11/06/2022
တက္ကသိုလ်ဝင်စာမေးပွဲအောင်စာရင်းများကို ဇွန်လ ၁၂ ရက်အစား ဇွန်လ ၁၈ ရက်မှသာ ထုတ်ပြန်ကြေညာမည်။
11/06/2022 17:50
မျိုးကြီး (NP News) - ဇွန် ၁၁
၂ဝ၂၁-၂ဝ၂၂ ခုနှစ်တက္ကသိုလ်ဝင်စာမေးပွဲအောင်စာရင်းများကို ယခုဇွန် လ ၁၂ ရက်အစား ဇွန်လ ၁၈ ရက်မှသာ ထုတ်ပြန်ကြေညာသွားမည်ဖြစ် ကြောင်း ပညာရေးဝန်ထမ်းအသိုင်းအဝိုင်းက NP News ကိုပြောသည်။
ယခင်က တက္ကသိုလ်ဝင်စာမေးပွဲ အောင်စာရင်းများကို ဇွန်လ ၁၂ ရက်တွင်ထုတ်ပြန်ကြေညာ သွားရန် စီစဉ်ထားခြင်းဖြစ်သည်။
“အရင်က ဇွန်လ ၁၂ ရက်နေ့ကို အောင်စာရင်းတွေ ကြေညာဖို့ လုပ်ထားတာပေါ့။ အခုတော့ ၁၈ ရက်နေ့ ပြောင်းသွားတယ်။ ဘာဖြစ်လို့ ဇွန်လ ၁၈ ရက်နေ့ကို ပြောင်းလဲတော့ မသိဘူး” ပညာရေးဝန်ထမ်းအဖြစ် တာ ဝန်ထမ်းဆောင်နေသူတစ်ဦးက ပြောသည်။
စာမေးပွဲအောင်စာရင်းများကို ကျောင်းများတွင် ကပ်ထားကြေညာပေးမည့်အပြင် ပညာရေးဝန်ကြီးဌာန၊ မြန်မာနိုင်ငံစာစစ် ဦးစီးဌာန၏ ဝက်ဆိုဒ်တစ်ခုဖြစ်သော
https://www.myanmarexam.org/index.html
တွင်လည်း ကြေညာပေးသွားမည် ဖြစ်ကြောင်းသိရသည်။
၂ဝ၂၁-၂ဝ၂၂ ခုနှစ်တက္ကသိုလ်ဝင်စာမေးပွဲကို တစ်နိုင်ငံလုံးရှိ အခြေခံပညာ အထက်တန်းကျောင်းများတွင် ပြီးခဲ့သော မတ်လ ၃၁ ရက်မှစ၍ ဧပြီလ ၉ ရက်အထိ ကျင်းပခဲ့ပြီး ကျောင်းသားဦးရေ နှစ်သိန်းကျော်ဝင်ရောက် ဖြေဆိုခဲ့သည်။
အဆိုပါတက္ကသိုလ်ဝင်စာမေးပွဲကို နိုင်ငံခြားစာစစ်ဌာန ၂ဝ ခုနှင့် ပြည် တွင်းစာစစ်ဌာန ၁၂၃၈ ခု စုစုပေါင်း ၁၂၅၈ ခုဖြင့် ဖွင့်လှစ်ကျင်းပခဲ့ခြင်းဖြစ်သည်။
စာမေးပွဲတွင် မြန်မာဘာသာရပ်ဖြေဆိုသူ ၂၈၁၇၄၁ ဦး၊ အင်္ဂလိပ်ဘာသာရပ်ဖြေဆိုသူ ၂၈၁၃၉၇ ဦး၊
သင်္ချာဘာသာ ရပ်ဖြေဆိုသူ ၂၈၁၂၄၉ ဦး ၊ ဓာတုဗေဒဘာသာရပ်ဖြေဆိုသူ ၂၂၇၇၄၆ ဦး၊ ရူပဗေဒဘာသာရပ်ဖြေဆိုသူ ၂၂၇၆၈၂ ဦး၊ ဇီဝဗေဒဘာသာရပ်ကို လာရောက်ဖြေဆိုသူဦးရေမှာ ၆၉၅၈၅ ဦး၊ ဘောဂဒေဗဘာသာရပ်ဖြေဆိုသူ ၂ဝ၉၃၉၃ ဦး၊
ပထဝီ ဘာသာရပ်ဖြေဆိုသူ ၅၄၇၄၃ ဦးနှင့် သမိုင်းဘာသာရပ်ဖြေဆိုသူ ၅၃၇၃၈ ဦးရှိပြီး စိတ်ကြိုက်မြန်မာစာ ဘာသာရပ်ဖြေဆိုသူ ၃ ဦးရှိကြောင်း သိရသည်။
လတ်တလောအခြေအနေတွင် စာသင်ကျောင်းများကို ဗုံးခွဲတိုက်ခိုက်မည်ဟု ခြိမ်းခြောက်ပြောဆိုမှုများရှိသကဲ့သို့ စာသင်ကျောင်းအချို့၌ ဗုံးကွဲသည့်ဖြစ်စဉ်များလည်း ရှိနေသည်ကို တွေ့ရှိရသည်။
Sources. NP News
Photo. Crd
07/06/2022
27/03/2022
17/03/2022
09/03/2022
20/02/2022
03/01/2022
29/12/2021