Thuta Gabar Mathematics online Class

ကျေးဇူးတင်စကား ပြောတတ်စေချင်
-------------------------------------------------------
တွတ်တီးတွတ်တာ တီတီတာတာ စကားလေးတွေ ပြောတတ်ခါစအရွယ်ဟာ ကလေးတစ်ယောက်အတွက် ချစ်စရာအကောင်းဆုံး အချိန်ပါ။

သားသားမီးမီးတို့ ပြောသမျှ ဆိုသမျှ ဖေဖေမေမေတို့ကလည်း ကြားလို့မဝနိုင်၊ ကျေနပ်လို့ မဆုံးနိုင်အောင်ပါပဲ။

ကလေးတို့ရဲ့ နှုတ်ထွက်စကားလေးတွေ အမြဲချစ်စရာကောင်းနေအောင် သင်ကြားပေးဖို့ကတော့ မိဘတွေရဲ့ တာဝန်တစ်ခုပဲ ဖြစ်ပါတယ်။

စကားပြောတတ်ခါစအရွယ်မှာ သင်ကြားပေးရမယ့် အရာတွေက အများကြီးပါ။ အခေါ်အဝေါ်တွေ၊ အသုံးအနှုန်းတွေ၊ စကားလုံး အသစ်တွေ သင်ကြားပေးရသလို မပြောသင့်တာတွေ မပြောမိအောင်၊ ပြောသင့်တာတွေ ပြောဖြစ်အောင်လည်း လေ့ကျင့်ပေးရပါသေးတယ်။

အော်မပြောဖို့၊ လူကြီးစကားပြောနေရင် ဖြတ်မပြောဖို့၊ ရိုင်းစိုင်းတဲ့စကားတွေ မသုံးဖို့၊ မဆဲဖို့ စည်းကမ်းတွေ ထုတ်ရပါတယ်။ နှုတ်ဆက်စကား ဖွယ်ဖွယ်ရာရာ ပြောတတ်ဖို့၊ တောင်းပန်စကား ရဲရဲဝံ့ဝံ့ပြောတတ်ဖို့၊ ကျေးဇူးတင်စကား မမေ့မလျော့ပြောတတ်ဖို့ စသဖြင့် ယဉ်ယဉ်ကျေးကျေး စကားတွေ ဆိုတတ်ဖို့ကိုလည်း သတိတရ သင်ပေးရပါသေးတယ်။

တကယ်တော့ ကျေးဇူးတင်စကားကို ယဉ်ကျေးဖို့ပြောတယ်ဆိုတာမျိုးထက် ကျေးဇူးတရားကို တကယ် တန်ဖိုးထားပြီး ပြောတာမျိုးပဲ ဖြစ်သင့်ပါတယ်။ ကျေးဇူးတင်စကားတောင် မပြောတတ်တဲ့ ကလေးကတော့ ကျေးဇူးတင်ရကောင်းမှန်း ဘယ်တော့မှ သိမှာမဟုတ်ပါဘူး။

ကျေးဇူးတင်တယ်ဆိုတာ သူများက တစ်ခုခုလုပ်ပေးတာကို အသိအမှတ်ပြုတဲ့သဘောပါ။ သူလုပ်ပေးတဲ့ တစ်ခုခုက ကိုယ်လိုချင်တဲ့အတိုင်း မဟုတ်ခဲ့ရင်တောင် ကိုယ့်အတွက်လုပ်ပေးတာ ဖြစ်တဲ့အတွက် ကျေးဇူးတင်ရပါမယ်။

ကိုယ့်အကူအညီကို အသိအမှတ်ပြုခံရတာ ဘယ်လောက် ကြည်နူးစရာကောင်းကြောင်း ကလေး နားလည်ခံစားတတ်အောင် ရှင်းပြပေးပါ။ မသိချင်ယောင် ဆောင်ခံရရင်၊ လျစ်လျူရှုခံရရင်၊ ဝမ်းနည်း ကြေကွဲစရာကောင်းတဲ့အကြောင်းလည်း ကလေးကို ပြောပြရပါမယ်။

ကလေးအသက် တစ်နှစ်ခွဲလောက်ကစပြီး ကျေးဇူးတင်စကား စသင်ပေးလို့ရပါပြီ။ အမိန့်ပေးပြီး အတင်းစေခိုင်းတာထက်စာရင်၊ မိဘကိုယ်တိုင် လုပ်ပြတာက အထိရောက်ဆုံး သင်ကြားနည်းပါပဲ။ ကလေးတွေက အသုံးအနှုန်းတစ်ခုကို ခဏခဏ ကြားနေရမှ မှတ်မိပြီး ပြန်သုံးတတ်တာပါ။ ဖေဖေမေမေတွေကိုယ်တိုင် ကျေးဇူးတင်စကားပြောတဲ့ အလေ့အထ လုပ်သင့်ပါတယ်။

