Our NATURE Our FUTURE

Our NATURE Our FUTURE We help Myanmar youth to study and establish themselves abroad as sustainability leaders and contrib

💰How to Choose the Right Scholarship! (Not the best Scholarship)💰နိုင်ငံခြားမှာ ကျောင်းရ၊ စကော်လာရတဲ့သူတွေ ကျောင်းရွေး၊ ...
21/07/2022

💰How to Choose the Right Scholarship! (Not the best Scholarship)💰

နိုင်ငံခြားမှာ ကျောင်းရ၊ စကော်လာရတဲ့သူတွေ ကျောင်းရွေး၊ စကော်လာရွေးပြီး သွားရမယ့် Back to School ကျောင်းဖွင့်ရာသီရောက်လာပါပြီ။ နိုင်ငံခြား ကျောင်းရ၊ စကော်ရသူအားလုံး Congratulations ပါ။ 👏👏

ဒီပို့စ်ကတော့ ဒီလိုကျောင်းလျှောက်တဲ့အခါ တခုထက်ပိုတဲ့ ပညာသင်ဆုများရလာတဲ့သူများအတွက် ရည်ရွယ်ပါတယ်။ ရထားတဲ့ Scholarship တွေကို ငွေကြေး အကျိုးအမြတ်တခုထဲ မကြည့်ဘဲ အကောင်းဆုံးဖြစ်အောင် ဘယ်လိုရွေးချယ်မလဲ? ဘယ်အချက်တွေကို ထည့်သွင်းစဉ်းစားသင့်သလဲ? ဆောင်ရန်ရှောင်ရန်က ဘာတွေဖြစ်မလဲ ဆိုတာတွေကို နိုင်ငံခြား Scholarship ရသူတွေ စဉ်းစားနိုင်အောင် တင်ဆက်ပေးလိုက်ရပါတယ်။
တစ်ခုထက်ပိုတဲ့ ပညာသင်ဆုတွေရလာပြီဆိုတာနဲ့ လူတိုင်းရသမျှထဲက အကောင်းတကာ့ အကောင်းဆုံးရွေးယူလိုက်မယ်လို့ စဉ်းစားကြမှာဘဲ။ ဒါပေမယ့် အဲဒီလိုတွေးတဲ့သူတွေ မသိတာကတော့ အကောင်းဆုံးရဲ့ အထက်မှာ အသင့်တော်ဆုံးဆိုတဲ့ ဆုတစ်ခုရှိနေသေးတယ်ဆိုတာကို နားမလည်ကြဘူး။ အဲဒီလို အတွေးအခေါ်မျိုးကို နားလည်နိုင်ဖို့ဆိုတာကလည်း ပညာသင်ဆု ၂ ခါ ၃ ခါလောက်ရဖူးမှသာ အတွေ့အကြုံကနေသင်ခန်းစာ ယူရတာမျိုးလေ။
ဘာကိုဆိုလိုချင်တာလဲ? ယူတဲ့သူနေရာကမနေဘဲ ပေးတဲ့သူနေရာမှာနေကြည့်လိုက်ပါ။ အရည်အချင်းအရှိဆုံးယူဆလို့ ပညာသင်ဆုကို သိန်းရာထောင်ချီပေးလိုက်ပြီးမှ အဲဒီလူက တကိုယ်ကောင်းဆန်ဆန် အကောင်းဆုံးတွေချည်းရွေးယူလိုက်တယ်ဆိုရင် ပေးတဲ့သူက ဘယ်လိုမြင်မလဲ? ပညာသင်ဆု ၂ ခုအပြိုင်ရတယ်ဆိုပါစို့၊ ပထမဆုက ဒုတိယဆုထက်ပိုများလို့ ဒုတိယဆုကို မယူဘူးလို့ ငြင်းလိုက်ရင် အငြင်းခံရတဲ့သူ၊ အဖွဲ့အစည်းက ဘယ်လိုနေမလဲ။ ဘဝတစ်ကွေ့မှာ နောက်တစ်ခေါက်မကြုံနိုင်ဘူးလို့‌ တပ်အပ်ပြောနိုင်လို့လား? ပထမ ပိုများတဲ့ဆုကိုပေးတဲ့သူကရော ဘယ်လိုထင်မလဲ? တစ်ကိုယ်ကောင်းသမားဆိုရင် သိပ်စေတနာရှိတော့မှာမဟုတ်ဘူး။ တစ်ချို့လူတွေက ကိုယ်ပညာသင်ဆု ဘယ်နှခုရလဲ ပေးမယ့်အဖွဲ့အစည်းတွေက မသိလောက်ဘူးထင်နေကြတယ်။ လျှောက်ကတည်းက လျှောက်တဲ့သူတွေရဲ့ နောက်ကြောင်းတွေ အကောင့်တွေကို မစီစစ်ဘဲ ဘယ်သူက သိန်းရာထောင်ချီ စကော်လာပေးမှာတုံး။ ပေးတဲ့အဖွဲ့အစည်းတွေအနေနဲ့ကလည်း တနှစ်တာ ဆုံးဖြတ်ချက်တွေ ကောင်းမကောင်း ပြန်စီစစ်ဦးမှာဘဲ။
ဒီတော့ အစထဲက ကျောင်းကိုရော ပညာသင်ဆုပေးတဲ့ အဖွဲ့အစည်းတွေကိုရော ပွင့်ပွင့်လင်းလင်းပြောပြီး ဘာကြောင့် ဘယ်လိုဆုံးဖြတ်တယ်ဆိုတာ ရှင်းပြလိုက်သင့်တယ်။ ဆုရွေးတဲ့နေရာမှာလည်း ကိုယ့်အတွက်ချည်းမစဉ်းစားဘဲ ဖြစ်လာနိုင်တဲ့ အကျိုးဆက်တွေ၊ ဘေးလူ၊ နောက်လူတွေအပေါ်သက်ရောက်မှုတွေကိုပါ ကြည့်ပြီး အားလုံးအတွက် အကောင်းဆုံးဖြစ်မယ့် ဆုံးဖြတ်ချက်မျိုးကိုသာချသင့်တယ်။ အနစ်နာခံလိုက်တိုင်း တကယ်နစ်နာသွားတာမဟုတ်ပါ။ အကောင်းဘက်က ဖြည့်တွေးရင် ပြန်ရတာတွေ အများကြီးရှိနိုင်တယ်။
ကိုယ်ပိုင်အတွေ့အကြုံတခုကို ဥပမာအနေနဲ့ ပြမယ်။ ဒီနှစ် ကျွန်တော် ဘွဲ့လွန်လျှောက်တဲ့အခါ Oxford၊ Cambridge အပါအဝင် နာမည်ကြီးကျောင်းတွေမှာ ဝင်ခွင့်ရတယ်။ Scholarship လျှောက်တဲ့အခါမှာလည်း Cambridge က Silverstrand Scholarship နဲ့ UK အစိုးရကပေးတဲ့ Chevening Scholarship ဆိုပြီး စရိတ်ငြိမ်း Full Scholarship ၂ ခု တပြိုင်တည်းရလာတယ်။ ရလာတဲ့ ၂ ခုမှာ Chevening Scholarship က ငွေပမာဏအရရော၊ ငွေနဲ့ ဝယ်မရတဲ့ အကျိုးအမြတ်အရရော အနည်းငယ်သာတယ်။ ဒါပေမယ့် ဖြစ်နိုင်ချေ အကျိုးအပြစ်အားလုံးကို တဆုံးတွေးကြည့်လိုက်တဲ့အခါမှာတော့ Cambridge က Scholarship ကို မယူဘဲ ပြန်အပ်လိုက်ရင် နောက် Cambridge ကျောင်းသားတယောက်ဆီရောက်သွားမယ်။ အဲဒီကျောင်းသားက Cambridge က ကျောင်းဝင်ခွင့် ရလောက်အောင် အရည်အချင်းရှိသူတယောက်ဆိုတော့ သူ့အနေနဲ့ ဒီ Scholarship မရလဲ နောက်တနေရာကနေ နောက်ဆုတခုရဖို့ မခက်လောက်ဘူး။ UK အစိုးရက ပေးတဲ့ Chevening ကတော့ မြန်မာလို ဖွဲ့ဖြိုးမှုနောက်ကျနေတဲ့နိုင်ငံတွေက ကျောင်းသားတွေကိုဘဲ ရွေးပေးတာမျိုးဆိုတော့ Chevening ဆုကို ပြန်အပ်လိုက်ရင် မြန်မာက (သို့) တခြားအလားတူနိုင်ငံက သူတစ်ဦး ဘဝတခုလုံးပြောင်းသွားနိုင်တယ်။ အဲဒီလိုတွေးမိလို့ Chevening ဆုကို ပြန်အပ်ဖို့ဆုံးဖြတ်ခဲ့တယ်။
အဲဒီဆုံးဖြတ်ချက်ကို ကျောင်းနဲ့ရော ပညာသင်ဆုပေးတဲ့ အဖွဲ့အစည်း ၂ ခုလုံးနဲ့ရော ပွင့်ပွင့်လင်းလင်းပြောပြပြီး သူ့တို့ရဲ့ အမြင်ကိုမေးကြည့်တယ်။ အားလုံးက ဒီဆုံးဖြတ်ချက်ဟာ ပါဝင်ပတ်သက်နေတဲ့ Stakeholder အားလုံးအတွက် အကောင်းဆုံးဖြစ်မယ်လို့ ယူဆတဲ့အတွက် အားလုံးက ထောက်ခံတယ်။ ဒီလိုနဲ့ ကျောင်းနဲ့ရော၊ စကော်လာရှစ်ယူလိုက်တဲ့ အဖွဲ့အစည်းနဲ့ရော၊ မယူဘဲ ပြန်အပ်လိုက်တဲ့ အဖွဲ့အစည်းနဲ့ပါ ကိုယ့်အပေါ် impression လည်းကောင်းအောင်၊ ဆက်ဆံရေးလည်းကောင်းအောင် တည်ဆောက်နိုင်ခဲ့တယ်။
တကယ်တော့ ကိုယ့်အတွက် တန်ဖိုးအများဆုံး ပညာသင်ဆုထက် အသင့်တော်ဆုံး ပညာသင်ဆုကို ရွေးချယ်ခြင်းဟာ မျက်စိသူငယ်၊ နားသူငယ်နဲ့ နိုင်ငံခြားသွားစရာမလိုဘဲ ကျောင်းမရောက်ခင်ထဲက ကျောင်းကဆရာတွေ၊ အရေးကြီးတဲ့ ပုဂ္ဂိုလ်တွေ၊ ဝန်ထမ်းတွေရဲ့ လေးစားမှုကို အရင်ရအောင် ယူပြီး ကိုယ်ရဲ့ အရှိန်အဝါကို တည်ဆောက်နိုင်တဲ့ မဟာအခွင့်အရေးကြီးဘဲ။ ဒီနှစ်က ငွေကြေးဖောင်းပွမှုများပြီး စီးပွားပျက်ကပ်ဆိုက်တဲ့ နှစ်ဆိုတော့ ဘယ်နိုင်ငံက ဘယ်ကျောင်းသွားတက်တက် Full-scholarship ရတောင်လောက်မှာမဟုတ်ဘူး။ ဘာကြောင့်လဲဆိုတော့ ဆုကြေး ပမာဏတွေက 2021 ထဲက သတ်မှတ်ထားတာဖြစ်ပြီး ကျောင်းလခကို တိုးမတောင်းဘူးဆိုရင်တောင် နေစရိတ်၊ စားစရိတ်တွေက ဘယ်နိုင်ငံသွားသွား 2021 ကဈေးနဲ့ အများကြီးကွာသွားပြီ။ ကျောင်းနဲ့ စကော်လာရှစ်ပေးတဲ့သူနဲ့ ဆက်ဆံရေးကောင်းအောင်၊ ကိုယ့်အပေါ် အထင်အမြင်ကြီးအောင် အရှိန်အဝါတည်ဆောက်ထားနိုင်မှ ကျောင်းတက်ရင်း အကြောင်းကြောင်းကြောင့် ငွေလိုလို့ ဆုငွေ တိုးပေးဖို့ ထပ်လျှောက်ဖို့ လွယ်မှာပေါ့။ ဒီနှစ် ကျောင်းသားတိုင်းငွေလိုနေမှာဘဲလေ။ တကယ်လို့ ဒီအခြေအနေမှာ ရသမျှ ပညာသင်ဆု အကုန်သိမ်းကြုံးယူထားတဲ့ တကိုယ်ကောင်းသမားနဲ့ လူများအတွက် ထည့်စဉ်းစားပြီး အနစ်နာခံထားတဲ့သူ နှစ်ယောက်ပြိုင်လျှောက်ရင် ကျောင်းဘက်က ဘယ်သူ့ကို ဦးစားပေးမလဲ? အပြင်က loan ယူမယ်၊ Financial aid ထပ်လျှောက်မယ်ဆိုလည်း ကျောင်းကဘယ်သူ့ကို ထောက်ခံပေးမယ်ထင်သလဲ?
ပညာသင်ဆုဆိုတာ အရည်အချင်းရှိတိုင်းရတာမျိုးမဟုတ်ပါ။ ပေးတဲ့သူစေတနာရှိမှ စီးပွားရေးကောင်းပြီး ပေးဖို့ ငွေပိုလည်းရှိမှ ရနိုင်တာမျိုးပါ။ ဆုပေးတဲ့လူ (သို့) အဖွဲ့အစည်းက ကိုယ့်အပေါ်အမြင်မကောင်းဘူး၊ ဆက်ဆံရေးကောင်းအောင် မတည်ဆောက်နိုင်ဘူးဆိုရင်တော့ တနပ်စားဘဲ ရမှာပေါ့။ ဖြစ်ပေါ်လာမယ့် ရလာဒ်တွေကို ဘက်စုံထောင့်စုံကနေ မျက်စိတဆုံး ပါးပါးနပ်နပ်မမြင်နိုင်တဲ့ သူတွေကတော့ ဆုတွေ ဘယ်လောက်ရရ အမြဲမလောက်မငှဖြစ်နေဦးမှာဘဲလေ။
ဒီနေ့မှာတော့ ကိုယ်ပိုင် အတွေ့အကြုံနဲ့ အတွေးအခေါ်တွေကို ဒီနှစ်မှာ ပထမဆုံးအကြိမ် scholar ရတဲ့ fresher လေးတွေ ဆင်ခြင်နိုင်ဖို့ မျှဝေပေးလိုက်ပါတယ်။ ပညာသင်ဆုရသူများ အမြင်ကျယ်ကျယ်နဲ့ မိမိရော၊ သူတစ်ပါးအတွက်ပါ အကောင်းဆုံးဖြစ်အောင် ရွေးချယ်နိုင်ပြီး နိုင်ငံခြားမှာ Scholar တစ်ဦးအနေနဲ့ အရှိန်အဝါ ထည်ထည်ဝါဝါတည်ဆောက်နိုင်ကြပါစေ။
==============================
ငြိမ်းဇော်ကို
20.7.2022
B.Sc. Biomedical Engineering and Bachelor of Management (Emily Scholarship, Bucknell University, USA)
M.Sc. Environmental Management (Shell-MEM Scholarship, National University of Singapore
MPhil in Conservation Leadership (Silverstrand Scholarship, University of Cambridge, UK)
စာရေးသူ၏ ကိုယ်ရေးအကျဉ်း
https://bit.ly/3cm0EGQ
============================
အခု တင်ဆက်သွားတဲ့ အကြောင်းအရာကို ကြိုက်ရင် ဒီ page ကို Like လုပ် follow လုပ်ထားပါ။ အခုလို မြန်မာအများစုမသိတဲ့ စကော်လာရစေတဲ့ နောက်ကွယ်က လျှို့ဝှက်ချက်တွေ၊ ဖြတ်လမ်းတွေ၊ အတွေးအခေါ်တွေကို မသိသူကျော်သွား၊ သိသူဖော်စားပြီး ကိုယ်ရဲ့ပြိုင်လျှောက်တဲ့ ပြိုင်ဘက်တွေကို အသားစီးယူကျော်ဖြတ်သွားနိုင်အောင် အခါအားလျော်စွာ တင်ဆက်ပေးသွားပါဦးမယ်။
#စကော်လာ #ဘွဲ့လွန်

