getEdu

စာအုပ်ဝယ်ရင်း တီထွင်ကိုလှူပါ 📢📢

တီထွင်ဆိုတာက မငြိမ်းချမ်းဘဲ စစ်ဖြစ်ပွားနေတဲ့ဒေသတွေ၊ ချို့တဲ့တဲ့ ဒေသတွေမှာရှိတဲ့ ကျောင်းသားတွေအတွက် အဆင့်မြင့် STEAM ကျောင်းပြင်ပ ပညာရေး ကို မြေပြင်မှာ အခကြေးငွေမယူဘဲ သင်ကြားပေးနိုင်ဖို့ ကြိုးပမ်းနေတဲ့ အဖွဲ့အစည်းသစ် တစ်ခု ဖြစ်ပါတယ်။
တီထွင်အဖွဲ့အစည်းကို ၂၀၂၂ ခုနှစ်၊ ဧပြီလ ၁၇ရက်၊ နှစ်ဆန်းတစ်ရက်နေ့မှာစတင်ဖွဲ့စည်းခဲ့တာဖြစ်ပြီး ယခု လောလောဆယ် ဆရာ၊ ဆရာမ အယောက် ၃၀၀ ကျော်ကို Google Workspace Training သင်ကြားပေးနေပါတယ်။

ကျွန်တော်တို့ တီထွင်ရဲ့ အဓိက ရည်မှန်းချက်ကတော့ ခက်ခဲ့တဲ့ ဒေသက ကျောင်းသားတွေအတွက် အင်တာနက် ဘေဖိုး ထောက်ပံ့ဖို့၊ STEAM camp တွေ ပြုလုပ်ပေးနိုင်ဖို့ ဖြစ်ပါတယ်။ အဲဒီ ရည်မှန်းချက်တွေ အကောင်အထည်ပေါ်ဖို့၊ ကျောင်းသားလေးတွေ အဆင့်မြင့်ပညာရေးနဲ့ ထိတွေ့ခွင့်ရဖို့ ရန်ပုံငွေ လိုအပ်ပါတယ်။
အခုဒီစာကို ဖတ်နေတဲ့ လူကြီးမင်းဟာ ကျွန်တော်တို့ ရည်မှန်းချက်တွေ အောင်မြင်ဖို့အတွက် ပါရမီဖြည့် ကူညီလှူဒါန်းနိုင်ပါတယ်။
လှူတဲ့အခါမှာ အလွတ်လှူတာမဟုတ်ဘဲ စာအုပ်ဝယ်ရင်း လှူဖို့ အစီအစဉ်လေး လုပ်ထား ပါတယ်ဗျ။

ဘာစာအုပ်လဲဆိုတော့ "Digital Literacy for Everyone - လူတိုင်းအတွက် ဒစ်ဂျစ်တယ်တတ်မြောက်မှု" ဆိုတဲ့ E-book စာအုပ်လေးဖြစ်ပါတယ်။
ဒီစာအုပ်ကို getEdu Education ကနေ ၂၀၂၂ခုနှစ်၊ မတ်လမှာ E-Book, Printed Book အနေနဲ့ ဖြန့်ချိ ခဲ့တာဖြစ်ပါတယ်။
မြန်မာပြည်မှာ ပထမဆုံးသော ဒစ်ဂျစ်တယ် တတ်မြောက်မှု၊ ကျင့်ဝတ်တွေနဲ့ ပတ်သက်တဲ့ စာအုပ်ဖြစ်ပြီး လူကြိုက်များခဲ့တဲ့ စာအုပ်တစ်အုပ်လဲ ဖြစ်ပါတယ်။

လူကြီးမင်းက "၁၂၀၀ ကျပ်" တီထွင်ကို လှူဒါန်းပြီး အဲဒီစာအုပ်ကို လက်ဆောင်ပြန်ရရှိမှာပါနော်။ အဲ့ကနေ ရရှိတဲ့ ငွေတွေအားလုံးဟာ ရန်ပုံငွေထဲ ရောက်ရှိမှာ ဖြစ်ပါတယ်။

၁၂၀၀ ကျပ်လို့ သက်မှတ်ထားပေမဲ့ ကျွန်တော်တို့ရဲ့ လုပ်ငန်းတွေကို မြန်မြန် အကောင်အတည် ပေါ်စေချင်ရင် ဒီထက်လဲ ပိုလှူနိုင်ပါတယ်ဗျ။