ကလေးကိုလည်း အကျင့်ပါသွားအောင် အမြဲ သတိတရ ပြောခိုင်းရပါမယ်။
❤ မူကြိုကပြန်ရင် ဆရာမကို ကျေးဇူးတင်စကား ပြောခိုင်းပါ။
❤အိမ်လည်သွားရင်လည်း အိမ်ရှင်ကို ကျေးဇူးတင်စကား ပြောခိုင်းပါ။
❤ကလေးထိန်းမမကိုလည်း ကျေးဇူးတင်စကား ပြောခိုင်းပါ။
❤ဘိုးဘိုးဘွားဘွားက တစ်ခုခု လုပ်ပေးတိုင်းလည်း ကျေးဇူးတင်စကား ပြောခိုင်းပါ။
❤တက္ကစီမောင်းသူ၊ အရောင်းဝန်ထမ်း၊ စားပွဲထိုး၊ ဂိတ်စောင့်၊ ထမင်းချက် စသဖြင့် တစ်နေ့တာ ပတ်သက်ရတဲ့သူတွေထဲမှာ ကျေးဇူးတင်စကား ပြောသင့်သူတွေ အများကြီးပါ။
❤Pretend play တွေ ကစားတဲ့အခါမှာလည်း ကျေးဇူးတင်စကား ပြောတဲ့အကျင့်လုပ်ပါ။
❤ညအိပ်ခါနီး မိသားစု စုဝေးပြီး ကျေးဇူးတင်စရာတွေ ပြန်ပြောတာမျိုးကလည်း အလေ့အကျင့် ကောင်းပါပဲ။
❤ကျေးဇူးတင်တဲ့ အထိမ်းအမှတ်စာလေးတွေ၊ ပို့စ်ကဒ်လေးတွေ လုပ်ပြီးပို့တဲ့ အကျင့်မျိုးကိုလည်း ကလေးနဲ့အတူတူ လုပ်ကြည့်ပါ။
❤ ကလေးက စာမရေးတတ်သေးခင်မှာ ပုံလေးတွေ၊ အသည်းပုံလေးတွေဆွဲပြီး ကျေးဇူးတင်ခိုင်းလို့ ရပါတယ်။

မိဘတွေကလည်း ကလေးကို ကျေးဇူးတင်စကား ပြန်ပြောပေးဖို့ လိုပါတယ်။
ကလေးက
●အိမ်အလုပ်တွေ ကူလုပ်ပေးတဲ့အခါ၊
●အငယ်လေးတွေကို ထိန်းပေးတဲ့အခါ၊
●အဆင်မပြေတာ တစ်ခုခုကို နားလည်သိတတ်ပေးတဲ့ အခါမျိုးတွေမှာ
ကလေးကို အသိအမှတ်ပြု ကျေးဇူးတင်စကား ပြန်ပြောသင့်ပါတယ်။

ကျေးဇူးတင်စကား သင်တဲ့အခါ ကလေးရဲ့ အသက်အရွယ်အလိုက် အဆင့်တက်ပြီး ပြောခိုင်းရပါမယ်။
➡️ ပထမဆုံး ကျေးဇူးတင်ပါတယ်လို့ ပြောတတ်အောင် သင်ပေးပါ။
➡️နောက်တစ်ဆင့်ကတော့ နာမည်တပ်ပြီး ပြောခိုင်းပါ ('မမကို ကျေးဇူးတင်ပါတယ်')။
➡️အကြောင်းပြချက်ပါ ထည့်ပြောနိုင်ရင်တော့ အကောင်းဆုံးပါပဲ ('သားသား ဘောလုံးကို ကောက်ပေးလို့ မမကို ကျေးဇူးတင်ပါတယ်')။
➡️ကျေးဇူးတင်စကား ပြောတဲ့အခါ မျက်လုံးချင်းဆုံပြီး၊ ပီပီသသ လေးလေးနက်နက် ပြောခိုင်းရပါမယ်။ ➡️ရှက်ကိုးရှက်ကန်း ဗလုံးဗထွေး မပြောချင် ပြောချင် ပြောတာမျိုး မဖြစ်စေရပါဘူး။
➡️ ချိုချိုသာသာ ရွှင်ရွှင်ပြပြ ပြောတတ်ရင်တော့ အဆင်ပြေဆုံးပါပဲ။

ဘယ်အချိန်တွေမှာ ကျေးဇူးတင်စကား ပြောရမလဲ ဆိုတာလည်း လမ်းညွှန်ပေးသင့်ပါတယ်။
■တစ်ယောက်ယောက်က ကူညီတဲ့အခါ၊
■အခွင့်အရေးတစ်ခုခု ပေးတဲ့အခါ၊
■လက်ဆောင်ပေးတဲ့အခါ၊
■အကြံပေးတဲ့အခါ၊
■ ကိုယ့်ခံစားမှုတွေကို မျှဝေခံစားပေးတဲ့အခါ၊
■ကိုယ့်အပြစ်တွေကို စိတ်ရှည်သည်းခံ ခွင့်လွှတ်ပေးတဲ့အခါ၊■ ချီးကျူးပေးတဲ့အခါ၊
■အကောင်းမြင်ပေးတဲ့အခါ၊
■ ကြင်ကြင်နာနာ ဂရုစိုက်ပေးတဲ့အခါတွေမှာ ပြောသင့်ပါတယ်။