👨‍🎓𝗥𝗵𝗼𝗱𝗲𝘀 𝗦𝗰𝗵𝗼𝗹𝗮𝗿𝘀𝗵𝗶𝗽 at the University of Oxford💰ကမ္ဘာ့ထိပ်တန်းတက္ကသိုလ်တစ်ခုဖြစ်တဲ့ UK နိုင်ငံ Oxford မှာ ပညာဆက်လက်သင်...
20/07/2022

👨‍🎓𝗥𝗵𝗼𝗱𝗲𝘀 𝗦𝗰𝗵𝗼𝗹𝗮𝗿𝘀𝗵𝗶𝗽 at the University of Oxford💰

ကမ္ဘာ့ထိပ်တန်းတက္ကသိုလ်တစ်ခုဖြစ်တဲ့ UK နိုင်ငံ Oxford မှာ ပညာဆက်လက်သင်ကြားလိုတဲ့ post-graduate ​ကျောင်းသား​များအနေနဲ့ နောက်အပတ် ဩဂုတ်လ ၁ ရက်နေ့ deadline အမှီလျှောက်နိုင်ဖို့ သတိပေးလိုက်ရပါတယ်။ Oxford ဟာ မြန်မာတွေနဲ့ မစိမ်းတဲ့ တက္ကသိုလ် ဖြစ်ပြီး ကမ္ဘာ့အဆင့် ၁ -၁၀ ရှိတဲ့ ထိပ်တန်း တက္ကသိုလ်တွေထဲမှာ မြန်မာကျောင်းသား အများဆုံးခေါ်တဲ့ တက္ကသိုလ်ဖြစ်တဲ့အတွက် ဒီအခွင့်အရေးကို လက်လွတ်မခံကြပါနဲ့။