လှူချင်တယ်ဆိုရင်တော့ page chatbox ကို ငွေလွှဲရမဲ့ account လေး လာရောက်တောင်းယူနိုင်ပါတယ်။

စာအုပ်မာတိကာ၊ စာအုပ်အကြောင်းနဲ့ အခြားသိချင်တာတွေကိုလဲ ကျွန်တော်တို့ရဲ့ Chatbox ကို အားမနာတမ်းလာရောက်မေးမြန်းနိုင်ပါတယ်။



#စာအုပ်ဝယ်ရင်းလှူ

Programming အခြေခံကို 5000 KS ဖြင့် သင်တန်းတက်ချင်သူများ SCRTH ဟု Comment တွင် မန့်ရန်။

getEdu Platform ကိုအသုံးပြုနေသူ ဆရာများ၊ ကျောင်းသားများ အမေးများတဲ့ မေးခွန်းတွေ
(FAQ)

၁။
Q : ကျောင်းသားတွေက website ထဲက ကိုယ့် course ကို နှိပ်ပြီး ဝင်တဲ့အခါ ဘာမှမပေါ်လာဘူး။
A : Course ထဲမှာ video မတင်ရသေးလို့ပါ။ တစ်ပုဒ်တင်ပြီးတာနဲ့ ဝင်ရသွားပါမယ်။

၂။
Q : ဗီဒီယိုတွေ တင်လိုက်ပေမဲ့ မရောက်သွားဘူး။
A : Form တစ်ခုထဲမှာ ဆက်တိုက်တင်လို့ဖြစ်ပါတယ်။
တစ်ပုဒ်ပြီးတိုင်း form အသစ်ယူပါ။
နောက်ပြီး တစ်ပုဒ်နဲ့တစ်ပုဒ်ကြား ၅မိနစ်လောက် နားပါ။

၃။
Q : ကျောင်းသားက code နဲ့ဝင်လာပြီ၊ ကိုယ်ကလဲ admit လုပ်ပြီးပြီ၊ ဒါပေမဲ့ ကျောင်းသားဆီ မပေါ်လာဘူး။
A : Reload လုပ်ကြည့်ပါ။

အခြားသိချင်တာများရှိပါက getEdu ရဲ့ chatbox ကို
အချိန်မရွေးလာမေးနိုင်ပါတယ်။

မင်္ဂလာပါ ဦးဦးဒေါ်ဒေါ် ကိုကိုမမ တို့ရေ..။
ဒီနေ့မှာတော့ ဂတ်က မီးစက် တွေအကြောင်းကို ပြောပြမှာ ဖြစ်ပါတယ်။ ❣️
မီးစက်ကိုတော့ လူတိုင်း မြင်ဖူးကြမှာပါနော်။ မီးစက်ကို ဘယ်လို အချိန်အနေမှာ သုံးတယ်ဆိုတာတော့ ပြောစရာမလိုလောက်တော့ဘူး ထင်ပါတယ်။ 🥲

ဂတ်တို့တွေ အခု အသုံးပြုနေကြတဲ့ မီးစက်တွေရဲ့ ပထမမျိုးဆက် ကို
သိပ္ပံပညာရှင် မိုက်ကယ် ဖာရာဒေး (Michael Faraday) က
(၁၈၃၁) ခုနှစ်မှာ အစောဆုံး စတင် တီထွင်ခဲ့တယ်လို့ ယူဆကြပါတယ်။
သူဟာ ဝိုင်ယာခွေ နဲ့ သံလိုက်ချောင်းတို့ကို အသုံးပြုပြီး လျှပ်စစ်စီးပတ်လမ်း တစ်ခုကို စတင်ပြုလုပ်နိုင်ခဲ့ပါတယ်။
ဖာရာဒေးဟာ ဒီလျှပ်စီးပတ်လမ်းလေးက တစ်ဆင့်
ပထမဆုံး လျှပ်စစ်သံလိုက် Electromagnetic Generator ကို
တီထွင် နိုင်ခဲ့ပါတယ်။

(၁၈၃၂) မှာတော့ ဟစ်ပိုလိုက် ပစ်ဆီ (Hippolyte Pixii) က
AC ကနေ DC ကို ပြောင်းနိုင်တဲ့ ပထမဆုံး Magnetoelectric Generator (ဒိုင်နမို) ကို ဥရောပမှာ တီထွင်နိုင်ခဲ့ပါတယ်။
နောက်ပိုင်း စမ်းသပ် တီထွင်မှုတွေမှာတော့ လုပ်ငန်းသုံးမီးစက်တွေကို
စတင်ထုတ်လုပ်နိုင်ခဲ့တဲ့ ဝက်(စ်)စတင်းဟောက်စ် (Westinghouse) နဲ့ ဆီဇ်မန်း(Siemen) တို့ ပါဝင်ခဲ့ကြပါတယ်။

