် ကုမ္ပဏီရဲ့ လက်ခံထားတဲ့ HR management ပုံစံကို အနည်းနဲ့အများ တီးခေါက်မိအောင်လုပ်ယူသင့်ပါတယ်။

ဒီအခါမှာ သူတို့ရဲ့ အလုပ်လုပ်ကိုင်ပုံကို နားလည်လာပြီး ကိုယ်နဲ့ကိုက်ညီတယ် မကိုက်ညီဘူးဆိုတာကို ချင့်ချိန်နိုင်မှာ ဖြစ်ပါတယ်။

ဒီအချက်ကို ပေါ့သေးသေး သဘောမထားပါနဲ့၊ ဒီအချက်ကို ဂရုမစိုက်ခဲ့မိရင် နောက်မှ အလုပ်လုပ်ရတာ အဆင်မပြေဘူး၊ HR ကို ကိုယ်ဖြစ်ချင်တဲ့ပုံစံနဲ့ လုပ်ကိုင်လို့မရဘူး၊ စသဖြင့် မကျေမနပ်ငြီးတွားရတာတွေ ဖြစ်လာနိုင်ပါတယ်။

ကိုယ့်ရဲ့ကုမ္ပဏီမှာ ဘယ်လို HRM ပုံစံမျိုးရှိပါသလဲ။
==========================

အရင်ဆုံး management ဆိုတဲ့ စကားလုံးရဲ့အဓိပ္ပာယ်ကိုအရင်းဆုံးစဉ်းစားကြည့်ရအောင်။

management လုပ်တယ်ဆိုတက structure ကျကျ၊ plan ရှိရှိ၊ formal ဆန်ဆန်၊ targeted way နဲ့ လုပ်ကိုင်ဆောင်ရွက်ကြတာလို့ ပြောလို့ရပါတယ်။ တစ်ခုခုကိုတိတိကျကျသတ်မှတ်ပြီး အောင်မြင်ရရှိအောင်လုပ်ကြရတာဖြစ်ပါတယ်။

management ဆိုတဲ့ စကားလုံးရဲ့ နောက်မှာ institutionalization ဆိုတဲ့ လုပ်ငန်းအဖွဲ့အစည်းကို အတိအကျ ပုံစံချ သတ်မှတ် ဆောင်ရွက်ခြင်း သဘောတွေရှိနေပါတယ်။

Attitude
======
အခုပြောခဲ့တဲ့ အချက်တွေကို တွေးကြည့်ပြီး ကုမ္ပဏီတွေက ဘယ်လို ဖွံဖြိုးတိုးတက်ခဲ့တာလဲ ဆိုတာကို စဉ်းစားကြည့်လို့ရပါတယ်။

ကုမ္ပဏီတစ်ခုကို တည်ထောင်တဲ့အခါမှာ တည်ထောင်သူဆိုတာကတော့ရှိရပါတယ်။ ဘယ်သူက တည်ထောင်ခဲ့တာလဲ ပေါ့လေ။ ဒီ တည်ထောင်သူ founder က အရေးကြီးပါတယ်။ ကုမ္ပဏီတည်ထောင်ကာ အစမှာပဲမဟုတ်ပဲ ကုမ္ပဏီရဲ့ ရာဇဝင်တောက်လျှောက်မှာ အရေးပါပါတယ်။

ဒီတည်ထောင်သူမှာ attitude လို့ခေါ်တဲ့ စိတ်နေသဘောထားတွေရှိပါတယ်။ management နဲ့ပတ်သက်တဲ့ သဘောထားတွေ၊ လူတွေကို ဘယ်လိုဆက်ဆံရမလဲဆိုတဲ့ သဘောထားတွေရှိကြပါတယ်။

Richard Branson, Bill Gates, Steve Jobs စတဲ့ နာမည်ကြီးတွေနဲ့ သူတို့ကုမ္ပဏီမှာထားတဲ့ သူတို့ရဲ့စိတ်နေသဘောထားတွေကို နားလည်ကြည့်လို့ရပါတယ်။ သူတို့ရဲ့ စိတ်နေသဘောထားတွေက ကုမ္ပဏီအတွင်းမှာ လုပ်တာကိုင်တာတွေအပေါ် သက်ရောက်မှုရှိနေတာကို သတိထားမိနိုင်ပါတယ်။

Culture
======
ကုမ္ပဏီက တဖြေးဖြေးကြီးထွားလာတာနဲ့အမျှ ဒီတည်ထောင်သူတွေက နေရာတိုင်းမှာ မရှိနိုင်တော့ပါဘူး။