📍 - Oxford, UK
🎓- Post graduate, any field of study
💰 - Fully-funded (including round-trip tickets, and visa fees)
👨‍🎓 -
၁။ October 1st , 2022 မတိုင်ခင်၁၈နှစ်ပြည့်ပြီး၂၄ နှစ်မ​​ကျော်သူ (ပုံမှန်ထက် နောက်ကျပြီး Bachelor Degreeရပြီးသူ)
၂။ October 1st , 2022 မတိုင်ခင်၁၈နှစ်ပြည့်ပြီး၂၇ နှစ်မ​​ကျော်သူ ( October 1st, 2021နောက်ပိုင်း Bachelor ရပြီးသူ)
၃။ Bachelor degree တစ်ခုခုရရှိထားသူ
(First Class Honours degreeရရှိထားသူ (သို့) GPA 3.7/4.0 (or) Higher ရရှိထားသူ ဖြစ်ရပါ့မယ်)

🔠 - English proficiency(IELTS 7.0,TOFEL iBT 100, C1 advanced 185, C2 proficiency 185)

Application Link
https://www.rhodeshouse.ox.ac.uk/scholarships/applications/
Rhodes Global Scholarship Web link
https://www.rhodeshouse.ox.ac.uk/.../applications/global/....

==========================
အခုလို အခွင့်အရေးမျိုးတွေကို မသိသူကျော်သွား၊ သိသူဖော်စားနိုင်အောင်အခါအားလျော်စွာ တင်ဆက်ပေးသွားပါဦးမည်။ ပြိုင်ဘက်တွေထက် အရင်စောသိပြီး အသားစီးယူကျော်ဖြတ်သွားနိုင်အောင် ဒီ page ကို Like လုပ် subscribe လုပ်ထားပါ။





Please share this with others

Cambridge တက္ကသိုလ်မှ ကျောင်းဝင်ခွင့်ရသော်လည်း ကျောင်းစရိတ်အတွက် လုပ်ဆောင်ဖို့စီစဉ်ထားတဲ့ သုသေသန project ကို poster ထုတ်...
20/07/2022

Cambridge တက္ကသိုလ်မှ ကျောင်းဝင်ခွင့်ရသော်လည်း ကျောင်းစရိတ်အတွက် လုပ်ဆောင်ဖို့စီစဉ်ထားတဲ့ သုသေသန project ကို poster ထုတ်ပြပြီး နေ့စဉ်လမ်းပေါ်ထွက် အလှူခံနေရသူ

အပေါ်ယံကြည့်လိုက်ရင် ရီစရာလိုလိုဖြစ်နေပေမယ့် နိုင်ငံခြားသွားကျောင်းတက်ချင်တဲ့ မြန်မာကျောင်းသားတွေအတွက်ကတော့ အရမ်းတုန်လှုပ်ခြောက်ခြားဖို့ ကောင်းတဲ့ ပုံရိပ်တခုပါဘဲ။ ဘာကြောင့်လဲဆိုတော့ Cambridge လို ကမ္ဘာ့ထိပ်ဆုံး တက္ကသိုလ်ကနေ PhD ဝင်ခွင့် ရနိုင်တဲ့ အရည်အချင်းရှိသူတစ်ယောက် Undergraduate တွေ၊ Master တွေထက်တောင် Scholarship ရနိုင်ချေ အများကြီးပိုများတဲ့ PhD research အတွက် Scholarship မရနိုင်ဘူးဆိုတာ ငွေကြေးဖောင်းပွမှုနဲ့ ဆိုးဆိုးရွားရွားပျက်စီးလာတဲ့ ကမ္ဘာ့စီးပွားပျက်ကပ်ရဲ့ ဂယက်တွေကို မျက်ဝါးထင်ထင်ထုတ်ပြလိုက်သလိုဘဲ။ (Cambridge ကထုတ်ပြန်တဲ့ စာရင်းဇယားတွေအရ ၂၀၂၀ ခုနှစ် တက္ကသိုလ်မှာ PhD တန်းဝင်ခွင့်ရသူရဲ့ 80% ခန့်က ပညာသင်ဆု၊ ထောက်ပံ့ကြေးရပါတယ်။ Master တန်းဆိုရင်တော့ 20% ဘဲ Scholarship ရပြီး ကျန် 80% က အပြင်ကရှာရင်ရှာ၊ အတိုးနဲ့ ငွေချေးရင်ချေး၊ ကိုယ်ပိုင်ငွေနဲ့ပေးတက်ရပါတယ်)

ဒီနှစ် ကျောင်းလျှောက်တဲ့အခါ မြန်မာကျောင်းသားဆိုရင် အရင်နှစ်တွေနဲ့ စာလိုက်ရင် Scholarship ပေးတဲ့ အဖွဲ့အစည်းတွေ၊ ဆုတွေ၊ ပမာဏတွေ အရမ်းနည်းသွားတယ်ဆိုတာ လျှောက်တဲ့ သူတိုင်း သတိထားမိလောက်ပါပြီ။ ဒီလိုငွေပင်ငွေရင်း Endowment များတဲ့ Cambridge မှာ Scholarship ရလွယ်တဲ့ PhD အတန်း ဝင်ခွင့်ရတဲ့သူတောင် Poster ရိုက်ပြီး လမ်းပေါ်ထွက် အလှူခံနေရလောက်အောင် နိုင်ငံခြားမှာ စီးပွားပျက်ကပ်ဆိုက်ပြီး Scholarship တွေအရမ်းခက်နေပြီဆိုတော့ IELTS လို ပထမဆုံး အဆင့်၊ အခြေခံအကျဆုံး အင်္ဂလိပ်စာ ကျွမ်းကျင်မှုလောက်မှာတင် တိုင်ပတ်နေတဲ့ မြန်မာကျောင်းသားတွေအတွက် မျှော်လင့်ချက် ကျန်ပါတော့မလား?

ဘယ်လိုဘဲဖြစ်ဖြစ် ၂၀၂၃-၂၀၂၄ စာသင်နှစ်ကျောင်းလျှောက်မယ့်သူတွေအနေနဲ့ ဒီလိုအခြေအနေမျိုးကြုံလာရင် လမ်းပေါ်ထွက် အလှူခံနိုင်ဖို့ သူ့ဆီက ပညာယူပြီး DonorBox တို့ Gofundme တို့ စမ်းကြည့်ထားသင့်ပြီဖြစ်ကြောင်း ကြိုမြင်မိတဲ့အတွက် ၁ နှစ်စာ ကြိုတင်သတိပေးထားလိုက်ရပါတယ်။
============================
မူရင်းပို့စ်ကို အောက်ပါ link မှာ အစဆုံးဖတ်ကြည့်နိုင်ပါတယ်
👇👇👇👇
https://www.linkedin.com/feed/update/urn:li:activity:6952525902450765825/
============================
အခု တင်ဆက်သွားတဲ့ အကြောင်းအရာကို ကြိုက်ရင် ဒီ page ကို Like လုပ် subscribe လုပ်ထားပါ။ အခုလို မြန်မာအများစုမသိတဲ့ စကော်လာရစေတဲ့ နောက်ကွယ်က လျှို့ဝှက်ချက်တွေ၊ ဖြတ်လမ်းတွေ၊ ဆောင်ရန်ရှောင်ရန်တွေကို မသိသူကျော်သွား၊ သိသူဖော်စားပြီး ပြိုင်ဘက်တွေကို အသားစီးယူကျော်ဖြတ်သွားနိုင်အောင် အခါအားလျော်စွာ တင်ဆက်ပေးသွားပါဦးမည်။

👨‍🎓Humanitarian Scholarship at the University of Manchester 👨‍🎓စစ်ဘေးရှောင်များ အဓိကလျှောက် ထားနိုင်သည့် ပညာသင်ဆု တစ်ခုက...
17/07/2022

👨‍🎓Humanitarian Scholarship at the University of Manchester 👨‍🎓

စစ်ဘေးရှောင်များ အဓိကလျှောက် ထားနိုင်သည့် ပညာသင်ဆု တစ်ခုကို ဗြိတိန်နိုင်ငံ ထိပ်တန်းတက္ကသိုလ်တစ်ခုဖြစ်သည့် University of Manchester က ချီးမြှင့်မည်ဖြစ်ကြောင်း ကြားသိရပါတယ်။ လက်နက်ကိုင်တိုက်ပွဲအတွင်းပဋိပက္ခများနှင့် ဖိနှိပ်ခံရမှုများ‌ ကြောင့် ထွက်ပြေးတိမ်း‌ရှောင်လာရသူများ အဆင့်မြင့်ပညာရေးသင်ကြားခွင့်ရရှိစေရန်နှင့် ၎င်းတက္ကသိုလ်တွင် ပညာသင်ကြားရန် ငွေကြေးမတတ်နိုင်သူများအတွက် ရည်ရွယ်ကြောင်းဆိုသည်။
အဆိုပါ Humanitarian Scholarship သည် ဘွဲ့ကြို ၁၀ ယောက်နှင့်ဘွဲ့လွန် ၁၀ ယောက်ကို ပေးအပ် ချီးမြှင့်သွားမည်။

