𝐅𝐮𝐭𝐮𝐫𝐞 𝐘𝐨𝐮𝐭𝐡

မချစ်တော့လို့ လမ်းခွဲတဲ့အခါ သိက္ခာရှိကြပါစေ

ရှေ့ဆက်မရတဲ့ Relationship တစ်ခုကို
Break လိုက်တဲ့အခါ

တစ်ယောက် dark side တွေ တစ်ယောက် Blame ပြီး
လမ်းခွဲကြတဲ့ topic တွေ အရမ်းများလာတယ်

ဒီလိုကိစ္စတွေဟာ နှစ်ဦးနှစ်ဖက်လုံး အကျိုးမရှိသလို
နစ်နာသူဟာ ယောက်ျားလေးပါ၊မိန်းကလေးပါဆိုတဲ့
ရလဒ်မျိုးလည်း ထွက်မလာဘူး

တစ်ယောက်နဲ့တစ်ယောက်ရဲ့ရှေ့ကို ဆက်သွားလို့မရတဲ့
ခရီးလမ်းအဆုံးမှာ ငါ့အမှားကြောင့် နင့်အမှားကြောင့်ဆိုတဲ့ reason တွေမလိုပဲ

ရှေ့ဆက်အတူသွားဖို့ တစ်ယောက်ရဲ့ စိတ်ဓာတ်
အပြုအမူ၊အမူအကျင့်၊စရိုက်၊အတွေးအခေါ်တွေ
ပေါင်းစပ်ဖို့ အဆင်မပြေတော့တဲ့ လမ်းခွဲခြင်းမှာ

မျက်ရည်ခြူပြီး စွဲထားလို့မရသလို
ခြေသလိုဖက်တောင်းပန်လည်းမရဘူး

လူတစ်ယောက်နဲ့တစ်ယောက်ရဲ့ စိတ်ကုန်သွားခြင်းမှာ
အကြောင်းပြချက်တွေမရှိဘူး

ဒါ့ကြောင့် စာသားတစ်ခုဖတ်ဖူးတာလေး သတိရမိတယ်
ချစ်ခြင်းမေတ္တာမှာလည်း limit ရှိတဲ့အကြောင်း

ခံနိုင်ရည်ကို ခဏခဏ စမ်းသပ်ပြီးလို့
တစ်ဖက်ကလည်း လိုအပ်ခဲ့ချိန်တွေမှာ
နားလည်ခွင့်လွှတ်သည်းခံနိုင်ပေမယ့်

အဲ့ဒီ့ခံနိုင်ရည်နဲ့ လိုအပ်ချိန်တွေကုန်ဆုံးသွားတဲ့ အခါ
အချိန်မရွေး Back off လုပ်သွားခဲ့ရင်

ကိုယ့်ရဲ့ အပြုအမူတိုင်းကို ပြန်စမ်းစစ်ပြီး
တစ်ဖက်လူရဲ့ သဘောထားတွေ
ဆုံးဖြတ်ချက်တွေကို လေးစားပေးဖို့လိုတယ်

အခုနောက်ပိုင်း Relationship တော်တော်များများ
ချစ်တဲ့အချိန် သာယာကြည်နူးတဲ့ ပုံရိပ်တွေ နဲ့ ချစ်ခဲ့ကြပြီး ပြတ်ဆဲသွားတဲ့အခါ

တစ်ယောက်အပေါ်တစ်ယောက် respect မရှိ
Ethic တွေနားမလည်ပဲ Attack လုပ်လာကြတာ
ပေါ်ပင်တစ်ခုလိုဖြစ်လာတာ မြင်ရတဲ့ အပေါ်မှာ

ဒါဟာ ရှေ့ဆက်မယ့် ကိုယ့်ရဲ့အနာဂတ်မှာ
ဒီလူနဲ့ ပြီးဆုံးပြီး နောက်လူနဲ့စတင်ခြင်းမှာ

အနှောက်အယှက်အဖြစ်စေဆုံး အရာမို့

ဘယ်သူနစ်နာလဲမေးရင် နှစ်ဦးစလုံးနစ်နာပါတယ်

တစ်ဖက်သားကို ပျက်စီးရာပျက်စီးကြောင်း စိတ်နဲ့ ရည်ရွယ်တဲ့သူရော

ကိုယ်အမှန်တကယ် မနစ်နာကြောင်းကို ပြန်လည်ဖြေရှင်းရတဲ့သူရော

နှစ်ဖက်လုံး ထိ ခိုက် ပါတယ်

ဒီလို topic တွေ ဖြစ်တာကို ကြည့်ခြင်းအားဖြင့်လည်း
ချစ်ခဲ့တဲ့အချိန်တွေမှာ တကယ်မစစ်မှန်ခဲ့လို့သာ

ခွဲခွါတဲ့အချိန်မှာ ဒီလို တစ်ဦးရဲ့ ထိ ခိုက် နစ် နာ ခြင်းကို

တစ်ဦးနဲ့တစ်ဦး လုပ်ဆောင်တယ်လို့ မြင်တဲ့အတွက်

ဘယ်သူ့ဘယ်သူအတွက်မှမကောင်းတဲ့ ကိစ္စရပ်မို့

ကိုယ့်အထုပ်ကိုယ် ဖြည်ပြတဲ့ ဖြစ်ရပ်ကို တိုင်းသိပြည်သိ
ချပြခြင်းက ဘာအကျိုးရလဒ်မှ မရှိလို့

မချစ်တော့လို့ လမ်းခွဲတဲ့အခါ သိက္ခာရှိကြပါစေ …..☘️




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

❤❤❤
ငွေကြေးချမ်းသာတဲ့ အမျိုးသားကို မရှာပါနဲ့
သစ္စာတရားကြွယ်ဝတဲ့ အမျိုးသားလေးကို ရွေးချယ်ပါ

မင်းအတွက် အမြဲတမ်း အချိန်ပေးနိုင်တဲ့ အမျိုးသားကို မရှာပါနဲ့
မင်းတကယ်လိုအပ်တဲ့ အချိန်တိုင်းမှာ မင်းဘေးနား
အဆင်သင့်ရှိနေမယ့် အမျိုးသားလေးကို ရွေးချယ်ပါ

ရုပ်ရည်ချောမောတဲ့ အမျိုးသားကို မရှာပါနဲ့
စိတ်ထားလှတဲ့ အမျိုးသားလေးကို ရွေးချယ်ပါ

အပြောကောင်းတဲ့ အမျိုးသားကို မရှာပါနဲ့
အကောင်းပြောတတ်တဲ့ အမျိုးသားလေးကို ရွေးချယ်ပါ

အချစ်လို့ ခေါင်းစဉ်တပ်ပြီး ချုပ်ချယ်မှုတွေပေးမယ့် အမျိုးသားကို
မရှာပါနဲ့
မင်းကို လူသားဆန်တဲ့ လွတ်လပ်ခွင့်တွေပေးပြီး
မင်းနဲ့အတူ အချစ်ဆိုတဲ့ အရာလေး လှပအောင်ဖန်တီးပေးမယ့်
အမျိုးသားကို ရွေးချယ်ပါ

မင်းထက် သာတဲ့ အမျိုးသားကို မရှာပါနဲ့
မင်းကို အရာရာထက် သာတဲ့ အမျိုးသမီးလေးဖြစ်အောင်
လမ်းပြပေးနိုင်မယ့် အမျိုးသားလေးကို ရွေးချယ်ပါ

ပညာတတ်တဲ့ အမျိုးသားကို မရှာပါနဲ့
စာနာတတ်တဲ့ အမျိုးသားလေးကို ရွေးချယ်ပါ

မင်းကို ဘုရင်မ တစ်ပါးလို ခစားနိုင်မယ့်သူကို မရှာပါနဲ့
မင်းကို မိဖုရားနေရာမှာ အမြတ်တနိုးထားပေးနိုင်မယ့်သူကို ရွေးချယ်ပါ

ရွေးချယ်စရာတွေ အများကြီးရှိနေခဲ့ရင်တောင်
မင်းကိုသာ ထပ်ခါတလဲလဲ ရွေးချယ်မယ့်သူကိုသာ
ဘဝလက်တွဲဖော် အဖြစ် ရွေးချယ်ပါ

အမျိုးသားတစ်ယောက်ကို ကိုယ့်ဘဝရှင်သန်မှုအတွက်
လိုအပ်လို့ ရွေးချယ်တာမျိုး မဖြစ်ပါစေနဲ့
အမျိုးသားတစ်ယောက်က သူ့ရဲ့ ဘဝမှာ
ကိုယ့်ကို မရှိမဖြစ်လိုအပ်လို့ ရွေးချယ်တာမျိုး ဖြစ်ပါစေ

ရွေးချယ်ပါ
မင်းရင်ထဲ ရှိသမျှ အရာရာကို ဖွင့်ဟတိုင်ပင်လို့ ရမယ့်သူ..
ကလေးတွေရှေ့ဟာ သူဟာ ဖခင်ကောင်းတစ်ယောက်ပါလို့ ဝံ့ကြွားစွာ
ပြောဆိုလို့ရမယ့်သူ..

