Thein Tun

အတ္တကြီးသူများ
လောကီလူ့ဘုံ ကျင်လည်နေရသမျှ လူအမျိုးမျိုးစိတ်အထွေထွေ ကြုံကြဆုံကြရတာပါဘဲ ပုထုဇ္ဇနော ဥမ္မတကော ပုထုဇဥ်တွေ မှန်သမျှ ချွတ်ယွင်းချက်မကင်း အမှားမကင်းကြတာ ဓမ္မတာပါ ကိုယ့်အမှားကို များသောအားဖြင့်ချက်ချင်းမသိတတ်ကြပေမဲ့ သူများမှားနေတာ သူများချွတ်ယွင်းချက်ကတော့ သတိထားစရာမလို ဖြတ်ကနဲတောင် သိလိုက်ကြလေ့ရှိပါတယ်
အသက်အရွယ်ရလာတော့ဝေဖန်ပစ်တင်လိုစိတ်မရှိတော့ဘဲ သူ့ကိုကျေးဇူးတင် သူ့လိုငါမှားလို့မဖြစ် သံဝေဂယူချင်စိတ်မွေးရပါတယ်
အတ္တကြီးသူ အတ္တကြီးလေ့ရှိသူတွေဟာ လာဘောအလာဘော ယသော အယသော နိန္နံ ပသန္နံ သုခံဒုက္ခံ
လောကနိယာမတရားများအနက် အကောင်းလောကဓံနဲ့ကြုံဆုံနေရသူများမှာ ပိုအဖြစ်များလေသလားတွေးမိပါတယ် သို့သော်လည်း အတ္တကြီးခြင်းဟာ မာန pride နဲ့ တိုက်ရိုက်အချိုးကျလေတော့ ဆင်းရဲချမ်းသာ ပညာရှိမရှိရာထူးဂုဏ်သိရ်ရှိမရှိ နဲ့အဓိကမကျလှဘဲ တဦးချင်းစီရဲ့စိတ်နေစိတ်ထား individual attitude နဲ့ပိုပြီးသက်ဆိုင်ပါလိမ့်မယ်
နောက်တမျိုးကတော့ ကိုယ့်ကိုယ်ကို အထင်ကြီးစိတ်
Superiority complex ပါ ကိုယ့်ကိုယ်ကို သိမ်ငယ်စိတ် အထင်သေးစိတ်နဲ့ ပြောင်းပြန်ပေါ့ စိတ်ရောဂါပါရဂူများကတော့ နှစ်မျိုးလုံး ကို စိတ်ရောဂါ သတ်မှတ်ကြမှာပါ inferiority complex သိမ်ငယ်တဲ့ အငုံ့စိတ်ဟာ depression စိတ်ကျတဲ့အဆင့်ရောက်ရင် ပါရဂူနဲ့တိုင်ပင် ဆေးသောက်မှကိုရတော့မှာပါ
အတ္တ ကို ego အတ္တများရင် egoist အတ္တ ဝါဒ ကို egoism လို့သုံးတယ် လို့မှတ်သားဘူးပါတယ် အတ္တကြီးသူတွေဟာ လူတဘက်သားအပေါ်မှာ အကောင်းမြင်စိတ် optimism ထားလေ့မရှိတတ်ဘူး အဆိုးမြင်စိတ် pessimism ထားဘို့ပိုများပါတယ် သူတဘက်သားအပေါ်မှာ နားလည်ခွင့်လွှတ်စိတ် ထား​ေလ့မရှိကြဘူး ငါပြောတာအမှန် ငါလုပ်တာအမှန် တယူသန်စိတ်ရှိကြသူများပါတယ်
ရေမပြည့်တဲ့အိုးဟာဘောင်ဘင်ခတ်လေ့ရှိတာပါဘဲ
အဆန်ပြည့်တဲ့စပါးနှံဟာ ဣိန္ဒြေသိက္ခာနဲ့ငိုက်ကျတည်ငြိမ်နေပေမဲ့ အဆန်မအောင်တဲ့စပါးနှံတွေကလေမှာတလွင့်လွင့် နဲ့ပေါ့
