19/10/2025
ဒီပါဝလိ နေ့ DEEPAWALI မှာ ဟိန္ဒူဘာသာဝင်တွေ ဘာလုပ်ကြလဲ?
1️⃣ မနက် စောစော အိပ်ယာထကြတယ်။
နေအိမ်အား ကောင်းစွာ သန့်ရှင်းရေးပြုလုပ်ကြပါတယ်။
2️⃣ နေအိမ်အား ပန်းလိပ်များ ဆင်ခြင်း၊ အလှမီးများ ချိတ်ဆွဲခြင်း၊ အိမ်ရှေ့ နှင့် ဘုရားခန်းများတွင် Rangoli များ ဆွဲကြပါတယ်။
3️⃣ မိသားစုလိုက် အင်္ကျီအသစ်များ ဝယ်ယူထားရှိကာ ထိုနေ့တွင် ဝတ်ဆင်ကြပါတယ်။
4️⃣ မိသားစုဝင်များ စုပေါင်းကာ မုန့်အချိုမျိုးစုံ ပြုလုပ်ကြပြီး ဘုရား၌ ကပ်လှူခြင်း၊ အိမ်နီးနားချင်းများ၊ သူငယ်ချင်းများနှင့် ဆွေမျိုးများအား ဝေငှကြပါတယ်။
5️⃣ ညနေခင်းတွင် မိသားစုဝင်များ စုရုံးကာ ဆီးမီးခွက်များ ထွန်းညှိရန် အဆင်သင့် ပြုလုပ်ကြပြီး ၊ ညနေခင်း လက်သ်ျှမီ ပူဂျာအတွက် ပြင်ဆင်ကြပါတယ်။ ဒီပါဝလိနေ့ ညဉ့်နက်မှ အမာဝဆျာ တိထိ ဝင်လျှင် နောက်တစ်နေ့ မနက်စောစော လက်သ်ျှမီ ပူဂျာ ပြုလုပ်ကြပါတယ်။
6️⃣ နေဝင်သည့် အခါ ရာမ အရှင်မြတ်၏ အယိုဓျာနေပြည်တော်သို့ ပြန်လည်ကြွမြန်းမူအား ရည်ရွယ်၍ ဆီမီးများ တန်းလိုက် ထွန်းညှိပူဇော်ကြပါတယ်။ မီးရှူးမီးပန်းများ ဖောက်ကာ ကစားကြပါတယ်။
7️⃣ ညအခါတွင် မိသားစုများ တစ်စုတစ်ဝေးတည်း စားပွဲ ပြုလုပ်ကြပါတယ်။ အချင်းချင်း လက်ဆောင်များ ပေးအပ်ကြကာ ငယ်သူမှ ကြီးသူအား ကန်တော့ကြပါတယ်။
❤️မိမိတို့ရဲ့ အလွန် တန်ဖိုးရှိတဲ့ နေ့ကြီးရက်ကြီး တစ်ရက်ကို ပြီးပြည့်စုံစွာ ဖြတ်သန်းကြပါ။ မိသားစုများနှင့် စုဝေးကာ အတူတကွ ရှိနိုင်အောင် ကြိုးစားကြပါ။ မိမိတို့၏ ယဉ်ကျေးမူအား ထိန်းသိမ်းကာ မျိုးဆက်များဆီသို့ လက်ဆင့်ကမ်း သယ်ဆောင်ကြပါ။❤️ကဲbabbyလေးတို့လည်း မနက်အိမ်နီးချင်းဟိန္ဒူဘာသာဝင်တွေကိုလက်ဆောင်လေးတွေပြန်ပေးပြီးဆုတောင်းစကားလေးတွေပြောပေးလိုက်ကြနော် children preschool