မင်းကို ပိုင်ဆိုင်ရလို့ ဂုဏ်ယူဝံ့ကြွားဖြစ်နေမယ့် သူကို ရွေးပါ

အနာဂတ်မှာ ပျော်ရွှင်စရာကောင်းတဲ့ မိသားစုလေး ဖြစ်တည်လာဖို့
မင်းရဲ့ လက်တွဲဖော်ကို စျေးနှုန်းသတ်မှတ် တံဆိပ်ကပ်စရာမလိုပါဘူး

မင်းရွေးချယ်လိုက်တဲ့ အမျိုးသားလေးဟာ
ကြိုးစားလိုစိတ်ရှိဖို့ပဲ လိုတာပါ
တိုးပွားပြီးသား လူတစ်ယောက် ဖြစ်ဖို့မလိုပါဘူး




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

အရမ်းတန်ဖိုးရှိပါတယ်💑 “ ခင်ပွန်းကောင်း "💑

💑 အိမ်ထောင်တစ်ခုမှ
အပေးအယူမျှတစွာ
ချစ်ကြတယ် ဆိုတာဟာ
အင်မတန်မှကျက်သရေရှိတဲ့
မင်္ဂလာတစ်ပါး ဖြစ်ပါတယ်။

💑 ဒါကို စိတ်ယုတ်တဲ့
မိတ်ဆွေ အပေါင်းအသင်းတစ်ချို့က
မြှောက်ပင့်ပေးတတ်ကြပြီး
သဘောထားမပြည့်တဲ့
ခပ်ဘယညံညံ ဆွေမျိုးတွေကတော့
ကဲ့ရဲ့ပြစ်တင်တတ်ကြပါတယ်။

💑 လင်မယားနှစ်ယောက်ကြား
မခံချိမခံသာ စကားလုံးတွေ
သုံးပြီး သွေးကွဲစေတဲ့
စကားမျိုးတွေကိုလည်း
ပြောတတ်ကြပါတယ်။

💑 တကယ်တာ့
ခင်ပွန်း ကောင်း ဆိုတာ
ဇနီး မယား အပေါ်နိုင်ထက်စီးနင်း
မပြုတဲ့သူပါ။

💑 ဇနီး ကအမြဲတမ်း
လေးစား ချစ်ခင်အောင်လည်း
ပြုမူ နေထိုင်တတ်သူပါ။

💑 အိမ်ထောင်ဦးစီး တာဝန်ကိုလည်း
ကပြည့်အဝ လုပ်ကိုင်ဆောင်ရွက်
နိုင်သူလည်း ဖြစ်ပါတယ်။

💑 ပတ်ဝန်းကျင်မှာ
ခင်ပွန်းသည်က
ကိုယ်ဇနီးအပေါ်
သဲသဲလှုပ် ချစ်တာ မြင်နေရတာ
အပြစ်ဖြစ်နေလား???

💑 ဒီလို ခင်ပွန်းမျိုးကို ဇနီးသည်တိုင်
တောင့်တ လိုချင်ကြပါလိမ့်မယ်။

💑 အိမ်ထောင်ရေး တစ်ခု
ခိုင်မြဲဖို့ ဆိုတာ
ခင်ပွန်း နဲ ဇနီး အပြန်အလှည်
ချစ်ခြင်းမေတ္တာတစ်ခုတော့
ရှိနေသင့်ပါတယ်။

💑 ဇနီး တစ်ယောက်ရဲ့
ပျော်ရွှင်မှုတွေဟာ ခင်ပွန်း ရဲ့
ချစ်ခြင်းမေတ္တာပဲ ဖြစ်ပါတယ်။

💑 ဒါကြောင့်.....
ပျော်ရွှင်နေတဲ့ ဇနီး တစ်ယောက်ရဲ့
ဘဝမှာ သိက္ခာရှိပြီး လေးစား ထိုက်တဲ့
ခင်ပွန်း ကောင်း ရှိနေလို့ပါ။

💑 အမြဲတမ်း မှိုင်တွေနေပြီး
အလိုမကျဖြစ်နေတတ်တဲ့
ဇနီးရဲ့ နောက်ကွယ်မှာ
သိက္ခာမဲ့ပြီး ဖောင်ပြန်တတ်တဲ့
ခင်ပွန်း ရှိနေပါလမ့်မယ်။

💑 ပစ္စည်းဥစ္စာ မပြည့်စုံပေမယ့်
ခင်ပွန်း ကောင်းသာ ရှိနေပါစေ
စိတ်ပျော်ရွှင်စွာ နေထိုင်မှာဖြစ်ပြီး

💑 ပစ္စည်းဥစ္စာ ချမ်းသာပေမယ့်
ခင်ပွန်း ကောင်း မရှိတဲ့အခါ
စိတ်ပျော်ရွှင်နိုင်မှာ မဟုတ်ပါဘူး။

💑 ဒါကြောင့် ခင်ပွန်း က
ကိုယ့်ရဲ့ ဇနီး ကို ချစ်ပြတာဟာ
ရှက်စရာ မဟုတ်ပါဘူး
ဒါဟာ အထင်ကြီးစရာ
လေးစားချီးကျူးဖို့ကောင်းတဲ့
ခင်ပွန်း ကောင်း ရဲ့အပြုမူတွေပါ။

💑 ဒီလို ဇနီး မောင်နံရဲ့
အပြန်အလှန်
ချစ်ခင် ဂရုစိုတ်တတ်မှုတွေဟာ
ပျော်ရွှင်စရာ ကောင်းတဲ့
အိမ်ထောင်ရေး တစ်ခုကို
ပိုင်ဆိုင်ရမှာဖြစ်ပါတယ်။

💑 စစ်မှန်တဲ့ ....
ချစ်ခြင်းမေတ္တာ တွေသာ ရှိပါစေ
သာယာနေမှာ အမှန်ဖြစ်ပါတယ်။

💑 ယောက်ျားတိုင် ခင်ပွန်းကောင်းများ ဖြစ်ကြပြီး
ဇနီးတိုင်း ခင်ပွန်းအပေါ်မှာ လေးစားစွာနဲ့
တန်ဖိုးထား တတ်ကြပါစေ။

💑 တကယ် ချစ်တတ်သော
ခင်ပွန်း ကောင်းများကို
ပိုင်ဆိုင်နိုင်ကြပါစေ။




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

"ကျွန်မ ရှင့်ကိုကြိုက်တယ်"

"ငါမှာမိန်းမရှိတယ်လေ"

ယောကျာ်းက လက်မှာဝတ်ထားတဲ့လက်စွပ်ကို ပွတ်သပ်ရင်ပြန်ပြောလိုက်တယ်။

"ကျွန်မ ဒါတွေဂရုမစိုက်ဘူး။ ရှင့်စိတ်ကိုပဲကျွန်မသိချင်တယ်။ ရှင် ကျွန်မကိုကြိုက်လား"

ဒီအဖြေကို ကြိုတွေးမိကြမှာပါ။ ယောကျာ်းက ခေါင်းမော့ပြီးကောင်မလေးကိုသေ ချာကြည့်လိုက်တယ်။ မိန်းကလေးက အသက် (၂၄)နှစ်။ ငယ်ရွယ်နုပျိုတယ်။ အရွယ်ကောင်းတဲ့အသက်အရွယ်ပါ။ အသားအရေဖြူစွတ်တယ်။ ဖျတ်လတ်သန်စွမ်းတယ်။ အရောင်တောက်ပြီးစွဲဆောင်မှုရှိတဲ့မျက်ဝန်းတစုံ ပိုင်ဆိုင်ထားတဲ့ မိန်းကလေးတယောက်ပါပဲ။ ဒါပေမဲ့

"တကယ်လို့ ရှင်လည်းကျွန်မက သဘောကျတယ်ဆိုရင် ကျွန်မရှင်နဲ့ချစ်သူဖြစ်ချင်တယ်"

စိတ်မရှည်တဲ့အဆုံးမှာကောင်မလေးက ဒီစကားကို ထပ်ပြောလိုက်တယ်။

"ငါ့မိန်းမကိုငါချစ်တယ်" ယောကျာ်းက ပြတ်ပြတ်သားသားဖြေလိုက်တယ်။

"ရှင် သူ့ကိုချစ်တယ်? သူ့ကိုဘယ်လိုချစ်တာလဲ? အခုလက်ရှိ သူ့အသက်အရွယ်က အိုနေပြီ အရင်လိုကြည့်မကောင်းတော့ဘူးမလား? အဲဒါကြောင့်ကုမ္ပဏီက ပါတီပွဲကို ရှင်တခါမှ မခေါ်လာရဲတာမလား ••••"

ကောင်မလေးက ဆက်ပြောသွားချင်တယ်။ ဒါပေမဲ့ ယောကျာ်းရဲ့အေးစက်စက်အကြည့်တွေကြောင့် စကားကိုရပ်တန့်လိုက်တယ်။ နှစ်ယောက်စလုံး အနည်းငယ် နှုတ်ဆိတ်သွားကြတယ်။

"မင်း ငါ့ကို ဘာတွေသဘောကျတာလဲ" ယောကျာ်းကမေးလိုက်တယ်။

"ရင့်ကျက်တယ်။ တည်ငြိမ်တယ်။ အပြုအမူတွေက ယောကျာ်းပီသတယ်။ ဂရုစိုက်တတ်တယ်။ အများကြီးရှိသေးတယ်။ ဘယ်လိုပဲဖြစ်ဖြစ် ကျွန်မတွေ့ခဲ့ဖူးတဲ့ ယောကျာ်းတွေ့နဲ့ မတူဘူး။ ရှင်ကထူးခြားတယ် "

ယောက်ျားက ဆေးလိပ်မီးညှိရင်းမေးလိုက်တယ်။

"လွန်ခဲ့တဲ့ (၃)နှစ်တုန်းက ငါဘယ်လိုပုံစံလဲဆိုတာ မင်းသိလား? "

"ကျွန်မ မသိပါဘူး။ ဒါပေမဲ့ ကျွန်မဂရုမစိုက်ဘူး။ ရှင် ထောင်ကျဖူးလည်း အရေးမကြီးဘူး။"

"လွန်ခဲ့တဲ့ (၃)နှစ်က ငါလည်း မင်းတွေ့ခဲ့ဖူးတဲ့ယောက်ျားတွေလိုပါပဲ"

ကောင်မလေးကို ဂရုမစိုက်ပဲ ယောကျာ်းကဆက်ပြောတယ်။

"သာမန် တက္ကသိုလ်ဘွဲ့ရ။ အလုပ်လုပ်တာ အဆင်မပြေဘူး။ တနေကုန် အရက်တွေသောက် ဒေါသတွေခဏခဏထွက်။ ကိုယ့်ချစ်သူကိုလည်း ဂရုစိုက်ချင်မှစိုက်တယ် "

"ဒါဆို ဘယ်လိုပြောင်းလဲသွားတာလဲ" ကောင်မလေးစိတ်ဝင်စားသွားတယ်။

ဘယ်အရာက ဒီယောကျာ်းကိုပြောင်းလဲသွားစေတာလဲဆိုတာ သူသိချင်လာတယ်။

"သူကြောင့်လား?"