💰 - Amount: Full Tuition and living expenses including visa fees (£35,000 - £50000 per annum)
📍 - Location: The University of Manchester, UK
🎓 - Level : Undergraduate and Postgraduate
👨‍🎓 - Eligibility : International students fleeing conflict and persecution
💼 - Work Experience : Not required

💡 - Expert Opinion [Nyein Zaw Ko - University of Cambridge, UK]
မြန်မာတွေအတွက် ဆိုပြီး လိုင်းပေါ်မှာ ရေးနေကြပေမယ့် တက္ကသိုလ်ရဲ့ အမှန်ရည်ရွယ်ရင်းက ယူကရိန်းနဲ့ အာဖဂန်ကို ဦးစားပေးခေါ်မယ် ဆိုတာကို သူတို့ အာဘော်ကို ဖတ်ကြည့်ပြီး ခန့်မှန်းလို့ရပါတယ်။ သဘောတရားအရ မြန်မာလည်းပါပေမယ့် ဦးစားပေးအဆင့်မှာ မရှိနေဘူး။
အလားတူ စစ်ဘေးရှောင်တွေကို ပေးတဲ့ Cambridge တက္ကသိုလ်က Rowan William Studentship ကိုလျှောက်ခဲ့တဲ့ ကျွန်တော့်ရဲ့အတွေ့အကြုံအရ ကိုယ်တိုင်စစ်ဘေးဒဏ်ထိမှ အကျုံးဝင်မှာပါ။ မြန်မာလူမျိုးဖြစ်ရုံနဲ့ မရနိုင်ပါ။ ဘာကြောင့်လဲဆိုတော့ လျှောက်တဲ့နေရာမှာ စစ်ဘေးကြောင့် စည်းစိမ်ဥစ္စာ၊ ကိုယ်လက်အင်္ဂါ၊ မိသားစုဝင်များ ဆုံးပါးသွားခြင်းမျိုးရှိမရှိ၊ ပညာရေးမှာ ထိခိုက်မှုရှိမရှိ စတဲ့အချက်တွေကို သက်သေအထောက်အထား အပြည့်အစုံနဲ့ တင်ပြရပါတယ်။ အတုလုပ်လိုက်လို့ အကြံပေးသူတွေရှိနေပေမယ့် နားမယောင်ပါနဲ့၊ တစ်နှစ် သိန်းထောင်ချီတန်တဲ့ Scholarship ဖြစ်လို့ လျှောက်တဲ့အချိန်မှာရော၊ ရပြီးကျောင်းတက်တဲ့အချိန်မှာရော၊ ကျောင်းပြီး အလုပ်ဝင်တဲ့အထိ မှန်ကန်မှုရှိမရှိ အမြဲလိုက်စိစစ်နေမှာပါ။ ပညာသင်ဆုကို လိမ်လျှောက်တာပေါ်သွားရင် ရာဇဝတ်ပြစ်မှုမြောက်ပါတယ်။

အကျဉ်းချုံးဆန်းစစ်ရရင် အမှန်တကယ် အရည်အချင်းလည်းရှိ အမှန်တကယ်စစ်ဘေးဒဏ်သင့်ပြီး စည်စိမ်ဥစ္စာ၊ ကိုယ်လက်အင်္ဂါ၊ မိသားစုဝင် ဆုံးရှုံးသွားတဲ့လူမျိုး ဆိုရင်တော့ ရနိုင်ချေရှိပါတယ်။ မဟုတ်ဘဲ လျှောက်ရင်တော့ လုံးဝအလားအလာမရှိပါ။

နိုင်ငံခြား ကျောင်းလျှောက်တဲ့သူတွေ ပြောနေကျ “Knowing the school” ဆိုတဲ့ စကားရဲ့နောက်ကွယ်က မြှုပ်ကွက်ကဘာလဲ?🤔🤔🤔👇👇👇အမေရိကန်...
17/07/2022