မီးစက်တွေ ဘယ်လိုအလုပ်လုပ်သလဲ။❔

ငယ်ငယ်တုန်းက သံလိုက်နဲ့ သံထည်ပစ္စည်းတွေကို ဆွဲငင်ပြီး ဆော့ဖူးကြပါလိမ့်မယ်။
မီးစက်တွေက ရိုးရှင်းတဲ့ Faraday’s Law အပေါ်အခြေခံပြီး သံလိုက်တွေက တစ်ဆင့် လျှပ်စစ် ထုတ်ပေးပါတယ်။
မီးစက်ကပေးနိုင်တဲ့ ပါဝါကို လျှပ်စစ်စီးကြောင်းမှာရှိနေတဲ့
အလက်ထရွန် အရေအတွက်နဲ့ ဖိအားပေါ်မူတည်ပြီး ဆုံးဖြတ်ပါတယ်။

လျှပ်စီးကြောင်းမှာ စီးဆင်းနေတဲ့ အလက်ထရွန် အရေအတွက်ကို
Amperage (Unit – amps) အနေနဲ့ တိုင်းတာ ဖော်ပြပြီး
ဖိအား ကိုတော့ ဗို့အား (Volts) နဲ့ တိုင်းတာပါတယ်။

မီးစက်တွေက လျှပ်စစ်ဓာတ်ကို ကိုယ်တိုင် မထုတ်လုပ်နိုင်ကြပါဘူး။
စွမ်းအင် ဒါမှမဟုတ် ဓာတုစွမ်းအင် ကို လျှပ်စစ်စွမ်းအင် အဖြစ်
ပြောင်းလဲပေးကြတာဖြစ်ပါတယ်။
အထက်မှာ ပြောခဲ့သလို လျှပ်စစ်ပတ်လမ်း (Electrical Circuit) တစ်ခုပေါ်မှာ
အလက်ထရွန်စီးကြောင်းဖြစ်ပေါ်အောင် ပြုလုပ်ပြီး လျှပ်စစ်စွမ်းအင်ကို ပြောင်းလဲ ထုတ်ယူတာဖြစ်ပါတယ်။

ဥပမာ ပြောရရင် ...
လောပိတ ရေအားလျှပ်စစ်စက်ရုံမှာ ရေတံခွန်က ရရှိလာတဲ့ ရေအားနဲ့ တာဘိုင် တွေကို လည်ပတ်စေပါတယ်။
တာဘိုင်တွေလည်ပတ်တဲ့အခါ စက်စွမ်းအင်ရရှိလာပြီး ဒီစက်စွမ်းအင်က လျှပ်စစ်စွမ်းအင်ကို ထုတ်ပေးမဲ့ စက်တွေကို လည်ပတ်စေပါတယ်။
ဒီနည်းနဲ့ အရွေ့စွမ်းအင် (ရေအား)က တစ်ဆင့် စက်စွမ်းအင် ၊
စက်စွမ်းအင်က တစ်ဆင့် လျှပ်စစ်စွမ်းအင် ကို
ပြောင်းလဲထုတ်ယူကြတာ ဖြစ်ပါတယ်။

ဒါကြောင့် ရေအားလျှပ်စစ်စက်ရုံတွေကို မီးစက်အကြီးကြီးတွေ အနေနဲ့ မှတ်ထားနိုင်ပါတယ်။ ရေအားလျှပ်စစ်စက်ရုံတွေမှာတော့ လျှပ်စစ်ဓါတ်ထုတ်ဖို့ ရေအား အသုံးပြုပြီး မီးစက်တွေမှာတော့ ဓါတ်ဆီ အစရှိတဲ့ လောင်စာဆီတွေကို သုံးရပါတယ်။

အခုခေတ်မှာတော့ လျှပ်စစ်စွမ်းအင်ရဖို့ ဒီနည်းလမ်းတွေတင်မကဘဲ အခြား clean energy နဲ့ renewable energy နည်းမျိုးစုံ ရှိနေပါပြီ။
(ဒီ energy တွေအကြောင်းကိုတော့ နောက်ရက်မှာ ဆက်လက်တင်ဆက် ပေးသွားပါမယ်။)