ကျေးဇူးတင်စကားက ကလေးရဲ့ ရင့်ကျက်မှုနဲ့၊ ယဉ်ကျေးမှုကို ရောင်ပြန်ဟပ်ပါတယ်။
ကျေးဇူးတင်စကား ပြောလေ့ရှိတဲ့ ကလေးတွေက ကျေးဇူးသိတတ်ပါတယ်။
သူများကို လေးစားတတ်ပါတယ်။
အသိအမှတ်ပြုတတ်ပါတယ်။
ဒါကြောင့် သူများရဲ့ အကူအညီကိုလည်း ပိုရလေ့ရှိပါတယ်။

ဒီနေ့ကစပြီး သားသားမီးမီးတို့ကို ကျေးဇူးတင်တတ်အောင်၊ ကျေးဇူးတင်စကား ပြောတတ်အောင် လေ့ကျင့်ပေးကြပါစို့နော်။

ဒေါက်တာမေမွန်
7 Oct 2021

ပုံပြင်စာအုပ် နှင့် Audi များ

တကယ်နားလည်မှ သင်ကြပါ
----------------------------
အိန္ဒိယနိုင်ငံတွင်ဖြစ်သည်

သမီးလေးကို မိခင်ဖြစ်သူက တစ်လမ်းလုံး သင်လာသည်

“သမီး … မေးရင် ကောင်းကောင်းဖြေနော် … ရိုရိုသေသေဖြေနော်”

“ဟုတ်ကဲ့ပါ မာမီ”

သူတို့သားအမိနှစ်ယောက် မူလတန်းကျောင်းကို လာနေခြင်းဖြစ်သည်။ ထိုကျောင်းသည် နာမည်ကြီး ကျောင်း တစ်ကျောင်းဖြစ်ပြီး မူလတန်းကတည်းက ဝင်ခွင့်ကို သေချာစွာ စစ်ဆေးပြီးမှ လက်ခံလေ့ရှိသည်။ ယနေ့ မူလတန်းဝင်ခွင့်အတွက် ကျောင်းအုပ်ဆရာမကြီးကိုယ်တိုင် ကလေးများကို လူတွေ့စစ်ဆေးသည့်အနေဖြင့် အင်တာဗျူးမည်ဖြစ်သည်။

မိဘတွေအားလုံး စိုးရိမ်သောကရောက်နေကြသည်။ ကျောင်းကောင်းဖြစ်သဖြင့် ဝင်ရောက်ခွင့်မရမည်ကို စိုးရိမ် ခြင်းထက် ကျောင်းအုပ်ကြီးနှင့်အဖွဲ့၏ အင်တာဗျူးကို မကျော်နိုင်မည်အား ပိုပြီးစိုးရိမ်နေကြသည်။

ကျောင်းအုပ်ကြီးရုံးခန်းအပြင်တွင် မိဘများနှင့်ကလေးများ တန်းစီကာ ထိုင်နေကြသည်။ တစ်ယောက်ခြင်း ခေါ်တွေ့သည်။ မိဘတစ်ဦးစီလည်း လိုက်ဝင်ခွင့်ရှိသည်။

စောစောက ကားပေါ်မှ သားအမိနှစ်ယောက် အလှည့်ရောက်လာသည်။ ရုံးခန်းထဲသို့ဝင်လာသော ကလေးကို ဆရာမကြီးနှင့် မျက်နှာချင်းဆိုင်တွင် နေရာယူစေသည်။ မိခင်ကတော့ အဝေးရှိ ထိုင်ခုံတွင် ထိုင်နေရသည်။

ကျောင်းအုပ်ကြီးက စမေးသည်

“သမီးလေးနာမည်က ဘယ်လိုခေါ်သလဲ”

ကလေးကဖြေသည်

“သီတာ”

“သမီးလေးက ဒီကျောင်းမှာနေချင်လား”

“ဟုတ်ကဲ့”

“ဒီကျောင်းမှာ ကလေးတိုင်းကို လက်မခံဘူးနော် … သမီးလေးသိလား”

“ဟုတ်ကဲ့”

“သမီးဘာတွေ သိလဲကွယ် … ဆရာမကြီးကို ပြောပြပါလား”

ကလေးက တွေသွားပြီး ကျောင်းအုပ်ကို ပြန်ပြီး မေးခွန်းထုတ်သည်

“သိတာတွေကတော့ အများကြီးပါ … ဆရာမကြီးက ဘာကို သိချင်တာလဲရှင့်”