"အင်း"

"သူက အမြဲတမ်းကိစ္စတိုင်းကို အတွင်းကျကျ သိထားတဲ့အတိုင်းပဲ။ ငါ့ကိုအများကြီး သင်ပြပေးခဲ့တယ်။ အရှုံးအမြတ်ကို သိပ်အလေးမထားဖို့။ မျက်စိရှေ့က ပြသာနာကို အရမ်းအလေးမထားဖို့။ လူတွေကိုကောင်းကောင်းဆက်ဆံတတ်ဖို့ ငါကိုသင်ပေးတယ်။ အဲဒီအချိန်တုန်းက ငါကသူရှေ့မှာဆို ဘာမှ နားမလည် မသိတတ်သေးတဲ့ကလေးတယောက်လိုပဲ။ပြောရရင် အဲဒီအချိန်တုန်းကမင်းငါကိုမြင်သလ ိုမျိုးနဲ့သိပ်မကွာဘူးလို့ပြောရမယ်။ အဲတုန်းကတော်တော် ထူးဆန်းတာက စိတ်ဆတ် ခေါင်းမာတတ်တဲ့ငါက သူပြောတာပဲနားထောင်တယ်။ သူပြောတဲ့အတိုင်း အဖြစ်မှန်ကိုလက်ခံနိုင်ခဲ့တယ်။ ကိုယ့်ကိုကိုယ် အသုံးမကျတာသိတော့ အလုပ်ကိုကြိုးကြိုးစားစားလုပ်ခဲ့တယ်။ အဲဒီ့နှစ် နှစ်ကုန်မှာ အလုပ်က နည်းနည်း အဆင်ပြေလာခဲ့တယ်။ ငါတို့လည်း လက်ထပ်လိုက်ကြတယ်"

ဆေးလိပ်ပြာချွေရင်း ယောကျာ်းကဆက်ပြောတယ်။

"အဲဒီအချိန်တုန်းက တော်တော် ဒုက္ခရောက်ခဲ့တာ။ နှစ်ယောက်ကို ကုတင်တစ်လုံးတည်းနဲ့ အိပ်ခဲ့ရတယ်။ အိမ်ကပစ္စည်းဆိုတာ နည်းလိုက်တာမှ သနားဖို့တောင်ကောင်းတယ်။ ပြီးတော့မင်္ဂလာဆောင်ပြီး တစ်နှစ်ကြာမှငါ သူ့ကို ပထမဆုံးစိန်လက်စွပ် (၁)ကွင်းဝယ်ပေးနိုင်တာ။ နှစ်ဝက်ကျော်လောက် ပိုက်ဆံစုလိုက်ရတယ်။ ဒါတောင် သူမသိအောင်ခိုးစုရတာ။ သူသိရင် ပေးဝယ်မှာ မဟုတ်ဘူး။ အဲ့တုန်းကလည်း ဆေးလိပ် အရက်ကြောင့် ကျန်းမာရေးက ဆိုးလာသေးတယ်။ ဆောင်းတွင်းဖက်ကြီးမှာလည်း ညမအိပ်ပဲ ငါ့အတွက် သူစွပ်ပြုတ် လုပ်ပေးတယ်။ အဲဒီ့အရသာမျိုးကို သူပဲလုပ်တတ်မယ် ထင်တယ်"

ယောကျာ်းက အရင်ကအကြောင်းတွေကို ပြောရင်းအချိန်ကိုသတိမထားမိလိုက်ဘူး။ အတိတ်ကအကြောင်းတွေကို မနားတမ်းပြောနေမိတယ်။

မိန်းကလေးကလည်း စကားဖြတ်ချင်ပုံမရဘူး။ ပြောသမျှကို ငြိမ်နားထောင်နေတယ်။ ယောက်ျားက နာရီကို သတိထားမိတဲ့အချိန်မှာ ည(၁၀)နာရီထိုးနေပြီ။

"ဟား•• တောင်းပန်ပါတယ်ဗျာ။ ဒီလောက်မိုးချုပ်သွားတာ သတိမထားမိလိုက်ဘူး"

ယောကျာ်းက အားနာနာနဲ့ပြုံးလိုက်တယ်။

"အခုမင်းနားလည်နိုင်ပြီလား?။ သူ့အပေါ်သစ္စာဖောက်တဲ့ လုပ်ရပ်မျိုး ငါလုပ်ဖို့မဖြစ်နိုင်ဘူး။ လုပ်မှာလည်းမဟုတ်ပါဘူး"

"သိပါပြီ။ ဒီလိုလူတယောက်ကို အရှုံးပေးလိုက်ရတာ ကျွန်မကျေနပ်ပါတယ်"

မိန်းကလေးက လက်လျှော့လိုက်တဲ့ပုံစံနဲ့ခေါင်းခါရင်း ပြောလိုက်တယ်။

"ကျွန်မလည်း သူလို အရွယ်ရောက်ရင် သူ့ထက်ပိုသာမှာပါ"

"အင်းပေါ့ အဲဒါဆို ဒီထက်ကောင်းတဲ့ ယောကျာ်းမျိုးရှာတွေ့မှာပေါ့။ မဟုတ်ဘူးလား? အရမ်းမိုးချုပ်နေပြီ။ ငါလိုက်ပို့ပေးမယ်။"

မိန်းကလေးကိုလိုက်ပို့ပေးဖို့သူထလိုက်တယ်။

"ရပါတယ် ကျွန်မဖာသာပြန်လိုက်ပါမယ်" ကောင်မလေးက လက်ဟန်ပြပြီးတော့

" ပြန်သွားတော့လေ သူစိတ်ပူနေလိမ့်မယ်" လို့ဆက်ပြောလိုက်တယ်။ ယောကျာ်းက တချက်ပြုံးပြီး လှည့်ထွက်လာခဲ့တယ်။

"သူကလှလား?"

"အင်းအရမ်းလှတယ်"

ညအမှောင်ထဲမှာ ယောကျာ်းရဲ့အရိပ်အယောင်တွေ တဖြည်းဖြည်း ပျောက်ကွယ်သွားခဲ့တယ်။ မိန်းကလေးတယောက်တည်း စားပွဲဝိုင်းမှာ ကျန်ရစ်ခဲ့တယ်။ ယောကျာ်းအိမ်ပြန်ရောက်တော့ တံခါးဖွင့်ပြီး အိပ်ခန်းဆီကို တန်းသွားလိုက်တယ်။ မီးဖွင့်လိုက်တယ်။ ကုတင်နားကို လျှောက်သွားပြီး ထိုင်လိုက်တယ်။

"မိန်းမရေ ဒါ (၄)ယောက်မြောက်ရှိပြီ။ ဘာဖြစ်လို့ငါကို ဒီလောက် ကောင်းအောင်လုပ် ပေးခဲ့တာလဲ? အခု ငါ့ကို ကြိုက်နေတဲ့သူတွေ အများကြီးရှိနေပြီ။ တော်ကြာ ငါစိတ်ပြောင်း သွားနိုင်တယ်နော်။ ဘာဖြစ်လို့ငါကို ဒီလောက်ကောင်းအောင် လုပ်ပေးပြီးတော့ တစ်ယောက်တည်း အရင်ထွက်သွားရတာလဲ? ငါ တစ်ယောက်တည်း ကျန်နေခဲ့တာ အရမ်း အထီးကျန်နေပြီကွာ"

သူ မျက်ရည်တွေကို မျိုသိပ်ရင်း ပြောနေတယ်။ ဒါပေမဲ့ နောက်ဆုံးတော့ မျက်ရည်တွေ မထိန်းနိုင်ပဲ စီးကျလာတယ်။ တစက်ပြီး တစက် ပါးပြင်ပေါ်က စီးကျလာပြီး လက်ထဲမှာကိုင်ထားတဲ့ ဓာတ်ပုံဘောင်ပေါ် ကျသွားခဲ့တယ်။ အလင်းရောင်မပြည့်ဝတဲ့ မီးရောင်အောက်မှာ ဓာတ်ပုံထဲမှာ ဆုံးသွားတဲ့ အမျိုးသမီးရဲ့ ကြင်နာမှုတွေ ပြန့်နှံ့နေခဲ့တယ်။




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

ကျွန်​တော် တွေ့ဖူးသမျှ ထဲ သဘောအကျဆုံး မင်္ဂလာဆောင်ကို ပြောပါဆိုရင်

ပြည့်ဖြိုးတေဇ မင်္ဂလာဆောင်ပဲ

သူက ခရိုနီ သားမို့ မဟုတ်ဘူးနော

သူ့ရဲ့ ချစ်ခြင်းမေတ္တာ ကို အထင်းသား
ပေါ်လွင်အောင် မြင်ရလို့ပဲ

လက်နဲ့ထိရင် ရွှေ ဖြစ်တဲ့ သူ့လိုလူ

ပြီးတော့ လူပျိုလူလွတ် တယောက်
သူ့လိုလူအတွက် အပျိုတွေ ဝိုင်းဝိုင်း လည် ကြိုက်ရာကို လက်ညှိုးထိုး ခေါင်းခေါက် ရွေးလို့ရတယ်ဆိုတဲ့ ဘဝ မှာ

အိမ်ထောင်ကွဲ တခု လပ် အမျိုးသမီးတစ်ယာက် ချစ်တဲ့ စိတ္တခု ထဲနဲ့ပဲ ခမ်းနားထည်ဝါစွာ လက်ထပ်ယူသွားပြတဲ့ သူ့ရဲ့ မေတ္တာတရား ကို
၁၀၀%လေးစားတယ်

ရေတွက်လို့ မရနိုင်အောင်ချမ်းသာ ပေမယ့် ဘယ်လောက်တင်တောင်း သွားပါတယ်
ချမပြသွား သလို သူ့ ကောင်မလေး ကလည်း
သူ့ကို ဘယ်လောက်တင်တောင်းသွားပါတယ်