နိုင်ငံခြား ကျောင်းလျှောက်တဲ့သူတွေ ပြောနေကျ “Knowing the school” ဆိုတဲ့ စကားရဲ့နောက်ကွယ်က မြှုပ်ကွက်ကဘာလဲ?
🤔🤔🤔
👇👇👇
အမေရိကန်၊ ယူကေ၊ Aussie တို့မှာ တစ်နှစ်ကို သိန်းတစ်ထောင်ကျော်လောက်တန်တဲ့ full scholarship ရယူပြီး ကျောင်းသွားတက်နိုင်ဖို့ ဆိုတာ အထက်တန်းအောင်သူတိုင်း ဘွဲ့လွန်တက်ချင်သူတိုင်းရဲ့ အကြီးမားဆုံး အိမ်မက်ဘဲ။ ဒါပေမယ့် သင်လျှောက်လိုက်တဲ့ ကျောင်းရဲ့ admission လူရွေးတဲ့ decision maker တွေကလည်း သူ့ကျောင်းအကြောင်းကို ဘယ်လောက်ထိ စေ့စေ့စပ်စပ်သိထားပြီး ပြီလဲဆိုတာကို ဦးစားပေးပြီး သေချာစစ်ဆေးတယ်ဆိုတာကိုရော သိသလား? ဒီအခြေအနေမှာ ပြိုင်ဘက်တွေကို အသားစီးယူကျော်ဖြတ်နိုင်ဖို့ ကျောင်းနဲ့ ပတ်သက်ပြီး ဘယ်အချက်တွေကို နက်နက်နဲနဲသိထားသင့်သလဲ? အဲဒီ သတင်းအချက်အလက်တွေကို စနစ်တကျဘယ်လိုရှာဖွေလို့ရမလဲ?
အခြား နိုင်ငံခြားကျောင်းလျှောက်၊ scholarship လျှောက်တဲ့ seminar တွေ၊ talk တွေ လိုက်တက်နားထောင်ကြည့်မယ်ဆိုရင် အများစုက ကိုယ်တက်ချင်တဲ့ဘာသာ၊ ကိုယ်နဲ့ကိုက်မယ့်ကျောင်းကို ရှာတွေ့နိုင်ဖို့ ဘယ်နိုင်ငံ၊ ဘယ်ကျောင်းမှာ ဘာဘာသာရပ်တွေကောင်းတယ်၊ ဘာ scholarship တွေပေးတယ် ဆိုတာမျိုးတွေကို အဓိကထားပြောကြတာများတယ်။ သူတို့ပြောတာအများစုက ကျောင်းသားစိတ်ဝင်စားမယ့်အကြောင်းအရာတွေဘဲ ဦးစားပေးပြောပြီး မပါဘဲကျန်ခဲ့တဲ့ အရေးကြီးဆုံးအချက်က ကျောင်း ရဲ့ profile အသေးစိတ်ကြောင်းအရာတွေ။ ပို့စ်အစက ကျွန်တော်ပြောနေတဲ့အကြောင်းကို ပြန်ကောက်ရရင် ကိုယ်လျှောက်တဲ့ ကျောင်းအကြောင်း ခရေစေ့တွင်းကျ သေချာမသိထားဘူးဆိုပါစို့။ အဲဒီကျောင်းကလည်း သင့်ကို ဝင်ခွင့်ပေးမှာမဟုတ်ဘူး။ ဘာကြောင့်လဲ ဆိုတော့ ကျောင်းဝင်ခွင့် ဆုံးဖြတ်ချက်ပေးတဲ့ admission committee နေရာမှာနေပြီး လှည့်တွေးကြည့်လိုက်ပါ။ ကျောင်းတစ်ကျောင်းက ကျောင်းသား တစ်ယောက်ကို စကော်လာပေးပြီဆိုရင် ကျောင်းအနေနဲ့ နှစ်ခါနာတယ်။ အခုဆို ကျွန်တော့်ကို Cambridge တက္ကသိုလ်က full scholar ပေးလိုက်တယ်။ ကျောင်းသားတစ်ယောက်စာ ဝင်ငွေနာသွားတယ်။ အဲဒီအပြင် ကျွန်တော့်အတွက် နေထိုင်စားသောက်ဖို့ တစ်နှစ်ပတ်လုံ stipend ပေးပြီးထောက်ပံ့ရတယ်။ lab နေရာ၊ စာအုပ်၊ ကိရိယာ၊ ကွန်ပျူတာ၊ သင်ထောက်ကူပစ္စည်း၊ ကျန်းမာရေးစောင့်ရှောက်မှု၊ career development mentor အဲဒါတွေအကုန်ထောက်ပံ့ရတဲ့အတွက် တစ်ယောက်စာထက် စရိတ်စက ပိုတက်လာတယ်။ Cambridge မှာသာ တက်ရမယ်ဆိုရင် ကျောင်းစရိတ် တစ်ပြားမကျန်စိုက်ထုတ်ပေးပြီး တက်မယ်ဆိုတဲ့ တရုတ်၊ အိန္ဒိယနဲ့ အရှေ့အလယ်ပိုင်းက သူဌေး မရေမတွက်နိုင်အောင် တန်းစီပြီး လျှောက်ထားတာရှိတယ်။ ဒီလို ကျောင်းသားတစ်ယောက်ကို စကော်လာစိုက်ထုတ် ရင်းနှီးမြှုပ်နှံပေးရတဲ့အခါ ကျောင်းဘက်ကလည်း expectation တွေရှိတယ်။
ဒီတော့ ကျောင်းလျှောက်လွှာတစ်ခုမှာ ကျောင်းသားအရည်အချင်းပြည့်နေပြီဆိုရင် ဝင်ခွင့်ပေးမပေး ဘယ်အချက်တွေကို ဦးစားပေးစဉ်းစားမလဲ?
၁။ ကျောင်းသားက သူတက်ချင်တဲ့ ဘာသာရပ်၊ စာလိုက်နိုင်ဖို့ အားထုတ်ဖို့ လိုအပ်ချက်တွေ၊ ကျောင်းနေရာ ရာသီဉတု၊ Lifestyle ၊ ကြုံတွေ့ရမယ့် culture တွေအကြောင်း သေချာသိထားရဲ့လား? အဲဒါတွေကို တကယ်ရော ရင်ဆိုင်နိုင်ရဲလား? စကော်လာ သိန်းထောင်ချီပေးလိုက်ပြီးမှ ဘွဲ့ရတဲ့အထိမတက်ဘဲ တစ်ဝက်တစ်ပျက် ကျောင်းပြောင်းသွားရင် ကျောင်းထွက်သွားရင် ကျောင်းအတွက် အရမ်းနစ်နာတယ်။
၂။ တက်မယ့် programme မှာ လုပ်ရမယ့် activity တွေမှာရော သူများနဲ့ မတူဘဲ ဘာတွေ contribute လုပ်နိုင်မလဲ? ကမ္ဘာ့ထိပ်တန်း တက္ကသိုလ်တွေရဲ့ ရည်ရွယ်ချက်က ရှာဖွေတွေ့ရှိပြီးသား ပညာရပ်တွေကို ကျောင်းသားတွေကို သင်ပေးဖို့ထက် သက်ဆိုင်ရာ ဘာသာရပ်နယ်ပယ်မှာ မတွေ့ရှိသေးတဲ့ ပညာရပ်အသစ်တွေကို ရှာဖွေတွေ့ရှိပြီး အဲဒီနယ်ပယ်ကို တိုးတက်အောင် ဆောင်ရွက်ဖို့အဓိကဖြစ်တယ်။ ဘွဲ့ရရင်ပြီးရော အတန်းထဲမှာ ခွေးအကြီးလှည်းနင်း စာမေးပွဲအောင်ရုံနောက်ကလိုက်မယ့်လူထက် ရှေ့ကနေဦးဆောင်ပြီး ဘယ်နှစ်က ဘယ်အတန်း၊ ဘယ် activity မှာ ဘယ်လိုကွန့်ပြီးလုပ်လိုက်မယ်၊ ဘယ် သုသေသန project မှာဘာတွေ idea အသစ်အဆန်းတွေရှိတယ်။ Senior design project တွေမှာဘယ်လိုထွင်လိုက်မယ်ဆိုတဲ့ သူမျိုးကိုသာ ဝင်ခွင့်ပေးမယ်၊ စကော်လာပေးမှာပေါ့။ သင်ပေးတာ ထိုင်ကျက် စာမေးပွဲအောင်အောင် ဖြေနိုင်ရုံနဲ့မရဘူး၊ အဲဒါတွေပြောနိုင်အောင် ဘယ်နှစ် ဘယ်အတန်း ဆရာဘယ်သူသင်ပေးပြီး ဘာ activity တွေရှိတယ်။ Research focus က ဘာတွေရှိနေတယ်ဆိုတာတွေ ရေရေလည်လည်သိထားရမယ်။ ကိုယ်တိုင်က အတန်းထဲမှာ ဘာသာရပ်နယ်ပယ်မှာ ဒီကျောင်းရဲ့ အလိုက်အထိုက် ဘယ်လို contribute လုပ်မယ်ဆိုတာ မရှင်းပြနိုင်ရင် အဲဒီလူ ဝင်ခွင့်မရဘူး။
၃။ နောက်ဆုံးအနေနဲ့ အရေးအကြီးဆုံးက ဝင်ခွင့်တို့ စကော်လာပေးလိုက်ပြီဆိုရင် ဒီကျောင်းသားက ကိုယ့်ကျောင်းကို တကယ်ရွေးတက်မှာ သေချာရဲ့လား? ဘာကြောင့်လဲဆိုတော့ ကျောင်းတိုင်းမှာ သူ့အဆင့်အလိုက် ပြိုင်ဘက်တွေရှိတယ်။ ထိပ်ဆုံးအဆင့်မှာဆိုရင်တောင် အပြိုင်အဆိုင်တွေရှိတယ်။ ဉပမာ အခုကျွန်တော်တက်မယ့် Cambridge က Mphil in Conservation Leadership က သဘာဝပတ်ဝန်းကျင်ထိန်းသိမ်းရေး နယ်ပယ်မှာ gold standard လို့ဆိုပေမယ့် UK တစ်နိုင်ငံထဲမှာတင် အလားတူပြိုင်ဘက်တွေအများကြီးရှိတယ်။ ဉပမာနည်းနည်းပေးရရင် _ Oxford မှာ MPhil in Biodiversity Conservation and Management ရှိတယ်။ Imperial College မှာ M.Sc. Ecology, Evolution and Conservation ရှိတယ်။ UCL မှာ Master in Conservation ရှိတယ်။ အားလုံး top ကျောင်းတွေချည်းဘဲ။ ကျောင်းဝင်ခွင့်ဆိုတာ ရသူထက်မရသူက ပိုများတဲ့အတွက် လူတိုင်း ကျောင်းအများကြီးလျှောက်ကျတာ ထုံးစံဘဲ။ တစ်ခုမှာ ဝင်ခွင့် စကော်လာနိုင်တဲ့ အရည်အချင်းမျိုးရှိရင် နောက် အလားတူကျောင်းတွေမှာလည်း ဝင်ခွင့်တွေ စကော်လာရဖို့ အလားအလာအတော်ကောင်းတယ်။ ဝင်ခွင့်၊ စကော်လာပေးပြီးမှ ကိုယ့်ကျောင်းလာမတက်ဘဲ ပြိုင်ဘက်ကျောင်းသွားတက်ရင် အရမ်းအောက်တယ်။ Admission committee အနေနဲ့လည်း လာလျှောက်တဲ့သူတွေအများကြီးထဲကမှ ကိုယ့်ကျောင်းကို တကယ်ကြိုက်တဲ့သူ၊ ကိုက်တဲ့သူကို သေချာမရွေးနိုင်ဘူးဆိုရင် ယူထားတဲ့တာဝန်မကျေရာ၊ အရည်အချင်းမရှိရာကျတယ်။

“If you know the enemy and know yourself, you need not fear the result of a hundred battles. If you know yourself but not the enemy, for every victory gained you will also suffer a defeat. If you know neither the enemy nor yourself, you will succumb in every battle.”
― Sun Tzu, The Art of War

မြန်မာကျောင်းသားအများစုကတော့ ဘယ်နိုင်ငံသွားချင်တယ်၊ ဘာတက်ချင်တယ်ဆိုတာမျိုးကိုဘဲ ကိုယ့်ဘက်ကချည်း အမြဲတွေးနေကြတယ်။ ကျောင်းအနေနဲ့ သူတို့ကို ဘာကြောင့် အနစ်နာခံ၊ သိန်းထောင်ချီ အကုန်ခံ စကော်လာတွေပေးပြီး ကျောင်းလာတက်ဖို့ ခေါ်သင့်သလဲ ဆိုတာရော စဉ်းစားထားရဲ့လား? ကျောင်းရဲ့ admission officer တွေအနေနဲ့ ဘာတွေကို အလေးပေးဂရုစိုက်လဲ၊ ဘယ်လိုစဉ်းစားသလဲဆိုတာမျိုးကိုလည်း နားမလည်ကြဘူး။ စကော်လာရချင် နိုင်ငံခြားသွားချင်ဇောဘဲများနေပြီး ကိုယ့်အကြောင်းကိုလည်း ရည်ရည်လည်လည်မပြောနိုင်၊ သူများဘယ်လို စဉ်းစားလဲဆိုတာကိုလည်း မသိရင်တော့ လမ်းပျောက်မြဲပျောက်နေဦးမှာဘဲ။
နိဂုံးချုပ်ပြောရမယ်ဆိုရင် “know your school” ဆိုတဲ့စကားက ကျောင်း Website ပေါ်မှာ ရေးထားတဲ့ အကြောင်းအရာတွေကို သိခိုင်းတာမဟုတ်ဘူး။ ကျောင်းရဲ့ admission officer တွေ ဘယ်လိုစဉ်းစားသလဲဆိုတာကို သူတို့ခေါင်းထဲဝင်ကြည့်ခိုင်းတာ။ ဒီတော့ admission committee က ကျွန်တော်ပြောသွားတဲ့ အချက် ၃ ချက်ကို ဆုံးဖြတ်နိုင်ဖို့ ကျောင်းအကြောင်းဘယ်လောက်သိလဲ၊ မသိလဲဆိုတာကို ကျောင်းလျှောက်တဲ့ PS မှာဖြစ်ဖြစ်၊ interview မှာဘဲဖြစ်ဖြစ် ကျိန်းသေပေါက်ကိုမေးမယ်။ အဲဒီမှာမပါဘူးဆိုလည်း တနေရာရာမှာ တနည်းနည်းနဲ့ သွယ်ဝိုက်ပြီးမေးတယ်။ သေချာသိလို့ ဖြေနိုင်လို့ ကျောင်းရမရ မသေချာပေမယ့် ရမ်းရွှီးရင်တော့ အပယ်ခံရဖို့ ကျိန်းသေတယ်။

