Impact for Management

Day 1
မိတ်ဆက်
ထွက်ကုန်၊ ငွေ၊ မျှော်လင့်ချက်

အခန်း (၁)

ထွက်ကုန် (Output)

ထွက်ကုန် သည် မက်ခရိုစီးပွားရေး၏ နှလုံးသားနေရာတွင်တည်ရှိပါသည်။ နိုင်ငံတစ်ခုမှထုတ်လုပ်သော ကုန်ပစ္စည်းနှင့်ဝန်ဆောင်မှုများ စုစုပေါင်းထွက်ကုန်သည် ယင်းနိုင်ငံ၏ဘဏ္ဍာ‌ရေးသုံးစွဲနိုင်မှု အကန့်အသတ်ကို ဖြစ်ပေါ်စေမည်ဖြစ်ပါသည်။

နိုင်ငံတစ်နိုင်ငံသည် မိမိထုတ်လုပ်သည်ထက်ပိုမိုသုံးစွဲမည်ဆိုပါက နိုင်ငံခြားမှ ချေးငွေရယူရမည်ဖြစ်ပါသည်။ တန်ဖိုးရှိသော ထွက်ကုန်ပမာဏများစွာ ထုတ်လုပ်နိုင်ခြင်းကသာလျှင် နိုင်ငံကို ကြွယ်ဝချမ်းသာစေမည်ဖြစ်သည်။ ငွေပမာဏအရေအတွက်ဖြင့် ချမ်းသာစေမည်မဟုတ်ပါ။

အစိုးရတစ်ခုသည် ငွေကိုဆန္ဒရှိသလောက်ရိုက်ထုတ်ပေးခြင်းဖြင့် နိုင်ငံသားအားလုံးကိုငွေသန်းကြွယ်ပိုင်ဆိုင်သူများ ဖြစ်စေနိုင် ပါသည်။ အကယ်၍ ထွက်ကုန်တိုးတက်လာခြင်းမရှိပါက ပြည်သူတို့၏အခြေအနေသည် ငွေများစွာပိုင်ဆိုင် သော်လည်း ကြွယ်ဝချမ်းသာလာမည်မဟုတ်ပါ။ ထုတ်လုပ်မှုကျဆင်းသည်ဆိုပါက ထိုများပြားသောပိုက်ဆံများဖြင့် ၎င်းတို့၏လူနေမှုအဆင့်အတန်းသည် ပိုမိုဆိုးရွာလာမည်ဖြစ်ပါသည်။

အချို့က “Output” ကို “ထုတ်ကုန်”ဟုဘာသာပြန်ကြပါသည်။ ကုန်ပစ္စည်းကိုအဆင့်ဆင့် ပြန်လည်လေ့လာကြည့်သောအခါ ကုန်ကြမ်း၊ ထုတ်လုပ်ဆဲကုန်၊ ကုန်ချော နှင့် ပျက်ကုန်၊ ဂိုထောင်ရှိကုန်ချော၊ လက်လီဆိုင်ပေါ်ရှိကုန်ချော၊ စားသုံးသူမှဝယ်ယူစားသုံးသည့်ကုန်ချော၊ စားသုံးသူမှ နောင်တွင်စားသုံးရန် သိုလှောင်ထားသည့်ကုန်ချော၊ စားသုံးသူမှမစားသုံးဖြစ်သောကြောင့်/ ရက်လွန်သွား သောကြောင့် လွှင့်ပစ်သည့်ကုန် စသည်ဖြင့် ကုန်အမျိုးမျိုးကို တွေ့ရှိရမည်ဖြစ်ပါသည်။ စာရေးသူအနေဖြင့် “Output” ကို စားသုံးသူမှဝယ်ယူစားသုံးသည့် ကုန်ချော “ထွက်ကုန်” အဖြစ် ဘာသာပြန်လိုပါသည်။ ငွေဖြင့် ဝယ်ယူမစားသုံးမှီ ပစ်ရသောကုန်များ၊ ဝယ်ယူပြီးပစ်ရသောကုန်များ စသည့်အလေအလွင့်များသည် နိုင်ငံ၏ GDP ကို ထိခိုက်စေမည် ဖြစ်ပါသည်။

