27/02/2026
ကြက်ဥမုန့်သိုင်းခြုံ (ရိုးရာစစ်စစ် ချစ်စဖွယ် ပါဆယ်ထုပ်မုန့်)
🛒 ပါဝင်ပစ္စည်းများ (နည်းလမ်း - ၁)
ဂျုံမှုန့်ကို အခြေခံပြီး လုပ်လိုသူများအတွက် ပါဝင်ပစ္စည်းများမှာ ဂျုံမှုန့် (၁၃၀ ဂရမ်)၊ ကြက်ဥ သို့မဟုတ် ဘဲဥ (၃ လုံး)၊ ရေ (၆၀ ဂရမ်)၊ ဆားနှင့် ဆိုဒါ (အနည်းငယ်စီ) တို့ လိုအပ်ပါသည်။
🛒 ပါဝင်ပစ္စည်းများ (နည်းလမ်း - ၂)
ကောက်ညှင်းမှုန့်ကို အခြေခံလိုသူများအတွက် ကောက်ညှင်းမှုန့် (၁၂၀ ဂရမ်)၊ ဆန်မှုန့် (၃၀ ဂရမ်)၊ ဘဲဥ (၃ လုံး)၊ ရေ (၆၀ ဂရမ်)၊ ဆားနှင့် ဆိုဒါ (အနည်းငယ်စီ) တို့ လိုအပ်ပါသည်။
အစာသွပ်ရန်: အုန်းသီးခြစ်ပြီးသား နှင့် သကြား (အုန်းယိုလုပ်ရန်)
👩🍳 ပြုလုပ်ပုံအဆင့်ဆင့်
၁။ အုန်းယိုပြင်ဆင်ခြင်း:
အုန်းသီးအဖတ်လေးများကို ဒယ်အိုးထဲထည့်၊ မိမိနှစ်သက်သလောက် သကြားထည့်ပြီး အပူပေးပါ။ သကြားပွင့်များ ပျောက်သွားပြီး အုန်းသီးနှင့် တစ်သားတည်းဖြစ်ကာ စေးပိုင်မွှေးပျံ့လာသည်အထိ လှော်ပေးထားပါ။
၂။ မုန့်နှစ်စပ်ခြင်း:
ရွေးချယ်ထားသော နည်းလမ်း (၁) သို့မဟုတ် (၂) အလိုက် ပါဝင်ပစ္စည်းအားလုံးကို ဇလုံတစ်ခုထဲတွင် ရောမွှေပါ။ မုန့်နှစ်သည် အရမ်းမပျစ်၊ အရမ်းမကျဲသော အနေအထားရှိရပါမည်။ အရမ်းပျစ်နေပါက ရေအနည်းငယ် ထပ်ထည့်ပေးနိုင်ပါသည်။
၃။ မုန့်ဖုတ်ခြင်းနှင့် အစာသွပ်ခြင်း:
ဒယ်အိုးအပြားကို မီးအေးအေးဖြင့် အပူပေးပြီး ဆီပါးပါးသုတ်ပါ။ မုန့်နှစ်ကို ဒယ်အိုးပေါ်သို့ ပါးပါးလေးဖြစ်အောင် ဖြန့်ထည့်ပါ။ မုန့်သားအပေါ်ယံ တင်းလာပြီဆိုလျှင် အလယ်တည့်တည့်တွင် ပြင်ဆင်ထားသော အုန်းယို ကို ထည့်ပါ။
၄။ ပုံဖော်ခြင်း (မုန့်သိုင်းခြုံခြင်း):
မုန့်သားကို ဘေးလေးဖက်လေးတန်မှ အလယ်သို့ ခေါက်သွင်းပါ။ မုန့်သိုင်းခြုံစစ်စစ်မှာ ဆဋ္ဌဂံ (ခြောက်မြှောင့်ပုံ) ဖြစ်အောင် ခေါက်မှသာ လှပသပ်ရပ်သော "မုန့်သိုင်းခြုံ" ပုံစံလေးကို ရရှိမှာဖြစ်ပြီး အိမ်မှာလုပ်စားလျှင်တော့ မိမိကြိုက်နှစ်သက်သလို ခေါက်နိုင်ပါတယ်ရှင်။
💡 စားကောင်းစေမယ့် Tips လေးများ
မုန့်သားခေါက်ခြင်း: မုန့်သား အရမ်းကျက်သွားမှ ခေါက်ပါက ကွဲထွက်တတ်သဖြင့် မုန့်သားစေးကပ်နေချိန် (မကျက်တကျက်) မှာပဲ ခပ်သွက်သွက် ခေါက်ပေးဖို့ လိုပါတယ်ရှင်။
မီးအရှိန်: မုန့်သားပါးပါးလေးဖြစ်လို့ မီးပြင်းရင် တူးလွယ်ပါတယ်။ မီးအေးအေးနဲ့ ဖုတ်ပေးခြင်းက အရောင်လေး လှလှပပ ထွက်စေပါတယ်ရှင်။
Crd
