Metaphysical Learning Institute

❤️ စစ်မှန်တဲ့ အချစ်ခရီးလမ်းကို မှန်ကန်စွာလျှောက်လှမ်းတတ်စေဖို့…❣️

ချစ်ခြင်းအပေါ် လူတစ်ယောက်နဲ့ တစ်ယောက် အမြင်မတူနိုင်သလို၊ အချစ်ရဲ့ သဘောသဘာဝကလည်း ကွဲပြားနိုင်ပါတယ်။ တကယ်တော့ အချစ်ဆိုတာက လူသားတိုင်းနှလုံးသားထဲမှာ ရှင်သန်နေတဲ့ စိတ်ခံစားချက်တစ်ခုပါ။ စစ်မှန်တဲ့ ချစ်ခြင်းမေတ္တာက ဖြစ်တည်လာဖို့ မလွယ်ကူသလို ထိတွေ့ပိုင်ဆိုင်ခွင့် ရရှိမယ်ဆိုရင် အင်မတန်ကံကောင်းပြီး အထူးတန်ဖိုးထားဖို့လိုပါတယ်။

စစ်မှန်တဲ့ ချစ်ခြင်းမေတ္တာကို ပိုင်ဆိုင်ချင်ရင် ကိုယ့်ဖက်က အရင်တည်ဆောက်ရမယ့် အဓိက အပိုင်းကြီးနှစ်ပိုင်းရှိပါတယ်။ ကျွန်တော်တို့ရဲ့ ပတ်ဝန်းကျင် အသိုင်းအဝိုင်းကနေ ငယ်စဉ်ကတည်းက သင်ပေးလိုက်ကြတာက မိဘကို ချစ်ဖို့၊ မောင်နှမတွေကို ချစ်ခင်ဖို့၊ မိသားစုဝင်တွေကို ချစ်ဖို့ အစရှိတဲ့ အခြားသူတွေကို ချစ်ဖို့တော့ သင်ပေးတတ်ကြတယ်။ ဒါကလည်း တဝက်တော့မှန်ပါတယ်။ ချစ်ခြင်းရဲ့ အဓိကအပိုင်းနှစ်ခုထဲက ဒုတိယတစ်ခုက အခြားသူတွေကို ချစ်တတ်ခြင်းဖြစ်နေတာကိုး။ ဒါပေမယ့် ပြည့်စုံတဲ့ချစ်ခြင်းဖြစ်ဖို့ ပထမတစ်ပိုင်းဖြစ်တဲ့ မိမိကိုယ်မိမိ ချစ်တတ်ခြင်းက လစ်ဟာနေလို့ မဖြစ်ပါဘူး။

မိမိကိုယ်မိမိ ချစ်တတ်ခြင်း (Self-Love) ဆိုတာဘာလဲ?

မိမိကိုယ်ကို ချစ်ခြင်း (Self-Love) ဆိုတာက ကိုယ့်ကိုယ်ကိုယ် တန်ဖိုးထားတာ၊ ဂရုစိုက်တာ၊ လေးစားတာတွေဖြစ်ပြီး၊ ကိုယ်ရဲ့ ရုပ်ပိုင်း၊ စိတ်ပိုင်းနဲ့ စိတ်ဝိဉာဉ်ဆိုင်ရာ ကျန်းမာရေးအတွက် အခြေခံကျတဲ့ အလေ့အကျင့်တစ်ခုဆိုလည်း မမှားပါဘူး။ ဒါဟာ အတ္တကြီးတာ (ဒါမှမဟုတ်) ကိုယ်ကျိုးစီးပွားကိုသာ အလွန်အမင်း ဦးစားပေးတာမျိုး မဟုတ်ပါဘူး။