မိခင်ဖြစ်သူက

“သမီး” ဟုအော်လိုက်ရာ ဆရာမကြီးက လက်ပြလိုက်ပြီး ဘာမျှဝင်မပြောရန် တားလိုက်သည်။

“ဒီလိုလေ သမီးရယ် … ဆရာမကြီးကို ကဗျာဖြစ်ဖြစ် ပုံပြင်ဖြစ်ဖြစ် တစ်ခုခုလောက် သမီးသိတာ ပြောပါလား”

“ကဗျာဆိုလည်းကဗျာ … ပုံပြင်ဆိုလည်းပုံပြင် တိတိကျကျပြောပါလား … ဆရာမကြီးက ဘာကိုသိချင် တာလဲရှင့်”

အဖွဲ့ကလည်း ပြုံးကြသည်။

“ဪ … အေး … အေး … ပုံပြင်လေးတစ်ပုဒ်လောက် ပြောပြပါလား”

“ဘယ်လိုပုံပြင်မျိုး နားထောင်ချင်တာလဲရှင် … သမီးဖတ်ဖူးတဲ့ ပုံပြင်လား … ကိုယ်တိုင်ရေးထားတဲ့ ပုံပြင်လား”

“အို … သမီးက ပုံပြင်လည်း ရေးတယ်လား”

“ပုံပြင်မရေးရဘူးလားရှင်”

“မဟုတ်ပါဘူးကွယ် … သမီးရေးထားတဲ့ ပုံပြင်လေး နားထောင်ချင်လို့ပါ … ပြောပြပါဦး”

“ဟိုးရှေးရှေးတုန်းက ရာဝဏက သီတာဆိုတဲ့ မင်းသမီးလေးကို ခိုးပြေးပြီးတော့ သီရိလင်္ကာကို ခေါ်သွားတယ်။ ရာမက သီတာမင်းသမီးလေးကို ကယ်ပေးဖို့ ဟာနုမာန်ဆီ အကူအညီတောင်းတယ်။ ဟာနုမာန်ကလည်း ကူညီမယ်ပေါ့”

ဆရာမကြီးက ကလေးကို အားပေးသည့် အနေဖြင့်

“ဆက်ပြောလေ သမီး ဆက်ပြော”

“အဲဒီတော့ ဟာနုမာန်က သူ့သူငယ်ချင်း စပိုင်ဒါမင်းကို အကူအညီလှမ်းတောင်းတာပေါ့”

ဆရာမကြီးက လုံးဝမျှော်လင့်မထားသော ဇာတ်လမ်းဖြစ်နေသောကြောင့် မျက်လုံးပြူးသွားသည်။ မိခင်က မျက်စိမျက်နှာပျက်နေသည်။

“ဘာဖြစ်လို့ စပိုင်ဒါမင်းကို အကူအညီတောင်းရတာလဲကွယ်”

“ဆရာမကြီး … အိန္ဒိယနဲ့ သီရိလင်္ကာကြားမှာ တောင်တွေက အများကြီးလေ … စပိုင်ဒါမင်းကို ခေါ်မှ မြန်မြန် ရောက်မှပေါ့”

“ဟာနုမာန်ကလည်း ပျံနိုင်တာပဲ မဟုတ်လားကွယ်”

“ဟာ ဆရာမကြီးကလည်း ဟာနုမာန်က လက်တစ်ဖက်မှာ တောင်တစ်လုံးကို ကိုင်ထားရသေးတာ ဘယ်မြန်မြန် ပျံနိုင်မှာလဲလို့”

ဆရာမကြီးက မျက်လုံးပြူးကာ ဘာပြောရမှန်းမသိ။ ကလေးက အကဲခတ်လိုက်ပြီး

“သမီးဆက်ပြောရမှာလား”

“ဪ ဆက်ပြောပါကွယ် … ဆက်ပြောပါ”

“ဟာနုမာန်နဲ့ စပိုင်ဒါမင်းနှစ်ယောက် သီရိလင်္ကာကို ရောက်သွားကြတယ် … ပြီးတော့ သီတာကို ကယ်လာတာပေါ့ … သီတာကလည်း နှစ်ယောက်စလုံးကို ကျေးဇူးတင်ပါတယ်လို့ ပြောလိုက်တယ်”

“ဘာဖြစ်လို့လဲကွယ်”

“ဆရာမကြီးကလည်း တစ်ယောက်ကို တစ်ယောက်က ကယ်တင်တယ်ဆိုရင် ကျေးဇူးတင်ပါတယ်လို့ ပြောရ တယ်လေ”

“ဪ … ဆက်ပါဦး သမီးရယ်”

“အဲဒီ အချိန်မှာ သီတာက ဟာနုမာန်ကိုပြောတယ် … ဟော့ခ်ကို ခေါ်ပေးပါတဲ့”

ကလေးကြိုက် လူစွမ်းကောင်း ဟော့ခ်လည်း ပါလာသဖြင့် ဆရာမကြီးက အံ့ဩကာ

“ဘာကြောင့် ဟော့ခ်ကို ခေါ်ခိုင်းတာလဲကွယ်”