တနိုင်ငံလုံး 1to10 ဝင်တဲ့ သူဌေး တယောက် က တင်တောင်းသွားပါတယ် လို့ ဂုဏ္ဆာ မ ပြ သွားဘူး

မင်္ဂလာဆောင်မှာ ပြောသွားတဲ့ စကားလုံးတိုင်း တန်ဖိုးရှိသလို လုပ်ယူသွားတဲ့ အပြုံး မျက်လုံး
တစ်ခုမှ မရှိဘူး

ပြည့်ဖြိုးတေဇ ကလည်း သူမ ကို ချစ်တာတခုနဲ့ တလောက လုံး ပြောချင်တာပြောဆိုတဲ့ ရဲဝံ့ မှု့တွေနဲ့

လူတွေကြားထဲ လှမ်းလျှောက်ခဲ့တဲ့ ခြေလှမ်းတွေ က တက်ကြွနေတာ အရမ်းသိသာတယ်

အရာရာ ဟာ ချစ်ခြင်းမေတ္တာ အပေါ်ပဲ

အခြေခံ ထားလို့ ပွဲတတ်လာတဲ့ ပရိတ်သတ်တွေ မျက်နှာတွေ မှာက အစ အေးမြကြည်လင်နေတယ်
ပီတိ အပျော်တွေ ကူးစက်တယ် ။




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

#ဘုရားပေးတဲ့လက်ဆောင်
🤗🤗🤗🤗🤗🤗🤗🤗🤗

အိန္ဒိယ စကားပုံအရ
ဇနီးကောင်း ဆိုတာ ...
ဘုရားပေးတဲ့လက်ဆောင်တဲ့။
အရမ်းမှန်ပါတယ်။

ဇနီးကောင်းရှိတဲ့ ယောက်ျား
တစ်ယောက်ရဲ့
ဘဝကအေးဆေးသက်သာပြီး
ပျော်ရွှင်စရာကောင်းနေမှာဖြစ်သလို
ဇနီးဆိုးဆိုရင်တော့ဘဝပေးနတ်ဆိုးနဲ့ အတူ
နေရတဲ့ဘဝလို့ဆိုရမှာပါ။

(၁) တွယ်ချိတ်နဲ့တူတဲ့မိန်းမ
🤗🤗🤗🤗🤗🤗🤗🤗🤗
သူ့အနားမှာ အမြဲရှိနေစေ
ချင်တဲ့သူမျိုးပါ။
ကိုယ်က အမြဲဂရုစိုက်နေမှ ကျေနပ်
နေတဲ့သူမျိုးဖြစ်ပြီး ကိုယ့်ကိုယ်ပိုင်
အချိန်ဆိုတာကိုမပေးနိုင်တဲ့
မိန်းမမျိုးဖြစ်ပါတယ်။ကြာလာတဲ့အခါမှာ
မွန်းကျပ်မှုကိုခံစားလာရစေတဲ့
မိန်းမမျိုးဖြစ်လာမှာပါ။

(၂) အပေါက်ဆိုးတဲ့မိန်းမ
🤗🤗🤗🤗🤗🤗🤗🤗🤗
စိတ်အလိုမကျတဲ့အခါတိုင်း
ဘာကိုမှစောင့်ထိန်းမှု မရှိဘဲ
ပြောတတ်တဲ့သူမျိုး၊
ကိုယ်ဘာလုပ်လုပ်
အပြစ်ပြောတတ်တဲ့
မိန်းမဖြစ်ပါတယ်။ ကိုယ်ကအမြဲ
သူ့အမိန့်အောက်မှာ နာခံနေမှ
ကျေနပ်မယ့်မိန်းမမျိုး ဖြစ်ပါတယ်။

(၃) လှပေမဲ့အပျင်းထူတဲ့မိန်းမ
🤗🤗🤗🤗🤗🤗🤗🤗🤗🤗🤗
လှတဲ့မိန်းမကို ရထားတဲ့အတွက်
ကိုယ်က သူ့အတွက် ဂုဏ်ယူနေဖို့ပဲ
စဉ်းစားပြီး မိန်းမဝတ္တရားကျေအောင်
လုပ်လေ့မရှိတဲ့ မိန်းမဖြစ်ပါတယ်။
ဒါပေမဲ့ မိန်းမတစ်ယောက်က
လှနေရုံနဲ့ ယောက်ျားတစ်ယောက်ရဲ့
အချစ်ကို တစ်ဘဝလုံး မရနိုင်ဘူး
ဆိုတာမသိတဲ့ မိန်းမမျိုးဖြစ်ပါတယ်။

(၄) ယုံကြည်မှုလွန်ကဲနေတဲ့မိန်းမ
🤗🤗🤗🤗🤗🤗🤗🤗🤗🤗🤗
ယောက်ျားနဲ့တန်းတူ
စီးပွားရှာနိုင်တဲ့ မိန်းမဖြစ်ပြီး
မိသားစုကို သူ့စိတ်ကြိုက်
ဆုံးဖြတ်ပိုင်ခွင့်ရချင်တဲ့
သူမျိုးဖြစ်ပါတယ်။
ဒီလိုမိန်းမနဲ့ အတူနေရတာက
အိမ်တစ်အိမ်တည်းမှာသီးခြား
ကျွန်းနှစ်ခုရှိနေသလိုပဲဖြစ်ပြီး
မကြာခင်မှာ ယောက်ျားဖြစ်သူရဲ့
စိတ်ဝင်စားမှုကိုမရနိုင်တော့တဲ့
မိန်းမမျိုးဖြစ်ပါတယ်။

(၅)လိပ်နဲ့တူတဲ့ မိန်းမ
🤗🤗🤗🤗🤗🤗🤗🤗
မိမိအတွက် မိမိအမျိုးအတွက်သာ
အလေးပေးစဉ်းစားတဲ့ သူမျိုးပါ။
ယောက်ျားကို လေးစားရမှန်းမသိ
ရှာနိုင် လုပ်နိုင်တုန်း တန်ဖိုးထားပြီး
မရှာနိုင် မလုပ်နိုင်တဲ့တော့အခါ
ဂရုမစိုက်ဘဲ ပစ်ထားတတ်တယ်။
ကိုယ်ငွေရှာနိုင်ရင် မာန်တက်ပြီး
ဇနီးဝတ္တရား ငါးပါး မသိတော့ဘဲ
ယောက်ျားကို မထီမဲ့မြင်လုပ်တတ်တဲ့
မိန်းမမျိုး ဖြစ်ပါတယ်။

(၆) စကားနာခံတဲ့ မိန်းမ
🤗🤗🤗🤗🤗🤗🤗🤗
ဘာကိစ္စမဆို ယောက်ျားရဲ့
ဆုံးဖြတ်ချက်ရမှလုပ်တတ်တဲ့
မိန်းမဖြစ်ပြီး ယောက်ျားအကြိုက်
နေတတ်တဲ့ မိန်းမမျိုးဖြစ်ပါတယ်။
ဒါပေမဲ့ ဇနီးတစ်ယောက်နဲ့ မတူဘဲ
အိမ်ဖော်တစ်ယောက်နဲ့တူနေတဲ့
မိန်းမတစ်ယောက်ကို
ယောက်ျားတွေက အလွယ်တကူ
စိတ်ကုန်သွားတတ်ပါတယ်။

(၇) ရဲဘော်ရဲဘက်နဲ့တူတဲ့မိန်းမ
🤗🤗🤗🤗🤗🤗🤗🤗🤗🤗🤗
ကိုယ့်ကိုယ်ကိုယ် ယုံကြည်မှုရှိပေမဲ့
မထောင်လွှားတတ်တဲ့မိန်းမဖြစ်ပါတယ်။
မည်သည့် အကြောင်းအရာမဆို ...
#သူနဲ့လွတ်လပ်စွာပြောဆိုနိုင်တဲ့သူပါ။
ပူပင်စရာရှိရင် နှစ်သိမ့်ပေးပြီး
ပျော်ရွှင်စရာတွေကိုအတူ
ရယ်မောပေးနိုင်မယ့်မိန်းမဖြစ်ပါတယ်။
သူ့အချစ်ကိုလည်းပြတတ်သလို
ကိုယ့်ဆီက မေတ္တာကိုလည်း
ရအောင်စွမ်းဆောင်နိုင်မယ့်
မိန်းမမျိုးဖြစ်ပြီးဒီလိုမိန်းမမျိုးကသာ
အမှန်တကယ် ဘုရားပေးတဲ့
လက်ဆောင်ပဲဖြစ်ပါတယ်။🤗🤗🤗




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

လက်မထပ်ရသေးပဲ
ချစ်သူကောင်လေးနဲ့
လိင်ဆက်ဆံတဲ့ မိန်းကလေး
တစ်ယောက်ကို
အကိုဘယ်လိုမြင်လဲ
အနာဂတ်ရဲ့ မိခင်လောင်းလို့
မြင်တာပေါ့...ညီ

မဟုတ်သေးဘူးလေ
အကိုရာ မိန်းကလေးတွေက
အပျိုစင်ဘဝကို တန်ဖိုးထား
ထိန်းသိမ်းရမှာမဟုတ်ဘူးလား

မိန်းကလေးတွေ
အပျိုစင်ဘဝကို
တန်ဖိုးထားရမယ်
လို့ညီထင်နေတာဆိုရင်
လုံးဝမှားသွားပြီ

အပျိုစင်ဘဝက
မိန်းကလေးတွေမှာပဲရှိတာလေ
သူတို့မထိန်းသိမ်းတော့
ဘယ်သူက
ထိန်းသိမ်းသိမ်းမှာလဲ
သူတို့ တန်ဖိုးမထားတော့
ဘယ်သူက တန်ဖိုးထားမှာလဲ