Export ကို ပြောရာတွင်လည်း နိုင်ငံအတွင်းထုတ်ပြီး နိုင်ငံမှထွက်သွားသော ပို့ကုန်အဖြစ်မြင်နိုင်မည် ဖြစ်ပါသည်။ ကုန်ထုတ်လုပ်မှုကိုအားပေးသော နိုင်ငံတော်မူဝါဒများကိုအသုံးချ၍ ထုတ်သော်လည်း ပြည်သူအတွက် အကျိုးရှိသောကုန်ပစ္စည်းနှင့်ဝန်ဆောင်မှုများမထွက်သော လုပ်ငန်းများစွာရှိကောင်းရှိနိုင်သည်ကို စာဖတ်သူတို့စဉ်းစားမိနိုင်ပါသည်။ ထုတ်လုပ်ခြင်းအားအကြောင်းပြ၍ နိုင်ငံတော်မှအရင်းအမြစ်များ (မြေ၊ ချေးငွေ၊ နိုင်ငံခြားငွေ၊ လုပ်ပိုင်ခွင့် စသည်ဖြင့်) တောင်းယူပြီးနောက် အမှန်တကယ်ထွက်အောင် မထုတ်လုပ်နိုင်သော လုပ်ငန်းများကို ဆိုလိုပါသည်။

Happy Chinese New Year 🎉

“ငါ့ကုသိုလ်ကံက ဆိုးလိုက်တာကွာ
ဒီဘဝမှာ ငါလူလုပ်ဖို့ မကောင်းတော့ပါဘူး.....”
လို့ မတွေးခဲ့ပဲ ကြိုးစားခဲ့သူတစ်ယောက်
Karoly Takacs

ဘဝမှာ ထင်သလို ဖြစ်မလာတဲ့အခါ စိတ်ဓာတ်ကျ၊ ကံတရားကို အပြစ်ပုံချပြီး လက်မြောက်အရှုံးပေးသူတွေအများကြီးရှိပါတယ်။ သို့ပေမယ့် ဘဝရဲ့ကံဆိုးမှုတွေထဲက လွတ်မြောက်အောင် ကြိုးစားခဲ့သူတွေ အများကြီးထဲကမှ အိုလံပစ် ပစ္စတိုသေနတ်ပစ်ပြိုင်ပွဲမှာ ရွှေတံဆိပ် (၂)ကြိမ် ဆက်တိုက်ရခဲ့တဲ့ ဟန်ဂေရီ နိုင်ငံသား Karoly Takacs ရဲ့ အကြောင်းပါ။ ၁၉၄၀ပြည့်နှစ်မှာ ကျင်းပမဲ့တိုကျို အိုလံပစ် ပြိုင်ပွဲမှာ သေနတ်ပစ်ချန်ပီယံဖြစ်ဖို့ ကြိုးစားသူပါ။ သို့သော် ကံကြမ္မာဆိုးနဲ့ ကြုံလိုက်ရတယ်။ အိုလံပစ်ပြိုင်ပွဲ မကျင်းပမီ လအနည်းငယ်အလိုမှာပဲ သူ စစ်သင်တန်းလေ့ကျင့်နေတုံး လက်ပစ်ဗုံးကို ပစ်ရန် ရွယ်နေတုန်းမှာ ရုတ်တရက် ဗုံးပေါက်ကွဲပြီး ညာဖက်လက်တစ်ဖက် ဆုံးရှုံးခဲ့ရပါတယ်။ သူသေနတ်ပစ်နေကျ ညာဖက်လက် ဆုံးရှုံးမှုနှင့်အတူ သူ့ရဲ့ အိမ်မက်တွေပါ ပျက်ပြယ်သွားတာကြောင့် သူ့ကိုယ်သူ သတ်သေချင်လောက်​အောင် စိတ်ဓာတ်ကျ သွားခဲ့ပါတယ်။ ဒီလို အခြေအနေမျိုးကို ကြုံရသူတိုင်း စိတ်ဓာတ်ကျပြီး ဘဝကို အရှုံးပေးသွားကြမှာပါ။ သူကတော့ အဲ့လို အရှုံးပေးလှည့်ပြန်မသွားပါဘူး။ သူ့ရဲ့ ကျန်ရှိတဲ့ ဘယ်ဖက်လက်နဲ့ သေနတ်ပစ်လေ့ကျင့်ဖို့ သူ့ကိုယ်သူ အားပေးပါတယ်။ သူလေ့ကျင့်တဲ့အခါမှာလည်း လူသူမနီးတဲ့ တောအုပ်တစ်နေရာမှာ သွားလေ့ကျင့်တယ်။ အကြောင်းက လူတွေနီးတဲ့နေရာမှာ လေ့ကျင့်ရင် သူ့ကိုလူတွေ လှောင်ပြောင်မယ်။ သူ့ကို မဖြစ်နိုင်တာတွေလုပ်တယ်။ ရူးနေပြီလို့ ကဲ့ရဲ့လှောင်ပြောင်ကြရင် စိတ်ဓာတ်ကျမှာ စိုးလို့။ လပေါင်းများစွာ ကြာအောင် လေ့ကျင့်ပြီးတဲ့အခါ ပြိုင်ပွဲ ပြန်လည်ဝင်ရောက်ယှဉ်ပြိုင်ရင်း ချန်ပီယံ ဖြစ်လာခဲ့ပါတယ်။
*မှတ်ချက်။ ဘဝမှာ ကျရှုံးမှုတွေက အမြဲရှိနိုင်ပါတယ်။ ပြန်ထနိုင်ဖို့အတွက် ဘာလို့ မလုပ်နိုင်ရမှာလဲဆိုတဲ့စိတ်နဲ့ ကိုယ့်ကိုယ်တိုင် ကြိုးစားအားပေးရပ်တည်ပြီး အခက်အခဲတွေကိုကျော်လွှားပါ။ အောင်မြင်မှုက သင့်အတွက်ပါ။