ဒီအခါမှာ ကုမ္ပဏီကို သူတို့ဖြစ်ချင်တဲ့ပုံစံအတိုင်းလည်ပတ်နေဖို့အတွက် culture ဆိုတဲ့ ဓလေ့ထုံးစံကို ဖန်တီလာရပါတယ်။ "ငါတို့ဆီမှာတော့ ဒါနဲ့ပတ်သက်ရင် ဒီလိုမျိုးပဲလုပ်ကြတယ်။" ဆိုတဲ့ ဥပမာလိုပါပဲ။

Culture ဆိုတဲ့ သွယ်ဝိုက်သောစည်းမျဉ်းများက ဒီကုမ္ပဏီမှာ ဘယ်အပြုအမူကတော့ ကောင်းတယ်၊ ဘယ်အပြုအမူကတော့ မကောင်းဘူး စသဖြင့် သတ်မှတ်ထားတာဖြစ်ပါတယ်။

ဒီအရာတွေကများသောအားဖြင့် ဒီတည်ထောင်သူတွေရဲ့ စိတ်နေသဘောထားနဲ့ သွားပြီး ချိတ်ဆက်နေတတ်ပါတယ်။

ဒီအချက်ကို နားလည်သဘောပေါက်ဖို့ အရမ်းအရေးကြီးပါတယ်။ ကုမ္ပဏီမှာ စည်းမျဉ်းစည်းကမ်းတွေ မရှိခဲ့ရင်တောင်မှ လူတွေက ဘယ်လိုနေထိုင်ပြောဆိုရမလဲဆိုတာကို နားလည်သဘောပေါက်ကြပါတယ်။

Roles and Structures
===============

ဒါပေမယ့် ကုမ္ပဏီကြီး ကြီးထွားလာပြီဆိုရင်တော့ institutionalize လုပ်ဖို့ လိုအပ်ပါတယ်။ Culture နဲ့တင်မလုံလောက်တော့ပါဘူး။ အထူးသဖြင့် Role တွေ၊ Structure တွေကို သတ်မှတ်ဖို့လိုအပ်လာပါပြီ။

ကုမ္ပဏီက သေးငယ်တုန်းကတော့ ဘယ်သူက ဘယ်အရာတွေနဲ့ပတ်သက်ပြီး အဆုံးအဖြတ်တွေပေးနေသလဲ ဆိုတာကို အလွယ်တကူ နားလည်နိုင်ပေမယ့် ကုမ္ပဏီက ကြီးထွားလာတဲ့အခါမှာ ဘယ်သူက ဘယ်အရာကိုလုပ်မှာလဲ၊ ဘယ်သူက ဘယ်အရာကို အဆုံးအဖြတ်ပေးမှာလဲဆိုတဲ့ role and structure တွေကိုသတ်မှတ်ပေးဖို့လိုအပ်လာပါတယ်။

process တွေအတွက် structure တွေဟာ လိုအပ်လာပါတယ်။ ဥပမာ - ဝန်ထမ်းတစ်ယောက်က business travel တစ်ခုကိုသွားရတော့မယ်ဆိုရင်၊ လေယာဉ်လက်မှတ်ဝယ်တဲ့အခါ business class က စီးရမှာလား၊ economy class က စီးရမှာလား၊ ဘယ်သူက ဆုံးဖြတ်မှာလဲ။ rules တွေကို သတ်မှတ်ရပါတော့မယ်။

Management Systems
================

အပြိုင်အဆိုင်များတဲ့ အဖွဲ့အစည်းတွေမှာ ခုနက ပြောခဲ့တဲ့ role တွေ၊ structure တွေကို သတ်မှတ်ရုံနဲ့ မလုံလောက်တော့ပါဘူး။

Management System တွေရှိဖို့လိုအပ်ဖို့အပ်လာပါတယ်။ ဥပမာ - Customer Relations Management System တွေ၊ Supply Change Management System တွေ၊ HR Management System တွေက ဥပမာတွေပဲဖြစ်ပါတယ်။

Management System တွေက အရမ်းကိုရှုပ်ထွေးလာပါတယ်။ Process တွေအများကြီးပါဝင်လာပါတယ်။ IT အပိုင်းတွေလည်း အများကြီးပါဝင်လာပါတယ်။

Institutionalization
=============
ဆိုတော့ကား တည်ထောင်သူရဲ့ attitude ကနေ ကုမ္ပဏီရဲ့ culture အဖြစ်ပြောင်းလဲလာပြီးတော့၊ ကုမ္ပဏီကြီးထွားလာတာနဲ့အမျှ role တွေ၊ structure တွေ၊ management system တွေကို သတ်မှတ်ပြီးတော့ လုပ်ဆောင်လာရပါတယ်။