ရာထူးနဲနဲကြီးလာရင်ပိုပိုကြီးချင်တယ် နဲနဲချမ်းသာလာရင် ပိုပိုချမ်းသာချင်တယ် သာမာန် လောက်ကတော့ ဆန္ဒ wish အဆင့်ပါ ရှိသင့်တာထက်ပိုလာရင်လောဘ desire ဖြစ်သွားပြီး အကုသိုလ်များသထက်များအောင်ပိုပြုကျင့်မိအောင် မြင်းကိုဂျိုတပ်ပေးသလိုဖြစ်တော့တာဘဲ မိမိရာထူးကြီးသထက်ကြီးလာဘို့ ချမ်းသာသည်ထက်ပိုချမ်းသာလာဘို့ ဖြတ်လမ်းနည်း ကလိမ်ကောက်ကျစ်တဲ့နည်း by hook or by crook သူတပါးမျက်ရည်ပေါက်ကြီးငယ်ကျလဲဂရုမစိုက် ရလေလိုလေ အိုတစ္ဆေ ဖြစ်သွားရင်တော့ နောက်ဘဝ အပါယ် သေချာသွားတာပေါ့
အမီတာဘဂျမ်း ရေးတဲ့စာလေးဖတ်ဖူးတယ် တခါရထားစောင့်နေရင်း သာမာန်လူလတ်တန်းစားဘိုးတော်တယောက်တွေ့တယ် သူ့ကိုတွေ့ပေမဲ့အရေးမထားသလိုပုံစံမို့ သိပ်ဘဝင်မကျဘူး သည်းမခံနိုင်တော့တဲ့အဆုံး သွားနှုတ်ဆက်တယ် ယဥ်ယဥ်ကျေးကျေးပြန်ပြောပေမဲ့သူ့ကိုအထင်ကြီးပုံမပေါက်တော့အောင့်သက်သက်ဘဲ ဘိုးတော်သွားတော့မယ်နှုတ်ဆက်တော့ နာမည်လေးပြောခဲ့ပါ ဘိုးတော်နာမည်ပြောချိန်မှာ ပါးစပ်အဟောင်းသားဖြစ်ကျန်ခဲ့ရသတဲ့ အိန္ဒိယ ရဲ့အချမ်းသာဆုံးစာရင်းဝင် သူဌေးကြီးရဲ့ရိုကျိုးနှိမ့်ချမှုကိုကိုယ်တွေ့ကြုံလိုက်ရတာကိုး
အတ္တကြီးရာက ကိုယ့်ကိုယ်ကိုအထင်ကြီးလာတယ် ငါမှငါ self centre ဖြစ်လာတယ် သူတပါးအပေါ်အထင်မကြီးချင်တော့ဘဲအထင်သေးချင်စိတ်ပိုအားများလာတယ် သုဝစောစဿ ဆိုဆုံးမလွယ်စိတ်မရှိသူတပါးမိမိကိုဝေဖန်တာမှန်နေပါစေ လက်မခံနိုင်တော့ဘူး သူ့ပါတ်ဂန်းကျင်အတွက် တိုင်းပြည်အတွက်အကျိုးမပေး အပြစ်သာပေးမဲ့လူတယောက် လူတကာမုန်းတဲ့ အော့ကြောလန် ဖြစ်တော့မှာဘဲ
လူကောင်းတယောက်မှာရှိသင့်တဲ့တရားဟာ ဆင်ခြင်တုံတရားပါ ဆင်ခြင်တုံတရားရှိသူမှာမတော်လို့ ကာယကံဝစီကံအမှားလုပ်မိရင်တောင်အပစ်နည်းပါတယ် မိလိန္ဒပညာမှာ မကောင်းမှုမှန်းမသိလို့ မကောင်းမှုပြုမိသူဟာ မကောင်းမှုမှန်းသိရက်နဲ့ပြုမိသူထက်အပစ်ပိုကြီးတယ် တဲ့ ဗုဒ္ဓအဘိဓမ္မာမှာ စေတနာဟဝေ ကမ္မ ဘိက္ခဝေ စေတနာသာလျှင် ကံ စေတနာဇောကြောင့်သာအကျိုးပေးအကြီးအငယ်ကွဲပြားကြတာကိုး ယောနိသောမနသိကာရ. ကတော့အရေးအကြီးဆုံးပါ သတိမြဲမြံမှ ကျင့်သုံးနိုင်တဲ့တရားဖြစ်ပါတယ်