ဒါကြောင့် မိမိကိုယ်ကို ချစ်နိုင်ဖို့အတွက်ဆိုရင်
၁။ ပထမဦးဆုံး ကိုယ့်ကိုယ်ကို လက်ခံတတ်ဖို့ လိုပါတယ်။ ကိုယ့်ရဲ့ အားသာချက်တွေ၊ အားနည်းချက်တွေကို အပြည့်အဝ နားလည်ပြီး လက်ခံနိုင်ရပါမယ်။ ကိုယ့်ရဲ့ အားသာချက်တွေကို တိုးပွားလာအောင်လုပ်ရင်း အခြားသူတွေကို အကျိုးဖြစ်ထွန်းစေတဲ့ အဖိုးတန်လူသားလေးတစ်ဦးအဖြစ် မိမိကိုယ်မိမိ တည်ဆောက်နိုင်ရပါမယ်။

၂။ ကိုယ့်စိတ်နှလုံးကို ဂရုစိုက်တတ်ဖို့လိုပါတယ်။ ကိုယ့်ရဲ့ စိတ်ခံစားချက်တွေကို မပစ်ပါယ်ပါနဲ့။ ကိုယ်ဘာလုပ်ရင် ပျော်ရွင်လဲ၊ ကိုယ်နှစ်သက်မြတ်နိုးတဲ့အရာတွေက ဘာတွေလဲ၊ ကိုယ့်ကို စစ်စစ်မှန်မှန် ပျော်ရွှင်စေတဲ့သူတွေ၊ အရာတွေက ဘာတွေလဲဆိုတာ သိရှိပြီး ထိုအရာတွေလုပ်နိုင်ဖို့ ထိုသူတွေနဲ့ရှိဖို့ အချိန်ပေးနိုင်ရပါမယ်။ ကိုယ့်စိတ်နှလုံးကို မသက်မသာဖြစ်စေတဲ့ လူတွေ၊ အရာတွေကို ကျောခိုင်းရဲတဲ့ သတ္တိရှိလည်း ရှိရပါမယ်။

၃။ မိမိရဲ့ ရုပ်ပိုင်း၊ စိတ်ပိုင်းဆိုင်ရာ ကျန်းမာရေးကို အကျိုးဖြစ်ထွန်းနိုင်တဲ့ အရာတွေ ဆောင်ရွက်နိုင်ရပါမယ်။ မိမိကို ထိခိုက်နိုင်မယ့် အရာတွေကို ရှောင်နိုင်ရပါမယ်။ အာဟာရမျှတာစွာ စားသုံးတာ၊ လေ့ကျင့်ခန်းလုပ်တာ၊ တရားထိုင်တာ၊ စိတ်ဖိစီးမှုကို ကောင်းစွာ စီမံတာ၊ မကောင်းတဲ့ အလေ့အထတွေ၊ မိမိကို ထိခိုက်နိုင်တဲ့ အရာတွေကို ရှောင်တာ အစရှိတာတွေကို လုပ်နိုင်ရပါမယ်။

၄။ မိမိကိုယ်ကို တန်ဖိုးထား ယုံကြည်မှုရှိရပါမယ်။ ကိုယ့်တန်ဖိုးကို သိပြီး မိမိကိုယ်မိမိ တန်ဖိုးထားရပါမယ်။ မိမိကိုမိမိ အကောင်းပြောတာ၊ ကြင်နာတာ၊ ဂရုစိုက်တာတွေဟာ မိမိကိုမိမိ တန်ဖိုးထားတာပါပဲ။ ကိုယ့်ရဲ့စွမ်းရည်တွေ တိုးတက်ဖို့ အချိန်ပေးတာ၊ မိမိကိုယ်မိမိ ပိုမိုကောင်းမွန်တဲ့သူဖြစ်လာဖို့ ပြုစုပျိုးထောင်တာတွေဟာလည်း ကိုယ့်ကိုယ်ကို တန်ဖိုးထားလို့သာ လုပ်ဆောင်နိုင်တာဖြစ်ပါတယ်။ ကိုယ့်ကိုယ်ကို တန်ဖိုးထားတဲ့သူမှသာ ကိုယ့်ကိုထိခိုက်စေမယ့်အရာတွေကို ရှောင်နိုင်လာတယ်။ ကိုယ့်ကိုယ်ကို အကောင်းပြောနိုင်လာတယ်၊ ကိုယ်လုပ်နိုင်တယ်လို့တွေးလာနိုင်ပြီး ကိုယ့်ကိုယ်ကို ယုံကြည်မှုရှိစေဖို့ အားပေးနိုင်လာမှာ ဖြစ်ပါတယ်။