ဒီနေရာကနေစပြီးတော့ institutionalization ဆိုတဲ့အရာကို စတင်လုပ်ဆောင်လာရပါတယ်။ ပုံတွေကို အတိအကျချသတ်မှတ်ပြီး၊ စနစ်တကျလုပ်ဆောင်လာကြရပါတယ်။

ဒီလို institutionalize လုပ်တဲ့အခါမှာ လုပ်ပုံလုပ်နည်းတွေအရ အခြမ်းနှစ်ခြမ်းဖြစ်လာပါတယ်။ ဒါကိုနားလည်ဖို့အတွက် ခုနကပြောခဲ့တဲ့ အလုပ်ကိစ္စနဲ့ ခရီးသွားတဲ့အခါ ဘယ်လိုလက်မှတ်မျိုးဝယ်မရမလဲ ဆိုတဲ့ ဥပမာကိုပြန်ကြရအောင်။

တစ်ချို့ကုမ္ပဏီတွေက business class နဲ့သွားရမလား၊ economy class နဲ့သွားရမလားဆိုတာကို ခရီးသွားရမယ့် ဝန်ထမ်းကပဲ ဆုံးဖြတ်ရပါတယ်။ ကုမ္ပဏီရဲ့ အကျိုးစီးပွားအတွက်လိုအပ်ချက်အပေါ်မှာပဲမူတည်ပြီး ဝန်ထမ်းက စဉ်းစားဆုံးဖြတ်သွားလို့ရပါတယ်။ ဒီလိုကုမ္ပဏီအမျိုးအစားက Agility and Network ဆိုတဲ့အခြမ်းဘက်ကနေ ဖွံဖြိုးတိုးတက်နေတဲ့ ကုမ္ပဏီတွေလို့ ပြောလို့ရပါတယ်။

တစ်ချို့ကုမ္ပဏီတွေကကြတော့ ကိုယ့်ရဲ့ အလုပ်ကိစ္စနဲ့ ခရီးသွားတဲ့ကိစ္စကို ကိုယ့်ရဲ့အထက်အရာရှိက ဆုံးဖြတ်ပြီး ခွင့်ပြုချက်ကိုပေးရပါတယ်။ အရာရာအားလုံးကို အထက်အရာရှိကနေပြီးတော့ အောက်လက်ငယ်သားတွေအတွက် ဆုံးဖြတ်ပေးရပါတယ်။ ဒီလို ကုမ္ပဏီမျိုးတွေကတော့ Hierarchy and Stability ဆိုတဲ့ အခြမ်းဘက်ကနေ ဖွံဖြိုးတိုးတက်နေတဲ့ ကုမ္ပဏီတွေလို့ ပြောလို့ရပါတယ်။

HR Management ပုံစံများ
==================

အခုပြောခဲ့တာတွေကို ဆင်ခြင်သုံးသပ်ပြီး HR Triangle တစ်ခုကိုတည်ဆောက်လို့ရပါတယ်။ ဒီ Triangle အပေါ်မူတည်ပြီး ကုမ္ပဏီတစ်ခုရဲ့ HR Management ပုံစံတွေကို (၃) မျိုးခွဲခြားလိုက်လို့ရပါတယ်။

1️⃣ Hire and Pay

ဒီပုံစံကတော့ တည်ထောင်သူရဲ့ လွှမ်းမိုးမှုများတဲ့ ပုံစံမျိုးလို့ပြောလို့ရပါတယ်။ ဒီပုံစံမှာ role တွေ၊ structure တွေ၊ management system တွေ သတ်မှတ်ထားတာနည်းပါတယ်။

ဝန်ထမ်းကို ခန့်မယ် (Hire)၊ လစာပေးမယ် (Pay)။ ဝန်ထမ်းက သူလုပ်ရမယ့် အလုပ်ကို လုပ်ရမယ့် သဘောမျိုးပါပဲ။ ဒီထက်ပိုပြီး ဘာမှမရှိပါဘူး။ Institutionalization ဆိုတာ လုံးဝမရှိပါဘူး။ Performance Appraisal, Employer Branding, Structured Training and Development စတာတွေ တစ်ခုမှ မရှိပါဘူး။

ဝန်ထမ်းကို ဘာမှာ အကဲဖြတ်စရာ၊ သင်ပေးစရာ မလိုပါဘူး။ လုပ်နိုင်မယ်လို့ ထင်တဲ့သူကို ခန့်ခဲ့တယ်။ မလုပ်နိုင်ဘူးဆိုရင် နောက်တစ်ယောက်ကို ပြောင်းခန့်နာမျိုးကို လုပ်မှာဖြစ်ပါတယ်။