ဗုဒ္ဓဝါဒ ဟာပရဟိတ အများအကျိုးရွက်ဆောင်ခြင်းကိုနှစ်သက်ပါတယ် ဘုရားဆုပန်ပြီးဖြည့်ကျင့်ခဲ့တဲ့ပါရမီဆယ်ပါး အပြားသုံးဆယ် ကိုကြည့်ရင် ဒါနပါရမီ ဒါနဥပပါရမီ ဒါနပရမတ္ထ ပါရမီ သုံးမျိုးခွဲထားပါတယ် သူတပါးအတွက်မိမိခြေလက်အင်္ဂါ ဇနီးသားသမီး ဥပပါရမီ မိမိအသက်ကိုပင်မတွယ်တာမကပ်ညိဘဲစွန့်လှူတာဟာပရမတ္ထ ပါရမီ ထိုက်ပါတယ်
ဗုဒ္ဓဘာသာဝင်များဟာပရဟိတသမားများဖြစ်သင့်ပါတယ် မိမိအကျိုးထက်အများအကျိုးကိုကိုယ်ကျိုးစွန့်ဆောင်ရွက်နိုင်လေ ကုသိုလ်ကြီးလေပါ
အတ္တကြီးခြင်းဟာ အကျိုးထက်အပစ်များတယ်ဆိုတာသဘောပေါက်နိုင်ပါတယ် မိမိကိုယ်မိမိယုံကြည်မှုရှိခြင်း self confidence ကတော့ရှိရမဲ့တရားပါ ကိုယ့်ကိုယ်ကိုယုံကြည်ချက်မရှိစိတ်ဓာတ်မခိုင်မာရင်ဆန္ဒ ဝီရိယ စိတ္တ ဝီမံသ( ပညာ) ဣိဒ္ဓိပါဒ်လေးပါး ဘယ်လိုမှပြည့်စုံစရာအကြောင်းမရှိပါဘူး
Over confidence မိမိကိုယ်မိမိယုံကြည်မှုလွန်ကဲတဲ့အခါမှ ငါသာတော် ငါသာသိ ငါသာမြတ် အတ္တစိတ်ကြီးမားလာစေတာပါ
အမှန်တော့ လူနတ်ဗြဟ္မာသတ္တ ဝါဟူ၍မရှိ အတ္တမရှိအတ္တနိယမရှိ ငါ ငါ့ဟာ ငါ့စည်းစိမ် ငါ့ချမ်းသာ ငါ့ပညာ ဘာတခုမှမရှိ ဇာတိ စတာနဲ့ ဇရာဗျာဓီမရဏ မကြုံသူမရှိ သေပြီး ဘာတခုမှမပါ ကိုယ်ပြုခဲ့တဲ့ ကုသိုလ် အကုသိုလ်ကံများသာ သံသရာတလျှောက်လိုက်ပါအကျိုးပေးကြမှာ လှည်းဘီးပမာ အရိပ်ပမာ
အတ္တစိတ်ကင်းလေ သုညတဆိုက်အောင်မြင်နိုင်လေ အကျိုးရှိလေပါ
FB မှာပုံနှိပ်စက် ပိုင်ရှင်တွေအများသား ခုပေါ်တဲ့ appication တွေကလည်း နတ်ရေကန်ထဲချသလို ပြောင်းသွားစေတာကလား တနေ့တနေ့ like ပေးရမှတ်ချက်ပေးရ နဲ့ တခါတလေတွေးမိပါ့ ငါ့ကိုယ်ငါ ငါ့ရူပါသိပ်မဆိုးပါဘူးထင်တဲ့အတ္တစိတ်ကလေးကြောင့်ဘဲ တင်နေကြတာလေ လား ပေါ့ ကြာတော့လည်း ငါလည်းတင်ကြည့်ဦး မှ စိတ်ကူးပြီး စမ်းကြည့်မိပါတယ် တခါဆက်ဆံ ဆယ်ခါလန် ပါဗျာ Topic က သင်နှင့်အတူဆုံးသောဟောလီဝုဒ် မင်းသားမင်းသမီးတဲ့ သူများတွေများ Leonardo တို့ Brad pit Richard Giri တို့ ဟုတ်နေတာ ကိုယ့်အလှည့်ကျမှ နာမည်တောင်တခါမှ မကြားဘူးတဲ့မင်းသမီး ဗျာ ရင်ကြီးကြီး ဖင်ကြီးကြီး Angelina Jolie. Phobie Cates.
