Nature Classroom သဘာဝ စာသင်ခန်း

ဒီ့ထက် အလုပ်ရှုပ်တဲ့သူတောင်
ဒီလောက် အလုပ်မရှုပ်ဘူး
တကယ့်ကို အလုပ်ရှုပ်ကြတဲ့ လူကလေးတွေရယ်ပါ

"ရထား မောင်းမယ် ရထား
ဟာ ရထားကြီး ပျက်သွားပြီ
ဆင်းကြ ဆင်းကြ
ရထား ပူနေပြီ ယပ်တောင်နဲ့ ခပ်"

ကီးဘုတ်အဟောင်းကြီးတွေခမြာ သူတို့လက်ထဲရောက်သွားတိုင်း သူတို့ပြုသမျှနုရတော့တာ
ဖြစ်လိုက်ဦးဟဲ့ ချောကလက်စက်
ဖြစ်လိုက်ဦးဟဲ့ အသက်ကယ်စက်
ဖြစ်လိုက်ဦးဟဲ့ လက်မှတ်ထုတ်စက်
ဖြစ်လိုက်ဦးဟဲ့ ပိုက်ဆံထုတ်စက်
စိတ်ကူးနဲ့ လက်တွေ့ တသားထဲကျတဲ့ လူကလေးတွေ ခိုင်းရာလုပ်ရတော့တာ

ပိုးဟတ်က သေသွားတော့ ပုရွတ်ဆိတ်အစာဖြစ်သွားတာပေါ့နော်ဆိုပြီး သဘာဝ လောကကြီးကို လေးလေးနက်နက်မြင်သူရယ်၊ ကျောက်ခဲ ဘာအရသာရှိလဲ ပါးစပ်ထဲ ငုံကြည့်တဲ့သူရယ်
သစ်ပင်စားလိုက်ဦးမယ် ဆိုပြီး သရက်ရွက်တွေ တက် ခူးစားသူရယ်

တတ်လဲတတ်နိုင်တဲ့ လူကလေးတွေရယ်ပါ

Q - ဘာကျောင်းလဲ
A - ဒန်း ၇ စီး နဲ့ ကျောင်း 😅

မီးထွန်းပွဲမှာ အပျော်လွန်ပြီး တီချယ်တွေ ဘယ်သူမှ ဓာတ်ပုံမရိုက်လိုက်မိကြပါဘူး 😅
သတိတရ ရိုက်ပြီးပို့ပေးတဲ့ မိဘတွေကိုသာ
ကျေးဇူးအထူးပါလို့

၂၀၂၅ အောက်တိုဘာ ၅ ရက် World Teachers' Day မှာ ကလေးများအတွက် တစ်ရာ ရာခိုင်နှုန်းထက် အမြဲပိုပေးစွမ်းနိုင်အောင် စိတ်ရောနှလုံးပါ အပြည့်အဝ အားထုတ်ပေးနေသော သဘာဝ စာသင်ခန်းမှ ဆရာ ဆရာမများကို အမှတ်တရ ပုံရိပ်လေးတွေကနေတဆင့် ဂါရဝပြုပါတယ် 🙏

ပြီးခဲ့တဲ့ ဥပုဒ်နေ့က စပြီး သဘာဝ စာသင်ခန်း ကလေးအကြီးတွေနဲ့ ဝါတွင်းကာလအတွက် ကန်တော်ကြီးမှာ camp စပြီး ချဖြစ်ပါတယ်။
လပေါင်းများစွာ တည်ဆောက်ထားတဲ့ Non-judgemental community လေးကို သိသာထင်ရှား မြင်ခွင့်ရတဲ့နေ့လို့ ဆိုရပါမယ်။
သဘာဝ စာသင်ခန်းမှာ ရေရှည်တက်ရောက်နေတဲ့ ကလေးတွေမှာ ကိုယ်စိတ်နှစ်ပါးကြံ့ကြံ့ခံနိုင်လာကြတာ အားရစရာ တွေ့ရတဲ့အပြင်၊ Risk management အန္တရာယ်နဲ့ထိတွေ့ရာမှာ ကိုယ်တိုင်ပါဝင် စံမံနိုင်မှုကိုပါ တွဲလျှက်တွေ့ရတာ ကျေနပ်စရာကောင်းလှပါတယ်။
ဒီလိုကျယ်ဝန်းစိမ်းစိုတဲ့ Wider space ဟာ ကိုယ့်ကလေးတွေအတွက် အထူးလိုအပ်နေတာ သတိပြုမိတာမို့၊ ဝါတွင်းကျော်သွားသော်ငြား အပတ်စဥ်ပုံမှန်သွားခွင့်ရအောင် ကြိုးစားပါ့မယ်။

စိတ်ဝင်တစား ချည်ထိုးနေတဲ့အဖွဲ့ရယ်၊ အမိုးတွေထိနယ်ချဲ့လာတဲ့ အမြင့်တက်သူများအဖွဲ့ရယ်၊ သစ်ပင်ကနေ အပေါ်ထပ်အဆောင်ကို ကူးဖို့ကြိုးစားနေတဲ့ သမီးရယ်၊ "ပိန်းကြာရွက်ပေါ်ရေမတင်" ဆိုတဲ့ စကားကို လက်တွေ့စမ်းသပ်ကြည့်နေတဲ့ ကလေးတစ်စုရယ်၊ အငယ်တန်းမှာ အရိုက်ကျင့်ထားတဲ့ log တုံးထဲက သံတွေကို စိတ်ပါလက်ပါပြန်နှုတ်ပေးနေတဲ့ သမီးရယ်၊ အသီးသီး အလုပ်ရှုပ်နေကြသော သဘာဝ စာသင်ခန်း။ 🌻🌳🌿

"The need for imagination, a sense of truth, and a feeling of responsibility—these three forces are the very nerve of education." _ Rudolf Steiner

🌻 Busy little bees engaging their hands, hearts, and minds! From woodworking to gardening and muddy adventures, the learning is endless. 🌻

.