"သင်လုပ်နေတဲ့ အရာအပေါ် တတ်သိနားလည်မှုမရှိခြင်းဟာ အန္တရာယ် ပေါ်ပေါက်လာနိုင်တဲ့ အခြေအနေတစ်ခုပါ။ "
- Warren Buffett

ကြိုးစားတယ် အရာမထင်ဘူး ဆိုတာတွေမှာ ကိုယ်လုပ်နေတဲ့ အရာအပေါ် ကိုယ်ကောင်းကောင်းနားလည်သဘောပေါက်ရဲ့လား ပြန်ဆန်းစစ်ဖို့လိုနေပါပြီ။
ရင်းနှီးမြုပ်နှံမှုတစ်ခုလုပ်မည်ဆိုလျှင်၊ အလုပ်သစ်တစ်ခုစတင်မည်ဆိုလျှင် ကိုယ်ကျွမ်းကျင်မှုရှိတဲ့ အရာပေါ်မှာပြုလုပ်ခြင်းဟာ အကောင်းဆုံးဖြစ်ပါတယ်။
အလုပ်တစ်ခုအောင်မြင်နေတယ်၊ နောက်တစ်ခု ခြေလှမ်းလှမ်းတော့မယ်ဆိုလျှင် ကိုယ့်ကျွမ်းကျင်ရာ နယ်ပယ်က လွတ်ထွက်မသွားဖို့ သတိပြုပါ။
မကျွမ်းကျင်သေးဘူးဆိုလျှင်လည်း အဲ့အလုပ်ကို သေချာစွာလေ့လာပြီးမှ ခြေလှမ်းစပါ။
မသိသေးတဲ့ အန္တရာယ်တွေကို မဖိတ်ခေါ်ပါနဲ့။
တစ်စုံတစ်ယောက်ကိုယ့်ဆီ ငွေကြေးအကူအညီတောင်းခံပြီး အလုပ်တစ်ခုလုပ်ဖို့ ပြောလာခဲ့လျှင်တောင် ထိုသူက သူလုပ်မယ့် အလုပ်အပေါ် ဘယ်လောက်နားလည်မှုရှိသလဲ၊ တတ်သိနားလည်သူတွေ အဖွဲ့ထဲမှာ ပါရဲ့လား ဆန်းစစ်ပြီးမှ ရင်းနှီးဖို့ကိုစဉ်းစားဖို့ အကြံပြုလိုပါတယ်။