Disclaimer
===========================
ကျွန်တော်ဒီနေ့ ရှယ်ပေးသွားတာတွေက ကျောင်းလျှောက်နည်း အခြေခံ foundation တွေဘဲဖြစ်ပါတယ်။ အိမ်တစ်လုံးဆောက်တဲ့နေရာမှာ foundation မခိုင်ရင် အပေါ်က ဘာဆောက်ဆောက် မမြဲနိုင်ဘူး။ ဒါပေမယ့် foundation ထဲ လူဝင်နေလို့မရသလိုဘဲ ကျွန်တော် ဒီနေ့ပြောသွားတာတွေကို တသွေမသိမ်းလိုက်လုပ်မယ်ဆိုရင်တောင် ကျောင်းရမယ်၊ စကော်လာရမယ်လို့အာမ မခံနိုင်ပါဘူး။ ဘယ်လိုဘဲဖြစ်ဖြစ် အနည်းဆုံးတော့ application မှာ submit နှိပ်လိုက်တာနဲ့ ကွန်ပျူတာ AI ကနေ တန်းပယ်တဲ့ အထဲ မဝင်သွားဖို့တော့ ဖြစ်နိုင်ပါလိမ့်မယ်။ အားလုံးဘဲ admission committee နေရာက နေကြည့်ပြီး ကိုယ်တက်ချင်တဲ့ကျောင်းတွေကို ပါးပါးနပ်နပ်နဲ့ ပြိုင်ဘက်တွေကိုကျော်ဖြတ်ပြီး သွားတက်နိုင်ပါစေလို့ ဆုတောင်းပေးပါတယ်ဗျာ။
==============================
ငြိမ်းဇော်ကို
17.7.2022
B.Sc. Biomedical Engineering and Bachelor of Management (Emily Scholarship, Bucknell University, USA)
M.Sc. Environmental Management (Shell-MEM Scholarship, National University of Singapore
MPhil in Conservation Leadership (Silverstrand Scholarship, University of Cambridge, UK)
စာရေးသူ၏ ကိုယ်ရေးအကျဉ်း
https://bit.ly/3cm0EGQ

============================
အခု တင်ဆက်သွားတဲ့ အကြောင်းအရာကို ကြိုက်ရင် ဒီ page ကို Like လုပ် subsribe လုပ်ထားပါ။ အခုလို မြန်မာအများစုမသိတဲ့ စကော်လာရစေတဲ့ နောက်ကွယ်က လျှို့ဝှက်ချက်တွေ၊ ဖြတ်လမ်းတွေကို မသိသူကျော်သွား၊ သိသူဖော်စားပြီး ပြိုင်ဘက်တွေကို အသားစီးယူကျော်ဖြတ်သွားနိုင်အောင် အခါအားလျော်စွာ တင်ဆက်ပေးသွားပါဦးမယ်။

#စကော်လာ #ဘွဲ့လွန်

Congratulations to our founder Mr. Nyein Zaw Ko!!! 🎉Today, Mr. Nyein Zaw Ko has been conferred a Master Degree in Enviro...
12/07/2022

Congratulations to our founder Mr. Nyein Zaw Ko!!! 🎉

Today, Mr. Nyein Zaw Ko has been conferred a Master Degree in Environmental Management by the Natation University of Singapore (NUS) [QS World University Ranking : 11, 2023]. 🎓

His study in this one-year master level program in Singapore is funded by a merit-based scholarship from Shell. As a scholar, he has maintained a very high level of academic achievement in all compulsory modules. And his dissertation on human-wildlife conflict in Singapore has won the “Best Dissertation Award” from the University. 🥇

Today, Mr. Nyein Zaw Ko has become a distinguished alumnus of this prestigious University. He will contribute to the field of environmental conservation by raising awareness about the need for nature conservation, championing sustainability initiatives, building the capacity of young sustainability leaders in Singapore and worldwide, and engaging with stakeholders and partners from other fields and industries to bring nature-based solutions to tackle climate crisis. To stay relevant in this field, he will continue his studies at the University of Cambridge [QS World University Ranking : 02, 2023] and become the first person from Myanmar to get admission from its Master in Conservation Leadership program.

Let’s hold a round of applause for his extraordinary achievement!👏

ကျွန်ုပ်တို့၏ founder ငြိမ်းဇော်ကို၏ နိုင်ငံခြားပညာသင်ဆု ရယူခြင်း၊ မရယူခြင်း ဆုံးဖြတ်ချက်နှင့် ပတ်သက်၍ ဖြစ်ပေါ်နေသော နား...
10/07/2022

ကျွန်ုပ်တို့၏ founder ငြိမ်းဇော်ကို၏ နိုင်ငံခြားပညာသင်ဆု ရယူခြင်း၊ မရယူခြင်း ဆုံးဖြတ်ချက်နှင့် ပတ်သက်၍ ဖြစ်ပေါ်နေသော နားလည်မှုလွဲမှားမှုများနှင့် ကောလဟလများကို ဖြေရှင်းလိုပါသည်။

၁။ မြန်မာနိုင်ငံတွင် ဧရာဝတီလင်းပိုင်များကို ကာကွယ်ထိန်းသိမ်းရန် ဦးဆောင်နှိုးဆော်သူ ကျွန်ုပ်တို့ Nature Advocacy ၏ Founder ငြိမ်းဇော်ကိုအား အင်္ဂလန်နိုင်ငံ Cambridge တက္ကသိုလ်မှ Silverstrand Scholarship အားလည်းကောင်း၊ UK အစိုးရမှ Chevening Scholarship အားလည်းကောင်း တစ်ပြိုင်ထဲ ချီးမြှင့်ခံရသည်မှာ အမှန်ဖြစ်သည်။ ထိုပညာသင်ဆု ၂ ခုတွင် Chevening ပညာသင်ဆုက ငွေကြေးတန်ဖိုးအားဖြင့် လည်းကောင်း၊ ငွေကြေးနှင့် တန်ဖိုးဖြတ်၍ မရသည့် အကျိုးကျေးဇူးများတွင်လည်းကောင်း သာလွန်သည်။

၂။ ထိုဆု ၂ ခုတွင် Chevening ဆုသည် မြန်မာနိုင်ငံကဲ့သို့သော ဖွဲ့ဖြိုးဆဲနိုင်ငံများ တိုးတက်ရေးအတွက် ရည်ရွယ်၍ ပေးသည့်ဆုဖြစ်သောကြောင့် ငြိမ်းဇော်ကိုအနေဖြင့် Chevening ဆုကို ပြန်လည်ပေးအပ်လိုက်ပါက မြန်မာနိုင်ငံ (သို့) အခြား ဖွဲ့ဖြိုးဆဲနိုင်ငံတစ်ခုမှ လူရည်ချွန်တစ်ဦးမှ ထိုဆုကိုရယူသွားကာ ၎င်းနည်းတူ UK နိုင်ငံတွင်ပညာသင်ယူနိုင်မည့် အိမ်မက်တစ်ခု ပြည့်မြောက်သွားပြီး၊ နိုင်ငံနှင့် လူမျိုးအကျိုးကို ပိုမိုသယ်ပိုးနိုင်လိမ့်မည်ဟု ယူဆသည့်အတွက် ထိုပိုမို အကျိုးများသည့် ကာလပေါက်ဈေး ကျပ်ငွေ သိန်း ၁၂၀၀ ခန့်တန်ဖိုးရှိသည့်ဆုအား ဇူလိုင်လ ၇ ရက်နေ့တွင် Chevening သို့ ပြည်အပ်ခဲ့သည်မှာ အမှန်ဖြစ်သည်။