အပျိုစင်ဘဝက
မိန်းကလေးတွေမှာ
ရှိတာမှန်တယ်

ဒါပေမယ့် အဲဒါကို
တန်ဖိုးထား ထိန်းသိမ်းရမှာက
ယောက်ျားတွေရဲ့
တာဝႏၸဲ ညီရ

အကိုပြောပြမယ်ကွာ
မင်းက ဖုန်းတစ်လုံးဝယ်တယ် ဆိုပါတော့
မင်းရဲ့ ဖုန်းလေး ကျမကွဲအောင် ပျက်စီး မသွားအောင်
မင်းစောင်ရှောက်ရမှာ
မဟုတ်ဘူးလား

အကယ်လို့
ကျကွဲသွားတယ်ပဲထားကွာ
ဖုန်းလေးက သူ့ကိုသူ
ကျကွဲအောင်လုပ်နိုင်တဲ့ အစွမ်းရှိလို့လား ညီက
သေချာဂရုမစိုက်ခဲ့လို့သာ
လက်ထဲက လွတ်ကျပြီး
ကွဲသွားတာဖြစ်နိုင်သလို
ဒေါသနဲ့ ကိုင်ပေါက်မိလို့
ကွဲသွားတာလဲ ဖြစ်နိုင်တာပဲ
မဟုတ်ဘူးလား

ဒီလိုပဲ ညီရ
မိန်းကလေးတွေရဲ့
အပျိုစင် ဘဝဆိုတာ
ဖုန်းဥပမာအတိုင်းပဲ
မိန်းကလေးတွေက
အပျိုစင်ဘဝပဲ

သူ့မှာရှိနေတာ
အဲဒီအပျိုစင်ဘဝကို
တစ်ခြားသူရဲ့
ပေယာဂ မပါပဲ
သူတို့ကိုယ်တိုင်
ဖျက်စီးနိုင်တဲ့ အစွမ်း
မရှိသလို ဖျက်စီးပစ်လို့လဲမရဘူး

ဒါကိုလုပ်နိုင်တာက
ယောက်ျားလေးတွေပဲရှိတယ်
ဆိုတော့ အမျိုးသမီးတွေရဲ့
အပျိုစင်ဘဝကို တန်ဖိုးထား
ထိမ်းသိမ်းရမှာက
ယောက်ျားတွေရဲ့ တာဝန်ပဲ

မိန်းကလေးတစ်ယောက်က
ယောက်ျားလေးတစ်ယောက်ကို မုဒိန်းကျင့်တယ်လို့ ဘယ်မှာရှိလို့လဲကွာ ဒါမျိုးရှိခဲ့ရင်တော့
ချွင်းချက်အနေနဲ့ ကိုယ့်အပျိုစင် ဘဝကို ကိုယ်ဖျက်တဲ့
မိန်းကလေးဆိုတာ
ရှိလာနိုင်တာပေါ့
ဒါကလည်း ဖြစ်မှမဖြစ်နိုင်တာ

အဲတော့ကွာ
အမျိုးသမီးတစ်ယောက်ဟာ
အိမ်ထောင်မကျသေးပဲ
အလိုတူလို့ပဲ ဖြစ်ဖြစ်
အလိုမတူလို့ပဲ ဖြစ်ဖြစ်
သူ့အပျိုစင်ဘဝကို
စတေးခဲ့ရတယ်ဆိုရင်
အဲဒါဟာ အမျိုးသမီးတွေရဲ့
အပြစ်မဟုတ်ဘူး အမျိုးသမီး
တစ်ယောက်ရဲ့ အပျိုစဉ်ဘဝကို
တန်ဖိုးမထားတဲ့ မထိန်းသိမ်းတဲ့ ယောက်ျားတွေရဲ့
တဏှာရာဂ အပြစ်ပဲ နောက်ပြီး အမျိုးသမီးတစ်ယောက်ရဲ့
အပျိုစဉ်ဘဝကို တန်ဖိုးထား
ထိမ်းသိမ်းရမှာက
ယောက်ျားတွေရဲ့
တာဝန်ပဲ လက်ခံလား ညီ

သိပ်တော့
လက်မခံချင်သေးဘူး အကိုရာ
ထားပါတော့ဗျာ
ကျွန်တော် တစ်ခုပြောပြမယ်

ကျွန်တော့်ကောင်မလေးကိုဗျာ ကျွန်တော်နဲ့ အတူလိင်ဆက်ဆံဖို့ သူ့ဆီက ခွင့်တောင်းတယ်

သူခွင့်မပြုရင်လည်းရတာပဲ
မဟုတ်ဘူးလား
သူခွင့်ပြုခဲ့တယ်ဆိုရင်တော့
သူလည်း အလိုတူ
အလိုပါပဲလေဗျာ
မဟုတ်ဘူးလားအကိုရ

ဒါဆို ညီ့ကို ကိုယ်မေးမယ်ကွာ
အဲဒီလို လိင်ဆက်ဆံဖို့ကို
ကောင်မလေးဘက်ကနေ
စပြောခဲ့တာလား

အကိုကလဲဗျာ
ဘယ်မိန်းကလေးကတော့
ဒါမျိုး စပြောမှာလဲဗျ

ယောက်ျားလေးဘက်ကပဲ
စပြောရတာပေါ့

ဒါဆိုရှင်းနေတာပဲလေညီရာ

အဲဒီလို လက်မထပ်ရသေးပဲ
လိင်ဆက်ဆံဖို့ပြောတယ်ဆိုထဲက ကိုယ့်ချစ်သူ မိန်းကလေးရဲ့ အပျိုစင် ဘဝကို
တန်ဖိုးမထားလို့ပေါ့
မထိန်းသိမ်းပဲ
ဖျက်စီးပစ်ချင်လို့ပေါ့

နောက်ပြီး
မင်းကို အကိုပြောအုံးမယ်
မိန်းမတွေရဲ့ စိတ်က
အစကတည်းက
နူးညံ့သိမ်မွေ့တဲ့
သဘောရှိတယ် လိင်မှု ကိစ္စနဲ့
ပတ်သက်လာရင်လည်း
မိန်းကလေးတိုင်းမှာ
ကြောက်ရွံ့တဲ့
စိတ်ကလေးတော့ရှိနေတာပဲ

ယောက်ျားလေးတစ်ယောက်က တောင်းဆိုလာတဲ့အခါမှာ
မလွန်ဆန်နိုင်လို့ ချစ်လွန်းလို့ လိုက်ရောခဲ့ရတယ်

ဆိုရင်တောင်
အဲဒီလိုက်ရောမှုမှာ
ယောက်ျားလေးအတွက်က
သာယာမှု ၁၀၀ ရာခိုင်နှုန်း
အပြည့်အဝ ရချင်ရလိမ့်မယ်
မိန်းကလေးတွေ အတွက်
ကတော့ ဒါမျိုး လုံးဝမဖြစ်နိုင်ဘူး

မိန်းကလေး
အယောက်တစ်ရာမှာ
၉၀ ရာခိုင်နှုန်းလောက်က
သူတို့ရဲ့ ပထမဆုံး လိင်ကိစ္စ
အတွေ့အကြုံမှာ နာကျင်မှုကိုပဲ ရကြတာ သာယာမှုကိုရတဲ့
သူဆိုတာက
အတော်နည်းတယ်

ဘာလို့လဲဆိုတော့
အပေါ်မှာပြောခဲ့သလို ဒီကိစ္စမှာ
ကြောက်ရွံ့တဲ့ စိတ်ကလေးက
မိန်းမတိုင်းမှာ ရှိနေလို့ပဲ

ပြီးတော့ အတူနေအမျိုးသားရဲ့ လိင်မှုကိစ္စနဲ့ သက်ဆိုင်တဲ့ ဗဟုသုတ နည်းပါးမှုရယ်
ကိုယ့်ဆန္ဒတစ်ခုကိုယ်ပဲ
ကြည့်တတ်တယ်
အကျင့်ရယ်ကြောင့်ပေါ့ကွာ

ကိုယ်ပြောချင်တာက
မိန်းမတစ်ယောက်က
ဒါမျိုးနေဖို့ခွင့်ပြုခဲ့တယ်
ဆိုရင်တောင်
ပျော်လို့မဟုတ်ဘူး
ကြောက်ကြောက်ရွံ့ရွံ့နဲ့ပဲ
ပေးခဲ့ရတာ
ကိုယ့်ချစ်သူကိုယုံကြည်လို့
ချစ်လွန်းလို့ပေါ့ ဒါမျိုးက
လက်ထပ်ပြီးသား
လင်မယားတွေမှာ
ပြဿနာမရှိဘူးဆိုပေမယ့်

သမီးရည်းစားဘဝမှာ
ဖြစ်တာဆိုရင်တော့
အရမ်းကို ရက်စက်ရာ
ကျလွန်းပါတယ်ကွာ
ယောက်ျားတွေအနေနဲ့ သတိထားဆင်ခြင်သင့်ပါတယ်

ဒီလောက်ဆိုရင်တော့
မိန်းကလေးတွေက
သူတို့ရဲ့အပျိုစင်ဘဝကို
တန်ဖိုးထား
ထိန်းသိမ်းရမှာမဟုတ်ဘူး

သူတို့နဲ့ နီးစပ်ရာ
ပတ်ဝန်းကျင်က
ယောက်ျားလေးတွေ
နောက်ပြီး သူတို့နဲ့ ချစ်သူရည်းစားဖြစ်နေတဲ့ ယောက်ျား
လေးတွေက ဒီမိန်းကလေးရဲ့
အပျိုစင်ဘဝကို တန်ဖိုးထား
ထိမ်းသိမ်းရမယ် ဆိုတာ
ညီလက်ခံပြီ မဟုတ်လား

ဒီလိုအကိုရာ အကိုပြောပြလို့
ကျွန်တော့်ကောင်မလေးရဲ့
အပျိုစင်ဘဝကို ကျွန်တော့်
ဘက်က တန်ဖိုးထားပြီး
လက်မထပ်ခင်အချိန်ထိ
ထိန်းသိမ်းစောင့်ရှောက်ရမယ့် တာဝန် ကျွန်တော့်မှာ
ရှိတယ်ဆိုတာတော့ လက်ခံပါပြီ