ဒီလိုပုံစံမျိုးမှာ HR ကျွမ်းကျင်သူပညာရှင်တွေလည်း မရှိတတ်ပါဘူး။

2️⃣ Central Planning and Control

ဒီလိုပုံစံမှာတော့ အရာရာအားလုံးကို management ကနေ ဆုံးဖြတ်လုပ်ကိုင်ကြပါတယ်။ ဒီနေရာမှာ HR ဌာနရဲ့ အခန်းကဏ္ဍကကြီးမားလာပါတယ်။ HR ဌာနက အများကြီးတာဝန်ယူလာရပါတယ်။

HR နဲ့ပတ်သက်တဲ့ကိစ္စအားလုံးကို HR ဌာနကပဲ တာဝန်ယူဆုံးဖြတ်ကြရပါတယ်။ လူခန့်ချင်လား။ HR ဌာနကိုလာရပါတယ်။ HR ဌာနကပဲ တာဝန်ယူခန့်ပေးပါတယ်။ ဝန်ထမ်းကို ဖွံဖြိုးတိုးတက်စေချင်သလား။ HR ဌာနကိုလာရပါတယ်။ HR ကပဲ ဝန်ထမ်းရဲ့ ဖွံ့ဖြိုးတိုးတက်မှုအတွက် စီစဉ်ဆောင်ရွက်ပေးပါတယ်။

HR နဲ့ ပတ်သက်တဲ့ အရာမှန်သမျှကို HR ဌာနကပဲ ဗဟိုဦးစီးပြီး တာဝန်ယူဆောင်ရွက်ပါတယ်။

3️⃣ People-centered Enablement

ဒီပုံစံမှာတော့ ဝန်ထမ်းတွေမှာ empowerment ပိုရလာပါတယ်။ HR နဲ့ ဆိုင်တဲ့ ကိစ္စတွေကို သက်ဆိုင်ရာဝန်ထမ်းကပဲ ကိုယ့်တာဝန် ကိုယ်ယူရပါတယ်။ HR ဌာနက နောက်ကနေပြီး လိုအပ်တာကို ပံ့ပိုးပေးပါတယ်။ Coach လုပ်ပေးတဲ့ သဘောတွေပဲ ရှိပါတော့တယ်။

လူခန့်ချင်လား။ သက်ဆိုင်ရာလိုင်းမန်နေဂျာက ကိုယ့်ဘာသာ ကိုယ့်အတွက်သင့်တော်မယ့်သူကို တာဝန်ယူပြီး ခန့်ကြရပါတယ်။ အကူအညီလိုတာကို HR ဌာနကပံ့ပိုးပေးပါတယ်။ ကိုယ့်ကိုယ်ကိုယ်ဖွံ့ဖြိုးတိုးတက်ချင်ပါသလား။ ဝန်ထမ်းကပဲ ကိုယ့်ဘာသာကိုယ်အစပြုလုပ်ဆောင်ရပါတယ်။ လိုအပ်တာတွေကို HR က ပံ့ပိုးပေးပါတယ်။

ဆိုလိုချင်တာကတော့ လူတွေနဲ့ဆိုင်တဲ့ ကိစ္စတိုင်းမှာ လူတွေကပဲ ကိုယ့်ဘာသာကိုယ်တာဝန်ယူပြီး လုပ်ကိုင်ဆောင်ရွက်ရတာမျိုးဖြစ်ပါတယ်။

တစ်ခုတော့ရှိတယ်။ အခုပြောခဲ့တဲ့ ပုံစံတွေက နေ့စဉ် HR ဌာနကလုပ်တဲ့ Administration ကိစ္စတွေကိုဆိုလိုတာမဟုတ်ပါဘူး။ လူတွေအားလုံးနဲ့ဆိုင်တဲ့၊ ကုမ္ပဏီရဲ့ အနာဂတ်စီးပွားရေးဆိုင်ရာကိစ္စတွေကို ရိုက်ခက်လာမယ့် ကိစ္စတွေကို ဆိုလိုတာဖြစ်ပါတယ်။

အကျဉ်းအားဖြင့်ပြောရရင် မဟာဗျူဟာဆိုင်ရာ HR management ပုံစံ (၃) မျိုးရှိပြီးတော့၊ အဲ့ဒါတွေက (၁) Hire and Pay, (၂) Central Planning and Control, နဲ့ (၃) People-centered Enablement ဖြစ်ပါတယ်။

ကိုယ်အလုပ်လုပ်မယ့်ကုမ္ပဏီက ဘယ်လို HR management ပုံစံကို ကျင့်သုံးနေလဲ
==========================

ဒါတွေကို နားလည်ပြီဆိုရင် "ကုမ္ပဏီတစ်ခုမှာ HR အနေနဲ့ဝင်လုပ်တော့မယ်ဆိုရင် ဘာကိုသတိထားသင့်လဲ။" ဆိုတဲ့မေးခွန်းရဲ့ အဖြေကို နားလည်သဘောပေါက်နိုင်ပါပြီ။