၅။ ကိုယ့်ဘဝကို တာဝန်ယူနိုင်ရပါမယ်။ ကိုယ့်ရဲ့ ပြည့်စုံမှု၊ စိတ်ချမ်းသာ ပျော်ရွှင်မှုဟာ သက်ရှိသက်မဲ့ တစ်စုံတရာပေါ် မှီခိုမနေဘဲ ကိုယ့်အပေါ်မှာသာ တာဝန်ရှိတယ်ဆိုတာ လက်ခံနိုင်ရပါမယ်။ ကိုယ့်ကြောင့် ကိုယ့်ကိုယ်ကို မထိခိုက်အောင် တာဝန်ယူရသလို့ အခြားသူ ထိခိုက်နစ်နာမှုမရှိအောင် တာဝန်ယူနိုင်ရပါမယ်။

Self-Love ဆိုတာ ကိုယ့်ကိုယ်ကို ဂရုစိုက်ပြီး ကိုယ့်ဘဝကို တာဝန်ယူခြင်းပါ။ မိမိကိုယ်ကို ချစ်မြတ်နိုးတတ်ခြင်းဟာ စစ်မှန်တဲ့ အချစ်ခရီးလမ်းအတွက် အခြေခံအုတ်မြစ်ပါပဲ။ မိမိကိုယ်ကို ချစ်မြတ်နိုးတတ်မှသာ အခြားသူတွေကိုလည်း အမှန်တကယ် ချစ်ခင်နိုင်မှာဖြစ်ပါတယ်။ 💖

အခြားသူတွေကို စစ်မှန်စွာ ချစ်နိုင်ဖို့ ဆိုတာကတော့ မိမိကိုယ်ကို မှန်ကန်စွာချစ်တတ်ပြီးနောက် ကျန်းမာတဲ့ စိတ်နှလုံးနဲ့ အခြားသူတစ်ဦးကို ဆက်ဆံနိုင်တာပဲ ဖြစ်ပါတယ်။
အခြားသူတွေကို အမှန်တကယ် ချစ်နိုင်ဖို့ဆိုရင်
၁။ မိမိကိုယ်ကို အရင်ချစ်ရပါမယ်။ (Self-Love Comes First)
"အခြားသူကို အမှန်တကယ်ချစ်ချင်ရင် ကိုယ့်ကိုယ်ကိုအရင်ချစ်ပါ" ဆိုတဲ့ စကားလိုပဲ၊ ကိုယ်တိုင်မှာ ချစ်ခြင်းမေတ္တာ ပြည့်ဝမှသာ အခြားသူကို အပြည့်အဝ ပေးစွမ်းနိုင်မှာပါ။ မိမိကိုယ်ကို လက်မခံနိုင်ဘူး၊ မုန်းတီးနေရင် အခြားသူတွေကိုလည်း အပြည့်အဝ မချစ်နိုင်ပါဘူး။

၂။ အခြားသူရဲ့ လွတ်လပ်မှုကို လေးစားပေးရပါမယ်။ (Love Without Control)
စစ်မှန်တဲ့အချစ်ဆိုတာ ပိုင်ဆိုင်လိုစိတ် (Possessiveness) မဟုတ်ဘူး။ သူ့ဘဝကို အမှီအခိုကင်းကင်းနဲ့ ပြည့်ပြည့်ဝဝ ရှင်သန်နိုင်ဖို့ အားပေးတတ်တာဟာ ချစ်ခြင်းပါပဲ။ ကိုယ်ချစ်တဲ့သူရဲ့ သူ့ဘဝ၊ သူ့ရပ်တည်မှု၊ သူ့ရွေးချယ်မှုတွေကို လေးစားဖို့ လိုပါတယ်။ သူရဲ့ အိပ်မက်တွေကို အားပေးတာ၊ သူရဲ့ မတူညီတဲ့ အမြင်တွေကို အတင်းပြင်ဖို့ မကြိုးစားတာ။ သူ့ရဲ့ လွတ်လပ်မှုကို လေးစားတာတွေဟာ စစ်မှန်တဲ့ချစ်ခြင်းထဲက တစ်ခုပါပဲ။

