Teachers' Talk

06/08/2025

So-called inclusive education ကို ဘယ်လိုပြင်ဆင်ကြမလဲ။
Inclusive education ကို လက်တွေ့ကျကျ ဘယ်လို တည်ဆောက်ကြမလဲ။
General teacher နဲ့ Inclusive education teacher တွေက ဘာတွေကွာသလဲ။ သူတို့က ဘာကြောင့်အတူရှိသင့်ပြီး အချင်းချင်း ဘယ်လိုလေ့လာလို့ ရကြမလဲဆိုတာကို Episode-2 မှာ မျှဝေပေးထားပါတယ်။

https://youtu.be/rVOUXObsHV4?si=POPQ1kYV2RibdFDW

So-called inclusive education ကို ဘယ်လိုပြင်ဆင်ကြမလဲ။Inclusive education ကို လက်တွေ့ကျကျ ဘယ်လို တည်ဆောက်ကြမလဲ။General teacher နဲ့ Inclusive education teacher...

21/07/2025

ယနေ့ခေတ်မှာ critical thinking တခုတည်းနဲ့
လုံလောက်မှုရှိပါသလား?

ကျွန်တော် ၂၀၁၀ပြည့်နှစ်အစောပိုင်း CSO များနဲ့ အတူတကွ အလုပ်လုပ်တုန်း Reading, Writing & Critical Thinking (RWCT) ကိုစပြီး ရင်းနှီးခဲ့ပါတယ်။

၂၀၁၆ မှာတော့ Integrating Critical Thinking into the Exploration of Cultural Content in English Language Teaching ကိုလေ့လာပြီး distinction တွေရခဲ့သေးသား....

၂၀၂၂ မှာတော့ Reflective Learning တဲ့။ သူကလည်း Critical Thinking ကို အခြေခံပြန်ကော....

၂၀၂၃ မှာ ထပ်ပြီးရှာဖွေတွေ့ရှိခဲ့တာတော့
-Visible Thinking Routine
-Critical Creativity in Action တဲ့

အဓိကပြောချင်တာနဲ့ ခေတ်ကာလတွေ တိုးတက် ရွှေ့လျားလာတဲ့အလျှောက် Critical Thinking ကို ချည်းကပ်မှုတွေက ပိုပြီးနက်ရှိုင်းလာတယ်။ ပိုပြီး ရှုပ်ထွေးလာတာကို တွေ့ရပါတယ်။

RWCT ကို ကျွန်တော်သိခဲ့တဲ့ ၁၀နှစ်ကျော် လာလအတွင်း Critical thinking ကို သင်ခန်းစာတွင်း ထည့်သွင်းသင်ကြားရတာဟာ အင်မတန်မှ အနုစိတ်ပြီး ပျော်စရာကောင်းလာပါတယ်။

ဒီထပ်ပိုအရေးကြီးတာက educators တွေကလည်း ခေတ်ရေစီးချောင်းနဲ့ လျော်ညီသော သင်ကြားမှုနည်းစနစ်တွေ၊ သီအိုရီတွေကိုပါ လေ့လာနေရတာပါ။

ခေတ်နဲ့လျော်ညီသော Critical thinking skill တွေကို အကောင်းဆုံးထည့်သွင်းနိုင်ကြပါစေလို့ ဆုတောင်းရင်း မကြာခင်ပြုလုပ်မယ့် Teaching empowerment series တခုမှာ တွေ့စုံကြရအောင်။

25/12/2024

ဆရာ၊ဆရာမများအတွက် ရွေးချယ်စရာ ခေါင်းစဉ် (၁၀)ခုရှိတဲ့ OPEN Program အကြောင်းကို မျှဝေမယ့် Alumni များနဲ့ မိတ်ဆက်ပေးပါရစေ။