Elizabeth Tarlor တို့နဲ့ဆိုဟုတ်သေး ကျနော်လည်း အတ္တ ကို စွန့်ပလိုက်ပါရော အဲ့ဒီapplication ကိုလည်း ထာဝရ boycout လုပ်လိုက်ရပါတော့တယ်
အတ္တကင်း ၍ ပရဟိတစိတ်ထားအလှဖြင့် လောကလူ့ဘောင်ကို လှပ​ဝေဆာအောင်အကျိုးဆောင်နိုင်ကြပါစေ
မေတ္တာဖြင့်
မျိုးမောင်မောင်မျိုး

m.starmakerstudios.com

မြန်မာပြည် အမြန်ငြိမ်းချမ်းသာယာပါစေ ဆုတောင်းခဲ့မိတဲ့အကြိမ် ရေတွက်လို့မရနိုင်တော့ပါ
မသေခင်တော့ မြင်တွေ့သွားရရင် သေပျော်ပါပြီ
🙏🙏🙏

အသိ မှ သတိ သို့
=============
မြင်မိ ခဏ
သိပ်သိပ်လှ
ဖျောက်မရ ပဲ ခုတိုင် စွဲ ***
ကြားမိ အသံ
အ ဖန်ဖန်
ပြန်ပြန် ကြားမိ ယခု ထိ ***
တွေ့ထိ ခဏ
နူးညံ့ စွ
ဖဿ ဖီလင် တမ်းတ ချင်***
အါရုံ ငါးပါး
ကါလ ခြားလည်း
စဥ္းစါး မိ လျှင်
ယခုထင် သည်
ဘဝင် သ​ေင်္ချ
ပျက်ခဲ့ ပေ လည်း
မေ့ စေ မေါဟ
ဥ ပါ့ ဒါန် စွမ်း အံ့ မခန်း *****

သတ္တဝါမှန်သ၍ တရားတွေ့
ချမ်းမြေ့ သါယါ ကြပါစေ

မေတ္တာ ဖြင့်
မျိုးမောင်မောင်မျိုး

ဘဝတိုတို
ချစ်တယ်စကားမဆုံးသေးခင်
အမုန်းပေးချင်တော့လည်း
ခွဲခွာခြင်း ကန့်လန့်ကာ အချ
မျက်ရည်ကျချိန် မရ
လက်တောင်မပြ
တိုလိုက်တဲ့ဘဝ ***

မေတ္တာ ဖြင့်
မျိုးမောင်မောင်မျိုး

သမိုင်းဝင်ဘဝမကူးသည့်ဝဋ်ကြွေးများ
သမိုင်း ပညာရှင် ဒေါက်တာသန်းထွန်းကသမိုင်းသင်ပေးနေတာဟာ မ အ အောင်လို့ လို့ပြောဘူးပါတယ် အမှန်တကယ်သမိုင်းကိုစိစစ်လေ့လာပြီး သမိုင်းထဲကလူတန်းစားအမျိုးမျိုးရဲ့အကောင်းအဆိုးတွေကိုလေ့လာအတုယူလိုက်နာရှောင်ကျဥ်ကြရင်
မြန်မာပြည်ဒီလိုအဖြစ်ဆိုးမနေလောက်ဘူးထင်ပါရဲ့
ယခုခေတ်တော့မပြောတတ် ရှေးယခင်ခေတ်ကတော့ သမိုင်းပညာရှင်နည်းပါးတယ် ထင်မိပါတယ် ပုဂံရာဇဝင်အကြောင်းဆွေးနွေးရင်ဒုတ်ထမ်းဓားထမ်း ညင်းခုံကြရတယ် ကြားဘူးလို့ပါ ကျနော်တို့ငယ်စဥ်ကဦးဘသန်း မြန်မာသမိုင်း သင်ခဲ့ရပါတယ် မြန်မာအစ တကောင်းက နဲ့စခဲ့ကြတာပေါ့