မီးစက်တွေကို –

အိမ်သုံး
စက်ရုံသုံး
လုပ်ငန်းသုံး စသဖြင့် ခွဲနိုင်ပါတယ်။

မီးစက်တွေမှာ
အင်ဂျင်
Alternator
လောင်စာ (ဆီ) စနစ်
Voltage Regulator
အအေးခံစနစ်နဲ့ အိပ်ဇောစနစ်
ချောဆီစနစ်
ဘက်ထရီ
Control Panel
မိန်း ဖရိန် တို့ ပါဝင်ကြပါတယ်။

---
ဒီလောက်ဆိုရင် မီးစက်တွေအကြောင်း အကြမ်းဖျဉ်းတော့ သိသွားကြလိမ့်မယ်လို့ ထင်ပါတယ်။
အဆုံးထိ ဖတ်ရှုပေးတာကိုလဲ ကျေးဇူးတင်ပါတယ်။
နောက်ရက်မှာလဲ ဘယ်လိုအကြောင်းအရာတွေ တင်ပေးအုံးမလဲဆိုတာကို စောင့်ကြည့်ပေးကြအုံးနော်။ ✨

အသစ်တင် သမျှ သိရဖို့ : https://t.me/getedummofficial

ဒီကနေ့ မတ်လ ၈ရက်နေ့ မှာ ကျရောက်တဲ့
နိုင်ငံတကာ အမျိုးသမီးများနေ့ကို ကြိုဆို ဂုဏ်ပြုပါတယ်။
👨‍🌾👩‍🍳👩‍🏭👩‍💼👩‍🎤👩‍🔬👩‍🎨👩‍🚀👩‍✈️👩‍🚒🧕👰‍♀️🤱

getEdu Learning Portal မှာ ဖွင့်လှစ်တော့မဲ့
Photoshop နဲ့ Illustrator
Graphic Design (Basic Class) သင်တန်း နှစ်ခု 🤩
=======================

getEdu portal မှာ graphic design နဲ့ပတ်သက်တဲ့ course ၂ခုကို စတင်ဖွင့်လှစ်တော့မှာ ဖြစ်ပါတယ်။
ဘာ course တွေလဲဆိုတော့ "Adobe Photoshop Basic" နဲ့ "Adobe Illustrator Basic" တို့ပဲ ဖြစ်ပါတယ်။
ဒီသင်တန်းဟာ video learning ဖြစ်လို့ မထိရောက်မှာကိုတော့ လုံးဝမပူပါနဲ့နော်။ ဆရာနဲ့တိုက်ရိုက်ချိတ်ထားပြီး အမြဲအိမ်စာထပ်ရမှာပါ။ 😊

ဘာတွေသင်မလဲဆိုတာတော့ အောက်ဆုံးမှာ outline ကို ဖော်ပြပေးထားပါတယ်ရှင့်။ 🤔

သင်တန်းချိန် - video class ဖြစ်တဲ့အတွက် သက်မှတ်ထားတဲ့ ရက်တွေမှာ အဆင်ပြေတဲ့အချိန် လေ့လာနိုင်မှာပါ။
သင်တန်းကြေး - 20,000 ks (course တစ်ခုစီကို ၂၀၀၀၀ ကျပ်ဖြစ်ပါတယ်။ )
သင်တန်းကာလ - ( ၂လ ခွဲ)
စတင်မဲ့ရက် - 15.3.2022

သင်ကြားမဲ့ပုံစံ 😉

📕 getEdu E-learning Portal နဲ့ သင်ကြားပေးသွားမှာဖြစ်ပါတယ်။
(Video သင်ခန်းစာများအားလုံးကို ထည့်သွင်းထားပြီး အားတဲ့ရက်မှ ဝင်ရောက်လေ့လာနိုင်တဲ့ သင်တန်းအမျိုးအစားမဟုတ်ပါဘူး။ ပုံမှန်လေ့လာ သွားရမှာ ဖြစ်ပါတယ်။)

📕 တစ်ပတ် ၃ ရက် သင်ခန်းစာ Video File တွေကို portal ထဲမှာ ကို တင်ထားပေးမှာ ဖြစ်ပါတယ်။
တစ်ပတ် ၃ ရက် သင်ခန်းစာတွေကို
ကျန် ၄ ရက်အတွင်း ပြန်လည်လေ့ကျင့်ရမှာ ဖြစ်ပြီး လေ့ကျင့်ပြီးသား သင်ခန်းစာများကို သင်တန်းဆရာက တစ်ဉီးချင်း ပြန်လည်စစ်ဆေးမှာ ဖြစ်ပါတယ်။
( အိမ်စာကို သေချာလိုက်လုပ်နိုင်သူတွေပဲ သင်တန်းတက်ရောက်သင့်ကြောင်းပါ။)