“ဆရာမကြီး ဟာနုမာန်က လက်တစ်ဖက်မှာ တောင်တစ်လုံးကို ကိုင်ထားရတယ် … လက်တစ်ဖက်မှာလည်း ဒဏ်ရာနည်းနည်းရသွားတဲ့ စပိုင်ဒါမင်းကို ပိုက်ထားရတယ် … သီတာကို ဘယ်လို ခေါ်သွားနိုင်မှာလဲ”

ဆရာမကြီးနှင့် စစ်ဆေးသည့်အဖွဲ့ဝင်တွေက အားရပါးရ ရယ်လိုက်ကြသည်။
သမီးလေးက ဆက်ပြောသည်

“သူတို့အားလုံး အိန္ဒိယကို ပြန်ရောက်လာတော့ သမီးသူငယ်ချင်း အက်ရှေးနဲ့ လာတွေ့ကြတယ် သိလား”

“ဟုတ်လား … အက်ရှေးက ဘယ်လို ပါလာရတာလဲ”

“ဆရာမကြီးကလည်း ဒါသမီးပုံပြင်လေ … သမီးထည့်ချင်တဲ့သူထည့်မှာပေါ့”

“ဆက်ပါဦးကွယ်”

“သူတို့ အိန္ဒိယကိုရောက်တော့ ဘန်ဂလောမြို့က ဘတ်စ်ကားဂိတ်မှာ ဆင်းလိုက်ကြတယ်”

“ဘာဖြစ်လို့ ဘတ်စ်ကားဂိတ်မှာ ဆင်းလိုက်တာလဲ”

“သူတို့ အိန္ဒိယက လမ်းတွေကို မသိဘူးလေ။ ဘတ်စ်ကားဂိတ်မှာ ဆင်းပြီး ဘတ်စ်ကားစီးသွားဖို့ ဟော့ခ်က အကြံပေးတာ … ဒီလိုနဲ့ နောက်ဆုံးတော့ သူတို့ဘတ်စ်ကားစီးပြီး မော်စဝါရမ် ၅ လမ်းကို ရောက်လာပြီး သီတာကို ထားခဲ့ကြတယ် … သမီးဇာတ်လမ်းပြီးပြီ”

“နေပါဦးကွယ် မော်စဝါရမ် ၅ လမ်းကို ဘာဖြစ်လို့ သီတာကို သွားပို့ကြတာလဲ”

“အဲဒါ သီတာနေတဲ့ အိမ်လေ … သမီးအိမ်ပေါ့”

ဆရာမကြီးနှင့် စစ်ဆေးရေးအဖွဲ့ဝင်များသည် သဘောကျလွန်းသောကြောင့် ကလေးကို ဝင်ခွင့်ပြုရုံမက ဆရာမကြီးက သီတာလေးကို အရုပ်တစ်ရုပ်ပင် လက်ဆောင်ပေးလိုက်သေးသည်။

မြန်မာနိုင်ငံမှ လူကြီးမင်းများ

ထိုသို့သော ကလေးမျိုးကို တွေ့ပါလျှင် မည်သို့ အကဲဖြတ်ကြမည်နည်း။

လျှာရှည်သည့်ကလေးဆိုကာ ငေါက်ထုတ်မည်လော။

ကလေးဆိုသည်မျိုးသည် ပျံသန်းချင်သည်။ သူတို့စိတ်ကူးနှင့် လွတ်လပ်စွာ တွေးကာ ပျံသန်းလိုကြသည်။ သူတို့ စိတ်ကူးထဲတွင် သူတို့ပုံဖော်ထားသော ဇာတ်ကောင်များ၊ ဇာတ်လမ်းများ၊ အတွေးများ၊ ဆန္ဒများ ရှိနေပြီးသား ဖြစ်သည်။ သူတို့ကို လွတ်လပ်စွာ ပျံသန်းခွင့်ပေးနိုင်မှ သူတို့တီထွင်ဖန်တီးနိုင်စွမ်းတွေက ပိုပြီးပေါ်လွင် လာတတ်သည်။ ကလေးတွေကို သင်းသတ်သလို မပြုသင့်ပါ။

ထို့ကြောင့်

ကလေးကို လျှာမရှည်နဲ့ဟု စိန်ခေါ်မည်လော

ဆက်ပြောပါဦးဟု လမ်းကြောင်းဖွင့်ပေးမည်လော။

ကလေးကို နားလည်မှ၊ ကလေးအကြောင်းသိမှ ကလေးကို ဆရာလုပ်ကြစေချင်သည်။

(School Admission Interview ကို မြန်မာမှုပြုပါသည်)