“ကျသင့်တာက သင်ပေးဝယ်လိုက်ရတဲ့ ပိုက်ဆံ
သူ့တန်ဖိုးက သင်ပြန်ရရှိတဲ့အရာ”
- Warren Buffet

☑️ ပစ္စည်းတစ်ခု၊ ဝန်ဆောင်မှုတစ်ခုရဲ့ တန်ဖိုးဟာ သူ့ကိုပေးဝယ်လိုက်ရတဲ့ ပိုက်ဆံနဲ့ မတူပါဘူး။
တခါတလေ ပိုက်ဆံနည်းနည်းပေးရပြီး ကိုယ့်အတွက်တန်ဖိုးကြီးတာဖြစ်နေနိုင်သလို၊ ထို့အပြင် ဈေးအရမ်းကြီးပေမယ့် ကိုယ့်အတွက် ပြန်ရမယ့်တန်ဖိုးက အဖိုးမတန်ဖြစ်နေတတ်ပါတယ်။
ရေတိုကိုမကြည့်ပဲ ရေရှည်ကိုကြည့်ပြီး ကိုယ့်အတွက်တန်ဖိုးရှိတာ၊ တန်ဖိုးပိုတက်လာနိုင်တာတွေ အပေါ် ရင်းနှီးမြှုပ်နှံသင့်ပါတယ်။

Candlestick Pattern
ယနေ့ ကမ္ဘာ့ရွှေစျေးကွက်ရော မြန်မာ့ ရွှေစျေးကွက်ရဲ့ အမြင့်ဆုံးအနေအထားကို ရောက်နေတဲ့အချိန်မှာ စျေးကွက်ကို လေ့လာဖို့အတွက် အရေးကြီးတဲ့အထဲက Candlestick Pattern ကို ဖော်ပြပေးသွားမှာ ဖြစ်ပါတယ်။
Candlestick Pattern ကို အဓိကထားပြီး သုံးတာက နေ့စဉ် စျေးကွက်အတက်အကျအပေါ်လိုက်ပြီး တွက်ချက်ကြတဲ့သူတွေ အများဆုံး သုံးကြပါတယ်။
အခြေခံအားဖြင့် Candlestick Pattern ကို သုံးမျိုးခွဲပြီး လေ့လာရပါတယ်။
၁။ Body - ဖွင့်စျေး၊ပိတ်စျေးကို ကိုယ်စားပြုပါတယ်။
၂။ The wick or shadow - နေ့တစ်နေ့တာရဲ့ စျေးကွက်မြင့်မလား၊ တက်မလား ဖော်ပြတဲ့ Wick ဆိုတာရှိပါတယ်။
၃။ The Color - စျေးကွက်ရဲ့ ဦးတည်ချက် (direction) ကို ရည်ညွန်းပါတဲ့ အရောင်တွေရှိပါမယ်။ များသောအားဖြင့် အစိမ်းရောင်(သို့)အဖြူရောင်က (Green or White) စျေးနှုန်းအတက်ဘက်လို့ ညွန်ပြပြီး အနီရောင် (သို့) အနက်ရောင်က (Red or Black) စျေးနှုန်းအကျဘက်ကို ရယ်ညွှန်းပါတယ်။

☑️ Warren Buffett ရဲ့ အဆိုအမိန့် လေးတစ်ခု ပြန်ရှယ်ပေးချင်ပါတယ်။
ကျွန်တော်တို့ကိုယ်တိုင် တစ်ခါတစ်လေ ဖြစ်တတ်တာပါ။
ပိုက်ဆံရှိပြီဆိုလျှင်၊ လခရလာပြီဆိုလျှင် ပိုက်ဆံကို သုံးဖို့အရင်စဉ်းစားပါတယ်။
စုဖို့ကို သုံးလို့ဝလို့ ပိုတာမှ စုဖြစ်ပါတယ်။
တချို့လတွေဆို သုံးကောင်းကောင်းနဲ့ စုဖို့တောင် ဘာမှ မကျန်ဖြစ်တတ်ပါတယ်။
အဲ့တာကြောင့် ပိုက်ဆံကို အရင်စုပါ ကျန်တာကိုမှ သုံးဖို့စဉ်းစားပါ။
✅ “သုံးလို့ဝမှ မစုပါနှင့်၊ စုလို့ဝမှ သုံးပါ”