သင်တန်းကာလ ၂ လ ခွဲအတွင်း ပြိုင်ပွဲတွေ အပြိုင်အဆိုင် ယှဉ်ပြိုင်ရမည် ဖြစ်ပါတယ်။
ပြိုင်ပွဲက ဆုရရှိသူတွေကို ဆုချီးမြှင့်ခြင်း အစီအစဉ်တွေ ပါဝင်ပါတယ်။ 😍

သင်တန်းသားတွေဟာ Graphic Design ပညာရပ်ကို အမှန်တကယ် စိတ်ဝင်စားပြီး စိတ်အားထက်သန်လိုစိတ်ရှိရပါမယ်။

သင်တန်းဆင်းရင် Certificate ရရှိမှာ ဖြစ်ပြီး Certificate ငွေကြေးထပ်မံပေးဆောင်ဖို့ မလိုအပ်ပါဘူး။ 👌

သင်တန်းတက်ရောက်လိုပါက getEdu page ရဲ့ chatbox မှာ လာရောက်မေးမြန်းနိုင်ပါတယ်ရှင့်။
သင်တန်းငွေလွှဲပြီတဲ့အခါ portal app ထဲက course ရဲ့ code ကိုပို့ပေးမှာ ဖြစ်ပါတယ်။ အသုံးပြုနည်းကိုလဲ ပြောပေးမှာပါ။
ဒါဆို ဆရာဗီဒီယိုတင်မဲ့ရက်ကို စောင့်ပြီး လေ့လာနိုင်ပါပြီ။ 💜

▪ Course outline

✅ Photoshop
========

Tool Lesson

- Photoshop intro
- Photoshop interface
- Move tool
- Marquee tools
- Lasso tools
- Document Box
- Marque Tool
- Quick selection and Magic wand tools
- Spot Healing Brush Tools
- Type Tool
- Pen Tool
- Gradient Tool
- Shape Tool
- Blur Tool
- Clone Stam Tool
- Crop tools
- Eye dropper tool
- Layer mask
- Brightness and Contrast
- Hue and Saturation
- Color Balance
- Clipping mask
- Warp
- Puppet warp

Design Lesson

- commercial design
- Business Card design
- Name Card design
- Voucher design
- Calendar design
- Social Media design
- Poster design
- Manipulation
- Passport
- Office Document design
- GIF design
- Animation design
- Packaging design
- Vinyl design/ poster design

Graphic Design Knowledge

- Social media Photo size
- Colour theory
- Rule of third
- RGB and CMYK
- Graphic Design Support Websites Name
- image format
- Experience Knowledge

---

✅ Illustrator
=======

Tool Lesson

- Selection Tool + Direct selection tool
- Magic Wand Tool
- Lasso Tool
- Pen Tool + Curvature Tool
- Text Tool
- Line Segment Tool
- Rectangle Tool
- Paint Brush Tool
- Shape Tool
- Erarser Tool
- Rotate Tool + Scale Tool
- Shape Builder Tool
- Gradient Tool
- Eye dropper Tool
- Blend Tool

Design Lesson

- Logo basic guideline
- Logo Standard
- Logo Creactive
- Character illustration
- Printing design
- commercial design
- Business Card design
- Name Card design
- Voucher design
- Calendar design
- Social Media design
- Poster design
- Manipulation
- Passport
- Office Document design
- GIF design
- Animation design
- Packaging design
- Vinyl design/ poster design


#သင်တန်း

"အမှားပြင်ဆင်ခြင်း"

getEdu က ထုတ်ဝေတဲ့ Digital Literacy for Everyone စာအုပ်ရဲ့
ပုံနှိပ်မှတ်တမ်းမှာ
"..... နဲ့ ဖြန့်ချီပါတယ်။" လို့ မှားယွင်းရေးခဲ့မိပါတယ်။
စာလုံးပေါင်း အမှန်မှာ ဖြန့်ချိ ဖြစ်ပါတယ်။
ဒုတိယအကြိမ်ထုတ်တဲ့အခါ ပြင်ဆင်သွားမယ် လို့ ကတိပြုပါတယ်။