၃။ သေသေချာချာ နားထောင်တတ်ပါစေ။ (Listen Deeply)
အခြားသူတွေကို ချစ်တတ်ဖို့ လိုအပ်တာတစ်ခုက နားထောင်ပေးဖို့ပါ။ တစ်ခုခု အကြံမပေးခင်၊ သူရဲ့ပြောဆိုချက်တိုင်းကို အရင်နားလည်အောင် ကြိုးစားဖို့လိုပါတယ်။
"ငါနားလည်တယ်... မင်းဒီလိုခံစားရတာ မှန်ပါတယ်" ဆိုတဲ့ Empathy (စာနာမှု) ကို ပြသဖို့ လိုပါတယ်။

၄။ မျှဝေခံစားပါ။ (Share Joy & Sorrow)
သူတို့ဝမ်းသာတဲ့အခါ ကိုယ်လည်း ဝမ်းသာပေးပါ။ မုဒိတာထားပါ။
သူတို့ငိုနေရင် ဘေးကနေ ရှိနေပါ။ ကရုဏာထားပါ။ "မင်းတစ်ယောက်တည်း မဟုတ်ဘူး... ငါဒီမှာရှိနေတယ်" ဆိုတဲ့ ခံစားချက်ကို ပေးပါ။

၅။ စေတနာသန့်သန့်နဲ့ ကူညီပါ။ (Help Without Expectations)
စစ်မှန်တဲ့အချစ်မှာ အပြန်အလှန်မျှော်လင့်ချက် (Expectations) မပါဘူး။
မိဘတွေက သားသမီးကို "ငါ့အတွက် ကျေးဇူးဆပ်ဖို့" ဆိုတဲ့ စိတ်နဲ့ မချစ်ဘဲ၊ သူတို့ပျော်ရွှင်ဖို့သာ ကြိုးစားပေးတာ။
သူငယ်ချင်းတွေ၊ ချစ်သူတွေကြားမှာ အပြန်အလှန် အကျိုးမျှော်ကိုးတဲ့ အချစ် (Conditional Love) မဟုတ်ဘဲ၊ အကြောင်းမဲ့ချစ်ခြင်း (Unconditional Love) ကို မွေးမြူပါ။

၆။ ခွင့်လွှတ်တတ်ပါ။ (Forgiveness is Love)
အချစ်ဆိုတာ မပြည့်စုံမှုတွေကို ခွင့်လွှတ်နိုင်စွမ်းပါပဲ။ မိမိအမှားတွေကို ခွင့်လွှတ်သလို၊ သူများရဲ့ အမှားတွေကိုလည်း နားလည်ပေးပါ။

၇။ အတူတူကြီးပြင်းပါ။ (Grow Together)
စစ်မှန်တဲ့ အချစ်ဆိုတာ နှစ်ဦးနှစ်ဖက် အတူတကွ ဖွံ့ဖြိုးတိုးတက်ဖို့ ကူညီပေးတဲ့ အရာပဲဖြစ်ပါတယ်။ တစ်ယောက်ကိုတစ်ယောက် ဝေဖန်တာထက် အားပေးတာ၊ အပြစ်ရှာတာထက် နားလည်မှုနဲ့ ဆက်ဆံပေးတာမျိုးပါပဲ။

တကယ်တော့ အခြားသူတွေကို စစ်မှန်စွာ ချစ်ခြင်းဆိုတာက မိမိကိုယ်ကို ချစ်ခြင်းကစတင်ပြီး၊ ကိုယ့်ချစ်သူရဲ့ လွတ်လပ်မှုကို လေးစားတာ၊ စာနာနားလည်မှုပေးပြီး၊ အပြန်အလှန် မျှော်လင့်ချက်မထားဘဲ ကူညီတတ်တာပါပဲ။
"ချစ်ခြင်းမေတ္တာဆိုတာ ပေးလိုက်တိုင်း ပြန်လည်ပြည့်ဖြိုးလာတဲ့ စမ်းရေတွင်းပါပဲ" ဒါကြောင့် များများချစ်ပါ။ စစ်မှန်စွာချစ်တတ်ဖို့ သင်ယူပါ။
💖 အချစ်ဆိုတာ ပေးဆပ်တာ၊ အနစ်နာခံဖို့ပဲမဟုတ်ပါဘူး... အတူတူပျော်ရွှင်ဖို့ပါ။ 💖