တင်ညွန့်

၉.၁..၂၀၂၂

၁ မိနစ်မှာ ဘာဖြစ်လို့ စက္ကန့် ၆၀ ရှိသလဲ ❓

ငယ်ငယ်ကတည်းက သိလာတဲ့အသိတစ်ခုက
စက္ကန့် (၆၀) ဟာ ၁ မိနစ် ဖြစ်ပြီး
မိနစ် (၆၀) ဟာ ၁ နာရီဖြစ်ပါတယ်။

ဘာ့ကြောင့် ၆၀ ဖြစ်သလဲ..?
ဘာ့ကြောင့် ၁၀၀ မဖြစ်တာလဲ..? စသည်ဖြင့်
စဉ်းစားကြည့်ဖူးကြမည် ထင်ပါတယ်။

စဉ်းစားတတ်တဲ့ကျောင်းသားကမေးတဲ့အခါ..
ဆရာတို့ ဘယ်လိုဖြေကြမလဲ..?

အခုလို (၆၀) ကို အခြေထားပြီး တွက်တဲ့စနစ်ဟာ
ခရစ်တော်မပေါ်မီ ၃၅၀၀ ခုနှစ် (BC 3500)
ကတည်းက ဆူမားရီးယမ်း လူမျိုးတွေ စတင်
အသုံးပြုခဲ့တဲ့ စနစ်ဖြစ်ပါတယ်။

စက်ဝိုင်းတို့ တြိဂံတို့ဟာ (၆၀) နဲ့ တွက်လို့ရသော ပုံစံများဖြစ်ပါတယ်။
ဒီစနစ်ကို ဘေဘီလိုနီယန်း (ဘေဘီလုံ)တွေက
ဆက်လက် ကျင့်သုံးခဲ့ပြီး
သင်္ချာပညာ နဲ့ နက္ခတ္တဗေဒ ပညာရပ်များမှာ
အသုံးချခဲ့ကြပါတယ်။

(၆၀) ကို အခြေယူတဲ့ နည်းစနစ်ကို စက်စီဂျက်စီမယ် (sexagesimal) လို့ခေါ်ပါတယ်။
ရှေးအခါက နေ့ နှင့် ည အချိန်များကို
နေ နာရီ၊ ကြယ်တာရာ များကိုကြည့်ပြီး
တွက်ခဲ့ကြတာဖြစ်ပါတယ်။

နေ့ နှင့်ည ကို ၂၄ နာရီအဖြစ် စတင်သတ်မှတ်တာကတော့ ရှေး အီဂျစ်များ ဖြစ်ပါတယ်။
နေနာရီိရဲ့ အရိပ်ကိုကြည့်ပြီး
နေ့ (၁၀) နာရီ အဖြစ်သတ်မှတ်ကာ
မိုးသောက်ချိန် ၁ နာရီ၊ ညနေ ၁ နာရီ ရှေ့နောက်ထည့်ပေါင်းပါတယ်။
ညကတော့ ကြယ်တာရာတွေကို ကြည့်ပြီး
၁၂ နာရီအဖြစ် သတ်မှတ်ပါတယ်။

စုစုပေါင်း ၂၄ နာရီပါ။ sexagesimal (၆) နဲ့ စားလို့ ပြတ်တဲ့ ဂဏန်းတွေပါပဲ။

စက္ကန့် (၆၀) ကို ၁ မိနစ်လို့ စပြီး သတ်မှတ်ခေါ်ဆိုခဲ့တာကတော့ ဂရိ နက္ခတ်ပညာရှင် Hipparchus ဖြစ်ပါတယ်
၁ နာရီကို sexagesimal သင်္ချာနည်းနဲ့ ၆၀ ပိုင်းလိုက်တာကို “Prime Minute” ပထမပိုင်းသေးလို့ သတ်မှတ်ပါတယ်။

အဲ့ဒီ့ သေးငယ်ခြင်း Minute (မိုင်နျု) ကနေ မိနစ် ဖြစ်လာပါတယ်။
Prime Minute ကို နောက်ထပ် (၆၀) နဲ့ ဆက်ပိုင်းတဲ့အခါ “Second minute” လို့ခေါ်တဲ့ ဒုတိယ အပိုင်း (သေးငယ်ခြင်း) ကို ရပါတယ်။
အဲ့ဒီ့ ဒုတိယ Second ကနေ စက္ကန့် ဖြစ်လာတာ ဖြစ်ပါတယ်။ (Third Minute နဲ့ Fourth Minute တို့လည်း ရှိပါသေးတယ်။)

ကျနော်တို့ သုံးနေတဲ့ နာရီကိုတော့..
၁၆၅၆ မှာ ဒတ်ခ်ျလူမျိုး အာကာသပညာရှင်
ခရစ်ရှန် ဟူဂျင်း (Christiaan Huygens) က စတင်တီထွင် အသုံးပြုခဲ့တာပါ။
ဒါပေမယ့် သူသုံးခဲ့တာ ချိန်သီးပါတဲ့ နာရီမျိုး (Pendulum clock) ဖြစ်ပါတယ်။