ကိုယ်လုပ်တဲ့ ကုမ္ပဏီက လက်ခံထားတဲ့ HR management ပုံစံကို နားလည်သဘောပေါက်ဖို့လိုပါတယ်။ HR သမားတွေက ကိုယ်လုပ်ချင်တာတွေကို လက်တွေ့မှာ တကယ်မလုပ်နိုင်ပါဘူး။ကိုယ်လုပ်တဲ့ ကုမ္ပဏီက လက်ခံထားတဲ့ HR management ပုံစံမှာပဲ စီးဝင်သွားရပြီး လုပ်ကိုင်ကြရတာဖြစ်ပါတယ်။

ကိုယ့် ကုမ္ပဏီရဲ့ လက်ခံထားတဲ့ HR management ပုံစံကို ကိုယ့်အနေနဲ့ မကြိုက်ဘူးဆိုရင်၊ ကိုယ်ကြိုက်တဲ့ပုံစံကို ပြောင်းလဲပစ်နိုင်ဖို့ဆိုတာလက်တွေ့မှာ မလွယ်ကူလှပါဘူး။

ဒါကြောင့် အလုပ်တစ်ခုကို မရွေးချယ်ခင်၊ ကိုယ့်လုပ်ရမယ့် ကုမ္ပဏီရဲ့ လက်ခံထားတဲ့ HR management ပုံစံကို အနည်းနဲ့အများ တီးခေါက်မိအောင်လုပ်ယူသင့်ပါတယ်လို့ အကြံပေးချင်တာဖြစ်ပါတယ်။

အခုရှင်းပြခဲ့တဲ့အရာတွေကို ဖတ်ရှူနားလည်သဘောပေါက်ပြီး အကျိုးတစ်ခုခုရမယ်လို့ မျှော်လင့်ပါတယ်။

~KC~

Inspired by Prof. Armin Trost

Crd: Sir KC

https://www.facebook.com/109902598521081/posts/114222048089136/

11/09/2022

GEMers လေးတို့ မင်္ဂလာပါ 🤩

HR Careerကို အခုမှ စတင် ခြေလှမ်းမည့် လူငယ်များအတွက် "HR SHARING PROGRAM" လေး ရောက်ရှိလို့လာပါပြီ။

🌟 အခုမှ HR Career ကို စတင်ဝင်ရောက်မယ့် လူငယ်တွေအနေနဲ့ Diploma သင်တန်းတွေ မတက်ခင်မှာ Joinသင့်တဲ့ Program လေးဆိုလည်း
မမှားပါဘူးနော် 🤩

🌟သင်တန်းပြီးသွားတဲ့အခါ မိမိအတွက် Personal Development Plan လေးလည်းဆွဲပြီးသားဖြစ်သွားပါမယ်။

🌟တခြား HR Careerကို လက်ရှိလုပ်နေတဲ့သူတွေနှင့်အတူ တက်ရောက်ဆွေးနွေးခွင့်ရမှာလည်း ဖြစ်ပါတယ်။

🌟HR တစ်ယောက်ဖြစ်လာဖို့ HRချည်း သိဖို့မလုံလောက်တာကြောင့် Business Management ကိုလည်း ထည့်သွင်းလေ့လာနိုင်မှာဖြစ်ပါတယ်။

🌟 Fundamentals of HRM ဆိုတဲ့Titleမှတဆင့် HR Functions အကြောင်းတွေ နှင့် လက်ရှိလုပ်ငန်းခွင်မှာ ဘယ်လိုပုံစံတွေလည်ပတ်နေကြသလဲဆိုတဲ့ အကြောင်းတွေကိုလေ့လာခွင့်ရမှာဖြစ်ပါတယ်။
------------------------------------------------------------------------
🔰သင်တန်းအပ်ဖို့ ဘာတွေလိုအပ်မလဲ?

🌟G-mail Acc တစ်ခု နှင့် ဒီ Programကို တက်ချင်စိတ်အပြည့်အဝရှိဖို့

🌟HR သင်တန်း လုံးဝမတက်ဖူးသူများ နှင့် HR Experience မရှိသေးသူများအတွက် အထူးသင့်လျော်ပါတယ်။
------------------------------------------------------------------------
🔰သင်တန်းကြေး၊ အချိန် နှင့် နေ့ရက်များ ?