၃။ ထိုဆုအား မည်သူ့ကိုထပ်မံ ချီးမြှင့်မည်ဆိုသည့် ဆုံးဖြတ်နိုင်စွမ်းသည် Chevening Award Committee ထံတွင်သာရှိပြီး ကိုငြိမ်းဇော်ကိုအနေဖြင့် တစုံတရာ ဩဇာသက်ရောက်နိုင်ခြင်းမရှိပါ။ ထိုသို့မရှိကြောင်းအားလည်း ၎င်းကိုယ်ပိုင်အကောင့်မှတင်သော ပို့စ်တွင် အတိအလင်းဖော်ပြထားသည်။

၄။ ကိုငြိမ်းဇော်ကိုမှ Chevening Scholarship တွင် ယခုနှစ် waitlist ဝင်သူများကို ဆက်သွယ်ရန် အကြောင်းကြားခဲ့သည်မှာ အမှန်ဖြစ်သည်။ ရည်ရွယ်ချက်မှာ ၎င်းတို့၏ ရည်မှန်းချက်များကို စီစစ်ကြည့်ပြီး တစ်နှစ်အတွင်းပြောင်းလဲသွားသည့် အခြေအနေတွင် ယနေ့အချိန်ထိ မိမိနေထိုင်ရာပတ်ဝန်းကျင်၏ကောင်းကျိုး၊ ကမ္ဘာလောကကြီးကောင်းကျိုးကို ဆက်လက် ဆောင်ရွက်လိုသေးသူဖြစ်ပါက ယခုနှစ်တွင်ဆုမရခဲ့လျှင် နောက်နှစ်ထပ်လျှောက်ဖို့ အားပေးရန်၊ နောက်နှစ်ထပ်လျှောက်ရာတွင် လျှောက်ပုံလျှောက်နည်း အားနည်းသူဖြစ်ပါက အကြံဉာဏ်ကောင်းများပေးရန်၊ အလုပ်အတွေ့အကြုံအားနည်းသူဖြစ်ပါက လက်ရှိ Nature Advocacy အဖွဲ့မှ အခါအားလျှော်စွာ ဆောင်ရွက်လျက်ရှိသည့် လုပ်ငန်းများတွင် ပါဝင်၍ အတွေ့အကြုံယူနိုင်စေရန် စီစဉ်ပေးဖို့ဖြစ်သည်။ ထိုသို့ဆောင်ရွက်ရာတွင် သဘာဝပတ်ဝန်းကျင်ထိန်းသိမ်းရေးနှင့် ဆက်စပ်လျက်ရှိသော နယ်ပယ်မှသူများကိုသာ အထောက်အပံ့ပေးနိုင်မည်ဖြစ်ပြီး သဘာဝပတ်ဝန်းကျင်နှင့်ဆန့်ကျင်ဘက်လုပ်ငန်းရပ်များ (ဉပမာ-ရေနံနှင့်တွင်းထွက်ပစ္စည်းထုတ်လုပ်ရေး) တွင်ကျင်လည်နေသူများအား အထောက်အပံ့ပေးနိုင်မည်မဟုတ်ပါ။ ထိုအခြေအနေကြောင့် ကတိကျွံသွားမည်စိုးသဖြင့် ဆက်သွယ်စေလိုသည့် ရည်ရွယ်ချက်အား ၎င်း၏ ပို့စ်တွင် ထည့်သွင်းဖော်ပြခဲ့ခြင်းမရှိပါ။

၅။ ထိုရည်ရွယ်ချက်ကို ဖော်ဆောင်ရန်နှင့် အလားအလာရှိသော လူငယ်များကို ထောက်ပံ့ပေးရန် Our NATURE Our FUTURE အမည်ရှိ page တစ်ခုကိုထူထောင်ပြီး ၎င်း၏ နိုင်ငံခြားပညာသင်အတွေ့အကြုံ၊ တက္ကသိုလ်လျှောက်နည်း၊ ပညာသင်ဆုလျှောက်နည်းများကို မျှဝေပေးနေကြောင်း အရိပ်အမွက်အားဖြင့် ၎င်းပို့စ်တွင် ဖော်ပြခဲ့သည်။ နိုင်ငံခြား ပညာသင်ဆုလျှောက်သူများအနေဖြင့် ထိုအချက်ကို နားလည်သဘောပေါက်နိုင်လိမ့်မည်ဟု ယူဆခဲ့သည်။

၆။ ပညာသင်ဆု၏ သဘောသည် တစ်ဦးမှ အခြားသူတစ်ဦးသို့ တိုက်ရိုက်လွှဲပြောင်းပေး၍ မရပါ။ ဆုရရှိသူမှ ၎င်းဆုကိုချီးမြှင့်သည့် အဖွဲ့အစည်းအား ပြန်လည်ပေးအပ်ပြီး ထိုအဖွဲ့အစည်း၏ ဆုံးဖြတ်ချက်ဖြင့်သာ အခြားသူတစ်ဦးကို ထပ်မံချီးမြှင့်လေ့ရှိသည်။ ထိုသဘောတရားကို ငြိမ်းဇော်ကို အသိုင်းအဝိုင်းနှင့် ၎င်းရည်ရွယ်ရင်းဖြစ်သော နိုင်ငံခြားထွက်ပညာသင်ရန် ပြင်ဆင်နေသူများအနေဖြင့် နားလည်ပြီးဖြစ်သည်ဟု ယူဆခဲ့သည်ဖြစ်သည်အတွက် ၎င်း၏ပို့စ်တွင် အကျယ်တဝင့်ရှင်းပြခဲ့ခြင်းမရှိပါ။ သို့သော် ထိုအကြောင်းအရာနှင့် ရင်းနှီးကျွမ်းဝင်ခြင်းမရှိသူ အပြင်လူချို့မှ နားလည်မှုလွဲမှား၍ “ပညာသင်ဆုကို ဆုရရှိသူမှ နောက်တစ်ဦးသို့ တိုက်ရိုက်လွှဲပြောင်းပေးနိုင်သည်” ဟု ထင်မြင်ယူဆသွားသည်ကိုတွေ့ရှိရပါသည်။ မည်သို့ပင်ဖြစ်စေ၊ ထိုဆုကို မြန်မာနိုင်ငံမှ အခြားအရည်အချင်းရှိသူတစ်ဦးရရှိသွားပါက ထိုသူအတွက်ရော၊ နိုင်ငံအတွက်ရော ကောင်းကျိုးသာလျှင် ဖြစ်စေသည် မဟုတ်ပါလား။ ထို့ကြောင့် နားလည်မှုလွဲမှား၍ ပြောဆိုသူများ (သို့) အများပြောသည်ကို နားယောင်၍ သတင်းမှားများကို share မိသူများဖြစ်ပါက အဖြစ်မှန်ကို သိရှိပြီး ပြန်လည်ကူညီဖြေရှင်းပေးရန် မေတ္တာရပ်ခံပါသည်။

၇။ ပိုဆိုးသည်က ထိုသို့ စာရေးသူနှင့် စာဖတ်သူအချို့အကြား သဘောရိုးဖြင့်နားလည်မှုလွဲမှားနေသည့် အားနည်းချက်အား အခွင့်ကောင်းယူ၍ အကျိုးပျက်စီးစေလိုသူ၊ ဆုရရှိသည်ကို မကျေနပ်သူများမှ ငြိမ်းဇော်ကိုသည် ၎င်းရရှိသည့် ပညာသင်ဆုအား “မိမိနှစ်သက်သူကို မလျှော်ဩဇာသုံး၍ လွှဲပြောင်းပေးမည်”ဟု လူမှုကွန်ယက်များတွင် ကောလဟလများကို ရည်ရွယ်ချက်ရှိရှိ ထုတ်လွှင့်ပြီး ပုဂ္ဂိုလ်ရေးအရ တိုက်ခိုက်လျက်ရှိသည်ကို တွေ့ရသည်မှာ အထူးစိတ်ပျက်ဖွယ်၊ စေတနာပျက်ဖွယ်ဖြစ်သည်။

၈။ လက်ရှိအချိန်တွင် အများပြည်သူများ အထင်အမြင်လွှဲမှားစေရန် ရည်ရွယ်ချက်ရှိရှိဖြင့် တိုက်ရိုက်ဖြစ်စေ၊ သွယ်ဝိုက်၍ဖြစ်စေ လူမှုကွန်ယက်များတွင် ကောလဟလဖြန့်သူများကို စုံးစမ်းဖော်ထုတ်လျက်ရှိသည်။ အကယ်၍ ပြစ်မှုထင်ရှားကြောင်းတွေ့ရှိပါက မြန်မာနိုင်ငံ ဗြိတိန်ကောင်စစ်ဝန်ရုံးသို့ တိုင်ကြားသွားမည်။ ထို့ကြောင့် ကျွန်ုပ်တို့အဖွဲ့မှ ဆောင်ရွက်နေသည့်လုပ်ငန်းများအပေါ် အစဉ်တစိုက် အားပေးထောက်ခံခဲ့သူများ၊ တရားမျှတမှုကိုလိုလားသူများ၊ သဘာဝပတ်ဝန်းကျင်ထိန်းသိမ်းရေးနယ်ပယ်တွင် ကျင်လည်နေသည့် ဘဝတူရောင်းရင်းများအနေဖြင့် ထိုသို့ ကောလဟလဖြန့်နေသူများကို လူမှုကွန်ယက်ပေါ်တွင် တွေ့ရှိပါက Screen Shot ရိုက်၍ ပေးပို့ပေးပါရန် အကူအညီတောင်းခံအပ်ပါသည်။