ဒါပေမယ့် နီးစပ်ရာ
ပတ်ဝန်းကျင်က
ယောက်ျားလေးတွေက
သူတို့နဲ့ မဆိုင်ပဲ ဘာလို့ တန်ဖိုးထား စောင့်ရှောက်ရမှာလဲဗျ

ဘာလို့လဲဆိုတော့
အပျိုစင် မိန်းကလေးတွေ
မုဒိန်းကျင့်ခံရတဲ့ဘေးက
ဝေးအောင်လို့ပေါ့ညီရာ

တဏှာရာဂ အကြည့်နဲ့ သင်ဘ၀ကို အမှောင်မချပါနဲ့့

ညီလေး မင့်ချစ်သူအတွက် ချစ်သူကောင်းတစ်ယောက်ဖြစ်ပါစေ

အကို စကားကို မှတ်ထားပါ ညီလေး✍




စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link

အညာနဲ့တမာ (နွေထနောင်း၊ ဆောင်းမန်ကျည်း)
***********************************

လူထုဒေါ်အမာ

တစ်နေ့ကတော့ အောက်အရပ်မှာ နှစ်ပေါင်း ၃၀ လောက် ကြာအောင် သွားနေရတဲ့ ကျွန်မ တူကလေးတစ်ယောက် မန္တလေးကို တစ်ခေါက် ပြန်လာတယ်။ ဒါနဲ့ ကျွန်မက ရောက်တုန်းရောက်ခိုက် အေးအေးလူလူ စကားပြောရအောင် ငါ့အိမ်မှာလည်း ထမင်းစားဦးဟဲ့ဆိုပြီး သူ့ကို ထမင်း ခေါ်ကျွေးတယ်။ သူက စားလိုက်တာ ခေါင်းမဖော်ဘူး၊ ဘာတွေနဲ့ သူစားနေသလဲလို့ ကြည့်လိုက်တော့ ကျွန်မတို့ဆီက ရာသီဟင်း ခရမ်းချဉ်သီး ငါးပိချက်ကို တမာရွက်ပြုတ်နဲ့ တို့မြှုပ်ပြီး စားနေတာကိုး။ ကြက်သား ဟင်းကလေး ချက်ထားတာကို တို့ပုံတောင် မရဘူး။ "တမာရွက်က ဟိုမှာ မစားရဘူး ဒေါ်ဒေါ်ရဲ့" ဆိုပြီး တမာရွက်တွေချည်း ထမင်းထဲ မြှုပ်မြှုပ် စားနေတယ်။

ကျွန်မတို့ အညာမှာတော့ တမာပင်က ပေါသမှတ်လား၊ ဒီဇန်နဝါရီလလို ရာသီမှာ တမာပင်တွေက အရွက်တွေ ကြွေပြီး ရွက်နုကလေးတွေ ထွက်ကြပြီ။ အဲဒါကို ကျွန်မတို့က ချိုးယူပြီး ရေနဲ့ ပြုတ်တယ်။ အခါးရည်ကလေး ထွက်သွားပြီ ဆိုတော့ ဇီး(ဆီး) ချဉ်သီး ပြုတ်ကလေးနဲ့ အချဉ်သတ်တယ်။ တမာရွက် နုချိန်မှာ ဇီး (ဆီး) ချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီး(ဆီး) သီး ချဉ်ကလေးက ဇီး(ဆီး) နံ့လေး မွှေးတယ်လေ။ ဒါကြောင့် ကျွန်မတို့က ဇီး (ဆီး) ချဉ်သီးမှည့်ကလေးတွေကို ပြုတ်၊ နူးတော့ လက်နဲ့ချေနယ်ပြီး ရတဲ့ အချဉ်ရည်ကလေးထဲ ရေနွေးဖျောပြီးသား တမာရွက်ပြုတ်ကလေးကိုနှစ်ပြီး စိမ်ထားလိုက်တယ်။ ပြီးတော့ သူ့ကို အတို့အမြှုပ် လုပ်စားလေ့ရှိပါတယ်။

အောက်အရပ်က ဒီအချဉ်နှပ်ပြီး တမာရွက်ပြုတ်ကို တမာချဉ်လို့လည်း ခေါ်ကြရဲ့။ တမာချဉ်ကို ငါးပိချက်၊ ငါးပိရည်၊ ငံပြာရည်နဲ့လည်း တို့ကြ မြှုပ်ကြပါရဲ့။ ဒါပေမဲ့ ခုလို ဆောင်းမှာ ခရမ်းချဉ်သီးကလည်း အညာမှာ ပေါနေတော့ ခရမ်းချဉ်သီးနဲ့ ငါးပိနဲ့ အချဉ်ချက်ထားတဲ့ ခရမ်းချဉ်သီး ငါးပိချက်ကလေးနဲ့ တို့တော့ ပိုပြီး လိုက်ဖက်တယ်လေ။ တမာက အခါးမှုတ်လား။ ကျွန်မတို့အညာမှာ မန်းကျည်း၊ ထနောင်းနဲ့ တမာဟာ ပေါပေါများများ ပေါက်တဲ့အပင်မျိုးပါပဲ။ တမာကို NEEM လို့ ခေါ်ပြီး အိန္ဒိယကတော့ တမာဟာ သွားအတွက် အကောင်းဆုံးဆေးလို့ သတ်မှတ်တာမို့ သူတို့လူမျိုးဓလေ့ တမာရိုးနဲ့ သွားတိုက်ရုံသာမက တမာဆီနဲ့ သွားတိုက်ဆေးများပါ ထုတ်လုပ်နေလေရဲ့။ ကျွန်မတို့ဆီမှာတော့ တမာသီးတဲ့အခါ အစေ့ကို ဆီကြိတ်တယ်။ တမာရွက်နုကို လူတွေက စားတယ်။ ဒါပဲ အသုံးရှိပါသေးတယ်။ တမာရွက် နုတဲ့အခါ ရွက်နုခူးရင် တစ်ခုတော့ သတိထားရတယ်။ သူ့အကိုင်းက ဆတ်တယ်လေ၊ ဒါကြောင့် တံချူနဲ့ ခူးတာက အန္တရာယ်ကင်းတယ်။ တမာပွင့်တဲ့အခါ သူက အများကြီးလည်း ပွင့်တယ်။ မွှေးလည်း မွှေးတယ်။ ဒါကြောင့် ကျွန်မတို့ ကလေးဘဝမှာ တမာပန်းဟာ ချိုးစရာ၊ သင်္ကြန်အိုးထိုးစရာ ပန်းပါပဲ။ တမာဟာ မျိုးကွဲမျိုးပွား ဘယ်နှမျိုး ရှိသလဲတော့ မသိဘူး။

ကျွန်မတို့ဆီမှာတော့ ဟိုအရင်ကတည်းက ရှိတဲ့ တမာမျိုးကို ကျွန်မတို့က ဗမာမျိုးလို့ ခေါ်ကြတယ်။ စားတော့လည်း အဲဒါကို ပိုကြိုက်တယ်။ သူက အရွက်ကျဲတယ်၊ နည်းတယ်။ ကျွန်မတို့အထင် သူက အခါး နည်းပြီး ပိုဆိမ့်တယ်ထင်တယ်။ နောက်စိုက်တဲ့မျိုး တမာကတော့ အရင် ကျွန်မတို့ဆီမှာ ရှိနှင့်တာထက် ပိုပြီး အရွက်စည်ပါတယ်။ စားတဲ့လူက ရှိရင်းစွဲတမာ မရှိရင် အတူတူထားပြီး စားတာပါ။ သိပ်မခွဲတတ်ပါဘူး။ ဒီတမာနဲ့ ပတ်သက်လို့ မြသန်းတင့်က တမာနုချိန်စစ်တမ်းဆိုပြီး ၁၉၈၉ ခုနှစ်က ဆောင်းပါးတစ်ပုဒ် ရေးဖူးတယ်။ မြသန်းတင့်ကလည်း အညာသား၊ စာကလည်း အရေးကောင်းဆိုတော့ သူ့ "တမာနုချိန် စစ်တမ်း" က တမာနဲ့ပတ်သက်ပြီး တကယ့် စာတစ်စောင်ပေတစ်ဖွဲ့ဖြစ် ကျန်ရစ်ပါတယ်။ ကျွန်မတို့အညာက ဥတုရာသီက ပူစရာရှိလည်း တော်တော် ပူပြင်းတယ်။ ဖာရင်ဟိုက် ၁၀ဝ က ကျော်တာချည်းရယ်။ ပိုပူတဲ့ နှစ်တွေမှာ ၁၁၀ ဒီဂရီလောက်အထိ ပူလာတာ။ ဆောင်းရောက် ပြန်တော့လည်း ၇၀ ဒီဂရီလောက်အထိ အေးပြန်ရော။ နွေနဲ့ ဆောင်းမှာ အဲဒီလို ဖာရင်ဟိုက် ဒီဂရီ ၃- ၄၀ ခြားတော့ ဒီဥတုရာသီရဲ့ ဒဏ်ကို ခံနိုင်ဖို့ သဘာဝက ပေးနိုင်တဲ့ အကာအကွယ်ကိုလည်း လူက မက်မောရတယ် ထင်ပါရဲ့။