ချစ်တဲ့သူတိုင်း စစ်မှန်စွာ ချစ်တတ်ပြီး မိမိတို့ခရီးလမ်းကို ပျော်ရွှင်စွာလျောက်လှမ်းနိုင်ပါစေ။ 🙏🙏🙏

Love, Light and Peace
Lucas - လူးကပ်စ်

အမှတ်ရစရာတွေဟာ ကျွန်‌တော်တို့‌‌ရဲ့ နှလုံးသားထဲ နက်နက်ရှိုင်းရှိုင်း အမြစ်တွယ်လာတာနဲ့ တပြိုင်နက် ထိုအရာတွေဟာ ကျွန်‌တော်တို့ရဲ့ အတွေး‌၊ စိတ်ခံစားမှုနဲ့ အတွေ့အကြုံတွေကို လွှမ်းမိုးနိုင်ပါတယ်။

သင်တွေ့တဲ့ ပထမဆုံးစာလုံးက ???

ရည်ရွယ်ချက် ကောင်းဖို့လိုသလို လုပ်ရပ်က မှန်ဖို့လည်း အရေးကြီးပါတယ်။

Intention က ဘယ်လောက်ကောင်းပါစေ မှန်ကန်တဲ့လုပ်ရပ် ဖြစ်မနေခဲ့ဘူးဆိုရင် ဆိုးရွားတဲ့ ရလဒ်တွေထွက်တတ်ပါတယ်။ မေတ္တာအပြည့်ထည့်ပြီး စေတနာနဲ့တိုက်တဲ့ အဆိပ်ခွက်ဟာ သောက်လိုက်သူရဲ့ဝမ်းထဲမှာ အလိုလို နို့ရည်ဖြစ်မသွားနိုင်ပါဘူး။ ဒါကြောင့် ရည်ရွယ်ချက်ကောင်းရုံနဲ့ လုံးဝ မလုံလောက်ပါဘူး။ ရည်ရွယ်ချက်ရော လုပ်ရပ်ပါ ဆိုးရွားတယ်ဆိုရင်တော့လည်း အလွန်ဆိုးဝါးတဲ့ အကျိုးဆက်တွေ ဖြစ်လာနိုင်ပါတယ်။ အရာရာဟာ ကြောင်းကျိုးဆက်စပ်နေတာဖြစ်တဲ့အတွက် ကိုယ်စိုက်ပျိုးတဲ့အရာ ကိုယ်ပြန်မရိတ်သိမ်းချင်လို့ မရပါဘူး။

တခါတလေ ရည်ရွယ်ချက်ကောင်းသလိုဖြစ်ပြီး လုပ်ရပ်မှန်၊ မမှန်က ရှု့ထောင့်တစ်ခုခုပေါ်မူတည်နေခဲ့ရင် ကိုယ့်ရဲ့ reality နဲ့ ငြင်းခုန်တာမလုပ်ဘဲ စစ်မှန်တဲ့အမှန်တရား Truth နဲ့တိုင်းတာ ချိန်ထိုးကြည့်ရပါမယ်။ စစ်မှန်တဲ့အမှန်တရားဆိုတာ ဘယ်ရှု့ထောင့်ကပဲကြည့်ကြည့် မှန်ကန်နေတတ်စမြဲပါပဲ။ ကိုယ့်တစ်ဖက်တည်းကကြည့်ပြီး ဇွတ်မှန်ကန်တယ်ထင်နေခြင်းဟာ တကယ့်စစ်မှန်မှုတော့ ဖြစ်မနေနိုင်ပါဘူး။ ကိုယ့်ရဲ့ ရပ်တည်ချက်ဟာလည်း လူပုဂ္ဂိုလ်တစ်ဦးဦးရဲ့ ဖန်တီးထားတဲ့ reality ပေါ်ရပ်တည်‌နေပြီး စစ်မှန်တဲ့အမှန်တရားကို ကျောခိုင်းလိုက်တာမျိုး မဖြစ်သင့်ပါဘူး။ စစ်မှန်တဲ့ အမှန်တရားကို ရှာဖွေရပ်တည်နိုင်မှသာ မိမိအတွက်ရော အများအတွက်ပါ အကျိူးရှိပြီး ရပ်တည်မှုလွဲချော်ခဲ့ရင်တော့ မိမိအတွက်ရော အများအတွက်ပါ အဆိပ်အတောက်ဖြစ်စေမှာ အသေချာပါပဲ။