🌟 ပုံမှန် Program Fee - 25,000 MMK

[ 60% Early Bird Discount Fee - 10,000 MMK ဖြင့် တက်ရောက်လိုပါက 🎈13-September-2022 ရက်နေ့ ,ည 11:59 PM နောက်ဆုံးထား၍ 🎈Register လုပ်ဖို့ သတင်းကောင်း ပါးအပ်ပါတယ်။ ]

🌟 Topic: HR Sharing Program
🌟 Date: 16,17,18,19/Sep/2022
🌟 Time: 6:30 PM to 7:30 PM

🎯 4 Days အပြည့်တက်ရောက်သူများကိုလည်း Appreciation Certificate များပေးအပ်သွားမည့် အကြောင်း ထပ်မံပြောကြားအပ်ပါတယ်။

🎯 Register လုပ်ပြီး 24 hrs အတွင်း ငွေလွှဲပေးဖို့ လိုပါမယ်။ ငွေလွှဲပြီးရင် တော့ Cancel လို့မရကြောင်း နှင့် Refund ပေးမည် မဟုတ်ကြောင်း ကြိုတင် inform လုပ်လိုက်ရပါတယ်။

60% OFF Discountရဖို့
ခုပဲ Chat Box မှ Registerလုပ်လိုက်ကြစို့ 🤩💓

See you soon 🤩

09/09/2022

တော်တဲ့ HR တစ်ယောက်ဖြစ်ချင်တယ်။ ဘာလုပ်ရမလဲ။...

အဖြေအတိအကျတော့မသိဘူး။ ဒါပေမယ့် ထင်တာတွေပြောကြည့်မယ်။

- HR ပညာရပ်ကိုကျွမ်းကျင်စွာ လက်တွေ့လုပ်ကိုင် ဆောင်ရွက်တတ်တဲ့သူတစ်ဦးဖြစ်ရမယ်။

- ကုမ္ပဏီတစ်ခုရဲ့ လူကြီးပိုင်းခေါင်းဆောင်းတွေနဲ့လည်း အနီးကပ်အတူလက်တွဲလုပ်နိုင်ရပါမယ်။

- ကုမ္ပဏီရဲ့ HR ဆိုင်ရာကိစ္စတွေကို ထိထိရောက်ရောက် သတ်မှတ်လုပ်ကိုင်နိုင်တဲ့ အရည်အချင်းရှိရပါမယ်။

- ပြောရမယ်ဆိုရင် လုပ်ငန်းအဖွဲ့အစည်းက အကောင်အထည်ဖေါ် လုပ်ဆောင်ချင်တဲ့ကိစ္စမှန်သမျှကို ပံ့ပိုးကူညီပေးနိုင်တဲ့သူဖြစ်ရပါမယ်။

ကျွန်တော်သိတဲ့ တော်တဲ့ HR တွေကို လေ့လာကြည့်မိတဲ့အခါ သူတို့ဟာ...

- လုပ်ငန်းအဖွဲ့အစည်းမှာ ထူးခြားကောင်းမွန်စေဖို့ လုပ်ဆောင်တဲ့နေရာမှာ သူတို့ရဲ့ ကိုယ်ပိုင်စွမ်းရည်တွေအပေါ် ယုံကြည်မှုရှိကြတယ်။

- သူတို့ရဲ့ အမြင်ရှုဒေါင့်တွေက လူကြိုက်မများတာမျိုးဖြစ်မယ်ဆိုရင်တောင်မှ သူတို့ရဲ့ ခိုင်မာတဲ့ ရှုဒေါင့်အမြင်တွေကို ချပြဖို့ရာ ကိုယ့်ကိုယ်ကိုယ်ယုံကြည်မှုရှိကြပါတယ်။

- သူတို့ HR ဌာနရဲ့ လက်ခံယုံကြည်ထားတဲ့ အရာတွေကို တန်ဖိုးထားကြပါတယ်။

- သူတို့ ဌာနအတွက် တကယ့် စံနမူနာကောင်းတွေဖြစ်ကြပြီး၊ HR လုပ်ငန်းတွေကို အကျိုးရှိရှိဝိုင်းဝန်းလုပ်ကိုင်စေပါတယ်။

- ရေရှည်တည်တံ့စေမယ့် ဆက်ဆံရေးတွေ၊ ယုံကြည်မှုတွေ တည်ဆောက်နိုင်ကြပါတယ်။

- ရှုပ်ထွေးနေတဲ့ အချိန်မှာတောင် ကုမ္ပဏီနဲ့ပတ်သက်ပြီး နှံ့နှံ့စပ်စပ်သိကျွမ်းတာကြောင့် စီးပွားရေးလုပ်ငန်း အသုံးအနှုန်းတွေနဲ့ ထိထိရောက်ရောက်ပြောဆိုဆက်ဆံနိုင်ကြပါတယ်။

ဒီလိုတော်တဲ့သူတွေဖြစ်ဖို့ ဘာတွေလိုအပ်မလဲလို့ စဉ်းစားကြည့်တဲ့အခါ...