အပူအအေးကာကွယ်မှုနဲ့ ပတ်သက်လို့ "နွေထနောင်း ဆောင်းမန်ကျည်း" လို့ အညာမှာရှိတဲ့ ထနောင်းပင်နဲ့ မန်ကျည်းပင်ကို ခုံခုံမင်မင် မက်မောမှုနဲ့ စာဖွဲ့လေ့ရှိပါတယ်။ နွေခါမှာ ထနောင်းပင်က သိပ်အဖိုးတန်တာ အမှန်ပါ။ ဆောင်းရောက်တော့လည်း မန်ကျည်းပင်လေ။ အညာမှာ နွေရောက်ရင် ရာသီဥတုပူပူကြီးထဲမှာ နွေပေါက်မှ ရွက်သစ်တွေဝေလာတဲ့ ထနောင်းပင်က တစ်နွေလုံးကို သူ့အစွမ်းအစကလေးနဲ့ အန်တုနေသလား အောက်မေ့ရတယ်။ ရွက်နုစိမ်းစိမ်းကလေးတွေ ဝေနေတဲ့ ထနောင်းပင်ရဲ့အလှက စိတ်ချမ်းသာစရာ ကောင်းလိုက်တာ ကြည့်မဝဘူး။ ပြီးတော့ အလွန်ပူပြင်းနေတဲ့ ပတ်ဝန်းကျင်ထဲက သူ့အရိပ်ကလေးကလည်း တကယ်ပဲ အေးသွားတာပါ။ သစ်ပင်တွေရဲ့ အရွက်ဆိုတာ အစိမ်းချည်းပါပဲ။ ဘယ်အပင်က ဘာရွက်ဖြစ်ဖြစ် စိမ်းတာပါပဲ။ ဒါပေမဲ့ ထနောင်းပင်က ထနောင်းရွက်နု ထွက်လာတဲ့အခါ စိမ်းပုံက ဘာရွက်စိမ်းနဲ့မှ မတူပါဘူး။ အစိမ်းပေမယ့် အဝါစွက်တဲ့ အစိမ်းမို့ သူက စိုပြီးရွှင်ပြီး စိမ်းတဲ့အစိမ်း၊ ပူလွန်းလို့ တခြားအပင်တွေက အရွက်တွေက မကြွေသေးရင်လည်း အရောင်မလှတော့ဘဲ ရော်နေတဲ့အချိန်မှာ သူက ဝေနေတဲ့ ရွက်သစ်တွေက နုစိမ်းပြီး ဝါဖန့်ဖန့်ကလေး ရှိနေလိုက်ပုံက သစ်ရွက်သာဆိုတယ် အရောင်တွေ တောက်နေတဲ့ သစ်ရွက်ပါ။ ကျွန်မက ပန်းချီမျက်စိ မရှိလို့ အရောင်ကို ပန်းချီပြော မပြောတတ်လို့သာပေါ့။ ဒီအချိန် ဒီရာသီမှာ ထနောင်းရွက်နုကလေး စိမ်းလန်းနေပုံက သူအရိပ်ထဲ မဝင်ရသေးဘဲနဲ့ စိတ်ကို အေးချမ်းနှင့်စေတာမို့ အလွန်ကို နှစ်ခြိုက်ကျေနပ်ဖို့ ကောင်းတာပါ။

ပြီးတော့ ထနောင်းရော၊ မန်ကျည်းရော၊ အရွက်ရဲ့ ရွက်ဖတ်က သေးသေးကလေးတွေရယ်။ ဒါပေမဲ့ သူတို့က စိပ်စိပ်ကလေးထွက်တဲ့ အရွက်ဆိုတော့ အဝေးက လှမ်းကြည့်ရင် တစ်ရွက်ချင်း မမြင်ရဘဲ ထိစပ်နေတဲ့ အစိမ်းပြင်အဖြစ်နဲ့ မြင်ရတာ။ ဒါကြောင့် နေကိုကာတဲ့ အရိပ်ပေးကြစို့ဆိုတော့လည်း တခြား ဘာပင်တွေနဲ့မှ မတူဘူး။ တကယ်လုံအောင် မိုးပေး ကာပေးကြတဲ့ ရွက်စိပ်ကလေးတွေ။ ဒါကြောင့် ပူလောင်ပြင်းပြတဲ့ နေပူက လာတဲ့လူက ထနောင်းပင်ရိပ်ကို ဝင်လိုက်ရတဲ့အခါ သိသိသာသာ အေးသွားတယ်လေ။ ထနောင်းက ပင်စောက်ပင်ကြီးမျိုး၊ အကိုင်းအခက်က ဘေးဖြာထွက်တော့ ထီးမိုးသလို အရိပ်ရစေတယ်။ ထနောင်းဟာ အရိပ်ရရုံ အပင်တော့လည်း မကဘူး။ သူ့အရွက်ကို ကျွန်မတို့အညာက လူတွေက စားကြတယ်။ ထနောင်းရွက်နုကလေးတွေ ထွက်လာရင် ခူးပြီး ပြုတ်တယ်။ ထနောင်းရွက်နုပြုတ် ဈေးထဲမှာ ရောင်းတယ်။ ဝယ်လာခဲ့ အိမ်မှာ အရိုးသင်ပြီး နှမ်း၊ မြေပဲ၊ ပုစွန်ခြောက်၊ ဆီချက် နဲ့ သုပ်စားကြတယ်လေ။ သူက ချိုတယ်ချဉ်တယ်ဆိုတာမျိုး မဟုတ်ဘူး၊ ဆိမ့်တာပါ။ လူတွေက ထနောင်းပင်က အခေါက်ကို ခွာပြီးတော့ သားရေနယ်ရာမှာ သုံးတယ်။ ထန်းလျက်ချက်ရာမှာ ခပ်တယ်။ အရက်ချက်ရာမှာလည်း ထနောင်းခေါက်ကို ထည့်သေးတယ်။ ထနောင်းပင်ဟာ မကြီးလွယ်ဘူး။ မန်ကျည်းလိုပဲ နှစ်ရှည်စိုက်ရတဲ့ အပင်မျိုး။ သူ့ကို သေမကုန်အောင်တော့ အခေါက်ခွာသူတွေက သတိထားဖို့ လိုပါတယ်။ ဘာလို့လဲဆိုတော့ ကျွန်မတို့မှာ စီးပွားရေးက အရေးကြီးလေတော့ နတ်နေကိုင်း မချန်နိုင်တာတွေက များများလာလို့ပါ။ ထနောင်းရဲ့ အစ်ကိုကတော့ မန်ကျည်းပေါ့။ ကျွန်မတို့ငယ်ငယ်က "နွေ ထနောင်း၊ ဆောင်းမန်ကျည်း" ဆိုတာကို အဓိပ္ပာယ် သေသေချာချာ သိတာမဟုတ်ဘူး။ ကြီးလာမှ မန်းကျည်းပင်ရိပ်ကြီး အုပ်အုပ်ဆိုင်းဆိုင်းရဲ့ အောက်ကို ဝင်လိုက်ရင် ဆောင်းတွင်းမှာ နွေးတာကို သိတယ်။ မန်ကျည်းပင်က ဆောင်းတွင်းမှာ အရွက်က စည်တုန်း ဆောင်းကုန်မှ သူက အရွက်ကြွေတာ။ အဲဒီတော့ မန်ကျည်းရွက် အထပ်ထပ်ကို နှင်းက မထိုးဖောက်နိုင်ဘူး ထင်ပါရဲ့။

မန်ကျည်းရွက်က ကြွေပြီဆိုရင် အရင်ကတော့ ကျွန်မတို့ ကလေးဘဝတုန်းက မန်ကျည်းရွက်နု ခူးလို့ အလွန်ကောင်းခဲ့တာပေါ့။ မန်ကျည်းပင်ပေါ် တက်ကြ၊ ရွက်နုခူးကြ၊ လွယ်အိတ်တွေနဲ့ သီချင်းတကြော်ကြော် မန်ကျည်းရွက်ခူးရင်း သီဆိုကြနဲ့ အလွန်ပျော်တာ။ မန်ကျည်းပင်က ကိုင်းခိုင်တော့ လူကြီးတွေကလည်း ကျိုးကျမှာ မပူဘူး။ တက်လို့ကောင်းတဲ့ အပင်ဆိုရင် တက်ကြပဲ။ မန်ကျည်းကိုင်းက ဆတ်မှ မဆတ်တာ။ လက်သန်း လက်ညှိုး တုတ်ရင် လူခိုစီးလို့ ရနေတယ်လေ။ မန်ကျည်းရွက်က ကြွေပြီဆိုရင်ဖြင့် မန်းကျည်းရွက် အကြွေကို မြေဩဇာသမား၊ ပန်းပင် သစ်ပင်စိုက်သမားက သိပ်ကြိုက်ပါတယ်။ မန်ကျည်းရွက်ဆွေး မြေဩဇာဆိုတာ သိပ်ကောင်းသတဲ့။ ပြီးတော့ မန္တလေးမှာ မန်ကျည်းပင်ကြီးတွေကလည်း ပေါမှပေါ။ ဒုတိယကမ္ဘာစစ်မီးကြီး မြို့ကို အလောင်မြိုက်ခံလိုက်ရတော့ ဘိုးစဉ်ဘောင်ဆက်က ရှိလာတဲ့ မန်ကျည်းပင်ကြီးတွေ စစ်မီးလောင်လို့ ကုန်ပါရော။ ပြာပုံထဲက ကုန်းထရတဲ့ မန္တလေးက ရုတ်တရက် အရိပ်အာဝါသရအောင် ဗာဒံပင်လို ချက်ချင်း အပင်ဖြစ်နိုင်တာတွေကို စိုက်ကြရတယ်။ မန်ကျည်းက အပင်တော်တော်နဲ့ ကြီးတာမဟုတ်တော့ မန်ကျည်းကို မစိုက်ကြတော့ဘူး။ လောလောဆယ် အရိပ်က ရချင်ကြတာကိုး။ စစ်ကြီးမဖြစ်ခင်ကတော့ တစ်မြို့လုံး မန်ကျည်းပင်တွေက ရပ်ကွက်တိုင်း လမ်းတိုင်း အိမ်ဝင်းတိုင်းမှာ ရှိနေတာ။ မန်ကျည်းက အရွက်သာစားရတာ မဟုတ်သေးဘူး။ ရွက်နုကလေး ဖားလာလို့ အဖူးနဲ့ အပွင့်ကလေးတွေ ဝင်လာပြီဆိုပြန်တော့လည်း ကျွန်မတို့က မန်ကျည်းဖူးကလေးတွေကို ခူးပြုတ်ပြီး
သုပ်စားကြပြန်ရော။ မန်ကျည်းပွင့် မန်ကျည်းဖူးကို အချဉ်လုပ်ပြီး သုပ်စားပြန်တော့လည်း မြေပဲဆံကလေး၊ နှမ်းကလေး၊ ဆီချက်ကလေးနဲ့ အချဉ်သနပ်ကလေးအဖြစ် စားလို့ ကောင်းပြန်ရော။ မန်ကျည်းက ဖူးပွင့်ပြီးရင် မကြာပါဘူး။ သီးကင်းကလေးတွေ ဝင်လာတော့တာပါ။ ကျွန်မတို့အညာက မန်ကျည်းသီးကို သီးကင်းစကစပြီး ရင့်လာ မှည့်လာ ခြောက်လာတဲ့အထိ အရွယ်မရွေး ခူးစားပါတယ်။ သီးနုကလေးတွေကို ထောင်းစား၊ ထောင်းပြီး ချက်စားလိုက်တာ အစေ့ဝင်လို့လာတဲ့အထိပါ။ အစေ့ဝင်တော့လည်း သီးရင့်ကို တစ်ခါ ပြုတ်ပြီး ချဉ်ရည်ဟင်းမှာ အချဉ်ရည်ထည့်ပြန်ပါရော။ သီးရင့်က မှည့်ချင်လို့ ရွမ်းလာတော့လည်း မန်ကျည်းသီးရွမ်းပြင်းကို မန်ကျည်းကြက်ဆူလို့ခေါ်ပြီး စပ်ချဉ်ဟင်းအဖြစ်နဲ့ ငါးပိတစ်များနဲ့ ချက်စားပြန်ပါရော။ မန်ကျည်းကြက်ဆူဟင်းက အနံ့လေးတစ်မျိုး မွှေးသေးတယ်။ မန်ကျည်းက မှည့်သွားပြီဆိုရင်တော့ တစ်နိုင်ငံလုံး သုံးဖို့၊ နိုင်ငံခြားတင်ပို့ဖို့အထိ ကျယ်ပြန့်သွားပြီလေ။