Panel discussion, application process, essay writing တွေမှာ
-Tr. Khin Moh Moh Aye
-Tr. May Thazin Htet
-Tr. San San Nyunt
-Tr. Saw Ehta Ler
-Tr. Shwesin Thein
-Tr. Thein Min Htike
-Tr. Thiri Min Sin
-Tr. Thiri Wai Phyo Han တို့ကနေပြီး မျှဝေသွားမှာပါ။ ဒီဆရာ၊ဆရာမတွေက OPEN အပြင် OPEN နဲ့ဆက်စပ်တဲ့ အခြားသော အစီစဉ်တွေမှာပါ ပါဝင်ထားလို့ အကြံဉာဏ်ကောင်းတွေ များစွာရကြမှာပါ။

၂၆-၁၂-၂၀၂၄(ကြာသပတေးနေ့)
ညနေ (၆) နာရီမှာ ဆုံကြပါမယ်။

တကယ်လို့ စာရင်းမသွင်းရသေးရင် အခုပဲစာရင်းပေးသွင်းလိုက်ပါနော်။
https://forms.gle/YL7C9f3kwrW94P3N7

22/12/2024

၂၀၂၄ ကို အကောင်းဆုံးသောအခွင့်အလမ်းတွေနဲ့ အဆုံးသတ်ဖို့ OPEN Alumni တွေနဲ့အတူ စကားပြောကြရအောင်နော်။

8th January, 2025 နောက်ဆုံးထားလျှောက်ထားရမယ့် OPEN Program ဟာဆိုရင် အမေရိကန်နိုင်ငံက အရည်အသွေးမြင့် ပညာရေးအဖွဲ့အစည်းတွေကနေပြီး ဆရာများအတွက် သင်တန်းတွေကို တက်ရောက်ခွင့်ပေးတာဖြစ်ပါတယ်။ ဒီအစီစဉ်ကို အမေရိကန်ပြည်ထောင်စုက ပံ့ပိုးပေးတာဖြစ်ပြီး အွန်လိုင်းကနေ တက်ရောက်ရုံပါပဲ။

ဒီအစီစဉ်ကို တက်ရောက်ဖူးတဲ့
ဆရာ၊ ဆရာမတွေကနေပြီး

-ဘာကြောင့် OPEN ကိုတက်သင့်တယ်။
-Form ဘယ်လိုဖြည့်ရမယ်
-Essay ဘယ်လိုရေးရမယ်
-ဘယ်ခေါင်းစဉ်တွေ ရွေးလို့ရသလဲဆိုတာ
ပြောပြပေးမှာဖြစ်လို့

၂၆-၁၂-၂၀၂၄
ညနေ (၆) နာရီမှာ Zoom ကနေဆုံဖို့ ဒီ link ကနေ form ဖြည့်လိုက်ပါနော်။

https://forms.gle/YL7C9f3kwrW94P3N7

21/10/2024

Scholarship essay တွေကိုရေးနေပေမယ့်
စိတ်တိုင်းမကျနေဘူး၊ ဘာမှခေါင်းထဲမပေါ်လာဘူး
ဖြစ်နေရင်တော့ ဒီစာလေးကို ဆက်ပြီးဖတ်ရှုကြည့်ပါနော်။

အောက်ကဖော်ပြပါအချက်တွေကို တခုချင်းလိုက်လုပ်ကြည့်ပါနော်။

၁။ ကိုယ်လျှောက်ထားမယ့် scholarship က ဘာကိုအသားပေးတာလဲ။
သူတို့ theme နဲ့ ကိုယ့်ဆီမှာရှိတာ တထပ်တည်းကျသလား။
ဘယ်လိုချိတ်ဆက်မှုတွေ ရှိသလဲ စဉ်းစားပါ။

၂။ ကိုယ်က ဘာကြောင့် scholarship ကို လိုအပ်တာလဲ။
ကိုယ့်ကိုရွေးချယ်လိုက်ရင် ကိုယ့်ပတ်ဝန်းကျင်က ဘယ်လိုပြောင်းလဲသွားမလဲ။
ကိုယ့်ကိုရွေးရင် scholarship ပေးတဲ့ အဖွဲ့ဖက်ကကော ဘာတွေရမလဲ။