- အတွေ့အကြုံသမ္ဘာရင့်ဖို့ အချိန်ပေးနိုင်ရမယ်။

- People Management မှာ ထူးထူးချွန်ချွန်ကျွမ်းကျင်နေရမယ်။

- ခွဲခြမ်းစိတ်ဖြာသုံးသပ်နိုင်ရမယ်။

- ရည်မှန်းချက်ထားလုပ်ဆောင်နိုင်ရမယ်။

- HR Metrics ဆိုတဲ့ HR နဲ့ ဆိုင်တဲ့ အတိုင်းအတာတွေမှာ အတွေ့အကြုံ လုံလုံလောက်လောက်ရှိအောင်လုပ်ထားရမယ်။

- အလုပ်သမားရေးရာဥပဒေတွေမှာလည်းနှံ့စပ်စွာနားလည်သိကျွမ်းနေရမယ်။

- HR ဌာနရဲ့ လုပ်ငန်းသဘောသဘာဝတွေနဲ့ HR ရဲ့ Best Practices တွေမှာလည်း ကျေညက်စွာနားလည်နေရမယ်။

- ဖြစ်နိုင်ရင် HR နဲ့ဆိုင်တဲ့ အထူးပြု ဘွဲ့တစ်ခုခုရထားသင့်တယ်။

ဒါတွေကတော့ ဘာသီအိုရီကိုမှ အခြေမခံပဲ ကိုယ်ထင်တာ ကိုယ်ရေးတာပါ။ ဒီတော့ ပြည့်စုံချင်မှာပြည့်စုံမှာ လိုအပ်ချက်တွေလည်းရှိနိုင်ပါတယ်။ တော်တဲ့ HR ကောင်းတစ်ယောက်ဖြစ်ချင်စိတ်လေးတွေကို အားပေးရာရောက်ရင်ကျေနပ်ပါတယ်။

Crd: Sir KC

https://www.facebook.com/109902598521081/posts/112855598225781/

07/09/2022

📣အခွင့်အရေးတွေ မဆုံးရှုံးရဖို့
ခုပဲ Form ကိုဖြည့်ကြစို့ 📣

GEM BURMA SCHOOL မှ
ပထမဦးဆုံး ဖွင့်လှစ်မယ့်
Program လေးကတော့
"HR Sharing Program" လေး ဖြစ်ပါတယ်။

Google Form ✍️

https://docs.google.com/forms/d/e/1FAIpQLSfJNPl61tJSXzJ4TfKryGtQgEVOzt5zzFrq8FewatLQjJ8giQ/viewform?usp=pp_url

HR Sharing Program Topics;

🎯 Introduction to HR Career
🎯 Personal Development Plan
🎯 Fundamentals of Business Management
🎯 Fundamentals of HR Management
🎯 HR Career (Sharing Session and Q&A Session)
🎯 How to leverage your Professional Development

"လူဦးရေအကန့်အသတ်ရှိတဲ့အတွက် အထက်ပါ Linkထဲရှိ Google Form လေးကို ဖြည့်ခဲ့ဖို့မမေ့ကြပါနဲ့နော်"

Schedule လေးကို မကြာခင်ကြေငြာပေးသွားမှာဖြစ်ပြီး Affordable Price နဲ့ Sharing လုပ်ပေးသွားမှာဖြစ်ပါတယ်။ Online ကနေSharing လုပ်တာမို့ Internet ရှိပြီး ဖုန်းရှိတဲ့သူတိုင်း Join နိုင်မှာဖြစ်ပါတယ်။

04/09/2022

အားလုံးပဲ မင်္ဂလာပါ 🌿

HR Sharing Program (Online)
အကြောင်းလေး သိပြီးကြပြီလား???

နောက်ပိုင်း Program အသစ်တွေ ဖွင့်ဖြစ်ရင် ဒီလို Event မျိုး မသေချာနိုင်တာကြောင့် အခွင့်အရေးကိုလက်မလွှတ်ဖို့ တိုက်တွန်းလိုက်ပါရစေ။

🎯 HR Sharing Program ဆိုတာ....?

လက်ရှိ ဒီProgram လေးရဲ့ ရည်ရွယ်ချက်ကတော့
HR Career ကို စလှမ်းဖို့ ရည်ရွယ်ထားတဲ့ လူငယ်တွေအတွက် တဖက်တလမ်း မှ တတ်နိုင်သလောက် Supportပေးဖို့ ရည်ရွယ်ထားတာပါ။

မိမိအနေနဲ့ HR Career ဘက်ကို အခုမှစ change မယ့်သူတွေလည်း Join လို့ရမှာဖြစ်ပါတယ်။

အခုမှ HR Careerကိုလှမ်းနေတဲ့သူတွေအတွက် Community တစ်ခုရှိစေချင်တာကလည်း ရည်ရွယ်ချက်ထဲကတစ်ခုပါပဲ။

🎯 Sharing Program ကဘယ်လိုမျိုးပုံစံလဲ...?