မန်ကျည်းမှည့်ဟာ အညာဒေသရဲ့ တစ်ခုသော ဝင်ငွေရတဲ့ ဒေသထွက်ကုန်ပါ။ အထူးသဖြင့် ကျောက်ပန်းတောင်း၊ ရမည်းသင်း စတဲ့ ဒေသတွေမှာ မန်ကျည်းဟာ စီးပွားရေးလုပ်ငန်း တစ်ခုပါ။ ကျောက်ပန်းတောင်းက ထွက်တဲ့ မန်ကျည်းက အသားထူလို့တဲ့ ဝယ်သမားက ဈေးပိုပေးရတယ်။ မန်ကျည်းထွက်တဲ့ ဒေသတွေမှာ ပြောတဲ့စကားတစ်ခု ရှိသေးတယ်။ "မန်ကျည်းတစ်လှည့် ဆီးတစ်လှည့်" ပါတဲ့။ အဓိပ္ပာယ်က ဒီနှစ်မန်ကျည်းက သိပ်သီးလို့ ဝင်ငွေကောင်းခဲ့ရင် ရှေ့နှစ်တော့ မန်ကျည်းက အသီးနည်းနည်းလျှော့မယ်၊ အဲဒီနှစ်က ဆီးအထွက် ကောင်းတဲ့နှစ်ဖြစ်တယ်လို့ ပြောချင်တာပါ။ ဒါက သစ်ပင်များရဲ့ထုံးစံ တစ်နှစ်မှာ အများကြီးသီးထားရင် နောက်နှစ်ဆက်ပြီး အများကြီး မသီးဘူးလေ အနားယူတဲ့သဘော၊ သီးတော့သီးတယ် ဒါပေမဲ့ အသီးလျှော့တယ်။ တစ်နှစ်နားလိုက် လျှော့လိုက်ရင် နောက်နှစ်တော့ ပိုသီးပြန်ရော၊ အထွက်ကောင်းပြန်ရော ဆိုတဲ့သဘောပါ။ စာရေးဆရာကြီး ဒါရိုက်တာ ဦးသုခ ရိုက်ကူးခဲ့တဲ့ အသုံးလုံးရုပ်ရှင်ကား "ဘယ်သူ ပြိုင်လို့ လှပါတော့နိုင်" ဇာတ်ကားမှာ " ရွှေရှိသယ်၊ ငွေရှိသယ်၊ မန်ကျည်း ရှိသယ်၊ စာသင်ဖို့ လိုပါဘူး" ဆိုတဲ့ စကားကလေး မှတ်မိကြမှာပေါ့၊ အညာက တချို့ဒေသမှာ မန်ကျည်းက စီးပွားရေးမှာ အရေးပါတာကို ပြောချင်တာပါ။

စီးပွားရေးကို ကိုင်တွယ်အုပ်ချုပ်မှု ပုံစံပြောင်းကာစ အချိန် တစ်ချိန်တုန်းကတော့ ဟာသလေးတစ်ခု ထွက်လာသေးတယ်။ အဲဒီ ဒေသဆိုင်ရာ အာဏာပိုင်တစ်ယောက်က မန်ကျည်းကို ဘယ်ရွေ့ဘယ်မျှသာ ရောင်းစားရမယ်၊ ဘယ်ရွေ့ဘယ်မျှကိုတော့ မျိုးအတွက် ချန်ထားရမယ်လို့ အမိန့်ပေးခဲ့ဖူးပါသတဲ့ ပြောစမှတ်ကလေးတွေပါ။ မန်ကျည်းပင်ဆိုတာ စိုက်ထားရင် တစ်ပင်ကို နှစ်တွေရာနဲ့ချီပြီး အသက်ရှည်တတ်တဲ့ အပင်မျိုး။ ပုဂံခေတ်က မန်ကျည်းပင် ခုထက်ထိ ရှိသေးတယ်လို့ ပြောနိုင်ပါတယ်။ မန်ကျည်းဟာ ကြီးခဲတယ်။ အသက်ရှည်တယ်။ ပြီးတော့ လေဒဏ်မိုးဒဏ် ခံတယ်။ ဘယ်မုန်တိုင်းတိုက်တိုက် မန်ကျည်းပင် ကြီးတွေ ပြတ်သတ် ပြိုလဲကုန်တယ်လို့ မဖြစ်လေ့ဘူး။ အပင်က သိပ်ခိုင်မြဲတဲ့ အပင်တွေပါ။ ဒီလို ခိုင်မြဲတော့ အကြောင်းမသင့်လို့ ခုတ်လှဲရရင် မန်ကျည်းသားကို လွှများနဲ့ ဖြတ်တောက်ပြီး စဉ်းတီတုံးများ အဖြစ် အသုံးပြုရပါတယ်။ မန်ကျည်းသားက သိပ်မာတယ် မဟုတ်လား။ စဉ်းတီးတုံးလုပ်လို့ အကောင်းဆုံးပဲ။

အဲဒီ မန်ကျည်းမာတဲ့ သတ္တိကြောင့် ဒီခေတ်မှာ ကြီးမားတဲ့ အန္တရာယ်တစ်ခု ပေါ်ပေါက်လာတာလည်း စိတ်မချမ်းမြေ့စရာ ကြားလာရတယ်။ အဲဒါကတော့ မန်ကျည်းသားက မာလို့ သူ့ကိုသွေးပြီး သူ့သွေးဖတ်ကို အမွှေးတိုင်လုပ်ငန်းသမားများက သုံးစွဲနေကြပါသတဲ့။ အဲဒီတော့ ရေစကြိုနယ်မှာဆိုရင် မန်ကျည်းပင်ကြီးတွေကို ခုတ်လှဲပြီး အမွှေးတိုင်လုပ်ဖို့ ရောင်းစားကြတာ မန်ကျည်းပင်ကြီးတွေ တော်တော်ကုန်ပြီလို့ ကြားရတယ်။ မန်ကျည်းဟာ ကျွန်းသစ်တောပြုန်းသလို ပြုန်းရရင် ကျွန်းပင်လို ပြန်စိုက်တော့ နှစ် ၈၀ နှစ် ၁၀ဝ နဲ့ အပင်ကြီး ဖြစ်မလာဘူး။ ပြီးတော့ မန်ကျည်းကို ပြန်စိုက်တဲ့ လူလည်း မရှိဘူး။

ဒါကြောင့် အရွက်ရော၊ အပွင့်ရော၊ အသီးရော၊ စားရတဲ့အပင်၊ တစ်ခါ ပေါက်နေရင် နှစ်ပေါင်း (၄-၅-၆၀ဝ) အသက်ရှင်နေတဲ့ အပင်ကြီးတွေမို့ သိပ်နှမြောရ ပါတယ်။ ဖြစ်နိုင်ရင် သူ့ကိုတော့ ချမ်းသာပေးကြပါလို့ တောင်းပန်ချင်လှတယ်။

လူထုဒေါ်အမာ

ရဲဖြိုး ဘလော့ဂ်ကနေ ကူးယူပါတယ်။ ဘလော့ဂါကို ကျေးဇူးတင်ပါတယ်။ ဆရာမကြီး ရည်ညွှန်းတဲ့ ဆရာမြသန်းတင့်ရဲ့ 'တမာနုချိန်စစ်တမ်း' ဆောင်းပါးကိုလည်း နောက်ပို့စ်တခုမှာ တင်ပေးပါ့မယ်။

စလေ ငနော့ (ကျော်ဇင်လတ်)



စာပေဗဟုသုတလေးများဖတ်ရှုနိုင်ရန် Page ကို Like နှိပ်ထားကြပါ Group လေးကိုလည်း Join ထားကြပါနော်

https://www.facebook.com/𝐅𝐮𝐭𝐮𝐫𝐞-𝐘𝐨𝐮𝐭𝐡-109404575167405/

💓 𝐅𝐮𝐭𝐮𝐫𝐞 𝐘𝐨𝐮𝐭𝐡 💓 ငါ့အတွက်ငါရှိတယ်စိတ်ခွန်အားပေးစာပေများ 💓

https://www.facebook.com/groups/1261183984415479/?ref=share_group_link