၃။ကိုယ်အရင်က ဘာတွေလုပ်ခဲ့ဖူးသလဲ။ ကိုယ်ကြောင့် ဘယ်လို
အပြောင်းလဲမှုတွေရသွားသလဲ။ ကိုယ့်အတွေ့အကြုံတွေကို
ဘယ်လိုယူဆောင်မျှဝေပေးနိုင်မလဲ။

၄။ ကိုယ့်ဆီမှာ ဘယ်လိုခေါင်းဆောင်မှုစွမ်းရည်တွေရှိသလဲ။
အခက်ခဲတွေကိုကော ကျော်ဖြတ်နိုင်မလား။ တခြားဘယ်လို
စွမ်းရည်တွေရှိပါသေးသလဲ။

၅။ ကိုယ့်အနာဂတ်မှာ ဘာတွေလုပ်ချင်သလဲ။ လူတွေကို
ဘာတွေများပြန်ပြီး ထပ်ပေးချင်ပါသလဲ။

၆။ ကိုယ်က ဘာကြောင့် ဒီ scholarship မှာပါဝင်ဖို့ သင့်လျှော်တာလဲ။
ဘယ်လိုအတွေ့အကြုံတွေရှိခဲ့လို့လဲ။ ဘာတွေထပ်လုပ်ပေးနိုင်လို့လဲ။

စတဲ့အချက်တွေကို စဉ်းစားပြီး ပေးထားတဲ့မေးခွန်းတွေကို
တဆင့်ချင်းဖြေမယ်၊ ဉပမာတွေ ဝေဝေဆာဆာပေးရင်
ကောင်းမွန်တဲ့ essay တွေ ထွက်လာမှာဖြစ်ပါတယ်။

တခြား scholarship နဲ့ဆိုင်တာတွေအတွက်
ဒီနေရာမှာဖတ်ရှုနိုင်ပါတယ်။

၁။ Scholarship ပြင်ဆင်ရာဝယ်
https://www.facebook.com/share/p/C4akc8bDzbNhfcSt/

၂။ Scholarship essay ရေးမည့်သူများအတွက်
https://www.facebook.com/share/p/vEXvVfFkrypwZffQ/

၃။ DISP မှာ ဘာတွေပြောင်းလဲသွားသလဲ
https://www.facebook.com/share/p/L6EXdKJHC5mvtkHR/

15/10/2024

Cohort-1 မှာလျှောက်ထားသူ တအားများခဲ့တဲ့ DISP ကို
ပြန်လည်လျှော်ကထားလို့ရပြီဖြစ်ပါတယ်။ Cohort-2 မှာတော့
အပြောင်းအလဲတွေရှိလို့ လျှောက်ထားမယ့်သူတွေအတွက်
ဖော်ပြပေးပါရစေ။ အထူးသဖြင့် လျှော်ထားချိန်မှာ သိထားသင့်တဲ့
အချက်အလက်တွေကိုပဲဖော်ပြပေးလိုက်ပါတယ်။

၁။ စလျှောက်ထားတဲ့အချိန်မှာ transcripts တွေ စတင်လိုအပ်ပါတယ်။

ဒီအတွက်ကြောင့် postgraduate level ဆိုရင် အနည်းဆုံး
ပြီးစီးခဲ့တဲ့ undergraduate degree certificate, transcripts,
Diploma certificate, transcript စတာတွေလိုပါတယ်။

Undergraduate level ဆိုရင်လည်း (၁၀)တန်းအောင်လက်မှတ်၊
အမှတ်စာရင်း၊ ကိုယ်တက်ခဲ့ပြီးတဲ့ အတန်းရဲ့ အမှတ်စာရင်း
စတာတွေကို ကြိုတင်ရယူထားဖို့အတွက်လိုအပ်ပါတယ်။
_______________________________________