နောက်ပိုင်းမှာတော့.. သူ့ရဲ့ နာရီပုံစံဒီဇိုင်းကိုပဲ
တစ်ကမ္ဘာလုံး ပုံစံအမျိုးမျိုးဖြင့် တွင်တွင်ကျယ်ကျယ် အသုံးပြုလာခဲ့ကြတာပဲ ဖြစ်ပါတော့တယ်…။

စာရေးသူ - သန့်ဦး (အာကာသနှင့် စကြဝဠာ သင်ထောက်ကူ)

ဗဟုသုတ ရစေရန်

Maths Olympiad ဆိုတာဘာလဲ?📚📚📚📚📚

သင်္ချာ အိုလံပစ်ကို လေ့လာမယ်ဆိုရင် ကျောင်းသားကျောင်းသူတွေအနေနဲ့ ကျောင်းသင်ခန်းစာတွေသာမက နိုင်ငံတစ်ကာ ပြိုင်ပွဲတွေအထိ ယုံကြည့်ချက်ရှိရှိနဲ့ ယှဥ်ပြိုင်လာနိုင်မယ်

International Maths Olympiad ကိုလေ့လာရင်ဘယ်လိုအကျိုးကျေးဇူးတွေရနိုင်လဲဆိုတော့
ကောင်းကျိုးအချက်၇ ချက်ဖြင့်ရှင်းလင်းပြပါမယ်

1.Test the Understanding of Concepts

Olympiads မှာ ပြိုင်ဘက်ကင်းတဲ့အရည်အသွေး​နဲ့အခြေခံကျသော အယူအဆတွေပေါင်းစပ်ပြီး ခိုင်မာသောအခြေခံအုတ်မြစ်ကို တည်ဆောက်နိုင်စေတယ် Olympiads မှာမေးတဲ့မေးခွန်းတွေဟာ ကျောင်းသားတွေရဲ့ သဘောတရားကို စမ်းသပ်ရုံမက နားလည်တဲ့အ​ကြောင်းအရာတွေပါ ပြန်အသုံးချတတ်အောင်လမ်းညွှန်ပေးပါတယ် အဓိပ္ပါယ်ရှိရှိနည်းလမ်းတကျ တွေးခေါ်တတ်စေပါတယ်

2. Enriches with Analytical and Problem-solving Skills

Maths Olympiad ဟာ လေ့လာသူ၊ ခွဲခြားသိမြင်ခြင်း၊ နှိုင်းယှဉ်ခြင်း၊ အမျိုးအစားခွဲခြင်း၊ ကောက်ချက်ချခြင်း၊ ကိန်းဂဏန်းဆင်ခြင်ခြင်း၊ ပြဿနာဖြေရှင်းခြင်း၊ ခွဲခြမ်းစိတ်ဖြာတွေးခေါ်ခြင်း၊ နားထောင်ခြင်း၊ စကားပြောခြင်း၊ စာဖတ်ခြင်း၊ စာရေးသားခြင်း နှင့် အခြားအရာများကဲ့သို့သော သင်ယူသူ​တွေရဲ့ စွမ်းရည်​တွေ ကို စမ်းသပ်ဖို့ ရည်ရွယ်ပါတယ်

3. Build Confidence Among the Students

ကျောင်းသားကျောင်းသူတွေဟာ
သဘာတရားများကို ရှင်းလင်းပြတ်သားစွာ နှင့် ကျွမ်းကျင်မှုအသစ်များ၏ တန်ဖိုးထားမှုကို တိုးမြှင့်ခြင်းဖြင့် စိန်ခေါ်မှုအသစ်တွေ ကို လက်ခံဖို့ယုံကြည်မှုရှိလာပါတယ်

4. Improve Academic Performance

Olympiads Maths သည် ကျောင်းများတွင် သင်ကြားထားသော သဘောတရားများကို ပိုမိုကောင်းမွန်စွာ နားလည်သဘောပေါက်စေရန် ကူညီပေးတဲ့အပြင် ၎င်းတို့၏ တွေးခေါ်မှုနှင့် သင်ယူမှုလုပ်ငန်းစဉ်များကို ထက်မြက်စေပြီး စွမ်းဆောင်ရည်ကိုလည်း မြှင့်တင်ပေးပါတယ်

5. Stepping Stones for Future Competitive Exams

အိုလံပစ်ပြိုင်ပွဲတွေမှာ ပါဝင်ခြင်းဟာ ကမ္ဘာပေါ်မှာ တည်ရှိနေတဲ့ ပြိုင်ပွဲ​တွေရဲ့မေးခွန်းပိုင်းဆိုင်ရာကိုတွေးတောကြံဆ သိမြင်စေနိုင်ပါတယ် ဒါကိုလေ့လာခြင်းဖြင့် SEAMO, WIMO ...ကဲ့သို့သော ပြိုင်ဆိုင်မှုအဆင့်မြင့်သော စာမေးပွဲများတွင် လေ့လာယှဥ်ပြိုင်နိုင်ပါတယ် ကျောင်းသားများသည် မတူညီသော ဘာသာရပ်များတွင် ၎င်းတို့၏ အားသာချက်နှင့် အားနည်းချက်များကို သိရှိနိုင်သောကြောင့် ၎င်းတို့၏ အသက်မွေးဝမ်းကြောင်းကို ကောင်းမွန်စွာ ကြိုတင်စီစဉ်နိုင်ပါတယ်