သမိုင်းဆိုတာ နေ့စဥ်ဖြစ်ပျက်နေသမျှကိုစနစ်တကျမှတ်တမ်းတင်ကြမှ တန်ဘိုးမြင့်မှာပါ သမိုင်းကိုမှတ်တမ်းတင်ထားနိုင်ကြဘို့ ကိုယ့်သမိုင်း မရိုင်းစေဘို့ လူတိုင်းမှာပါတ်သက်တာဝန်ရှိနေပါတယ်
လူတန်းစားအားလုံးပါဝင်ပါတ်သက် ပြီးပြည့်စုံတဲ့သမိုင်းဖြစ်လာဘို့ကလွယ်ကူတဲ့ကိစ္စမဟုတ် သမိုင်းကိုတန်ဘိုးထားစိတ်ပါဝင်စားသူများကစနစ်တကျမှတ်တမ်းတင်ထားကြမှသာဖြစ်နိုင်ပါတယ်
ကျနော်တို့ငယ်တုန်းက ဦးဘသန်းမဟာရာဇဝင်နဲ့ကြီးပြင်းခဲ့ကြရတယ် မြန်မာအစ တကောင်းက တို့ ကံရာဇာကြီးကံရာဇာငယ် စေတီ အတည်ပြိုင် နိုင်သူဘုရင်ရွေးခံရတာတို့ပေါ့ သစ်ကြီးဝါးကြီးနဲ့စနစ်တကျစေတီတည်တဲ့ကံရာဇာ​​ကြီးထက် သစ်ငယ်ဝါးငယ်သုံးစေတီတည်တဲ့ကံရာဇာငယ်ကအရင်ပြီးလို့ဘုရင်အဖြစ်တင်မြှောက်ခံရတာ မှတ်မိပါသေးတယ် စနစ်တကျခိုင်ခိုင်ခန့်ခန့် လုပ်သူ ထက် ပြီးကတတ်ဆန်းနိုင်ပြီးရောလုပ်တဲ့လူ အနိုင်ရတာကိုဘဝင်မကျခဲ့ဘူး If you got an oppotunity, grab it by hook or by crook. အခွင့်အရေးသာ ရခဲ့ရင်မနိုင်နိုင်တဲ့နည်းတရားသည်ဖြစ်စေမတရားသည်ဖြစ်စေ အရယူကြတဲ့ မြန်မာ အများစု သောက်ကျင့် စတင် သန္ဓေတည်ခဲ့လေသလား အတွေးပွားမိပါရဲ့
ဗုဒ္ဓဝင် မဟာဝင် ရာဇဝင် အနက် ကျနော်တို့သင်ခဲ့ရတာကလည်း မင်းတွေအကြောင်းအဓိကလိုဖြစ်နေပါတယ် တကဲ့သမိုင်းအစစ်အမှန်သင်ကြားခဲ့ရတယ် မခံစားမိပါဘူး မသင်ခဲ့ရတာထက်သင်ခဲ့ရတာကတော့အကျိုးကြီးလှပါတယ် ဘုန်းလက်ရုံး တန်ခိုးတေဇော်နဲ့ပြည့်စုံတဲ့အရည်အချင်းရှိတဲ့မင်းကောင်းမင်းမြတ်တွေ အနော်ရထာ ကျန်စစ်သား ဘုရင့်နောင် သာလွန်မင်း ဘိုးတော်ဘုရား ဘကြီးတော်ဘုရား အလောင်းဘုရား စသူတွေ အလောင်းဘုရားလက်ထက် ယိုးဒယားကိုသိမ်းတော့ ဝါးရင်းတုတ်ကိုယ်စီ နိုင်နင်းခဲ့ကြသည် အဲ့တာအဲ့တာ မြန်မာဖြစ်သည် ငါးမည်ရ ဦးအောင်ဇေယျ အမည် သီချင်းလေးလည်းသတိရမိပါတယ် ဥဒေတယံ အပေတယံ မနက်တထောင်ညတထောင် မှန်မှန်ရွတ်လေ့ရှိတဲ့ အာခံတွင်းက စက်ရောင်တပြောင်ပြောင်ထွက်တဲ့ အင်းဝဘုရင်မင်းခေါင် ဖောင်စကြာဆက်သခံရတဲ့အလောင်းစည်သူမင်း