၂။ Recommendation letter (၂)ခုပဲလိုပါတော့တယ်။

အရင်နှစ်တုန်းကတော့ (၃)စောင်လိုခဲ့ပါတယ်။ ဒီနှစ်မှာတော့
(၂)စောင်ပဲလိုပါတယ်။ ဒါကြောင့်မို့လို့
ကိုယ့်ရဲ့ academic ကို ထောက်ခံပေးနိုင်သူ (၁)ဦး
ကိုယ့်ရဲ့ work experience ကို ထောက်ခံပေးနိုင်သူ (၁)ဦးကို
အကူညီတောင်းခံပြီး ရယူနိုင်ဖို့ အကြံပေးလိုပါတယ်။
_______________________________________

၃။ Undergraduate အတွက် degree အစား 2-year associate degree
ဖြစ်သွားပါတယ်။

DISP ဖော်ပြချက်အရ (၂)နှစ်တက်ပြီးရင်
အလုပ်လုပ်မလား ၊ ကျောင်းဆက်တက်မလားလို့ ရွေးလို့
ရနိုင်ပါတယ်။ ဒါကြောင့် undergraduate သမားတွေက
အခွင့်အရေးနည်းသွားပြီလို့ မတွေးစေချင်ပါဘူး။ (၂)နှစ်တက်ပြီးမှ
တခြား Scholarship တွေထပ်လျှောက်ပြီး degree ပြီးတဲ့အထိ
လျှောက်လှမ်းလို့ရနေပါသေးတယ်။

Undergraduate သမားတွေအတွက် scholarship တွေနည်းလို့
DISP က ခေါ်နေတုန်းလျှောက်ထားဖို့ အကြံပေးလိုပါတယ်။

_______________________________________

၄။ ရွေးချယ်ခံရပြီးရင် ပြင်ဆင်ဖို့အချိန်ပိုရပါတယ်။

ဒါကတော့ အရွေးချယ်ခံရပြီးမှ စဉ်းစားရမှာဖြစ်ပေမယ့်
ပူးတွဲဖော်ပြပေးလိုပါတယ်။ Cohort-1 ကတော့ ရွေးချယ်ခံရတာနဲ့
ကျောင်းသွားတက်ရတာက (၃)လပဲခြားခဲ့လို့ ပြင်ဆင်ချိန် တအားနည်းခဲ့ပေမယ့်
အခု cohort ကတော့ အချိန်ကောင်းကောင်းရမှာဖြစ်လို့
အရွေးချယ်ခံရဖို့ မဖြစ်မနေကြိုးစားကြပါလို့ အကြံပေးရင်း

Scholarship တွေရွေးချယ်ခံကြရပါစေလို့ ဆုမွန်ကောင်းတောင်းလိုက်ပါတယ်။

12/10/2024

Exchange, scholarship & fellowship program (၁၀)ခုကျော်ကို
ရရှိခဲ့ပြီးတဲ့နောက် အထူးသတိထားမိတာက Scholarship
Essay သည် ကိုယ်နောက်ထပ်သွားရမယ့် အဆင့်တွေကို
ဖွင့်လှစ်ပေးတဲ့တံခါးတချပ်ပဲဖြစ်ပါတယ်။

Scholarship essays တွေက First impression လို့ ထပ်ခါ
ပြောခဲ့ဖူးပါတယ်။ ဒါဆိုရင် essay ကောင်းတပုဒ်ကို ဘယ်လို
တည်ဆောက်ကြမလဲ။

Structure အရပြောရရင်
၁။ ကောင်းမွန်တဲ့ introduction နဲ့စတင်ပါ။
၂။ Essay တပုဒ်မှာ example (၁)ခု (၂)ခုလောက်ဖော်ပြပါ။
၃။ သေသေချာချာ ရှင်းလင်းပြောပြပေးပါ။
၄။ အပေါ်ကဖော်ပြထားတာတွေကို နောက်တကြိမ်
ထပ်မံအကျဉ်းချုပ်ဖော်ပြပြီး အဆုံးသတ်ပါ။