၉။ Chevening Scholarship သည် UK အစိုးရမှ မြန်မာနိုင်ငံတိုးတက်ရေး၊ နိုင်ငံသားတို့ ပညာရည်မြင့်မားရေးအတွက် စေတနာဖြင့် ထောက်ပံ့ပေးသည့် အစီအစဉ်ဖြစ်သည်။ အဖြစ်မှန်ကို သေချာစူးစမ်းခြင်းမရှိဘဲ ထင်ရာမြင်ရာရမ်းသမ်းပြောဆိုနေခြင်းဖြင့် မည်သူအတွက်မှ ကောင်းကျိုးမဖြစ်ဘဲ ဆိုးကျိုးသာလျှင် ဖြစ်ဖို့အလားအလာပိုများသည်။ ယခုနှစ်လျှောက်၍ မအောင်မြင်ပါက နောက်လာမည့်နှစ်များတွင် ထပ်လျှောက်ရန် အလားအလာရှိသေးသည်။ ဆုရရှိသူအချို့မှာလည်း ပထမအကြိမ်တန်းရသူများမဟုတ်ဘဲ နှစ်စဉ်ဆက်တိုက်လျှောက်ရင်း အတွေ့အကြုံမှ သင်ယူ၍ နောက်ဆုံး အောင်မြင်သွားခြင်းမျိုးဖြစ်သည်။ ထို့ကြောင့် ပေးနိုင်သူက ပေးနေချိန်တွင် ယူလိုသူများက ရယူနိုင်ရန် အကောင်းဆုံးပြင်ဆင်သည့်နေရာတွင်သာ အာရုံစူးစိုက်ကြိုးစားပြီး အတင်းအဖျင်းကို သတင်းလုပ်နေခြင်းဖြင့် အဆုံးသတ်တွင် ရရှိနိုင်မည့် အကျိုးရလာဒ်များ မပျက်စီးပါစေနှင့်။

28/06/2022

𝗧𝗵𝗲 𝗛𝘂𝗯𝗲𝗿𝘁 𝗛. 𝗛𝘂𝗺𝗽𝗵𝗿𝗲𝘆 𝗙𝗲𝗹𝗹𝗼𝘄𝘀𝗵𝗶𝗽𝘀 𝗶𝗻 𝗨𝗦𝗔 (𝗙𝘂𝗹𝗹𝘆 𝗙𝘂𝗻𝗱𝗲𝗱, 𝟮𝟬𝟮𝟮/𝟮𝟯)

• ယခုတစ်​ခေါက်​ပြောပြ​ပေးချင်တာက​တော့ Non-Degree Program အတွက်USAမှာသွား​ရောက်သင်ကြားနိုင်မယ့်Hubert Humphret fellowship program ​​လေးပဲဖြစ်ပါတယ်🥰🤗

ယခု programက​တော့ USနှင့် အဖွဲ့ဝင်နိုင်ငံ​တွေအတွင်းလက်ရှိဖြစ်​ပေါ်​နေ​သောပြဿနာများကို ပိုမိုနားလည်​စေရန်၊အသိပညာဗဟုသုတများ ဖလှယ်ရင်း leadership skill တိုးတက်​ချင်​​သောအ​တွေ့အကြုံရှိပညာရှင်များကို​နှစ်စဥ်ပေးအပ်ချီးမြှင့်​နေ​​သောprogramတစ်ခုဖြစ်ပါတယ်။

𝙃𝙤𝙨𝙩 𝙄𝙣𝙨𝙩𝙞𝙩𝙪𝙩𝙞𝙤𝙣

​​ရွေးချယ်ခံရ​သူ​တွေက​တော့မိမိနှစ်သက်ရာတက္ကသိုလ်ကို​တော့​ရွေးချယ်ခွင့်မရှိပါဘူး။​​အောက်တွင်ဖော်ပြထား​သောlinkမှာပါဝင်​သောတက္ကသိုလ်များထဲမှာမိမိရဲ့professional fieldအလိုက်၇​ယောက်မှ၁၅​ယောက်အတွင်းပါဝင်သောgroupများခွဲ​ပေးကာ​ရွေးချယ်​ပေးထား​သောသက်ဆိုင်ရာတက္ကသိုလ်မှာတက်​ရောက်သင်ကြားရမှာဖြစ်ပါတယ်။

https://www.humphreyfellowship.org/host-universities

𝙀𝙡𝙞𝙜𝙞𝙗𝙡𝙚 𝙋𝙧𝙤𝙜𝙧𝙖𝙢 𝙁𝙞𝙚𝙡𝙙𝙨

• Agricultural and Rural Development
• Communications/Journalism
• Economic Development
• Educational Administration, Planning and Policy
• Finance and Banking
• Higher Education Administration
• HIV/AIDS Policy and Prevention
• Human Resource Management
• Law and Human Rights
• Natural Resources, Environmental Policy, and Climate Change
• Public Health Policy and Management
• Public Policy Analysis and Public Administration
• Substance Abuse Education, Treatment and Prevention
• Teaching of English as a Foreign Language
• Technology Policy and Management
• Trafficking in Persons Policy and Prevention
• Urban and Regional Planning

𝙉𝙪𝙢𝙗𝙚𝙧 𝙤𝙛 𝘼𝙬𝙖𝙧𝙙𝙨

👉တစ်နှစ်ကိုfellowships 200​ကျော်ကို​ထောက်ပံ့​ပေး​နေတာဖြစ်ပါတယ်။

𝘽𝙚𝙣𝙚𝙛𝙞𝙩𝙨

• full tution fees at host university
• လိုအပ်ပါကPre-academic English language training fees
• living allowance
• Accident and sickness coverage
• A book allowance
• A one-time computer allowance
• Air travel allowance
• Professional developement(field trip,professional visits,conferences)လုပ်ဖို့လိုအပ်ပါကထိုအတွက်လည်း​ထောက်ပံ့​ပေးသွားမယ့်အမိုက်စားအခွင့်အ​ရေးဖြစ်ပါတယ်။

𝙀𝙡𝙞𝙜𝙞𝙗𝙞𝙡𝙞𝙩𝙮

• Bachelor degree တစ်ခုခုရရှိထားသူဖြစ်ရပါမယ်
• မိမိသက်ဆိုင်ရာfieldမှာprofessional အ​တွေ့အကြုံအနည်းဆုံး၅နှစ်ရှိရပါမယ်
• Limited or no prior experience in US
• Leadership skill ပြသနိုင်သူ
• Community work လုပ်ထား​ကြောင်းအ​ထောက်အထားနှင့်အတူ
• English language ability တို့ကိုပါပြသ​ပေးရမှာဖြစ်ပါတယ်။

👉Program အ​ကြောင်းအ​သေးစိတ်ကို​တော့U.S. Embassy နှင့်​အောက်​ဖော်ပြပါlinkမှတစ်ဆင့်အ​သေးစိတ်​လေ့လာနိုင်ပါတယ်​🤗

U.S. Embassy in Burma ရဲ့ Scholarship Web link
https://mm.usembassy.gov/education-culture/scholarship-programs/

Hubert Humphret fellowship program ​​web link:
https://www.humphreyfellowship.org/

‼️𝘼𝙥𝙥𝙡𝙞𝙘𝙖𝙩𝙞𝙤𝙣 𝙙𝙚𝙖𝙙𝙡𝙞𝙣𝙚- 1𝙨𝙩,𝙅𝙪𝙡𝙮 2022‼️

*****************************************************

လူတန်းစား အလွှာအသီးသီးအတွက်ပေးတဲ့ Partial/Full Scholarship တွေရဖို့ မြန်မာကျောင်းသားတွေအတွက် Update Information တွေ ​တင်ပေးနေတာကြောင့် FYI page လေးကို Like and Follow လုပ်ထားကြပါခင်ဗျား........။









𝐏𝐥𝐳 𝐬𝐡𝐚𝐫𝐞 𝐭𝐡𝐢𝐬 𝐩𝐨𝐬𝐭 𝐟𝐨𝐫 𝐨𝐭𝐡𝐞𝐫𝐬.
𝐃𝐨 𝐧𝐨𝐭 𝐜𝐨𝐩𝐲 𝐚𝐧𝐝 𝐩𝐚𝐬𝐭𝐞 𝐭𝐡𝐢𝐬 𝐩𝐨𝐬𝐭.

Address

No. 86, 49th Street, Pazundaung
Yangon
11171

Opening Hours

09:00 - 18:00

Website

Alerts

Be the first to know and let us send you an email when Our NATURE Our FUTURE posts news and promotions. Your email address will not be used for any other purpose, and you can unsubscribe at any time.

Shortcuts

Share

Category