ကျနော်အမှတ်မိဆုံးက ဘိုးတော် ဘကြီးတော်လက်ထက်က မြန်မာပြည်မြေပုံပါ တရုပ်ပြည်ဘက် လာအို ယိုးဒယား အင်ဒိယ နီပေါ တပြန့်တပြောကြီး မြေပုံကြီးက ကားကားယားယားကြီး အဲ့ဒီ မြန်မာတွေတန်ခိုးထွားတဲ့ခေတ်ကို ကမ္ဘာ့အဆင်းရဲဆုံးနိုင်ငံသားလေး တမ်းတလွမ်းရတာ အပစ် တင်စရာမရှိပါနော်
နန်းစံသက် ခုနှစ်ရက်သာရှိတဲ့စလေငခွေး တို့ ဟင်းပွဲသုံးရာ နဲ့ မင်းခွေးချေး တို့လို ခပ်ညံ့ညံ့မင်းတွေ ထီးနန်းအတွက် ညီအကိုချင်းလုပ်ကြံကြတာတွေလဲမှတ်မိပါတယ် အာဏာ ရူးတွေမှန်သမျှ ဇာတ်သိမ်းမလှကြတာတွေ သမိုင်းမှာ အထင်အရှားပါ
ကျနော့ကို 1950 မှာ အထက်ချင်းတွင်းခရိုင် မော်လိုက်မြို့မှာ မွေးပါတယ် ဘိုးဘွားတွေကတော့ မော်လိုက်နဲ့ ခုနှစ်မိုင်လောက်ဝေးတဲ့ ကင်းတပ်ရွာကတဲ့
အလောင်းဘုရားလက်ထက် မဏိပူရ အာသံပြည်နယ် တက်သိမ်း သစ္စာခံသူက မြို့စားနယ်စားပေး နေပြည်တော် ရွှေဘို ကိုပြန်တော့ ​​အစောင့်အနေအနေနဲ့ မဏိပူရ အာသံနဲ့နီးတဲ့နေရာမှာ ကင်းတပ်တည်ထားရာက ကင်းတပ်မြို့တွင်ခဲ့ပါသတဲ့ နောင် အင်္ဂလိပ် မြန်မာပြည်သိမ်းတော့ မြို့တည်လို့ကောင်းတဲ့ မော်လူး ဆိုတဲ့ရှမ်းရွာလေးမှာ မြို့သစ်တည်တော့မော်လူး ကနေ Maw Laik မော်လိုက်ဖြစ်လာပါသတဲ့
ပဲခူး ကို Pegu ပေါင်းတာမျိုးဖြစ်ပါလိမ့်မယ်
မြို့အလယ်ခေါင်တည့်တည့်မှာမှ 9 holes ဂေါက်ကွင်း golf club နဲ့ tennis court နဲ့အရေးပိုင် ခရိုင်ရဲဝန် ခရိုင်ရာဇဂတ်တရားသူကြီး အိမ်တွေဆို တကဲ့ အိမ်ကြီးရက္ခိုင် တွေဗျာ chimney နဲ့ အိမ်တိုင်းမှာဟိုးအရင်က မာလီနဲ့ ထမင်းချက်နဲ့ အလွန်စနစ်ကျ ကျနော် ကလေးဘဝ ကြီးပြင်းခဲ့ရာ မော်လိုက်ရဲစခန်းဆို ဆောက်ထားတာ အရမ်းစနစ်ကျတာ သူတို့ဆောက်ခဲ့တာမှန်သမျှ maintenance မရှိဘဲကိုနှစ်ငါးဆယ်ကျော် ဘာမှမပျက်စီးဘူး
မော်လိုက်ကအရမ်းနှစ်သက်စရာကောင်းပါတယ် အစိုးရအမှုထမ်းအများစုနေကြပါတယ် ကုန်သည်တောင်အတော်နည်းပါတယ် သမ္မာအာဇီဝသမားကအများစုပါ လာဘ်စားတဲ့အမှုထမ်းကင်းတဲ့မြို့လေး
လောဘနည်းတဲ့မြို့လေးပါ