Content အရပြောရရင်
၁။ ကိုယ်လျှောက်ထားမယ့် အစီစဉ်က လိုချင်တဲ့ အပိုင်းတွေကို အသားပေးပါ။
၂။ ကိုယ်လုပ်ဆောင်ခဲ့တာတွေကို ထိထိမိမိ ကျစ်ကျစ်လစ်လစ်ရေးသားပါ။
၃။ ကိုယ့်ရဲ့ အားသာချက်၊ ခေါင်းဆောင်မှုတွေကို ပေါ်လွင်မှုရှိပါစေ။
၄။ ရိုးသားပွင့်လင်းမှုရှိပါ။ (အခုနောက်ပိုင်းမှာ AI အသုံးပြုတာကို coordinators တွေက‌ သေချာစစ်ဆေးပါတယ်။)
_______________________________________

တဆက်တည်းမှာပဲ Cohort-2 မှာ ကျောင်းသား (၁၀၀)ကျော်ကို
ပညာသင်ဆုထောက်ပံ့ပေးသွားမယ့် ရဲ့ မေးခွန်း (၂)ခုကို
အတူဆွေးနွေးကြည့်ရအောင်။

Essay-1ကတော့ ကိုယ်ဘာကြောင့် ဖော်ပြပါ ဘာသာရပ်တွေကို ရွေးချယ်တာလဲလို့
မေးထားတာဖြစ်ပါတယ်။

ဒီမေးခွန်းကိုဖြေဖို့အတွက်
၁။ ကျောင်းတွေရဲ့ ဖော်ပြချက်ကို ဝင်ဖတ်ပါ။
၂။ ဘာသာရပ်ဆိုင်ရာ အကြောင်းအရာတွေဝင်ဖတ်ပါ။
၃။ ကိုယ့်အတွက် ဘယ်လိုအသုံးဝင်မယ်၊ အခြားသူအတွက်
ဘယ်လိုအကျိုးရှိမလဲချိတ်ဆက်ပါ။
၄။ ပြီးရင်တော့ ကျောင်းရဲ့ ဖော်ပြချက်ကိုမှီငြမ်းပြီး
-ကိုယ်က ဘာကြောင့် လျှောက်ထားချင်တယ်
-ဘယ်လိုအတွေ့အကြုံရှိခဲ့တယ်
-ဘယ်နေရာတွေမှာ အသုံးပြုနိုင်မယ် စသဖြင့် စီကာပတ်ကုံးရေးသားနိုင်ပါတယ်။

Essay-2 ကတော့ ခေါင်းဆောင်အရည်အချင်းကို ပြသနိုင်စေမယ့် ခေါင်းစဉ်ပါ။

ဒီမေးခွန်းအတွက်ကတော့
၁။ ကိုယ်ကြုံတွေ့ခဲ့တဲ့ အခက်ခဲတွေထဲက အောင်မြင်စွာ ဖြေရှင်းနိုင်ခဲ့တာကို စဉ်းစားပါ။
၂။ အဲ့ဒီအထဲမှာမှ scholarship program ရဲ့ theme နဲ့ကိုက်ညီတဲ့ တခု ကို ရွေးပါ။
၃။ လိုအပ်တဲ့ ရှင်းပြမှုတွေကိုသုံးပြီး ခေါင်းဆောင်အရည်အသွေးကိုပြသပါ။
၄။ ခေါင်းဆောင်တယောက်ဆိုတာ နောက်လိုက်ကောင်းတယောက်လည်းဖြစ်ဖို့လိုပါတယ်။

_______________________________________

အခုလောက်ဆိုရင်တော့ essay တွေရေးဖို့ အတွေးတွေရပြီလို့ထင်ပါတယ်။
နောက်တခေါက်မှာတော့ essay ရေးဖို့ ဘယ်လိုတွေးတောရမလဲဆိုတာ
မျှဝေပေးသွားပါမယ်နော်။