Love, Light and Peace
Lucas - လူးကပ်စ်

I AM GUIDED, SAFE & AWAKEN 🤩

ရေဘေးကူရင်း ပညာယူမယ်။

လက်ရှိနိုင်ငံတစ်ဝန်းလုံးမှာရင်ဆိုင်ကြုံတွေ့နေရတဲ့ ရေဘေးအတွက် "ရေဘေးကူရင်း ပညာယူမယ်" ဆိုတဲ့အစီအစဉ်လေးတစ်ခုနဲ့ မိတ်ဆက်ပေးပါရစေ။

ထိုအစီစဉ်လေးမှာ ပါဝင်ချင်တယ်ဆိုရင် ရေဘေးကယ်ဆယ်ရေး လုပ်နေတဲ့ အဖွဲ့အစည်းတစ်ခုကို လှူဒါန်းထားတဲ့ အထောက်အထားတစ်ခုခုပဲဖြစ်ဖြစ်၊ ကိုယ်တိုင်လုပ်အားပါဝင်ထားတဲ့ မှတ်တမ်းတစ်ခုခုပဲဖြစ်ဖြစ် ပြရုံနဲ့ Metaphysical Learning Institute ရဲ့ Online home study course တွေထဲက ကြိုက်ရာတစ်ခုကို အခမဲ့တက်ရောက်ခွင့်ရရှိမှာဖြစ်ပါတယ်။

ထိုအစီအစဉ်လေးမှာပါဝင်နိုင်ဖို့အတွက် ရေဘေးအတွက်လှူထားတဲ့ အထောက်အထားကို စက်တင်ဘာလ ၃၀ ရက်နေ့မတိုင်ခင်အထိ Page messenger ကနေပဲဖြစ်ဖြစ်၊ ဒီပို့စ်‌အောက်မှာပဲ Comment ပေးတာပဲဖြစ်ဖြစ်၊ Telegram ကနေ t.me/Metaphysical_Learning ကို private message ပို့ပေးတာပဲဖြစ်ဖြစ် ပြုလုပ်ရုံနဲ့ ပါဝင်နိုင်ပါတယ်။

သင်တန်း information တွေနဲ့ classroom invitation ကို mail ကနေတဆင့် စက်တင်ဘာ ၃၀ မတိုင်ခင် ဆက်သွယ်ပေးမှာဖြစ်တဲ့အတွက် ရေဘေးအလှူအထောက်အထားကို ပေးပို့တဲ့အခါ လေ့လာချင်တဲ့ class နဲ့ Gmail address လေးကိုပါ တခါထဲ တွဲပို့ထားပေးပါနော်။

ထိုးထွင်းသိတဲ့ ဉာဏ်အလင်း၊ မှန်ကန်တဲ့ ချစ်ခြင်းမေတ္တာနဲ့ စစ်မှန်တဲ့ ငြိမ်းချမ်းမှုတွေ ပိုင်ဆိုင်နိုင်ကြပါစေ…။
Lucas - လူးကပ်စ်
Metaphysical Learning Institute (MLI)

Crown Chakra Affirmation လေး မျှဝေပေးထားပါတယ်။

ဒီ Affirmations ကို ညအိပ်ခါနီးအချိန် (သို့မဟုတ်) မနက်အိမ်ရာထခါနီးအချိန်တွင်နားထောင်တာ အကောင်းဆုံးပါပဲ။ ✔️✔️✔️

ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

7. Crown Chakra Affirmations ဆဟဆရာရ စက္ကရ (သိုမဟုတ်) သရဖူ ချက္ကရ - (Sahasrāra Cakra or Crown Chakra)သရဖူ ချက္ကရဟာ ဦးခေါင်းထိပ်ပိုင်း ငယ်ထိပ်အပေါ်မှာ တည်ရှိပြီး ...