1948 လွတ်လပ်ရေးရတော့ ကျနော် နှစ်ခါလည်သားလောက်ရှိသေး ဘော်လုံးကွင်းမှာ လွတ်လပ်ရေးအောင်ပွဲအခမ်းအနားလုပ်တာ ရေးတေးတေးသတိရပါတယ် နှစ်တိုင်း ပြေးခုန်ပစ်ပွဲ ကြည့်ချင်ပွဲတွေနဲ့ မုန့်ပေါင်း ငါးပြားဘိုး ဘူးသီးကြော်တခု ငါးပြား တထွာလောက်ရှိတဲ့ ဘူးသီးစိပ် အချင်း လက်ခလည်လောက် ခြောက်ချောင်း ခုနှစ်ချောင်းလောက် ကြော်ထား ငါးပြားလေ လဘက်ရည် တခွက် ဆယ့်ငါးပြားဆားတပိဿာ ဆယ့်ငါးပြား ကျနော်အဖွားတွေကနင်တို့ခေတ်စျေးတွေကြီးချက်ဟယ် တို့ခေတ်တုန်းကတပြား ဗိုက်ရိုက်စား ခေတ်ပျက်လာပြီ ဆိုကြပေသကိုး
ရဲသားတယောက်လခ လေးဆယ့်နှစ်ကျပ် ဒုရဲအုပ်
လခ တရာ့တဆယ် ကျနော်တို့ရဲစခန်းကအိမ်တိုင်းကိုယ့်စိုက်ခင်းနဲ့ကိုယ် လျှပ်စစ်မီး အလကား ကျောင်းပိတ်ရက် ရဲစခန်းအနောက် တောထဲလည် တနှစ်စာထင်းခုပ်စုထားကြ ရဲသားမိန်းမကဆွဲကြိုးလက်ကောက်ဆင်နိုင်တယ် ရွှေတကျပ်သားတဆယ်
သန့်ရှင်းတည်မြဲကွဲတော့ရွေးကောက်ပွဲလုပ်တာရေးတေးတေး မှတ်မိတယ် သန့်ရှင်း က နုတင် (ဦးနု နဲ့ သခင်တင် တည်မြဲက ဆွေ ညိမ်း (ဦးဘဆွေ နဲ့ ဦးကျော်ညိမ်း ) ဆွေညိမ်းက တပ်မတော် နဲ့ ရဲ လက်နက်ကိုင်တပ်ဖွဲ့ back ground ယူထားတော့ အတော်အသာရနေတာ ဦးနု က သန့်ရှင်းနိုင်ရင် ဗုဒ္ဓဘာသာကို နိုင်ငံတော့ဘာသာ လုပ်မလို လေသံပေးတော့ ဗိုလ်မှူးတွေရဲမှူးတွေ မဲရုံအဝမှာစောင့် ဆွေညိမ်းခိုင်းတာ သင်္ကန်းတလွှားလွှားကိုယ်တော်များကရွာလုံးကျွတ်နယ်လုံးကျွတ် သန့်ရှင်းခိုင်းလိုက်တာ မှတ်မိပါသေးတယ် လူကြီးတွေပြောကြတာ ဘုရားကမတည်မြဲပါဘူး ဟောထားပါလျှက်နဲ့ တည်မြဲချင်တဲ့ မိစ္ဆာဒိဌိ တလုံးထဲနဲ့ တပြည်လုံးဝါဝါထိန် သန့်ရှင်းအစိုးရ ဖြစ်လာပါတယ် တပ်မတော် နိုင်ငံရေးထဲစဝင်စွက်ဖက်ချက်လာတဲ့ အဦးအစ လေးပါ
စိတ်ဝင်စားကြရင် ဆက်ရေးပါရစေ
မေတ္တာဖြင့်
မျိုးမောင်မောင်မျိုး

္ကန့်လေးရဲ့ဆယ်ပုံတပုံ

သိန်းထွန်း just sang the song [တစ္စကၠန္႔ေလးရဲ႕ဆယ္ပံုတစ္ပံု], how can the voice be so amazing?! StarMaker Lite, breaking barriers with the universal language of music!