10/10/2024

UK မှာ (၁)နှစ်တာ Master တန်းကို တက်ရောက်ဖို့ UK in Myanmar နဲ့ Myanmar Chevening Alumni တို့က အမေးအဖြေ အစီစဥ်လေး လုပ်ပေးသွားဖို့ ရှိပါတယ်။ အခွင့်အရေး အရယူလိုက်ပါ။

https://www.facebook.com/share/p/9Tctv56y4cGQiCDy/

🎓 မြန်မာ Chevening ကျောင်းသားဟောင်းများအဖွဲ့ Myanmar Chevening Alumni - MCA နဲ့ ပူးပေါင်းပြီး Chevening ပညာသင်ဆုအကြောင်း အမေးအဖြေအစီအစဥ်ပြုလုပ်သွားမှာဖြစ်ပါတယ်။

❓Chevening ပညာသင်ဆုလျှောက်လွှာဆိုင်ရာ မေးခွန်းများရှိပါက တက်ရောက်ဖို့ ဖိတ်ခေါ်လိုက်ပါတယ်။

✨ Chevening ပညာသင်ဆု လျှောက်လွှာများပိတ်ဖို့ တစ်လခန့်သာ လိုပါတော့တယ်။

✨ ယခု အမေးအဖြေကဏ္ဍဟာ ဗြိတိသျှသံရုံးမှ နောက်ဆုံးအကြိမ်ပြုလုပ်တဲ့ information အစီအစဥ်ဖြစ်တဲ့အတွက် စိတ်ပါဝင်စားသူများအနေနဲ့ လက်လွတ်မခံပဲ တက်ရောက်ကြဖို့ ဖိတ်ခေါ်လိုက်ပါတယ်။

📆 အောက်တိုဘာလ ၁၆ ရက်နေ့ (ဗုဒ္ဓဟူးနေ့)
⏰ ညနေ ၆း၀၀ မှ ၇း၃၀ အထိ
💻 Online

📌 တက်ရောက်ရန် စိတ်ပါဝင်စားသူများ https://forms.office.com/e/v9xAzg9pet မှာ စာရင်းပေးသွင်းနိုင်ပါတယ်။
🎓Join us for an exclusive Q&A session with members of our Myanmar Chevening Alumni - MCA to get insights, advice and answers to your burning questions to prepare your Chevening application.

✨ The Chevening application window closes in one month, so don’t miss this last information session organised by the British Embassy Yangon.

📆 Wednesday, 16 October
⏰ 6:00-7:30pm
💻 Online

📌 Please register here https://forms.office.com/e/v9xAzg9pet if you are interested in joining.

10/10/2024

Scholarship ရာသီပြန်ရောက်လို့လာပါပြီ။
DISP, Chevening, Prospect Burma အပါအဝင် အခြားသော အစီစဉ်တွေ စတင်ခေါ်ယူနေကြပြီဖြစ်ပါတယ်။ Teachers' Talk အနေနဲ့လည်း scholars တွေနဲ့ဖွဲ့စည်းထားတဲ့အလျှောက် ကိုယ်တိုင်ကြုံတွေ့ခဲ့ရတဲ့ အဆင့်တွေကို ဖော်ပြမျှဝေပေးသွားမှာဖြစ်ပါတယ်။

၁။ Scholarship တွေရဲ့လမ်းညွှန်မှုကို လိုက်နာပါ။
ခေါ်ယူတဲ့အဖွဲ့အစည်းပေါ်မူတည်ပြီး လုပ်ဆောင်ရတဲ့အချက်အလက်တွေက ကွာခြားကြတာဖြစ်ပါတယ်။
ဉပမာ - DISP ဆိုရင် ရွေးချယ်နိုင်တဲ့ကျောင်းတွေကို ကြိုပေးထားပါတယ်။ ကိုယ်နှစ်သက်ရာကို ရွေးပြီး form မှာထည့်ရုံပါပဲ။ အရွေးခံရရင် program ကလျှောက်ပေးတာပါ။

Chevening ဆိုရင် partnership university နဲ့ တခြား eligible university တွေကို ကိုယ်တိုင်ရှာ၊ ကိုယ်တိုင်လျှောက်ပြီး unconditional letter ကိုရယူထားရတာမျိုး စသဖြင့်ကွာပါတယ်။

ဒါကြောင့် သေချာကြိုတင် ဖတ်ရှု ရှာဖွေထားရပါမယ်။
___________________________________________________