Third Eye Chakra Affirmation လေး မျှဝေပေးထားပါတယ်။

ဒီ Affirmations ကို ညအိပ်ခါနီးအချိန် (သို့မဟုတ်) မနက်အိမ်ရာထခါနီးအချိန်တွင်နားထောင်တာ အကောင်းဆုံးပါပဲ။ ✔️✔️✔️

ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

6. Third Eye Chakra Affirmations အာညာစက္ကရ (သိုမဟုတ်) တတိယ မျက်လုံး ချက္ကရ - (Ājñā Cakra or Third Eye Chakra)တတိယမျက်လုံး ချက္ကရဟာ နှဖူးအလယ်တည့်တည့် မျက်ခုံး ၂ ခု.....

Throat Chakra Affirmation လေး မျှဝေပေးထားပါတယ်။

ဒီ Affirmations ကို ညအိပ်ခါနီးအချိန် (သို့မဟုတ်) မနက်အိမ်ရာထခါနီးအချိန်တွင်နားထောင်တာ အကောင်းဆုံးပါပဲ။ ✔️✔️✔️

ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

5. Throat Chakra Affirmations ဝိသုဒ္ဓိစက္ကရ (သိုမဟုတ်) လည်မျို ချက္ကရ - (Viśuddha Cakra or Throat Chakra)Throat Chakra ဟာ လည်ချောင်းဧရိယာရဲ့ အောက်ခြေမှာ တည်ရှိပြီး ကိုယ်...

Heart Chakra Affirmation လေး မျှဝေပေးထားပါတယ်။

ဒီ Affirmations ကို ညအိပ်ခါနီးအချိန် (သို့မဟုတ်) မနက်အိမ်ရာထခါနီးအချိန်တွင်နားထောင်တာ အကောင်းဆုံးပါပဲ။ ✔️✔️✔️

ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

4. Heart Chakra Affirmations Heart Chakra ဟာ ရင်ဘတ်ရဲ့ အလယ်ဗဟို၊ နှလုံးသား အနီးမှာ တည်ရှိပါတယ်။ အရောင်က အစိမ်းရောင် ဖြစ်ပြီး ဓါတ်ကတော့ လေဓါတ်ပါ။ ...

Solar Plexus Chakra Affirmation လေး မျှဝေပေးထားပါတယ်။

ဒီ Affirmations ကို ညအိပ်ခါနီးအချိန် (သို့မဟုတ်) မနက်အိမ်ရာထခါနီးအချိန်တွင်နားထောင်တာ အကောင်းဆုံးပါပဲ။ ✔️✔️✔️

ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

3. Solar Plexus Chakra Affirmations Solar Plexus chakra ဟာ ရင်ညွန့်ရိုး အောက်တွင်တည်ရှိပါတယ်။ အရောင်က အဝါရောင် ဖြစ်ပြီး ဓါတ်ကတော့ မီးဓါတ်ပါ။ ပွင့်ဖတ် (၁၀)ဖတ.....

Sacral Chakra Affirmation လေး မျှဝေပေးထားပါတယ်။

ဒီ Affirmations ကို ကားမောင်းနေစဉ်၊ အရေးကြီးကိစ္စများ ဆောင်ရွက်‌နေစဉ် အတောအတွင်း နားထောင်ခြင်းကိုတော့ ရှောင်ကြဉ်ဖို့လိုပါတယ်။❌❌❌

2. Sacral Chakra Affirmations ဆွာဒိသန စက္ကရ (သိုမဟုတ်) လိင်ချက္ကရ - (Svādhiṣṭhāna Cakra or Sacral Chakra)လိင်ချက္ကရ (Sacral Chakra) ဟာ ချက် အောက်ဘက် ဆီးခုံနေရာနားမှာ တည်ရှိ...