6. A Big Platform to Shine

အိုလံပစ်အဖွဲ့အစည်းတွေက ဦးစီးကျင်းပ​ တဲ့ အိုလံပစ်ပြိုင် ပွဲများဟာဆိုရင် မူလတန်းအဆင့် ကျောင်းသားများကိုပင် နိုင်၊ နိုင်ငံတော်နှင့် နိုင်ငံတကာအဆင့်များတွင် ၎င်းတို့၏ အရည်အချင်းများကို ပြသနိုင်သည့် ကြီးမားသော ပလက်ဖောင်းတစ်ခု ပေးပါတယ် မူလတန်းကျောင်းသားများအတွက်​ ပြင်းထန်တဲ့စားမေးပွဲတွေက အတွေ့အကြုံကို ရရှိကြပြီး မိမိ ရောက်ရှိနေသည့်အဆင့်ကိုပင်သုံးသပ်နိုင်ပါတယ်

Benefit – Profile Building

Olympiads တွင် ရွှေငွေကြေး အသီးသီးရရှိသောကျောင်းသားများရဲ့ ​ အောင်မြင်မှုကို ၎င်းတို့၏ ပညာရေးပရိုဖိုင်တွင် ထည့်သွင်းပါတယ် ကောင်းမွန်သော Olympiad အဆင့်သည် ကျောင်းသားများအား ကမ္ဘာ့ထိပ်တန်းတက္ကသိုလ်များသို့ တိုက်ရိုက်တက်ရောက်နိုင်ရန် ကူညီပေးပါတယ် ထို့ထက်၊ Olympiad စာမေးပွဲများတွင် ပါဝင်ပြီး နိုင်ငံကိုယ်စားပြုယှဥ်ပြိုင်ပြီး အသိမှတ်ပြုခံရခြင်းသည် ကျောင်းသားကျောင်းသူများကို စိတ်ကျေနပ်မှုရစေနိုင်ပါသည်

**အကြံပြုချင်တာလေးတစ်ခုကတော့
ပထမတစ်ဆင့်အနေနဲ့
ဘယ်အလုပ်မဆို အချိန်ယူလုပ်ရပါတယ်
ပညာသင်ယူမဲ့သူဟာ foundation ခိုင်အောင် လေ့လာသင့်သမျှကို ကျကျနနလေ့လာသင့်ပါတယ်

ဒုတိယတစ်ချက်ကတော့
လေ့လာလို့ပိုင်နိုင်တဲ့အခါ နောက်တစ်ဆင့်အနေနဲ့
Exam တွေအတွက် Try ကြည့်ဖို့ အကြံပြုချင်ပါတယ်
Theory တွေ ထိထိမိမိလေ့လာလို့ ပိုင်နိုင်လာတဲ့အခါ
ရှိသမျှ Olympiad Exam တိုင်းကို စိတ်ကြိုက်ရွေးချယ်ဖြေဆိုနိုင်မှာသာ ဖြစ်ပါတယ်

အောင်မြင်ကြပါစေရှင်
STARS OF THE FUTURE ⭐⭐⭐⭐⭐

Math Dictionary လိုအပ်သူတွေအတွက် တီချယ် download link ချပေးထားပါတယ်။🥰
👉https://drive.google.com/file/d/1fv3anFpWXMYNNKtOI1LBCS02xeBMjjfg/view?usp=sharing

အမြဲတမ်း ဗဟုသုတ ရစရာတွေကို တင်ပေးသွားမှာဖြစ်လို့ တီချယ်တို့ရဲ့ page ကိုစောင့်ကြည့်ဖို့ မမေ့နဲ့နော်။🥰

Maths Dictiionary.pdf

ကဲ တီချယ်တို့ နဲနဲလောက် စားကြရအောင် နော်😍
How many triangles are there?

မဂ်လာပါ သားသားမီးမီးတို့ရေ။ တီချယ် အလုပ်တွေမအားလို့ page ဘက်ကို မလှည့်နိုင်ဘူးဖြစ်သွားတယ်😢😢 ဆောရီးပါနော်။ တီချယ် အပတ်စဥ်တိုင်း quiz လေးတွေ ပြန်တင်ပေးပြီး pdf လေးတွေလဲ share ပေးသွားပါ့မယ်နော်🤗🤗🤗။ သားသားမီးမီးတို့အတွက် quiz လေးနဲ့တူတူ မကြာခင် ပြန်လာခဲ့မယ်နော်😍