၂။လိုအပ်တဲ့ စာရွက်စာတမ်းတွေကို ကြိုတင်ပြင်ဆင်ပါ။

အရင်နှစ်ကဆိုရင် DISP မှာဆိုရင် စလျှောက်တဲ့အချိန်မှာ transcripts တွေ မလိုပါဘူး။ ဒီနှစ်ဆိုရင်လိုပါတယ်။ အပေါ်ကအချက်လိုပဲ ကိုယ့်ဆီမှာ ရှိနေရမယ့် အထောက်အထားတွေဖြစ်တဲ့ အောင်လက်မှတ်၊ အမှတ်စာရင်း၊ ဘွဲ့လက်မှတ် မူရင်းတွေကို ရရှိထားရပါမယ်။ ဒီအရာတွေက ကိုယ်တက်မယ့်ကျောင်းတွေမှာလည်း မဖြစ်မနေပြရမှာဖြစ်လို့ ပြင်ဆင်ထားရပါမယ်။

___________________________________________________

၃။ Essay အတွက် စတင်ပြင်ဆင်ပါ။

Essay က ကိုယ့်ရဲ့ first impression ပါ။ TESOL International Organization မှာ ကျတော် review လုပ်တုန်းကဆိုရင် တကယ်သင့်လျှော်တဲ့ awardee တွေကို ပထမ စာကြောင်း (၃)ကြောင်းလောက် ဖတ်လိုက်ရုံနဲ့ ရှာတွေ့နိုင်ပါတယ်။ ကိုယ့်ရဲ့ essay ကို စိတ်ဝင်စားဖွယ်၊ scholarship program နဲ့ ကိုက်ညီတဲ့အချက်တွေပါအောင်ရေးသားပါ။

___________________________________________________

၄။ Recommendation letter တွေစတောင်းပါ။

ကိုယ့်ကို ထောက်ခံပေးမယ့်သူတွေကို ပြန်တွေးကြည့်ပါ။ အကုန်အလုပ်များနေကြသူတွေမဟုတ်လားနော်။ သူတို့ကို အချိန်တခုပေးပါ။ recommendation letter တောင်းတဲ့အချိန်မှာလည်း လိုအပ်တဲ့ အချက်အလက်တွေကို သေချာပေးထားဖို့လိုပါတယ်။

___________________________________________________

၅။ Information session တွေကို လိုက်တက်ပါ။

ကျတော့်အနေနဲ့ information session တွေကိုလုပ်ပေးဖြစ်ပြီး ဒီအစီစဉ်တွေကို တက်ရောက်သူတွေ အနေနဲ့လည်း scholarship တွေမှာ တကယ်ရွေးချယ်ခံကြရပါတယ်။ ဘာကြောင့်လဲဆိုတော့ သူတို့က အရေးကြီးတဲ့ အကြံပေးချက်၊ သတိထားရမယ့်အပိုင်း၊ ကောင်းမွန်တဲ့ အတွေးအမြင်တွေကို scholarship ရဖူးသူတွေဆီကနေ တိုက်ရိုက် လေ့လာဖွင့်ရကြလို့ပဲဖြစ်ပါတယ်။

___________________________________________________

သင်ကော scholarship တွေနဲ့ပတ်သက်ပြီး ဘာတွေသိချင်ပါသလဲ။
မေးခွန်းလေးတွေမေးထားလို့ရပါတယ်။ နောက် post တွေမှာ မျှဝေပေးသွားပါမယ်နော်။

19/06/2024

Teacher's Talk အနေနဲ့ Online training လုပ်မယ်ဆို ဘယ်ခေါင်းစဥ်တွေ လုပ်စေချင်ပါသလဲ?
ပြောပြပေးပါဦးနော်😊

09/02/2024

လေ့လာမှုကိုလျှော့နည်းစေတဲ့ Affective Filter အကြောင်းလေ့လာကြည့်ကြရအောင်။
https://youtu.be/sjLmu0pXZ_E?si=tL2gghY0IqSts3rC