Sharing Program လို့ Titleပေးထားတဲ့ သဘောကတော့ ငယ်ငယ်ကလို စာသင်ခန်းထဲမှာ ဆရာကချည်းသင်သွားတဲ့ One-Way Communication ပုံစံမဟုတ်ပဲ Program ကိုတက်ရောက်သူတိုင်းက တစ်ဦးနှင့်တစ်ဦး ဆွေးနွေးပြောဆိုရင်း သွားကြမှာဖြစ်ပါတယ်။ Program တက်ရောက်တဲ့ နေ့တိုင်းရဲ့ နောက်ဆုံး Session မှာ Q&A Session ကို ထည့်ထားတာဖြစ်လို့ အပြည့်အဝမေးမြန်းခွင့်လည်း ရှိမှာဖြစ်ပါတယ်။

🎯 HR Sharing Program ဆိုတော့ HR အကြောင်းတွေပဲပါမှာလား??

HR Sharing Program ဆိုပေမယ့် Career Development အတွက် အထောက်အကူဖြစ်စေနိုင်မယ့် Personal Development Plan တွေလည်း အတူ ရေးဆွဲကြမှာပါ။

🎯 တက်ရောက်ဖို့ဘာတွေလိုလဲ?

🎈🤩သင့်ရဲ့ တက်ရောက်ချင်စိတ်သာ "အထူး" လိုအပ်ပါတယ်။

ဘွဲ့မရ‌‌သေးတဲ့လူငယ်များလည်း တက်လို့ရသလို၊
HR Experience လုံးဝမရှိသေးတဲ့သူတွေလည်း
တက်ရောက်လို့ ရပါတယ်။ 🤩🎈

သတ်မှတ်တဲ့ရက်အပြည့်အဝတက်ရောက်တဲ့သူတွေကိုလည်း Appreciate Certificate များ E-mail မှ တဆင့် ပေးအပ်သွားမှာဖြစ်ပါတယ်။ 🤩

(Zoom/Google Meetဖြင့် တိုက်ရိုက် Sharing Program လုပ်မည် ဖြစ်ပြီး Groupဖွဲ့ကာ recorded videoများဖြင့် ဆောင်ရွက်မည်မဟုတ်ပါ။)

Sep လထဲမှာ Event လေး လုပ်ဖြစ်မှာမို့ စိတ်ဝင်စားတယ်ဆိုရင် Google Form ဖြည့်ပေးခဲ့ကြပါဦးနော် ✍️

https://docs.google.com/forms/d/e/1FAIpQLSfJNPl61tJSXzJ4TfKryGtQgEVOzt5zzFrq8FewatLQjJ8giQ/viewform?usp=pp_url

03/09/2022

WARMLY WELCOME TO
[GEM BURMA SCHOOL]
GBS 🎉

GEM Burma School အနေဖြင့်
ပထမဦးဆုံး Program လေးတစ်ခုနဲ့မိတ်ဆက်ပေးပါရစေ
Program Title လေးကတော့ "HR Sharing Program" ဖြစ်ပါတယ်။

ဒီ Program လေးကို စိတ်ပါဝင်စားတဲ့
HR Field ထဲဝင်ရောက်ဖို့ ကြိုးစားနေကြတဲ့
လူငယ်များအတွက် အသေးစိတ် Information လေးတွေလည်း ထပ် share ပေးသွားမှာမို့
Page ကို Like & Follow လုပ်ထားခဲ့ဖို့
မမေ့နဲ့ဦးနော် 💓

Program လေးက Profit-oriented မဟုတ်တဲ့အတွက် ပညာဒါန Fee ပဲရှိမှာဖြစ်ပြီး ပိုမိုထိရောက်စေရန်အတွက် လူဦးရေကိုလည်း ကန့်သတ်ထားမှာဖြစ်ပါတယ်။

Program လေးကို စိတ်ဝင်စားပါက အောက်ပါ Formလေးကို ဖြည့်စွက်ပေးဖို့ အကြံပြုတိုက်တွန်းလိုက်ပါတယ်နော်။ 💓

https://docs.google.com/forms/d/e/1FAIpQLSfJNPl61tJSXzJ4TfKryGtQgEVOzt5zzFrq8FewatLQjJ8giQ/viewform?usp=pp_url

GEM Burma School

29/09/2022

18/09/2022

16/09/2022

12/09/2022

11/09/2022

09/09/2022

07/09/2022

04/09/2022

03/09/2022

Address

Telephone

Website

Alerts

Shortcuts

Share

Category

Listing takedown request